టిమ్‌ డేవిడ్‌ సంచలన ఇన్నింగ్స్‌.. ముంబై ఇండియన్స్‌ ఘన విజయం

Published Sun, Apr 30 2023 7:09 PM | Last Updated on Sun, Apr 30 2023 11:53 PM

IPL 2023: Mumbai Indians Vs Punjab Kings Match Updates-Highlights - Sakshi

టిమ్‌ డేవిడ్‌ సంచలన ఇన్నింగ్స్‌.. ముంబై ఇండియన్స్‌ ఘన విజయం
ఐపీఎల్‌ 16వ సీజన్‌లో ముంబై ఇండియన్స్‌ రెండు పరాజయాల తర్వాత మళ్లీ గెలుపు ట్రాక్‌ ఎక్కింది. ఆదివారం రాజస్తాన్‌ రాయల్స్‌తో జరిగిన మ్యాచ్‌లో ముంబై ఇండియన్స్‌ ఆరు వికెట్ల తేడాతో ఘన విజయాన్ని అందుకంఉది. సొంత మైదానంలో జరిగిన మ్యాచ్‌లో 213 పరుగుల టార్గెట్‌తో బరిలోకి దిగిన ముంబై ఇండియన్స్‌ 19.3ఓవర్లలో 4 వికెట్లు కోల్పోయి లక్ష్యాన్ని అందుకుంది. సూర్యకుమార్‌ యాదవ్‌ 55 పరుగులతో కీలక ఇన్నింగ్స్‌ ఆడగా.. చివర్లో టిమ్‌ డేవిడ్‌ 14 బంతుల్లో 45 నాటౌట్‌ విధ్వంసకర ఇన్నింగ్స్‌ ఆడగా.. తిలక్‌ వర్మ 29 పరుగులు నాటౌట్‌ ముంబై ఇండియన్స్‌ను గెలిపించారు.

సూర్యకుమార్(55) ఔట్‌.. ముంబై 170/4
55 పరుగులు చేసిన సూర్యకుమార్‌ బౌల్ట్‌ బౌలింగ్‌లో సందీప్‌ శర్మకు క్యాచ్‌ ఇచ్చి వెనుదిరిగాడు. ప్రస్తుతం ముంబై 17 ఓవర్లలో నాలుగు వికెట్ల నష్టానికి 170 పరుగులు చేసింది. తిలక్‌ వర్మ 20, టిమ్‌ డేవిడ్‌ 11 పరుగులతో ఆడుతున్నారు.

14 ఓవర్లలో ముంబై ఇండియన్స్‌ 141/3
14 ఓవర్లు ముగిసేసరికి ముంబై ఇండియన్స్‌ మూడు వికెట్ల నష్టానికి 141 పరుగులు చేసింది. సూర్యకుమార్‌ 48, తిలక్‌ వర్మ 12 పరుగులతో క్రీజులో ఉన్నారు.

10 ఓవర్లలో ముంబై ఇండియన్స్‌ 98/2
10 ఓవర్లు ముగిసేసరికి ముంబై ఇండియన్స్‌ రెండు వికెట్ల నష్టానికి 98 పరుగులు చేసింది. కామెరాన్‌ గ్రీన్‌ 43, సూర్యకుమార్‌ 20 పరుగులతో ఆడుతున్నారు. అంతకముందు 28 పరుగులు చేసిన ఇషాన్‌ కిషన్‌ అశ్విన్‌ బౌలింగ్‌లో బౌల్ట్‌కు క్యాచ్‌ ఇచ్చి వెనుదిరిగాడు.

8 ఓవర్లలో ముంబై ఇండియన్స్‌ 75/1
8 ఓవర్లు ముగిసేసరికి ముంబై ఇండియన్స్‌ వికెట్‌ నష్టానికి 75 పరుగులు చేసింది. కామెరాన్‌ గ్రీన్‌ 40, ఇషాన్‌ కిషన్‌ 28 పరుగులతో ఆడుతున్నారు.

5 ఓవర్లలో ముంబై ఇండియన్స్‌ 47/1
ఐదు ఓవర్లు ముగిసేసరికి ముంబై ఇండియన్స్‌ వికెట్‌ నష్టానికి 47 పరుగులు చేసింది. కామెరాన్‌ గ్రీన్‌ 25, ఇషాన్‌ కిషన్‌ 20 పరుగులతో ఆడుతున్నారు.