Varun Sandesh: రూటు మార్చిన వరుణ్‌.. కానీ హీరో మాత్రం కాదు!

Varun Sandesh Plays Key Role In Michael Movie: హ్యాపీడేస్‌, కొత్త బంగారు లోకం సినిమాలతో బ్యాక్‌ టూ బ్యాక్‌ హిట్‌ అందుకున్న హీరో వరుణ్‌ సందేశ్‌. చాలాకాలంగా సరైన హిట్‌ కోసం ఎదురుచూస్తున్న ఈ యంగ్‌ హీరో ఇటీవలె ఇందువధన చిత్రంతో ప్రేక్షకుల మందుకు వచ్చాడు. అయితే ఈ చిత్రం కూడా బాక్సాఫీస్‌ వద్ద నిరాశ పరిచింది. తాజాగా రూటు మార్చిన ఈ యంగ్‌ హీరో ఇప్పుడు యాక్షన్‌ సినిమాకు గ్రీన్‌ సిగ్నల్‌ ఇచ్చాడు. అది కూడా పాన్‌ ఇండియా సినిమా.

సందీప్‌ కిషన్‌, విజయ్‌ సేతుపతి ప్రధానపాత్రల్లో తెరకెక్కుతున్న మైఖేల్‌ సినిమాలో వరుణ్‌ కీలక పాత్రలో నటిస్తున్నాడు. ఈ విషయాన్ని మూవీ టీం అఫీషియల్‌గా అనౌన్స్‌ చేసింది. రంజిత్‌ జయకోడి దర్శకత్వం వహిస్తున్న ఈ పాన్‌ ఇండియా సినిమా తెలుగు, తమిళం, హిందీ, కన్నడ ,మలయాళ భాషల్లో విడుదల కానుంది.