సినీ ఇండస్ట్రీలో నటీనటులు ఎదర్కొనే వేధింపుల గురించి తెలిసిందే. లైంగిక వేధింపులు లేదా అభ్యంతరకర సన్నివేశాల్లో నటించాలంటూ వారిని బలవంతం చేస్తుంటారు. అయితే అవకాశాలు, డబ్బు కోసం మరోదారి లేక కొందరు బలవంతంగా వారు చెప్పింది చేస్తుంటారు. కానీ, ఇలాంటి సంఘటనలు ఎదుర్కొనేది ఎక్కువ నటీమణులే. మీ టూ ఉద్యమం ద్వారా ఎందరో నటీమణలు, హీరోయిన్లు దర్శక-నిర్మాతల నుంచి వారు ఎదుర్కొన్న చేదు అనుభవాలను బయటపెట్టిన సంఘటనలు చాలా ఉన్నాయి. అయితే తాజాగా సౌత్‌ సినీ ఇండస్ట్రీలో జరిగిన ఓ సంఘటన అశ్యర్యానికి గురి చేస్తోంది. చదవండి: ఆరోగ్యంపై స్పందించిన పంచ్‌ ప్రసాద్‌, ముక్కులోంచి రక్తం... ఓ నటుడిని మహిళా దర్శకుడు వేధింపులకు గురి చేసి జైలు పాలైన ఘటన ఆలస్యంగా వెలుగులోకి వచ్చింది. వివరాలు.. కేరళ చిత్ర పరిశ్రమకు చెందిన లక్ష్మి దీప అనే లేడీ డైరెక్టర్‌ ఇప్పుడిప్పుడే ఇండస్ట్రీలో గుర్తింపు పొందుతుంది. ఇప్పటికే ఆమె పలు సినిమాలు తెరకెక్కించి  సక్సెస్‌ అందుకుంది. ఈ క్రమంలో ఆమె గతేడాది ఓ వెబ్‌ సిరీస్‌ను తెరకెక్కిచింది. అయితే ఈ వెబ్‌ సిరీస్‌లో నటించిన ప్రధాన నటుడు ఆమెపై సంచలన ఆరోపణలు చేస్తూ కోర్టును ఆశ్రయించాడు.  దీంతో అతడి పటిషన్‌ను విచారించిన కోర్టు దీపను అరెస్ట్‌ చేయాల్సిందిగా కేరళ పోలీసులను ఆదేశించింది. దీంతో రెండు రోజులు క్రితం పోలీసులు ఆమెను అరెస్ట్‌ చేసి కోర్టు హాజరు పరిచారు. చదవండి: ఆ స్టార్‌ హీరోల సినిమాను తిరస్కరించిన సాయి పల్లవి ‘డైరెక్టర్‌ లక్ష్మీ దీప ఓ వెబ్‌ సిరీస్‌ కోసం గతేడాది నన్ను సంప్రదించింది. నన్ను హీరోగా చేస్తానని చెప్పింది. దీనికి నాతో ఒప్పందం కూడా కుదర్చుకుంది. నాపై కొన్ని సీన్లను చిత్రీకరించిన అనంతరం అభ్యంతకర సీన్స్‌లో నటించాలని చెప్పింది. దానికి నేను ఒప్పుకోకపోవడంతో నన్ను బలవంతం చేసింది. కాంట్రాక్ట్‌ పేరుతో నన్ను బయపెట్టి ఆ పాడు సీన్లలో నటించేలా చేసింది. దీనికి సంబంధించిన షూటింగ్‌ 2022లో అరువిక్కురలోన ఓ ప్లాట్‌లో చోటు చేసుకుంది’ అని సదరు నటుడు తన ఫిర్యాదులో పేర్కొన్నాడు. మొదట అతడు పోలీసులకు ఫిర్యాదు చేయగా దీపపై ఎలాంటి చర్యలు తీసుకోకపోవడం అతడు కోర్టు ఆశ్రయించినట్లు సమాచారం. 

సినీ పరిశ్రమలో మరో విషాదం చోటు చేసుకుంది. ప్రముఖ మలయాళ నటి, యాంకర్‌ సుబి సురేశ్‌(41) కన్నుమూశారు. కొంతకాలంగా లివర్‌ సంబంధిత సమస్యలతో బాధపడుతున్న ఆమె ఇటీవల ఆస్పత్రి చేరారు. చికత్స పొందుతున్న క్రమంలో పరిస్థితి విషమించి బుధవారం(ఫిబ్రవరి 22) ఉదయం తుదిశ్వాస విడిచారు. చిన్న వయసులోనే సుబి సురేశ్‌ మృతి చెందడంతో మాలీవుడ్‌ పరిశ్రమలో విషాదం నెలకొంది. ఆమె మృతిపై మలయాళ సినీ ప్రముఖులు, సహా నటీనటులు దిగ్భ్రాంతి వ్యక్తం చేస్తున్నారు. ఆమె ఆత్మకు శాంతి చేకురాలని ప్రార్థిస్తూ సోషల్‌ మీడియా వేదికగా నివాళులు అర్పిస్తున్నారు. కాగా యాంకర్‌గా, నటిగా సుబి సురేశ్‌కు మలయాళంలో మంచి క్రేజ్‌ ఉంది. యాంకర్‌గా పలు టీవీ షోలతో అలరించిన ఆమె గృహనాథన్, తస్కర లహల, ఎల్సమ్మా ఎన్న ఆన్ కుట్టీ సినిమాల్లోనూ నటించి మెప్పించింది.  Cinema Serial artist #SubiSuresh passed away..!! Was in treatment for disease related to liver. Shocking...!!!! RIP 🙏🏻 pic.twitter.com/jq4gSPbz7X — Arjun 🪓 (@ArjunVcOnline) February 22, 2023 చదవండి:  విశ్వనాథ్‌గారు నాపై అలిగారు, చాలా రోజులు మాట్లాడలేదు: జయసుధ నటుడు ప్రభుకి తీవ్ర అస్వస్థత, ఆస్పత్రిలో చేరిక

నటిగా, నిర్మాతగా హ్యాపీ జీవితాన్ని గడుపుతోంది నటి ఐశ్వర్యలక్ష్మి. నటుడు విశాల్‌ కథానాయకుడిగా నటించిన యాక్షన్‌ చిత్రం ద్వారా కోలీవుడ్‌కు పరిచయమైంది ఈ మలయాళ బ్యూటీ. ఆ తరువాత ధనుష్‌ హీరోగా నటించిన ‘జగమే తందితరం’ చిత్రంలో శ్రీలంక తమిళ భాష మాట్లాడి అందరినీ ఆకట్టుకున్నారు. ఇక మణిరత్నం దర్శకత్వంలో తెరకెక్కిన భారీ చారిత్రక చిత్రం పొన్నియిన్‌ సెల్వన్‌లో పూంగుళళీ పాత్రలో నటించారు. ఇందులో నటనకు గాను సినీ ప్రముఖుల ప్రశంసలను అందుకున్నారు. చదవండి: అందుకే సినిమాలకు గ్యాప్‌ తీసుకున్నా: నటుడు అజయ్‌ మాతృభాషలోనూ నటిస్తున్న ఈమె నిర్మాతగానూ అవతారమెత్తి విజయాలను అందుకుంటున్నారు. నటి సాయిపల్లవి నటించిన గార్గీ చిత్రాన్ని ఆమె నిర్మించారు. ఈ మూవీ మలయాళంతో పాటు తమిళ్‌ తదితర భాషల్లోనూ విడుదలై ఘన విజయాన్ని సాధించింది. ప్రస్తుతం తెలుగులో కథానాయకిగా ప్రధాన పాత్రను పోషించిన అమ్ము చిత్రం నిర్మాణం పూర్తి చేసుకుని ఈ నెల 19వ తేదీ నుంచి అమెజాన్‌ ప్రైమ్‌ ఓటీటీలో స్ట్రీమింగ్‌కు సిద్ధమవుతోంది. అలాగే ఐశ్వర్యలక్ష్మి మలయాళంలో నటించి, నిర్మించిన కుమారి అనే చిత్రం కూడా నిర్మాణ కార్యక్రమం పూర్తి చేసుకుని ఈ నెల 28వ తేదీన విడుదలకు ముస్తాబవుతోంది. చదవండి: ‘బాహుబలి’ ఆఫర్‌ వదులుకున్నందుకు గర్వపడుతున్నా: మంచు లక్ష్మి గార్గీ వంటి విజయవంతమైన చిత్రం తరువాత తాను నిర్మించిన చిత్రం కుమారి ఐశ్వర్యలక్ష్మి పేర్కొన్నారు. ఇది హీరోయిన్‌ ఓరియంటెడ్‌ కథా చిత్రమని, ఇలా మూడు భాషల్లో మూడు మంచి పాత్రల్లో వరుసగా నటించడం సంతోషంగా ఉందన్నారు. ప్రస్తుతం తమిళంలో నటుడు విష్ణు విశాల్‌కు జంటగా కట్టా కుస్తా చిత్రం, ప్రియా దర్శకత్వంలో అశోక్‌ సెల్వన్, వసంత రవిలతో కలిసి ఓ సినిమాలో నటిస్తున్నట్లు తెలిపారు. అదే విధంగా మలయాళంలో మమ్ముట్టితో క్రిస్టోఫర్, కింగ్‌ ఆఫ్‌ గోవా చిత్రంలో దుల్కర్‌ సల్మాన్‌కు జంటగా నటిస్తున్నట్లు చెప్పారు.

తొలి చిత్రం ‘ఉప్పెన’తోనే తెలుగులో క్రేజీ హీరోయిన్‌గా మారిపోయిన కృతీ శెట్టి మాలీవుడ్‌కి హాయ్‌ చెబుతున్నారు. టోవినో థామస్‌ హీరోగా మలయాళంలో ‘అజయంటే రందం మోషణం’ అనే పాన్‌ ఇండియా ఫిల్మ్‌ తెరకెక్కుతోంది. ఈ సినిమాలోనే కృతీ శెట్టి ఓ హీరోయిన్‌గా నటిస్తున్నారు. ఈ సినిమాతో జితిన్‌ లాల్‌ దర్శకుడిగా పరిచయం అవుతున్నారు. ఐశ్వర్యా రాజేష్‌, సురభి లక్ష్మీ కూడా కథానాయికలుగా కనిపిస్తారు. చదవండి: టాలీవుడ్‌ ఎంట్రీ ఇస్తున్న నటి భాగ్యశ్రీ కూతురు, బెల్లంకొండ హీరోతో జోడి ‘‘మూడు యుగాల కథాంశంతో తెరకెక్కుతున్న ఈ సినిమాలో టోవినో థామస్‌ మూడు పాత్రల్లో కనిపిస్తారు. మణియన్, అజయన్, కుంజికే పాత్రలు పోషిస్తున్నారాయన. కథ రీత్యా కేరళలోని కలరి మార్షల్‌ ఆర్ట్స్‌కు ఎక్కువ ప్రాధాన్యత ఉంది. దీంతో కలరి విద్యలో టోవినో ప్రత్యేక శిక్షణ తీసుకోవడం జరిగింది’’ అని చిత్ర యూనిట్‌ పేర్కొంది.  

అత్యుత్సాహంతో ఓ అభిమాని చేసిన పనికి హీరోయిన్‌ అతడి చెంప చెళ్లుమనిపించిన వీడియో ప్రస్తుతం నెట్టింట వైరల్‌గా మారింది. కేరళలోని ఓ మాల్‌లో జరిగిన మూవీ ప్రమోషన్‌ ఈవెంట్‌లో ఈ సంఘటన చోటు చేసుకుంది. వివరాలు.. ప్రముఖ మలయాళ హీరోయిన్స్‌ సానియా అయ్యప్పన్‌, గ్రేస్‌ ఆంటోనిలు ప్రధాన పాత్రలో తెరకెక్కిన చిత్రం సాటర్‌డే నైట్‌. ఈ మూవీ త్వరలో విడుదల కాబోతున్న నేపథ్యంలో కేరళలోని ఓ మాల్లో ప్రమోషన్‌ ఈవెంట్‌ను నిర్వహించారు. ఈ సందర్భంగా అక్కడికి అభిమానులు భారీగా తరలివచ్చారు.  చదవండి: నానమ్మను తలుచుకుంటూ వెక్కి వెక్కి ఏడ్చిన సితార ఈ కార్యక్రమం అనంతరం సానియా, గ్రేస్‌ ఆంటోనిలు మాల్‌ నుంచి బయటకు వస్తున్న క్రమంలో అభిమానులంత అత్యత్సాహంతో వారి వెంట కదిలారు. ఈ క్రమంలో కొందరు వారి పట్ల ఆసభ్యంగా ప్రవర్తించారు. అంతేకాదు ఏకంగా ఓ వ్యక్తి హీరోయిన్‌ గ్రేస్‌ ఒంటిపై చేయి వేశాడు. దీంతో ఆగ్రహించిన సానియా అయ్యప్పన్‌ వెనక్కి తిరిగి అతడి చెంప చెళ్లుమనిపించింది.  ప్రస్తుతం ఈ వీడియో సోషల్‌ మీడియాలో వైరల్‌గా మారింది. ఇక ఇంటికి వెళ్లిన సానియా సోషల్‌ మీడియా వేదికగా ఈ సంఘటనపై స్పందించింది.  ‘నేను, మూవీ యూనిట్‌ కలిసి మా తాజా చిత్రం సాటర్‌డే నైట్‌ ప్రమోషన్స్‌ నేపథ్యంలో కాళికట్‌లోని మాల్‌కు వెళ్లాం. అక్కడికి వచ్చి మాపై చూపించిన  మీ అభిమానానికి ధన్యవాదాలు’ అంటూ ఇన్‌స్టాగ్రామ్‌లో రాసుకొచ్చింది.   చదవండి: హీరో విశాల్‌ ఇంటిపై దాడి కలకలం, ధ్వంసమైన కిటికి అద్దాలు అలాగే ‘ఈ సందర్భంగా మాల్‌ అంతా అభిమానులతో కిక్కిరిసిపోయింది. దీంతో వారందరిని అదుపు చేసేందుకు బాడిగార్డ్స్‌ చాలా ఇబ్బంది పడ్డారు. ఈవెంట్‌ ముగిసన అనంతరం నేను, నా కోస్టార్‌ గ్రేస్‌ బయటకు వస్తున్న క్రమంలో కొందరు మా పట్ల అసభ్యంగా ప్రవర్తించారు. అంతేకాదు ఓ వ్యక్తి నా కోస్టార్‌పై చేయి వేశాడు. అయితే ఆ రద్దిలో ఏం జరుగుతుంది, పరిస్థితిని కంట్రోల్‌ చేసే పరిస్థితి ఆమె చేతిలో లేదు. అందువల్లే నేను అలా రియాక్ట్‌ అవ్వాల్సి వచ్చింది. ఇలాంటి పరిస్థితులు ఏ అమ్మాయి ఎదురుకావద్దని కోరుకుంటున్నా. మహిళలకు వ్యతిరేకంగా అసభ్యంగా ప్రవర్తించే ఇలాంటి వారిపై చట్టపరమైన చర్యలు తీసుకుని కఠినంగా శిక్షించాలి’ అంటూ ఆమె ఇన్‌స్టాగ్రామ్‌లో పోస్ట్‌ చేసింది. కాగా సానియా అయ్యప్పన్‌ మోహన్‌ లాల్‌ లూసిఫర్‌లో ఓ కి రోల్‌ పోషించింది.  #Malayalam actresses #SaniyaIyappan, #GraceAntony sexually #harassed during #filmpromotions The incident took place when the two #actresses were promoting their upcoming film '#SaturdayNight' at the Hilite mall in #Kozhikode.https://t.co/OO6SgSmlK5#MalayalamActress #Shocking pic.twitter.com/OvBFiAsuz5 — Free Press Journal (@fpjindia) September 28, 2022

అక్కినేని నాగ చైతన్య, సాయి పల్లవి జంట శేఖర్‌ కమ్ముల దర్శకత్వంలో తెరకెక్కిన చిత్రం ‘లవ్‌స్టోరీ’. సెకండ్ వేవ్ తరువాత థియేటర్లకు పెద్ద సంఖ్యలో జనాలను రప్పించిన సినిమా ఇది. సెప్టెంబర్ 24వ తేదీన విడుదలైన ఈ చిత్రం మంచి విజయాన్ని అందుకోవడమే కాకుండా.. ఎంతోమంది మనసులను దోచుకుంది. కథా కథనాలే కాకుండా పాటలు సైతం ప్రేక్షకులను ఆకట్టుకున్నాయి. అంత మంచి విజయాన్ని అందుకున్న ఈ సినిమా త్వరలోనే మలయాళీ ప్రేక్షకులను పలకరించనుంది. ఈ మూవీ డబ్బింగ్‌ వెర్షన్‌ ‘ప్రేమ తీరం’ని ఈ నెల 29వ తేదీన అక్కడ విడుదల చేయనున్నారు. కాగా కేరళలోనూ ‘ప్రేమమ్‌’ సినిమాతో సాయిపల్లవికి మంచి ఫాలోయింగ్‌ ఏర్పడింది. దీంతో అక్కడ సైతం ఈ మూవీ మంచి కలెక్షన్లను రాబడుతుందని విశ్లేషకులు అంచనా వేస్తున్నారు. చదవండి: ‘ల‌వ్‌స్టోరి’ ఓటీటీ రిలీజ్ డేట్ ఇదే.. ట్రైల‌ర్ అదిరిందిగా..

సాక్షి, సినిమా: స్వీటీ మాలీవుడ్‌ ఎంట్రీ షురూ అయ్యిందంటున్నారు సినీ వర్గాలు. బెంగళూరుకు చెందిన యోగా టీచర్‌ అనుష్క. సూపర్‌ చిత్రం ద్వారా టాలీవుడ్‌కు నాయకిగా ఎంట్రీ ఇచ్చిన ఈ బ్యూటీ అదే విధంగా రెండో చిత్రంతో కోలీవుడ్‌కు పరిచయం అయ్యారు. అయితే టాలీవుడ్‌నే అనుష్కను ఆదరించింది. ఆదిలో అందాలారబోసినా, అరుంధతి చిత్రం అనుష్క సినీ జీవితాన్ని మార్చేసింది. అప్పటి నుంచి హీరోయిన్‌ ఓరియెంటెడ్‌ కథా చిత్రాలు అనుష్క తలుపుతట్టడం మొదలెట్టాయి. కోలీవుడ్‌లో అడపాదడపా నటిస్తూ ఇక్కడా తన ఉనికిని చాటు కుంటున్న అనుష్క బాహబలి సిరీస్, భాగమతి వంటి చిత్రాలు తన స్థాయిని మరింత పెంచేశాయి. అయితే మొదటి నుంచి ఎక్కువ చిత్రాలు చేయాలని కాకుండా మంచి కథా పాత్రల్లో నటించడానికే ఈ స్వీటీ ఆసక్తి చూపుతున్నారు. భాగమతి చిత్రం మంచి విజయం సాధించినా, మరో చిత్రం ఇప్పటి వరకూ కన్ఫార్మ్‌ కాలేదు. అయితే గౌతమ్‌మీనన్‌ దర్శకత్వంలో నటించడానికి అంగీకరించినట్లు ఇటీవల అనుష్కనే స్వయంగా వెల్లడించారు. అయితే అది ఎప్పుడు ప్రారంభం అవుతుందో తెలియదు. మధ్యలో అనుష్కకు పెళ్లి చేయాలని ఆమె తల్లిదండ్రులు భావిస్తున్నారు. వయసు పెరుగుతోందని పెళ్లికి ఒత్తిడి చేయడంతో అనుష్క కూడా ఈ ఏడాది చేసుకుంటానని వారికి మాట ఇచ్చినట్లు ప్రచారం. ఇలాంటి పరిస్థితుల్లో మాలీవుడ్‌ ఎంట్రీకి రంగం సిద్ధమైందని, మలయాళ సూపర్‌స్టార్‌ మమ్ముట్టితో జతకట్టేందుకు రెడీ అవుతున్నారన్నది తాజా సమాచారం. మలయాళంలో నటించాలన్న కోరిక అనుష్కకు చాలా కాలంగానే ఉందట. అయితే అలాంటి మంచి అవకాశం కోసం ఎదురు చూస్తుండగా మమ్ముట్టి సరసన అనగానే అంగీకరించినట్లు తెలిసింది. దీనికి శరత్‌ సందీప్‌ దర్శకత్వం వహించనున్నారు. ఈయన ఇంతకు ముందు మమ్మట్టి హీరోగా పరోల్‌ అనే చిత్రాన్ని తెరకెక్కించారన్నది గమనార్హం. అనుష్క మాలీవుడ్‌ ఎంట్రీ చిత్రం గురించి త్వరలోనే అధికారికపూర్వ ప్రకటన వెలువడే అవకాశం ఉంది.


  ఒక భాషలో కాకపోతే ఇంకో భాషలో అదృష్టాన్ని పరీక్షించుకునే అవకాశం హీరోల కంటే హీరోయిన్లకు అధికం అని ప్రత్యేకంగా చెప్పనవసరం లేదు. అలాగే ఒక భాషలో ఐరన్ లెగ్‌గా ముద్ర పడిన నటీమణులు ఇతర భాషల్లో లక్కీ నాయకిలైన సందర్భాలు చాలా ఉన్నాయి. ఉదాహరణకు నటి శ్రుతీహాసన్‌నే తీసుకుంటే తొలుత హిందీలో లక్ అనే చిత్రంతో నాయకిగా పరిచయం అయ్యారు. అది ఆమెకి కిక్ ఇచ్చి ఉండవచ్చు గానీ లక్‌ను మాత్రం అందించలేదు. అదే విధంగా తెలుగులో నటించిన తొలి చిత్రం నిరాశనే మిగిల్చింది. ఇక తమిళంలో నటించిన 7 ఆమ్ అరివు ఆశించిన విజయాన్ని అందించలేదు.
  
  ఇలా మూడు భాషల్లో ఆదిలో అపజయాలనే చవి చూసిన శ్రుతీహాసన్ ఇప్పుడు టాప్ హీరోయిన్‌గా వెలుగొందుతున్నారు. బాల నటిగా అంజలి చిత్రంతో జాతీయ అవార్డును అందుకున్న నటి షామిలి. అనేక చిత్రాలలో అబ్బురపరచే అభినయాన్ని ప్రదర్శించి, విజయాలతో పాటు ప్రశంసలు అందుకున్నారు ఈమె. కథానాయకిగా అలాంటి విజయం ఒక్కటి కూడా దరి చేరలేదు. షామిలీ నాయకిగా ఓయ్ అనే తెలుగు చిత్రం ద్వారా రంగప్రవేశం చేశారు. ఆ చిత్రం అంతగా ఆడలేదు. ఆ తరువాత మలయాళంలో వళ్లియం తెట్టి పెళ్లియం తెట్టి అనే చిత్రంలోనూ నటించారు. అదీ అంతగా విజయం సాధించలేదు. దీంతో  నటనకు కొంత గ్యాప్ ఇచ్చి అమెరికాలో సినిమాకు సంబంధించిన విద్యను అభ్యసించడానికి వెళ్లారు.
  
  అనంతరం చెన్నైకి తిరిగొచ్చిన షామిలీ మళ్లీ నటనకు సిద్ధం అయ్యారు. రావడానికి చాలా అవకాశాలు వచ్చాయి. అందులో ధనుష్‌కు జంటగా కొడి చిత్రంలో నటించడానికి అంగీకరించారు. అయితే చివరి నిమిషంలో ఆ చిత్రం నుంచి వైదొలగారు. (కాదు తొలగించారన్న ప్రచారం కూడా జరిగింది) కాగా ప్రస్తుతం విక్రమ్‌ప్రభు సరసన వీరశివాజీ చిత్రంలో నటిస్తున్నారు. ఈ చిత్రం తరువాత త నకు మంచి అవకాశాలు వస్తాయన్న ఆశతో ఉన్న షామిలీకి ప్రస్తుతం ఇక్కడ కొత్త అవకాశాలు లేవు. తాజాగా మాలీవుడ్‌పై దృష్టి సారిస్తున్నట్లు సమాచారం. కొందరు దర్శకుల కథలు వింటున్నారనీ, త్వరలోనే అక్కడ రీఎంట్రీకి బాటలు పడే అవకాశం ఉందనీ కోలీవుడ్ వర్గాలు టాక్.


 కొచ్చి: ప్రముఖ మళయాళ సినిమా నిర్మాత,దర్శకుడు, సినిమాటోగ్రాఫర్ అమల్ నీరద్, ప్రముఖ నటి జ్యోతిర్మయి శనివారం పెళ్లి చేసుకున్నారు. సన్నిహిత బంధుమిత్రుల సమక్షంలో వీరిద్దరూ స్థానికి సబ్ రిజిస్టర్ కార్యాలయంలో వివాహం చేసుకున్నారు. కోల్కతాలోని సత్యజిత్రే ఫిల్మ్ అండ్ టీవీ ఇన్స్టిట్యూట్లో గ్రాడ్యూయేషన్ పూర్తి చేసిన తరువాత నీరద్ సినిమాటోగ్రాఫర్గా సినీ రంగప్రవేశం చేశారు. ఆ తరువాత నిర్మాత, దర్శకుడిగా మారి బిగ్ బీ, సాగర్ అలియాస్ జాకీ వంటి బ్లాక్ బస్టర్ చిత్రాలు నిర్మించారు. బిగ్ బీలో ముమ్ముట్టీ నటించారు.
 
 టీవీ సీరియల్స్లో నటించడం మొదలు పెట్టిన జ్యోతిర్మయి ఆ తరువాత సినిమా రంగంలోకి ప్రవేశించింది. దాదాపు 35 సినిమాలలో నటించి మంచి పేరు తెచ్చుకుంది. ఆమె నటించిన 'మీషా మాధవన్', 'పటాలం' రెండు చిత్రాలు బ్లాక్బస్టర్ల్సే. జ్యోతిర్మయికి ఇది రెండవ పెళ్లి. ఐటీ నిపుణుడైన ఆమె మొదటి భర్త నుంచి 2011లో విడాకులు తీసుకున్నారు.


 మాలీవుడ్ మాదే అని అంటున్నారు చెన్నై భామ సమంత. ఈ బ్యూటి మాటలకు కొంచెం క్లారిటీ కావాలా? ఈ అమ్మడి తల్లి కేరళలోని ఆలప్పుళంలో జన్మించారట. దీంతో మాలీవుడ్ తన మాతృగడ్డేనంటున్నారు. ఇంతకీ ఈ బ్యూటి గోడేమిటంటారా? ప్రస్తుతం టాలీవుడ్, కోలీవుడ్‌లో స్టార్ హీరోల సరసన నటిస్తూ క్రేజి హీరోయిన్‌గా వెలిగిపోతున్నారు. మరో విశేషం ఏమిటంటే ఇటీవలే బాలీవుడ్ నుంచి సమంతకు పిలుపు వచ్చింది. అక్కడ క్రేజీ స్టార్ అక్షయ్‌కుమార్‌తో రొమాన్స్‌కు రెడీ అవుతున్నారు.
 
 దీంతో మరో కోలీవుడ్ లక్కీ హీరోయిన్ శ్రుతిహాసన్‌కు సమంత పోటీగా తయారవుతున్నట్లు ప్రచారం జోరందుకుంది. నటి సమంత తాజాగా మాలీవుడ్‌పై కన్నేసినట్లు తెలుస్తోంది. ఇటీవల ఈ ముద్దుగుమ్మ మలయాళంలో నటించాలనే ఆకాంక్షను వ్యక్తం చేశారు. ఈ సందర్భంలోనే తన తల్లి పుట్టింది ఆలప్పుళం అనే విషయాన్ని బయటపెట్టి ఆ విధంగా సెంటిమెంట్‌తో మాలీవుడ్‌లోనూ పాగా వేయాలని చూస్తున్నట్లు చెప్పకనే చెప్పింది.
 
 ఏదేమైనా సమంత మాలీవుడ్ కోరిక అక్కడి హీరోయిన్లకు పెద్దగానే షాక్ ఇచ్చింది. వాస్తవానికి అక్కడ హీరోయిన్ల కొరత ఉంది. ప్రస్తుతం మలయాళ చిత్ర పరిశ్రమలో ప్రముఖ హీరోయిన్లుగా వెలుగొందుతున్న కావ్యా మాధవన్, రీమా కళింగళ్, మంజు వారియర్, అనన్య వంటి వారు వివాహితులయ్యారు.
 
 ఇకపోతే అక్కడ యువ హీరోయిన్లుగా పరిచయమైన కొందరు కోలీవుడ్‌లో అవకాశాలు రావడంతో జంప్ జలాని బాట పడుతున్నారు. మేగ్నారాజ్, భావన, భామ వంటి హీరోయిన్లు మాలీవుడ్‌పై దృష్టి సారిస్తున్నారు. ఇక సమంత విషయానికొస్తే టాలీవుడ్, కోలీవుడ్‌లో మాదిరిగానే మాలీవుడ్‌లోను చక్రం తిప్పాలని ఆశిస్తున్నారు. ఇక ఈ జాణ ఆకాంక్ష ఎంత వరకు నెరవేరుతుంతో చూడాలి.


 నేను ప్రేమలో పడ్డానని అంటోంది నటి భావన. మాలీవుడ్‌కు చెందిన ఈ బ్యూటీ కోలీవుడ్‌లో చిత్తిరం పేసుదడి చిత్రం ద్వారా రంగ ప్రవేశం చేసింది. ఆ తర్వాత జయంకొండాన్, దీపావళి తదితర చిత్రాలు చేసినా ఆశించిన స్థాయికి చేరుకోలేదు. దీంతో టాలీవుడ్‌పై దృష్టి సారించింది. అక్కడ వరుసగా కొన్ని చిత్రాలు చేసినా అనుష్క, కాజల్ అగర్వాల్ వంటి అందాల తారల ధాటికి నిలబడలేకపోయింది. మళ్లీ మాతృగడ్డకే తిరుగు ప్రయూణమైంది. ప్రస్తుతం మలయాళం, కన్నడం చిత్రాల్లో నటిస్తోంది. ఈ ముద్దుగుమ్మ చిత్ర పరిశ్రమకు చెందిన ఒకరి ప్రేమలో పడినట్లు వీరి షికారు చూసిన వారు ప్రచారం చేస్తున్నారు. ఇప్పటి వరకు ప్రేమ, దోమ లేదంటూ తప్పించుకుంటూ వచ్చిన భావన తాజాగా ప్రేమలో పడినట్లు అంగీకరించింది.
  
  దీని గురించి ఆమె తెలుపుతూ మనసుకు నచ్చిన వ్యక్తిని ప్రేమిస్తున్నానని, ఆయన చిత్ర పరిశ్రమకు చెందిన వారేనని చిన్న క్లూ కూడా ఇచ్చింది. రెండేళ్ల క్రితం ఏర్పడిన పరిచయం స్నేహంగా మారి ఇప్పుడు ప్రేమికులమయ్యూమని తెలిపింది. తన గత జీవితం గురించి పూర్తిగా తెలిసిన వ్యక్తి ఆయనని అంటోంది. ఈ ఏడాదిలోనే పెళ్లి చేసుకోనున్నట్లు వెల్లడించింది. ఈ ప్రేమజంట త్వరలో గురువాయూర్ ఆలయంలో వివాహం చేసుకోవడానికి సిద్ధం అవుతున్నట్లు మాలీవుడ్ వర్గాల సమాచారం.