TV
మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ మల్టీస్టారర్లుగా తెరకెక్కిన చిత్రం ఆర్‌ఆర్‌ఆర్‌. రాజమౌళి దర్శకత్వం వహించిన ఈ చిత్రం బాక్సాఫీస్‌ రికార్డులను తిరగరాసింది. వెయ్యి కోట్లకు పైగా వసూళ్లను సాధించి తెలుగు సినిమా సత్తా ఏంటో నిరూపించింది. ఇక ఇటీవలె ఇప్పటికే ఈ సినిమా నుంచి విడుదలైన ‘కొమ్మ ఉయ్యాలా’,‘నాటు నాటు’వీడియో సాంగ్స్‌ యూట్యూబ్‌ను షేక్‌ చేస్తున్న సంగతి తెలిసిందే.
తాజాగా ఈ చిత్రం నుంచి దోస్తీ సాంగ్‌ను రిలీజ్‌ చేశారు మేకర్స్‌. విభిన్న దృవాల మధ్య స్నేహం గురించి వివరించిన ఈ పాటను సిరివెన్నెల సీతారామశాస్త్రి రచించగా, కాల భైరవ ఆలపించారు. . ఎన్టీఆర్, చరణ్‌ల స్నేహ బంధాన్ని వివరిస్తూ తెరకెక్కిన ఈ సాంగ్ ఇప్పుడు నెట్టింట వైరల్‌గా మారింది.
కాగా ఇక ఈ చిత్రంలో అల్లూరి సీతారామరాజుగా రామ్‌చరణ్‌, కొమురం భీమ్‌ పాత్రలో తారక్‌ నటించారు. డీవీవీ దానయ్య ఈ చిత్రాన్ని నిర్మించగా, ఆలీయాభ‌ట్, ఒలీవియా హీరోయిన్లుగా నటించారు. బాలీవుడ్ స్టార్ అజ‌య్ దేవ‌గ‌న్ కీల‌క‌పాత్ర‌లో కనిపించారు.
Comments
Please login to add a commentAdd a comment