ఐబీ 71: సీక్రెట్‌ ఆపరేషన్‌ వీడియో రిలీజ్‌

విద్యుత్‌ జమాల్‌ హీరోగా సంకల్ప్‌ రెడ్డి దర్శకత్వంలో రూపొందిన స్పై యాక్షన్‌ ఫిల్మ్‌ ‘ఐబీ 71’. దలీప్‌ తాహిల్, అనుపమ్‌ ఖేర్, విశాల్‌ జెత్వా ప్రధాన పాత్రలు పోషించారు. టి–సిరీస్, రిలయన్స్‌ ఎంటర్‌టైన్మెంట్స్‌ పతాకాలపై విద్యుత్‌ జమాల్‌ నిర్మించిన ఈ చిత్రం మే 12న రిలీజ్‌ కానుంది.

తాజాగా ఈ సినిమా నుంచి ‘ఐబీ ఆపరేషన్‌1: ఇంటెలిజెన్స్‌ ఇన్‌ యాక్షన్‌’ అనే వీడియోను విడుదల చేశారు. ‘‘1971లో ఇండియా – పాకిస్తాన్‌ల మధ్య యుద్ధం జరిగింది. అయితే ఈ వార్‌లో ఇండియా గెలవడానికి కారణమైన ‘ఇంటెలిజెన్స్‌ బ్యూరో సీక్రెట్‌ మిషన్స్‌ ఆధారంగా, వాస్తవ ఘటనలతో ఈ చిత్రాన్ని తెరకెక్కించాం’’ అని యూనిట్‌ పేర్కొంది.