TV
లోక నాయకుడు కమల్ హాసన్‌ నటిస్తున్న తాజా చిత్రం విక్రమ్‌. లోకేష్‌ కనగరాజు ఈ చిత్రానికి దర్శకత్వం వహించారు. కమల్ సొంత నిర్మాణ సంస్థ రాజ్ కమల్ ఇంటర్నేషనల్ ఫిలింస్ పతాకంపై భారీ బడ్జెట్‌తో తెరకెక్కిన ఈ సినిమాకు సంబంధించిన కీలక అప్‌డేట్‌ను రిలీజ్‌ చేశారు మేకర్స్‌. ఈనెల 15న ఈ సినిమా ట్రైలర్‌తో పాటు అదే రోజు సాయంత్రం గ్రాండ్‌గా ఆడియో లాంచింగ్‌ కార్యక్రమం ఉంటుందని ప్రకటించారు.
ఈ విషయాన్ని ప్రకటిస్తూ సేవ్‌ ది డేట్‌ అంటూ పోస్ట్‌ను వదిలారు. పొలిటికల్‌ యాక్షన్‌ థ్లిల్లర్‌గా సాగే ఈ మూవీలో తమిళ స్టార్‌ హీరో విజయ్ సేతుపతి, మలయాళీ పాపులర్‌ యాక్టర్‌ ఫహద్‌ ఫాజిల్‌ ప్రధాన పాత్రల్లో కనిపించనున్నారు. ఈ యాక్షన్‌ థ్రిల్లర్‌కు కోలీవుడ్‌ మ్యూజిక్ సెన్సేషన్‌ అనిరుధ్‌ సంగీతం అందించారు. జూన్‌ 3న ఈ సినిమా ప్రపంచ వ్యాప్తంగా ప్రేక్షకుల ముందుకు రానుంది.
Comments
Please login to add a commentAdd a comment