Rashmika Mandanna : నేషనల్‌ క్రష్‌ రష్మిక ప్రేమలో ఉందా? ఆమె ఏమందంటే.. 

కన్నడ ముద్దుగుమ్మ రష్మిక మందన్నా వరుస సినిమాలు చేస్తూ తగ్గేదే లే అంటోంది. టాలీవుడ్‌తో స్టార్‌డమ్‌ సంపాందించుకున్న ఈ అమ్మడు కోలీవుడ్, బాలీవుడ్‌లో ఫుల్‌ బిజీగా ఉంది. 'పుష్ప' మూవీతో తెలుగు, తమిళం, హిందీ ఆడియెన్స్‌ల్లో విపరీతమైన క్రేజ్ సంపాదించుకుంది. గుడ్‌బై సినిమాతో బాలీవుడ్‌లో ఎంట్రీ ఇచ్చిన ఈ అమ్మడు తాజాగా తన ప్రేమ విషయం గురించి స్పందించింది.

ఓ ఇంటర్వ్యూలో భాగంగా రష్మికకు.. మిమ్మల్ని నేషనల్‌ క్రష్‌ అంటారు. మరి మీకు ఎవరిపై అయినా క్రష్‌ ఉందా? మీ లవ్‌ లైఫ్‌ గురించి ఏం చెప్తారు? అనే ప్రశ్న ఎదురైంది. దీనిపై ఆమె మాట్లాడుతూ.. 'ఇప్పటికే నేను అందుబాటులో ఉండటం లేదంటూ నా ఫ్రెండ్స్‌ అండ్‌ ఫ్యామిలీ మెంబర్స్‌ చెబుతుంటారు.రిలేషన్‌షిప్‌లో ఉన్నప్పుడు మనం చాలా టైమ్‌ ఇవ్వాలి.

చాలా ఓర్పుతో ఉండాలి. బంధం నిలబెట్టుకోవడానికి ప్రయత్నించాలి. ప్రస్తుతం సినిమాలతో నేను చాలా బిజీగా ఉన్నాను. నాకు అస్సలు టైమ్‌ ఉండటం లేదు. రాబోయే రోజుల్లో ఏదైనా ఉంటే చెబుతూ' అంటూ తానెవరితో రిలేషన్‌లో లేనంటూ పరోక్షంగా చెప్పుకొచ్చింది.