రేపు జిల్లా స్థాయి కబడ్డీ ఎంపిక పోటీలు

నారాయణపేట రూరల్‌: కబడ్డీ సంఘం ఆధ్వర్యంలో జిల్లా స్థాయి సబ్‌ జూనియర్‌ బాలబాలికల కబడ్డీ పోటీలను ఆదివారం నిర్వహిస్తున్నట్లు ఆ సంఘం జిల్లా ప్రధాన కార్యదర్శి వెంకటప్ప తెలిపారు. స్థానిక మినీ స్టేడియం గ్రౌండ్‌లో ఉదయం 9 గంటలకు 16 ఏళ్లలోపు విద్యార్థులు ఆదార్‌ కార్డు, టెన్త్‌ మెమో తీసుకొని హాజరు కావాలన్నారు. పోటీల్లో ప్రతిభ కనబరిచిన క్రీడాకారులతో జిల్లా జట్టు ఎంపిక చేసి ఈనెల 20 నుంచి రాష్ట్రస్థాయిలో జరిగే కబడ్డీ పోటీల్లో పాల్గొంటారని, క్రీడాకారులు ఈ అవకాశాన్ని సద్వినియోగం చేసుకోవాలని కోరారు.

ఇద్దరు ఎస్‌ఐల బదిలీ

మహబూబ్‌నగర్‌ క్రైం: ఉమ్మడి మహబూబ్‌నగర్‌ జిల్లాలో ఇద్దరు ఎస్‌ఐలను శుక్రవారం జోగుళాంబ జోన్‌–7 డీఐజీ ఎల్‌ఎస్‌ చౌహాన్‌ బదిలీ చేస్తూ ఉత్తర్వులు జారీ చేశారు. చిన్నచింతకుంట ఎస్‌ఐగా ఉన్న శేఖర్‌ను నారాయణపేట వీఆర్‌కు, నారాయణపేట వీఆర్‌లో ఉన్న ఎస్‌ఐ రామ్‌లాల్‌ను సీసీకుంటకు బదిలీ చేశారు.