నల్గొండ: రాజకీయ ముఖచిత్రం.. పూర్తి వివరాలు

విజయవాడస్పోర్ట్స్‌: ఆంధ్రా–ఒడిశా సరిహద్దు ప్రాంతంలోని ఏజెన్సీల నుంచి సేకరించిన గంజాయిని విజయవాడ, పరిసర ప్రాంతాల్లో విక్రయిస్తున్న ముఠాలోని ప్రధాన నిందితుడితో పాటు మరో14 మందిని ఎన్టీఆర్‌ జిల్లా పోలీస్‌ యంత్రాంగం అరెస్ట్‌ చేసింది. డీజీపీ ద్వారకా తిరుమలరావు, జిల్లా పోలీస్‌ కమిషనర్‌ ఎన్‌.వి.రాజశేఖరబాబు ఆదేశాలతో ఈ ముఠా కదలికలపై ప్రత్యేక దృష్టి సారించింది. యాంటి నార్కోటిక్‌ సెల్, టాస్క్‌ఫోర్స్, లా అండ్‌ ఆర్డర్‌ బృందాలు సంయుక్తంగా నిర్వహించిన ఈ ఆపరేషన్‌ వివరాలను విజయవాడ కమాండ్‌కంట్రోల్‌ రూంలో విజయవాడ డిప్యూటీ పోలీస్‌ కమిషనర్‌ (డీసీపీ) హరికృష్ణ శుక్రవారం వెల్లడించారు.ప్రధాన నిందితుడు పింక్‌రౌత్‌..పోలీసుల అదుపులో నున్న 14మంది గంజాయి స్మగ్లర్లు ఇచ్చిన సమాచారంతో గత కొన్నేళ్లుగా గుట్టుచప్పుడు కాకుండా గంజాయి స్మగ్లింగ్‌ చేస్తున్న ప్రధాన నిందితుడు ఒడిశాకు చెందిన పింకి రౌత్‌ను అరెస్ట్‌ చేశారు. ఆంధ్రా–ఒడిశా సరిహద్దు ప్రాంతా లైన బరంపురం, పీలేరు ఏజెన్సీ ప్రాంతాల్లోని వ్య క్తుల నుంచి గంజాయిని సేకరించి విజయవాడకు సరఫరా చేయడంలో పింక్‌రౌత్‌ ప్రధాన పాత్ర పోషిస్తున్నాడని డీసీపీ హరికృష్ణ తెలిపారు.ఇతనిపై గతంలో మాచవరం పోలీస్‌స్టేషన్‌లో అనేక కేసులు నమోదయ్యాయన్నారు. విజయవాడ సిటీ, చుట్టుపక్కలనున్న పలు ప్రాంతాల్లో గంజాయిని విక్రయిస్తున్న గుంటూరు జిల్లా తాడేపల్లికి చెందిన గోగినేని మాధవరావు, తెలంగాణా, మేడ్చల్, పోతయిపల్లికి చెందిన మురుగన్‌ మణికంఠ, సంకేలి గణేష్, కృష్ణా జిల్లా, పెనమలూరుకు చెందిన షేక్‌ మొహమ్మద్‌ గౌస్‌ అబ్దుల్‌ హబీబ్, విజయవాడ అజిత్‌ సింగ్‌నగర్‌కు చెందిన మర్రి రఘురాం, విజయవాడ మాచవరం డౌన్‌కు చెందిన కొమ్ము రాకేశ్, విజయవాడ భవానీపురానికి చెందిన పాలెటి మమతరాజు, మహమ్మద్‌ ముజ్జమిల్‌ సుల్తాన్, షేక్‌ నజీర్, మత్తే నాని, ఇల్లురి మధుసూదన్‌రెడ్డి, కృష్ణలంకకు చెందిన అడపాల వంశీ, అమన్‌సింగ్‌ను అరెస్ట్‌ చేసినట్లు చెప్పారు. వీరిందరిపై గతంలో అనేక కేసులు నమోదయినట్లు చెప్పారు. నిందితుల నుంచి 90.5 కేజీల గంజాయితో పాటు ఒక స్కూటీని స్వాధీనం చేసుకున్నట్లు వెల్లడించారు. కాగా, ప్రజలు 91211 62475కు గంజాయి సమాచారం ఇవ్వాలని ప్రజ లను కోరారు. సమాచారం ఇచ్చిన వ్యక్తుల వివరాలను అత్యంత గోప్యంగా ఉంచుతామని హామీ ఇచ్చారు. టాస్క్‌ఫోర్స్‌ ఏడీసీపీ శ్రీహరి, సీఐలు నాగేంద్రకుమార్, శ్రీధర్, రమేష్‌ పాల్గొన్నారు.

సాక్షి, అమరావతి: రాష్ట్రంలో ఇంజనీరింగ్‌ సీట్లు హాట్‌ కేకులను తలపిస్తున్నాయి. ఇంజినీరింగ్‌ సీట్ల తొలి విడత కౌన్సెలింగ్‌లో 86 శాతం సీట్లు భర్తీ అయ్యాయి. ఈ ఏడాది కన్వీనర్‌ కోటాలో మొత్తం 245 కళాశాలల్లో 1,36,660 సీట్లు ఉండగా తొలి దశలో 1,17,136 సీట్లు భర్తీ అవడం విశేషం. 19,524 సీట్లు మలి విడత కౌన్సెలింగ్‌ ద్వారా కేటాయిస్తారు. విద్యార్థులు కంప్యూటర్‌ సైన్సుకే తొలి ప్రాధాన్యతనిచ్చారు. ఆ తర్వాత ఈసీఈకి డిమాండ్‌ ఉంది. కాలేజీలు కూడా ఇదే దృష్టితో కంప్యూటర్‌ సైన్సు సీట్లను ఎక్కువగా అందుబాటులో ఉంచాయి. ఈ మేరకు అఖిలభారత సాంకేతిక విద్యా మండలి నుంచి అనుమతులు తెచ్చుకున్నాయి.కంప్యూటర్‌ సైన్స్‌లోనే ఎక్కువ..కంప్యూటర్‌ సైన్స్‌లో కన్వీనర్‌ కోటాలో 42,303 సీట్లు ఉండగా, 40,242 సీట్లు తొలి దశలోనే భర్తీ అయ్యాయి. అంటే సీట్లన్నీ దాదాపుగా భర్తీ అయ్యాయి. ఎలక్ట్రానిక్స్‌ కమ్యూనికేషన్‌ ఇంజనీరింగ్‌లో (ఈసీఈ)లో 24,121 సీట్లు ఉండగా, 21,060 సీట్లను కేటాయించారు. సీఎస్‌ఈ (ఆర్టిఫిషీయల్‌ ఇంటెలిజెన్స్, మెషీన్‌ లెర్నింగ్‌)లో 11,156 సీట్లకు గాను 10,133 సీట్లు భర్తీ అయ్యాయి. ఫెసిలిటైస్‌ అండ్‌ సర్వీసెస్‌ ప్లానింగ్‌లో 66 సీట్లలో ఒక్కటి కూడా భర్తీ కాలేదు. కన్‌స్ట్రక్షన్‌ అండ్‌ టెక్నాలజీ మేనేజ్‌మెంట్‌లో 64 సీట్లకు గాను 7 సీట్లే భర్తీ అయ్యాయి. తొలి దశ కౌన్సెలింగ్‌ 17వ తేదీతో ముగిసింది. శుక్రవారం నుంచి కళాశాలల్లో తరగతులు ప్రారంభమయ్యాయి. తొలి విడతలో మిగిలిన 19,524 సీట్లకు వచ్చే వారంలో మలి విడత కౌన్సెలింగ్‌కు సాంకేతిక విద్యా శాఖ చర్యలు చేపడుతోంది. దానికంటే ముందే ఎన్‌ఆర్‌ఐ, కేటగిరీ–బి సీట్ల భర్తీకి నోటిఫికేషన్‌ ఇవ్వనుంది. చివరి దశలో కళాశాలలకు స్పాట్‌ అడ్మిషన్లకు అవకాశం కల్పించనుంది.వైఎస్‌ జగన్‌ దార్శనికతతో..వైఎస్‌ జగన్‌మోహన్‌ రెడ్డి దార్శనికత, సంస్కరణలతో మెరిట్‌ సాధించిన పేద, మధ్య తరగతి విద్యార్థులు కూడా ప్రైవేటు వర్సిటీల్లో సీట్లు సాధించుకోగలిగారు. రాష్ట్రంలో 9 ప్రైవేటు వర్సిటీలు ఉన్నాయి. వీటిలో గ్రీన్‌ఫీల్డ్‌ వర్సిటీల్లో 35 శాతం, బ్రౌన్‌ ఫీల్డ్‌ వర్సిటీల్లో 70 శాతం సీట్లను ఏపీఈఏపీసెట్‌లో మెరిట్‌ సాధించిన విద్యార్ధులకు కన్వీనర్‌ కోటాలో కేటాయించేలా గత వైఎస్‌ జగన్‌ సర్కారు సంస్కరణలు తెచ్చింది. దీంతో గడిచిన రెండేళ్లలో 7 ప్రైవేటు వర్సిటీల్లో ఎస్సీ, ఎస్టీ, బీసీ, మైనార్టీలతో పాటు ఎందరో పేదింటి విద్యార్థులు మెరుగైన ఉన్నత విద్యను అందుకున్నారు. ఈ ఏడాది ప్రైవేటు వర్సిటీలు 9కి చేరడంతో సీట్ల సంఖ్య 7,832కు చేరుకుంది. ఇందులో ఈ ఏడాది కౌన్సెలింగ్‌లో తొలి విడతలోనే 7,700 సీట్లను విద్యార్థులు దక్కించుకున్నారు. గతంలో 2014–19 మధ్య టీడీపీ ప్రభుత్వంలో ప్రైవేటు వర్సిటీల్లో చదువంటే పేద మెరిట్‌ విద్యార్థులకు సాధ్యయ్యేది కాదు. లక్షల్లో ఫీజులు చెల్లించే వారికే అక్కడ సీట్లు దక్కేవి. ఆ తర్వాత వైఎస్‌ జగన్‌మోహన్‌ రెడ్డి ముఖ్యమంత్రిగా రావడంతో ఈ వర్సిటీల్లో పేద విద్యార్థులూ చదువుకోగలుగుతున్నారు.

అల్పపీడన ప్రభావంతో రాష్ట్రవ్యాప్తంగా విస్తారంగా వర్షాలు కురుస్తున్నాయి. శుక్రవారం రోజంతా వర్షం పడుతూనే ఉంది. దీంతో పలు జిల్లాల్లో వేలాది ఎకరాల పంటలు నీటమునిగాయి. లోతట్టు ప్రాంతాలు జలమయమయ్యాయి. ఏజెన్సీ గ్రామాలు జలదిగ్బంధంలో చిక్కుకున్నాయి. 29 గ్రామాలకు రాకపోకలు నిలిచిపోయాయి. భారీగా వరద నీరు చేరడంతో గోదావరి, కృష్ణా నదులు, వాగులు, వంకలు పొంగి ప్రవహిస్తున్నాయి. తూర్పు గోదావరి జిల్లాలో కొవ్వాడ, ఎర్ర కాలువలు ఉగ్రరూపం దాల్చాయి. జిల్లాలో చేపలవేటకు వెళ్లి ఒక వ్యక్తి మృతి చెందాడు. ఏలూరు జిల్లాలో పెద్దవాగు ఆయకట్టు తెగిపోవడంతో పలు గ్రామాల్లో వందలాది ఇళ్లు కొట్టుకుపోయాయి. సాక్షి నెట్‌వర్క్‌: తూర్పు గోదావరి జిల్లాలో కొవ్వూరు నియోజకవర్గం మద్దూరులంక గ్రామం నీట మునిగింది. కొవ్వాడ కాలువ ఉగ్రరూపం దాల్చింది. తాళ్లపూడి మండలం పోచవరం, తాడిపూడి, గజ్జరం, అన్నదేవరపేట, పెద్దేవం, తిరుగుడుమెట్ట, మలకపల్లి గ్రామాల్లో వందలాది ఎకరాల్లో వరి నాట్లు నీట మునిగాయి. ఎర్రకాలువ ఉగ్రరూపం దాల్చడంతో నిడదవోలు మండలంలోని 12 గ్రామాలు వరద నీటితో వణుకుతున్నాయి.జిల్లాలో ఇప్పటివరకు 48,605 హెక్టార్లలో వరి నాట్లు పూర్తవగా 7,965 హెక్టార్లలో పంట నీట మునిగింది. 18 మండలాల్లోని 178 గ్రామాల్లో 9,613 మంది రైతులకు చెందిన వరి పంటకు నష్టం వాటిల్లిందని వ్యవసాయ శాఖ ప్రాథ­మికంగా అంచనా వేసింది. నిడదవోలు పట్టణం తీరిగూడెం గ్రామానికి చెందిన వెంకటేశ్వరరావు ఎర్ర కాలువలో చేపల వేటకు వెళ్లి మృతి చెందాడు. డాక్టర్‌ బీఆర్‌ అంబేడ్కర్‌ కోనసీమ జిల్లాలో వందలాది ఎకరాల్లో వరి నారుమడులు, నాట్లు వేసిన పొలాలు నీట మునిగాయి. కొబ్బరితోటల్లో ముంపునీరు చేరింది. వర్షాలతో ఇటుక బట్టీలకు గట్టిదెబ్బ తగిలింది. గోదావరి ఉధృతికి జిల్లాలో పి.గన్నవరం, ముమ్మిడివరం మండలాల్లో లంక గ్రామాలకు వెళ్లే తాత్కాలిక రహదారులు కొట్టుకుపోయాయి. ఉధృతంగా కట్టలేరు.. పశ్చిమ గోదావరి జిల్లాలో తణుకు రూరల్‌ దువ్వ రెగ్యులేటర్‌ వద్ద గల కొత్తపేట కాలనీ ముంపునకు గురైంది. తాడేపల్లిగూడెం మండలంలోని ఎర్రకాలువ సమీప గ్రామాలను ముంపు భయం వెంటాడుతోంది. భీమవరంలోని యనమదుర్రు డ్రెయిన్‌ పొంగి ప్రవహిస్తుండటంతో పట్టణంలోని పలు ప్రాంతాలకు ముంపు ప్రమాదం పొంచి ఉంది. జిల్లా వ్యాప్తంగా 13,500 ఎకరాల్లో తొలకరి పంట పొలాలు నీట మునిగాయి. ఎన్టీఆర్‌ జిల్లా గంపల­గూడెం మండలంలో భారీ వర్షాలకు తోటమూల– వినగడప గ్రామాల మధ్య కట్టలేరు ఉధృతంగా ప్రవహిస్తోంది. దీంతో కల్వర్టుకు రెండు వైపులా ట్రాక్టర్లు అడ్డుపెట్టి రాకపోకలు నిలిపివేశారు. విజయ­నగరం జిల్లా భోగాపురం అంతర్జాతీయ విమానా­శ్రయం రేకుల ప్రహరీ కొట్టుకుపోయింది. శ్రీకాకుళం జిల్లాలో గొట్టా బ్యారేజీలోకి వరద నీరు వచ్చి చేరుతోంది. గుంటూరు జిల్లాలో 1,304 హెక్టార్లలోని వరి సాగు నీట మునిగినట్లు వ్యవసా­యÔ­>ఖ అధికారులు ప్రాథమికంగా అంచనా వేశారు. ప్రభావిత ప్రాంతాలకు ఎన్డీఆర్‌ఎఫ్, ఎస్డీఆర్‌ఎఫ్‌ బృందాలు లోతట్టు ప్రాంతాల్లో వరద నీరు ప్రవహిస్తుండడం, వాగులు, కాలువలు పొంగుతుండడంతో విపత్తుల నిర్వహణ సంస్థ అత్యవసర సహాయక చర్యల కోసం ఏలూరు జిల్లాకు రెండు ఎస్డీఆర్‌ఎఫ్, డాక్టర్‌ బీఆర్‌ అంబేడ్కర్‌ కోనసీమ జిల్లాకు ఒక ఎస్డీఆర్‌ఎఫ్, తూర్పుగోదావరి జిల్లాకు రెండు ఎన్డీఆర్‌ఎఫ్‌ బృందాలు పంపింది. పెద్ద వాగు ఉధృతితో కొట్టుకుపోయిన ఇళ్లు..ఏలూరు జిల్లాలో పెద్ద వాగు ప్రాజెక్టు ఆయ­కట్టు గురువారం రాత్రి తెగిపోవడంతో ఈ వాగు వెంబడి ఉన్న ఊళ్లన్నీ కకావికలమయ్యాయి. రహదారి సౌకర్యం లేక బాహ్య ప్రపంచంతో సంబంధాలు తెగిపోయాయి. వేలేరుపాడు మండలం మేడేపల్లి మొదలుకొని పాత పూచిరాల వరకు ఇళ్లన్నీ పెద్దవాగు ప్రవాహ ఉధృతిలో కొట్టుకుపోయాయి. దీంతో ఆయా గ్రామాల ప్రజలు నిరాశ్రయులయ్యారు. సర్వస్వం కోల్పోయి కట్టుబట్టలతో బయటపడ్డారు. మేడేపల్లిలో సుమారు 60 ఇళ్ల వరకు పాక్షికంగా దెబ్బతినగా మరికొన్ని పూర్తిగా దెబ్బతిన్నాయి. అనేక రేకుల షెడ్లు కూలిపోయాయి. కమ్మరగూడెంలో 240 కుటుంబాలకు చెందిన పూరి గుడిసెలన్నీ తుడిచిపెట్టుకుపోయాయి. ప్రస్తుతం ఈ గ్రామస్తులు అశ్వారావుపేట మండలం కోయరంగాపురం సమీపంలో గుట్టపై తలదాచుకుంటున్నారు. అల్లూరినగర్‌లో 80 ఇళ్లు పూర్తిగా దెబ్బతిన్నాయి. పాత పూచిరాల, గుండ్లవాయి, రామవరం, ఉదయనగర్, రామవరం ఊటగుంపు, ఒంటిబండ, కోయ మాధవరం గ్రామాల్లో సుమారు 80 ఇళ్ల వరకు నేలమట్టమ­య్యాయి. విద్యుత్‌ సౌకర్యం లేక ప్రజలు చీకట్లో మగ్గుతున్నారు. ఇప్పటి వరకు ప్రభుత్వం కనీసం కొవ్వొత్తులు, బియ్యం కూడా ఇవ్వలేదు. నీట మునిగిన గ్రామాల్లో పునరావాస కేంద్రాలు ఏర్పాటు చేయలేదు. ఏలూరు జిల్లాలోని పోలవరం ఏజెన్సీ ఏరియా జలదిగ్బంధంలో చిక్కుకుంది. పోలవరం ముంపు మండలాలైన వేలేరు­పాడు, కుక్కునూరు, బుట్టాయగూడెం మండలాల్లో వాగులు ఉధృతంగా ప్రవహిస్తుండటంతో రహదారులు కొట్టుకుపోయాయి. దీంతో 29 గ్రామాలకు రాకపోకలు నిలిచిపోయాయి.

సాక్షి, అమరావతి/సాక్షి, విశాఖపట్నం/భువనేశ్వర్‌: బంగాళాఖాతంలో ఒడిశా, ఉత్తరాంధ్ర తీర ప్రాంతంలో ఏర్పడిన అల్పపీడనం బలపడి వాయుగుండంగా మారడంతో రాష్ట్ర వ్యాప్తంగా ఎడతెగని వర్షాలు కురుస్తున్నాయి. వాయుగుండం వాయవ్య దిశగా పయనించి శనివారం తెల్లవారుజామున ఒడిశాలోని పూరీ సమీపంలో తీరం దాటే అవకాశం ఉన్నట్లు వాతావరణ శాఖ తెలిపింది. దీని ప్రభావంతో శ్రీకాకుళం, పార్వతీపురం మన్యం జిల్లాల్లో భారీ వర్షాలు పడతాయని వెల్లడించింది. ఇప్పటికే కోస్తాంధ్రలో విస్తృతంగా వర్షాలు కురుస్తున్నాయి. వాయుగుండం ప్రభావంతో శనివారం విజయనగరం, అల్లూరి సీతారామరాజు, ఏలూరు, ప్రకాశం, నంద్యాల జిల్లాల్లో అక్కడక్కడ పిడుగులతో కూడిన మోస్తరు వర్షాలు కురిసే అవకాశం ఉన్నట్లు వాతావరణ శాఖ తెలిపింది. కాకినాడ, డాక్టర్‌ బీఆర్‌ అంబేడ్కర్‌ కోనసీమ, తూర్పుగోదావరి, పశి్చమ గోదావరి, కృష్ణా, ఎన్టీఆర్, గుంటూరు, బాపట్ల, పల్నాడు, శ్రీ పొట్టి శ్రీరాములు నెల్లూరు, కర్నూలు అనంతపురం, శ్రీ సత్యసాయి, వైఎస్సార్, అన్నమయ్య, చిత్తూరు, తిరుపతి జిల్లాల్లో అక్కడక్కడ పిడుగులతో కూడిన తేలికపాటి వర్షాలు కురిసే అవకాశం ఉందని పేర్కొంది. శనివారం సాయంత్రానికి వర్షాలు తగ్గుముఖం పట్టే అవకాశాలున్నాయని విశాఖ వాతావరణ కేంద్రం తెలిపింది. రెండు రోజుల పాటు వర్షాలకు కొంత విరామం ఉంటుందని అధికారులు చెబుతున్నారు. అయితే.. వాయుగుండం ప్రభావంతో తీరం వెంబడి గంటకు 55 కి.మీ వేగంతో బలమైన గాలులు వీస్తాయని తెలిపారు. ఈ నెల 20 వరకు మత్స్యకారులెవ్వరూ వేటకు వెళ్లొద్దని హెచ్చరించారు. వాయవ్య బంగాళాఖాతంలో ఈ నెల 23న మరో అల్పపీడనం ఏర్పడే సూచనలు కనిపిస్తున్నాయన్నారు. విద్యాసంస్థలకు సెలవు ఏలూరు, అల్లూరి సీతారామరాజు జిల్లాలకు రెడ్‌ అలెర్ట్‌ ప్రకటించారు. మచిలీపట్నం, నిజాంపట్నం పోర్టులలో మొదటి ప్రమాద హెచ్చరిక జారీ చేశారు. మరోవైపు భారీ వర్షాల కారణంగా శనివారం అల్లూరి సీతారామరాజు, పశ్చిమ గోదావరి, ఏలూరు జిల్లాల్లో అన్ని విద్యా సంస్థలకు అధికారులు సెలవు ప్రకటించారు.

సాక్షి, అమరావతి/పోలవరం రూరల్‌/ధవళేశ్వరం: శ్రీశైలం మల్లన్న చెంతకు కృష్ణమ్మ శనివారం చేరుకోనుంది. కర్ణాటకలోని ఆల్మట్టి, నారాయణపూర్‌ డ్యామ్‌ల నుంచి విడుదల చేస్తున్న వరద ప్రవాహం శుక్రవారం తెలంగాణలోని జూరాల ప్రాజెక్టుకు చేరుకుంది. జూరాలలో విద్యుత్‌ కేంద్రం, ప్రాజెక్ట్‌ గేట్లను ఎత్తి దిగువకు విడుదల చేస్తున్న వరద ప్రవాహం శనివారం శ్రీశైలం ప్రాజెక్టుకు చేరుకోనుంది. శ్రీశైలం ప్రాజెక్టు ఎడమ కేంద్రంలో తెలంగాణ జెన్‌కో విద్యుదుత్పత్తి చేస్తూ 7,063 క్యూసెక్కులను దిగువకు తరలిస్తుండటంతో నీటి నిల్వ 33.11 టీఎంసీలకు తగ్గింది. నాగార్జునసాగర్‌లోకి వరద ప్రవాహం చేరడం లేదు. సాగర్‌ కుడి కాలువ, ఏఎమ్మార్పీ ద్వారా 8,165 క్యూసెక్కులను విడుదల చేస్తుండటంతో నీటి నిల్వ 123.5 టీఎంసీలకు తగ్గింది. పులిచింతల ప్రాజెక్టులోకి 174 క్యూసెక్కులు చేరుతుండటంతో నీటి నిల్వ 0.74 టీఎంసీలకు చేరుకుంది. ప్రకాశం బ్యారేజీలోకి 6,064 క్యూసెక్కులు చేరుతుండగా.. కృష్ణా డెల్టా కాలువలకు 6,596 క్యూసెక్కులను వదులుతున్నారు. కృష్ణా ప్రధాన ఉప నది తుంగభద్రలో వరద ఉధృతి మరింత పెరిగింది. తుంగభద్ర డ్యామ్‌లోకి 1,08,270 క్యూసెక్కులు చేరుతుండటంతో నీటి నిల్వ 58.67 టీఎంసీలకు చేరుకుంది. శనివారం తుంగభద్ర డ్యామ్‌లోకి వరద ఉధృతి మరింత పెరుగుతుందని సీడబ్ల్యూసీ (కేంద్ర జలసంఘం) అంచనా వేసింది. పెరిగిన గోదా‘వడి’తెలంగాణ, ఛత్తీస్‌గఢ్, ఒడిశా, గోదావరి జిల్లాల్లో విస్తారంగా వర్షాలు కురుస్తుండటంతో గోదావరిలో వరద ఉధృతి శుక్రవారం మరింత పెరిగింది. ప్రాణహిత, ఇంద్రావతి, సీలేరు, కిన్నెరసాని, శబరి ఉప నదులతో పాటు కొండ కాలువల నీళ్లు కూడా కలవడంతో భద్రాచలం వద్ద వరద ఉధృతి పెరుగుతోంది. భద్రాచలం వద్ద శుక్రవారం సాయంత్రం 6 గంటలకు 3.75 లక్షల క్యూసెక్కులు చేరుతుండటంతో నీటిమట్టం 40.2 మీటర్ల(సముద్ర మట్టానికి)కు చేరింది. పోలవరం ప్రాజెక్టులోకి 3.50 లక్షల క్యూసెక్కులు చేరుతుండగా.. 48 గేట్లను ఎత్తేసి అంతే స్థాయిలో దిగువకు వదిలేస్తున్నారు. తూర్పు గోదావరి జిల్లా ధవళేశ్వరంలోని కాటన్‌ బ్యారేజీ వద్ద గోదావరి ఉరకలేస్తోంది. శుక్రవారం సాయంత్రం బ్యారేజీ వద్ద నీటిమట్టం 7 అడుగులకు చేరింది. ధవళేశ్వరం బ్యారేజీలోకి 3,48,191 క్యూసెక్కులు చేరుతుండగా.. డెల్టా కాలువలకు 1,800 క్యూసెక్కులు వదులుతూ మిగిలిన 3,46,391 క్యూసెక్కులను బ్యారేజీ నుంచి 175 గేట్ల ద్వారా సముద్రంలోకి వదిలేస్తున్నారు. శనివారం వరద ఉధృతి మరింత పెరుగుతుందని సీడబ్ల్యూసీ అంచనా వేసింది. జల వనరుల శాఖ అధికారుల అప్రమత్తమే ధవళేశ్వరంలోని ఫ్లడ్‌ కంట్రోల్‌ రూమ్‌ నుంచి పరిస్థితిని సమీక్షిస్తున్నారు. కలెక్టర్‌ పి.ప్రశాంతి బ్యారేజీ వద్ద పరిస్థితిని పరిశీలించారు.