మలయాళంలోకి డబ్బింగ్‌ కానున్న 'లవ్ స్టోరీ'

అక్కినేని నాగ చైతన్య, సాయి పల్లవి జంట శేఖర్‌ కమ్ముల దర్శకత్వంలో తెరకెక్కిన చిత్రం ‘లవ్‌స్టోరీ’. సెకండ్ వేవ్ తరువాత థియేటర్లకు పెద్ద సంఖ్యలో జనాలను రప్పించిన సినిమా ఇది. సెప్టెంబర్ 24వ తేదీన విడుదలైన ఈ చిత్రం మంచి విజయాన్ని అందుకోవడమే కాకుండా.. ఎంతోమంది మనసులను దోచుకుంది. కథా కథనాలే కాకుండా పాటలు సైతం ప్రేక్షకులను ఆకట్టుకున్నాయి.

అంత మంచి విజయాన్ని అందుకున్న ఈ సినిమా త్వరలోనే మలయాళీ ప్రేక్షకులను పలకరించనుంది. ఈ మూవీ డబ్బింగ్‌ వెర్షన్‌ ‘ప్రేమ తీరం’ని ఈ నెల 29వ తేదీన అక్కడ విడుదల చేయనున్నారు. కాగా కేరళలోనూ ‘ప్రేమమ్‌’ సినిమాతో సాయిపల్లవికి మంచి ఫాలోయింగ్‌ ఏర్పడింది. దీంతో అక్కడ సైతం ఈ మూవీ మంచి కలెక్షన్లను రాబడుతుందని విశ్లేషకులు అంచనా వేస్తున్నారు.

చదవండి: ‘ల‌వ్‌స్టోరి’ ఓటీటీ రిలీజ్ డేట్ ఇదే.. ట్రైల‌ర్ అదిరిందిగా..