ప్రేమలో పడ్డాక...

నిజ జీవిత ఘటనల మేళవింపుతో రూపొందుతున్న సైకలాజికల్‌ థ్రిల్లర్‌ మూవీ ‘శారీ’. సత్య యాదు, ఆరాధ్య దేవి లీడ్‌ రోల్స్‌లో నటిస్తున్నారు. గిరి కృష్ణకమల్‌ దర్శకత్వంలో ఆర్‌జీవీ ఆర్వీప్రొడక్షన్స్‌ పతాకంపై రామ్‌గోపాల్‌వర్మ, రవి వర్మ ఈ చిత్రాన్ని నిర్మిస్తున్నారు. తెలుగు, హిందీ, తమిళ, మలయాళ భాషల్లో ఈ చిత్రాన్ని నవంబర్లో విడుదల చేయాలనుకుంటున్నారు. 

ఈ సినిమా టీజర్‌ను రిలీజ్‌ చేశారు. ‘‘ఉత్తరప్రదేశ్‌లో ఎంతోమంది అమాయకమైన మహిళలను హత్యాచారం చేసిన ఓ శారీ కిల్లర్‌ ఆధారంగా ఈ సినిమా ఉంటుంది. చీరలో ఉన్న అమ్మాయిని చూసి, ఆమెతో ప్రేమలో పడిన తర్వాత ఓ అబ్బాయి జీవితం ఎలా భయానకంగా మారింది అన్నదే ఈ చిత్రకథాంశం’’ అని యూనిట్‌ పేర్కొంది.