సాక్షి, సూర్యాపేట జిల్లా: సూర్యాపేట జిల్లా నేరేడుచర్ల మండలం కందులవారిగూడెంలో దారుణం జరిగింది. డబ్బులు కోసం కన్నతల్లి అంత్యక్రియలు జరగకుండా కొడుకు, కూతుళ్లు వదిలేసిన ఉదంతం సభ్య సమాజం తలదించుకునేలా చేస్తోంది. కందువారిగూడెంకు చెందిన లక్ష్మమ్మకు ఇద్దరు కొడుకులు, ముగ్గురు కూతుళ్లు ఉన్నారు. చిన్నకుమారుడు కొన్నాళ్లు క్రితమే చనిపోయాడు.కాగా, ఇటీవల లక్ష్మమ్మ ఇటీవల బాత్‌రూంలో జారిపడి ఆసుప్రతిలో చేరింది. చికిత్స పొందుతూ ప్రాణాలు కోల్పోయింది. అయితే ఆమె వద్ద ఉన్న రూ.20 లక్షలు ముగ్గురు కూతుళ్లు సమానంగా పంచుకున్నారు. అయినా అంత్యక్రియల విషయంలో పేచీ పెట్టారు. అంత్యక్రియలు జరపకుండా మృతదేహాన్ని ఇంటివద్దే ఉంచారు. తండ్రితో పాటు తమ్ముడి అంత్యక్రియలు తానే చేశానని పెద్దకొడుకు చెబుతున్నాడు.తన తల్లి లక్ష్మమ్మ డబ్బు, బంగారం కూతుళ్లకే ఇచ్చిందని ఆరోపిస్తున్నాడు. తాను ఇప్పటికే కూలినాలి చేసుకుని బతుకుతున్నానని.. ఖర్చు తాను భరిస్తే తన పరిస్థితి ఏమిటని ప్రశ్నిస్తున్నాడు. అయితే. తల్లి అంత్యక్రియల విషయంలో కుమారుడు, కూతుళ్లు గొడవపడటం పట్ల గ్రామస్తులు అసహనం వ్యక్తం చేస్తున్నారు కని పెంచి ప్రయోజకుల్ని చేసిన తర్వాత ఇలా తల్లి శవాన్ని ఇంటి ముందు పెట్టుకుని ఘర్షణ పడటం తగదని సూచిస్తున్నారు.  

న్యూఢిల్లీ, సాక్షి: మద్యం కుంభకోణం కేసులో అరెస్టై తీహార్‌ జైల్లో ఉన్న బీఆర్‌ఎస్‌ ఎమ్మెల్సీ కల్వకుంట్ల కవితను ఆ పార్టీ నేతలు పరామర్శించారు. నాగర్‌ కర్నూలు బీఆర్‌ఎస్‌ అభ్యర్థి ఆర్‌ఎస్‌ ప్రవీణ్‌కుమార్‌, బాల్క సుమన్‌లు శుక్రవారం ఉదయం ఆమెను కలిశారు. కుటుంబ సభ్యులు కాకుండా పార్టీ సంబంధిత నేతలు ఆమెతో ములాఖత్‌ కావడం ఇదే మొదటిసారి. ములాఖత్‌ అనంతరం ఆర్ఎస్ ప్రవీణ్ కుమార్‌ మాట్లాడుతూ.. కవిత చాలా దైర్యంగా ఉన్నారు. నిర్దోషిత్వాన్ని నిరూపించుకుంటాననే నమ్మకంతో ఉన్నారు.రాజకీయ దురుద్దేశంతోనే కేసు పెట్టారు. రాష్ట్ర ఆదాయాన్ని పెంచుకోవడానికి ఆ ప్రభుత్వాలు పాలసీలు రూపొందిస్తారు, అందులో ఉన్నవాళ్ళందరిని దోషులుగా చేరుస్తామంటే ఎలా?. రైతు చట్టాలు సహా అనేక పాలసీలు మోదీ తీసుకొచ్చారు. అవి ఎవరి ప్రయోజనాలకోసం తీసుకొచ్చారు?. కవిత దగ్గరనుంచి ఒక్క రూపాయి డబ్బు దొరకలేదు, మనీలాండరింగ్‌ యాక్ట్‌ ఎలా వర్తిస్తుంది?. లంచం డిమాండ్ చేసినట్లు ఆధారాలు లేవు అవినీతి నిరోధక చట్టం ప్రకారం సీబీఐ ఎలా అరెస్ట్ చేస్తారు. ఈడీ దుర్మార్గంగా వ్యవహరిస్తోంది. బీజేపీ లో చేరినవారిపై ఒకలా, చేరనివారిపై మరోలా సెలెక్టీవ్ గా ఈడీ వ్యవహరిస్తోంది.విపక్షాల గొంతు నొక్కేందుకు సీబీఐ, ఈడీ ని బీజేపీ వాడుకుంటోంది. బాల్క సుమన్ మాట్లాడుతూ.. కవిత చాలా దైర్యంగా ఉన్నారు. మానసికంగా బలంగా ఉన్నారు. విపక్ష నాయకులను అణిచివేయలనే అన్యాయంగా కవితను ఈకేసులో ఇరికించారు.లిక్కర్‌ స్కాం కేసులో మార్చి 15వ తేదీన ఈడీ హైదరాబాద్‌లోని ఆమె నివాసంలో అరెస్ట్‌ చేసింది. అప్పటి నుంచి రిమాండ్‌ మీద ఆమె తీహార్‌ జైల్లో ఉన్నారు. ఇక.. ఈ కేసులో ఈడీ, సీబీఐ వేర్వేరుగా ఆమెను అరెస్ట్‌ చేయగా.. బెయిల్‌ కోసం ఆమె కూడా విడివిడిగా ఢిల్లీ హైకోర్టులో పిటిషన్లు వేశారు. ప్రస్తుతం వాటిపై విచారణ జరుగుతోంది. అంతకు ముందు సుప్రీం కోర్టు సూచనలతో ఆమె ట్రయల్‌ కోర్టు(ఢిల్లీ రౌస్‌ అవెన్యూ కోర్టు)లోనే బెయిల్‌ పిటిషన్లు వేశారు. ఇది రాజకీయ కక్షతోనే జరిగిన అరెస్టుగా ఆమె వాదించారు. అయితే.. ఆమె బయటకు వస్తే కేసును ప్రభావితం చేస్తారని దర్యాప్తు సంస్థల వాదనలో కోర్టు ఏకీభవించింది. ఆమె బెయిల్‌ పిటిషన్లను తోసిపుచ్చింది.

జహీరాబాద్‌: అమెరికాలోని చోర్లెట్‌ ప్రాంతంలో గురువారం తెల్లవారు జామున జరిగిన రోడ్డు ప్రమాదంలో సంగారెడ్డి జిల్లా జహీరాబాద్‌ ప్రాంతానికి చెందిన అబ్బరాజు పృథ్వీరాజ్‌ (30) అక్కడికక్కడే మృతి చెందాడు. పృపృథ్వీరాజ్‌ ఎనిమిదేళ్ల క్రితం ఐటీ ఉద్యోగం నిమిత్తం అమెరికా వెళ్లాడు. ఏడాదిన్నర కిందట సిద్దిపేట ప్రాంతానికి చెందిన శ్రీప్రియతో వివాహం జరిగింది.భార్యాభర్తలు బయటకు వెళ్లి పని ముగించుకుని ఇంటికి వెళుతున్న క్రమంలో ఈ ప్రమాదం చోటు చేసుకున్నట్లు బంధువులు తెలిపారు. రోడ్డుపై నిలిచి ఉన్న ఓ వాహనాన్ని పృథ్వీరాజ్‌ నడుపుతున్న కారు ఢీకొట్టి బోల్తా పడింది. ఈ ఘటనలో కారు బెలూన్లు తెరుచుకోవడంతో భార్యాభర్తలిద్దరూ స్వల్ప గాయాలతో బయటపడ్డారు.ప్రమాదం అనంతరం వారు రహదారికి మరోవైపు చేరుకున్నారు. కాగా, ప్రమాదం జరిగిన విషయాన్ని పోలీసులకు సమాచారం ఇచ్చేందుకు పృథ్వీరాజ్‌ కారులో ఉండిపోయిన సెల్‌ఫోన్‌ కోసం వెళుతూ.. మళ్లీ రోడ్డు దాటుతున్న క్రమంలో అదే సమయంలో వేగంగా వచి్చన వాహనం ఢీకొట్టడంతో అక్కడికక్కడే ప్రాణాలు కోల్పోయాడు. పృథ్వీ మృతదేహం శనివారం లేదా ఆదివారం ఇక్కడికి వచ్చే అవకాశం ఉందని బంధువులు తెలిపారు.

కరీంనగర్‌స్పోర్ట్స్‌: నగరంలోని టీఎస్‌ఎన్‌పీడీసీఎల్‌ కార్యాలయంలో విద్యుత్‌శాఖ, షూటర్స్‌ బాస్కెట్‌ బాల్‌ అకాడమీ ఆధ్వర్యంలో నిర్వహిస్తున్న బాస్కెల్‌బాల్‌ వేసవి శిక్షణ శిబిరాన్ని గురువారం ఎస్‌ఈ వడ్లకొండ గంగాధర్‌ సందర్శించారు. శిక్షణ తీరుపై చిన్నారులను అడిగి తెలుసుకున్నారు. వేసవి శిబిరా ల్లో శిక్షణపొంది భవిష్యత్‌లో జరిగే రాష్ట్ర, జాతీయస్థాయి పోటీల్లో రాణించి జిల్లాకు పేరు ప్రఖ్యాతులు తీసుకురావాలని సూచించారు. శిబిరంలో పాల్గొన్న క్రీడాకారులకు ఏడీఈ రాజు క్రీడాదుస్తులు అందించగా ఎస్‌ఈ ప్రదానం చేశారు. ఈ కార్యక్రమంలో డీఈ(టెక్నికల్‌) విజేందర్‌రెడ్డి, తిరుపతి, సుధీర్‌కుమార్‌, అనిల్‌కుమార్‌, రాజ్‌కుమార్‌, కోచ్‌లు, సీనియర్‌ క్రీడాకారులు సునీల్‌కుమార్‌, శ్రీధర్‌రావు, సత్యానంద్‌, జీవన్‌, వెంకటేష్‌, వెంకటరమణ, జాయ్‌, కృషి, తదితరులు పాల్గొన్నారు. ‘ఆదర్శ’లో ఇంటర్‌ ప్రవేశాలకు దరఖాస్తు చేసుకోండి చిగురుమామిడి: మండలంలోని చిన్నముల్కనూర్‌ ఆదర్శ పాఠశాలలో 2024–25 విద్యాసంవత్సరానికి ఇంటర్‌లో ప్రవేశాలకు దరఖాస్తు చేసుకో వాలని ప్రిన్సిపాల్‌ కె.శ్రీనివాస్‌ కోరారు. గత మా ర్చిలో పదోతరగతి ఉత్తీర్ణులైనవారు ఎంపీసీ, బైపీసీ, సీఈసీ, ఎంఈసీ కోర్సులకు ఎలాంటి రుసుము లేకుండా ఈనెల 25లోపు ఆన్‌లైన్‌లో దరఖాస్తు చేసుకోవాలన్నారు. అడ్మిషన్‌ పొందిన విద్యార్థినుల కు ఉచిత వసతిగృహ సౌకర్యం ఉంటుందన్నారు.

కరీంనగర్‌సిటీ: నగరంలోని ఎస్సారార్‌ ప్రభుత్వ ఆర్ట్స్‌’ సైన్స్‌ కళాశాల (అటానమస్‌) డిగ్రీ రెండో, నాల్గో సెమిస్టర్‌ పరీక్షలు ఈనెల 18వ తేదీ నుంచి జరుగుతాయని కళాశాల ప్రిన్సిపాల్‌ కల్వకుంట రామకృష్ణ, ఎగ్జామినేషన్స్‌ కంట్రోలర్‌ కొత్తిరెడ్డి మల్లారెడ్డి ఒక ప్రకటనలో తెలిపారు. కళాశాలలో పార్లమెంట్‌ నియోజకవర్గ ఎన్నికల ఓట్ల లెక్కింపు ఉన్నందున పరీక్షలు కళాశాల ఎదురుగా ఉన్న వివేకానంద రెసిడెన్షియల్‌ స్కూల్‌లో జరుగుతాయని, విద్యార్థులు గమనించాలని అన్నారు. విద్యార్థులకు ఇప్పటికే హాల్‌టికెట్లు డౌన్‌లోడ్‌ లింక్‌ పంపించినట్లు తెలిపారు. విద్యార్థులు ఎలాంటి ఆందోళనకు గురికాకుండా ఏకాగ్రతతో చదువుకొని పరీక్షలు రాయాలని కోరారు.