TV
యంగ్‌ టైగర్‌ ఎన్టీఆర్ పెద్ద కుమారుడు అభయ్ రామ్ సినిమాల్లోకి బాలనటుడిగా తెరంగేట్రం చేయనున్నాడు. అది కూడా సూపర్ స్టార్ మహేశ్బాబు కూతురు సితారతో కలిసి నటించబోతున్నాడు. ఇదే ఇప్పుడు ఇండస్ట్రీలో హాట్‌ టాపిక్‌ అయింది. దీంతో జూ.ఎన్టీఆర్ - మహేశ్బాబు ఫ్యాన్స్కు పండుగ లాంటి వార్త అయింది.
(ఇదీ చదవండి: గ్లామర్‌తో మతిపోగొడుతోన్న హనీరోజ్‌ .. సినిమా బ్యాన్‌ చేయాలంటూ..)
ఇప్పటికే రవితేజ, సుధీర్బాబు, మహేశ్ బాబు, అల్లు అర్జున్ సహా వారి పిల్లలు పలు సినిమాల్లో కనిపించారు. ఘట్టమనేని సితార సర్కారు వారి పాటలో కనిపించి ఫ్యాన్స్‌ను మెస్మరైజ్‌ చేసింది. తాజాగా జూనియర్ ఎన్టీఆర్ పెద్ద కుమారుడు అభయ్ రామ్ కూడా సినిమాల్లోకి రాబోతున్నట్లు తెలుస్తోంది. ఇప్పటికే మహేశ్ కూతురు సితార మల్టీటాలెంటెడ్గా మంచి గుర్తింపు తెచ్చుకుంది. దీంతో సోషల్మీడియాలోనూ ఆమెకు మంచి ఫాలోయింగ్ను సంపాదించుకుంది.
ఇండియాలోనే టాప్‌ దర్శకుడు అయిన రాజమౌళి తెరకెక్కించబోయే కొత్త సినిమాతో అభయ్ రామ్ ఎంట్రీ ఉండబోతుందని బలంగా ప్రచారం జరుగుతుంది. ప్రిన్స్‌ మహేశ్బాబుతో కలిసి రాజమౌళి ఓ భారీ అడ్వెంచర్ సినిమా చేయబోతున్న విషయం తెలిసిందే. ప్రస్తుతం ఈ సినిమాకు సంబంధించి ప్రీ ప్రొడక్షన్ పనులు జరుగుతున్నాయి. ఇదే సినిమాలో ఇంట్రడక్షన్ సీన్ దాదాపు 15 నిమిషాల పాటు ఉండనుందని సమాచారం. ఇందులో నటించేందుకు సితార - అభయ్ రామ్ను అక్కాతమ్ముళ్లుగా చూపించేందుకు జక్కన్న ప్లాన్‌ వేశారట. ఇప్పుడు ఇదే వార్త ఇండస్ట్రీలో చక్కర్లు కొడుతోంది. ఇదే నిజమైతే తారక్ కుమారుడు మొదటిసారి సిల్వర్ స్క్రీన్పై మెరిసినట్టవుతుంది.
(ఇదీ చదవండి: ‘బిగ్‌బాస్‌ 7’లోకి బ్యాంకాక్‌ పిల్ల.. వీడియోతో క్లారిటీ)
Comments
Please login to add a commentAdd a comment