TV
సాక్షి, హైదరాబాద్‌: జాతీయ సీనియర్‌ మహిళల హ్యాండ్‌బాల్‌ టోర్నీలో తెలంగాణ జట్టు కాంస్య పతకం సాధించింది. ఆదివారం ముగిసిన ఈ టోర్నీ సెమీఫైనల్లో తెలంగాణ 9–16తో హిమాచల్‌ప్రదేశ్‌ జట్టు చేతిలో ఓడింది. ఫైనల్లో హిమాచల్‌ప్రదేశ్‌ 20–10తో రైల్వేస్‌ను ఓడించి చాంపియన్‌గా అవతరించింది. తెలంగాణ రాష్ట్ర క్రీడల మంత్రి వి.శ్రీనివాస్‌ గౌడ్‌ విజేతలకు ట్రోఫీలు అందజేశారు. ఈ కార్యక్రమంలో భారత హ్యాండ్‌బాల్‌ సమాఖ్య అధ్యక్షుడు జగన్‌మోహన్‌ రావు, బ్యాడ్మింటన్‌ చీఫ్‌ కోచ్‌ గోపీచంద్, తెలంగాణ రాష్ట్ర స్పోర్ట్స్‌ అథారిటీ చైర్మన్‌ అల్లీపురం వెంకటేశ్వర్‌ రెడ్డి పాల్గొన్నారు.
