TV
శ్రీలంక‌తో మూడు టీ20ల సిరీస్‌లో వెస్టిండీస్ శుభారంభం చేసింది. దంబుల్లా వేదికగా జరిగిన తొలి వన్డేలో 5 వికెట్ల తేడాతో విండీస్‌ ఘన విజయం సాధించింది. 180 పరుగుల లక్ష్యాన్ని కరేబియన్‌ జట్టు 5 వికెట్లు కోల్పోయి 19.1 ఓవర్‌లో చేధించింది.
లక్ష్య చేధనలో విండీస్‌ ఓపెనర్లు బ్రాండెన్‌ కింగ్‌, ఈవెన్‌ లూయిస్‌ హాఫ్‌ సెంచరీలతో మెరిశారు. 33 బంతులు ఎదుర్కొన్న కింగ్‌ 11 ఫోర్లు, 1 సిక్స్‌లతో 63 పరుగులు చేయగా, లూయిస్‌ 28 బంతుల్లో 5 ఫోర్లు, 4 సిక్స్‌లతో 50 రన్స్‌ చేశాడు. లంక బౌలర్లలో మతీషా పతిరానా రెండు వికెట్లు పడగొట్టగా, హసరంగా, మెండిస్‌,థీక్షణ చెరో వికెట్‌ సాధించారు. ఇక తొలుత బ్యాటింగ్‌ చేసిన శ్రీలంక నిర్ణీత 20 ఓవర్లలో 7 వికెట్ల నష్టానికి 179 పరుగులు చేసింది.
లంక బ్యాటర్లలో కెప్టెన్‌ అసలంక(59, 9 ఫోర్లు) టాప్‌ స్కోరర్‌గా నిలవగా, కమిందు మెండిస్‌(51) పరుగులతో రాణించాడు. విండీస్‌ బౌలర్లలో షెఫర్డ్‌ రెండు వికెట్లు, అల్జారీ జోషఫ్‌, షెమర్‌ జోషఫ్‌, మోటీ,స్ప్రింగర్‌ తలా వికెట్‌ సాధించారు. ఇక ఇరు జట్ల మధ్య రెండో టీ20 ఆక్టోబర్‌ 15న దంబుల్లా వేదికగానే జరగనుంది.
చదవండి: T20 WC: ఆసీస్ చేతిలో ఓట‌మి.. భారత్ సెమీస్‌కు చేరాలంటే?
Comments
Please login to add a commentAdd a comment