ఒంటి కాలితో పాఠశాలకు వెళ్తున్న చిన్నారి వీడియో వైరల్‌

ఇంతవరకు ఎన్నో స్ఫూర్తిదాయకమైన గాథలు విన్నాం. ప్రతికూల పరిస్థితులను దాటుకుంటూ పైకి వచ్చిన వారిని చూశాం. దివ్వాంగులు సైతం అందరివాళ్లలా అన్ని చేయగలమంటూ సాధించిన విజయాల గురించి విన్నాం. అలాంటి వారి కోవకు చెందినదే ఈ చిన్నారి కూడా. విధి మిగిల్చిన విషాదాన్ని పక్కనపెట్టి చక్కగా చదువుకునేందుకు తాపత్రయ పడుతోంది ఈ చిట్టితల్లి.

వివరాల్లోకెళ్తే....బిహార్‌లోని జాముయి జిల్లాకు చెందిన సీమా అనే బాలిక ఒంటికాలితో పాఠశాలకు వెళ్తోంది. ఆ చిన్నారికి రెండేళ్లక్రితం జరిగిన ప్రమాదంలో ఒక కాలు తీసేయాల్సి వచ్చింది. కానీ ఆ విషాదం ఆ చిన్నారి చదువుని ఆపలేకపోయింది. ఆ బాధను ఏ మాత్రం పట్టించుకోకుండా రోజు కి.మీ దూరంలో ఉ‍న్న స్కూల్‌కి ఒంటికాలితోనే వెళ్తోంది. ఈ మేరకు ఆమె ఒంటి కాలుతో స్కూల్‌కి వెళ్తున్న వీడియోలు సోషల్‌ మీడియాలో తెగ వైరల్‌ అయ్యాయి. దీంతో బాలీవుడ్ నటుడు సోనూసూద్‌ ఆ చిన్నారికి సాయం చేసేందుకు ముందుకు వచ్చారు. ఆయన కరోనా సమయంలో ఎంతోమందికి సాయం చేసి అందరి ప్రశంసలను అందుకున్న సంగతి తెలిసిందే.

సోనుసూద్‌ ట్విట్టర్‌లో "ఆ చిన్నారి ఇప్పుడు రెండు పాదాలపై పాఠశాలకు వెళుతుంది. నేను టిక్కెట్‌ పంపుతున్నాను. ఆ చిన్నారి రెండు కాళ్లపై నడిచే సమయం ఆసన్నమైంది" అంటూ తన ఎన్‌జీవ్‌ సూధా ఫౌండేషన్‌ని కూడా ట్యాగ్‌ చేసి ట్వీట్‌ చేశారు. అంతేకాదు ఈ ఆ చిన్నారి వీడియో పలువురి ప్రముఖులను కదిలించింది. ఈ మేరకు బిహార్‌ ప్రభుత్వ భవన నిర్మాణ శాఖ మంత్రి డాక్టర్ అశోక్ చౌదరి, ఢిల్లీ ముఖ్యమంత్రి అరవింద్‌ కేజ్రీవాల్‌ కూడా ఆ చిన్నారిని ప్రశంసించారు. సీమా లాంటి పిల్లలను గుర్తించి సాయం అందించడమే కాకుండా ఆ చిన్నారికి కూడా తగిన సాయం అందుతుందని చెప్పారు.

Bihar: जमुई में एक पैर से 1KM का सफर तय कर स्कूल जाती है बिहार की ये बेटी

एक हादसे में मासूम का काटना पड़ा था पैर, हौसला देख करेंगे सलाम pic.twitter.com/pc6vUV2iLb

— News24 (@news24tvchannel) May 25, 2022

(చదవండి: చిరకాల కాంక్ష! ఒక వ్యక్తి జంతువులా మారడం కోసం ఏకంగా రూ.12 లక్షలు పెట్టి...)