కేఎల్‌ రాహుల్‌ ఐపీఎల్‌లో కొత్త ఫ్రాంచైజీ ఢిల్లీ తరఫున తొలి మ్యాచ్‌లో బరిలోకి దిగలేదు. వ్యక్తిగత కారణాలతో మ్యాచ్‌కు దూరమైనట్లు ముందుగా ఫ్రాంచైజీ ప్రకటించింది. మ్యాచ్‌ సాగుతున్న సమయంలో రాహుల్‌ శుభవార్త ట్వీట్‌ చేశాడు. తమకు అమ్మాయి పుట్టినట్లు రాహుల్, అతియా శెట్టి ప్రకటించారు. 2023 జనవరిలో వీరిద్దరి పెళ్లి జరిగింది.

ఈ సీజన్‌ ఐపీఎల్‌లో మొదటి మ్యాచ్‌ కోల్‌కత నైట్‌రెడర్స్‌ (కేకేఆర్‌), రాయల్‌ ఛాలెంజర్స్‌ బెంగళూరు (ఆర్సీబీ) మధ్య మొదలైంది. డఫ్పా బెట్‌తో పాటు దాదాపు అన్ని బెట్టింగ్‌ యాప్‌లు కేకేఆర్‌ ఫేవరెట్‌ టీంగా బెట్టింగ్‌ నిర్వహించాయి. ఆర్సీబీపై మొదట్లో బెట్టింగ్‌ కాసిన వారు ఆ తర్వాత మళ్లీ కేకేఆర్‌పై బెట్టింగ్‌ కాశారు. కానీ, చివరికి ఆర్సీబీ గెలుపొందింది. దీంతో కేకేఆర్‌పై బెట్టింగ్‌ చేసిన వారంతా నిండా మునిగిపోయారు. ఐపీఎల్‌ క్రికెట్‌ మ్యాచుల్లో బెట్టింగ్‌ల జోరు తీరిది.సాక్షి ప్రతినిధి కర్నూలు : అందరి చేతిలో స్మార్ట్‌ఫోన్లు ఉండటం, ఆఫ్‌లైన్‌తో పాటు ఆన్‌లైన్‌లో బెట్టింగ్‌ యాప్‌లు పుష్కలంగా ఉండడంతో అధికశాతం క్రికెట్‌ అభిమానులు ఆన్‌లైన్‌ బెట్టింగ్‌లో మునిగిపోతున్నారు. సెలబ్రిటీలు కూడా వీటిని ప్రమోట్‌ చేస్తుండడంతో రెండేళ్లుగా ఈ యాప్‌లు భారీగా పెరిగాయి. పైగా.. ఈసారి ప్లేయర్ల ఆక్షన్‌లో ఎక్కువశాతం ప్లేయర్లు జట్లు మారారు. దీంతో బెట్టింగ్‌ రాయుళ్లు జట్ల విజయావకాశాలను సరిగ్గా అంచనా వేయలేకపోతున్నారు. చివరికి.. వారి ఖాతాల్లోని డబ్బు ఆవిరవుతోంది. ఆఫ్‌లైన్‌ కంటే ఆన్‌లైన్‌లోనే బెట్టింగ్‌లు ఎక్కువగా జరుగుతుండడంతో పోలీసులకు కూడా ఇవి సవాల్‌గానే మారాయి. ఈ ఐపీఎల్‌ సీజన్‌ ముగిసేలోపు రూ.లక్ష కోట్లు చేతులుమారే అవకాశముందని అంచనా.బెట్టింగ్‌ యాప్‌లు ఇవే.. ఆన్‌లైన్‌ బెట్టింగ్‌లో ఎక్కువమంది ‘డఫ్పా బెట్టింగ్‌’ యాప్‌ను వాడుతున్నారు. దీంతో పాటు ఎక్స్‌ బెట్, స్కై ఎక్సే్ఛంజ్, ఫ్యాన్సీ లైఫ్, క్రికెట్‌ మజా, లైవ్‌లైన్, లోటస్, బెట్‌ 65, బెట్‌ ఫెయిర్, టెన్‌క్రిక్, 22 బెట్, ఫోర్‌రాబెట్, వన్‌ విన్, పారిమ్యాచ్, మెల్‌బెట్‌తో పాటు అనేక బెట్టింగ్‌ యాప్‌లు ఉన్నాయి.ఆన్‌లైన్‌ బెట్టింగ్‌ తీరిది..⇒ ఈ విధానంలో మ్యాచ్‌కు గంట ముందే కొంత మొత్తాన్ని డిపాజిట్‌ చేయాలి. దాంతోనే బెట్టింగ్‌ కాయాలి. ⇒ మ్యాచ్‌కు ముందు రేటింగ్స్‌ ఇస్తా­రు. ఆ ప్రకారం పందెం వేయాలి. ⇒ మ్యాచ్‌ సాగేతీరును బట్టి ఇవి మారుతుంటాయి. డిపాజిట్‌ క్లోజ్‌ అయితే అప్పటికప్పుడు డిపాజిట్‌ చేసి బెట్టింగ్‌ కాసే అవకాశం ఉండదు. దీంతో చాలామంది రూ.50వేల నుంచి లక్షల రూపాయలు ముందుగానే యాప్స్‌లో డిపాజిట్‌ చేస్తున్నారు. ⇒ మ్యాచ్‌ పరిస్థితి, రేటింగ్స్‌ను బట్టి అప్పటికప్పుడు ఆకర్షితులై కూడా భారీగా బెట్టింగ్‌ కాస్తారు. ⇒ బెట్టింగ్‌లో గెలిస్తే క్షణాల్లో డబ్బు ఖాతాల్లో జమవుతుంది. ఓడిపో­తే ఖాతా ఖాళీ అవుతుంది. .. ఇలా రాష్ట్రవ్యాప్తంగా లక్షలాది మంది ఆన్‌లైన్‌ బెట్టింగ్‌ ఊబిలో చిక్కు­కుని రూ.వేల నుంచి రూ.లక్షల వరకూ పొగొట్టుకుంటున్నారు.ఆఫ్‌లైన్‌ బెట్టింగ్‌ ఇలా.. టాస్‌ నుంచి బాల్‌ టు బాల్‌ వరకూ బెట్టింగ్‌ సాగుతుంది. టాస్‌ ఎవరు గెలుస్తారు? తొలి ఓవర్‌ స్పిన్నర్‌తో బౌలింగ్‌ వేయిస్తారా? పేసర్‌తో వేయిస్తారా? మొదటి ఓవర్‌లో ఎన్ని పరుగులు వస్తాయి? జట్టు ఎంత స్కోర్‌ చేస్తుంది? ఎవరు గెలుస్తారు? ఫలానా బాల్‌కు ఫోర్‌ వస్తుందా? సిక్స్‌ వస్తుందా? లేదా ఒక్క పరుగే వస్తుందా? ఇలా అనేక రకాలుగా బెట్టింగ్‌లు ఉంటాయి. ఇక బుకీలు ముంబై, హైదరాబాద్, బెంగళూరులో ఉంటారు. జిల్లా, పట్టణ కేంద్రాల్లో సబ్‌బుకీలు ఉంటారు. మ్యాచ్‌ మారుతున్న స్వరూపాన్ని బట్టి బెట్టింగ్‌ లెక్కలు మారుస్తారు. వీరు వాట్సప్‌ గ్రూపుల్లో బెట్టింగ్‌ ధరలు నిర్ధారిస్తారు. ఆఫ్‌లైన్‌లో బెట్టింగ్‌ కాసేవారు బార్లతో పాటు హోటళ్లలో కూర్చుని బెట్టింగ్‌ కాస్తారు. 357 రకాల వెబ్‌సైట్లు బ్లాక్‌.. బెట్టింగ్‌లను అరికట్టేందుకు డైరెక్టరేట్‌ జనరల్‌ ఆఫ్‌ గూడ్స్‌ అండ్‌ సర్వీస్‌ ట్యాక్స్‌ ఇంటెలిజెన్స్‌ (డీజీజీఐ) 357 రకాల వెబ్‌సైట్లను బ్లాక్‌ చేసింది. వాటికి చెందిన 2,400 బ్యాంకు ఖాతాల్లో రూ.126 కోట్లను ఫ్రీజ్‌ చేసింది. మరో 700 యాప్‌లపై నిఘా ఉంచింది. అనుమతితో నడిచే బెట్టింగ్‌ యాప్‌లను టాలీవుడ్, బాలీవుడ్‌ సెలబ్రిటీలతో పాటు సోషల్‌ మీడియా సెలబ్రిటీలు ప్రమోట్‌ చేస్తున్నారు. ఈనెల 16న ఫణీంద్రశర్మ అనే వ్యక్తి ఫిర్యాదుతో హైదరాబాద్‌లో దగ్గుబాటి రానా, ప్రకాశ్‌రాజ్, విజయ్‌ దేవరకొండ, మంచు లక్ష్మి, నిధి అగర్వాల్, ప్రణీత, శ్రీముఖి, వర్షిణితో పాటు 24 మందిపై పోలీసులు కేసు నమోదు చేశారు. ఈ బెట్టింగ్‌ ఊబిలో వ్యాపారులు, ఉద్యోగులతో పాటు యువత ఎక్కువగా చిక్కుకుంటున్నారు.

తొలి 42 బంతుల్లో 100 పరుగులు... 87 బంతుల్లో 200 పరుగులు... ఇక మిగిలింది 300 లక్ష్యమే... ఐపీఎల్‌లో 300 పరుగులు సాధ్యమా అనే ప్రశ్నకు జవాబిచ్చేలా ఆడిన సన్‌రైజర్స్‌ హైదరాబాద్‌ జట్టు దానిని ఈసారి అందుకోలేకపోయినా దాదాపు చేరువగా వచ్చిoది. తమ అత్యధిక టీమ్‌ స్కోరుకు ఒక పరుగు మాత్రమే తక్కువ చేసి ఐపీఎల్‌ టోర్నీ చరిత్రలో రెండో అత్యధిక స్కోరును తమ పేరిటే లిఖించుకుంది. మారింది సీజన్‌ మాత్రమే తాము కాదు అంటూ సన్‌రైజర్స్‌ బ్యాటర్లు చెలరేగిపోయారు. గత ఏడాది లాగే అభిషేక్‌ శర్మ, ట్రావిస్‌ హెడ్‌ మెరుపులకు తోడు ఈసారి కొత్తగా జట్టులో చేరిన ఇషాన్‌ కిషన్‌ కూడా దూకుడుగా ఆడడంతో జట్టు ఆకాశమే హద్దుగా చెలరేగింది. ఛేదనకు ముందే ఓటమిని అంగీకరించినట్లు కనిపించిన రాజస్తాన్‌ కొంత పోరాడినా లక్ష్యం మరీ పెద్దది కావడంతో చివరకు ఆ జట్టుకు ఓటమి తప్పలేదు. మొత్తానికి 528 పరుగుల మ్యాచ్‌తో హైదరాబాద్‌ అభిమానులు ఆదివారం పండుగ చేసుకున్నారు. సాక్షి, హైదరాబాద్‌: ఐపీఎల్‌–18 సీజన్‌లో సన్‌రైజర్స్‌ హైదరాబాద్‌ తమదైన రీతిలో మెరుపు బ్యాటింగ్‌తో చెలరేగింది. ఘన విజయంతో టోర్నీని మొదలు పెట్టింది. ఆదివారం ఉప్పల్‌ స్టేడియంలో జరిగిన మ్యాచ్‌లో గత ఏడాది రన్నరప్‌ సన్‌రైజర్స్‌ 44 పరుగుల తేడాతో మాజీ చాంపియన్‌ రాజస్తాన్‌ రాయల్స్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన హైదరాబాద్‌ 20 ఓవర్లలో 6 వికెట్ల నష్టానికి 286 పరుగులు చేసింది.‘ప్లేయర్‌ ఆఫ్‌ ద మ్యాచ్‌’ ఇషాన్‌ కిషన్‌ (47 బంతుల్లో 106 నాటౌట్‌; 11 ఫోర్లు, 6 సిక్స్‌లు) సెంచరీతో కదం తొక్కాడు. ట్రావిస్‌ హెడ్‌ (31 బంతుల్లో 67; 9 ఫోర్లు, 3 సిక్స్‌లు) అర్ధసెంచరీ సాధించాడు. హెన్రిచ్‌ క్లాసెన్‌ (14 బంతుల్లో 34; 5 ఫోర్లు, 1 సిక్స్‌), నితీశ్‌ కుమార్‌ రెడ్డి (15 బంతుల్లో 30; 4 ఫోర్లు, 1 సిక్స్‌) కూడా దూకుడుగా ఆడారు. సన్‌రైజర్స్‌ టాప్‌–5 బ్యాటర్లంతా 200కు పైగా స్ట్రయిక్‌రేట్‌తో పరుగులు సాధించడం విశేషం. 3ఇషాన్‌ కిషన్‌పరుగులు 106 బంతులు 47 ఫోర్లు 11 సిక్స్‌లు 6 స్ట్రయిక్‌రేట్‌ 225.53 అనంతరం 287 పరుగుల విజయలక్ష్యంతో బరిలోకి దిగిన రాజస్తాన్‌ రాయల్స్‌ 20 ఓవర్లలో 6 వికెట్లకు 242 పరుగులు చేసి ఓడిపోయింది. ధ్రువ్‌ జురేల్‌ (35 బంతుల్లో 70; 5 ఫోర్లు, 6 సిక్స్‌లు), సంజూ సామ్సన్‌ (37 బంతుల్లో 66; 7 ఫోర్లు, 4 సిక్స్‌లు) మెరుపు అర్ధ సెంచరీలతో ఆకట్టుకున్నారు. సన్‌రైజర్స్‌ బౌలర్లలో సిమర్‌జీత్‌ సింగ్, హర్షల్‌ పటేల్‌ రెండు వికెట్ల చొప్పున తీశారు. సన్‌రైజర్స్‌ జట్టు తమ తదుపరి మ్యాచ్‌ను ఈనెల 27న ఉప్పల్‌ స్టేడియంలోనే లక్నో సూపర్‌ జెయింట్స్‌ జట్టుతో ఆడుతుంది. మెరుపు బ్యాటింగ్‌... అభిషేక్‌ శర్మ (11 బంతుల్లో 24; 5 ఫోర్లు), హెడ్‌ ఎప్పటిలాగే రైజర్స్‌కు శుభారంభం అందించారు. ఫారుఖీ ఓవర్లో అభిషేక్‌ మూడు ఫోర్లు కొట్టగా, అదే ఓవర్లో హెడ్‌ సిక్స్‌ కొట్టాడు. తొలి వికెట్‌కు 19 బంతుల్లో 45 పరుగుల భాగస్వామ్యం తర్వాత అభిషేక్‌ వెనుదిరిగాడు. అభిషేక్‌ స్థానంలో వచ్చిన ఇషాన్‌ కిషన్‌ కూడా అదే జోరును కొనసాగించాడు. ఆర్చర్‌ వేసిన ఐదో ఓవర్లో హెడ్‌ చెలరేగిపోయాడు. ఈ ఓవర్లో అతను 4 ఫోర్లు, సిక్స్‌ బాదడంతో మొత్తం 23 పరుగులు వచ్చాయి. పవర్‌ప్లే ముగిసేసరికి సన్‌రైజర్స్‌ స్కోరు 94 పరుగులకు చేరగా, 21 బంతుల్లోనే హెడ్‌ హాఫ్‌ సెంచరీ పూర్తయింది. ఎట్టకేలకు హెడ్‌ను తుషార్‌ అవుట్‌ చేసినా... కిషన్‌ తనదైన శైలిలో ధాటిగా ఆడాడు. హెడ్, కిషన్‌ రెండో వికెట్‌కు 39 బంతుల్లోనే 85 పరుగులు జోడించారు. ఆర్చర్‌ ఓవర్లో రెండు వరుస సిక్స్‌లతో కిషన్‌ 25 బంతుల్లో హాఫ్‌ సెంచరీని అందుకున్నాడు. అదే ఓవర్లో అతను మరో సిక్సర్‌ బాదాడు. మరోవైపు నితీశ్‌ రెడ్డి, క్లాసెన్‌ ఎక్కడా తగ్గలేదు. వీరిద్దరు దూకుడుతో స్కోరు వేగంగా దూసుకుపోయింది. సందీప్‌ ఓవర్లో వరుసగా 6, 4 కొట్టిన క్లాసెన్, ఆర్చర్‌ ఓవర్లో మూడు ఫోర్లు కొట్టాడు. సందీప్‌ ఓవర్లో వరుసగా రెండు సిక్స్‌లు బాది 98కి చేరిన కిషన్‌ తర్వాతి బంతికి రెండు పరుగులు చేసి సెంచరీ (45 బంతుల్లో)తో విజయనాదం చేశాడు. శతక భాగస్వామ్యం... దాదాపు అసాధ్యమైన లక్ష్య ఛేదనకు బరిలోకి దిగిన రాజస్తాన్‌ 50 పరుగులకే 3 కీలక వికెట్లు కోల్పోయింది. యశస్వి జైస్వాల్‌ (1), రియాన్‌ పరాగ్‌ (4), నితీశ్‌ రాణా (11) వెనుదిరగడంతో జట్టు ఛేదనావకాశాలు తగ్గిపోయాయి. అయితే సామ్సన్, జురేల్‌ కొద్దిగా ప్రయత్నం చేశారు. సిమర్‌జీత్‌ ఓవర్లో సామ్సన్‌ 2 ఫోర్లు, సిక్స్‌ కొట్టగా, కమిన్స్‌ ఓవర్లో జురేల్‌ 3 ఫోర్లు, సిక్స్‌ కొట్టడం హైలైట్‌గా నిలిచాయి. రాయల్స్‌ బ్యాటర్లు కూడా అక్కడక్కడా మెరుపులు మెరిపించినా హైదరాబాద్‌ ఇన్నింగ్స్‌ ముందు అవన్నీ దిగదుడుపుగా కనిపించాయి. నాలుగో వికెట్‌కు 60 బంతుల్లో 111 పరుగులు జత చేసిన అనంతరం ఒకే స్కోరు వద్ద సామ్సన్, జురేల్‌ అవుట్‌ కావడంతో రాజస్తాన్‌ ఆశలు అడుగంటాయి. చివర్లో హెట్‌మైర్‌ (23 బంతుల్లో 42; 1 ఫోర్, 4 సిక్స్‌లు), శుభమ్‌ దూబే (11 బంతుల్లో 34 నాటౌట్‌; 1 ఫోర్, 4 సిక్స్‌లు) పోరాడినా లాభం లేకపోయింది. స్కోరు వివరాలుసన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ శర్మ (సి) యశస్వి జైస్వాల్‌ (బి) తీక్షణ 24; హెడ్‌ (సి) హెట్‌మైర్‌ (బి) తుషార్‌ దేశ్‌పాండే 67; ఇషాన్‌ కిషన్‌ (నాటౌట్‌) 106; నితీశ్‌ కుమార్‌ రెడ్డి (సి) యశస్వి జైస్వాల్‌ (బి) తీక్షణ 30; క్లాసెన్‌ (సి) పరాగ్‌ (బి) సందీప్‌ 34; అనికేత్‌ (సి) ఆర్చర్‌ (బి) తుషార్‌ దేశ్‌పాండే 7; అభినవ్‌ మనోహర్‌ (సి) పరాగ్‌ (బి) తుషార్‌ దేశ్‌పాండే 0; కమిన్స్‌ (నాటౌట్‌) 0; ఎక్స్‌ట్రాలు 18; మొత్తం (20 ఓవర్లలో 6 వికెట్లకు) 286. వికెట్ల పతనం: 1–45, 2–130, 3–202, 4–258, 5–279, 6–279. బౌలింగ్‌: ఫారుఖీ 3–0–49–0, తీక్షణ 4–0–52–2, ఆర్చర్‌ 4–0–76–0, సందీప్‌ శర్మ 4–0–51–1, నితీశ్‌ రాణా 1–0–9–0, తుషార్‌ దేశ్‌పాండే 4–0–44–3. రాజస్తాన్‌ రాయల్స్‌ ఇన్నింగ్స్‌: యశస్వి జైస్వాల్‌ (సి) మనోహర్‌ (బి) సిమర్‌జీత్‌ 1; సంజూ సామ్సన్‌ (సి) క్లాసెన్‌ (బి) హర్షల్‌ పటేల్‌ 66; పరాగ్‌ (సి) కమిన్స్‌ (బి) సిమర్‌జీత్‌ 4; నితీశ్‌ రాణా (సి) కమిన్స్‌ (బి) షమీ 11; ధ్రువ్‌ జురేల్‌ (సి) ఇషాన్‌ కిషన్‌ (బి) ఆడమ్‌ జంపా 70; హెట్‌మైర్‌ (సి) మనోహర్‌ (బి) హర్షల్‌ పటేల్‌ 42; శుభమ్‌ దూబే (నాటౌట్‌) 34; ఆర్చర్‌ (నాటౌట్‌) 1; ఎక్స్‌ట్రాలు 13; మొత్తం (20 ఓవర్లలో 6 వికెట్లకు) 242. వికెట్ల పతనం: 1–20, 2–24, 3–50, 4–161, 5–161, 6–241. బౌలింగ్‌: మొహమ్మద్‌ షమీ 3–0–33–1, సిమర్‌జీత్‌ సింగ్‌ 3–0–46–2, కమిన్స్‌ 4–0–60–0, అభిషేక్‌ 2–0–17–0, ఆడమ్‌ జంపా 4–0–48–1, హర్షల్‌ పటేల్‌ 4–0–34–2.286 ఐపీఎల్‌లో ఇది రెండో అత్యధిక స్కోరు. గత ఏడాది రాయల్‌ చాలెంజర్స్‌ బెంగళూరుపై సన్‌రైజర్స్‌ చేసిన 287 పరుగుల స్కోరు అగ్రస్థానంలో ఉంది. ఐపీఎల్‌ చరిత్రలో టాప్‌–5 అత్యధిక టీమ్‌ స్కోర్లలో నాలుగు సన్‌రైజర్స్‌ పేరిటే ఉండటం విశేషం.76 జోఫ్రా ఆర్చర్‌ ఇచ్చిన పరుగులు. ఐపీఎల్‌లోని ఒక మ్యాచ్‌లో ఒక బౌలర్‌ ఇచ్చిన అత్యధిక పరుగులు ఇవే. గత ఏడాది ఢిల్లీ క్యాపిటల్స్‌తో మ్యాచ్‌లో గుజరాత్‌ టైటాన్స్‌ బౌలర్‌ మోహిత్‌ శర్మ అత్యధికంగా 73 పరుగులు ఇచ్చాడు. మోహిత్‌ పేరిట ఉన్న రికార్డును ఆర్చర్‌ తన పేరిట లిఖించుకున్నాడు. 34 టి20 ఫార్మాట్‌లో ఒక మ్యాచ్‌ ఇన్నింగ్స్‌లో అత్యధిక ఫోర్లు (34) కొట్టిన జట్టుగా సన్‌రైజర్స్‌ రికార్డు నెలకొల్పింది. గతంలో ఈ రికార్డు మిడిల్‌సెక్స్‌ కౌంటీ (33 ఫోర్లు; సర్రే జట్టుపై 2023లో) జట్టు పేరిట ఉంది. ఐపీఎల్‌ టోర్నీ మ్యాచ్‌లో ఒక ఇన్నింగ్స్‌లో అత్యధిక బౌండరీలు కొట్టిన రికార్డు ఢిల్లీ డేర్‌డెవిల్స్‌ (31 ఫోర్లు; 2017లో గుజరాత్‌ లయన్స్‌పై) జట్టు పేరిట ఉంది. దానిని కూడా సన్‌రైజర్స్‌ బ్రేక్‌ చేసింది. 3 ఐపీఎల్‌లో ఫాస్టెస్ట్‌ సెంచరీ చేసిన మూడో భారత ప్లేయర్‌గా ఇషాన్‌ కిషన్‌ (45 బంతుల్లో) గుర్తింపు పొందాడు. తొలి స్థానంలో యూసుఫ్‌ పఠాన్‌ (37 బంతుల్లో ముంబై ఇండియన్స్‌పై 2010లో) ఉన్నాడు. తాజా ఇన్నింగ్స్‌తో మయాంక్‌ అగర్వాల్‌ (45 బంతుల్లో; రాజస్తాన్‌ రాయల్స్‌పై 2020లో) సరసన ఇషాన్‌ కిషన్‌ చేరాడు.

సీజన్‌ ఆరంభ మ్యాచ్‌లో పరాజయం పాలయ్యే ఆనవాయితీని ముంబై ఇండియన్స్‌ మరోసారి కొనసాగించింది. వరుసగా 13వ ఏడాది ముంబై జట్టు ఐపీఎల్‌లో తాము ఆడిన తొలి మ్యాచ్‌లో ఓటమి పాలైంది. గతేడాది పాయింట్ల పట్టిక అట్టడుగున నిలిచిన ముంబై ఇండియన్స్‌ ఆదివారం జరిగిన మ్యాచ్‌లో చెన్నై సూపర్‌ కింగ్స్‌ చేతిలో నాలుగు వికెట్ల తేడాతో ఓడింది. బ్యాటింగ్‌లో మెరుపులు మెరిపించలేకపోయిన ముంబై... బౌలింగ్‌లోనూ ఎలాంటి ప్రభావం చూపలేకపోయింది. చెన్నై: ఐదుసార్లు చాంపియన్‌ చెన్నై సూపర్‌ కింగ్స్‌ ఐపీఎల్‌ 18వ సీజన్‌లో శుభారంభం చేసింది. ఆదివారం జరిగిన తమ తొలి మ్యాచ్‌లో చెన్నై నాలుగు వికెట్ల తేడాతో ఐదుసార్లు చాంపియన్‌ ముంబై ఇండియన్స్‌పై గెలిచింది. 2012 ఐపీఎల్‌లో చివరిసారి తాము ఆడిన తొలి మ్యాచ్‌లో నెగ్గిన ముంబై జట్టు ఆ తర్వాత ఇప్పటి వరకు మొదటి పోరులో శుభారంభం చేయలేకపోయింది. మొదట ముంబై ఇండియన్స్‌ 20 ఓవర్లలో 9 వికెట్ల నష్టానికి 155 పరుగులు చేసింది. హైదరాబాద్‌ యువతార ఠాకూర్‌ తిలక్‌ వర్మ (25 బంతుల్లో 31; 2 ఫోర్లు, 2 సిక్స్‌లు) టాప్‌ స్కోరర్‌ కాగా... తాత్కాలిక కెప్టెన్‌ సూర్యకుమార్‌ యాదవ్‌ (26 బంతుల్లో 29; 2 ఫోర్లు, 1 సిక్స్‌), దీపక్‌ చాహర్‌ (15 బంతుల్లో 28 నాటౌట్‌; 2 ఫోర్లు, 2 సిక్స్‌లు) తలా కొన్ని పరుగులు చేశారు. స్టార్‌ ఓపెనర్‌ రోహిత్‌ శర్మ (0) డకౌట్‌ కాగా... రికెల్టన్‌ (13), విల్‌ జాక్స్‌ (11) ఎక్కువసేపు నిలవలేకపోయారు. చెన్నై బౌలర్లలో ‘ప్లేయర్‌ ఆఫ్‌ ద మ్యాచ్‌’ నూర్‌ అహ్మద్‌ 4, ఖలీల్‌ అహ్మద్‌ 3 వికెట్లు పడగొట్టారు. అనంతరం చెన్నై 19.1 ఓవర్లలో 6 వికెట్లు కోల్పోయి 158 పరుగులు చేసింది. రచిన్‌ రవీంద్ర (45 బంతుల్లో 65 నాటౌట్‌; 2 ఫోర్లు, 4 సిక్స్‌లు), కెప్టెన్‌ రుతురాజ్‌ గైక్వాడ్‌ (26 బంతుల్లో 53; 6 ఫోర్లు, 3 సిక్స్‌లు) అర్ధశతకాలతో రాణించారు. స్కోరు వివరాలు ముంబై ఇండియన్స్‌ ఇన్నింగ్స్‌: రోహిత్‌ (సి) దూబే (బి) ఖలీల్‌ 0; రికెల్టన్‌ (బి) ఖలీల్‌ 13; జాక్స్‌ (సి) దూబే (బి) అశ్విన్‌ 11; సూర్యకుమార్‌ (స్టంప్డ్‌) ధోని (బి) నూర్‌ 29; తిలక్‌ వర్మ (ఎల్బీ) (బి) నూర్‌ 31; రాబిన్‌ (సి) జడేజా (బి) నూర్‌ 3; నమన్‌ (బి) నూర్‌ 17; సాంట్నర్‌ (ఎల్బీ) (బి) ఎలీస్‌ 11; దీపక్‌ చాహర్‌ (నాటౌట్‌) 28; బౌల్ట్‌ (సి) రుతురాజ్‌ (బి) ఖలీల్‌ 1; సత్యనారాయణ రాజు (నాటౌట్‌) 1; ఎక్స్‌ట్రాలు 10; మొత్తం (20 ఓవర్లలో 9 వికెట్లకు) 155. వికెట్ల పతనం: 1–0, 2–21, 3–36, 4–87, 5–95, 6–96, 7–118, 8–128, 9–141. బౌలింగ్‌: ఖలీల్‌ అహ్మద్‌ 4–0–29–3; స్యామ్‌ కరన్‌ 1–0–13–0; ఎలీస్‌ 4–0–38–1; అశ్విన్‌ 4–0– 31–1; జడేజా 3–0–21–0; నూర్‌ అహ్మద్‌ 4–0– 18–4. చెన్నై సూపర్‌ కింగ్స్‌ ఇన్నింగ్స్‌: రచిన్‌ (నాటౌట్‌) 65; రాహుల్‌ త్రిపాఠి (సి) రికెల్టన్‌ (బి) చాహర్‌ 2; రుతురాజ్‌ (సి) జాక్స్‌ (బి) విఘ్నేశ్‌ 53; దూబే (సి) తిలక్‌ వర్మ (బి) విఘ్నేశ్‌ 9; దీపక్‌ హుడా (సి) సత్యనారాయణ (బి) విఘ్నేశ్‌ 3; కరన్‌ (బి) జాక్స్‌ 4; జడేజా (రనౌట్‌) 17; ధోని (నాటౌట్‌) 0; ఎక్స్‌ట్రాలు 5; మొత్తం (19.1 ఓవర్లలో 6 వికెట్లకు) 158. వికెట్ల పతనం: 1–11, 2–78, 3–95, 4–107, 5–116, 6–152. బౌలింగ్‌: బౌల్ట్‌ 3–0–27–0; చాహర్‌ 2–0–18–1; సత్యనారాయణ 1–0–13–0; సాంట్నర్‌ 2.1–0–24–0; జాక్స్‌ 4–0–32–1; విఘ్నేశ్‌ 4–0–32–3; నమన్‌ 3–0–12–0. ఐపీఎల్‌లో నేడుఢిల్లీ X లక్నో వేదిక: విశాఖపట్నంరాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

బాదుడే పరామావధిగా చెలరేగి గత సీజన్‌లో రన్నరప్‌గా నిలిచిన సన్‌రజర్స్‌ హైదరాబాద్‌... ఈ ఏడాది అదే జోరు కొనసాగించేందుకు సిద్ధమైంది. సొంతగడ్డపై మాజీ చాంపియన్‌ రాజస్తాన్‌ రాయల్స్‌తో... నేడు కమిన్స్‌ సేన కప్‌ వేట ప్రారంభించనుంది. ట్రావిస్‌ హెడ్, అభిషేక్‌ శర్మ, ఇషాన్‌ కిషన్, నితీశ్‌కుమార్‌ రెడ్డి, హెన్రిచ్‌ క్లాసెన్‌తో సన్‌రైజర్స్‌ బ్యాటింగ్‌ లైనప్‌ శత్రు దుర్బేధ్యంగా ఉండగా... యశస్వి జైస్వాల్, సంజూ సామ్సన్, రియాన్‌ పరాగ్, హెట్‌మైర్, ధ్రువ్‌ జురెల్‌తో సవాలు విసిరేందుకు రాజస్తాన్‌ రాయల్స్‌ రెడీ అయింది. మరి రైజర్స్‌ దూకుడుకు రాయల్స్‌ అడ్డుకట్ట వేస్తుందా చూడాలి! సాక్షి, హైదరాబాద్‌: గత ఏడాది అందినట్లే అంది దూరమైన ఐపీఎల్‌ ట్రోఫీని ఈసారైనా ఒడిసి పట్టాలనే లక్ష్యంతో సన్‌రైజర్స్‌ హైదరాబాద్‌ జట్టు తొలి మ్యాచ్‌కు రెడీ అయింది. ఐపీఎల్‌ 18వ సీజన్‌లో భాగంగా జరగనున్న తొలి ‘డబుల్‌ హెడర్‌’లో ఆదివారం జరగనున్న తొలి మ్యాచ్‌లో రాజస్తాన్‌ రాయల్స్‌తో హైదరాబాద్‌ అమీతుమీ తేల్చుకోనుంది. ఒకప్పుడు కట్టుదిట్టమైన బౌలింగ్‌కు కేరాఫ్‌ అడ్రస్‌గా నిలిచిన సన్‌రైజర్స్‌... గత సీజన్‌లో విధ్వంసక బ్యాటింగ్‌తో రికార్డులు తిరగరాసింది. ఓపెనర్లు అభిషేక్‌ శర్మ, ట్రావిస్‌ హెడ్‌ నుంచి మొదలు పెట్టుకొని కెప్టెన్‌ కమిన్స్‌ వరకు ప్రతి ఒక్కరూ దూకుడుగా ఆడేవాళ్లు ఉండటం రైజర్స్‌కు కలిసి రానుండగా... సీజన్‌ ఆరంభ మ్యాచ్‌లో ఆరెంజ్‌ ఆర్మీ ఎలాంటి ప్రదర్శన కనబరుస్తుందో చూడాలి. గత ఏడాది మ్యాచ్‌ మ్యాచ్‌కు మరింత రాటుదేలుతూ అరాచకం సృష్టించిన రైజర్స్‌ బ్యాటర్లు... ఈ సీజన్‌లో తొలి మ్యాచ్‌ నుంచే జోరు కనబర్చాలని తహతహలాడుతున్నారు. ప్రాక్టీస్‌ సెషన్‌లలో హెడ్, క్లాసెన్, అభిషేక్, నితీశ్‌ వంతులు వేసుకొని మరి భారీ షాట్లు సాధన చేశారు. ఉప్పల్‌లోని రాజీవ్‌ గాంధీ అంతర్జాతీయ క్రికెట్‌ స్టేడియంలో జరగనున్న ఈ మ్యాచ్‌లో సన్‌రైజర్స్‌ ఫేవరెట్‌గా బరిలోకి దిగుతోంది. వేలంలో కొత్తగా తీసుకున్న ఇషాన్‌ కిషన్‌ రాకతో రైజర్స్‌ బ్యాటింగ్‌ మరింత పదునెక్కింది. గతేడాది ఒకటికి మూడుసార్లు 250 పైచిలుకు పరుగులు చేసిన రైజర్స్‌... ఈ సారి 300 మార్క్‌ అందుకోవాలనే లక్ష్యంతో కనిపిస్తోంది. గాయం నుంచి కోలుకున్న ఆంధ్ర ఆల్‌రౌండర్‌ నితీశ్‌ కుమార్‌ రెడ్డి మిడిలార్డర్‌లో కీలకం కానున్నాడు. మరోవైపు వేలి గాయంతో ఇబ్బంది పడుతున్న రాజస్తాన్‌ రాయల్స్‌ రెగ్యులర్‌ కెప్టెన్‌ సంజూ సామన్స్‌ ఈ మ్యాచ్‌లో కేవలం ప్లేయర్‌గా బరిలోకి దిగనున్నాడు. సీజన్‌ తొలి మూడు మ్యాచ్‌లకు సామ్సన్‌ స్థానంలో రియాన్‌ పరాగ్‌ రాయల్స్‌కు కెప్టెన్‌గా వ్యవహరించనున్నాడు. సామ్సన్‌ ఇంపాక్ట్‌ ప్లేయర్‌గా... స్వదేశీ ఆటగాళ్ల నైపుణ్యంపైనే ప్రధానంగా ఆధారపడుతున్న రాజస్తాన్‌ రాయల్స్‌కు... రెగ్యులర్‌ కెప్టెన్‌ సంజూ సామ్సన్‌ గాయం ఇబ్బంది పెడుతోంది. అతడు కేవలం బ్యాటర్‌గా మాత్రమే బరిలోకి దిగనున్నాడు. అంటే ఇంపాక్ట్‌ ప్లేయర్‌గా బ్యాటింగ్‌ చేసే అవకాశాలు ఉన్నాయి. అతడి స్థానంలో రియాన్‌ పరాగ్‌ జట్టును నడిపించనుండగా... ధ్రువ్‌ జురెల్‌ వికెట్‌ కీపింగ్‌ బాధ్యతలు అందుకోనున్నాడు. యశస్వి జైస్వాల్, సామ్సన్, నితీశ్‌ రాణా, పరాగ్, ధ్రువ్‌ జురేల్‌ ఇలా టాప్‌–5లో స్వదేశీ ఆటగాళ్లే బ్యాటింగ్‌ చేయనున్నారు. మిడిలార్డర్‌లో విండీస్‌ హిట్టర్‌ హెట్‌మైర్‌ కీలకం కానుండగా... ఆర్చర్, తీక్షణ, వనిందు హసరంగ బౌలింగ్‌ భారం మోయనున్నారు. విధ్వంసానికి కేరాఫ్‌ అడ్రస్‌గా నిలుస్తున్న రైజర్స్‌ బ్యాటింగ్‌ లైనప్‌ను రాయల్స్‌ బౌలింగ్‌ దళం ఎలా అడ్డుకుంటుందనే దానిపైనే ఈమ్యాచ్‌ విజయావకాశాలు ఆధారపడి ఉన్నాయి. బ్యాటింగ్‌ బలంగా... ఇంటా బయటా అనే తేడా లేకుండా గతేడాది బరిలోకి దిగిన ప్రతి మ్యాచ్‌లో పరుగుల వరద పారించిన సన్‌రైజర్స్‌... ముఖ్యంగా ఉప్పల్‌లో ఊచకోత సాగించింది. లక్నో సూపర్‌ జెయింట్స్‌తో పోరులో ఆ జట్టు నిర్దేశించిన 166 పరుగుల లక్ష్యాన్ని ఆరెంజ్‌ ఆర్మీ 9.4 ఓవర్లలో వికెట్‌ కోల్పోకుండానే ఛేదించి సంచలనం సృష్టించింది.ఓపెనర్లు అభిషేక్‌ శర్మ, హెడ్‌ బంతిపై పగబట్టినట్లు విజృంభిస్తుండటం రైజర్స్‌కు ప్రధాన బలం కాగా... ఇషాన్‌ కిషన్, నితీశ్‌ కుమార్‌ రెడ్డి, హెన్రిచ్‌ క్లాసెన్‌తో కూడిన మిడిలార్డర్‌ జట్టుకు మరింత బలాన్నిస్తోంది. అయితే ఫ్రాంఛైజీ తరఫున తొలిసారి బరిలోకి దిగనున్న అభినవ్‌ మనోహర్, అనికేత్‌ వర్మ ఎలాంటి ప్రదర్శన కనబరుస్తారనేది ఆసక్తికరం. గాయం కారణంగా శ్రీలంకతో పర్యటనతో పాటు ఐసీసీ చాంపియన్స్‌ ట్రోఫీకి దూరమైన ఆ్రస్టేలియా స్టార్‌ పేసర్‌ ప్యాట్‌ కమిన్స్‌... గాయం నుంచి కోలుకొని జట్టును నడిపించేందుకు సిద్ధమయ్యాడు. పేస్‌ బౌలింగ్‌లో మొహమ్మద్‌ షమీ, హర్షల్‌ పటేల్‌ కీలకం కానుండగా, ఆడమ్‌ జంపా స్పిన్‌ బాధ్యతలు మోయనున్నాడు. తుది జట్లు (అంచనా) సన్‌రైజర్స్‌ హైదరాబాద్‌: కమిన్స్‌ (కెప్టెన్‌), హెడ్, అభిషేక్, ఇషాన్‌ కిషన్, నితీశ్‌ రెడ్డి, క్లాసెన్, అనికేత్‌ వర్మ, అభినవ్‌ మనోహర్, హర్షల్‌ పటేల్, రాహుల్‌ చాహర్, షమీ, జాంపా. రాజస్తాన్‌ రాయల్స్‌: రియాన్‌ పరాగ్‌ (కెప్టెన్‌), యశస్వి జైస్వాల్, సంజూ సామ్సన్, నితీశ్‌ రాణా, ధ్రువ్‌ జురెల్, హెట్‌మైర్, హసరంగ, శుభమ్‌ దూబే, ఆర్చర్, తీక్షణ, సందీప్‌ శర్మ, తుషార్‌ దేశ్‌ పాండే. పిచ్, వాతావరణం గతేడాది ఉప్పల్‌లో జరిగిన మ్యాచ్‌ల్లో పరుగుల వరద పారింది. మొత్తం 13 మైదానాల్లో ఐపీఎల్‌ మ్యాచ్‌లు జరగగా... అందులో రెండో అత్యధికం (ఓవర్‌కు 10.54 పరుగులు) హైదరాబాద్‌లో నమోదైంది. ఈసారి కూడా అందుకు భిన్నంగా ఉండకపోవచ్చు. మ్యాచ్‌కు వర్ష సూచన లేదు. చెన్నై X ముంబైసాయంత్రం గం. 7:30 నుంచిచెన్నై: ఇండియన్‌ ప్రీమియర్‌ లీగ్‌ (ఐపీఎల్‌) 18వ సీజన్‌లో మరో కీలక పోరుకు రంగం సిద్ధమైంది. లీగ్‌లో అత్యంత విజయవంతమైన జట్లుగా చెరో ఐదు సార్లు ట్రోఫీలు గెలిచిన ముంబై ఇండియన్స్, చెన్నై సూపర్‌ కింగ్స్‌ మధ్య చెపాక్‌ వేదికగా ఆదివారం రెండో మ్యాచ్‌ జరగనుంది. గాయం కారణంగా ప్రధాన పేసర్‌ జస్‌ప్రీత్‌ బుమ్రా, నిషేధం కారణంగా హార్దిక్‌ పాండ్యా ఈ మ్యాచ్‌కు అందుబాటులో లేకపోగా... సూర్యకుమార్‌ యాదవ్‌ ముంబై ఇండియన్స్‌ జట్టును నడిపించనున్నాడు. రోహిత్‌ శర్మ, తిలక్‌ వర్మ, సూర్యకుమార్‌ యాదవ్, రికెల్టన్, నమన్‌ ధిర్‌తో ముంబై బ్యాటింగ్‌ బలంగానే ఉంది. బౌలింగ్‌లో ట్రెంట్‌ బౌల్ట్‌ అనుభవం ముంబైకి ప్రధానాయుధం కాగా... దీపక్‌ చాహర్, కరణ్‌ శర్మ, సాంట్నర్, ముజీబ్‌ ఉర్‌ రహమాన్‌ మిగిలిన బాధ్యతలు చూసుకోనున్నారు. మరోవైపు ఇటీవల అంతర్జాతీయ క్రికెట్‌కు వీడ్కోలు పలికిన రవిచంద్రన్‌ అశ్విన్‌ సుదీర్ఘ విరామం తర్వాత చెన్నై జట్టులో తిరిగి చేరాడు. చెపాక్‌ లాంటి స్లో పిచ్‌పై అశ్విన్, జడేజా, నూర్‌ అహ్మద్‌ను ఎదుర్కోవడం కష్టమైన పనే. ఎప్పట్లాగే మహేంద్ర సింగ్‌ ధోని వికెట్ల వెనుక నుంచి చెన్నై జట్టుకు దిశానిర్దేశం చేయనుండగా... బ్యాటింగ్‌లో కెప్టెన్‌ రుతురాజ్‌ గైక్వాడ్, కాన్వే, రాహుల్‌ త్రిపాఠి, శివమ్‌ దూబే, స్యామ్‌ కరన్, జడేజా కీలకం కానున్నారు. గత సీజన్‌లో ఎక్కువ శాతం బ్యాటింగ్‌కు రాని ధోని ఈ సారి బ్యాటింగ్‌ ఆర్డర్‌లో ముందుకు వస్తాడా చూడాలి. ఇరు జట్ల మధ్య చివరగా జరిగిన ఐదు మ్యాచ్‌ల్లో నాలుగింట చెన్నై విజయం సాధించింది. గత సీజన్‌లో పేలవ ప్రదర్శనతో పట్టిక అట్టడుగు స్థానంలో నిలిచిన ముంబై ఇండియన్స్‌ ఈ సీజన్‌ను తాజాగా ప్రారంభించాలని చూస్తోంది.

డిఫెండింగ్‌ చాంపియన్‌ కోల్‌కతా నైట్‌రైడర్స్‌ కొత్త సీజన్‌ను ఓటమితో మొదలు పెట్టింది. సొంతగడ్డ ఈడెన్‌ గార్డెన్స్‌లో ఆడిన మ్యాచ్‌లోనూ శుభారంభం చేయలేకపోయింది. బ్యాటింగ్‌లో రహానే, నరైన్‌ మెరుపులతో ఒక దశలో 200 సాధించగలదనిపించిన టీమ్‌ ఆ తర్వాత ఒక్కసారిగా కుప్పకూలి స్వల్ప స్కోరుకే పరిమితమైంది.ఆర్‌సీబీ బౌలర్లు కేకేఆర్‌ను సరైన సమయంలో నిలువరించడంలో సఫలమయ్యారు. ఆ తర్వాత సాల్ట్, కోహ్లి మెరుపు ఓపెనింగ్‌తో విజయానికి బాటలు వేసుకున్న బెంగళూరు ఆశావహ దృక్పథంతో తమ ప్రయాణాన్ని మొదలు పెట్టింది. మరో 22 బంతులు మిగిలి ఉండగానే గెలిచిన మ్యాచ్‌తో రజత్‌ పాటీదార్‌ కెపె్టన్‌గా శుభారంభం చేశాడు. కోల్‌కతా: ఐపీఎల్‌ తొలి పోరులో రాయల్‌ చాలెంజర్స్‌ బెంగళూరు పైచేయి సాధించింది. శనివారం జరిగిన మ్యాచ్‌లో ఆర్‌సీబీ 7 వికెట్ల తేడాతో డిఫెండింగ్‌ చాంపియన్‌ కోల్‌కతా నైట్‌రైడర్స్‌ను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన కోల్‌కతా 20 ఓవర్లలో 8 వికెట్ల నష్టానికి 174 పరుగులు చేసింది. అజింక్య రహానే (31 బంతుల్లో 56; 6 ఫోర్లు, 4 సిక్స్‌లు) అర్ధసెంచరీ సాధించగా... సునీల్‌ నరైన్‌ (26 బంతుల్లో 44; 5 ఫోర్లు, 3 సిక్స్‌లు), అంగ్‌కృష్‌ రఘువంశీ (22 బంతుల్లో 30; 2 ఫోర్లు, 1 సిక్స్‌) రాణించారు. రహానే, నరైన్‌ రెండో వికెట్‌కు 55 బంతుల్లోనే 103 పరుగులు జోడించారు. ‘ప్లేయర్‌ ఆఫ్‌ ద మ్యాచ్‌’ కృనాల్‌ పాండ్యా (3/29) కీలక సమయంలో 3 వికెట్లతో ప్రత్యర్థిని దెబ్బ తీశాడు. అనంతరం బెంగళూరు 16.2 ఓవర్లలో 3 వికెట్లకు 177 పరుగులు సాధించింది. విరాట్‌ కోహ్లి (36 బంతుల్లో 59 నాటౌట్‌; 4 ఫోర్లు, 3 సిక్స్‌లు), ఫిల్‌ సాల్ట్‌ (31 బంతుల్లో 56; 9 ఫోర్లు, 2 సిక్స్‌లు) హాఫ్‌ సెంచరీలతో చెలరేగగా...తొలి సారి కెప్టెన్‌గా వ్యవహరించి రజత్‌ పాటీదార్‌ (16 బంతుల్లో 34; 5 ఫోర్లు, 1 సిక్స్‌) కూడా దూకుడుగా ఆడాడు. భారీ భాగస్వామ్యం... 10 ఓవర్లలో 107 పరుగులు...ఇన్నింగ్స్‌ తొలి భాగంలో కోల్‌కతా బ్యాటింగ్‌ జోరింది. డి కాక్‌ (4) మొదటి ఓవర్లోనే వెనుదిరిగిన తర్వాత రహానే, నరైన్‌ కలిసి చెలరేగిపోయారు. సలామ్‌ ఓవర్లో ఫోర్, 2 సిక్స్‌లు బాదిన రహానే...కృనాల్‌ ఓవర్లో వరుసగా రెండు ఫోర్లు కొట్టాడు. అదే ఓవర్లో సిక్స్‌తో నరైనా కూడా జత కలిశాడు. దయాళ్‌ ఓవర్లో కూడా ఇదే తరహాలో రహానే 2 ఫోర్లు, సిక్స్‌తో చెలరేగిపోయాడు. సుయాశ్‌ ఓవర్లో సిక్స్‌తో 25 బంతుల్లోనే రహానే అర్ధ సెంచరీ పూర్తి చేసుకోగా...చివరి రెండు బంతులను రహానే సిక్స్, ఫోర్‌గా మలిచాడు. సలామ్‌ తర్వాతి ఓవర్లో కూడా 4, 6 కొట్టిన నరైన్‌ అదే ఊపులో చివరి బంతికి అవుటయ్యాడు. ఇక్కడే కేకేఆర్‌ ఇన్నింగ్స్‌ మలుపు తిరిగింది. ఒక్కసారిగా చెలరేగిన బెంగళూరు బౌలర్లు ప్రత్యర్థిపై పట్టు సాధించారు. 16 పరుగుల తేడాతో రహానే, వెంకటేశ్‌ అయ్యర్‌ (6) వెనుదిరగ్గా...ఐదు పరుగుల వ్యవధిలో భారీ హిట్టర్లు రింకూ సింగ్‌ (12), ఆండ్రీ రసెల్‌ (4) వికెట్లను జట్టు కోల్పోయింది. దాంతో అంచనాలకు అనుగుణంగా భారీ స్కోరును సాధించలేకపోయింది. దూకుడుగా దూసుకుపోయి... ఛేదనలో బెంగళూరు చెలరేగిపోయింది. ఇన్నింగ్స్‌ తొలి బంతినే ఫోర్‌గా మలచిన సాల్ట్‌ ఘనంగా మొదలు పెట్టగా, అతనికి కోహ్లి తోడవడంతో టీమ్‌ లక్ష్యం దిశగా సునాయాసంగా దూసుకుపోయింది. అరోరా ఓవర్లో సాల్ట్‌ 2 ఫోర్లు, ఒక సిక్స్‌ కొట్టగా, కోహ్లి మరో ఫోర్‌ బాదడంతో మొత్తం 20 పరుగులు వచ్చాయి. నైట్‌రైడర్స్‌ ఎంతో ఆశలు పెట్టుకున్న వరుణ్‌ చక్రవర్తికి తొలి ఓవర్లో బాగా దెబ్బ పడింది. వరుస బంతుల్లో సాల్ట్‌ 4, 6, 4, 4 బాదడంతో పరిస్థితి అంతా ఆర్‌సీబీకి అనుకూలంగా మారిపోయింది. జాన్సన్‌ ఓవర్లో వరుసగా రెండు సిక్స్‌లు బాది తానూ తగ్గలేదని కోహ్లి చూపించగా, 25 బంతుల్లో సాల్ట్‌ హాఫ్‌ సెంచరీని అందుకున్నాడు. తక్కువ వ్యవధిలో సాల్ట్, పడిక్కల్‌ (10) వికెట్లు తీసి కోల్‌కతా కాస్త ఊరట చెందినా...తర్వాత వచ్చిన పాటీదార్‌ కూడా బౌండరీల వర్షం కురిపించాడు. రాణా ఓవర్లోనే అతను ఏకంగా 4 ఫోర్లు కొట్టడం విశేషం. 30 బంతుల్లో విరాట్‌ హాఫ్‌ సెంచరీ సాధించాడు. చివర్లో వరుసగా 6, 4 కొట్టి లివింగ్‌స్టోన్‌ (15 నాటౌట్‌) మ్యాచ్‌ ముగించాడు. స్కోరు వివరాలుకోల్‌కాత నైట్‌రైడర్స్‌ ఇన్నింగ్స్‌: డి కాక్‌ (సి) జితేశ్‌ (బి) హాజల్‌వుడ్‌ 4; నరైన్‌ (సి) జితేశ్‌ (బి) సలామ్‌ 44; రహానే (సి) సలామ్‌ (బి) పాండ్యా 56; వెంకటేశ్‌ (బి) పాండ్యా 6; రఘువంశీ (సి) జితేశ్‌ (బి) దయాళ్‌ 30; రింకూ (బి) పాండ్యా 12; రసెల్‌ (బి) సుయాశ్‌ 4; రమణ్‌దీప్‌ (నాటౌట్‌) 6; హర్షిత్‌ (సి) జితేశ్‌ (బి) హాజల్‌వుడ్‌ 5; జాన్సన్‌ (నాటౌట్‌) 1; ఎక్స్‌ట్రాలు 6; మొత్తం (20 ఓవర్లలో 8 వికెట్లకు) 174. వికెట్ల పతనం: 1–4, 2–107, 3–109, 4–125, 5–145, 6–150, 7–168, 8–173. బౌలింగ్‌: హాజల్‌వుడ్‌ 4–0–22–2, యశ్‌ దయాళ్‌ 3–0–25–1, రసిఖ్‌ సలామ్‌ 3–0–35–1, కృనాల్‌ పాండ్యా 4–0–29–3, సుయాశ్‌ శర్మ 4–0–47–1, లివింగ్‌స్టోన్‌ 2–0–14–0. రాయల్‌ చాలెంజర్స్‌ బెంగళూరు ఇన్నింగ్స్‌: సాల్ట్‌ (సి) జాన్సన్‌ (బి) వరుణ్‌ 56; కోహ్లి (నాటౌట్‌) 59; పడిక్కల్‌ (సి) రమణ్‌దీప్‌ (బి) నరైన్‌ 10; పటీదార్‌ (సి) రింకూ (బి) అరోరా 34; లివింగ్‌స్టోన్‌ (నాటౌట్‌) 15; ఎక్స్‌ట్రాలు 3; మొత్తం (16.2 ఓవర్లలో 3 వికెట్లకు) 177. వికెట్ల పతనం: 1–95, 2–118, 3–162. బౌలింగ్‌: వైభవ్‌ అరోరా 3–0–42–2, స్పెన్సర్‌ జాన్సన్‌ 2.2–0–31–0, వరుణ్‌ చక్రవర్తి 4–0–43–1 హర్షిత్‌ రాణా 3–0–32–0, సునీల్‌ నరైన్‌ 4–0–27–1. సందడిగా ప్రారంభోత్సవంతొలి మ్యాచ్‌కు ముందు ఈడెన్‌ గార్డెన్స్‌లో ఐపీఎల్‌ ప్రారంభ వేడుకలు జరిగాయి. షారుఖ్‌ ఖాన్‌ వ్యాఖ్యానంతో ఈ కార్యక్రమం మొదలు కాగా...ఆ తర్వాత ప్రముఖ గాయని శ్రేయా ఘోషాల్‌ తన పాటతో అలరించింది. అనంతరం దిశా పటాని తన డ్యాన్స్‌తో ఆకట్టుకుంది. సింగర్‌ కరణ్‌ ఔజ్లా ఆమెకు జత కలిశాడు. చివర్లో షారుఖ్‌ చిత్రం ‘పఠాన్‌’లోని సూపర్‌ హిట్‌ పాటకు అతనితో కలిసి విరాట్‌ కోహ్లి వేసిన స్టెప్పులు హైలైట్‌గా నిలిచాయి. తొలి ఐపీఎల్‌ నుంచి ఇప్పటి వరకు ఆడుతున్న విరాట్‌ కోహ్లికి బీసీసీఐ ప్రత్యేక ‘18’ జ్ఞాపికను అందించింది. ఐపీఎల్‌లో నేడుహైదరాబాద్‌ X రాజస్తాన్‌ వేదిక: హైదరాబాద్‌ మధ్యాహ్నం 3: 30 గంటల నుంచి చెన్నై X ముంబైవేదిక: చెన్నైరాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

సాక్షి, ఉప్పల్: నేటి నుంచి ఐపీఎల్‌ సీజన్‌-18 ప్రారంభం కానుంది. ఇక, రేపు హైదరాబాద్‌ వేదికగా రాజస్థాన్‌, SRH మధ్య మ్యాచ్‌ జరగనుంది. ఈ నేపథ్యంలో ఉప్పల్‌లో ఐపీఎల్‌ మ్యాచ్‌ టికెట్లు బ్లాక్‌లో అమ్మడం కలకలం రేపింది. ఉప్పల్‌ మెట్రో స్టేషన్‌ వద్ద మ్యాచ్‌కు సంబంధించిన టికెట్లను అమ్ముతున్న వ్యక్తిని శనివారం పోలీసులు అరెస్ట్‌ చేశారు. అతడి వద్ద నుంచి టికెట్లను స్వాధీనం చేసుకున్నారు. వివరాల ప్రకారం.. ఐపీఎల్‌ సందడి వేళ ఉప్పల్‌లో ఎస్‌ఆర్‌హెచ్‌ మ్యాచ్‌లు తిలకించేందుకు ఫ్యాన్స్‌ ఎంతో ఆశగా ఎదురుచూస్తుంటారు. మ్యాచ్‌ టికెట్స్‌ కోసం ఎగబడతారు. కానీ, కొందరు మాత్రం మ్యాచ్‌ టికెట్లను బ్లాక్‌లో అమ్మడం మరోసారి చర్చనీయాంశంగా మారింది. రేపు జరగబోయే RR Vs SRH మ్యాచ్‌ టికెట్లను ఉప్పల్‌ మెట్రో స్టేషన్‌ వద్ద ఓ వ్యక్తి అ‍మ్మడం కలకలం రేపింది. మెట్రో స్టేషన్‌ వద్ద భరద్వాజ్‌ అనే వ్యక్తి టికెట్లను అమ్మడం కొందరు గుర్తించారు. దీంతో, పోలీసులకు సమాచారం ఇవ్వడంతో ఎస్‌ఓటీ పోలీసులు అక్కడిని చేరుకుని భరద్వాజ్‌కు అదుపులోకి తీసుకున్నారు. అనంతరం, అతడి వద్ద ఉన్న ఐపీఎల్‌ మ్యాచ్‌ టికెట్లను స్వాధీనం చేసుకున్నారు. ఈ క్రమంలో మ్యాచ్‌ టికెట్లను ఎక్కువ ధరకు అమ్ముతున్నట్టు పోలీసులు గుర్తించారు.

విశాఖ స్పోర్ట్స్‌: ప్రస్తుత ఐపీఎల్‌ సీజన్‌లో తమ తొలి మ్యాచ్‌ ఆడేందుకు లక్నో సూపర్‌ జెయింట్స్‌(ఎల్‌ఎస్‌జీ) జట్టు విశాఖపట్నం చేరుకుంది. శుక్రవారం ప్రత్యేక విమానంలో లక్నో నుంచి జట్టు విశాఖకు వచ్చింది. వైఎస్సార్‌ ఏసీఏ–వీడీసీఏ స్టేడియంలో ఈ నెల 24వ తేదీ రాత్రి 7.30 గంటలకు ఎల్‌ఎస్‌జీ, ఢిల్లీ క్యాపిటల్స్‌తో తలపడనుంది. గత సీజన్‌లో ఢిల్లీ క్యాపిటల్స్‌కు కెప్టెన్‌గా వ్యవహరించిన రిషబ్‌ పంత్‌ విశాఖ స్టేడియంలో రెండు మ్యాచ్‌లు ఆడాడు. ఈసారి ఎల్‌ఎస్‌జీ జట్టు కు రిషబ్‌ పంత్‌ కెప్టెన్‌గా వ్యవహరిస్తున్నాడు. తమ తొలి మ్యాచ్‌లో విజయం సాధించాలని ఇరు జట్లు ఉవ్విళ్లూరుతున్నాయి. ఇప్పటికే ఢిల్లీ క్యాపిటల్స్‌ ప్రాక్టీస్‌ ప్రారంభించగా, ఎల్‌ఎస్‌జీ జట్టు శనివారం ప్రాక్టీస్‌ చేయనుంది. ఎల్‌ఎస్‌జీ జట్టుకు మెంటర్‌గా జహీర్‌ ఖాన్‌, హెడ్‌ కోచ్‌గా లాంగర్‌, సహాయ కోచ్‌లుగా జాంటీ రోడ్స్‌, ప్రవీణ్‌ తంబే, లాన్స్‌ క్లుసెనర్‌ వంటి వారు ఉన్నారు. జట్టులో వికెట్‌ కీపర్లుగా ఆర్యన్‌, నికోలస్‌ అందుబాటులో ఉన్నారు. ఆల్‌రౌండర్లుగా మార్క్రమ్‌, మార్ష్‌, షాబాజ్‌ ఉండగా, బ్యాటింగ్‌లో ఆయుష్‌, డేవిడ్‌ మిల్లర్‌, సమద్‌ తమ సత్తా చాటేందుకు సిద్ధంగా ఉన్నారు. బౌలింగ్‌లో రవి బిష్ణోయ్‌, ఆవేష్‌, ఆకాష్‌తో పాటు ఇంపాక్ట్‌ ప్లేయర్‌గా సిద్ధార్థ్‌ లేదా అర్షిన్‌ ఆడే అవకాశం ఉంది. అయితే మయాంక్‌, మోషిన్‌, ఆవేష్‌ గాయా ల కారణంగా జట్టుకు అందుబాటులో ఉండటంపై సందేహాలు ఉన్నాయి. ప్రాక్టీస్‌ సెషన్‌ తర్వాత బౌలింగ్‌ విభాగంపై స్పష్టత వచ్చే అవకాశం ఉంది. ప్రస్తుతం ఇరు జట్లు గ్రూప్‌–2లో ఉన్నాయి. గత సీజన్‌లో ఇరు జట్లు కూడా లీగ్‌ దశలోనే నిష్క్రమించాయి.రాహుల్‌ రానట్టేనా?కాగా.. ఢిల్లీ క్యాపిటల్స్‌ స్టార్‌ ఆటగాడు కె.ఎల్‌.రాహుల్‌ ఇంకా విశాఖ చేరుకోలేదు. దీంతో ఆయన విశాఖలో జరిగే రెండు మ్యాచ్‌లకు అందుబాటులో ఉండటం అనుమానమే.! దీంతో ఎల్‌ఎస్‌జీతో జరిగే తొలి మ్యాచ్‌లో ఢిల్లీ తరపున ఫెరీరా వికెట్‌ కీపర్‌గా బరిలోకి దిగే అవకాశం ఉంది. గత సీజన్‌లో రాహుల్‌ లక్నో జట్టుకు కెప్టెన్‌గా ఉన్నాడు.

ఐపీఎల్‌(IPL) రాగానే ఎమ్మెస్‌ ధోనికి(MS Dhoni) ఇదే ఆఖరి సీజనా అనే చర్చ మళ్లీ మొదలవుతుంది! గత నాలుగేళ్లుగా అతను ‘డెఫినెట్‌లీ నాట్‌’ అంటూ చిరునవ్వులు చిందిస్తూనే ఉన్నాడు. లీగ్‌లో బ్యాటర్‌గా ధోని ప్రభావం దాదాపు సున్నాగా మారిపోయింది. అతని స్థాయి ఆట ఎంతో కాలంగా అస్సలు కనిపించడం లేదు. తప్పనిసరి అయితే తప్ప బ్యాటింగ్‌కు రాకుండా బౌలర్లను ముందుగా పంపిస్తున్నాడు. ఒక రకంగా టీమ్‌ 10 మందితోనే ఆడుతోంది! అయితే చెన్నై సూపర్‌ కింగ్స్‌ మేనేజ్‌మెంట్‌ ఆలోచనలు మాత్రం భిన్నంగా ఉన్నాయి. ఆటగాడిగా ఎలా ఉన్నా అతను మైదానంలో ఉంటే చాలు అని వారు భావిస్తున్నారు. అధికారికంగా కెప్టెన్ కాకపోయినా జట్టును నడిపించడంలో, వ్యూహాల్లో, టీమ్‌కు పెద్ద దిక్కుగా అతనికి అతనే సాటి. ఫిట్‌గానే ఉన్నాడు కాబట్టి అతను తనకు నచ్చినంత కాలం ఆడతాడేమో.

బెంగళూరు: పేస్‌ బౌలర్‌ మొహమ్మద్‌ సిరాజ్‌ ఆ్రస్టేలియాతో టెస్టు సిరీస్‌ తర్వాత భారత జట్టులో చోటు కోల్పోయాడు. స్వదేశంలో ఇంగ్లండ్‌తో సిరీస్‌తో పాటు టీమిండియా విజేతగా నిలిచిన చాంపియన్స్‌ ట్రోఫీ టీమ్‌లోనూ అతనికి స్థానం లభించలేదు. అయితే ఈ హైదరాబాదీ పేసర్‌ జాతీయ జట్టులోకి త్వరలోనే పునరాగమనం చేస్తానని ఆశాభావంతో ఉన్నాడు. ప్రస్తుతం అంతగా ఆందోళన చెందడం లేదని, ఐపీఎల్‌లో సత్తా చాటాలనే పట్టుదలతో బరిలోకి దిగుతున్నట్లు అతను చెప్పాడు.ఐపీఎల్‌లో సిరాజ్‌ ఈసారి గుజరాత్‌ టైటాన్స్‌ జట్టుకు ప్రాతినిధ్యం వహించబోతున్నాడు. ‘భారత జట్టు ఎంపిక నా చేతుల్లో ఉండదనేది వాస్తవం. నా చేతుల్లో బంతి మాత్రమే ఉంటుంది. దాంతో ఏం చేయగలను అనేదే ముఖ్యం. టీమ్‌ సెలక్షన్‌ గురించి అతిగా ఆలోచిస్తూ ఒత్తిడి పెంచుకోను. అలా చేస్తే నా ఆటపై ప్రభావం పడుతుంది. మున్ముందు ఇంగ్లండ్‌ పర్యటన, ఆసియా కప్‌లాంటివి ఉన్నాయనే విషయం నాకు తెలుసు. ఏం జరుగుతుందో చూద్దాం. ప్రస్తుతానికి దృష్టంతా ఐపీఎల్‌ పైనే ఉంది’ అని సిరాజ్‌ వ్యాఖ్యానించాడు. టీమిండియా తరఫున ఆడని సమయంలో బౌలింగ్‌ మెరుగుపర్చుకోవడంతో పాటు ఫిట్‌నెస్‌పై దృష్టి పెట్టినట్లు సిరాజ్‌ వెల్లడించాడు. ‘గత కొన్నేళ్లుగా నిరంతరాయంగా ఆడుతున్నాను. సాధారణంగా విశ్రాంతి తక్కువగా దొరుకుతుంది. కానీ ఈసారి మంచి విరామం లభించింది. అందుకే బౌలింగ్, ఫిట్‌నెస్‌పై మరింత దృష్టి పెట్టా. కొత్త బంతులు, పాత బంతులతో బౌలింగ్‌ చేశాం. స్లో బంతులు, యార్కర్ల విషయంలో ప్రత్యేక సాధన చేశాను. కొత్తగా నేర్చుకున్న అంశాలను ఐపీఎల్‌లో ప్రదర్శిస్తా’ అని అతను చెప్పాడు. శుబ్‌మన్‌ గిల్‌ నాయకత్వంలో ఆడేందుకు ఉత్సాహంగా ఎదురు చూస్తున్నట్లు సిరాజ్‌ వెల్లడించాడు. ‘బెంగళూరు జట్టుకు దూరం కావడం కొంత బాధకు గురి చేసిందనేది వాస్తవం. కోహ్లి అన్ని రకాలుగా అండగా నిలిచాడు. అయితే ఇక్కడా గిల్‌ సారథ్యంలో చాలా మంచి జట్టుంది. గిల్‌ కెపె్టన్సీలో బౌలర్లకు మంచి స్వేచ్ఛ ఉంటుంది. ఏదైనా కొత్తగా ప్రయత్నిస్తే ఎప్పుడూ వారించడు. మేమిద్దరం ఒకే టెస్టుతో అరంగేట్రం చేశాం. వ్యక్తిగతంగా కూడా మంచి సాన్నిహిత్యం ఉంది’ అని సిరాజ్‌ సంతోషం వ్యక్తం చేశాడు. తమ టీమ్‌లో రబాడ, రషీద్, ఇషాంత్, కొయెట్జీ లాంటి అగ్రశ్రేణి బౌలర్లు ఉండటం సానుకూల విషయమని, ఇది అందరిపై ఒత్తిడి తగ్గిస్తుందని అతను అభిప్రాయ పడ్డాడు. గత సీజన్‌ వరకు ఇదే ఫ్రాంచైజీకి ప్రాతినిధ్యం వహించిన మొహమ్మద్‌ షమీతో తనను పోల్చడంపై స్పందిస్తూ... ‘టైటాన్స్‌ టీమ్‌ తరఫున షమీ భాయ్‌ చాలా బాగా ఆడాడు. కీలక సమయాల్లో స్వింగ్‌తో వికెట్లు తీశాడు. నేను కూడా ఆయనలాగే పెద్ద సంఖ్యలో వికెట్లు తీసి జట్టుకు ఉపయోగపడితే చాలు. మొతెరా మైదానంలో కొత్త బంతితో షమీ వికెట్లు తీయడం నేను చూశాను. అదే తరహాలో పవర్‌ప్లేలో వికెట్లు తీయడమే నా పని’ అని సిరాజ్‌ చెప్పాడు. టైటాన్స్‌ కోచ్‌గా ఉన్న మాజీ పేసర్‌ ఆశిష్‌ నెహ్రాతో కలిసి పని చేసేందుకు, ఆయన వద్ద కొత్త విషయాలు నేర్చుకునేందుకు ఆసక్తిగా ఎదురు చూస్తున్నట్లు ఈ హైదరాబాదీ పేర్కొన్నాడు.

ఐపీఎల్‌ మొదలైనప్పుడు ఉన్న ఎనిమిది జట్లలో ఐదు టీమ్‌లు ఎప్పుడో విజేతగా నిలిచాయి... బెంగళూరు ఒక్కసారి కూడా గెలవకపోయినా ఆ జట్టు మూడుసార్లు ఫైనల్‌కు వెళ్లింది. పైగా విరాట్‌ కోహ్లిలాంటి దిగ్గజం కారణంగా ఫలితాలతో సంబంధం లేకుండా ఆకర్షణ కోల్పోని జట్టుగా సాగుతోంది... కానీ మరో రెండు టీమ్‌లు మాత్రం ప్రతీ సీజన్‌లో ఎన్నో ఆశలతో బరిలోకి దిగడం, సగం టోర్నీ ముగిసేవరకే పేలవ ప్రదర్శనతో చేతులెత్తేయడం దాదాపుగా రివాజుగా మారిపోయింది... ఎన్ని ప్రయత్నాలు చేసినా, ఆటగాళ్లు, కెప్టెన్లు, సిబ్బందిని మార్చి మార్చి ప్రయోగాలు చేసినా, వ్యూహాలు మార్చినా ఆశించిన ఫలితం దక్కలేదు. డేర్‌డెవిల్స్‌ నుంచి క్యాపిటల్స్‌గా మారినా... కింగ్స్‌ ఎలెవన్‌ నుంచి కింగ్స్‌కు పరిమితమైనా రాత మాత్రం మారలేదు. మరోసారి కొత్త మార్పులు, కొత్త బృందంతో దండయాత్రకు సిద్ధమవుతున్న ఢిల్లీ, పంజాబ్‌ టీమ్‌లకు ఇప్పుడైనా టైటిల్‌ రూపంలో అదృష్టం తలుపు తడుతుందా చూడాలి. –సాక్షి క్రీడా విభాగం అక్షర్‌ అద్భుతం చేసేనా? 2020 సీజన్‌లో ఫైనల్‌ చేరిన ఢిల్లీ క్యాపిటల్స్‌ రన్నరప్‌గా నిలిచి సంతృప్తి చెందింది. ఐపీఎల్‌లో ఢిల్లీకిదే అత్యుత్తమ ప్రదర్శన. ఆ తర్వాత నాలుగు సీజన్లలో ఢిల్లీ వరుసగా 3, 5, 9, 6 స్థానాల్లో నిలిచింది. గత ఏడాది తొలి ఐదు మ్యాచ్‌లలో ఓడిన తర్వాత కోలుకోవడం కష్టమైంది. ఈసారి జట్టు ఆటగాళ్లతో పాటు సహాయక సిబ్బందిలో కూడా భారీ మార్పు జరిగింది. వేలానికి ముందు అట్టి పెట్టుకున్న అక్షర్‌ పటేల్, కుల్దీప్, స్టబ్స్, పొరేల్‌లతో పాటు వేలంలో జేక్‌ ఫ్రేజర్‌ను మళ్లీ తెచ్చుకుంది. ఇప్పుడు అందరి దృష్టి కేఎల్‌ రాహుల్‌పై ఉంది. లక్నో యాజమాన్యంతో విభేదాల తర్వాత ఆ జట్టుకు దూరమైన రాహుల్‌ బ్యాటింగ్‌పై దృష్టి పెట్టేందుకే కెపె్టన్సీని తిరస్కరించినట్లు సమాచారం. ఇటీవలి ఫామ్‌ చూస్తే రాహుల్‌ చక్కటి ప్రదర్శనపై అంచనాలు పెరుగుతున్నాయి. ఓపెనింగ్‌లో ఫ్రేజర్, డుప్లెసిస్‌తో పాటు మిడిలార్డర్‌లో స్టబ్స్‌ దూకుడు కీలకం కానుంది. గత ఏడాది పంజాబ్‌ తరఫున చెలరేగిన అశుతోష్‌ శర్మతో పాటు సమీర్‌ రిజ్వీ ఫినిషర్లుగా సిద్ధమయ్యారు. ఇక ఆల్‌రౌండర్‌గా, కెపె్టన్‌గా అక్షర్‌ పటేల్‌ తన ముద్రను చూపించాల్సి ఉంది. ముఖ్యంగా టి20 వరల్డ్‌ కప్, చాంపియన్స్‌ ట్రోఫీలలో సత్తా చాటి ఒక్కసారిగా స్థాయిని పెంచుకున్న అతను ఢిల్లీని సమర్థంగా నడిపిస్తే చరిత్రలో నిలిచిపోగలడు. స్టార్క్‌లాంటి దిగ్గజం జట్టుతో ఉండటం ఎప్పుడైనా బలమే. ముకేశ్, నటరాజన్, కుల్దీప్‌లు అతనికి అండగా నిలవాల్సి ఉంది. మోహిత్‌ రూపంలో మరో చక్కటి బౌలింగ్‌ ప్రత్యామ్నాయం అందుబాటులో ఉంది. హెడ్‌ కోచ్‌గా హేమంగ్‌ బదాని, డైరెక్టర్‌ హోదాలో వచ్చిన వేణుగోపాలరావు ఎలాంటి మార్పు తీసుకొస్తారనేది ఆసక్తికరం. మాజీ ఇంగ్లండ్‌ స్టార్‌ కెవిన్‌ పీటర్సన్‌ మెంటార్‌గా తన ప్రభావం చూపించవచ్చు. స్టార్క్‌ మినహా మిగతా భారత పేసర్లకు బౌలింగ్‌ కోచ్‌ మునాఫ్‌ పటేల్‌ ఎలా మార్గనిర్దేశం చేస్తాడో చూడాలి. ఢిల్లీ క్యాపిటల్స్‌ జట్టు: అక్షర్‌ పటేల్‌ (కెప్టెన్‌), కేఎల్‌ రాహుల్, కుల్దీప్‌ యాదవ్, ట్రిస్టన్‌ స్టబ్స్, జేక్‌ ఫ్రేజర్, మిచెల్‌ స్టార్క్, ఫాఫ్‌ డుప్లెసిస్, ముకేశ్‌ కుమార్, కరుణ్‌ నాయర్, డొనొవాన్‌ ఫెరీరా, అభిషేక్‌ పొరేల్, సమీర్‌ రిజ్వీ, అశుతోష్‌ శర్మ, దర్శన్‌ నల్కండే, విప్‌రాజ్‌ నిగమ్, అజయ్‌ మండల్, మన్వంత్‌ కుమార్, త్రిపురాన విజయ్, మాధవ్‌ తివారి, టి.నటరాజన్, మోహిత్‌ శర్మ, దుష్మంత్‌ చమీరా. శ్రేయస్‌ నాయకత్వంలోనైనా... 2014లో అనూహ్య ప్రదర్శనతో దూసుకుపోయి ఫైనల్‌ వరకు వెళ్లగలగడం పంజాబ్‌ కింగ్స్‌ జట్టు సాధించిన ఘనత. కానీ ఆ తర్వాత లీగ్‌లో మరే ఇతర జట్టుకు లేనంత చెత్త రికార్డును ఈ టీమ్‌ నమోదు చేసింది. తర్వాతి పదేళ్లలో ఒక్కసారి కూడా కనీసం ‘ప్లే ఆఫ్స్‌’కు అర్హత సాధించలేకపోయిన జట్టు వరుసగా 8, 8, 5, 7, 6, 6, 6, 6, 8, 9 స్థానాలకు పరిమితమైంది! గత సీజన్లో 14 మ్యాచ్‌లలో 5 మాత్రమే గెలిచిన టీమ్‌ ఈసారి ఇద్దరు ఆటగాళ్లను మాత్రమే అట్టి పెట్టుకొని మళ్లీ కొత్తగా మొదలు పెట్టేందుకు సిద్ధమైంది. ప్రభ్‌సిమ్రన్‌ సింగ్, శశాంక్‌ సింగ్‌లను కొనసాగించి వారిపై అంచనాలు పెంచుకున్న టీమ్‌ వేలంలో యువ పేస్‌ అర్‌‡్షదీప్‌ను తిరిగి తెచ్చుకోవడం సరైన నిర్ణయం. ఏడాది కాలంగా ఫామ్‌లో ఉన్న అతను టీమ్‌ విజయాలను శాసించగలడు. ఢిల్లీ కోచ్‌గా ఫలితాలు సాధించలేకపోయిన రికీ పాంటింగ్, 2024 ఐపీఎల్‌ విన్నింగ్‌ కెపె్టన్‌ శ్రేయస్‌ అయ్యర్‌ కాంబినేషన్‌లో జట్టు సంచలనాలు ఆశిస్తోంది. ట్రోఫీ గురించి ఇప్పుడే మాట్లాడకపోయినా కనీసం గతంలోకంటే మెరుగైన విజయాలు అందుకొని ముందుగా ప్లే ఆఫ్స్‌ వరకు వెళ్లాలని జట్టు భావిస్తోంది. జట్టుపై ఆ్రస్టేలియన్ల ప్రభావం చాలా ఉంది. గతంలో ఐదు సీజన్లు ఇదే టీమ్‌కు ఆడిన మ్యాక్స్‌వెల్‌ మళ్లీ ఇక్కడికే వచ్చాడు. కెరీర్‌ చివర్లో ఉన్న అతను ఎంతగా ప్రభావం చూపిస్తాడనేది చర్చనీయాంశం. మరో నలుగురు ఆసీస్‌ ఆటగాళ్లు స్టొయినిస్, ఇన్‌గ్లిస్, బార్ట్‌లెట్, హార్డీ టీమ్‌తో ఉన్నారు. అయ్యర్‌ కెప్టెన్సీతో పాటు దూకుడైన బ్యాటింగ్‌ చూపించాల్సి ఉంటుంది. అంతర్జాతీయ క్రికెట్‌లో చక్కటి ఫామ్‌లో ఉన్న అజ్మతుల్లా, మార్కో యాన్సెన్‌ కచ్చితంగా ప్రభావం చూపించగలరు. ఐపీఎల్‌ స్టార్‌ స్పిన్నర్‌ చహల్‌ ఉండటం జట్టుకు అదనపు బలం. హాడిన్, హోప్స్, సునీల్‌ జోషిలతో కూడిన సహాయక సిబ్బంది కూడా కీలకం కానున్నారు. పంజాబ్‌ కింగ్స్‌ జట్టు: శ్రేయస్‌ అయ్యర్‌ (కెప్టెన్‌), అర్ష్ దీప్‌ సింగ్, యుజువేంద్ర చహల్, ప్రభ్‌సిమ్రన్‌ సింగ్, శశాంక్‌ సింగ్, స్టొయినిస్, మ్యాక్స్‌వెల్, ఇన్‌గ్లిస్, హర్‌ప్రీత్‌ బ్రార్, మార్కో యాన్సెన్, అజ్మతుల్లా ఒమర్జాయ్, ఫెర్గూసన్, నేహల్‌ వధేరా, విష్ణు వినోద్, హర్నూర్‌ పన్ను, పైలా అవినాశ్, ప్రియాన్‌‡్ష ఆర్య, ఆరోన్‌ హార్డీ, ముషీర్‌ ఖాన్, సూర్యాంశ్‌ షెడ్గే, వైశాక్‌ విజయ్‌కుమార్, యశ్‌ ఠాకూర్, కుల్దీప్‌ సేన్, ప్రవీణ్‌ దూబే, జేవియర్‌ బార్ట్‌లెట్‌.

ఐపీఎల్‌లో విజయవంతమైన జట్టుగా గుర్తింపు... హేమాహేమీలు ప్రాతినిధ్యం వహించిన ఫ్రాంచైజీగా రికార్డు... నైపుణ్యాన్ని వలవేసి పట్టే నేర్పరితనం... యువ ఆటగాళ్లకు అండగా నిలిచే యాజమాన్యం... వెరసి ఐపీఎల్‌ టోర్నీ చరిత్రలో 5 ట్రోఫీలు సాధించిన ముంబై ఇండియన్స్‌ జట్టు గత కొన్నాళ్లుగా స్థాయికి తగ్గ ప్రదర్శన కనబర్చలేకపోతోంది. రోహిత్‌ శర్మ నుంచి సారథ్య బాధ్యతలు హార్దిక్‌ పాండ్యాకు అప్పగించడంతో జట్టులో గందరగోళ పరిస్థితి ఏర్పడింది. అభిమానుల అసహనం, మాజీల రుసరుసలు, విశ్లేషకులు వెటకారాలతో గత సీజన్‌ గడిచిపోగా... 2024 ఐపీఎల్‌ తర్వాత భారత జట్టుకు రోహిత్‌ శర్మ 2 ఐసీసీ ట్రోఫీలు అందించాడు. ఈ రెండింట్లో హార్దిక్‌ కీలకపాత్ర పోషించడంతో సమస్య సమసిపోయినట్లైంది. మరి ఈ ఏడాదైనా ముంబై సమష్టిగా సత్తాచాటి మునుపటి జోరు సాగిస్తుందా చూడాలి! ఐపీఎల్‌ చరిత్రలో అత్యంత విజయవంతమైన జట్టు ఏదైనా ఉందంటే... అది ముమ్మాటికీ చెన్నై సూపర్‌ కింగ్సే! ఇప్పటి వరకు 15 సీజన్‌లు ఆడిన చెన్నై జట్టు అందులో 10 సార్లు ఫైనల్‌కు చేరి ఐదుసార్లు ట్రోఫీ చేజిక్కించుకుంది. ఈ గణాంకాలు చాలు ఐపీఎల్‌లో చెన్నై జోరు ఏంటో చెప్పేందుకు. వికెట్ల వెనక ధోని మాయాజాలం... కాన్వే, రచిన్‌ రవీంద్ర బ్యాటింగ్‌ సామర్థ్యం... శివమ్‌ దూబే, రవీంద్ర జడేజా ఆల్‌రౌండ్‌ మెరుపులు, అశ్విన్, పతిరణ బౌలింగ్‌ నైపుణ్యం ఇలా అన్నీ విభాగాల్లో పటిష్టంగా ఉన్న చెన్నై సూపర్‌ కింగ్స్‌... ఆరో కప్పువేటకు సిద్ధమైంది. –సాక్షి క్రీడావిభాగం ఇండియన్‌ ప్రీమియర్‌ లీగ్‌ (ఐపీఎల్‌) ప్రారంభం నుంచి నిలకడ కొనసాగిస్తున్న ముంబై ఇండియన్స్‌ జట్టు ఆరోసారి ట్రోఫీ చేజిక్కించుకునేందుకు సిద్ధమవుతోంది. గత కొన్ని సీజన్‌లుగా పెద్దగా ఆకట్టుకోలేకపోతున్న ముంబై ఇండియన్స్‌ ఈసారి మెరుగైన ప్రదర్శన చేయడమే లక్ష్యంగా సాగుతోంది. గత సీజన్‌ ఆరంభానికి ముందు ఫ్రాంచైజీకి ఐదు ట్రోఫీలు (2013, 2015, 2017, 2019, 2020) అందించిన ‘హిట్‌మ్యాన్‌’ రోహిత్‌ శర్మను కాదని... గుజరాత్‌ టైటాన్స్‌ నుంచి హార్దిక్‌ పాండ్యాను తీసుకొచ్చి సారథ్య బాధ్యతలు అప్పగించడం అభిమానులకు ఏమాత్రం రుచించలేదు. దీంతో సామాజిక మాధ్యమాల్లో ముంబై ఇండియన్స్‌ నిర్ణయాన్ని దుమ్మెత్తిపోసిన అభిమానులు... మైదానంలో హార్దిక్‌ను గేలి చేశారు. సొంత మైదానం వాంఖడేతో పాటు... దేశంలో ఎక్కడ మ్యాచ్‌ ఆడేందుకు వెళ్లినా... పాండ్యాకు ఇదే అనుభవం ఎదురైంది. దీంతో సహజంగానే డ్రెస్సింగ్‌రూమ్‌ వాతావరణం దెబ్బతింది. అదే మైదానంలో ప్రస్ఫుటమైంది. గత సీజన్‌లో 14 మ్యాచ్‌లాడిన ముంబై ఇండియన్స్‌ జట్టు కేవలం 4 విజయాలు మాత్రమే సాధించి 10 పరాజయాలతో పట్టికలో అట్టడుగున నిలిచింది. గత నాలుగు సీజన్లలో ఒక్కసారి (2023లో) మాత్రమే ముంబై జట్టు ప్లే ఆఫ్స్‌కు చేరింది. 2022, 2024లో పట్టికలో కింది స్థానంతో లీగ్‌ను ముగించింది. అయితే అప్పటికీ ఇప్పటికీ జట్టులో ఎంతో తేడా కనిపిస్తోంది. ఏడాది వ్యవధిలో రోహిత్‌ శర్మ సారథ్యంలోని భారత జట్టు ఐసీసీ టి20 ప్రపంచకప్‌తో పాటు, చాంపియన్స్‌ ట్రోఫీ చేజిక్కించుకుంది. ఈ రెండు విజయాల్లోనూ కీలకంగా నిలిచిన హార్దిక్‌ పాండ్యాను అభిమానులు తిరిగి అక్కున చేర్చుకున్నారు. దీనికి తోడు రోహిత్‌ వంటి అనుభవజ్ఞుడి సలహాలు, సూచనలు ఉంటే... పాండ్యా జట్టును మరింత ముందుకు తీసుకెళ్లడం ఖాయమే. బుమ్రా ఫిట్‌నెస్‌ సాధించేనా! ఆ్రస్టేలియా పర్యటన సందర్భంగా గాయపడ్డ భారత ప్రధాన పేసర్‌ జస్‌ప్రీత్‌ బుమ్రా ఫిట్‌నెస్‌పై ముంబై ఆందోళన చెందుతోంది. వెన్నునొప్పితో చాంపియన్స్‌ ట్రోఫీకి దూరమైన ఈ ఏస్‌ పేసర్‌... ఐపీఎల్‌ తొలి దశ మ్యాచ్‌లకు అందుబాటులో ఉండబోడని ఇప్పటికే ఫ్రాంచైజీ వెల్లడించింది. అయితే అతడి సేవలు ఎప్పటి నుంచి అందుబాటులోకి వస్తాయనే దానిపై స్పష్టత లేదు. గతేడాది వేలంలో బుమ్రా, రోహిత్, హార్దిక్, సూర్యకుమార్‌తో పాటు హైదరాబాదీ ప్లేయర్‌ తిలక్‌ వర్మను ఫ్రాంచైజీ రిటైన్‌ చేసుకుంది. అందులో అత్యధికంగా బుమ్రాకు రూ. 18 కోట్లు కట్టబెట్టింది. యువ ఆటగాడు ఇషాన్‌ కిషన్‌ను వేలానికి వదిలేసిన ముంబై... ట్రెంట్‌ బౌల్ట్, దీపక్‌ చాహర్, సాంట్నర్‌తో బౌలింగ్‌ను మరింత పటిష్టం చేసుకుంది. రోహిత్‌తో కలిసి దక్షిణాఫ్రికా ప్లేయర్‌ రికెల్టన్‌ ఇన్నింగ్స్‌ను ఆరంభించనున్నాడు. భారత ఆటగాళ్ల విషయంలో పటిష్టంగా కనిపిస్తున్న ముంబై ఇండియన్స్‌... విదేశీ ఆటగాళ్ల ఎంపిక మాత్రం కాస్త అనూహ్యంగా ఉంది. లోయర్‌ ఆర్డర్‌లో ధాటిగా ఆడగల విదేశీ పించ్‌ హిట్టర్‌ లోటు కనిపిస్తోంది. రూ.5 కోట్ల 25 లక్షలు వెచ్చించి ‘రైట్‌ టు మ్యాచ్‌’ ద్వారా తిరిగి దక్కించుకున్న నమన్‌ ధీర్‌పై భారీ అంచనాలు ఉన్నాయి. బుమ్రా గైర్హాజరీలో బౌల్ట్, సాంట్నర్, దీపక్‌ చాహర్, కరణ్‌ శర్మ పై బౌలింగ్‌ భారం పెరగనుంది. ఆంధ్ర ఆటగాడు పెనుమత్స సత్యనారాయణ రాజు, క్రికెట్‌ దిగ్గజం సచిన్‌ టెండూల్కర్‌ కుమారుడు అర్జున్‌ టెండూల్కర్‌ జట్టులో ఉన్నా... వారికి మ్యాచ్‌ ఆడే అవకాశం దక్కడం కష్టమే. ముంబై ఇండియన్స్‌ జట్టు: హార్దిక్‌ పాండ్యా (కెప్టెన్ ), రోహిత్, సూర్యకుమార్, తిలక్, రాబిన్‌ మిన్జ్, రికెల్టన్, శ్రీజిత్‌ క్రిష్ణన్, జాకబ్స్, నమన్‌ ధీర్, జాక్స్, సాంట్నర్, అంగద్‌ , విఘ్నేశ్, కార్బిన్, బౌల్ట్, కరణ్‌ శర్మ, దీపక్‌ చాహర్, అశ్వని కుమార్, టాప్లీ, వెంకట సత్యనారాయణ, అర్జున్‌ టెండూల్కర్, ముజీబ్, బుమ్రా. అంచనా: ముంబై ఇండియన్స్‌ ఆటతీరు పరిశీలిస్తే... ఆడితే అందలం, లేకుంటే అట్టడుగు స్థానం అనేది సుస్పష్టం. గత నాలుగు సీజన్లలో కేవలం ఒక్కసారే ప్లే ఆఫ్స్‌కు చేరిన ముంబై... స్థాయికి తగ్గ ప్రదర్శన చేస్తే ఈ సారి కూడా ప్లే ఆఫ్స్‌ చేరొచ్చు. సాధారణ ఆటగాడు సైతం... అసాధారణ ప్రదర్శన చేయడం... అప్పటి వరకు జట్టులో చోటు దక్కడమే కష్టమనుకున్న ప్లేయర్‌ సైతం... ‘ఎక్స్‌’ ఫ్యాక్టర్‌గా మారడం... చెన్నై సూపర్‌ కింగ్స్‌ జట్టులో నిత్యకృత్యం.అందుబాటులో ఉన్న వనరులను వినియోగించుకోవడంలో చెన్నైని మించిన జట్టు లేదనడంలో అతిశయోక్తి లేదు. ఇప్పటి వరకు 5 సార్లు (2010, 2011, 2018, 2021, 2023) ఐపీఎల్‌ ట్రోఫీ చేజిక్కించుకున్న సూపర్‌ కింగ్స్‌ మరో 5 సార్లు (2008, 2012, 2013, 2015, 2019) రన్నరప్‌గా నిలిచింది. గతేడాదే రుతురాజ్‌ గైక్వాడ్‌కు సారథ్య బాధ్యతలు అప్పగించిన ఫ్రాంచైజీ... అతడితో పాటు రవీంద్ర జడేజాకు రూ. 18 కోట్లు ఇచ్చి అట్టిపెట్టుకుంది.పతిరణను రూ. 13 కోట్లు, శివమ్‌ దూబేను రూ. 12 కోట్లు వెచ్చించి రిటైన్‌ చేసుకుంది. అంతర్జాతీయ మ్యాచ్‌ ఆడి ఐదేళ్లు దాటిపోయిన మహేంద్రసింగ్‌ ధోనిని రూ. 4 కోట్లకు కొనసాగించింది. వీరితో పాటు రచిన్‌ రవీంద్రను రూ. 4 కోట్లతో ‘రైట్‌ టు మ్యాచ్‌’ ద్వారా తిరిగి సొంతం చేసుకుంది. ఇక సుదీర్ఘ కాలం తర్వాత రవిచంద్రన్‌ అశ్విన్‌ను తిరిగి కొనుగోలు చేసుకుంది. మరి గత కొంత కాలంగా నిలకడగా రాణించలేకపోతున్న సూపర్‌ కింగ్స్‌ ఈసారి ఎలాంటి ప్రదర్శన చేస్తుందో చూడాలి. తలా... అన్నీ తానై! అంతర్జాతీయ క్రికెట్‌కు వీడ్కోలు పలికిన అనంతరం కేవలం ఐపీఎల్‌ మాత్రమే ఆడుతున్న ధోని... ఈసారి కూడా జట్టును ముందుండి నడిపించనున్నాడు. పేరుకు రుతురాజ్‌ కెప్టెన్ అయినా... వికెట్ల వెనక నుంచి టీమ్‌కు దిశానిర్దేశం చేసేది ధోనినే అనడంలో సందేహం లేదు. ఎలాంటి ఒత్తిడి లేకుండా ఆడుతున్న ధోనీ గతేడాది బ్యాటింగ్‌ ఆర్డర్‌లో మరీ కింది స్థానంలో బ్యాటింగ్‌కు వచ్చాడు. మరి ఈసారైనా అతని బ్యాట్‌ నుంచి మెరుపులు వస్తాయోమో చూడాలి. బ్యాటింగ్‌లో కాన్వే, రచిన్, దూబే, రుతురాజ్, జడేజా, ధోని కీలకం కానుండగా... పతిరణ, అశ్విన్, ఖలీల్‌ అహ్మద్, స్యామ్‌ కరన్‌ బౌలింగ్‌ బాధ్యతలు మోయనున్నారు. రచిన్, జడేజా, దూబే, దీపక్‌ హూడా, విజయ్‌ శంకర్, అశ్విన్, జేమీ ఓవర్టన్, సామ్‌ కరన్‌ ఇలా లెక్కకు మిక్కిలి ఆల్‌రౌండర్లు ఉండటం చెన్నైకి అదనపు బలం. ఆంధ్ర ఆటగాడు షేక్‌ రషీద్‌ జట్టులో ఉన్నా... అతడికి మ్యాచ్‌ ఆడే అవకాశం దక్కుతుందో లేదో వేచి చూడాలి. చెన్నై జట్టు: రుతురాజ్‌ గైక్వాడ్‌ (కెప్టెన్ ), మహేంద్రసింగ్‌ ధోని, కాన్వే, రాహుల్‌ త్రిపాఠి, షేక్‌ రషీద్, వన్ష్ బేదీ, సిద్ధార్‌్థ, రచిన్‌ రవీంద్ర, రవిచంద్రన్‌ అశ్విన్, విజయ్‌ శంకర్, స్యామ్‌ కరన్, అన్షుల్‌ కంబోజ్, దీపక్‌ హూడా, జేమీ ఓవర్టన్, కమలేశ్‌ నాగర్‌కోటి, రామకృష్ణ ఘోష్, రవీంద్ర జడేజా, శివమ్‌ దూబే, ఖలీల్‌ అహ్మద్, నూర్‌ అహ్మద్, ముకేశ్, గుర్‌జప్నీత్‌ సింగ్, నాథన్‌ ఎలీస్, శ్రేయస్‌ గోపాల్, పతిరణ. అంచనా: ఐపీఎల్‌లో మిగిలిన జట్లతో పోల్చుకుంటే అత్యధిక మంది ఆల్‌రౌండర్లు అందుబాటులో ఉన్న చెన్నై స్థాయికి తగ్గ ప్రదర్శన చేస్తే ఫైనల్‌ చేరడం పెద్ద కష్టం కాకపోవచ్చు.

విశాఖ స్పోర్ట్స్‌: ఐపీఎల్‌లో తొలి మ్యాచ్‌ ఆడేందుకు ఢిల్లీ క్యాపిటల్స్‌(డీసీ) జట్టు విశాఖ చేరుకుంది. సోమవారం రాత్రి ప్రత్యేక విమానంలో విచ్చేసిన జట్టు సభ్యుల్ని అభిమానులు హర్షాతిరేకాలతో స్వాగతం పలికారు. కెపె్టన్‌ అక్షర్‌ పటేల్‌తో పాటు జట్టు సభ్యులు, సపొరి్టంగ్‌ స్టాఫ్‌ విమానాశ్రయం నుంచి నేరుగా నోవోటల్‌కు చేరుకున్నారు. వీరంతా మంగళవారం నుంచి నెట్స్‌లో శ్రమించనున్నారు. విదేశీ ఆటగాళ్లు డుప్లెసిస్, ఫ్రేజర్, ఫెరీరా కులసాగా మాట్లాడుకుంటూ విశాఖ విమానాశ్రయానికి చేరుకున్నారు. డీసీ జట్టు డైరెక్టర్‌ వేణుగోపాలరావు, హెడ్‌ కోచ్‌ హేమంగ బదాని విశాఖ చేరుకున్న వారిలో ఉన్నారు. డీసీ జట్టులో ఆంధ్రా ఆటగాడు త్రిపురాన విజయ్‌ చేరాడు. ఢిల్లీ క్యాపిటల్స్‌ విశాఖ వేదికగా 24న లక్నో సూపర్‌ జెయింట్స్, 30న సన్‌రైజర్స్‌ హైదరాబాద్‌ జట్లతో తలపడనుంది. అందుబాటులోకి రూ.వెయ్యి టికెట్లు ఐపీఎల్‌ సీజన్‌లో విశాఖ వేదికగా ఢిల్లీ క్యాపిటల్స్‌ ఆరంభ మ్యాచ్‌ చూసేందుకు లోయర్‌ డినామినేషన్‌ రూ.1000, రూ.1500 టికెట్లు ఆన్‌లైన్‌లో అందుబాటులోకి వచ్చాయి. రూ.వెయ్యి టికెట్‌ ఈ స్టాండ్‌లో, రూ.1500 టికెట్‌ ఎం–1 స్టాండ్‌లో అందుబాటులోకి తెచ్చింది.

దేశవ్యాప్తంగా క్రికెట్ ఫీవర్ ఉప్పొంగుతోంది. క్రికెట్ అభిమానులు ఎంతగానో ఎదురు చూస్తున్న.. ఐపీఎల్ 2025 త్వరలోనే ప్రారంభం కానుంది. దీనిని దృష్టిలో ఉంచుకుని జియో (Jio) తన కస్టమర్ల కోసం స్పెషల్ అన్‌లిమిటెడ్ క్రికెట్ ఆఫర్‌ను ప్రవేశపెట్టింది. ఈ ఆఫర్ ద్వారా 90 రోజులపాటు జియోహాట్‌స్టార్‌ సబ్‌స్క్రిప్షన్‌ పొందవచ్చు.జియో ప్రవేశపెట్టిన ఈ ప్లాన్ కోసం రూ. 299 లేదా అంతకంటే ఎక్కువ రీఛార్జ్ చేసుకోవాల్సి ఉంటుంది. ఈ ప్లాన్ రీఛార్జ్ చేసుకుంటే మూడు నెలలు జియోహాట్‌స్టార్‌ ప్రసారాలను వీక్షించవచ్చు. ఈ ఆఫర్ మార్చి 17 నుంచి 31 వరకు మాత్రమే అందుబాటులో ఉండనుంది.జియో కొత్త ప్లాన్ రీఛార్జ్ చేసుకోవడం ద్వారా.. మొబైల్, టీవీలలో 4కే స్ట్రీమింగ్ సర్వీస్ కూడా పొందవచ్చు. అంతే కాకుండా 50 రోజులపాటు జియో ఫైబర్ సేవలు కూడా ఉచితంగా అందుకోవచ్చు. ఇందులో అన్‌లిమిటెడ్ వైఫై, 800 కంటే ఎక్కువ ఓటీటీ ఛానల్స్, 11 ఓటీటీ యాప్‌లు వీక్షించవచ్చు.ఇదీ చదవండి: తగ్గుతూనే ఉన్న బంగారం రేటు: నేటి ధరలు ఇవే..జియో ప్లాన్ రీఛార్జ్ చేసుకున్న తరువాత.. దీని వ్యాలిడిటీ ఐపీఎల్ సీజన్ ప్రారంభమైనప్పటి నుంచి 90 రోజుల వరకు ఉంటుంది. ఇప్పటికే ఉన్న జియో వినియోగదారులు రూ. 299 లేదా అంతకంటే ఎక్కువ ప్లాన్‌తో రీఛార్జ్ చేయడం ద్వారా ఈ ఆఫర్‌ను యాక్టివేట్ చేసుకోవచ్చు. అయితే మార్చి 17కి ముందు రీఛార్జ్ చేసుకున్న వారు రూ. 100 యాడ్-ఆన్ ప్యాక్‌ను ఎంచుకోవడం ద్వారా కూడా ప్రయోజనాలను పొందవచ్చు.

పరుగుల వీరులు... వికెట్లు ధీరులు... మెరుపు ఫీల్డర్లు... అశేష అభిమానులు... విశేష ఆదరణ... ఇలా ‘అన్నీ ఉన్నా అల్లుడి నోట్లో శని’ అన్నట్లు రాయల్‌ చాలెంజర్స్‌ బెంగళూరు (ఆర్‌సీబీ) జట్టు ఒక్కసారి కూడా ఇండియన్‌ ప్రీమియర్‌ లీగ్‌ (ఐపీఎల్‌) ట్రోఫీ చేజిక్కించుకోలేకపోయింది. లీగ్‌ ఆరంభం (2008) నుంచి ప్రతిసారీ ‘ఈ సాలా కప్‌ నమ్‌దే’ అంటూ బరిలోకి దిగడం... రిక్తహస్తాలతో వెనుదిరగడం పరిపాటిగా మారింది. టోర్నమెంట్‌ ఆరంభం నుంచి ఒకే ఫ్రాంచైజీకి ప్రాతినిధ్యం వహిస్తున్న ఏకైక ఆటగాడిగా రికార్డుల్లోకి ఎక్కిన విరాట్‌ కోహ్లి... తన జెర్సీ నంబర్‌ 18వ సారైనా ట్రోఫీని అందిస్తాడా లేదో వేచి చూడాలి! – సాక్షి క్రీడావిభాగం ఇండియన్‌ ప్రీమియర్‌ లీగ్‌ (ఐపీఎల్‌)లో అత్యధిక జనాదరణ ఉన్న జట్లలో ఒకటైన రాయల్‌ చాలెంజర్స్‌ బెంగళూరు (ఆర్‌సీబీ) మరోసారి కప్పు వేటకు సిద్ధమైంది. ఇప్పటి వరకు 17 సీజన్లు ఆడి ఒక్కసారి కూడా ట్రోఫీ నెగ్గలేకపోయిన ఆర్‌సీబీ ఈ సారైనా తమ కల నెరవేర్చుకోవాలని భావిస్తోంది. లీగ్‌ చరిత్రలో అత్యుత్తమంగా మూడుసార్లు (2009, 2011, 2016లో) రన్నరప్‌గా నిలిచిన ఆర్‌సీబీ... తమ స్టార్‌ ప్లేయర్‌ విరాట్‌ కోహ్లి జెర్సీ నంబర్‌ 18వ సీజన్‌లో ట్రోఫీ ఒడిసి పట్టాలని పట్టుదలతో ఉంది. అంతర్జాతీయ స్టార్‌లపై ఎక్కువ నమ్మకముంచే ఫ్రాంచైజీ ఈసారి దేశీ ఆటగాడు రజత్‌ పాటీదార్‌కు సారథ్య బాధ్యతలు అప్పగించింది. 2021 నుంచి ఆర్‌సీబీకు ప్రాతినిధ్యం వహిస్తున్న రజత్‌ జట్టు రాత మారుస్తాడని ఆశిస్తోంది. గతేడాది జరిగిన ఐపీఎల్‌ వేలంతోనే ఈసారి విభిన్నమైన ప్రణాళికతో బరిలోకి దిగనున్నట్లు ఆర్‌సీబీ సంకేతాలు పంపింది. వేలంలో ఒక్కో జట్టు అత్యధికంగా 25 మంది ఆటగాళ్లను కొనుగోలు చేసుకునే అవకాశం ఉన్నా... ఆర్‌సీబీ 22 మంది ప్లేయర్లకే పరిమితమైంది. విరాట్‌ కోహ్లికి రూ. 21 కోట్లు ఇచ్చి అట్టిపెట్టుకున్న ఫ్రాంచైజీ... రజత్‌ పాటీదార్‌ (రూ. 11 కోట్లు), యశ్‌ దయాల్‌ (రూ. 5 కోట్లు)ను రిటైన్‌ చేసుకుంది. మ్యాక్స్‌వెల్, సిరాజ్‌ వంటి అంతర్జాతీయ స్టార్లను వదిలేసుకున్న ఆర్‌సీబీ... స్వప్నిల్‌ సింగ్‌ను రూ. 50 లక్షలతో ‘రైట్‌ టు మ్యాచ్‌’ ద్వారా తిరిగి తీసుకుంది. కేఎల్‌ రాహుల్, చహల్, రిషబ్‌ పంత్‌ వంటి వారిని వేలంలో చేజిక్కించుకునే అవకాశం ఉన్నా పట్టించుకోలేదు. అటు అనుభవం... ఇటు యువరక్తంతో కూడిన కొత్త బృందాన్ని కొనుగోలు చేసుకుంది. గత సీజన్‌లో తొలి ఎనిమిది మ్యాచ్‌ల్లో ఏడింట ఓడి ఆ తర్వాత వరుసగా ఆరు మ్యాచ్‌లు నెగ్గి ప్లేఆఫ్స్‌కు చేరిన బెంగళూరు... ఎలిమినేటర్‌లో రాజస్తాన్‌ రాయల్స్‌ చేతిలో ఓడి ఇంటిబాట పట్టింది. అతడే బలం... బలహీనత ఆర్‌సీబీ ప్రయాణాన్ని గమనిస్తే... ఆ జట్టుకు అతిపెద్ద బలం విరాట్‌ కోహ్లినే. అదే సమయంలో బలహీనత కూడా అతడే. విరాట్‌ రాణించిన మ్యాచ్‌ల్లో అలవోకగా విజయాలు సాధించే ఆర్‌సీబీ... అతడు విఫలమైన సమయంలో కనీస ప్రదర్శన కూడా కనబర్చలేక వెనుకబడి పోతుంది. 17 సీజన్‌లుగా ఒకే ఫ్రాంచైజీకి ప్రాతినిధ్యం వహిస్తున్న విరాట్‌ ఐపీఎల్లో ఇప్పటి వరకు 252 మ్యాచ్‌లాడి 8004 పరుగులు చేసి ఎవరికీ అందనంత ఎత్తులో ఉన్నాడు. 8 శతకాలు, 55 అర్ధశతకాలు ఇలా లెక్కకు మిక్కిలి రికార్డులు తన పేరిట లిఖించుకున్నాడు. ఈ క్రమంలో ఐదు సీజన్‌లలో జట్టు తరఫున అత్యధిక స్కోరు చేసిన ఆటగాడిగా నిలిచిన కోహ్లి... చాంపియన్స్‌ ట్రోఫీ తాజా ఫామ్‌ను ఐపీఎల్‌లోనూ కొనసాగించాలని భావిస్తున్నాడు. గతేడాది కోల్‌కతా నైట్‌రైడర్స్‌ చాంపియన్‌గా నిలవడంలో కీలక పాత్ర పోషించిన ఫిల్‌ సాల్ట్‌... ఫార్మాట్‌తో సంబంధం లేకుండా రాణిస్తున్న ఇంగ్లండ్‌ యువ ఆల్‌రౌండర్‌ జాకబ్‌ బెథెల్‌... హార్డ్‌ హిట్టర్‌ లివింగ్‌స్టోన్‌పై భారీ అంచనాలు ఉన్నాయి. రూ. 11 కోట్లు పెట్టి తీసుకున్న భారత వికెట్‌ కీపర్‌ బ్యాటర్‌ జితేశ్‌ శర్మ, స్పిన్‌ ఆల్‌రౌండర్‌ కృనాల్‌ పాండ్యాపై కూడా టీమ్‌ మేనేజ్‌మెంట్‌ ఆశలు పెట్టుకుంది. ఆండీ ఫ్లవర్‌ ఆర్‌సీబీ హెడ్‌కోచ్‌గా బాధ్యతలు నిర్వర్తిస్తుండగా... దినేశ్‌ కార్తీక్‌ మెంటార్‌గా వ్యవహరించనున్నాడు.బౌలర్లపైనే భారం... బ్యాటింగ్‌ విషయంలో బలంగా ఉన్న బెంగళూరు... ఈసారి మెరుగైన బౌలింగ్‌ దళంతో బరిలోకి దిగనుంది. ఆస్థాన బౌలర్‌ సిరాజ్‌ను వదిలేసుకున్న ఆర్‌సీబీ... తిరిగి తీసుకునే అవకాశం వచ్చినా పట్టించుకోలేదు. రూ. 12.50 కోట్లు పెట్టి కొనుగోలు చేసుకున్న ఆ్రస్టేలియా స్పీడ్‌స్టర్‌ జోష్‌ హాజల్‌వుడ్, ఐపీఎల్‌లో అపార అనుభవం ఉన్న భువనేశ్వర్‌ కుమార్, గతేడాది మెరుగైన ప్రదర్శన చేసిన యశ్‌ దయాల్, దక్షిణాఫ్రికా పేసర్‌ ఇన్‌గిడి పేస్‌ భారాన్ని మోయనున్నారు. స్వప్నిల్‌ సింగ్, జాకబ్‌ బెథెల్, సుయశ్‌ శర్మ స్పిన్‌ బాధ్యతలు పంచుకోనున్నారు. అంతర్జాతీయ అనుభవం ఉన్న నాణ్యమైన స్పిన్నర్‌ లోటు స్పష్టంగా కనిపిస్తోంది. ఐపీఎల్‌లో ఇతర స్టేడియాలతో పోల్చుకుంటే కాస్త చిన్నదైన బెంగళూరు చిన్నస్వామి స్టేడియంలో ఈ బౌలింగ్‌ బృందం ప్రదర్శనపైనే ఆర్‌సీబీ విజయావకాశాలు ఆధారపడి ఉన్నాయి. ఆర్‌సీబీ జట్టు: రజత్‌ పాటీదార్‌ (కెప్టెన్ ), కోహ్లి, సాల్ట్, జితేశ్‌ శర్మ, దేవదత్‌ పడిక్కల్, స్వస్తిక్, లివింగ్‌స్టోన్, కృనాల్‌ పాండ్యా, స్వప్నిల్‌ సింగ్, టిమ్‌ డేవిడ్, రొమారియో షెఫర్డ్, మనోజ్, జాకబ్‌ బెథెల్, హాజల్‌వుడ్, భువనేశ్వర్‌ కుమార్, రసిక్, సుయశ్‌ శర్మ, నువాన్‌ తుషారా, ఇన్‌గిడి, అభినందన్‌ సింగ్, మోహిత్‌ రాఠి, యశ్‌ దయాల్‌. అంచనా ఇప్పటి వరకు ఐపీఎల్‌లో 9 సార్లు ప్లేఆఫ్స్‌కు చేరిన చరిత్ర ఉన్న ఆర్‌సీబీ... స్థాయికి తగ్గ ప్రదర్శన కనబరిస్తే ఈసారి కూడా ప్లే ఆఫ్స్‌కు చేరే అవకాశం ఉంది.

బెంగళూరు: ఒక క్రికెటర్‌గా ఒలింపిక్‌ పతకాన్ని గెలుచుకోగలిగితే అది ఎంతో ప్రత్యేకం అవుతుందని, దానికి మరేదీ సాటి రాదని భారత స్టార్‌ క్రికెటర్‌ విరాట్‌ కోహ్లి అన్నాడు. 2028 లాస్‌ ఏంజెలిస్‌ ఒలింపిక్స్‌లో క్రికెట్‌ పోటీలు జరగనున్న నేపథ్యంలో కోహ్లి వ్యాఖ్యలు ప్రాధాన్యత సంతరించుకున్నాయి. 1900 తర్వాత తొలిసారి విశ్వక్రీడల్లో క్రికెట్‌ను ప్రవేశ పెడుతున్నారు. ఒలింపిక్స్‌లో క్రికెట్‌కు చోటు దక్కడంలో ఇండియన్‌ ప్రీమియర్‌ లీగ్‌ (ఐపీఎల్‌) కూడా కీలక పాత్ర పోషించిందని కోహ్లి అభిప్రాయపడ్డాడు. ‘ఒలింపిక్‌ చాంపియన్‌గా నిలిస్తే ఎంతో బాగుంటుంది. ప్రపంచ వ్యాప్తంగా కోట్లాది మంది అభిమానులను సంపాదించుకున్న ఐపీఎల్‌ ఇందులో ప్రముఖ పాత్ర పోషించింది. క్రికెట్‌ను ఒలింపిక్స్‌లో భాగమయ్యే స్థాయికి తెచి్చంది. ఇది యువ ఆటగాళ్లకు గొప్ప అవకాశం. ప్రతి అథ్లెట్‌ దాని కోసమే కష్టపడతాడు. పురుషుల, మహిళల విభాగాల్లో మన జట్టు పతకానికి చేరువవుతుందని అనుకుంటున్నా’ అని విరాట్‌ అన్నాడు. ఇటీవల చాంపియన్స్‌ ట్రోఫీలో చక్కటి ప్రదర్శన కనబర్చిన కోహ్లి... లాస్‌ ఏంజెలిస్‌ ఒలింపిక్స్‌ వరకు కెరీర్‌ కొనసాగిస్తాడా అనేది చూడాలి. 2028కి విరాట్‌ 40వ పడిలోకి అడుగుపెట్టనున్నాడు. ‘ఇప్పుడే దాని గురించి మాట్లాడటం తొందరపాటు అవుతుంది. ఒకవేళ ఒలింపిక్‌ పసిడి పతకం కోసం మ్యాచ్‌ ఆడుతుంటే... నేను గుట్టు చప్పుడు కాకుండా జట్టులో చేరి పతకం సాధించి ఇంటికి వస్తా’ అని విరాట్‌ చమత్కరించాడు. ఐపీఎల్‌ ప్రారంభానికి ముందు వివిధ అంశాలపై విరాట్‌ పంచుకున్న విశేషాలు అతడి మాటల్లోనే... » మహిళల ప్రీమియర్‌ లీగ్‌ వల్ల దేశంలో మహిళల క్రికెట్‌ ప్రాధాన్యత మరింత పెరిగింది. భారత మహిళల క్రికెట్‌ జట్టు గత కొంతకాలంగా నిలకడైన ప్రదర్శన చేస్తూ అభిమానుల మనసులు గెలుచుకుంటోంది. » ఆరేడేళ్ల క్రితం మహిళల ఆటకు ఇంత ప్రాధాన్యత దక్కలేదు. డబ్ల్యూపీఎల్‌కు వస్తున్న ఆదరణ చూస్తుంటే ముచ్చటేస్తోంది. ఇప్పుడు ఎక్కడ చూసినా వారి గురించి చర్చ జరుగుతోంది. రోజు రోజుకు ఆటలో ప్రమాణాలు పెరుగుతున్నాయి. » వేరే రంగాల్లో విజయం సాధించినప్పుడు రాని పేరు, ప్రఖ్యాతలు క్రీడల్లో సులువుగా వస్తాయి. ఎందుకంటే మైదానంలో ఆడేది తామే అని ప్రతి ఒక్క అభిమాని ఊహించుకుంటాడు కాబట్టే ఇది సాధ్యం. అందుకే క్రీడాకారులు విజయాలు సాధించినప్పుడు యావత్‌ భారత్‌ సంబరాలు చేసుకుంటుంది. » ఆటను ఆస్వాదించడం నాకు ఇష్టం... అదే చేస్తున్నా. ఎలాంటి తీవ్ర నిర్ణయాలు తీసుకోవాలని అనుకోవడం లేదు. మైదానంలో వంద శాతం కష్టపడటం అలవాటు. దాన్ని ఇక మీద కూడా కొనసాగిస్తా. భావోద్వేగాలు ఆటలో భాగం. వాటిని దాచుకోవడానికి ఎప్పుడూ ప్రయత్నించను. » ఆటలో పోటీ సహజం. అప్పుడే మన సహజ నైపుణ్యం బయటకు వస్తుంది. ఈ స్థాయికి చేరుకున్నాక కూడా ఇంకేదో గుర్తింపు పొందాలనుకోవడం లేదు. ఆటపై ప్రేమ ఉన్నంతకాలం మైదానంలో కొనసాగుతా. ఈ అంశంలో రాహుల్‌ ద్రవిడ్‌ విలువైన సూచనలిచ్చారు. ‘‘నీతో నువ్వు తరచూ మాట్లాడుతూ ఉండు ఎప్పుడు ఆపేయాలో నీకే తెలుస్తుంది’’ అన్నారు. దాన్నే పాటిస్తున్నా. » జీవితంలో సాధించిన దాంతో సంతృప్తిగా ఉన్నా. కెరీర్‌ ఆరంభంతో పోల్చుకుంటే సుదీర్ఘ అనుభవం సాధించిన తర్వాత అన్నీ విషయాలను అనుకున్న విధంగా పూర్తి చేయడం కష్టం. వయసు పెరుగుతున్న భావన కలగడం సహజం. ఫిట్‌గా ఉండేందుకు మరింత కష్టపడాల్సి వస్తుంది. » అప్పుడప్పుడు అసంతృప్తి ఆవరిస్తుంది. నా వరకు ఈ ఏడాది ఆరంభంలో ఆ్రస్టేలియా పర్యటనలో మెరుగైన ప్రదర్శన చేయలేకపోయా. దీంతో తీవ్ర ఇబ్బంది ఎదుర్కొన్నా.. అయితే దాన్ని ఒత్తిడిగా భావించలేదు. అందులో నుంచి బయటపడేందుకు మార్గాలు అన్వేషించి వాటిపై కసరత్తు చేసి ఫలితాలు సాధించా. 2014లో ఇంగ్లండ్‌ పర్యటన సందర్భంగా కూడా ఇలాంటి పరిస్థితే ఎదురైంది. అయితే అన్నింటిని అధిగమించాల్సిందే. మరో అవకాశం వచ్చినప్పుడు దాన్ని మరింపిచే ప్రదర్శన చేయాలి. 2018లో నేను అదే చేశా. » క్రికెటేతర విషయాల గురించి ఆలోచించి ఒత్తిడి పెంచుకోను. డ్రెస్సింగ్‌ రూమ్‌ బయటి వ్యాఖ్యలకు పెద్దగా ప్రాముఖ్యత ఇవ్వను. ఒక్కసారి వాటిని పట్టించుకోవడం ప్రారంభిస్తే ఇక ఒత్తిడి కొండలా పెరుగుతుంది.

న్యూఢిల్లీ: టాపార్డర్‌లో బ్యాటింగ్‌ చేయడమే సౌకర్యవంతంగా ఉంటుందని భారత సీనియర్‌ క్రికెటర్‌ కేఎల్‌ రాహుల్‌ అన్నాడు. టీమిండియా తరఫున ఇటీవలి కాలంలో మిడిలార్డర్‌లో బరిలోకి దిగుతున్న రాహుల్‌... చాంపియన్స్‌ ట్రోఫీలో వికెట్‌ కీపింగ్‌తో పాటు ఆరో స్థానంలో బ్యాటింగ్‌కు దిగి ఆకట్టుకున్నాడు. వన్డేల్లో నయా ఫినిషర్‌గా సేవలందిస్తున్న రాహుల్‌... చాంపియన్స్‌ ట్రోఫీలో 174 పరుగులు చేసి టీమిండియా మూడోసారి టైటిల్‌ కైవసం చేసుకోవడంలో కీలక పాత్ర పోషించాడు. భారత జట్టు తరఫున ఐదో స్థానంలో బ్యాటింగ్‌కు దిగే రాహుల్‌... చాంపియన్స్‌ ట్రోఫీలో అక్షర్‌ పటేల్‌ తర్వాత ఆరో ప్లేస్‌లో క్రీజులోకి అడుగుపెట్టి తన క్లాసిక్‌ గేమ్‌తో ఆకట్టుకున్నాడు. కాగా, మరో వారం రోజుల్లో ఇండియన్‌ ప్రీమియర్‌ లీగ్‌ (ఐపీఎల్‌) ప్రారంభం కానున్న నేపథ్యంలో రాహుల్‌ కీలక వ్యాఖ్యలు చేశాడు. ‘క్రికెట్‌ ఆడటం ప్రారంభించినప్పటి నుంచి టాపార్డర్‌లోనే ఆడుతున్నా. 11 ఏళ్ల వయసులో మంగళూరులో తొలి మ్యాచ్‌ నుంచి టీమిండియాకు ఎంపికయ్యే వరకు దాదాపు ‘టాప్‌’లోనే బ్యాటింగ్‌ చేశా. అదే నాకు సౌకర్యవంతంగా ఉంటుంది. క్రికెట్‌ జట్టు క్రీడ. టీమ్‌ అవసరాలకు తగ్గట్లు ఆడాల్సి ఉంటుంది. జట్టు ఏం కోరుకుంటుందో అది అందివ్వడం ఆటగాడిగా నా బాధ్యత. కెరీర్‌ ఆరంభం నుంచే అదే కొనసాగిస్తున్నా’ అని రాహుల్‌ అన్నాడు. పలు అంశాలపై రాహుల్‌ మనోగతం అతడి మాటల్లోనే... » ఐపీఎల్‌లో భాగంగా గతంలో పంజాబ్‌ కింగ్స్, లక్నో సూపర్‌ జెయింట్స్‌ జట్లకు సారథిగా వ్యవహరించాను. ఈసారి వేలంలో ఢిల్లీ క్యాపిటల్స్‌ జట్టు కొనుగోలు చేసింది. అయితే గతంలో కెప్టెన్‌గా చేదు అనుభవాలు ఎదురయ్యాయి. ఈ నేపథ్యంలో ఈసారి కేవలం ఆటగాడిగానే కొనసాగాలని అనుకుంటున్నాను. » ఐపీఎల్‌ వేలం చాలా అంశాలతో ముడిపడి ఉంటుంది. గత మూడు సీజన్‌లలో సారథిగా జట్టును నడిపించా. అదే సమయంలో కోర్‌ టీమ్‌ను తయారు చేసుకోవడంపై కూడా దృష్టి పెట్టా. దీంతో ఎంతో ఒత్తిడి ఉండేది. వేలం అంటే ఆటగాడి కెరీర్‌కు సంబంధించింది. అదే సమయంలో ఫ్రాంచైజీలు వేరే విధంగా ఆలోచిస్తాయి. ఆటగాడి భవితవ్యం వేలంతో ముడిపడి ఉంటుంది కాబట్టి ఒత్తిడి తప్పదు. » ఐపీఎల్‌ వేలం సమయంలో నేను కూడా ఒత్తిడికి గురయ్యాను. అయితే ఈసారి కేవలం ఆటగాడిగానే ఆడాలనుకుంటున్నాను. కెరీర్‌లో ఇదే సరైన నిర్ణయం అనుకుంటున్నా. చాలా ఉత్సుకతతో ఎదురుచూస్తున్నా. » ఢిల్లీ క్యాపిటల్స్‌ జట్టులో భాగం కావడం ఆనందంగా ఉంది. ఫ్రాంచైజీ సహ యజమాని పార్థ్‌ జిందాల్‌తో మంచి స్నేహం ఉంది. ఆట గురించే కాకుండా అనేక విషయాలపై మేము సుదీర్ఘంగా చర్చించుకుంటాం. క్రికెట్‌పై అమితాసక్తితో పాటు చక్కటి అవగాహన ఉంది. మంచి జట్టు అందుబాటులో ఉంది. కొత్త ఫ్రాంచైజీతో కలిసి ప్రయాణించేందుకు ఆసక్తిగా చూస్తున్నా. » కొత్త జట్టులో అడుగుపెట్టినప్పుడు ఎన్నో ఆలోచనలు చుట్టుముట్టడం సహజం. ప్రస్తుతం నా పరిస్థితి కూడా అలాగే ఉంది. అయితే అక్షర్‌ పటేల్, కుల్దీప్‌ యాదవ్, స్టార్క్‌ వంటి ఆటగాళ్లతో చక్కటి అనుబంధం ఉంది. వారితో కలిసి టీమ్‌ను ముందుకు తీసుకెళ్లేందుకు ప్రయత్నిస్తా. జట్టులో అటు అనుభవజు్ఞలు, ఇటు యువ ఆటగాళ్లు మెండుగా ఉన్నారు. ఇలాంటి ప్రతిభావంతులతో కలిసి ఆడేందుకు ఉత్సుకతతో ఉన్నాను. » సవాళ్లను ఎదుర్కొనే సత్తా ఉంటేనే సుదీర్ఘకాలం అంతర్జాతీయ క్రికెట్‌లో కొనసాగవచ్చు. కెరీర్‌లో ఎన్నో ప్రతిబంధకాలు ఎదురయ్యాయి. వాటన్నింటిని అధిగమించి ఈ స్థాయికి చేరుకున్నా. వెనక్కి తిరిగి చూసుకుంటే వాటన్నింటికంటే ఈ ప్రయాణమే అద్భుతంగా అనిపిస్తోంది. ఇక భవిష్యత్తుపై దృష్టి పెట్టా. ఇప్పటి వరకు నేర్చుకున్న దానిని ప్రణాళికాబద్ధంగా అమలు పరచడంపై దృష్టి పెడతా. జట్టుకు వీలైనన్ని ఎక్కువ విజయాలు సాధించిపెట్టడమే నా లక్ష్యం.

జైపూర్‌: నిబద్ధతకు నిలువెత్తు నిదర్శనమైన భారత మాజీ క్రికెటర్‌ రాహుల్‌ ద్రవిడ్‌... మరోసారి తన ప్రత్యేకత చాటుకున్నాడు. ఐపీఎల్‌ ఫ్రాంచైజీ రాజస్తాన్‌ రాయల్స్‌ హెడ్‌ కోచ్‌గా బాధ్యతలు నిర్వర్తిస్తున్న ద్రవిడ్‌... చేతి కర్రల సాయంతో జట్టు ప్రాక్టీస్‌ సెషన్‌లో పాల్గొన్నాడు. ఇటీవల ఓ స్థానిక లీగ్‌ మ్యాచ్‌ ఆడుతున్న సమయంలో ద్రవిడ్‌ గాయపడ్డాడు. దీంతో కాలికి పట్టి, చేతి కర్రల సాయంతోనే మైదానానికి వచ్చిన ద్రవిడ్‌... ఆటగాళ్ల శిక్షణను పర్యవేక్షించాడు. దీనికి సంబంధించిన వీడియోను ఫ్రాంచైజీ తమ అధికారిక ఖాతాలో పోస్ట్‌ చేయగా... అది కాస్తా వైరల్‌గా మారింది. గోల్ఫ్‌ కార్ట్‌లో మైదానంలోకి వచ్చిన ద్రవిడ్‌... ప్లేయర్ల ఆటతీరును పరిశీలించాడు. ఒక్కో ఆటగాడి దగ్గరికి వెళ్లేందుకు చేతి కర్రల సాయం తీసుకున్న ద్రవిడ్‌... చాలాసేపు వారి ఆటతీరును పరిశీలించాడు. కాలికి మెడికల్‌ వాకింగ్‌ బూట్‌ ధరించిన ద్రవిడ్‌... యువ ఆటగాళ్లు రియాన్‌ పరాగ్, యశస్వి జైస్వాల్‌తో సుదీర్ఘంగా చర్చిస్తూ కనిపించాడు. 2022 నుంచి 2024 వరకు భారత జట్టుకు కోచ్‌గా వ్యవహరించిన రాహుల్‌ ద్రవిడ్‌... గతేడాది టీమిండియా టి20 ప్రపంచకప్‌ గెలిచిన అనంతరం ఆ బాధ్యతల నుంచి తప్పుకున్నాడు. దీంతో తిరిగి రాజస్తాన్‌ జట్టుకు హెడ్‌ కోచ్‌గా ఎంపికయ్యాడు. శ్రీలంక క్రికెట్‌ దిగ్గజం కుమార సంగక్కర రాజస్తాన్‌ రాయల్స్‌ డైరెక్టర్‌గా కొనసాగుతుండగా... సంజూ సామ్సన్‌ జట్టు కెప్టెన్ గా వ్యవహరిస్తున్నాడు. 💗➡️🏡 pic.twitter.com/kdmckJn4bz— Rajasthan Royals (@rajasthanroyals) March 13, 2025

భారత్ క్రికెట్‌లో మహేంద్ర సింగ్ ధోని(MS Dhoni)కి ప్రత్యేక స్థానం ఉంది. సుదీర్ఘ కాలం తర్వాత అతడి నాయకత్వంలోనే టీమిండియాకు మళ్ళీ ప్రపంచ కప్ విజయం లభించింది. 1983లో కపిల్ దేవ్(Kapil Dev) నేతృత్వంలోని తొలిసారి వన్డే ప్రపంచ కప్ సాధించిన భారత్.. 2007 తర్వాత ధోని నాయకత్వంలో వరుసగా మూడు ఐసీసీ టైటిల్స్‌ సాధించింది. అయితే, సారథిగా ధోని నిష్క్రమణ తర్వాత భారత్ విజయ పరపంపరకి రోడ్‌బ్లాక్‌ పడింది. పదకొండు సంవత్సరాలు ట్రోఫీ లేకుండా మిగిలిపోయింది. ఇలాంటి కఠిన దశలో నాయకత్వ బాధ్యతలు చేపట్టిన రోహిత్ శర్మ(Rohit Sharma) 2024, 2025లో వరుసగా వరుసగా రెండు ఐసీసీ ట్రోఫీ లను గెలిపించి భారత్‌కి కొత్త హీరో గా ఖ్యాతి వహించాడు.భారత క్రికెట్‌కు స్వర్ణయుగంవైట్-బాల్ క్రికెట్‌లో భారతదేశం తిరిగి తమ స్వర్ణ యుగానికి చేరుకుందా అంటే అవుననే చెప్పాలి. 2010ల ప్రారంభంలో ధోని చూపించిన నాయకత్వ లక్షణాలు ఇప్పుడు రోహిత్ శర్మ లో కూడా కనిపిస్తున్నాయి. వీరిద్దరూ సాధించిన ఐసీసీ ట్రోఫీలను పరిశీలిస్తే ఇది కరక్టే అనిపిస్తుంది. ఎంఎస్ ధోని సహజంగా ఎక్కువగా మాట్లాడాడు. సరిగ్గా అవసరమైనప్పుడు తన నిర్ణయాలు, వ్యక్తిగత సామర్ధ్యం ఏమిటో చూపిస్తాడు. తన స్థాయి ఏమిటో తెలియజేస్తాడు.ఇప్పుడు రోహిత్ శర్మ సరిగ్గా అదే చేసి చూపించాడు. ఇక ట్రోఫీల పరంగా చూస్తే ధోని 2007లో టీ20 ప్రపంచ కప్, 2011లో వన్డే ప్రపంచ కప్, 2013లో ఛాంపియన్స్ ట్రోఫీలను భారలత్‌కి అందించాడు.ఇప్పుడు రోహిత్ శర్మ నాయకత్వం లో భారత్ 2023లో వన్డే ప్రపంచ కప్ రన్నరప్‌గా నిలిచింది. 2024లో టీ20 ప్రపంచ కప్ గెలిచింది. మళ్ళీ ఈ సంవత్సరం ఛాంపియన్స్ ట్రోఫీ గెలుపొందింది.అప్పటి భారత జట్టు వెనుకబాటుకి కారణం?2014- 2022 మధ్య భారత్ జట్టు వెనుకడిందని చెప్పవచ్చు. నిజానికి టీమిండియాకు అపారమైన ప్రతిభ గల ఆటగాళ్లు ఉన్నా సరళంగా చెప్పాలంటే, వారు తమ బృందానికి న్యాయం చేయడంలో విఫలమయ్యారు. ఈ కాలంలో భారత్ జట్టు ఐసీసీ ప్రధాన టోర్నమెంట్లలో నిలకడ గా ఆడి నాకౌట్ దశలకు చేరుకున్నప్పటికీ, ట్రోఫీ లను అందుకోవడంలో విఫలమైంది. ఫైనల్ కి చేరుకున్న జట్లని ఎవ్వరూ గుర్తుపెట్టుకోరు.ట్రోఫీ గెలిస్తేనే ఆ జట్టు చరిత్రలో విజయం సాధించిన జట్టుగా కీర్తిని గడిస్తుంది. ధోని నాయకత్వంలో భారత్ జట్టు 2007 టీ20 ప్రపంచ కప్ విజయం ఊహించనిది. 2011లో భారత్ భారీ అంచనాల రీతి తగ్గట్టుగా ఆడి సొంత గడ్డ పై ప్రపంచ కప్‌ను సాధించింది. ఈ టోర్నమెంట్లో సచిన్ టెండూల్కర్, వీరేంద్ర సెహ్వాగ్, గౌతమ్ గంభీర్, జహీర్ ఖాన్, యువరాజ్ సింగ్ , హర్భజన్ సింగ్ వంటి ఆటగాళ్లు భారత్ జట్టు విజయంలో కీలక భూమిక వహించారు.ఇక 2013 నాటికి విరాట్ కోహ్లీ, రోహిత్ శర్మ, సురేశ్‌ రైనా, ఇషాంత్ శర్మలతో కూడిన కొత్త తరం ఆటగాళ్లు భారత జట్టులోకి చేరారు. ఇంగ్లండ్‌లో భారత్ ఛాంపియన్స్ ట్రోఫీని గెలుచుకున్నప్పుడు ధోని వ్యూహాత్మక ప్రతిభ స్పష్టంగా కనిపించింది. రవిచంద్రన్‌ అశ్విన్, రవీంద్ర జడేజాలతో పాటు కొత్త ఫాస్ట్ బౌలర్ల ఆవిర్భావంతో అప్పుడు జట్టును బలోపేతం చేశారు.కాగా 2017లో విరాట్ కోహ్లీ వైట్-బాల్ కెప్టెన్‌గా బాధ్యతలు స్వీకరించినప్పుడు, అతడి టెస్ట్ విజయం పరిమిత ఓవర్ల ఆధిపత్యంగా మారలేదు. రెడ్-బాల్ క్రికెట్ పట్ల కోహ్లీకి స్పష్టమైన అవగాహన ఉన్నప్పటికీ వైట్-బాల్ టోర్నమెంట్లలో కోహ్లీ అదే విజయ పరంపరను కొనసాగించలేకపోయాడు.రోహిత్ నాయకత్వంలో పునరుజ్జీవనంఇప్పుడు రోహిత్ శర్మ నాయకత్వంలో భారత్ మళ్ళీ మునుపటి విజయ పరంపరను కొనసాగించే స్థాయికి ఎదిగింది. 2007 పరాజయం తర్వాత ధోని భారత్ జట్టు ని ఎలా పునర్నిమించాడో ఇప్పుడు రోహిత్ తనదైన శైలి లో అదే చేసి చూపించాడు. జట్టు లో ఉత్తేజాన్ని పెంచాడు. ఎక్కడా తలవొగ్గ కుండా దూకుడుగా ఆడటాన్ని అలవాటు చేసాడు.2019 ప్రపంచ కప్ సెమీ-ఫైనల్, 2021 టీ20 ప్రపంచ కప్‌లో పాకిస్తాన్‌తో జరిగిన అవమానం, 2022లో ఇంగ్లండ్ చేతిలో జరిగిన సెమీ-ఫైనల్ ఓటమి వంటి హృదయ విదారక సంఘటనలు రోహిత్ మనస్తత్వంలో మార్పును రేకెత్తించాయి. భారత్ జట్టులో తీసుకురావాల్సిన మార్పును సరిగ్గా గుర్తించాడు.నాకు అదే ముఖ్యం2019 ప్రపంచ కప్‌ లో రోహిత్ ఐదు సెంచరీలు సాధించినప్పటికీ చివరికి ట్రోఫీ గెలువలేకపోవడం బాగా అసంతృప్తిని మిగిల్చింది. రోహిత్ వ్యక్తిగతంగా రాణించినప్పటికీ అది జట్టు విజయానికి దోహదం చేయలేదన్న బాధ అతన్ని కలిచివేసింది. “నేను 2019 ప్రపంచ కప్‌లో వ్యక్తిగతంగా బాగా రాణించాను. కానీ మేము ట్రోఫీ గెలవలేకపోయాం.ఆ సెంచరీల పరంపర, పరుగుల వరద నాకు సంతృప్తి ఇవ్వలేకపోయింది. వ్యక్తిగతంగా 30 లేదా 40 పరుగులు చేసినప్పటికీ ట్రోఫీ గెలిస్తే లభించే ఆనందం వేరే స్థాయిలో ఉంటుంది. అలా చేయడం నాకు చాలా ముఖ్యమని నేను భావిస్తున్నాను" అని రోహిత్ ఆదివారం ఛాంపియన్స్ ట్రోఫీ విజయం అనంతరం వ్యాఖ్యానించడం అతని లోని పరిణతికి అద్దం పడుతుంది.విజయం అనేది ఒక వ్యసనం లాంటిది. భారత్ ఐసీసీ వైట్-బాల్ మ్యాచ్‌లలో ఇంతవరకు వరుసగా 24 మ్యాచ్‌లలో 23 గెలించిందంటే మామూలు విషయం కాదు. వరుసగా రెండు ఐసీసీ టైటిళ్లను కైవసం చేసుకున్న రోహిత్ శర్మ ఇప్పుడు చారిత్రాత్మక ట్రిపుల్‌పై దృష్టి పెట్టాడు. అంటే 2027 వన్డే ప్రపంచ కప్‌లో టీమిండియాను విజయపథాన నడిపించాలని భావిస్తున్నాడు. అదే జరిగితే రోహిత్ శర్మ ఎంఎస్ ధోని నాయకత్వ రికార్డుని సమం చేసినట్టే!ఇక ఓవరాల్‌గా కెప్టెన్లుగా ధోని- రోహిత్‌ రికార్డులు చూస్తే ఇద్దరూ చెరో ఐదుసార్లు ఐపీఎల్‌ ట్రోఫీలు గెలిచారు. ధోని చెన్నై సూపర్‌ కింగ్స్‌ తరఫున.. రోహిత్‌ ముంబై ఇండియన్స్‌ తరఫున ఈ ఫీట్‌ నమోదు చేశారు. ఆసియాకప్‌ టోర్నమెంట్లోనూ రెండుసార్లు టీమిండియాను విజయపథంలో నిలిపారు. ధోని 2010, 2016.. రోహిత్‌ 2018, 2023లో టైటిల్స్‌ గెలిచారు. ఇక చాంపియన్స్‌ లీగ్‌ ట్రోఫీలో ధోని రెండుసార్లు (2010, 2014).. రోహిత్‌ ఒకసారి(2013) టైటిల్‌ సాధించారు.చదవండి: తప్పులు సరిదిద్దుకుని.. ‘టాప్‌’ రన్‌ స్కోరర్‌గా.. మాటలకు అందని అనుభూతి!

ప్రజారోగ్యాన్ని పెంపొందించడానికి కేంద్ర ఆరోగ్య మంత్రిత్వ శాఖ కీలక నిర్ణయాలు తీసుకుంటోంది. ఇండియన్ ప్రీమియర్ లీగ్ (ఐపీఎల్), భారత క్రికెట్ నియంత్రణ మండలి (బీసీసీఐ) మ్యాచ్‌లు, సంబంధిత కార్యక్రమాలు, జాతీయ టెలివిజన్ ప్రసారాల సమయంలో అన్ని రకాల పొగాకు, ఆల్కహాల్ ప్రకటనలను నిషేధించాలని కోరింది. ఆరోగ్యకరమైన జీవనశైలిని పెంపొందించడంలో, నాన్ కమ్యూనికబుల్ డిసీజెస్ (ఎన్‌సీడీ) వ్యాప్తిని నియంత్రించడంలో క్రీడల పాత్ర కీలకమని ఎత్తిచూపుతూ ఐపీఎల్ ఛైర్మన్ అరుణ్ సింగ్ ధుమాల్, బీసీసీఐకి లేఖ రాసింది.దేశంలో ఏటా సంభవించే మరణాల్లో 70 శాతం ఎన్‌సీడీల వల్ల జరుగుతున్నవేనని ఆరోగ్య మంత్రిత్వ శాఖ లేఖలో హైలైట్‌ చేసింది. పొగాకు, మద్యపానం హృదయ సంబంధ వ్యాధులు, క్యాన్సర్, దీర్ఘకాలిక ఊపిరితిత్తుల వ్యాధులు, మధుమేహంతో సహా అనేక ఇతర రోగాలకు దోహదం చేసే ప్రధాన ప్రమాద కారకాలుగా ఉన్నాయని తెలిపింది. పొగాకు సంబంధిత మరణాల్లో భారతదేశం ప్రపంచవ్యాప్తంగా సంవత్సరానికి దాదాపు 14 లక్షల మరణాలతో రెండో స్థానంలో ఉందని గణాంకాలను తెలియజేసింది.ఇదీ చదవండి: స్వల్పంగా పెరిగిన బంగారం ధర! తులం ఎంతంటే..క్రికెట్‌కు భారత్‌లో ఆదరణ పెరుగుతోందని తెలియజేస్తూ, క్రీడలు ప్రజల ఆరోగ్య సంరక్షణ బాధ్యతను నిర్వర్తించాలని చెప్పింది. పొగాకు లేదా ఆల్కహాల్ బ్రాండ్లను ప్రోత్సహించే ప్రకటనలను నిరోధించడానికి కఠినమైన నిబంధనలు అనుసరించాలని ఐపీఎల్‌, బీసీసీఐను మంత్రిత్వ శాఖ కోరింది. అంతేకాకుండా క్రీడాకారులు, కామెంటేటర్లు, ఇతర భాగస్వాములు పొగాకు, ఆల్కహాల్‌తో ముడిపడి ఉన్న ఉత్పత్తులను ప్రత్యక్షంగా లేదా పరోక్షంగా ప్రోత్సహించకుండా తగిన చర్యలు తీసుకోవాలని పేర్కొంది. ఐపీఎల్‌కు ఉన్న అపారమైన ప్రజాదరణ, రోల్ మోడల్స్‌గా క్రికెటర్ల ప్రభావాన్ని దృష్టిలో ఉంచుకుని ప్రజారోగ్య కార్యక్రమాలకు మద్దతు ఇవ్వాలని తెలిపింది. మార్చి 22 నుంచి ఐపీఎల్ 2025 సీజన్‌ ప్రారంభంకానుంది.

పాకిస్తాన్‌ ఫాస్ట్‌ బౌలర్‌ మొహమ్మద్‌ అమీర్‌ ఐపీఎల్‌ ఆడాలని తెగ ఆరాటపడిపోతున్నాడు. ప్రత్యేకించి ఐపీఎల్‌లో ఆర్సీబీకి ప్రాతినిథ్యం వహించాలని కలలు కంటున్నాడు. భారత్‌తో దౌత్యపరమైన సంబంధాలు సరిగ్గా లేని కారణంగా పాక్‌ ఆటగాళ్లకు ఐపీఎల్‌లో ఎంట్రీ లేని విషయం తెలిసిందే. అయితే అమీర్‌ బ్రిటన్‌ పౌరసత్వం పొంది తన ఐపీఎల్‌ కల నెరవేర్చుకోవాలని ఆశిస్తున్నాడు. అమీర్‌కు 2026 నాటికి యూకే పాస్ట్‌పోర్ట్‌ వస్తుంది. అప్పుడు ఐపీఎల్‌ వేలంలో తన పేరును రిజిస్టర్‌ చేసుకోవాలని అనుకుంటున్నాడు.విరాట్‌ అంటే అమితమైన అభిమానంఎడమ చేతి వాటం ఫాస్ట్‌ బౌలర్‌ అయిన అమీర్‌కు విరాట్‌ కోహ్లి అంటే అమితమైన అభిమానం. ఈ విషయాన్ని అమీర్‌ చాలా సందర్భాల్లో చెప్పాడు. 2016 టీ20 ప్రపంచకప్‌కు ముందు కోహ్లి తనకు బ్యాట్‌ను బహుమతిగా ఇచ్చిన విషయాన్ని అమీర్‌ ఇటీవల ఓ ఇంటర్వ్యూ సందర్భంగా గుర్తు చేసుకున్నాడు. ఇదే సందర్భంగా అమీర్‌ కోహ్లిపై ప్రశంసల వర్షం కురిపించాడు. కోహ్లి ప్రతిభను ఆరాధించే వ్యక్తి అని కొనియాడాడు. కోహ్లి తనకు బ్యాట్‌ ఇచ్చినప్పుడు ఉప్పొంగిపోయానని చెప్పుకొచ్చాడు. తాను కోహ్లి బ్యాటింగ్‌ను ఆరాధిస్తానని.. కోహ్లి తన బౌలింగ్‌ను గౌరవిస్తాడని తెలిపాడు. కోహ్లి ఇచ్చిన బ్యాట్‌తో చాలా మంచి ఇన్నింగ్స్‌లు ఆడానని గుర్తు చేసుకున్నాడు. అమీర్‌ ఆర్సీబీలో చేరితే ఆ జట్టు టైటిల్‌ కల నెరవేరుతుందని మరో పాకిస్తాన్‌ ఆటగాడు అహ్మద్‌ షెహజాద్‌ అభిప్రాయపడ్డాడు. ఆర్సీబీ బౌలింగ్‌ సమస్యలు పరిష్కరించడానికి అమీర్‌ లాంటి బౌలర్‌ అవసరమని షెహజాద్‌ అన్నాడు. ఆర్సీబీ బ్యాటింగ్ ఎల్లప్పుడూ బలంగా ఉంది. వారికి బౌలింగే పెద్ద సమస్య. అమీర్ వారితో చేరితే వారు టైటిల్ గెలుస్తారని షెహజాద్ జోస్యం​ చెప్పాడు.కాగా, 32 ఏళ్ల అమీర్‌ 2020లో అంతర్జాతీయ క్రికెట్‌కు రిటైర్మెంట్‌ ప్రకటించాడు. తిరిగి 2024లో (టీ20 ప్రపంచకప్‌ కోసం) రిటైర్మెంట్‌ నిర్ణయాన్ని వెనక్కు తీసుకున్నాడు. అయితే 2024 ప్రపంచకప్‌ కోసం పాకిస్తాన్‌ క్రికెట్‌ బోర్డు అమీర్‌ను ఎంపిక చేయలేదు. ప్రస్తుతం అమీర్‌ ప్రపంచవ్యాప్తంగా వివిథ లీగ్‌ల్లో (ఐపీఎల్‌ మినహా) ఆడుతున్నాడు.ఇదిలా ఉంటే, ఆర్సీబీ ఈ ఏడాది ఐపీఎల్‌ ఆరంభ మ్యాచ్‌లోనే డిఫెండింగ్‌ ఛాంపియన్‌ కేకేఆర్‌తో తలపడనుంది. మార్చి 22న జరిగే ఈ మ్యాచ్‌ కోల్‌కతాలోని ఈడెన్‌ గార్డెన్స్‌లో జరుగనుంది. ఈ ఏడాది ఆర్సీబీ నూతన కెప్టెన్‌గా మధ్యప్రదేశ్‌ ఆటగాడు రజత్‌ పాటిదార్‌ ఎంపికయ్యాడు. గత రెండు సీజన్లలో సారథ్యం వహించిన డుప్లెసిస్‌ను ఆర్సీబీ మెగా వేలానికి ముందు వదులుకుంది.ఈ ఏడాది ఆర్సీబీ జట్టు..రజత్‌ పాటిదార్‌ (కెప్టెన్‌), విరాట్‌ కోహ్లి, దేవ్‌దత్‌ పడిక్కల్‌, టిమ్‌ డేవిడ్‌,స్వస్థిక్‌ చికార, కృనాల్‌ పాండ్యా, లియామ్‌ లివింగ్‌స్టోన్‌, మనోజ్‌ భాండగే, జేకబ్‌ బేతెల్‌, రొమారియో షెపర్డ్‌, స్వప్నిల్‌ సింగ్‌, మోహిత్‌ రతీ, ఫిలిప్‌ సాల్ట్‌, జితేశ్‌ శర్మ, జోష్‌ హాజిల్‌వుడ్‌, భువనేశ్వర్‌ కుమార్‌, లుంగి ఎంగిడి, రసిక్‌ దార్‌ సలామ్‌, సుయాశ్‌ శర్మ, యశ్‌ దయాల్‌, నువాన్‌ తుషార, అభినందన్‌ సింగ్‌ఐపీఎల్‌ 2025లో ఆర్సీబీ షెడ్యూల్‌మార్చి 22- కేకేఆర్‌తోమార్చి 28- సీఎస్‌కేఏప్రిల్‌ 2- గుజరాత్‌ఏప్రిల్‌ 7- ముంబైఏప్రిల్‌ 10- ఢిల్లీఏప్రిల్‌ 13- రాజస్థాన్‌ఏప్రిల్‌ 18- పంజాబ్‌ఏప్రిల్‌ 20- పంజాబ్‌ఏప్రిల్‌ 24- రాజస్థాన్‌ఏప్రిల్‌ 27- ఢిల్లీమే 3- సీఎస్‌కేమే 9- లక్నోమే 13- సన్‌రైజర్స్‌మే 17- కేకేఆర్‌

సాక్షి, హైదరాబాద్‌: ఇండియన్‌ ప్రీమియర్‌ లీగ్‌ (ఐపీఎల్‌) 18వ సీజన్‌లో భాగంగా సన్‌రైజర్స్‌ హైదరాబాద్‌ జట్టు సొంతగడ్డపై ఆడే తొలి రెండు మ్యాచ్‌లకు సంబంధించి టికెట్లను ఈరోజు ఆన్‌లైన్‌లో విక్రయించనున్నారు. ఈనెల 23న ఉప్పల్‌ స్టేడియంలో జరిగే తమ తొలి లీగ్‌ మ్యాచ్‌లో రాజస్తాన్‌ రాయల్స్‌ జట్టుతో సన్‌రైజర్స్‌ ఆడనుంది. ఈ మ్యాచ్‌ మధ్యాహ్నం గం. 3:30 నుంచి జరుగుతుంది. అనంతరం ఈనెల 27న ఉప్పల్‌ స్టేడియంలోనే జరిగే రెండో లీగ్‌ మ్యాచ్‌లో లక్నో సూపర్‌ జెయింట్స్‌తో సన్‌రైజర్స్‌ తలపడుతుంది. ఈ మ్యాచ్‌ను రాత్రి గం. 7:30 నుంచి నిర్వహిస్తారు. ఈ రెండు లీగ్‌ మ్యాచ్‌లకు సంబంధించి టికెట్లను ఈరోజు ఉదయం 11 గంటలకు విడుదల చేయనున్నారు. సన్‌రైజర్స్‌ హైదరాబాద్‌ ఫ్రాంచైజీ మ్యాచ్‌ల అధికారిక టికెటింగ్‌ పార్ట్‌నర్‌ districtappలో district.in వెబ్‌సైట్‌లో ఈ టికెట్లను ఆన్‌లైన్‌లో కొనుగోలు చేయవచ్చు.

న్యూఢిల్లీ: ఇండియన్‌ ప్రీమియర్‌ లీగ్‌ (ఐపీఎల్‌) సందర్భంగా పాటించాల్సిన నిబంధనల అంశంలో భారత క్రికెట్‌ నియంత్రణ మండలి (బీసీసీఐ) కఠినంగా వ్యవహరించాలని భావిస్తోంది. సొంతగడ్డపై న్యూజిలాండ్‌ చేతిలో భారత జట్టు టెస్టు సిరీస్‌ ‘వైట్‌వాష్’ కావడంతో పాటు... ప్రపంచ టెస్టు చాంపియన్‌షిప్‌ (డబ్ల్యూటీసీ) ఫైనల్‌కు అర్హత సాధించలేకపోవడంతో నిబంధనలను పక్కాగా అమలు చేయాలని నిర్ణయించింది. ఇందులో భాగంగా ఫ్రాంచైజీలకు ప్రాతినిధ్యం వహించే సమయంలో కూడా భారత ఆటగాళ్లు టీమ్‌ బస్సుల్లోనే ప్రయాణించాలని వెల్లడించింది. » ఆటగాళ్లు తప్పకుండా జట్టు సభ్యులతో కలిసి ‘టీమ్‌ బస్‌’లోనే ప్రయాణించేలా చూడాలని బీసీసీఐ నిర్ణయించింది. ఈ మేరకు ఫ్రాంచైజీ యాజమాన్యాలకు సూచించింది. » ఆటగాళ్లు, సహాయక సిబ్బంది కుటుంబ సభ్యులను డ్రెస్సింగ్‌ రూమ్‌లోకి అనుమతించకూడదని బీసీసీఐ నిర్ణయించింది. ప్రాక్టీస్‌ రోజుల్లోనూ దీన్ని కొనసాగించాలని సూచించింది. అనుమతించిన సిబ్బంది మినహా డ్రెస్సింగ్‌ రూమ్‌లోకి మరెవరికీ ప్రవేశం కల్పించకూడదని ప్రకటించింది. » ప్లేయర్ల స్నేహితులు, సన్నిహితులు ఇతర వాహనాల్లో ప్రయాణిస్తూ... హాస్పిటాలిటీ ప్రాంతం నుంచి మ్యాచ్‌ ప్రాక్టీస్‌ చూడొచ్చు. నెట్‌ బౌలర్లు, త్రోడౌన్‌ స్పెషలిస్ట్‌లు కూడా బీసీసీఐ నుంచి అనుమతి తీసుకోవాల్సిందే. » ఐపీఎల్‌ సందర్భంగా ఫిట్‌నెస్‌ పరీక్షలు నిర్వహించడం సాధ్యం కాదని పేర్కొన్న బీసీసీఐ... ‘ఆరెంజ్‌ క్యాప్‌’, ‘పర్పుల్‌ క్యాప్‌’ సాధించిన ఆటగాళ్లు మ్యాచ్‌ ఆరంభంలో కనీసం రెండు ఓవర్ల పాటైనా వాటిని ధరించాలని సూచించింది. మ్యాచ్‌ అనంతరం బహుమతి ప్రదానోత్సవంలో ప్లేయర్లు స్లీవ్‌లెస్‌ జెర్సీలను ధరించకూడదని బీసీసీఐ వెల్లడించింది. » మార్చి 22 నుంచి కోల్‌కతాలో ఐపీఎల్‌ సీజన్‌ ప్రారంభం కానుండగా... దానికి ముందు ఈ నెల 20న ముంబై వేదికగా కెపె్టన్‌ల సమావేశం జరగనుంది. సాధారణంగా తొలి మ్యాచ్‌ జరిగే వేదికలోనే ఈ భేటీ జరుగుతుంది. కానీ ఈసారి అందుకు భిన్నంగా ముంబైలో నిర్వహించనున్నారు.

ఐపీఎల్‌-2025 (IPL 2025) ప్రారంభానికి ముందు బీసీసీఐ (BCCI) కొత్త రూల్స్‌ ప్రవేశపెట్టింది. ఆటగాళ్ల కుటుంబ సభ్యులకు సంబంధించి నిబంధనలను కఠినతరం చేసింది. ఆటగాళ్లు జట్టు బస్సులో ప్రయాణించడం తప్పనిసరి చేసింది. గతంలో మాదిరి ఇష్టం వచ్చినన్ని సార్లు ప్రాక్టీస్‌ సెషన్స్‌ను నిర్వహించుకునే వెసులుబాటును నిషేధించింది. ప్రాక్టీస్‌ సెషన్లకు సంబంధించి పరిమితులు విధించింది.కొత్త రూల్స్‌ ప్రకారం ఒక్కో జట్టు ఏడు ప్రాక్టీస్‌ సెషన్స్‌ మాత్రమే నిర్వహించుకోవాలని తెలిపింది. మ్యాచ్‌లకు ముందు అలాగే మ్యాచ్‌లు జరిగే సమయంలో PMOA ప్రాంతాల్లో (ఆటగాళ్లు మరియు మ్యాచ్‌ అఫీషియల్స్‌ ఏరియా) ఆటగాళ్ల కుటుంబ సభ్యులు ఉండటాన్ని నిషేధించింది. ప్రాక్టీస్ రోజులలో డ్రెస్సింగ్ రూమ్‌లోకి మరియు మైదానంలోకి కేవలం గుర్తింపు పొందిన సిబ్బందికి మాత్రమే అనుమతి ఉంటుంది.ఆటగాళ్ల కుటుంబ సభ్యులకు ఆతిథ్య ప్రాంతం నుండి జట్టు ప్రాక్టీస్‌ను వీక్షించే వెసులుబాటును కల్పించింది. మ్యాచ్ రోజులలో ఆటగాళ్లకు ఫిట్‌నెస్ పరీక్షలు నిర్వహించలేమని తెలిపింది. ఆటగాళ్ళు కనీసం రెండు ఓవర్ల పాటు ఆరెంజ్ మరియు పర్పుల్ క్యాప్‌లను ధరించాలని పేర్కొంది. ప్రెజెంటేషన్ సెర్మనీలో ఆటగాళ్ళు స్లీవ్‌లెస్ జెర్సీలు ధరించడాన్ని నిషేధించింది.ఈ ఏడాది ఐపీఎల్‌ ద్వారా అమల్లోకి రానున్న మార్పులు..1. ప్రాక్టీస్ ఏరియాలో 2 నెట్‌లు మరియు రేంజ్ హిట్టింగ్ చేయడానికి ప్రధాన స్క్వేర్‌లో ఓ సైడ్ వికెట్ లభిస్తాయి. ముంబై లాంటి వేదికల్లో రెండు జట్లు ఒకే సమయంలో ప్రాక్టీస్ చేస్తుంటే, ఒక్కో జట్టుకు రెండు వికెట్లు లభిస్తాయి.2. ఓపెన్ నెట్‌లు అనుమతించబడవు.3. రెండు జట్లలో ఓ జట్టు ప్రాక్టీస్‌ను ముందుగానే ముగిస్తే, రెండో జట్టు ప్రాక్టీస్ కోసం ఆ వికెట్‌లను ఉపయోగించకూడదు.4. మ్యాచ్ రోజులలో ఎటువంటి ప్రాక్టీస్‌కు అనుమతించబడదు.5. ప్రధాన స్క్వేర్‌లో మ్యాచ్ రోజున ఫిట్‌నెస్ పరీక్ష జరగదు.6. ప్రాక్టీస్ రోజులలో డ్రెస్సింగ్ రూమ్‌ మరియు మైదానంలోకి గుర్తింపు పొందిన సిబ్బందిని మాత్రమే అనుమతిస్తారు.7. ఆటగాళ్ళు ప్రాక్టీస్ కోసం వచ్చే సమయంలో జట్టు బస్సును మాత్రమే ఉపయోగించాలి.8. ఆటగాళ్ళు మరియు సహాయక సిబ్బంది LED బోర్డుల ముందు కూర్చోకూడదు.9. మ్యాచ్‌ సమయంలో ఆటగాళ్ళు కనీసం రెండు ఓవర్ల పాటు ఆరెంజ్ మరియు పర్పుల్ క్యాప్ ధరించాలి.10. ప్రెజెంటేషన్‌ సెర్మనీలో స్లీవ్‌లెస్ జెర్సీలు అనుమతించబడవు.11. గత సీజన్ల తరహాలోనే మ్యాచ్ రోజులలో జట్టు వైద్యుడుతో సహా 12 మంది గుర్తింపు పొందిన సహాయక సిబ్బందిని మాత్రమే అనుమతిస్తారు.

న్యూఢిల్లీ: ఐపీఎల్‌ టీమ్‌ ఢిల్లీ క్యాపిటల్స్‌ సహాయక సిబ్బందిలో మరో కొత్త వ్యక్తి చేరాడు. ఇంగ్లండ్‌ మాజీ క్రికెటర్‌ కెవిన్‌ పీటర్సన్‌ను క్యాపిటల్స్‌ మెంటార్‌గా నియమిస్తున్నట్లు ఫ్రాంచైజీ యాజమాన్యం ప్రకటించింది. 2009–2016 మధ్య పీటర్సన్‌ ఐపీఎల్‌ 36 మ్యాచ్‌లు ఆడాడు. ఇందులో మూడు సీజన్ల పాటు ఢిల్లీ (క్యాపిటల్స్‌) తరఫునే ఆడిన అతను బెంగళూరు, పుణే జట్లకూ ప్రాతినిధ్యం వహించాడు. 17 మ్యాచ్‌లలో ఢిల్లీకి కెప్టెన్‌గా వ్యవహరించిన పీటర్సన్‌ 11 ఏళ్ల తర్వాత అదే జట్టుకు ఇప్పుడు మెంటార్‌ బాధ్యతలు చేపడుతున్నాడు. ఓవరాల్‌గా టి20 కెరీర్‌లో పీటర్సన్‌ 200 మ్యాచ్‌లు ఆడి 5,695 పరుగులు సాధించాడు. ఆటగాడిగా ఐపీఎల్‌ కెరీర్‌ ముగించిన తర్వాత కూడా ఢిల్లీ టీమ్‌ యాజమాన్యంతో పీటర్సన్‌ మంచి సంబంధాలు కొనసాగించాడు. ఇంగ్లండ్‌లోని ప్రతిష్టాత్మక కౌంటీ టీమ్‌ను జీఎంఆర్‌ యాజమాన్యం కొనుగోలు చేయడంలో మధ్యవర్తిగా పీటర్సన్‌ కీలకపాత్ర పోషించాడు. ఈ క్రమంలో ఇప్పుడు ఐపీఎల్‌లో మళ్లీ మరో హోదాలో అడుగు పెడుతున్నాడు.

ముంబై: భారత క్రికెట్‌ జట్టు చక్కటి ప్రదర్శనతో ఇప్పటికే చాంపియన్స్‌ ట్రోఫీలో సెమీస్‌ చేరింది. తమ స్థాయికి తగినట్లుగా ఆడితే టైటిల్‌ కూడా సాధించే అవకాశం ఉంది. ఈ టోర్నీ ముగిసిన వెంటనే ఆటగాళ్లంతా ఐపీఎల్‌ హడావిడిలో పడిపోతారు. తమ ఫ్రాంచైజీల తరఫున సత్తా చాటేందుకు సిద్ధమైపోతారు. అయితే భారత క్రికెట్‌ నియంత్రణ మండలి (బీసీసీఐ) మాత్రం టీమిండియా ఇటీవలి టెస్టు ప్రదర్శనను పూర్తిగా మర్చిపోలేదు. సొంతగడ్డపై న్యూజిలాండ్‌ చేతిలో అనూహ్యంగా 0–3తో చిత్తయిన భారత్‌ ఆ తర్వాత ఆ్రస్టేలియాలో 1–3తో సిరీస్‌ కోల్పోయింది. ఇప్పుడు ఐపీఎల్‌ ముగిసిన వెంటనే టీమిండియా జూన్‌–జులైలో జరిగే ఐదు టెస్టుల సిరీస్‌లో తలపడేందుకు ఇంగ్లండ్‌ వెళ్లనుంది. ఈ కీలక సిరీస్‌కు ముందు అంతా ఐపీఎల్‌లోనే ఉంటారు కాబట్టి టెస్టుల సన్నద్ధతకు తగిన సమయమే లభించదు. గతంలో ఐపీఎల్‌ ముగిసిన వెంటనే ఇంగ్లండ్‌ వెళ్లిన సందర్భాల్లో (2011, 2014, 2018లలో) భారత్‌ చిత్తుగా ఓడి సిరీస్‌లు కోల్పోయింది. 2021 సిరీస్‌లో ముందంజలో నిలిచినా... కోవిడ్‌ కారణంగా కొద్ది రోజుల తర్వాత జరిగిన టెస్టుల ఓడి సిరీస్‌ను 2–2తో సమంగా ముగించింది. ఈ నేపథ్యంలో ఐపీఎల్‌ సమయంలోనూ భారత క్రికెటర్లు టెస్టులకు సిద్ధమయ్యేలా చూసే ప్రణాళికను బీసీసీఐ రూపొందిస్తోంది. పూర్తిగా టి20కే అంకితం కాకుండా టెస్టుల కోసం ఎర్రబంతితో సాధన చేసేలా చేయడమే దీని ఉద్దేశం. ఈ ప్రతిపాదన ప్రకారం టెస్టు జట్టులో సభ్యులైన భారత ఆటగాళ్లు రెండు నెలల పాటు పూర్తిగా ఐపీఎల్‌కే అంకితమైపోరు. ఒకవైపు ఐపీఎల్‌ ఆడుతూనే మరోవైపు రాబోయే టెస్టుల కోసం ప్రాక్టీస్‌ కొనసాగించాల్సి ఉంటుంది. దీని కోసం ప్రత్యేకంగా సెషన్‌లు ఉంటాయి. ఆటగాళ్లంతా ఇందులో పాల్గొనేలా ప్రణాళికలు రూపొందిస్తున్నారు. భారత్, పాకిస్తాన్‌ మ్యాచ్‌ ముగిశాక దుబాయ్‌లో దీనికి సంబంధించి ఇప్పటికే బోర్డు అధికారులు చర్చించారు. చాంపియన్స్‌ ట్రోఫీ ముగిసిన తర్వాత జరిగే మరో సమావేశంలో ఈ అంశంపై పూర్తి స్పష్టత వస్తుంది. మొత్తంగా ఇంగ్లండ్‌తో టెస్టు సిరీస్‌ను బోర్డు ప్రతిష్టాత్మకంగా తీసుకుంటూ ముందుగానే సన్నాహాలు మొదలు పెడుతోంది.

ఆఫ్ఘనిస్తాన్‌ (Afghanistan) స్టార్‌ ఆటగాడు రషీద్‌ ఖాన్‌కు (Rashid Khan) ముంబై ఇండియన్స్‌ (Mumbai Indians) ఫ్యామిలీతో బంధం మరింత బలపడింది. ఇప్పటికే మూడు లీగ్‌ల్లో ముంబై ఇండియన్స్‌ ఫ్రాంచైజీల్లో సభ్యుడిగా ఉన్న రషీద్‌.. తాజాగా మరో ఎంఐ ఫ్రాంచైజీతో జతకట్టాడు. రషీద్‌ను ద హండ్రెడ్‌ లీగ్‌లో ఎంఐ యాజమాన్యంలో నడుస్తున్న ఓవల్‌ ఇన్విన్సిబుల్స్‌ (డిఫెండింగ్‌ ఛాంపియన్‌) సొంతం చేసుకుంది. ఓవల్‌ ఇన్విన్సిబుల్స్‌లో ముంబై ఇండియన్స్‌ యాజమాన్యం ఇటీవలే పెట్టుబడులు పెట్టింది. ఇందులో 49 శాతం వాటాను రిలయన్స్‌ ఇండస్ట్రీస్‌ లిమిటెడ్‌ (RIL) కొనుగోలు చేసింది.ప్రస్తుతం రషీద్‌ ఒక్క ఐపీఎల్‌ మినహా మిగతా ముంబై ఇండియన్స్‌ ఫ్రాంచైజీల్లో (ఫారిన్‌ లీగ్‌ల్లో) సభ్యుడిగా ఉన్నాడు. రషీద్‌ ఐపీఎల్‌లో గుజరాత్‌ టైటాన్స్‌కు ఆడుతున్నాడు. రషీద్‌ సౌతాఫ్రికా టీ20 లీగ్‌ ముంబై ఇండియన్స్‌ కేప్‌టౌన్‌కు.. ఇంటర్నేషనల్‌ లీగ్‌ టీ20లో ముంబై ఇండియన్స్‌ ఎమిరేట్స్‌కు.. మేజర్‌ లీగ్‌ క్రికెట్‌లో ముంబై ఇండియన్స్‌ న్యూయార్క్‌కు ప్రాతినిథ్యం వహిస్తున్నాడు. ద హండ్రెడ్‌ లీగ్‌ ప్రారంభం నుంచి (2021) ట్రెంట్‌ రాకెట్స్‌కు ప్రాతినిథ్యం వహిస్తున్న రషీద్‌ను ఓవల్‌ ఇన్విన్సిబుల్స్‌ డైరెక్ట్‌ ఓవర్సీస్‌ సైనింగ్‌ ద్వారా దక్కించుకుంది.కాగా, ద హండ్రెడ్‌ లీగ్‌-2025 సీజన్‌ కోసం ప్లేయర్ల రిటెన్షన్‌ జాబితాలను ఎనిమిది ఫ్రాంచైజీలు ఇవాళ ప్రకటించాయి. గత సీజన్‌లో తమతో ఉన్న 10 మంది సభ్యులను ఫ్రాంచైజీలు రిటైన్‌ చేసుకోవచ్చు. రిటెన్షన్‌ జాబితాలో ఒక​ ఇంగ్లండ్‌ సెంట్రల్‌ కాంట్రాక్ట్‌ ప్లేయర్‌ తప్పక ఉండాలి. అలాగే ముగ్గురు ఓవర్సీస్‌ ప్లేయర్లు​ ఉండవచ్చు. అదనంగా ఓ విదేశీ ఆటగాడిని డైరెక్ట్‌ సైనింగ్‌ చేసుకోవచ్చు. ఈ పద్దతిలోనే ఇన్విన్సిబుల్స్‌ రషీద్‌ ఖాన్‌ను దక్కించుకుంది. ఫ్రాంచైజీల్లో మిగిలిన స్థానాల భర్తీ డ్రాఫ్ట్‌ ద్వారా జరుగుతుంది. డ్రాఫ్ట్‌ తేదీ ప్రకటించాల్సి ఉంది.ద హండ్రెడ్‌ లీగ్‌లో ఇటీవలే ఐపీఎల్‌ ఫ్రాంచైజీలు పెట్టుబడులు పెట్టిన విషయం తెలిసిందే. ఓవల్‌ ఇన్విన్సిబుల్స్‌లో ముంబై ఇండియన్స్‌.. నార్తర్న్ సూపర్‌చార్జర్స్‌లో సన్‌రైజర్స్‌ హైదరాబాద్‌.. మాంచెస్టర్‌ ఒరిజినల్స్‌లో లక్నో సూపర్‌ జెయింట్స్‌.. సథరన్‌ బ్రేవ్‌లో ఢిల్లీ క్యాపిటల్స్‌ షేర్‌ దక్కించుకున్నాయి. వీటిలో సన్‌రైజర్స్‌ హైదరాబాద్‌ నార్తర్న్ సూపర్‌చార్జర్స్‌ ఫ్రాంచైజీ మొత్తాన్ని కొనుగోలు చేసింది. మిగతా ఐపీఎల్‌ ఫ్రాంచైజీలు ఆయా ప్రాంచైజీల్లో 49 శాతం వాటాను దక్కించుకున్నాయి.రిటెన్షన్స్‌ జాబితా..బర్మింగ్హమ్‌ ఫీనిక్స్‌- బెన్‌ డకెట్‌, ట్రెంట్‌ బౌల్ట్‌ (ఓవర్సీస్‌), లియామ్‌ లివింగ్‌స్టోన్‌, జేకబ్‌ బేతెల్‌, ఆడమ్‌ మిల్నే (ఓవర్సీస్‌), బెన్నీ హోవెల్‌, టిమ్‌ సౌథీ (ఓవర్సీస్‌), డాన్‌ మౌస్లీ, విల్‌ స్మీడ్‌, క్రిస్‌ వుడ్‌, ఆనురిన్‌ డొనాల్డ్‌లండన్‌ స్పిరిట్‌- లియామ్‌ డాసన్‌, డాన్‌ వారోల్‌, కేన్ విలియమ్సన్‌ (ఓవర్సీస్‌), రిచర్డ్‌ గ్లీసన్‌, ఓలీ స్టోన్‌, ఓలీ పోప్‌, కీటన్‌ జెన్నింగ్స్‌మాంచెస్టర్‌ ఒరిజినల్స్‌- జోస్‌ బట్లర్‌, ఫిలిప్‌ సాల్ట్‌, హెన్రిచ్‌ క్లాసెన్‌ (ఓవర్సీస్‌), మ్యాటీ హర్స్ట్‌, జోష్‌ టంగ్‌, స్కాట్‌ కర్రీ, టామ్‌ హార్ట్లీ, సోనీ బేకర్‌, టామ్‌ ఆస్పిన్‌వాల్‌నార్త్రన్‌ సూపర్‌ ఛార్జర్స్‌- హ్యారీ బ్రూక్‌, డేవిడ్‌ మిల్లర్‌ (ఓవర్సీస్‌), ఆదిల్‌ రషీద్‌, మిచెల్‌ సాంట్నర్‌ (ఓవర్సీస్‌), బ్రైడన్‌ కార్స్‌, బెన్‌ డ్వార్షుయిస్‌ (ఓవర్సీస్‌), మాట్‌ పాట్స్‌, పాట్‌ బ్రౌన్‌, గ్రహం క్లార్క్‌, టామ్‌ లాస్‌ఓవల్‌ ఇన్విన్సిబుల్స్‌- సామ్‌ కర్రన్‌, విల్‌ జాక్స్‌, రషీద్‌ ఖాన్‌ (ఓవర్సీస్‌), జోర్డన్‌ కాక్స్‌, సామ్‌ బిల్లింగ్స్‌, సాకిబ్‌ మహమూద్‌, గస్‌ అట్కిన్సన్‌, డొనొవన్‌ ఫెరియెరా (ఓవర్సీస్‌), నాథన్‌ సౌటర్‌, ట్వాండా ముయేయేసథరన్‌ బ్రేవ్‌- జోఫ్రా ఆర్చర్‌, జేమ్స్‌ విన్స్‌, క్రిస్‌ జోర్డన్‌, టైమాల్‌ మిల్స్‌, డుప్లెసిస్‌ (ఓవర్సీస్‌), లూయిస్‌ డు ప్లూయ్‌, లారీ ఈవాన్స్‌, క్రెయిగ్‌ ఓవర్టన్‌, ఫిన్‌ అలెన్‌ (ఓవర్సీస్‌), డ్యానీ బ్రిగ్స్‌, జేమ్స్‌ కోల్స్‌ట్రెంట్‌ రాకెట్స్‌- జో రూట్‌, మార్కస్‌ స్టోయినిస్‌ (ఓవర్సీస్‌), టామ్‌ బాంటన్‌, సామ్‌ కుక్‌, జాన్‌ టర్నర్‌, సామ్‌ హెయిన్‌, టామ్‌ అల్సోప్‌, కాల్విన్‌ హ్యారీసన్‌వెల్ష్‌ ఫైర్‌- జానీ బెయిర్‌స్టో, స్టీవ్‌ స్మిత్‌ (ఓవర్సీస్‌), టామ్‌ కొహ్లెర్‌ కాడ్‌మోర్‌, టామ్‌ ఏబెల్‌, లూక్‌ వెల్స్‌, స్టీవీ ఎస్కినాజీ

క్రికెట్‌ అభిమానులు ఎప్పుడెప్పుడా అని ఎదురుచూస్తున్న ఇండియన్‌ ప్రీమియర్‌ లీగ్‌ 2025 (IPL) షెడ్యూల్‌ ఇవాళ (ఫిబ్రవరి 16) విడుదలైంది. ఈ సీజన్‌ తొలి మ్యాచ్‌ మార్చి 22న జరుగనుంది. ఈ మ్యాచ్‌లో డిఫెండింగ్‌ ఛాంపియన్‌ కోల్‌కతా నైట్‌రైడర్స్‌ (KKR).. రాయల్‌ ఛాలెంజర్స్‌ బెంగళూరుతో (RCB) తలపడనుంది. ఈ మ్యాచ్‌ కేకేఆర్‌ హోం గ్రౌండ్‌ అయిన ఈడెన్‌ గార్డెన్స్‌లో (Eden Gardens) జరుగుతుంది.ఇదే ఈడెన్‌ గార్డెన్స్‌లో క్వాలిఫయర్‌-2 (మే 23) మరియు ఫైనల్‌ మ్యాచ్‌లు (మే 25) జరుగనున్నాయి. హైదరాబాద్‌లోని ఉప్పల్‌ స్టేడియంలో క్వాలిఫయర్‌-1 (మే 20) మరియు ఎలిమినేటర్‌ (మే 21) మ్యాచ్‌లు జరుగుతాయి. గత సీజన్‌ రన్నరప్‌ సన్‌రైజర్స్‌ హైదరాబాద్‌.. మార్చి 23న జరిగే తమ తొలి మ్యాచ్‌లో రాజస్థాన్‌ రాయల్స్‌తో తలపడుతుంది. ఈ మ్యాచ్‌ను ఎస్‌ఆర్‌హెచ్‌ తమ సొంత మైదానమైన ఉప్పల్‌ స్టేడియంలో ఆడుతుంది. అదే రోజు చెన్నై వేదికగా ముంబై ఇండియన్స్, చెన్నై సూపర్‌ కింగ్స్‌ మ్యాచ్‌ జరుగుతుంది. మొత్తం 65 రోజుల పాటు జరిగే ఐపీఎల్‌-2025 సీజన్‌లో 74 మ్యాచ్‌లు జరుగనున్నాయి. దేశవ్యాప్తంగా 13 వేదికల్లో మెగా లీగ్‌ నిర్వహించబడుతుంది.

ఇండియన్ ప్రీమియర్ లీగ్ (IPL) 2025 పానీయాల విభాగంలో స్పాన్సర్‌షిప్‌ డీల్‌ను ముఖేశ్‌ అంబానీ ఆధ్వర్యంలోని రిలయన్స్ కన్జ్యూమర్ ప్రొడక్ట్స్ (RCPL) దక్కించుకుంది. అందుకోసం రిలయన్స్‌ దాదాపు రూ.200 కోట్లు వెచ్చించింది. గతేడాది ఈ స్పాన్సర్‌షిప్‌ హక్కులను కోకాకోలా సొంతం చేసుకుంది. పానీయాల విభాగంలో ఈ డీల్‌ను దక్కించుకోవడంతో రిలయన్స్‌కు చెందిన కంపాకోలా విక్రయాలు పెరిగి, దేశవ్యాప్తంగా ఆదరణ పొందుతుందని కంపెనీ భావిస్తుంది.వేసవిలో సేల్స్‌ పెంచుకోవాలని సాఫ్ట్‌డ్రింక్స్‌ కంపెనీలు ప్రమోషన్స్‌పై దృష్టి పెట్టాయి. సరిగ్గా ఐపీఎల్‌ అదే సమయంలో ప్రారంభం కానుండడంతో దీన్ని ఆసరాగా చేసుకుని మరింత ముందుకుసాగాలని భావిస్తున్నాయి. అందులో భాగంగానే రిలయన్స్‌ ఈ స్పాన్సర్‌షిప్‌ హక్కులను దక్కించుకున్నట్లు మార్కెట్‌ వర్గాలు భావిస్తున్నాయి. కంపా కోలాతో పాటు ఆర్‌సీపీఎల్‌ తన స్పోర్ట్స్ డ్రింక్ స్పిన్నర్, రాస్‌కిక్‌ గ్లూకో ఎనర్జీని టీ20 లీగ్‌ సందర్భంగా ప్రచారం చేస్తోంది.ఇదీ చదవండి: ఈపీఎఫ్‌ఓ వడ్డీరేటుపై త్వరలో నిర్ణయంశ్రీలంక మాజీ క్రికెటర్ ముత్తయ్య మురళీధరన్‌తో కలిసి రూపొందించిన ‘స్పిన్నర్’ ప్రమోషన్స్‌ కోసం లక్నో సూపర్ జెయింట్స్, సన్‌రైజర్స్‌ హైదరాబాద్, పంజాబ్ కింగ్స్, గుజరాత్ టైటాన్స్, ముంబై ఇండియన్స్ అనే ఐదు ఐపీఎల్ జట్లతో భాగస్వామ్యం కుదుర్చుకున్నారు. రూ.10 ధర కలిగిన రాస్‌కిక్‌ గ్లూకో ఎనర్జీ కూడా ఈ టోర్నమెంట్‌లోనే అరంగేట్రం చేస్తోంది. ఐపీఎల్ 2025 కోసం టెలివిజన్, ఓటిటి ప్లాట్‌ఫామ్‌ల నుంచి మొత్తం ప్రకటనల ఆదాయం గత సంవత్సరం కంటే 8-10% పెరుగుతుందని మార్కెట్‌ వర్గాలు భావిస్తున్నాయి. ఇది సుమారు రూ.4,500 కోట్లకు చేరుకుంటుందని అంచనా వేస్తున్నాయి.

అహ్మదాబాద్‌: ఐపీఎల్‌ (IPL) టీమ్‌ గుజరాత్‌ టైటాన్స్‌లో (Gujarat Titans) ప్రముఖ పారిశ్రామిక సంస్థ టోరెంట్‌ గ్రూప్‌ (Torrent Group) 67 శాతం వాటాను దక్కించుకుంది. ఈ ఒప్పందం గతంలోనే ఖాయమైనా... బుధవారం ఫ్రాంచైజీ యాజమాన్యం దీనిని అధికారికంగా ప్రకటించింది. ప్రస్తుత యజమాని సీవీసీ క్యాపిటల్స్‌ ఇక ముందు మిగిలిన 33 శాతం వాటాతో సహ యజమానిగా కొనసాగుతోంది. ఐపీఎల్‌ జట్టులో భాగమయ్యేందుకు సీవీసీ క్యాపిటల్స్‌కు టోరెంట్‌ సుమారు రూ.5,025 కోట్లు చెల్లించినట్లు సమాచారం. 2021లో టైటాన్స్‌ను సీవీసీ రూ.5,625 కోట్లు చెల్లించి సొంతం చేసుకుంది. ఈ టీమ్‌ ప్రస్తుత విలువను రూ.7,500 కోట్లుగా లెక్కగట్టారు. ఈ నేపథ్యంలో సీవీసీ గ్రూప్‌ తాము పెట్టిన పెట్టుబడిలో సుమారు 89 శాతాన్ని తిరిగి తెచ్చుకోవడంతో పాటు 33 శాతం వాటాను ఇంకా తమ వద్దే ఉంచుకోవడం విశేషం. కొత్త ఒప్పందం కారణంగా ఐపీఎల్‌లో భాగం కావ డం పట్ల సంతోషంగా ఉన్నామని... లీగ్‌ కోసం ఆసక్తిగా ఎదురు చూస్తున్నట్లు టోరెంట్‌ గ్రూప్‌ డైరెక్టర్‌ జినాల్‌ మెహతా వ్యాఖ్యానించారు. టోరెంట్‌ దేశవ్యాప్తంగా ఫార్మాస్యూటికల్స్, విద్యుత్, గ్యాస్‌ రంగాల్లో పెద్ద ఎత్తున తమ వ్యాపారాలను సాగిస్తోంది. కంపెనీ విలువ దాదాపు రూ.41 వేల కోట్లుగా ఉంది. 2022 ఐపీఎల్‌ సీజన్‌లో టైటిల్‌ సాధించిన గుజరాత్‌ టైటాన్స్‌ 2023తో రన్నరప్‌గా నిలిచింది.

ముంబై ఇండియన్స్‌ (Mumbai Indians) యాజమాన్యం రిలయన్స్‌ ఇండస్ట్రీస్‌ లిమిటెడ్‌ (RIL) మరో క్రికెట్‌ ఫ్రాంచైజీని కొనుగోలు చేసింది. ఇప్పటికే ప్రపంచవ్యాప్తంగా ఐదు క్రికెట్‌ ఫ్రాంచైజీలు కలిగిన RIL.. తాజాగా ద హండ్రెడ్‌ లీగ్‌లోని ఓవల్‌ ఇన్విన్సిబుల్స్‌ (లండన్‌ బేస్డ్‌) ఫ్రాంచైజీలో 49 శాతం వాటాను సొంతం చేసుకుంది. మిగిలిన 51 శాతం వాటాను ఇన్విన్సిబుల్స్‌ మాతృ సంస్థ అయిన సర్రే కౌంటీ క్రికెట్ క్లబ్ (SCC) నిలబెట్టుకుంది.RIL, దాని అనుబంధ సంస్థ అయిన RISE వరల్డ్‌వైడ్ ద్వారా సర్రే కౌంటీ క్రికెట్ క్లబ్‌తో భాగస్వామ్యం కుదుర్చుకుంది. ఇన్విన్సిబుల్స్‌లో తమ వాటా కోసం RIL దాదాపు 644 కోట్ల రూపాయలు (60 మిలియన్ GBP) చెల్లించినట్లు తెలుస్తుంది. ఇంగ్లండ్ మరియు వేల్స్ క్రికెట్ బోర్డు (ECB) విక్రయించిన మొట్టమొదటి ఫ్రాంచైజీ ఓవల్ ఇన్విన్సిబుల్స్. ప్రస్తుతం ఈ ఫ్రాంచైజీ విలువ 1320 కోట్ల రూపాయలుగా (123 మిలియన్ GBP) ఉంది. ఓవల్ ఇన్విన్సిబుల్స్‌ను ముంబై ఇండియన్స్‌ యజమాని నీతా అంబానీ తమ కుటుంబంలోకి స్వాగతించారు.ఈ భాగస్వామ్యంతో ముంబై ఇండియన్స్‌ అభిమానుల స్థావరాన్ని భారత్‌తో పాటు న్యూయార్క్, UAE, దక్షిణాఫ్రికా, ఇప్పుడు ఇంగ్లండ్‌కు విస్తరిస్తున్నామని ఆమె అన్నారు. మా ప్రపంచ క్రికెట్ ప్రయాణంలో కొత్త అధ్యాయానికి నాంది పలుకుతున్నామని నీతా అంబాని అధికారిక ప్రకటనలో పేర్కొన్నారు.హండ్రెడ్‌ లీగ్‌లో ఫ్రాంచైజీని కొన్న మూడో ఐపీఎల్‌ జట్టు..కాగా, ద హండ్రెడ్‌ లీగ్‌లో ఇటీవలే ఐపీఎల్‌ ఫ్రాంచైజీలైన లక్నో సూపర్‌ జెయింట్స్‌, సన్‌రైజర్స్‌ హైదరాబాద్‌ కూడా పెట్టుబడులు పెట్టాయి. నార్తర్న్ సూపర్‌చార్జర్స్‌ ఫ్రాంచైజీను సన్‌రైజర్స్‌ యాజమాన్యం సన్ గ్రూప్ హస్తగతం చేసుకుంది. ఈ ఫ్రాంచైజీలో మొత్తం వంద శాతాన్ని సన్‌ గ్రూప్‌ కొనుగోలు చేసింది.అంతకుముందు లక్నో సూపర్‌ జెయింట్స్‌ యాజమాన్యం RPSG గ్రూప్‌.. మాంచెస్టర్‌ ఒరిజినల్స్‌ (ఇంగ్లండ్‌) ఫ్రాంచైజీని కళ్లు చెదిరే ధర వెచ్చించి సొంతం చేసుకుంది. ఒరిజినల్స్‌ మొత్తం విలువలో 49 శాతాన్ని RPSG గ్రూప్‌ దక్కించుకుంది. భారత కరెన్సీలో ఈ వాటా విలువ రూ. 1251 కోట్లు.హండ్రెడ్‌ లీగ్‌లో ఇన్విన్సిబుల్స్‌ హవాఓవల్‌ ఇన్విన్సిబుల్స్‌ మహిళల జట్టు 2021, 2022 ఎడిషన్లలో ద హండ్రెడ్ విజేతగా నిలిచింది. పురుషుల జట్టు 2023, 2024 ఎడిషన్లలో ఛాంపియన్‌గా నిలిచింది.ఐపీఎల్‌ చరిత్రలో అత్యం‍త విజయవంతమైన జట్టుముంబై ఇండియన్స్‌.. ఇండియన్ ప్రీమియర్ లీగ్‌ చరిత్రలో అత్యంత విజయవంతమైన జట్లలో ఒకటిగా ఉంది. ఈ ఫ్రాంచైజీ 2013, 2015, 2017, 2019, 2020 ఎడిషన్లలో ఛాంపియన్‌గా నిలిచింది. ముంబై ఇండియన్స్‌ రెండు సందర్భాలలో ఛాంపియన్స్ లీగ్‌ను కూడా గెలుచుకుంది. ఇటీవల, MI కేప్ టౌన్ SA20 2025 టైటిల్‌ను కూడా గెలుచుకుంది.ప్రపంచవ్యాప్తంగా ఉన్న ఎంఐ ఫ్రాంచైజీలు ఇవే..!ముంబై ఇండియన్స్‌ (ఐపీఎల్‌), ముంబై ఇండియన్స్‌ (డబ్ల్యూపీఎల్‌), ఎంఐ న్యూయార్క్‌ (మేజర్‌ లీగ్‌ క్రికెట్‌), ఎంఐ కేప్‌టౌన్‌ (సౌతాఫ్రికా టీ20 లీగ్‌), ఎంఐ ఎమిరేట్స్‌ (ఇంటర్నేషనల్‌ లీగ్‌ టీ20), తాజాగా ఓవల్‌ ఇన్విన్సిబుల్స్‌ (ద హండ్రెడ్‌ లీగ్‌)

సాక్షి, హైదరాబాద్‌: ప్రతిభ గల యువ క్రికెటర్లను ప్రోత్సహించేందుకు త్వరలోనే తెలంగాణ ప్రీమియర్‌ లీగ్‌ (టీపీఎల్‌)ను నిర్వహిస్తామని... హైదరాబాద్‌ క్రికెట్‌ సంఘం (హెచ్‌సీఏ) అధ్యక్షుడు అర్శనపల్లి జగన్‌మోహన్‌ రావు వెల్లడించారు. శనివారం ఉప్పల్‌ స్టేడియంలో జగన్‌మోహన్‌ రావు అధ్యక్షతన నిర్వహించిన అపెక్స్‌ కౌన్సిల్‌ సమావేశంలో పలు కీలక నిర్ణయాలు తీసుకున్నారు. ఈ సందర్భంగా హెచ్‌సీఏ అధ్యక్షుడు మాట్లాడుతూ... ‘క్రికెట్‌ అభివృద్ధికి కట్టుబడి ఉన్నాం. ఐపీఎల్‌ అనంతరం యువ క్రికెటర్ల కోసం టీపీఎల్‌ నిర్వహిస్తాం. ఉమ్మడి 10 జిల్లాల్లో క్రికెట్‌ అభివృద్ధికి కోటి రూపాయల చొప్పున ఖర్చు చేయనున్నాం. ప్రతి జిల్లాలో ఒక చోట 10 ఎకరాల స్థలం కొనుగోలు చేసి కొత్త మైదానాలను నిరి్మస్తాం. దేశవాళీ, అంతర్జాతీయ క్రికెట్‌లో రాణిస్తున్న తెలంగాణ ప్లేయర్లను సత్కరించేందుకు వచ్చే నెలలో హెచ్‌సీఏ అవార్డులు అందిస్తాం. బీసీసీఐ నిబంధనలకు అనుగుణంగా ఉప్పల్‌ స్టేడియాన్ని ఆధునీకరిస్తాం. మల్టీలెవల్‌ పార్కింగ్‌ వ్యవస్థను అభివృద్ధి పరుస్తాం’ అని వెల్లడించారు. ఈ సమావేశంలో హెచ్‌సీఏ ఉపాధ్యక్షుడు దల్జీత్‌ సింగ్, కార్యదర్శి దేవ్‌రాజ్, కోశాధికారి శ్రీనివాస్, బసవరాజు, సునీల్‌ అగర్వాల్‌ పాల్గొన్నారు. ఈ సందర్భంగా ఐసీసీ చాంపియన్స్‌ ట్రోఫీకి టీమిండియా మేనేజర్‌గా ఎంపికైన దేవ్‌రాజ్‌ను అపెక్స్‌ కౌన్సిల్‌ సభ్యులు అభినందించారు.

ఇండియన్ ప్రీమియర్ లీగ్ (ఐపీఎల్) ప్రారంభం నుంచి భారత్ క్రికెట్ కంట్రోల్ బోర్డుకు లాభాల పంట పండిస్తోంది. అందుకే ఐపీఎల్ ఫ్రాంచైజీల కోసం బడా వ్యాపారవేత్తలు అప్పట్లో ఎగబడ్డారు. ఇప్పుడు ఐపీఎల్ ఫ్రాంచైజీలు తమ వ్యాపారాన్ని విదేశాలకు కూడా విస్తరిస్తున్నారు. వివిధ దేశాల్లో నిర్వహిస్తున్న ఐపీఎల్ తరహా టోర్నమెంట్‌లలో పెట్టుబడులు పెట్టేందుకు క్యూ లు కడుతున్నారు. తాజాగా ఐపీఎల్‌లో హైదరాబాద్ వేదికగా పోటీ పడుతున్న సన్‌రైజర్స్ హైదరాబాద్ జట్టు ఇంగ్లాండ్ అండ్ వేల్స్ క్రికెట్ బోర్డు నిర్వహిస్తున్న 'ది హండ్రెడ్' టోర్నమెట్‌లోకి రంగ ప్రవేశం చేసింది.మూడో ఐపీఎల్ ఫ్రాంచైజీబుధవారం నార్తర్న్ సూపర్‌చార్జర్స్‌ను కొనుగోలు కోసం నిర్వహించిన వేలంలో కళానిధి మారన్ యాజమాన్యంలోని సన్ గ్రూప్ పాల్గొని మొత్తం వంద శాతం వాటాను కొనుగోలు చేసింది. ఇంగ్లాండ్ క్రికెట్ బోర్డు యొక్క 49 శాతం వాటాను, ఈ క్లబ్ నిర్వాహకులైన యార్క్‌షైర్ యొక్క 51 శాతం వాటాను కొనుగోలు చేయడానికి అంగీకారాన్ని పొందింది. దీంతో 'ది హండ్రెడ్' టోర్నమెంట్ లో 100% వాటాను పొందిన తొలి ఫ్రాంచైజ్ గా నిలిచింది. ఈ టోర్నమెంట్ లో వాటాలు చేజిక్కించుకున్న ఇండియన్ ప్రీమియర్ లీగ్ ఫ్రాంచైజీ లలో సన్‌రైజర్స్ హైదరాబాద్ మూడో ఫ్రాంచైజీ కావడం విశేషం. సూపర్‌చార్జర్స్ కొనుగోలు కోసం సన్ గ్రూప్ ఏకంగా 100 మిలియన్ పౌండ్లు వెచ్చించినట్టు తెలుస్తోంది. నాలుగో స్థానంలో సూపర్‌చార్జర్స్యార్క్‌షైర్‌కు వేదికగా పోటీ పడుతున్న సూపర్‌చార్జర్స్ గత సీజన్‌లో పురుషులు మరియు మహిళల టోర్నమెంట్లలో నాలుగో స్థానంలో నిలిచింది. సూపర్‌చార్జర్స్ పురుషుల జట్టుకు ఇంగ్లాండ్ మాజీ ఆల్ రౌండర్ ఆండ్రూ ఫ్లింటాఫ్ కోచ్‌గా వ్యవహరిస్తున్నాడు. ప్రస్తుత ఇంగ్లాండ్ జట్లు లో సభ్యుడైన హ్యారీ బ్రూక్ ఈ జట్టుకు కెప్టెన్‌గా ఉన్నాడు.లక్నో సూపర్ జెయింట్స్ నిర్వాహకులైన ఆర్ పి ఎస్ జి గ్రూప్, ముంబై ఇండియన్స్ నిర్వాహకులైన రిలయన్స్ ఇండస్ట్రీస్ లిమిటెడ్ 'ది హండ్రెడ్' టోర్నమెంట్ లో పోటీ పడుతున్న జట్ల స్టాక్‌లను కొనుగోలు చేసిన కొన్ని రోజుల తర్వాత సన్ గ్రూప్ కూడా ఈ టోర్నమెంట్ లో పెట్టుబడి పెట్టింది.ప్రారంభంలో లండన్ స్పిరిట్‌ కొనుగోలు హక్కులను దక్కించుకోవడంలో విఫలమైన ఆర్ పి ఎస్ జి గ్రూప్ తర్వాత మాంచెస్టర్ ఒరిజినల్స్‌లో వాటాను కొనుగోలు చేసింది. రాబోయే రోజుల్లో ది హండ్రెడ్‌లో మరో ఐపీఎల్ క్లబ్ కూడా పెట్టుబడి పెట్టే అవకాశం ఉందని మార్కెట్ వర్గాల కథనం.మొదటి స్థానంలో చెన్నై సూపర్ కింగ్స్ టాటా గ్రూప్ 2024-2028 సంవత్సరానికి ఐపీఎల్ టైటిల్ స్పాన్సర్‌షిప్‌ను దాదాపు 2,500 కోట్ల డాలర్లకు కొనుగోలు చేసింది. ఇది మునుపటి ఒప్పందం కంటే దాదాపు 50 శాతం అధికం. ఇక ఐపీఎల్ ఫ్రాంచైజీల విషయానికొస్తే, 231.0 మిలియన్ డాలర్లతో చెన్నై సూపర్ కింగ్స్ అత్యంత విలువైన ఫ్రాంచైజీ గా కొనసాగుతోంది. గత సంవత్సరం ఈ క్లబ్ తొమ్మిది శాతం వృద్ధి రేటు ని సాధించింది. రాయల్ ఛాలెంజర్స్ బెంగళూరు 227.0 మిలియన్ డాలర్లతో రెండవ స్థానంలో ఉంది. గత సంవత్సరం ఐపీఎల్ విజేత అయిన కోల్‌కతా నైట్ రైడర్స్ వ్యాపార వృద్ధి లో 19.3 శాతం పెరుగుదలతో మొదటి స్థానాన్ని ఆక్రమించింది. ముంబై ఇండియన్స్ 204.0 మిలియన్ డాలర్లతో బ్రాండ్ విలువతో నాలుగో స్థానంలో ఉంది. తరువాత సన్‌రైజర్స్ హైదరాబాద్ (132 మిలియన్ డాలర్లు), రాజస్థాన్ రాయల్స్ (113 మిలియన్ డాలర్లు) ఉన్నాయి.లాభాల పంటవాణిజ్య ప్రకటనల ద్వారా ఐపీఎల్ ఫ్రాంచైజీలు విపరీతంగా లాభాలు ఆర్జిస్తున్నాయి. దాదాపు ప్రతి జట్టుకు 5 మిలియన్ డాలర్ల నుండి 12 మిలియన్ డాలర్ల వరకు స్పాన్సర్‌షిప్ ఆదాయం లభించడమే కాక టెలివిజన్ హక్కుల ద్వారా కూడా గణనీయమైన ఆదాయం సంపాదిస్తున్నట్లు తెలుస్తోంది. రాయల్ ఛాలెంజర్స్ బెంగళూరుతో మూడేళ్ల ఒప్పందం కోసం ఖతార్ ఎయిర్‌వేస్ దాదాపు 175 కోట్ల రూపాయలతో ఒప్పందం ఖరారు చేసుకుందంటే ఐపీఎల్ ఫ్రాంచైజీల ఆదాయం ఏ స్థాయిలో ఉందో అర్థంచేసుకోవచ్చు.

ఐపీఎల్‌ (IPL) టీమ్‌ లక్నో సూపర్‌ జెయింట్స్‌ (Lucknow Super Giants) మరో క్రికెట్‌ లీగ్‌లోకి అడుగుపెట్టింది. ఎల్‌ఎస్‌జీ యాజమాన్యం హండ్రెడ్‌ లీగ్‌లోని (The Hundred League) మాంచెస్టర్‌ ఒరిజినల్స్‌ (ఇంగ్లండ్‌) ఫ్రాంచైజీని కళ్లు చెదిరే ధర వెచ్చించి సొంతం చేసుకుంది. ఫ్రాంచైజీ మొత్తం విలువలో 49 శాతాన్ని ఎల్‌ఎస్‌జీ యాజమాన్యమైన RPSG గ్రూప్‌ దక్కించుకుంది. భారత కరెన్సీలో ఈ వాటా విలువ రూ. 1251 కోట్లు. మాంచెస్టర్‌ ఒరిజినల్స్‌లో (Manchester Originals) వాటా దక్కించుకున్న విషయాన్ని RPSG గ్రూప్‌ అధినేత సంజీవ్‌ గొయెంకా వెల్లడించారు. తొలుత ఎల్‌ఎస్‌జీ యాజమాన్యం హండ్రెడ్‌ లీగ్‌లోని మరో ఫ్రాంచైజీ (లండన్‌ స్పిరిట్‌) కోసం బిడ్‌ దాఖలు చేసింది. అయితే ఆ ప్రయత్నాలు ఫలించలేదు. అంతిమంగా RPSG గ్రూప్‌ మాంచెస్టర్‌ ఒరిజినల్స్‌లో వాటా దక్కించుకుంది. RPSG గ్రూప్‌తో జత కట్టడంపై మాంచెస్టర్ యాజమాన్యం లంకాషైర్ సంతోషం వ్యక్తం చేసింది. ఈ డీల్‌లో టర్మ్స్‌ అండ్‌ కండీషన్స్‌పై తదుపరి 8 వారాల్లో చర్చిస్తామని పేర్కొంది.కాగా, ఇటీవలే హండ్రెడ్‌ లీగ్‌లోకి మరో ఐపీఎల్‌ ఫ్రాంచైజీ కూడా అడుగుపెట్టింది. ఐదు సార్లు ఐపీఎల్‌ ఛాంపియన్‌ అయిన ముంబై ఇండియన్స్‌ (అంబానీ గ్రూప్‌).. ఓవల్ ఇన్విన్సిబుల్స్‌ ఫ్రాంచైజీని భారీ ధరకు కొనుగోలు చేసింది. మరో రెండు ఐపీఎల్‌ ఫ్రాంచైజీలు సన్‌రైజర్స్‌ హైదరాబాద్‌, ఢిల్లీ క్యాపిటల్స్‌ కూడా హండ్రెడ్‌ లీగ్‌లో ఫ్రాంచైజీలను కొనుగోలు చేసేందుకు ఆసక్తి చూపుతున్నాయి. ఎస్‌ఆర్‌హెచ్‌కు చెందిన సన్‌ గ్రూప్‌.. నార్త్రన్‌ సూపర్ ఛార్జర్స్, ట్రెంట్ రాకెట్స్‌ను కొనుగోలు చేయాలని చూస్తుండగా.. ఢిల్లీ క్యాపిటల్స్ సహ యజమాని అయిన జీఎమ్ఆర్ గ్రూప్ సథరన్‌ బ్రేవ్‌లో వాటాను దక్కించుకునేందుకు ఆసక్తి కనబరుస్తుంది.అప్పట్లో రైజింగ్‌ పూణే సూపర్‌ జెయింట్స్‌..లక్నో సూపర్‌ జెయింట్స్‌ యాజమాన్యం 2016లో రైజింగ్‌ పూణే సూపర్‌ జెయింట్స్‌ ఫ్రాంచైజీని కొనుగోలు చేసిన విషయం తెలిసిందే. అయితే ప్రస్తుతం ఆ ఫ్రాంచైజీ తెరమరుగైంది. రైజింగ్‌ పూణే సూపర్‌ జెయింట్స్‌కు ఎంఎస్‌ ధోని సారధిగా వ్యవహరించాడు. 2021లో సంజీవ్ గొయెంకాకు చెందిన RPSG గ్రూప్.. లక్నో సూపర్ జెయింట్స్‌ను రూ. 7090 కోట్లకు కొనుగోలు చేసింది. 2023లో RPSG గ్రూప్.. సౌతాఫ్రికా టీ20 లీగ్‌లో (SA20) డర్బన్ సూపర్‌ జెయింట్స్‌ ఫ్రాంఛైజీని కూడా కొనుగోలు చేసింది.

కోల్‌కతా: ఐపీఎల్‌ ఫ్రాంచైజీ లక్నో సూపర్‌ జెయింట్స్‌ తమ కెప్టెన్ పేరును అధికారికంగా ప్రకటించింది. ఊహించిన విధంగానే వికెట్‌ కీపర్‌ బ్యాటర్‌ రిషభ్‌ పంత్‌ను సారథిగా నియమిస్తున్నట్లు టీమ్‌ మేనేజ్‌మెంట్‌ వెల్లడించింది. లక్నో ఫ్రాంచైజీ యజమాని సంజీవ్‌ గోయెంకా సోమవారం జరిగిన కార్యక్రమంలో కెప్టెన్ పంత్‌కు టీమ్‌ జెర్సీని అందిస్తూ తమ ఎల్‌ఎస్‌జీ కుటుంబంలోకి ఆహ్వానించారు. ఐపీఎల్‌ వేలంలో రూ. 27 కోట్లకు పంత్‌ను లక్నో సొంతం చేసుకోవడంతోనే అతనే కెపె్టన్‌ కావడం దాదాపు ఖాయమైంది. ‘కొత్త ఆశలు, ఆశయాలతో పాటు రెట్టించిన ఆత్మవిశ్వాసంతో కొత్తగా మేం మొదలు పెడుతున్నాం. మీకందరికీ మా కొత్త కెప్టెన్ రిషభ్‌ పంత్‌ను పరిచయం చేస్తున్నాం. మా జట్టుకు సంబంధించి ఇదో కీలక క్షణం. మూడేళ్లు ముగిసిన తర్వాత మా ప్రణాళికల్లో మార్పులతో ముందుకు వెళ్లబోతున్నాం’ అని గోయెంకా ప్రకటించారు. ఈ కార్యక్రమంలో టీమ్‌ మెంటార్‌ జహీర్‌ ఖాన్‌ కూడా పాల్గొన్నాడు. ఐపీఎల్‌లో మూడు సీజన్లు ఆడిన లక్నోకు కేఎల్‌ రాహుల్‌ కెప్టెన్గా వ్యవహరించాడు. తొలి రెండు సీజన్లలో ప్లే ఆఫ్స్‌కు చేరిన ఆ జట్టు గత ఏడాది పూర్తిగా విఫలమైంది. దాంతో పాటు కెప్టెన్‌ కేఎల్‌ రాహుల్‌ బ్యాటింగ్‌పై కూడా విమర్శలు రావడంతో మార్పు అనివార్యమైంది. వేలంలో పంత్‌ను సొంతం చేసుకున్న టీమ్‌ ఇప్పుడు కెపె్టన్‌గా బాధ్యతలు అప్పగించింది. 2016 నుంచి 2024 వరకు ఢిల్లీ టీమ్‌ సభ్యుడైన పంత్‌... మూడేళ్లు నాయకుడిగా కూడా పని చేశాడు. 200 శాతం ప్రదర్శన కనబరుస్తా... దేశవాళీ క్రికెట్‌లో ఢిల్లీ తరఫున ఆడినా... పంత్‌ స్వస్థలం ఉత్తరాఖండ్‌ రాష్ట్రంలోని హరిద్వార్‌. గతంలో ఇది ఉత్తరప్రదేశ్‌లోనే భాగం. ఇప్పుడు అదే రాష్ట్రానికి చెందిన ఐపీఎల్‌ టీమ్‌కు అంటే దాదాపుగా సొంత టీమ్‌కు అతను ప్రాతినిధ్యం వహించబోతున్నాడు. లక్నో మేనేజ్‌మెంట్‌ తనపై ఉంచిన నమ్మకాన్ని నిలబెడతానని పంత్‌ విశ్వాసం వ్యక్తం చేశాడు. ‘నా వైపు నుంచి ఎలాంటి లోపం లేకుండా 200 శాతం కష్టపడతానని మీకు మాటిస్తున్నా. కొత్త ఉత్సాహంతో కొత్త జట్టు తరఫున బరిలోకి దిగేందుకు సిద్ధంగా ఉన్నా. నాకు ఇచి్చన బాధ్యతలతో సంతోషంగా ఉన్నా. టీమ్‌లో యువకులు, అనుభవజ్ఞులు ఉన్నారు. కొత్త లక్ష్యాలతో మా ప్రయాణం మొదలైంది’ అని పంత్‌ వ్యాఖ్యానించాడు. కెపె్టన్‌గా తాను ఇప్పటికే ఎంతో నేర్చుకున్నానని పంత్‌ అన్నాడు. ‘ఇక్కడ కొత్త ఫ్రాంచైజీ, కొత్త ఆరంభం అని నాకు తెలుసు. కానీ కెప్టెన్సీ బాధ్యతలు నాకు కొత్త కాదు. అయితే మా జట్టు అవసరాలను బట్టి నేనేం చేయాలో మేనేజ్‌మెంట్‌తో చర్చిస్తా. సహచరులకు అండగా ఎలా నిలవాలో, వారినుంచి మంచి ప్రదర్శన ఎలా రాబట్టాలో రోహిత్‌ శర్మ నుంచి, ఇతర సీనియర్‌ ఆటగాళ్ల నుంచి కూడా ఎంతో నేర్చుకున్నా. ఎవరికి ఎలాంటి బాధ్యతలు ఇవ్వాలనే విషయంపై నాకు స్పష్టత ఉంది’ అని పంత్‌ వివరించాడు. పంత్‌లో సత్తా ఉంది... భారత మాజీ పేసర్‌ జహీర్‌ ఖాన్‌ ఢిల్లీ కెప్టెన్‌గా ఉన్న 2016లో పంత్‌ మొదటిసారి ఐపీఎల్‌లోకి అడుగు పెట్టాడు. ఇప్పుడు లక్నో మెంటార్‌గా ఉన్న జహీర్‌తో పంత్‌ మళ్లీ కలిసి పని చేయనున్నాడు. ‘ఎన్నో ఆటుపోట్లను దాటి పంత్‌ క్రికెటర్‌గా ఎదగడం నేను ప్రత్యక్షంగా చూశాను. తన ఆటతో అతను అత్యున్నత ప్రమాణాలు నెలకొల్పాడు. ఇకపై అతను సాధించాల్సింది ఎంతో ఉంది. ఇక్కడ పంత్‌ ఆ పని చేయగలడు’ అని జహీర్‌ వ్యాఖ్యానించాడు. మరోవైపు తమ జట్టు మిడిలార్డర్‌లో అంతా ఎడంచేతి వాటం బ్యాటర్లు ఉండటం కూడా ఒకరకమైన వ్యూహమని తెలిపాడు.

దేశవాలీ వన్డే టోర్నీ విజయ్‌ హజారే ట్రోఫీ 2024-25లో పరుగుల వరద పారిస్తున్న విదర్భ కెప్టెన్‌ కరుణ్‌ నాయర్‌ ప్రస్తుతం క్రికెట్‌ సర్కిల్స్‌లో హాట్‌ టాపిక్‌గా మారాడు. ఏ ఇద్దరు భారత క్రికెట్‌ అభిమానులు కలిసినా కరుణ్‌ నాయర్‌ గురించిన చర్చే నడుస్తుంది. 2022 డిసెంబర్‌లో డియర్‌ క్రికెట్‌.. మరో ఛాన్స్‌ ఇవ్వు అని ప్రాధేయ పడిన కరుణ్‌, ఇప్పుడు క్రికెట్‌ ప్రపంచం మొత్తం తనవైపు చూసేలా చేసుకున్నాడు. ప్రస్తుతం జరుగుతున్న విజయ్‌ హజారే ట్రోఫీలో కరుణ్‌ గణాంకాలు చూస్తే ఎంతటి వారైనా ఆశ్చర్యపోవాల్సిందే. ఈ టోర్నీలో కరుణ్‌ ఏడు ఇన్నింగ్స్‌ల్లో 752 సగటున 752 పరుగులు (112*, 44*, 163*, 111*, 112, 122*, 88*) చేశాడు. ఇందులో ఐదు సెంచరీలు, ఓ అర్ద సెంచరీ ఉన్నాయి. ఈ ఏడు ఇన్నింగ్స్‌ల్లో కరుణ్‌ కేవలం ఒక్క సారి మాత్రమే ఔటయ్యాడు.కరుణ్‌ అరివీర భయంకరమైన ఫామ్‌ చూసిన తర్వాత భారత క్రికెట్‌ అభిమానులు ఇతని గురించి లోతుగా ఆరా తీయడం మొదలుపెట్టారు. ఇంతటి విధ్వంసకర బ్యాటర్‌ అయిన కరుణ్‌ అసలు ఐపీఎల్‌ ఆడుతున్నాడా లేదా అని గూగుల్‌ చేస్తున్నారు. ఆసక్తికరంగా కరుణ్‌ను ఈ ఏడాది ఐపీఎల్‌ వేలంలో ఢిల్లీ క్యాపిటల్స్‌ దక్కించుకుంది. ఐపీఎల్‌-2025 మెగా వేలంలో డీసీ కరుణ్‌ను 50 లక్షలకు సొంతం చేసుకుంది. కరుణ్‌ గతంలోనూ ఢిల్లీ క్యాపిటల్స్‌కు ఆడాడు. కరుణ్‌కు 2013-22 వరకు ఐపీఎల్‌ ఆడిన అనుభవం ఉంది. ఈ మధ్యకాలంలో అతను వివిధ ఫ్రాంచైజీల తరఫున 76 మ్యాచ్‌లు ఆడి 10 అర్ద సెంచరీల సాయంతో 1496 పరుగులు చేశాడు.వీరేంద్ర సెహ్వాగ్‌ తర్వాత టెస్ట్‌ల్లో భారత్‌ తరఫున ట్రిపుల్‌ సెంచరీ సాధించిన ఏకైక బ్యాటర్‌ అయిన కరుణ్‌ కేవలం కొంతకాలం మాత్రమే అంతర్జాతీయ క్రికెట్‌ ఆడగలిగాడు. తన మూడో మ్యాచ్‌లోనే ట్రిపుల్‌ సెంచరీ చేసిన కరుణ్‌ ఆతర్వాత సరైన అవకాశాలు రాక కనుమరుగయ్యాడు. తిరిగి ఏడేళ్ల తర్వాత కరుణ్‌ లైమ్‌లైట్‌లోకి వచ్చాడు. టీమిండియా సీనియర్లు రోహిత్‌ శర్మ, విరాట్‌ కోహ్లి రిటైర్మెంట్‌కు దగ్గర పడిన నేపథ్యంలో కరుణ్‌కు అవకాశాలు ఇవ్వాలని పెద్ద ఎత్తున డిమాండ్లు వినిపిస్తున్నాయి.ప్రస్తుతం కరుణ్‌ ఉన్న ఫామ్‌ను ఐపీఎల్‌లోనూ కొనసాగిస్తే మూడు ఫార్మాట్లలో భారత జట్టులో పాగా వేయడం ఖాయం. కరుణ్‌ 2016-17 మధ్యలో భారత్‌ తరఫున 6 టెస్ట్‌లు, రెండు వన్డేలు ఆడాడు. టెస్ట్‌ల్లో ట్రిపుల్‌ సెంచరీ మినహాయించి కరుణ్‌కు చెప్పుకోదగ్గ ప్రదర్శనలేమీ లేవు.కాగా, విజయ్‌ హజారే ట్రోఫీలో ఇవాళ (జనవరి 16) జరుగుతున్న మ్యాచ్‌లో కరుణ్‌ విశ్వరూపం ప్రదర్శించాడు. మహారాష్ట్రతో జరుగుతున్న రెండో సెమీఫైనల్లో కరుణ్‌ ఆకాశమే హద్దుగా చెలరేగిపోయాడు. ఈ మ్యాచ్‌లో కరుణ్‌ 44 బంతుల్లో 9 ఫోర్లు, 5 సిక్సర్ల సాయంతో 88 పరుగులు చేసి అజేయంగా నిలిచాడు. కరుణ్‌ విధ్వంసం​ ధాటికి తొలుత బ్యాటింగ్‌ చేసిన విదర్భ నిర్ణీత 50 ఓవర్లలో 3 వికెట్ల నష్టానికి 380 పరుగుల రికార్డు స్కోర్‌ చేసింది. విజయ్‌ హజారే ట్రోఫీ చరిత్రలో విదర్భకు ఇదే అత్యధిక స్కోర్‌.మహారాష్ట్రతో మ్యాచ్‌లో కరుణ్‌ సుడిగాలి ఇన్నింగ్స్‌ ఆడగా.. విదర్భ ఓపెనర్లు దృవ్‌ షోరే (120 బంతుల్లో 14 ఫోర్లు, సిక్సర్‌ సాయంతో 114 పరుగులు), యశ్‌ రాథోడ్‌ (101 బంతుల్లో 14 ఫోర్లు, సిక్సర్‌ సాయంతో 116 పరుగులు) సెంచరీలు చేశారు. దృవ్‌, యశ్‌ తొలి వికెట్‌కు రికార్డు స్థాయిలో 224 పరుగులు జోడించారు. తదనంతరం కరుణ్‌ నాయర్‌తో పాటు జితేశ్‌ శర్మ (33 బంతుల్లో 51; 3 ఫోర్లు, 3 సిక్సర్లు) మెరుపు ఇన్నింగ్స్‌లు ఆడారు.

ఐపీఎల్‌ ఫ్రాంచైజీ ఆర్సీబీకి గుడ్‌ న్యూస్‌ అందింది. బిగ్‌ బాష్‌ లీగ్‌లో పేలవ ఫామ్‌లో ఉండిన ఆ జట్టు స్టార్‌ ప్లేయర్‌ జేకబ్‌ బేతెల్‌ ఎట్టకేలకు ఫామ్‌లోకి వచ్చాడు. హోబర్ట్‌ హరికేన్స్‌తో ఇవాళ (జనవరి 14) జరిగిన మ్యాచ్‌లో బేతెల్‌ మెరుపు అర్ద సెంచరీ (50 బంతుల్లో 87; 8 ఫోర్లు, 4 సిక్సర్లు) సాధించాడు. ఫలితంగా అతని జట్టు మెల్‌బోర్న్‌ రెనెగేడ్స్‌ నిర్ణీత 20 ఓవర్లలో 7 వికెట్ల నష్టానికి 154 పరుగులు చేసింది. JACOB BETHELL - A SPECIAL PLAYER. 🌟The Highlights of Jacob Bethel's 87(50) in the BBL and all players combined made 61(70) - Bethel, The Future of RCB. 🔥pic.twitter.com/zIyhli7iOi— Tanuj Singh (@ImTanujSingh) January 14, 2025మెల్‌బోర్న్‌ ఇన్నింగ్స్‌లో బేతెల్‌ మినహా ఎవరూ రాణించలేదు. టిమ్‌ సీఫర్ట్‌ (24), కెప్టెన్‌ సదర్‌ల్యాండ్‌ (15) మాత్రమే రెండంకెల స్కోర్లు చేశారు. జోష్‌ బ్రౌన్‌ 6, మార్కస్‌ హ్యారిస్‌ 1, జేక్‌ ఫ్రేజర్‌ మెక్‌గుర్క్‌ 7, హ్యారీ డిక్సన్‌ 1, టామ్‌ రోజర్స్‌ 5 (నాటౌట్‌), ఫెర్గస్‌ ఓనీల్‌ 2 (నాటౌట్‌) పరుగులు చేశారు. హరికేన్స్‌ బౌలర్లలో రిలే మెరిడిత్‌ మూడు వికెట్లు పడగొట్టగా.. నాథన్‌ ఇల్లిస్‌, మిచెల్‌ ఓవెన్‌ తలో వికెట్‌ దక్కించుకున్నారు.155 పరుగుల నామమాత్రపు లక్ష్యాన్ని ఛేదించేందుకు బరిలోకి దిగిన హరికేన్స్‌ 7 ఓవర్ల అనంతరం రెండు వికెట్ల నష్టానికి 51 పరుగులు చేసింది. ఓపెనర్లు మిచెల్‌ ఓవెన్‌ (24), కాలెబ్‌ జువెల్‌ (1) ఔట్‌ కాగా.. చార్లీ వకీం (12), నిఖిల్‌ చౌదరీ (4) క్రీజ్‌లో ఉన్నారు. రెనెగేడ్స్‌ బౌలర్లలో ఫెర్గస్‌ ఓనీల్‌కు ఓ వికెట్‌ దక్కింది. ఈ మ్యాచ్‌లో హరికేన్స్‌ గెలవాలంటే 78 బంతుల్లో 105 పరుగులు చేయాలి.కాగా, ఇటీవల ముగిసిన ఐపీఎల్‌ వేలంలో జేకబ్‌ బేతెల్‌ను రాయల్‌ ఛాలెంజర్స్‌ బెంగళూరు 2.6 కోట్లకు కొనుగోలు చేసింది. ఆర్సీబీ జేకబ్‌ బేతెల్‌పై భారీ అంచనాలే పెట్టుకుంది. అయితే బీబీఎల్‌ తొలి అర్ద భాగంలో బేతెల్‌ తుస్సుమనిపించాడు.బీబీఎల్‌-2025లో బేతెల్‌ ప్రదర్శనలు..87(50) vs హోబర్ట్ హరికేన్స్1(8) vs మెల్బోర్న్ స్టార్స్2(9) vs పెర్త్ స్కార్చర్స్49(36) vs మెల్బోర్న్ స్టార్స్21(21) vs అడిలైడ్ స్ట్రైకర్స్2(4) vs సిడ్నీ థండర్30(22) vs పెర్త్ స్కార్చర్స్3(6) vs హోబర్ట్ హరికేన్స్

దిగ్గజ బ్యాటర్‌, న్యూజిలాండ్‌ స్టార్‌ ఆటగాడు కేన్‌ విలియమ్సన్‌కు అవమానం జరిగింది. పాకిస్తాన్‌ సూపర్‌ లీగ్‌ (PSL) డ్రాఫ్ట్‌లో కేన్‌ మామను ఏ ఫ్రాంచైజీ కొనుగోలు చేయలేదు. ప్లాటినమ్‌ డ్రాఫ్ట్‌లో కేన్‌ మరో 43 మంది స్టార్‌ ఆటగాళ్లతో కలిసి తన అదృష్టాన్ని పరీక్షించుకున్నాడు. ఐపీఎల్‌ 2025 వేలంలో అన్‌సోల్డ్‌గా మిగిలిపోయిన కేన్‌ను పాకిస్తాన్‌ సూపర్‌ లీగ్‌లో కూడా ఎవరూ పట్టించుకోలేదు. కేన్‌ బరిలో నిలిచిన ప్లాటినమ్‌ డ్రాఫ్ట్‌ నుంచి 10 మంది ఆటగాళ్లను ఎంపిక చేసున్నాయి ఫ్రాంచైజీలు.అంతర్జాతీయ క్రికెట్‌కు రిటైర్మెంట్‌ ప్రకటించిన ఆసీస్‌ విధ్వంసకర ఓపెనర్‌ డేవిడ్‌ వార్నర్‌ను కరాచీ కింగ్స్‌ ఫ్రాంచైజీ దక్కించుకుంది. వార్నర్‌ రిటైర్మెంట్‌ తర్వాత కూడా సూపర్‌ ఫామ్‌లో ఉన్నాడు. ప్రస్తుతం జరుగుతున్న బిగ్‌బాష్‌ లీగ్‌లో వార్నర్‌ అదరగొడుతున్నాడు. ఈ లీగ్‌లో వార్నర్‌ ఏడు ఇన్నింగ్స్‌ల్లో 63.20 సగటున 142.34 స్ట్రయిక్‌రేట్‌తో 316 పరుగులు చేసి లీడింగ్‌ రన్‌ స్కోరర్‌గా కొనసాగుతున్నాడు. ప్రస్తుత ఫామ్‌ కారణంగానే పీఎస్‌ఎల్‌ డ్రాఫ్ట్‌లో వార్నర్‌కు మాంచి గిరాకీ ఉండింది.విలియమ్సన్‌ విషయానికొస్తే.. ఈ కివీస్‌ లెజెండ్‌ ఇటీవలి కాలంలో పెద్దగా టీ20లు ఆడింది లేదు. 2023లో ఒక్క అంతర్జాతీయ టీ20 కూడా ఆడని కేన్‌.. ఇటీవల జరిగిన టీ20 వరల్డ్‌కప్‌ (2024) కేవలం రెండు మ్యాచ్‌లు మాత్రమే ఆడాడు. ఐపీఎల్‌, పీఎస్‌ఎల్‌లో కేన్‌ ఎంపిక కాకపోవడానికి అతని ఫిట్‌నెస్‌ కూడా ఓ కారణమే. ఇటీవలి కాలంలో కేన్‌ తరుచూ గాయాల బారిన పడుతున్నాడు. అద్భుతమైన బ్యాటింగ్‌ టెక్నిక్‌ ఉండి కూడా కేన్‌ పొట్టి ఫార్మాట్‌లో ఆశించిన ఫలితాలు రాబట్టలేకపోతున్నాడు. బ్యాటింగ్‌లో వేగం లేకపోవడం, భారీ షాట్లు ఆడలేకపోవడం కేన్‌కు ప్రధాన సమస్యలు.కేన్‌ ప్రైవేట్‌ లీగ్‌ల్లో పెద్దగా రాణించలేకపోయినా అంతర్జాతీయ టీ20ల్లో మాత్రం పర్వాలేదనిపించాడు. కేన్‌ తన దేశం తరఫున 93 టీ20లు ఆడి 33.44 సగటున 2575 పరుగులు చేశాడు. కేన్‌ను ప్రైవేట్‌ లీగ్‌ల్లో ఫ్రాంచైజీలు ఎంపిక చేసుకోకపోవడానికి అతని వయసు మరో ప్రధాన కారణం. ప్రస్తుతం కేన్‌ మామ వయసు 34 ఏళ్లు.కేన్‌ ప్రస్తుతం సౌతాఫ్రికా టీ20 లీగ్‌లో ఆడుతున్నాడు. ఈ లీగ్‌లో కేన్‌ డర్బన్‌ జెయింట్స్‌ తరఫున ఆడుతున్నాడు. ఈ లీగ్‌లో ఆడిన తొలి మ్యాచ్‌లోనే కేన్‌ అదరగొట్టాడు. ప్రిటోరియా క్యాపిటల్స్‌తో జరిగిన మ్యాచ్‌లో కేన్‌ 40 బంతుల్లో 3 ఫోర్లు, 2 సిక్సర్ల సాయంతో 60 పరుగులు చేసి అజేయంగా నిలిచాడు.పీఎస్‌ఎల్‌ డ్రాఫ్ట్‌లో ఆయా ఫ్రాంచైజీలు ఎంపిక చేసుకున్న పలువురు స్టార్‌ ఆటగాళ్లు..డేవిడ్‌ వార్నర్‌ (కరాచీ కింగ్స్)డారిల్‌ మిచెల్‌ (లాహోర్‌ ఖలందర్స్‌)మార్క్‌ చాప్‌మన్‌ (క్వెట్టా గ్లాడియేటర్స్‌)మైఖేల్‌ బ్రేస్‌వెల్‌ (ముల్తాన్‌ సుల్తాన్స్‌)ఆడమ్‌ మిల్నే (కరాచీ కింగ్స్‌)ఫిన్‌ అలెన్‌ (క్వెట్టా గ్లాడియేటర్స్‌)జేసన్‌ హోల్డర్‌ (ఇస్లామాబాద్‌ యునైటెడ్‌)ఆమెర్‌ జమాల్‌ (కరాచీ కింగ్స్‌)

ఐపీఎల్‌-2025లో పాల్గొనే అత్యధిక వయస్కుల వివరాలను ఈ ఐటంలో చూద్దాం. ఈ ఏడాది క్యాష్‌ రిచ్‌ లీగ్‌లో పాల్గొనబోయే అత్యధిక వయస్కుడిగా ధోని రికార్డు సృష్టించాడు. ధోని 43 ఏళ్ల వయసులో ఐపీఎల్‌ 2025 ఆడతాడు. ధోనిని ఐపీఎల్‌ మెగా వేలానికి ముందు చెన్నై సూపర్‌ కింగ్స్‌ రీటైన్‌ చేసుకుంది. సీఎస్‌కేకు ఐదు సార్లు టైటిళ్లు అందించిన ధోని ఈసారి సాధారణ ఆటగాడిగా బరిలోకి దిగుతాడు.ఐపీఎల్‌-2025లో పాల్గొనబోయే రెండో అత్యధిక వయస్కుడు ఫాఫ్‌ డుప్లెసిస్‌. డుప్లెసిస్‌ 40 ఏళ్ల వయసులో క్యాష్‌ రిచ్‌ లీగ్‌ బరిలో ఉంటాడు. గత సీజన్‌ వరకు ఆర్సీబీ కెప్టెన్‌గా వ్యవహరించిన డుప్లెసిస్‌ 2025 ఎడిషన్‌లో ఢిల్లీ క్యాపిటల్స్‌కు ఆడనున్నాడు. మెగా వేలంలో డీసీ డుప్లెసిస్‌ను 2 కోట్లకు సొంతం చేసుకుంది. డుప్లెసిస్‌ ఐపీఎల్‌లో 145 మ్యాచ్‌లు ఆడి 4571 పరుగులు స్కోర్‌ చేశాడు.ఐపీఎల్‌-2025లో మూడో అత్యధిక వయస్కుడు రవిచంద్రన్‌ అశ్విన్‌. అశ్విన్‌ 38 ఏ‍ళ్ల వయసులో ఐపీఎల్‌ ఆడతాడు. ఇటీవల జరిగిన మెగా వేలంలో చెన్నై సూపర్‌ కింగ్స్‌ యష్‌ను 9.75 కోట్లకు సొంతం​ చేసుకుంది. అశ్విన్‌ 2024 సీజన్‌లో రాజస్థాన్‌ రాయల్స్‌కు ఆడాడు.ఐపీఎల్‌-2025 నాలుగో అత్యధిక వయస్కుడు రోహిత్‌ శర్మ. హిట్‌మ్యాన్‌ 37 ఏళ్ల వయసులో ముంబై ఇండియన్స్‌కు ఆడతాడు. ముంబై ఇండియన్స్‌ 16.3 కోట్లకు రోహిత్‌ను రీటైన్‌ చేసుకుంది. ఐదు సార్లు ముంబై ఇండియన్స్‌ను ఛాంపియన్‌గా నిలబెట్టిన రోహిత్‌ తదుపరి సీజన్‌లో సాధారణ ఆటగాడిగా బరిలో ఉంటాడు. రోహిత్‌ ఐపీఎల్‌లో 257 మ్యాచ్‌లు ఆడి 6628 పరుగులు స్కోర్‌ చేశాడు.ఐపీఎల్‌-2025లో పాల్గొనే ఐదో అత్యధిక వయస్కుడు మొయిన్‌ అలీ. మొయిన్‌ అలీ 37 ఏళ్ల వయసులో (రోహిత్‌ కంటే చిన్నవాడు) క్యాష్‌ రిచ్‌ లీగ్‌ బరిలో ఉంటాడు. మెగా వేలంలో కేకేఆర్‌ మొయిన్‌ను 2 కోట్లకు సొంతం చేసుకుంది. మొయిన్‌ తన ఐపీఎల్‌ కెరీర్‌లో 67 మ్యాచ్‌లు ఆడి 1162 పరుగులు చేసి 35 వికెట్లు పడగొట్టాడు.ఐపీఎల్‌-2025లో పాల్గొనబోయే ఆరో అత్యధిక వయస్కుడు కర్ణ్‌ శర్మ. కర్ణ శర్మ 37 ఏళ్ల (రోహిత్‌, మొయిన్‌ కంటే రోజుల్లో చిన్నవాడు) క్యాష్‌ రిచ్‌ లీగ్‌ బరిలో ఉంటాడు. కర్ణ్‌ శర్మను మెగా వేలంలో ముంబై ఇండియన్స్‌ 50 లక్షలకు సొంతం చేసుకుంది. కర్ణ్‌ శర్మ ఐపీఎల్‌లో 84 మ్యాచ్‌లు ఆడి 76 వికెట్లు పడగొట్టాడు.ఐపీఎల్‌-2025లో పాల్గొనబోయే ఏడో అత్యధిక వయస్కుడు ఆండ్రీ రసెల్‌. రసెల్‌ 36 ఏళ్ల వయసులో ఐపీఎల్‌ ఆడనున్నాడు. మెగా వేలానికి ముందు రసెల్‌ను కేకేఆర్‌ రీటైన్‌ చేసుకుంది. రసెల్‌ ఐపీఎల్‌లో 126 మ్యాచ్‌లు ఆడి 2484 పరుగులు చేసి 115 వికెట్లు పడగొట్టాడు.ఐపీఎల్‌-2025లో పాల్గొనబోయే ఎనిమిదో అత్యధిక వయస్కుడు సునీల్‌ నరైన్‌. నరైన్‌ 36 ఏళ్ల వయసులో (రసెల్‌ కంటే రోజుల్లో చిన్నవాడు) ఐపీఎల్‌ ఆడనున్నాడు. మెగా వేలానికి ముందు కేకేఆర్‌ నరైన్‌ను రీటైన్‌ చేసుకుంది. నరైన్‌ ఐపీఎల్‌లో 1534 పరుగులు చేసి 180 వికెట్లు పడగొట్టాడు.ఐపీఎల్‌-2025లో పాల్గొనబోయే తొమ్మిదో అత్యధిక వయస్కుడు అజింక్య రహానే. రహానే 36 ఏళ్ల (రసెల్‌, నరైన్‌ కంటే రోజుల్లో చిన్నవాడు) వయసులో క్యాష్‌ రిచ్‌ లీగ్‌ ఆడనున్నాడు. రహానేను మెగా వేలంలో కేకేఆర్‌ 1.5 కోట్లకు సొంతం చేసుకుంది. రహానే తన ఐపీఎల్‌ కెరీర్‌లో 185 మ్యాచ్‌లు ఆడి 30.14 సగటున 4642 పరుగులు చేశాడు.ఐపీఎల్‌-2025లో పాల్గొనబోయే పదో అత్యధిక వయస్కుడు ఇషాంత్‌ శర్మ. ఇషాంత్‌ 36 ఏళ్ల వయసులో (రసెల్‌, నరైన్‌, రహానే కంటే రోజుల్లో చిన్నవాడు) ఐపీఎల్‌ ఆడనున్నాడు. ఇషాంత్‌ను 2025 సీజన్‌ మెగా వేలంలో గుజరాత్‌ టైటాన్స్‌ సొంతం చేసుకుంది. దీంతో ఇషాంత్‌ ఓ అరుదైన ఘనత సాధించాడు. ఐపీఎల్‌ ఆరంభ సీజన్‌ (2008) నుంచి వేలంలో అమ్ముడుపోయిన ఏకైక ఆటగాడిగా రికార్డు నెలకొల్పాడు. ఇషాంత్‌ ఐపీఎల్‌లో 79 మ్యాచ్‌లు ఆడి 93 వికెట్లు పడగొట్టాడు.

బీసీసీఐ పురుషుల అండర్-23 స్టేట్ ఎ ట్రోఫీలో ఉత్తరప్రదేశ్‌ కెప్టెన్‌ సమీర్‌ రిజ్వీ విధ్వంసం సృష్టించాడు. ఈ టోర్నీలో భాగంగా శనివారం త్రిపురతో జరిగిన మ్యాచ్‌లో సమీర్‌ రిజ్వీ డబుల్‌ సెంచరీతో చెలరేగాడు. ప్రత్యర్ధి బౌలర్లను రిజ్వీ ఊచకోత కోశాడు. మైదానం నలుమూలల బౌండరీలు బాదుతూ అభిమానులను అలరించాడు.రిజ్వీ కేవలం 97 బంతుల్లో 13 ఫోర్లు, 20 సిక్సర్లతో 201 పరుగులు చేసి అజేయంగా నిలిచాడు. దీంతో తొలుత బ్యాటింగ్‌ చేసిన ఉత్తరప్రదేశ్‌ నిర్ణీత 50 ఓవర్లలో 4 వికెట్ల నష్టానికి 405 పరుగులు చేసింది. సమీర్‌ రిజ్వీతో పాటు... శౌర్య సింగ్‌ (51; 9 ఫోర్లు, 1 సిక్స్‌), ఆదర్శ్‌ సింగ్‌ (52) హాఫ్‌సెంచరీలతో రాణించారు.అనంతరం భారీ లక్ష్యఛేదనకు దిగిన త్రిపుర జట్టు 50 ఓవర్లలో 9 వికెట్లు కోల్పోయి 253 పరుగులకు పరిమితమైంది. ఆనంద్‌ (68), తన్మయ్‌ దాస్‌ (48) పోరాడినా లాభం లేకపోయింది. ఉత్తరప్రదేశ్‌ బౌలర్లలో కునాల్‌ త్యాగీ 3, విజయ్‌ కుమార్, వన్ష్‌ చౌదరి చెరో రెండు వికెట్లు తీశారు.రిజ్వీ అరుదైన ఘనత..కాగా ఈ మ్యాచ్‌లో ద్విశతకంతో మెరిసిన సమీర్‌ రిజ్వీ అరుదైన ఘనతను తన పేరిట లిఖించుకున్నాడు. అండ‌ర్ 23 స్టేట్‌-ఎ ట్రోఫీ చ‌రిత్రలో ఫాస్టెస్ట్ డ‌బుల్ సెంచ‌రీ ఆటగాడిగా రిజ్వీ నిలిచాడు. అయితే ఈ టోర్నీలో రిజ్వీ చేసిన డబుల్‌ సెంచరీ లిస్ట్‌-ఎ క్రికెట్‌ కిందకి రాదు. లిస్ట్-ఎ క్రికెట్‌లో ఫాస్టెస్ట్ డబుల్ సెంచరీ రికార్డు ప్రస్తుతం న్యూజిలాండ్ ఆటగాడు చాడ్ బోవ్స్ పేరిట ఉంది. కివీస్‌ దేశీవాళీ టోర్నీ ఫోర్డ్ ట్రోఫీలో బోవ్స్‌ కేవలం 103 బంతుల్లో ద్విశతకం సాధించాడు.చెన్నై టూ ఢిల్లీ.. ఐపీఎల్‌-2025 మెగా వేలంలో రిజ్వీని రూ. 95 లక్షలకకు ఢిల్లీ క్యాపిటల్స్‌ కొనుగోలు చేసింది. గత సీజన్‌లో చెన్నై సూపర్‌ కింగ్స్‌కు రిజ్వీ ప్రాతినిథ్యం వహించాడు. ఐపీఎల్‌-2024 మినీ వేలంలో చెన్నై సూప‌ర్ కింగ్స్ స‌మీర్ రిజ్వీని 8.4 కోట్ల‌ భారీ ధరకు అతడిని కొనుగోలు చేసింది. సీఎస్‌కే దిగ్గజం ఎంఎస్‌ ధోనితో కలిసి ఆడాడు. అతడి సూచనలు మెరకు ఒకట్రెండు మ్యాచ్‌ల్లో పర్వాలేదన్పించిన రిజ్వీ.. తర్వాతి మ్యాచ్‌ల్లో నిరాశపరిచాడు. ఐదు మ్యాచుల్లో కేవ‌లం 51 ప‌రుగులు మాత్ర‌మే చేశాడు. 2️⃣0️⃣1️⃣* runs9️⃣7️⃣ balls2️⃣0️⃣ Sixes1️⃣3️⃣ foursWatch 🎥 highlights of Uttar Pradesh captain Sameer Rizvi's record-breaking fastest double century in Men's U23 State A Trophy, against Arunachal Pradesh in Vadodara 🔥#U23StateATrophy | @IDFCFIRSTBank pic.twitter.com/WiNI57Tii6— BCCI Domestic (@BCCIdomestic) December 21, 2024

మ‌హేంద్ర సింగ్ ధోని.. భార‌త అభిమానులందరూ ఆరాధించే క్రికెటర్లలో ఒక‌డు. అంత‌ర్జాతీయ క్రికెట్‌కు విడ్కోలు ప‌లికి నాలుగేళ్లు అవుతున్న‌ప్ప‌టికి.. ఈ టీమిండియా లెజెండ్‌పై అభిమానం ఇసుమంత కూడా త‌గ్గ‌లేదు. ఏడాదికి ఓ సారి ఐపీఎల్‌లో ఆడే త‌లైవా కోసం ఫ్యాన్స్ వెయ్యి క‌ళ్లుతో ఎదురుచూస్తుంటారు.ఇప్పుడు మ‌రోసారి ఫ్యాన్స్ అలరించేందుకు మిస్ట‌ర్ కూల్ సిద్ద‌మ‌య్యాడు. ఐపీఎల్‌-2025లో ధోని చెన్నై సూప‌ర్ కింగ్స్ త‌ర‌పున అన్‌క్యాప్డ్ ప్లేయ‌ర్‌గా బ‌రిలోకి దిగ‌నున్నాడు. ఈ నేప‌థ్యంలో ధోనిపై లక్నో సూపర్ జెయింట్స్ యజమాని సంజీవ్ గోయెంకా ప్ర‌శంస‌ల వ‌ర్షం కురిపించాడు. ధోని అద్బుత‌మైన కెప్టెన్ అని, అత‌డి నుంచి చాలా విష‌యాలు నేర్చుకున్నాని గోయోంకా తెలిపాడు."భార‌త క్రికెట్ చ‌రిత్ర‌లో ధోని పేరు నిలిచిపోతుంది. ధోని లాంటి నాయకుడిని నేను ఎప్పుడూ చూడ‌లేదు. అత‌డి ఆలోచిన విధానం, ప‌రిప‌క్వ‌త గురించి ఎంత చెప్పుకున్న త‌క్కువే. అతి చిన్న వ‌యస్సులోనే ఎంఎస్‌ త‌న‌ను త‌ను తీర్చుదిద్దుకున్న విధానం నిజంగా అద్బుతం.ధోని త‌న అనుభ‌వంతో ఎంతో మంది యువ క్రికెట‌ర్ల‌ను సైతం తీర్చిదిద్దాడు. మ‌తీషా ప‌తిరానానే ఉదాహరణగా తీసుకుండి. పతిరానాను ధోని ఏకంగా మ్యాచ్ విన్నర్‌గా తాయారు చేశాడు. తన ఆటగాళ్లను ఎప్పుడు ఎలా ఉపయోగించుకోవాలో ధోనికి బాగా తెలుసు.ధోనిని క‌లిసిన ప్రతిసారీ ఏదో ఒక కొత్త విషయాన్ని నేర్చుకున్నాను. ఓసారి ల‌క్నో, చెన్నై మ్యాచ్ సంద‌ర్భంగా నేను ధోనిని క‌లిశాను. నాతో 11 ఏళ్ల నా మ‌న‌వ‌డు కూడా ఉన్నాడు. అత‌డికి క్రికెట్ అంటే పిచ్చి. ఐదారేళ్ల కింద‌ట ధోనినే నా మ‌న‌వడికి క్రికెట్ ఆడ‌టం నేర్పించాడు.ఈ సందర్భంగా అతడు ధోనికి కంటిన్యూగా ఏవో ఏవో ప్రశ్నలు అడుగుతూ ఉన్నాడు. అందుకు ధోని విసుగు చెందకుండా సమాధానాలు చెబుతూ వచ్చాడు. చివరికి నేనే ధోని దగ్గరకు వెళ్లి అతడిని విడిచిపెట్టేయండి అని చెప్పా. కానీ ధోని మాత్రం నా మనవుడితో సంభాషణను ఆస్వాదిస్తున్నాను చెప్పాడు.దాదాపు అరగంట పాటు అతడితో ముచ్చటించాడు. ఒక పిల్లవాడి కోసం అంత సమయం వెచ్చించిన ధోని నిజంగా గొప్పవాడు. అత‌డి క్యార‌క్టెర్ ఇతరులతో మ‌నం ఎలా మాట్లాడాలో నేర్పిస్తుంది. అందుకే అత‌డు ధోని అయ్యాడు. అత‌డు ఎప్పుడు ల‌క్నోతో మ్యాచ్ ఆడినా, స్టేడియం మొత్తం ఎంఎస్‌కి స‌పోర్ట్‌గా పసుపు రంగు జెర్సీల‌తో నిండిపోతుంది" అని టీఆర్ఎస్ పోడ్‌కాస్ట్‌కు ఇచ్చిన ఇంట‌ర్వ్యూలో గోయెంకా పేర్కొన్నాడు.చదవండి: యశస్వి జైస్వాల్‌పై రోహిత్‌ శర్మ ఆగ్రహం.. ఆఖరికి యువ ఓపెనర్‌ లేకుండానే..

క్రైస్ట్‌చర్చ్‌: జాతీయ జట్టు తరఫున సాధ్యమైనంత ఎక్కువ కాలం ఆడాలని తాను కోరుకుంటున్నానని... ఈ క్రమంలోనే ఇండియన్‌ ప్రీమియర్‌ లీగ్‌ (ఐపీఎల్‌) లాంటి ఇతర టోర్నీలకు దూరంగా ఉంటున్నానని ఇంగ్లండ్‌ టెస్టు కెపె్టన్‌ బెన్‌ స్టోక్స్‌ అన్నాడు. ఇటీవల జరిగిన ఐపీఎల్‌ వేలం కోసం తన పేరును నమోదు చేసుకోకుండా స్టోక్స్‌ ముందే తప్పుకున్నాడు. గతంలో పుణే, చెన్నై, రాజస్తాన్‌ జట్ల తరఫున ఆడిన స్టోక్స్‌కు లీగ్‌లో మంచి విలువే పలికింది. అయితే ప్రస్తుత స్థితిలో ఇంగ్లండ్‌ జట్టు తరఫున కెరీర్‌ను పొడిగించుకోవడమే తన ప్రథమ ప్రాధాన్యత అని అతను స్పష్టం చేశాడు. ఐపీఎల్‌ తాజా నిబంధన ప్రకారం 2026 వరకు కూడా అతని లీగ్‌లో ఆడే అవకాశం లేదు. ‘నా కెరీర్‌లో ఇప్పుడు చివరి దశకు చేరుకుంటున్నాననేది వాస్తవం. సాధ్యమైనంత ఎక్కువ కాలం ఆడేందుకు నేను ప్రయత్నిస్తా. నా ఫిట్‌నెస్‌ను చూసుకోవడం కూడా చాలా కీలకం. ఈ దశలో ఎప్పుడు ఆడాలనే అంశంపై నా ప్రాధాన్యతలు నిర్ణయించుకోవాల్సి ఉంటుంది. కెరీర్‌ పొడిగించుకోవాలంటే జాగ్రత్తలు తీసుకోవాలి. వేర్వేరు చోట్ల వరుసగా క్రికెట్‌ సాగుతున్న ప్రస్తుత దశలో ఇంగ్లండ్‌ తరఫున ఎక్కువ కాలం ఆడాలనేది నా కోరిక. అందుకే ఐపీఎల్‌ నుంచి తప్పుకున్నా’ అని స్టోక్స్‌ వెల్లడించాడు. సుదీర్ఘ మోకాలి గాయం నుంచి ఇటీవలే కోలుకొని మళ్లీ బరిలోకి దిగిన స్టోక్స్‌కు అక్టోబర్‌ 2026 వరకు ఇంగ్లండ్‌ బోర్డు కాంట్రాక్ట్‌ ఉంది. నేటి నుంచి న్యూజిలాండ్‌తో జరిగే మూడు టెస్టుల సిరీస్‌లో జట్టుకు సారథ్యం వహిస్తున్న స్టోక్స్‌కు వచ్చే ఏడాది స్వదేశంలో భారత్‌తో ఐదు టెస్టుల సిరీస్, ఆపై యాషెస్‌ సిరీస్‌ కీలకం కానున్నాయి. గత ఏడాది వరల్డ్‌ కప్‌ తర్వాత వన్డేలకు దూరంగా ఉంటున్న స్టోక్స్‌ త్వరలో జరిగే చాంపియన్స్‌ ట్రోఫీలో మళ్లీ వన్డేలు ఆడే అవకాశం ఉంది.

ఐపీఎల్‌ ఆటగాళ్ల ‘వేలం’ ముగిసింది. వేలంలో పాల్గొన్న 10 ఫ్రాంచైజీలూ కలిపి ఆటగాళ్ల కోసం రు. 639 కోట్లకు పైగా ఖర్చుపెట్టాయి. మరోవైపు – ఆది, సోమవారాల్లో తొలిరోజు పాట జరుగుతున్నంత సేపూ.. కోటి రూపాయల ప్రశ్న ఒకటి ఇంటర్నెట్‌ను పల్టీలు కొట్టిస్తూనే ఉంది. ‘‘ఆమె ఎవరు? ఆమె పేరేంటి?’’ – ఇదీ ఆ ప్రశ్న. ‘‘ఆమె జాహ్నవీ మెహతా. కోల్‌కతా నైట్‌ రైడర్స్‌’’ – ఇదీ జవాబు. ‘‘జాహ్నవీ మెహతానా! సో క్యూట్‌’’ – ఒకరు.‘దేవుడా! ఏమిటి ఇంతందం!!’’ – ఇంకొకరు. ఆట ముగిసినా కూడా, ‘‘ఇంతందంగా ఉన్నావే ఎవరే నువ్వు?’’ అంటూ కొన్ని గంటల పాటు నెట్‌లో ఆమె కోసం వేట’ సాగుతూనే ఉంది. అందమే కాదు, అందాన్ని మించిన తెలివితేటలు ఉన్న అమ్మాయి జాహ్నవి మెహతా. డాటర్‌ ఆఫ్‌ జూహీ చావ్లా. అవునా! అక్కడేం పని ఈ అమ్మాయికి! అక్కడే మరి పని! కోల్‌కతా నైట్‌ రైడర్స్‌కి కో–ఓనర్‌ జూహి చావ్లా. టైమ్‌కి ఆమె వేలం పాటకు చేరుకోలేకపోయారు. ‘‘ఇదుగో వస్తున్నా..’’ అంటూ జెడ్డా ఫ్లయిట్‌ నుంచి వీడియో పంపారు. ఆమె వచ్చేలోపు పాట మొదలైందో, లేక ‘‘నువ్వేశాడు’’ అని అంతటి బాధ్యతను కూతురిపై ఉంచారో.. తల్లికి బదులుగా జాహ్నవి వేలం పాటలో పాల్గొంది. 21 మంది ఆటగాళ్లను దక్కించుకుంది. వాళ్లకు పెట్టిన ఖర్చుపోగా, ఇంకో ఐదు లక్షలు మిగిల్చింది కూడా!జాహ్నవి సోషల్‌ మీడియాలో కనిపించటం అరుదు. ఆమెకొక ‘పబ్లిక్‌ ఇన్‌స్ట్రాగామ్‌ పేజ్‌’ ఉంది కానీ, అందులో 2022 తర్వాత ఒక్క పోస్టు కూడా ఆమె పెట్టలేదు. అయితే ఆ ఏడాది ఐపీఎల్‌ వేలంలో మాత్రం షారుక్‌ ఖాన్‌ కూతురు సుహానా, కొడుకు ఆర్యన్‌లతో కలిసి తొలిసారి కనిపించింది. తల్లి తరఫున జాహ్నవి, షారుక్‌ తరఫున సుహానా, ఆర్యన్‌ కోల్‌కతా నైట్‌ రైడర్స్‌ (కె.కె.ఆర్‌) వేలంలో కూర్చున్నారు. (షారుఖ్‌ కూడా కె.కె.ఆర్‌కి ఒక కో ఫౌండర్‌). ఆ తర్వాత జాహ్నవి బాహ్య ప్రపంచానికి కనిపించటం మళ్లీ ఇప్పుడే! గత ఏడాదే ఆమె కొలంబియా యూనివర్శిటీ నుంచి గ్రాడ్యుయేషన్‌ పూర్తి చేసింది. అప్పుడు కూడా ఆమె సోషల్‌ మీడియాలోకి రాలేదు. జూహీ చావ్లానే గ్రాడ్యుయేషన్‌ గౌన్‌లో ఉన్న తన కూతురి కాన్వొకేషన్‌ ఫొటోను ఇన్‌స్ట్రాగామ్‌లో పోస్ట్‌ చేసి, ‘కొలంబియా క్లాస్‌ 2023’ అని కాప్షన్‌ పెట్టి తన మురిపెం తీర్చుకున్నారు. జాహ్నవి స్కూల్‌ చదువు కూడా ఇంగ్లండ్‌లోనే అక్కడి చాటర్‌ హౌస్‌ స్కూల్లో సాగింది. అంతకుముందు ముంబైలోని ధీరూబాయి అంబానీ ఇంటర్నేషనల్‌ స్కూల్లో చదివింది. తల్లి పోస్ట్‌ చేసిన ఫొటోలో గ్రాడ్యుయేషన్‌ గౌన్‌లో జాహ్నవిని అప్పుడు పెద్దగా ఎవరూ పట్టించుకున్నట్లు లేదు. ఇప్పుడు మాత్రం తల్లి తరఫున ఐపీఎల్‌ ఆక్షన్‌లో డార్క్‌ బ్లూ వెల్వెట్‌ జాకెట్, వైట్‌ టీ షర్టుతో కనిపించిన జాహ్నవిని చూసి ‘‘ఎవరబ్బా ఈ అమ్మాయి?!’’ అని ఆరాలు తీశారు. ఎవరో తెలిశాక, ‘‘తల్లి పోలికలు ఎక్కడికిపోతాయి?’’ అని ఒకప్పటి మిస్‌ ఇండియా, బాలీవుడ్‌ అందాల నటి అయిన జూహీ చావ్లాను కూడా ఆరాధనగా ట్యాగ్‌ చేశారు. ‘అందం ఒక్కటేనా తల్లి పోలిక? ఆ తెలివి మాత్రం!’ అన్నట్లు ఈ ఏడాది ఐపీఎల్‌ ట్రోఫీ విజేత ఎవరో గుర్తుంది కదా. కోల్‌కతా నైట్‌ రైడర్స్‌. (చదవండి:

కేఎల్‌ రాహుల్‌ క్లాసిక్‌ షాట్లను దగ్గరుండి చూడొచ్చు. మిచెల్‌ స్టార్క్‌ బులెట్‌ యార్కర్ల గుట్టు తెలుసుకోవచ్చు. హ్యారీ బ్రూక్‌ పరుగుల దాహం వెనుక రహస్యం తెలుసుకోవచ్చు. ఫాఫ్‌ డూప్లెసిస్‌ అనుభవాలను తెలుసుకుని పునాదులు పటిష్టం చేసుకోవచ్చు. జిల్లా స్టార్‌ క్రికెటర్‌ త్రిపురాన విజయ్‌కు బంగారం లాంటి అవకాశం తలుపు తట్టింది. ఐపీఎల్‌లో ఢిల్లీ క్యాపిటల్స్‌ జట్టులోకి అడుగుపెట్టబోతున్న విజయ్‌కు అనుభవజు్ఞల ఆటతీరు మార్గదర్శకం కాబోతోంది. టీమిండియాలోకి ప్రవేశించేందుకు ఇది తొలి అడుగు కానుంది. శ్రీకాకుళం న్యూకాలనీ: జిల్లా స్టార్‌ క్రికెటర్‌ త్రిపురాన విజయ్‌ ఐపీఎల్‌లో అడుగుపెట్టబోతున్నాడు. రూ.30 లక్షల బేస్‌ ప్రైజ్‌తో రిజిస్టర్‌ చేసుకున్న విజయ్‌ను ఢిల్లీ డేర్‌ క్యాపిటల్స్‌ జట్టు అదే ధరకు కొనుగోలు చేసింది. సౌదీ అరేబియాలో ఈ ఐపీఎల్‌ వేలం జరిగింది. వేలంలో డీసీ జట్టు కొనుగోలు చేసిందని తెలిశాక క్రికెట్‌ తల్లిదండ్రులు, జిల్లా క్రికెట్‌ సంఘ పెద్దలు పట్టరాని సంతోషం వ్యక్తం చేశారు. మూడేళ్లుగా నిలకడగా రాణింపు.. విజయ్‌ పదేళ్లుగా క్రికెట్‌ ఆడుతున్నా.. గత మూడే ళ్లుగా నిలకడ చూపిస్తున్నాడు. ఇటీవల ఢిల్లీ క్యాపిటల్స్‌ నుంచి వచ్చిన పిలుపు మేరకు సెలెక్షన్స్‌ ట్రయల్స్‌లో కూడా పాల్గొన్నాడు. కుచ్‌బిహార్‌ ట్రోఫీ, విజయ్‌హజారే ట్రోఫీ, సయ్యద్‌ ముస్తాక్‌ ఆలీ క్రికెట్‌ టోరీ్నలు, రంజీల్లో రాణించడంతో బీసీసీఐ పెద్దల దృష్టిని ఆకర్షించడంతో ఐపీఎల్‌ ఎంపిక కచ్చితంగా జరుగుతుందని తల్లిదండ్రులతోపాటు జిల్లా క్రికెట్‌ సంఘ పెద్దలు ఆశించారు. వారి ఆశలు నిజమయ్యాయి.శ్రీకాకుళం జిల్లా నుంచి ఒక క్రికెటర్‌ ఐపీఎల్‌కు చేరువ కావడం గర్వంగా ఉందని జిల్లా క్రికెట్‌ సంఘ అధ్యక్షులు పెద్దలు పుల్లెల శాస్త్రి, కార్యదర్శి హసన్‌రాజా, మెంటార్‌ ఇలియాస్‌ మహ్మద్, కోశాధికారి మదీనా శైలానీ సంతోషం వ్యక్తంచేస్తున్నారు. ఇదే స్ఫూర్తితో వచ్చే ఏడాదికి మరో ముగ్గురు నలుగురు క్రికెటర్లను తయారుచేస్తామని వారు చెబుతున్నారు. జిల్లా నుంచి ఒకే ఒక్కడు..జిల్లా నుంచి ఐపీఎల్‌ వరకు వెళ్లిన మొదటి క్రికెటర్‌గా త్రిపురాన విజయ్‌ గుర్తింపు అందుకున్నాడు. టెక్కలిలోని అయ్యప్పనగర్‌లో నివాసం ఉంటున్న త్రిపురాన వెంకటకృష్ణరాజు, లావణ్యలు విజయ్‌ తల్లిదండ్రులు. తండ్రి సమాచారశాఖలో ఉద్యోగిగా పనిచేస్తుండగా తల్లి గృహిణి. ప్రస్తుతం విజయ్‌ టెక్కలిలోని ఓ డిగ్రీ కళాశాలలో డిగ్రీ ప్రథమ సంవత్సరం చదువుతున్నాడు. పాఠశాల దశలో క్రికెట్‌పైన మక్కువతో త్రిపురాన విజయ్‌ 2013–14లో అరంగ్రేటం చేశాడు. అంతర్‌ జిల్లాల నార్త్‌జోన్‌ అండర్‌–14 జట్టుకు ప్రాతినిధ్యం వహించి ఉత్తమ ప్రదర్శనతో రాణించడంతో కడప క్రికెట్‌ అకాడమీకి ఎంపికయ్యాడు. ముఖ్యంగా టాపార్డర్‌ బ్యాటింగ్‌తోపాటు ఆఫ్‌స్పిన్‌ మ్యాజిక్‌తో విశేషంగా ఆకట్టుకుంటూ వస్తున్నాడు. ట్రాక్‌ రికార్డ్‌2022–23, 2024–25 రెండు సీజన్లలో ప్రతిష్టాత్మక రంజీ పోటీల్లో పాల్గొనే ఆంధ్రా పురుషుల జట్టుకు ఎంపికయ్యాడు. అండర్‌–19 విభాగంలో ఏసీఏ నార్త్‌జోన్‌ పోటీల్లో 6 మ్యాచ్‌లు ఆడి 19 వికెట్లు తీయడంతోపాటు 265 పరుగులు సాధించి ఉత్తమ ఆల్‌రౌండర్‌గా గుర్తింపు పొందాడు. అంతర్‌ రాష్ట్ర అండర్‌–25 వన్డే క్రికెట్‌ టో రీ్నలో హైదరాబాద్‌పై జరిగిన మ్యాచ్‌లో 4.4 ఓవర్లలో కేవలం 14 పరుగులిచ్చి 6 వికెట్లు పడగొట్టి సెలెక్టర్లను ఆకర్షించాడు. 2021–22లో అంతర్రాష్ట్ర అండర్‌–23 క్రికెట్‌ టోరీ్నలో మెరుగ్గా రాణించడంతో బీసీసీఐ నిర్వహిస్తున్న బెంగళూరు నేషనల్‌ క్రికెట్‌ అకాడమీకి ఎంపికై శిక్షణ పొందారు. ఆంధ్ర ప్రీమియం లీగ్‌(ఏపీఎల్‌) టీ–20 క్రికెట్‌ పోటీల్లో మూడు సీజన్లలోనూ రాణించా డు. రాయలసీమ కింగ్స్‌పై జరిగిన మ్యాచ్‌లో 25 బంతుల్లో 63 పరుగులు సాధించి అజేయంగా నిలిచి విశేషంగా ఆకట్టుకున్నాడు. బౌలింగ్‌లోను సత్తాచాచడంతో ప్లేయర్‌ ఆఫ్‌ ద మ్యాచ్‌ అవార్డును అందుకున్నారు. ఏపీఎల్‌ టీ–20 క్రికెట్‌ మ్యాచ్‌ల్లో బెస్ట్‌ ఫీల్డర్‌గా మరో రూ.50వేల నగదు బహుమతిని ప్రస్తుత బీసీసీఐ అధ్యక్షుడు రోజర్‌ బిన్నీ చేతులమీదుగా అందుకున్నాడు. గత సీజన్‌లో నాగ్‌పూర్‌లో జరిగిన విదర్భపై తన మొదటి మ్యాచ్‌లోనే నాలుగు కీలక వికెట్లు పడగొట్టాడు. తాజాగా హైదరాబాద్‌ ఉప్పల్‌ స్టేడియంలో జరిగిన మ్యాచ్‌లో మొదటి ఇన్నింగ్స్‌లో ఐదు వికెట్లు తీశాడు.చాలా సంతోషంగా ఉంది మా కుమారుడు విజయ్‌ ఐపీఎల్‌కు ఎంపిక కావడం నిజంగా సంతోషంగా ఉంది. తల్లిదండ్రులుగా మేము గర్వపడుతున్నాం. ఐపీఎల్‌లో మ్యాచ్‌లు ఆడే అవకాశం వస్తే తన ప్రతిభను నిరూపించుకునేందుకు సిద్ధంగా ఉన్నాడు. గత దశాబ్ద కాలంగా క్రికెట్టే శ్వాసగా ఉంటున్నాడు. భగవంతుడు శ్రమకు తగిన ఫలితాన్ని అందించాడని నమ్ముతున్నాం. –వెంకట కృష్ణంరాజు, లావణ్య త్రిపురాన విజయ్‌ తల్లిదండ్రులుచాలా గర్వంగా ఉంది.. చాలా గర్వంగా, చెప్పలేనంత ఆనందంగా ఉంది. ఐపీఎల్‌కు ఎంపిక కావాలన్న నా కల సాకారమైంది. ఇటీవల ఢిల్లీ క్యాపిటల్స్‌ సెలక్షన్‌ ట్రయల్స్‌ పాల్గొన్నప్పుడే నమ్మకం కలిగింది. నా బేస్‌ ప్రైస్‌ రూ.30లక్షలకు ఢిల్లీ క్యాపిటల్స్‌ ఎంచుకుంది. ఢిల్లీ క్యాపిటల్స్‌ యాజమాన్యానికి, ప్రతినిధులకు థాంక్స్‌ చెప్పుకుంటున్నాను. అవకాశం లభించిన మ్యాచుల్లో సత్తా చాటేందుకు ప్రయతి్నస్తాను. ఈ నాలుగు నెలలపాటు కఠోర సాధన చేస్తాను. నన్ను నిరంతరం ప్రోత్సహిస్తున్న నా తల్లిదండ్రులకు, జిల్లా క్రికెట్‌ సంఘం, ఆంధ్రా క్రికెట్‌ సంఘ పెద్దలకు కృతజ్ఞతలు. త్రిపురాన విజయ్‌

ఐపీఎల్‌ 2025కి సంబంధించి రిటెన్షన్‌ మరియు వేలం ప్రక్రియ ముగిసింది. సౌదీ అరేబియాలోని జెద్దా నగరంలో రెండు రోజుల పాటు సాగిన మెగా వేలం నిన్నటితో (నవంబర్‌ 25) సమాప్తమైంది. మెగా టోర్నీ వచ్చే ఏడాది మార్చి 14 నుంచి ప్రారంభం కానుంది. ఏ జట్టులో ఎంత మంది..?రిటెయిన్‌ చేసుకున్న వారితో కలిపి మొత్తం 25 ఆటగాళ్ల గరిష్ట కోటాను చెన్నై సూపర్‌కింగ్స్, గుజరాత్‌ టైటాన్స్, పంజాబ్‌ కింగ్స్‌ పూర్తి చేసుకోగా... లక్నో సూపర్‌ జెయింట్స్‌ (24), ఢిల్లీ క్యాపిటల్స్, ముంబై ఇండియన్స్‌ (23), రాయల్‌ చాలెంజర్స్‌ బెంగళూరు (22), డిఫెండింగ్‌ చాంపియన్‌ కోల్‌కతా నైట్‌రైడర్స్‌ (21), రాజస్తాన్‌ రాయల్స్, సన్‌రైజర్స్‌ హైదరాబాద్‌ (20) అంతకంటే తక్కువ మందితో సరిపెట్టాయి.ఏ ఫ్రాంచైజీలో ఎవరెవరు..? సీఎస్‌కేరుతురాజ్‌ గైక్వాడ్‌ (రీటెయిన్డ్‌, 18 కోట్లు)ఎంఎస్‌ ధోని (రీటెయిన్డ్‌, 4 కోట్లు)మతీశ పతిరణ (రీటెయిన్డ్‌, 13 కోట్లు)శివమ్‌ దూబే (రీటెయిన్డ్‌, 12 కోట్లు)రవీంద్ర జడేజా (రీటెయిన్డ్‌, 18 కోట్లు)నూర్‌ అహ్మద్‌ (10 కోట్లు)రవిచంద్రన్‌ అశ్విన్‌ (9.75 కోట్లు)డెవాన్‌ కాన్వే (6.25 కోట్లు)ఖలీల్‌ అహ్మద్‌ (4.8 కోట్లు)రచిన్‌ రవీంద్ర (4 కోట్లు, RTM)అన్షుల్‌ కంబోజ్‌ (3.4 కోట్లు)రాహుల్‌ త్రిపాఠి (3.4 కోట్లు)సామ్‌ కర్రన్‌ (2.4 కోట్లు)గుర్జప్నీత్‌ సింగ్‌ (2.2 కోట్లు)నాథన్‌ ఇల్లిస్‌ (2 కోట్లు)దీపక్‌ హుడా (1.7 కోట్లు)జేమీ ఓవర్టన్‌ (1.5 కోట్లు)విజయ్‌ శంకర్‌ (1.2 కోట్లు)వన్ష్‌ బేడీ (55 లక్షలు)ఆండ్రే సిద్దార్థ్‌ (30 లక్షలు)శ్రేయస్‌ గోపాల్‌ (30 లక్షలు)రామకృష్ణ ఘోష్‌ (30 లక్షలు)కమలేశ్‌ నాగర్‌కోటి (30 లక్షలు)ముకేశ్‌ చౌదరీ (30 లక్షలు)షేక్‌ రషీద్‌ (30 లక్షలు)ఢిల్లీ క్యాపిటల్స్‌అక్షర్‌ పటేల్‌ (రీటెయిన్డ్‌, 16.5 కోట్లు)కుల్దీప్‌ యాదవ్‌ (రీటెయిన్డ్‌, 13.25 కోట్లు)ట్రిస్టన్‌ స్టబ్స్‌ (రీటెయిన్డ్‌, 10 కోట్లు)అభిషేక్‌ పోరెల్‌ (రీటెయిన్డ్‌, 4 కోట్లు)కేఎల్‌ రాహుల్‌ (14 కోట్లు)మిచెల్‌ స్టార్క్‌ (11.75 కోట్లు)టి నటరాజన్‌ (10.75 కోట్లు)జేక్‌ ఫ్రేజర్‌ మెక్‌గుర్క్‌ (9 కోట్లు, RTM)ముకేశ్‌ కుమార్‌ (8 కోట్లు, RTM)హ్యారీ బ్రూక్‌(6.25 కోట్లు)అషుతోశ్‌ శర్మ (3.8 కోట్లు)మోహిత్‌ శర్మ (2.2 కోట్లు)ఫాఫ్‌ డుప్లెసిస్‌ (2 కోట్లు)సమీర్‌ రిజ్వి (95 లక్షలు)డొనొవన్‌ ఫెరియెరా (75 లక్షలు)దుష్మంత చమీరా (75 లక్షలు)విప్రాజ్‌ నిగమ్‌ (50 లక్షలు)కరుణ్‌ నాయర్‌ (50 లక్షలు)మాథవ్‌ తివారి (50 లక్షలు)త్రిపురణ విజయ్‌ (30 లక్షలు)మాన్వంత్‌ కుమార్‌ (30 లక్షలు)అజయ్‌ మండల్‌ (30 లక్షలు)దర్శన్‌ నల్కండే (30 లక్షలు)గుజరాత్ టైటాన్స్‌శుభ్‌మన్‌ గిల్‌ (రీటెయిన్డ్‌, 16.5 కోట్లు)రషీద్‌ ఖాన్‌ (రీటెయిన్డ్‌, 18 కోట్లు)సాయి సుదర్శన్‌ (రీటెయిన్డ్‌, 8.5 కోట్లు)రాహుల్‌ తెవాటియా (రీటెయిన్డ్‌, 4 కోట్లు)షారుఖ్‌ ఖాన్‌ (రీటెయిన్డ్‌, 4 కోట్లు)జోస్‌ బట్లర్‌ (15.75 కోట్లు)మొహమ్మద్‌ సిరాజ్‌ (12.25 కోట్లు)కగిసో రబాడ (10.75 కోట్లు)ప్రసిద్ద్‌ కృష్ణ (9.5 కోట్లు)వాషింగ్టన్‌ సుందర్‌ (3.2 కోట్లు)షెర్ఫాన్‌ రూథర్‌ఫోర్డ్‌ (2.6 కోట్లు)గెరాల్డ్‌ కొయెట్జీ (2.4 కోట్లు)గ్లెన్‌ ఫిలిప్స్‌ (2 కోట్లు)సాయి కిషోర్‌ (2 కోట్లు, RTM)మహిపాల్‌ లోమ్రార్‌ (1.7 కోట్లు)గుర్నూర్‌ సింగ్‌ బ్రార్‌ (1.3 కోట్లు)అర్షద్‌ ఖాన్‌ (1.3 కోట్లు)కరీమ్‌ జనత్‌ (75 లక్షలు)జయంత్‌ యాదవ్‌ (75 లక్షలు)ఇషాంత్‌ శర్మ (75 లక్షలు)కుమార్‌ కుషాగ్రా (65 లక్షలు)మానవ్‌ సుతార్‌ (30 లక్షలు)కుల్వంత్‌ కేజ్రోలియా (30 లక్షలు)అనూజ్‌ రావత్‌ (30 లక్షలు)నిషాంత్‌ సింధు (30 లక్షలు)కేకేఆర్‌రింకూ సింగ్‌ (రీటెయిన్డ్‌, 13 కోట్లు)వరుణ్‌ చక్రవర్తి (రీటెయిన్డ్‌, 12 కోట్లు)సునీల్‌ నరైన్‌ (రీటెయిన్డ్‌, 12 కోట్లు)ఆండ్రీ రసెల్‌ (రీటెయిన్డ్‌, 12 కోట్లు)హర్షిత్‌ రాణా (రీటెయిన్డ్‌, 4 కోట్లు)రమన్‌దీప్‌ సింగ్‌ (రీటెయిన్డ్‌, 4 కోట్లు)వెంకటేశ్‌ అయ్యర్‌ (23.75 కోట్లు)అన్రిచ్‌ నోర్జే (6.50 కోట్లు)క్వింటన్‌ డికాక్‌ (3.60 కోట్లు)అంగ్‌క్రిష్‌ రఘువంశీ (3 కోట్లు)స్పెన్సర్‌ జాన్సన్‌ (2.8 కోట్లు)మొయిన్‌ అలీ (2 కోట్లు)రహ్మానుల్లా గుర్బాజ్‌ (2 కోట్లు)వైభవ్‌ అరోరా (1.80 కోట్లు)అజింక్య రహానే (1.5 కోట్లు)రోవ్‌మన్‌ పావెల్‌ (1.5 కోట్లు)ఉమ్రాన్‌ మాలిక్‌(75 లక్షలు)మనీశ్‌ పాండే (75 లక్షలు)అనుకూల్‌ రాయ్‌ (40 లక్షలు)లవ్నిత్‌ సిసోడియా (30 లక్షలు)మయాంక్‌ మార్కండే (30 లక్షలు)లక్నో సూపర్‌ జెయింట్స్‌నికోలస్‌ పూరన్‌ (రీటెయిన్డ్‌, 21 కోట్లు)రవి బిష్ణోయ్‌ (రీటెయిన్డ్‌, 21 కోట్లు)మయాంక్‌ యాదవ్‌ (రీటెయిన్డ్‌, 11 కోట్లు)మొహిసిన్‌ ఖాన్‌ (రీటెయిన్డ్‌, 4 కోట్లు)ఆయుశ్‌ బదోని (రీటెయిన్డ్‌, 4 కోట్లు)రిషబ్‌ పంత్‌ (27 కోట్లు)ఆవేశ్‌ ఖాన్‌ (9.75 కోట్లు)ఆకాశ్‌దీప్‌ (8 కోట్లు)డేవిడ్‌ మిల్లర్‌ (7.5 కోట్లు)అబ్దుల్‌ సమద్‌ (4.2 కోట్లు)మిచెల్‌ మార్ష్‌ (3.4 కోట్లు)షాబాజ్‌ అహ్మద్‌ (2.4 కోట్లు)ఎయిడెన్‌ మార్క్రమ్‌ (2 కోట్లు)మాథ్యూ బ్రీట్జ్కీ (75 లక్షలు)షమార్‌ జోసఫ్‌ (75 లక్షలు, RTM)ఎం సిద్దార్థ్‌ (75 లక్షలు)అర్శిన్‌ కులకర్ణి (30 లక్షలు)రాజవర్దన్‌ హంగార్గేకర్‌ (30 లక్షలు)యువరాజ్‌ చౌదరీ (30 లక్షలు)ప్రిన్స్‌ యాదవ్‌ (30 లక్షలు)ఆకాశ్‌ సింగ్‌ (30 లక్షలు)దిగ్వేశ్‌ సింగ్‌ (30 లక్షలు)హిమ్మత్‌ సింగ్‌ (30 లక్షలు)ఆర్యన్‌ జుయల్‌ (30 లక్షలు)ముంబై ఇండియన్స్‌జస్ప్రీత్‌ బుమ్రా (రీటెయిన్డ్‌, 18 కోట్లు)సూర్యకుమార్‌ యాదవ్‌ (రీటెయిన్డ్‌, 16.35 కోట్లు)హార్దిక్‌ పాండ్యా (రీటెయిన్డ్‌, 16.35 కోట్లు)రోహిత్‌ శర్మ (రీటెయిన్డ్‌, 16.30 కోట్లు)తిలక్‌ వర్మ (రీటెయిన్డ్‌, 8 కోట్లు)ట్రెంట్‌ బౌల్ట్‌ (12.50 కోట్లు)దీపక్‌ చాహర్‌ (9.25 కోట్లు)విల్‌ జాక్స్‌ (5.25 కోట్లు)నమన్‌ ధిర్‌ (5.25 కోట్లు, RTM)అల్లా ఘజన్‌ఫర్‌ (4.8 కోట్లు)మిచెల్‌ సాంట్నర్‌ (2 కోట్లు)ర్యాన్‌ రికెల్టన్‌ (1 కోటీ)లిజాడ్‌ విలియమ్స్‌ (75 లక్షలు)రీస్‌ టాప్లే (75 లక్షలు)రాబిన్‌ మింజ్‌ (65 లక్షలు)కర్ణ్‌ శర్మ (50 లక్షలు)విజ్ఞేశ్‌ పుథుర్‌ (30 లక్షలు)అర్జున్‌ టెండూల్కర్‌ (30 లక్షలు)బెవాన్‌ జాన్‌ జాకబ్స్‌ (30 లక్షలు)వెంకట సత్యనారాయణ పెన్మత్స (30 లక్షలు)రాజ్‌ అంగద్‌ బవా (30 లక్షలు)శ్రీజిత్‌ కృష్ణణ్‌ (30 లక్షలు)అశ్వనీ కుమార్‌ (30 లక్షలు)పంజాబ్‌ కింగ్స్‌శశాంక్‌ సింగ్‌ (రీటెయిన్డ్‌, 5.5 కోట్లు)ప్రభ్‌సిమ్రన్‌ సింగ్‌ (రీటెయిన్డ్‌, 4 కోట్లు)శ్రేయస్‌ అయ్యర్‌(26.75 కోట్లు)యుజ్వేంద్ర చహల్‌(18 కోట్లు)అర్షదీప్‌ సింగ్‌ (18 కోట్లు, RTM)మార్కస్‌ స్టోయినిస్‌ (11 కోట్లు)మార్కో జన్సెన్‌ (7 కోట్లు)నేహల్‌ వధేరా (4.2 కోట్లు)గ్లెన్‌ మ్యాక్స్‌వెల్‌ (4.2 కోట్లు)ప్రియాన్శ్‌ ఆర్య (3.8 కోట్లు)జోస్‌ ఇంగ్లిస్‌ (2.6 కోట్లు)అజ్మతుల్లా ఒమర్‌జాయ్‌ (2.4 కోట్లు)లోకీ ఫెర్గూసన్‌ (2 కోట్లు)విజయ్‌కుమార్‌ వైశాఖ్‌ (1.8 కోట్లు)యశ్‌ ఠాకర్‌ (1.60 కోట్లు)హర్ప్రీత్‌ బ్రార్‌ (1.5 కోట్లు)ఆరోన్‌ హార్డీ (1.25 కోట్లు)విష్ణు వినోద్‌ (95 లక్షలు)జేవియర్‌ బార్ట్‌లెట్‌ (80 లక్షలు)కుల్దీప్‌ సేన్‌ (80 లక్షలు)ప్రవిణ్‌ దూబే (30 లక్షలు)పైలా అవినాశ్‌ (30 లక్షలు)సూర్యాంశ్‌ షెడ్గే (30 లక్షలు)ముషీర్‌ ఖాన్‌ (30 లక్షలు)హర్నూర్‌ పన్నూ (30 లక్షలు)రాజస్థాన్‌ రాయల్స్‌సంజూ శాంసన్‌ (రీటెయిన్డ్‌, 18 కోట్లు)యశస్వి జైస్వాల్‌ (రీటెయిన్డ్‌, 18 కోట్లు)రియాన్‌ పరాగ్‌ (రీటెయిన్డ్‌. 14 కోట్లు)ధృవ్‌ జురెల్‌ (రీటెయిన్డ్‌, 14 కోట్లు)షిమ్రోన్‌ హెట్‌మైర్‌ (రీటెయిన్డ్‌, 11 కోట్లు)సందీప్‌ శర్మ (రీటెయిన్డ్‌, 4 కోట్లు)జోఫ్రా ఆర్చర్‌ (12.50 కోట్లు)తుషార్‌ దేశ్‌పాండే (6.5 కోట్లు)వనిందు హసరంగ (5.25 ‍కోట్లు)మహీశ్‌ తీక్షణ (4.40 కోట్లు)నితీశ్‌ రాణా (4.2 కోట్లు)ఫజల్‌ హక్‌ ఫారూకీ (2 కోట్లు)క్వేనా మపాకా (1.5 కోట్లు)ఆకాశ్‌ మధ్వాల్‌ (1.20 కోట్లు)వైభవ్‌ సూర్యవంశీ (1.1 కోట్లు)శుభమ్‌ దూబే (80 లక్షలు)యుద్ద్‌వీర్‌ చరక్‌ (35 లక్షలు)ఆశోక్‌ శర్మ (30 లక్షలు)కునాల్‌ రాథోడ్‌ (30 లక్షలు)కుమార్‌ కార్తీకేయ (30 లక్షలు)ఆర్సీబీవిరాట్‌ కోహ్లి (రీటెయిన్డ్‌, 21 కోట్లు)రజత్‌ పాటిదార్‌ (రీటెయిన్డ్‌, 11 కోట్లు)యశ్‌ దయాల్‌ (రీటెయిన్డ్‌, 5 కోట్లు)జోష్‌ హాజిల్‌వుడ్‌ (12.50 కోట్లు)ఫిల్‌ సాల్ట్‌ (11.50 కోట్లు)జితేశ్‌ శర్మ (11 కోట్లు)భువనేశ్వర్‌ కుమార్‌ (10.75 కోట్లు)లియామ్‌ లివింగ్‌స్టోన్‌ (8.75 కోట్లు)రసిఖ్‌ దార్‌ (6 కోట్లు)కృనాల్‌ పాండ్యా (5.75 కోట్లు)టిమ్‌ డేవిడ్‌ (3 కోట్లు)జేకబ్‌ బేతెల్‌ (2.6 కోట్లు)సుయాశ్‌ శర్మ (2.6 కోట్లు)దేవ్‌దత్‌ పడిక్కల్‌ (2 కోట్లు)నువాన్‌ తుషార (1.6 కోట్లు)రొమారియో షెపర్డ్‌ (1.5 కోట్లు)లుంగి ఎంగిడి (1 కోటీ)స్వప్నిల్‌ సింగ్‌ (50 లక్షలు, RTM)మోహిత్‌ రతీ (30 లక్షలు)అభినందన్‌ సింగ్‌ (30 లక్షలు)స్వస్తిక్‌ చికార (30 లక్షలు)మనోజ్‌ భాంగడే (30 లక్షలు)సన్‌రైజర్స్‌ హైదరాబాద్‌పాట్‌ కమిన్స్‌ (రీటెయిన్డ్‌, 18 కోట్లు)అభిషేక్‌ శర్మ (రీటెయిన్డ్‌, 14 కోట్లు)నితీశ్‌ కుమార్‌ రెడ్డి (రీటెయిన్డ్‌, 6 కోట్లు)హెన్రిచ్‌ క్లాసెన్‌ (రీటెయిన్డ్‌, 23 కోట్లు)ట్రవిస్‌ హెడ్‌ (రీటెయిన్డ్‌, 14 కోట్లు)ఇషాన్‌ కిషన్‌ (11.25 కోట్లు)మొహమ్మద్‌ షమీ (10 కోట్లు)హర్షల్‌ పటేల్‌ (8 కోట్లు)అభినవ్‌ మనోహర్‌ (3.20కోట్లు)రాహుల్‌ చాహల్‌ (3.20 కోట్లు)ఆడమ్‌ జంపా (2.40 కోట్లు)సిమ్రన్‌జీత్‌ సింగ్‌ (1.50 కోట్లు)ఎస్‌హాన్‌ మలింగ (1.2 కోట్లు)బ్రైడన్‌ కార్స్‌ (1 కోటీ)జయదేవ్‌ ఉనద్కత్‌ (1 కోటీ)కమిందు మెండిస్‌ (75 లక్షలు)జీషన్‌ అన్సారీ (40 లక్షలు)సచిన్‌ బేబి (30 లక్షలు)అనికేత్‌ వర్మ (30 లక్షలు)అథర్వ తైడే (30 లక్షలు)

పెద్దదోర్నాల: ప్రపంచ వ్యాప్తంగా క్రీడాభిమానులను ఉర్రూతలూగించే ఐపీఎల్‌ రేసులో పెద్దదోర్నాల మండలంలోని చిన్నదోర్నాల గ్రామానికి చెందిన గొలమారు మనీష్‌రెడ్డి ఉన్నారు. గొలమారు ఉమామహేశ్వరరెడ్డి కుటుంబం వ్యాపార రీత్యా విశాఖపట్నంలో స్థిరపడింది. ఉమామహేశ్వరరెడ్డి తండ్రి గొలమారు పెద్దతాతిరెడ్డి గతంలో శ్రీశైల పుణ్యక్షేత్రంలోని అఖిల భారత రెడ్ల సత్రం ప్రధాన కార్యదర్శిగా భాద్యతలు నిర్వర్తించారు. ఉమామహేశ్వరరెడ్డి పెద్ద కుమారుడు మనీష్‌రెడ్డి చిన్ననాటి నుంచి క్రికెట్‌పై ఆసక్తి పెంచుకుని, ఆంఽధ్ర తరఫున రంజీ మ్యాచ్‌లు ఆడుతున్నాడు. ఈ క్రమంలో ఐపీఎల్‌లో అదృష్టాన్ని పరీక్షించుకునేందుకు వేలానికి సిద్ధమయ్యారు. రూ.30 లక్షల బేస్‌ ప్రైజ్‌తో ఐపీఎల్‌ వేలం రిజిస్టర్‌ చేసుకున్నారు. పలు ఐపీఎల్‌ జట్లు కొత్త కుర్రాళ్ల వైపు దృష్టి సారిస్తున్న నేపథ్యంలో మనీష్‌రెడ్డికి ఉజ్వల భవిష్యత్‌ ఉంటుందని క్రీడాభిమానులు భావిస్తున్నారు. కాగా సోమవారం కూడా నిర్వహించనున్న ఐపీఎల్‌ వేలంలో మనీష్‌రెడ్డికి అవకాశం దక్కవచ్చని భావిస్తూ మనీష్‌రెడ్డికి ఆల్‌ ద బెస్ట్‌ చెబుతున్నారు.

ఐపీఎల్‌లో రాబోయే మూడు సీజన్లకు సంబంధించిన షెడ్యూల్‌ను బీసీసీఐ (నవంబర్‌ 22) విడుదల చేసినట్లు తెలుస్తోంది. ఫ్రాంఛైజీలు వెల్లడించిన సమాచారం ప్రకారం.. ఐపీఎల్‌ 2025 సీజన్‌ మార్చి 14న (శుక్రవారం) మొదలై మే 25న (ఆదివారం) ముగుస్తుంది. 2026 సీజన్‌ మార్చి 15న (ఆదివారం) మొదలై మే 31న (ఆదివారం) ముగుస్తుంది. 2027 సీజన్‌ మార్చి 14న (ఆదివారం) మొదలై మే 30న (ఆదివారం) ముగుస్తుంది. కాగా, గతంలో ఐపీఎల్‌ షెడ్యూల్‌లను చివరి నిమిషంలో విడుదల చేసే వారు. అయితే ఆ ఆనవాయితీకి బీసీసీఐ స్వస్తి పలికి, ఒకేసారి మూడు సీజన్ల షెడ్యూల్‌ను ప్రకటించింది. అంతర్జాతీయ షెడ్యూల్‌తో ఐపీఎల్‌ షెడ్యూల్‌ క్లాష్‌ కాకుండా ఇది తోడ్పడుతుందని బీసీసీఐ తెలిపింది.మెగా వేలంలో జోఫ్రా ఆర్చర్‌..ఇంగ్లండ్‌ స్టార్‌ పేసర్‌ జోఫ్రా ఆర్చర్‌ ఐపీఎల్‌ 2025 మెగా వేలానికి అందుబాటులో ఉంటాడని బీసీసీఐ తెలిపింది. ఆర్చర్‌ 2025 సీజన్‌తో పాటు రానున్న మూడు సీజన్లకు అందుబాటులో ఉంటానని ప్రకటించినట్లు తెలుస్తుంది. మెగా వేలంలో ఆర్చర్‌ 575వ ఆటగాడిగా జాయిన్‌ అవుతాడు. ఆర్చర్‌ రూ. 2 కోట్ల బేస్‌ప్రైజ్‌ విభాగంలో తన పేరును నమోదు చేసుకున్నట్లు తెలుస్తుంది. మెగా వేలంలో ఆర్చర్‌తో పాటు మరో ఇద్దరు కూడా జాయిన్‌ అయ్యారు. అమెరికాకు చెందిన సౌరభ్‌ నేత్రావల్కర్‌, భారత్‌కు చెందిన హార్దిక్‌ తమోర్‌ వేలంలో తమ పేర్లను రిజిస్టర్‌ చేసుకున్నారు. వీరిద్దరు 576, 577 నంబర్‌ ఆటగాళ్లుగా వేలం బరిలో ఉంటారు.

ముంబై: ఐపీఎల్‌–2025 సీజన్‌ కోసం ఈ నెల 24, 25 తేదీల్లో సౌదీ అరేబియా లోని జిద్దా నగరంలో వేలం జరగనుంది. వేలంలో మొత్తం 574 మంది ఆటగాళ్లు అందుబాటులో ఉన్నారు. అయితే ఇంత మంది పేర్లను ఒక్కొక్కరిగా పిలిచి వేలం ప్రక్రియ కొనసాగించడం చాలా సుదీర్ఘంగా, కష్టతరంగా మారే అవకాశం ఉంది. దాంతో బీసీసీఐ ‘యాక్సిలరేటెడ్‌ ఆక్షన్‌’ అంటూ వేలాన్ని వేగంగా ముగించేందుకు సిద్ధమైంది. వేలంలో మొదటి 116 మంది కోసం మాత్రమే ఫ్రాంచైజీలు ముందుగా పోటీ పడతాయి. వరుసగా అంతర్జాతీయ క్రికెట్‌ ఆడిన మార్క్యూ ప్లేయర్లు, స్పెషలిస్ట్‌ బ్యాటర్లు, ఆల్‌రౌండర్లు, వికెట్‌కీపర్‌ బ్యాటర్లు, పేస్‌ బౌలర్లు, స్పిన్‌ బౌలర్లు... ఇలా వేలం సాగుతుంది. ఈ వరుసలో చివరగా జాతీయ జట్టుకు ప్రాతినిధ్యం వహించని అన్‌క్యాప్డ్‌ ప్లేయర్లు వస్తారు. వీరి సంఖ్య చాలా ఎక్కువగా ఉంది. దాంతో 117 నుంచి 574 నంబర్‌ వరకు ఉన్న ఆటగాళ్లను ఎంచుకునే విషయంలో ఫ్రాంచైజీలకు ముందే ఒక అవకాశం ఇస్తున్నారు. తాము కోరుకుంటున్న ఆటగాళ్ల పేర్లను తొలి రోజు వేలం ముగిసిన తర్వాత రాత్రి 10 గంటల వరకు అందించాలి. వీరి పేర్లనే వేలంలో ప్రకటిస్తారు. అనంతరం అప్పటి వరకు అమ్ముడుపోని ఆటగాళ్లలో ఇంకా ఎవరినైనా తీసుకోవాలనే ఆలోచన ఉంటే వారి పేర్లను కూడా ఈ ‘యాక్సిలరేటెడ్‌ ఆక్షన్‌’లో చెప్పాల్సి ఉంటుంది. దీని వల్ల సమయం ఆదా అవుతుందని నిర్వాహకులు భావిస్తున్నారు.ఈ జాబితాలో 117వ ఆటగాడిగా ఆంధ్ర క్రికెటర్‌ రికీ భుయ్‌ ఉండగా... మిగిలిన వారిలో మొయిన్‌ అలీ, టిమ్‌ డేవిడ్, స్పెన్సర్‌ జాన్సన్, ఉమ్రాన్‌ మలిక్, ముస్తఫిజుర్, సాంట్నర్, నబీ, స్టీవ్‌ స్మిత్, సర్ఫరాజ్‌ ఖాన్, జేమ్స్‌ అండర్సన్‌ తదితర గుర్తింపు పొందిన ఆటగాళ్లు ఉన్నారు. ఈ వేలం ప్రక్రియను ప్రముఖ ఆక్షనీర్‌ మల్లికా సాగర్‌ నిర్వహించనుంది. గత ఏడాది కూడా ఆమెనే ఆక్షనర్‌గా వ్యవహరించింది. మరోవైపు భారత్, ఆ్రస్టేలియా మధ్య జరిగే పెర్త్‌ టెస్టు మూడో, నాలుగో రోజుల్లో ఈ వేలం నిర్వహించడంపై కాస్త చర్చ జరిగింది. అయితే సమయం భిన్నంగా ఉండటం వల్ల ఆటగాళ్లు, అభిమానులు కూడా పూర్తి స్థాయిలో వేలం ప్రక్రియను అనుసరించవచ్చు. భారత కాలమానం ప్రకారం టెస్టు ఆట మధ్యాహ్నం గం. 2:50 నిమిషాలకు ముగుస్తుంది. వేలం మధ్యాహ్నం గం. 3:30 నిమిషాలకు ప్రారంభం కానుంది.

పెర్త్‌: ఆ్రస్టేలియా క్రికెట్‌ జట్టు అసిస్టెంట్‌ కోచ్‌ డానియెల్‌ వెటోరి పెర్త్‌లో భారత్‌తో జరిగే తొలి టెస్టు మధ్యలోనే జట్టును వీడి ఐపీఎల్‌ మెగా వేలానికి బయలుదేరుతాడు. ఈ న్యూజిలాండ్‌ బౌలింగ్‌ దిగ్గజం ఐపీఎల్‌లో సన్‌రైజర్స్‌ హైదరాబాద్‌ (ఎస్‌ఆర్‌హెచ్‌)కు హెడ్‌ కోచ్‌గా వ్యవహరిస్తున్నాడు. దీంతో 45 ఏళ్ల వెటోరి సౌదీ అరేబియాలోని రెండో పెద్ద నగరం జిద్దాలో ఈ నెల 24, 25 తేదీల్లో జరిగే వేలంలో పాల్గొంటాడు. ఐదు టెస్టుల ‘బోర్డర్‌–గావస్కర్‌ ట్రోఫీ’లో తొలి టెస్టు 22 నుంచి పెర్త్‌లో జరుగుతుంది. ‘ఐపీఎల్‌ ఫ్రాంచైజీకి హెడ్‌ కోచ్‌ అయిన వెటోరికి మద్దతిస్తాం. అతను మొదటి టెస్టు సన్నాహానికి చేయాల్సిందంతా (ట్రెయినింగ్‌) చేసే వేలానికి హాజరవుతాడు. ఇందులో మాకు ఏ ఇబ్బంది లేదు. మెగా వేలం ముగిసిన వెంటనే మళ్లీ మా జట్టుతో కలుస్తాడు’ అని క్రికెట్‌ ఆ్రస్టేలియా (సీఏ) ప్రతినిధి ఒకరు వెల్లడించారు. సీఏ నేషనల్‌ డెవలప్‌మెంట్‌ కోచ్‌ లాచ్లన్‌ స్టీవెన్స్‌... తొలి టెస్టు కోసం వెటోరి పాత్రను భర్తీ చేస్తారని సీఏ తెలిపింది. కివీస్‌కు చెందిన వెటోరి మాత్రమే కాదు... ఆ్రస్టేలియన్‌ దిగ్గజాలు రికీ పాంటింగ్, జస్టిన్‌ లాంగర్‌లు సైతం జిద్దాకు పయనమవుతారు. పాంటింగ్‌ పంజాబ్‌ కింగ్స్‌కు, లాంగర్‌ లక్నో సూపర్‌ జెయింట్స్‌కు హెడ్‌ కోచ్‌లుగా ఉన్నారు. దీంతో ‘చానెల్‌ సెవెన్‌’లో వ్యాఖ్యాతలు వ్యవహరించనున్న వీళ్లిద్దరు కూడా పెర్త్‌ టెస్టు మధ్యలోనే మెగా వేలంలో పాల్గొననున్నారు.

ఐపీఎల్‌ 2025 మెగా వేలం నవంబర్‌ 24, 25 తేదీల్లో సౌదీ అరేబియాలోని జెద్దా నగరం వేదికగా జరుగనుంది. ఈ మెగా వేలంలో 17 దేశాలకు చెందిన 1574 మంది ఆటగాళ్లు పాల్గొననున్నారు. వీరిలో భారత్‌కు చెందిన 1165 ప్లేయర్లు ఉన్నారు. ఈ 1165 మందిలో 965 మంది అన్‌క్యాప్డ్‌ ప్లేయర్లు కాగా.. రిషబ్‌ పంత్‌, శ్రేయస్‌ అయ్యర్‌, ఇషాన్‌ కిషన్‌, కేఎల్‌ రాహుల్‌, సిరాజ్‌ లాంటి 48 మంది దేశీయ స్టార్‌ క్యాప్డ్‌ ఆటగాళ్లు ఉన్నారు.ఇతర దేశాల ఆటగాళ్ల విషయానికొస్తే.. అసోసియేట్‌ దేశాలకు చెందిన 30 మందిని కలుపుకుని మొత్తం 409 మంది విదేశీ ఆటగాళ్లు వేలంలో తమ అదృష్టాన్ని పరీక్షించుకోనున్నారు. విదేశీ ఆటగాళ్లలో అత్యధికంగా సౌతాఫ్రికా (91) నుంచి పేర్లు నమోదు చేసుకున్నారు. విదేశీ ఆటగాళ్లలో బట్లర్‌, స్టార్క్‌, మ్యాక్స్‌వెల్‌, స్టీవ్‌ స్మిత్‌, బెయిర్‌స్టో, రబాడ, జోఫ్రా ఆర్చర్‌ లాంటి స్టార్లు ఉన్నారు.దేశాల వారీగా ఆటగాళ్ల సంఖ్య..ఆఫ్ఘనిస్తాన్‌- 29ఆస్ట్రేలియా- 76బంగ్లాదేశ్‌- 13కెనడా- 4ఇంగ్లండ్‌- 52భారత్‌- 1165ఐర్లాండ్‌- 9ఇటలీ- 1నెదర్లాండ్స్‌- 12న్యూజిలాండ్‌- 39స్కాట్లాండ్‌- 2సౌతాఫ్రికా- 91శ్రీలంక- 29యూఏఈ- 1యూఎస్‌ఏ- 10వెస్టిండీస్‌- 33జింబాబ్వే- 8ఐపీఎల్‌ మెగా వేలంలో పేర్లు నమోదు చేసుకున్న ఆటగాళ్ల సంఖ్య- 1574ఖాళీల సంఖ్య- 20470 మంది విదేశీ ఆటగాళ్లకు అవకాశం వేలంలో అన్ని ఫ్రాంచైజీలు ఖర్చు చేయబోయే బడ్జెట్‌- రూ. 641.5 కోట్లుఏయే ఫ్రాంచైజీ దగ్గర ఎంత పర్స్‌ బ్యాలెన్స్‌ ఉంది..?పంజాబ్‌ కింగ్స్‌- రూ. 110.5 కోట్లు సన్‌రైజర్స్‌ హైదరాబాద్‌- రూ. 45 కోట్లులక్నో- రూ. 69 కోట్లు కేకేఆర్‌- రూ. 51 కోట్లు ఢిల్లీ క్యాపిటల్స్‌- రూ. 73 కోట్లు ఆర్సీబీ- రూ. 83 కోట్లు సీఎస్‌కే- రూ. 55 కోట్లుముంబై ఇండియన్స్‌- రూ. 45 కోట్లు గుజరాత్‌- రూ. 69 కోట్లు రాజస్థాన్‌ రాయల్స్‌- రూ. 83 కోట్లు

2025 ఐపీఎల్‌ మెగా వేలానికి ముహూర్తం, వేదిక ఖరారైనట్లు తెలుస్తుంది. తొలుత మెగా వేలాన్ని సౌదీ అరేబియాలోని రియాద్‌ నగరంలో నిర్వహించాలని అనుకున్నారు. అయితే తాజాగా వేదికను జెద్దా నగరానికి మార్చినట్లు సమాచారం. అబేది అల్‌ జోహార్‌ అరీనా (బెంచ్‌మార్క్‌ అరీనా) మెగా వేలానికి వేదిక కానున్నట్లు ఓ ప్రముఖ క్రికెట్‌ వెబ్‌సైట్‌ వెల్లడించింది. ఫ్రాంచైజీ ప్రముఖులకు వసతి ఏర్పాట్లను అబేది అల్‌ జోహార్‌ అరీనా సమీపంలో గల హోటల్‌ షాంగ్రీ-లాలో సిద్దం చేసినట్లు తెలుస్తుంది. వేలం తేదీల్లో మాత్రం ఎలాంటి మార్పులు లేనట్లు తెలుస్తుంది. ముందుగా అనుకున్నట్లుగానే నవంబర్‌ 24, 25 తేదీల్లో వేలం జరుగనుందని సమాచార​ం.కాగా, వేలంలో పాల్గొనే 10 ఫ్రాంచైజీలు అక్టోబర్‌ 31న తమ రిటెన్షన్‌ జాబితాలను ప్రకటించిన విషయం తెలిసిందే. అన్ని ఫ్రాంచైజీలు మొత్తంగా 46 మంది ఆటగాళ్లను అట్టిపెట్టుకుని.. వారి కోసం రూ. 550.5 కోట్ల మేర ఖర్చు చేశాయి. ఈ 46 మందిలో 36 మంది భారత క్రికెటర్లే కావడం విశేషం. ఈ సారి మెగా వేలానికి మొత్తం 1574 మంది ప్లేయర్లు రిజిస్టర్‌ చేసుకున్నట్లు తెలుస్తుంది. ఇందులో 1165 మంది భారతీయ ఆటగాళ్లు కాగా.. 409 మంది విదేశీ ఆటగాళ్లని సమాచారం. ఫ్రాంచైజీలు అట్టిపెట్టుకుని వదిలేసిన ఆటగాళ్ల పూర్తి జాబితా..పంజాబ్‌ కింగ్స్‌ అట్టిపెట్టుకున్న ఆటగాళ్లుశశాంక్‌ సింగ్‌- రూ. 5.5 కోట్లుప్రభ్‌మన్‌సిమ్రన్‌ సింగ్‌- రూ. 4 కోట్లుపంజాబ్‌ కింగ్స్‌ వదిలేసిన ఆటగాళ్లుశిఖర్‌ ధవన్‌ (కెప్టెన్‌)రిలీ రొస్సోహర్ప్రీత్‌ సింగ్‌ భాటియాశివమ్‌ సింగ్‌అధర్వ తైడేఅశుతోష్‌ శర్మవిశ్వనాథ్‌ సింగ్‌సికందర్‌ రజాసామ్‌ కర్రన్‌క్రిస్‌ వోక్స్‌రిషి ధవన్‌తనయ్‌ త్యాగరాజన్‌జానీ బెయిర్‌స్టోజితేశ్‌ శర్మరాహుల్‌ చాహర్‌విధ్వత్‌ కావేరప్పహర్షల్‌ పటేల్‌నాథన్‌ ఎల్లిస్‌అర్షదీప్‌ సింగ్‌ప్రిన్స్‌ చౌదరీహర్ప్రీత్‌ బ్రార్‌వేలం కోసం మిగిలిన మొత్తం: రూ. 110.5 కోట్లు ఆర్టీఎమ్‌ అవకాశం: నలుగురు క్యాప్‌డ్‌ ప్లేయర్లను తీసుకోవచ్చు.సన్‌రైజర్స్‌ హైదరాబాద్‌ అట్టిపెట్టుకున్న ఆటగాళ్లుపాట్‌ కమిన్స్‌- రూ. 18 కోట్లుఅభిషేక్‌ శర్మ- రూ. 14 కోట్లునితీశ్‌కుమార్‌ రెడ్డి- రూ. 6 కోట్లుహెన్రిచ్‌ క్లాసెన్‌- రూ. 23 కోట్లుట్రవిస్‌ హెడ్‌- రూ. 14 కోట్లుసన్‌రైజర్స్‌ హైదరాబాద్‌ వదిలేసిన ఆటగాళ్లుగ్లెన్‌ ఫిలిప్స్‌రాహుల్‌ త్రిపాఠిఎయిడెన్‌ మార్క్రమ్‌మయాంక్‌ అగర్వాల్‌అబ్దుల్‌ సమద్‌అన్మోల్‌ప్రీత్‌ సింగ్‌వాషింగ్టన్‌ సుందర్‌షాబాజ్‌ అహ్మద్‌సన్వీర్‌ సింగ్‌మార్కో జన్సెన్‌ఉపేంద్ర యాదవ్‌జయదేవ్‌ ఉనద్కత్‌టి నటరాజన్‌జఠావేద్‌ సుబ్రమణ్యన్‌మయాంక్‌ మార్కండేభువనేశ్వర్‌ కుమార్‌ఫజల్‌ హక్‌ ఫారూఖీఆకాశ్‌ మహారాజ్‌ సింగ్‌ఉమ్రాన్‌ మాలిక్‌విజయ్‌కాంత్‌ వియాస్‌కాంత్‌వేలం కోసం మిగిలిన మొత్తం: రూ. 45 కోట్లు ఆర్టీఎమ్‌ అవకాశం: ఒక అన్‌క్యాప్డ్‌ ప్లేయర్‌ను తీసుకోవచ్చులక్నో సూపర్‌ జెయింట్స్‌ అట్టిపెట్టుకున్న ఆటగాళ్లునికోలస్‌ పూరన్‌- రూ. 21 కోట్లురవి బిష్ణోయ్‌- రూ. 11 కోట్లుమయాంక్‌ యాదవ్‌- రూ. 11 కోట్లుమొహిసన్‌ ఖాన్‌- రూ. 4 కోట్లుఆయుశ్‌ బదోని- రూ. 4 కోట్లులక్నో సూపర్‌ జెయింట్స్‌ వదిలేసిన ఆటగాళ్లుప్రేరక్‌ మన్కడ్‌దేవ్‌దత్‌ పడిక్కల్‌కైల్‌ మేయర్స్‌కృనాల్‌ పాండ్యామార్కస్‌ స్టోయినిస్‌అర్షిన్‌ కులకర్ణిదీపక్‌ హుడాఆస్టన్‌ అగర్‌కృష్ణప్ప గౌతమ్‌క్వింటన్‌ డికాక్‌కేఎల్‌ రాహుల్‌ (కెప్టెన్‌)మణిమారన్‌ సిద్దార్థ్‌యుద్ద్‌వీర్‌సింగ్‌ చరక్‌నవీన్‌ ఉల్‌ హక్‌యశ్‌ ఠాకూర్‌షమార్‌ జోసఫ్‌అమిత్‌ మిశ్రాఅర్షద్‌ ఖాన్‌మ్యాట్‌ హెన్రీవేలం కోసం మిగిలిన మొత్తం: రూ. 69 కోట్లు ఆర్టీఎమ్‌ అవకాశం లేదు: ఒక క్యాప్‌డ్‌ ప్లేయర్‌ను తీసుకోవచ్చుకోల్‌కతా నైట్‌రైడర్స్‌ ఆట్టిపెట్టుకున్న ఆటగాళ్లురింకూ సింగ్‌- రూ. 13 కోట్లువరుణ్‌ చక్రవర్తి- రూ. 12 కోట్లుసునీల్‌ నరైన్‌- రూ. 12 కోట్లుఆండ్రీ రసెల్‌- రూ. 12 కోట్లుహర్షిత్‌ రాణా- రూ. 4 కోట్లురమన్‌దీప్‌ సింగ్‌- రూ. 4 కోట్లుకోల్‌కతా నైట్‌రైడర్స్‌ వదిలేసిన ఆటగాళ్లుమనీశ్‌ పాండేనితీశ్‌ రాణాశ్రేయస్‌ అయ్యర్‌ (కెప్టెన్‌)సకీబ్‌ హుసేన్‌షెర్ఫాన్‌ రూథర్‌ఫోర్డ్‌వెంకటేశ్‌ అయ్యర్‌అనుకుల్‌ రాయ్‌అంగ్‌క్రిష్‌ రఘువంశీరహ్మానుల్లా గుర్భాజ్‌శ్రీకర్‌ భరత్‌వైభవ్‌ అరోరాసుయాశ్‌ శర్మచేతన్‌ సకారియామిచెల్‌ స్టార్క్‌దుష్మంత చమీరాఅల్లా ఘజన్‌ఫర్‌వేలం కోసం మిగిలిన మొత్తం: రూ. 51 కోట్లు ఆర్టీఎమ్‌ అవకాశం లేదుఢిల్లీ క్యాపిటల్స్‌ అట్టిపెట్టుకున్న ఆటగాళ్లుఅక్షర్‌ పటేల్‌- రూ. 16.5 కోట్లుకుల్దీప్‌ యాదవ్‌- రూ. 13.25 కోట్లుట్రిస్టన్‌ స్టబ్స్‌- రూ. 10 కోట్లుఅభిషేక్‌ పోరెల్‌- రూ. 4 కోట్లుఢిల్లీ క్యాపిటల్స్‌ వదిలేసిన ఆటగాళ్లురికీ భుయ్‌యశ్‌ ధుల్‌డేవిడ్‌ వార్నర్‌పృథ్వీ షాజేక్‌ ఫ్రేసర్‌ మెక్‌గుర్క్‌స్వస్తిక్‌ చికారలలిత్‌ యాదవ్‌సుమిత్‌ కుమార్‌గుల్బదిన్‌ నైబ్‌షాయ్‌ హోప్‌కుమార్‌ కుషాగ్రారిషబ్‌ పంత్‌ (కెప్టెన్‌)ఇషాంత్‌ శర్మజై రిచర్డ్‌సన్‌రసిఖ్‌ దార్‌ సలామ్‌విక్కీ ఓస్త్వాల్‌ఖలీల్‌ అహ్మద్‌ముకేశ్‌ కుమార్‌అన్రిచ్‌ నోర్జేప్రవీణ్‌ దూబేలిజాడ్‌ విలియమ్స్‌వేలం కోసం మిగిలిన మొత్తం: రూ. 73 కోట్లు ఆర్టీఎమ్‌ అవకాశం: ఇద్దరు క్యాప్డ్‌ ప్లేయర్లను తీసుకోవచ్చురాయల్‌ ఛాలెంజర్స్‌ బెంగళూరు ఆట్టిపెట్టుకున్న ఆటగాళ్లువిరాట్‌ కోహ్లి- రూ. 21 కోట్లురజత్‌ పాటిదార్‌- రూ. 11 కోట్లుయశ్‌ దయాల్‌- రూ. 5 కోట్లురాయల్‌ ఛాలెంజర్స్‌ బెంగళూరు వదిలేసిన ఆటగాళ్లుసుయాశ్‌ ప్రభుదేశాయ్‌ఫాఫ్‌ డుప్లెసిస్‌ (కెప్టెన్‌)గ్లెన్‌ మ్యాక్స్‌వెల్‌కెమరూన్‌ గ్రీన్‌మహిపాల్‌ లోమ్రార్‌మనోజ్‌ భండగేసౌరవ్‌ చౌహాన్‌స్వప్నిల్‌ సింగ్‌టామ్‌ కర్రన్‌అనూజ్‌ రావత్‌కర్ణ్‌ శర్మవిజయ్‌కుమార్‌ వైశాఖ్‌అల్జరీ జోసఫ్‌రాజన్‌ కుమార్‌మయాంక్‌ డాగర్‌లోకీ ఫెర్గూసన్‌మొహమ్మద్‌ సిరాజ్‌హిమాన్షు శర్మఆకాశ్‌దీప్‌వేలం కోసం మిగిలిన మొత్తం: రూ. 83 కోట్లు ఆర్టీఎమ్‌ అవకాశం: ముగ్గురు క్యాప్‌డ్‌ ప్లేయర్లను తీసుకోవచ్చుచెన్నై సూపర్‌ కింగ్స్‌ అట్టిపెట్టుకున్న ఆటగాళ్లురుతురాజ్‌ గైక్వాడ్‌- రూ. 18 కోట్లుమతీశ పతిరణ- రూ. 13 కోట్లుశివమ్‌ దూబే- రూ. 12 కోట్లురవీంద్ర జడేజా- రూ. 18 కోట్లుఎంఎస్‌ ధోని- రూ. 4 కోట్లుచెన్నై సూపర్‌ కింగ్స్‌ వదిలేసిన ఆటగాళ్లుఅజింక్య రహానేషేక్‌ రషీద్‌సమీర్‌ రిజ్విడారిల్‌ మిచెల్‌డెవాన్‌ కాన్వేరచిన్‌ రవీంద్రనిషాంత్‌ సంధుమిచెల్‌ సాంట్నర్‌అరవెల్లి అవనీశ్‌అజయ్‌ జాదవ్‌ మండల్‌హంగేర్కర్‌ముకేశ్‌ చౌదరీప్రశాంత్‌ సోలంకిశార్దూల్‌ ఠాకూర్‌సిమ్రన్‌జీత్‌ సింగ్‌తుషార్‌ దేశ్‌పాండేమహీశ్‌ తీక్షణరిచర్డ్‌ గ్లీసన్‌దీపక్‌ చాహర్‌వేలం కోసం మిగిలిన మొత్తం: రూ. 55 కోట్లు ఆర్టీఎమ్‌ అవకాశం: ఒక అన్‌క్యాప్డ్‌ ప్లేయర్‌ను తీసుకోవచ్చుముంబై ఇండియన్స్‌ అట్టిపెట్టుకున్న ఆటగాళ్లుజస్ప్రీత్‌ బుమ్రా- రూ. 18 కోట్లుసూర్యకుమార్‌ యాదవ్‌- రూ. 16.35 కోట్లుహార్దిక్‌ పాండ్యా- రూ. 16.35 కోట్లురోహిత్‌ శర్మ- రూ. 16.30 కోట్లుతిలక్‌ వర్మ- రూ. 8 కోట్లుముంబై ఇండియన్స్‌ వదిలేసిన ఆటగాళ్లుటిమ్‌ డేవిడ్‌డెవాల్డ్‌ బ్రెవిస్‌నేహల్‌ వధేరానమన్‌ ధిర్‌శివాలిక్‌ శర్మషమ్స్‌ ములానీశ్రేయస్‌ గోపాల్‌రొమారియో షెపర్డ్‌కుమార్‌ కార్తీకేయమొహమ్మద్‌ నబీఅర్జున్‌ టెండూల్కర్‌ఇషాన్‌ కిషన్‌హార్విక్‌ దేశాయ్‌పియూశ్‌ చావ్లాఅన్షుల్‌ కంబోజ్‌గెరాల్డ్‌ కొయెట్జీఆకాశ్‌ మధ్వాల్‌నువాన్‌ తుషారక్వేనా మపాకాలూక్‌ వుడ్‌వేలం కోసం మిగిలిన మొత్తం: రూ. 45 కోట్లు ఆర్టీఎమ్‌ అవకాశం: ఒక అన్‌క్యాప్డ్‌ ప్లేయర్‌ను తీసుకోవచ్చుగుజరాత్‌ టైటాన్స్‌ అట్టిపెట్టుకున్న ఆటగాళ్లురషీద్‌ ఖాన్‌- రూ. 18 కోట్లుశుభ్‌మన్‌ గిల్‌- రూ. 16.5 కోట్లుసాయి సుదర్శన్‌- రూ. 8.5 కోట్లురాహుల్‌ తెవాతియా- రూ. 4 కోట్లుషారుఖ్‌ ఖాన్‌- రూ. 4 కోట్లుగుజరాత్‌ టైటాన్స్‌ వదిలేసిన ఆటగాళ్లుడేవిడ్‌ మిల్లర్‌కేన్‌ విలియమ్సన్‌అభినవ్‌ మనోహర్‌విజయ్‌ శంకర్‌అజ్మతుల్లా ఒమర్‌జాయ్‌వృద్దిమాన్‌ సాహామాథ్యూ వేడ్‌శరత్‌ బీఆర్‌కార్తీక్‌ త్యాగినూర్‌ అహ్మద్‌రవిశ్రీనివాసన్‌ సాయి కిషోర్‌జాషువ లిటిల్‌స్పెన్సర్‌ జాన్సన్‌మొహిత్‌ శర్మదర్శన్‌ నల్కండేజయంత్‌ యాదవ్‌ఉమేశ్‌ యాదవ్‌సందీప్‌ వారియర్‌మారవ్‌ సుతార్‌గుర్నూర్‌ బ్రార్‌పర్సులో మిగిలిన మొత్తం: రూ. 69 కోట్లు ఆర్టీఎమ్‌ అవకాశం: ఒక క్యాప్‌డ్‌ ప్లేయర్‌ను తీసుకోవచ్చురాజస్థాన్‌ రాయల్స్‌ అట్టిపెట్టుకున్న ఆటగాళ్లు..సంజూ శాంసన్‌- రూ. 18 కోట్లుయశస్వి జైస్వాల్‌- రూ. 18 కోట్లురియాన్‌ పరాగ్‌- రూ. 14 కోట్లుదృవ్‌ జురెల్‌- రూ. 14 కోట్లుషిమ్రోన్‌ హెట్‌మైర్‌- రూ. 11 కోట్లుసందీప్‌ శర్మ- రూ. 4 కోట్లురాజస్థాన్‌ రాయల్స్‌ వదిలేసిన ఆటగాళ్లు..రోవ్‌మన్‌ పొవెల్‌శుభమ్‌ దూబేతనుశ్‌ కోటియన్‌రవిచంద్రన్‌ అశ్విన్‌డొనొవన్‌ ఫెరియెరాకునాల్‌ సింగ్‌ రాథోర్‌టామ్‌ కొహ్లెర్‌-కాడ్‌మోర్‌ఆవేశ్‌ ఖాన్‌ట్రెంట్‌ బౌల్ట్‌నవ్‌దీప్‌ సైనీనండ్రే బర్గర్‌యుజ్వేంద్ర చహల్‌కుల్దీప్‌ సేన్‌ ఆబిద్‌ ముస్తాక్‌కేశవ్‌ మహారాజ్‌వేలం కోసం మిగిలిన మొత్తం: రూ. 83 కోట్లు ఆర్టీఎమ్‌ అవకాశం: ముగ్గురు క్యాప్‌డ్‌ ప్లేయర్లను తీసుకోవచ్చు

ఐపీఎల్‌ 2025 సీజన్‌కు సంబంధించిన రిటెన్షన్స్‌ జాబితాను నిన్న (అక్టోబర్‌ 31) విడుదల చేశారు. ఏ ఫ్రాంచైజీ ఏ ఆటగాడిని అట్టిపెట్టుకుంది.. ఏ ఆటగాడికి వేలానికి వదిలేసిందన్న విషయం నిన్నటితో తేలిపోయింది. ఫ్రాంచైజీలు అట్టిపెట్టుకున్న ఆటగాళ్లలో పలువురు జాక్‌పాట్‌ కొట్టారు. బేస్‌ ధర నుంచి ఏకంగా కోట్లకు పడగలెత్తారు. రిటెన్షన్స్‌లో అందరి కంటే ఎక్కువ లబ్ది పొందింది రాజస్థాన్‌ రాయల్స్‌ ఆటగాడు ధృవ్‌ జురెల్‌. ఈ వికెట్‌కీపర్‌ కమ్‌ బ్యాటర్‌ను రాయల్స్‌ 20 లక్షల నుంచి 14 కోట్లకు సొంతం చేసుకుంది. జురెల్‌ తర్వాత సీఎస్‌కే పతిరణ, కేకేఆర్‌ రింకూ సింగ్‌ అత్యధికంగా లబ్ది పొందారు. పతిరణ 20 లక్షల నుంచి 13 కోట్లకు.. రింకూ సింగ్‌ 55 లక్షల నుంచి 13 కోట్లకు రిటైన్‌ చేసుకోబడ్డారు. వీరి తర్వాత రజత్‌ పాటిదార్‌, మయాంక్‌ యాదవ్‌ 20 లక్షల బేస్‌ ధర నుంచి 11 కోట్లకు రిటైన్‌ చేసుకోబడ్డారు. ఓవరాల్‌గా చూస్తే రిటెన్షన్స్‌ అనంతరం అత్యధికంగా లబ్ది పొందిన ఆటగాడిగా హెన్రిచ్‌ క్లాసెన్‌ నిలిచాడు. క్లాసెన్‌కు గత సీజన్‌ శాలరీ 5.25 కోట్లు కాగా.. ఎస్‌ఆర్‌హెచ్‌ ఈసారి అతన్ని ఏకంగా 23 కోట్లకు సొంతం చేసుకుంది. అంటే క్లాసెన్‌ శాలరీ ఏకంగా 17.75 కోట్లు పెరిగింది.రిటెన్షన్స్‌లో అత్యధికంగా లబ్ది పొందిన ఆటగాళ్లు వీరే..!హెన్రిచ్‌ క్లాసెన్‌ 5.25 కోట్ల నుంచి 23 కోట్లుధృవ్‌ జురెల్‌ 20 లక్షల నుంచి 14 కోట్లుమతిశ పతిరణ 20 లక్షల నుంచి 13 కోట్లురింకూ సింగ్‌ 55 లక్షల నుంచి 13 కోట్లురజత్‌ పాటిదార్‌ 20 లక్షల నుంచి 11 కోట్లుమయాంక్‌ యాదవ్‌ 20 లక్షల నుంచి 11 కోట్లుసాయి సుదర్శన్‌ 20 లక్షలు నుంచి 8.5 కోట్లునితీశ్‌ కుమార్‌ రెడ్డి 20 లక్షల నుంచి 6 కోట్లుశశాంక్‌ సింగ్‌ 20 లక్షల నుంచి 5.5 కోట్లు

ఐపీఎల్‌ 2025 సీజన్‌కు సంబంధించిన రిటెన్షన్స్‌ జాబితాను నిన్న (అక్టోబర్‌ 31) విడుదల చేసిన విషయం తెలిసిందే. ఏ ఫ్రాంచైజీ ఏ ఆటగాడిని అట్టిపెట్టుకుంది.. ఏ ఆటగాడికి వేలానికి వదిలేసిందన్న విషయం నిన్నటితో తేలిపోయింది. రిటెన్షన్స్‌లో కొన్ని ఫ్రాంచైజీలు తప్పనిసరి పరిస్థితుల్లో కొందరు స్టార్‌ ఆటగాళ్లను వదులుకున్నాయి. రిటెన్షన్స్‌ అనంతరం ఫ్రాంచైజీలు వదులుకున్న ఆటగాళ్ల పూర్తి జాబితా ఇదే.పంజాబ్‌ కింగ్స్‌ అట్టిపెట్టుకున్న ఆటగాళ్లుశశాంక్‌ సింగ్‌- రూ. 5.5 కోట్లుప్రభ్‌మన్‌సిమ్రన్‌ సింగ్‌- రూ. 4 కోట్లుపంజాబ్‌ కింగ్స్‌ వదిలేసిన ఆటగాళ్లుశిఖర్‌ ధవన్‌ (కెప్టెన్‌)రిలీ రొస్సోహర్ప్రీత్‌ సింగ్‌ భాటియాశివమ్‌ సింగ్‌అధర్వ తైడేఅశుతోష్‌ శర్మవిశ్వనాథ్‌ సింగ్‌సికందర్‌ రజాసామ్‌ కర్రన్‌క్రిస్‌ వోక్స్‌రిషి ధవన్‌తనయ్‌ త్యాగరాజన్‌జానీ బెయిర్‌స్టోజితేశ్‌ శర్మరాహుల్‌ చాహర్‌విధ్వత్‌ కావేరప్పహర్షల్‌ పటేల్‌నాథన్‌ ఎల్లిస్‌అర్షదీప్‌ సింగ్‌ప్రిన్స్‌ చౌదరీహర్ప్రీత్‌ బ్రార్‌సన్‌రైజర్స్‌ హైదరాబాద్‌ అట్టిపెట్టుకున్న ఆటగాళ్లుపాట్‌ కమిన్స్‌- రూ. 18 కోట్లుఅభిషేక్‌ శర్మ- రూ. 14 కోట్లునితీశ్‌కుమార్‌ రెడ్డి- రూ. 6 కోట్లుహెన్రిచ్‌ క్లాసెన్‌- రూ. 23 కోట్లుట్రవిస్‌ హెడ్‌- రూ. 14 కోట్లుసన్‌రైజర్స్‌ హైదరాబాద్‌ వదిలేసిన ఆటగాళ్లుగ్లెన్‌ ఫిలిప్స్‌రాహుల్‌ త్రిపాఠిఎయిడెన్‌ మార్క్రమ్‌మయాంక్‌ అగర్వాల్‌అబ్దుల్‌ సమద్‌అన్మోల్‌ప్రీత్‌ సింగ్‌వాషింగ్టన్‌ సుందర్‌షాబాజ్‌ అహ్మద్‌సన్వీర్‌ సింగ్‌మార్కో జన్సెన్‌ఉపేంద్ర యాదవ్‌జయదేవ్‌ ఉనద్కత్‌టి నటరాజన్‌జఠావేద్‌ సుబ్రమణ్యన్‌మయాంక్‌ మార్కండేభువనేశ్వర్‌ కుమార్‌ఫజల్‌ హక్‌ ఫారూఖీఆకాశ్‌ మహారాజ్‌ సింగ్‌ఉమ్రాన్‌ మాలిక్‌విజయ్‌కాంత్‌ వియాస్‌కాంత్‌లక్నో సూపర్‌ జెయింట్స్‌ అట్టిపెట్టుకున్న ఆటగాళ్లునికోలస్‌ పూరన్‌- రూ. 21 కోట్లురవి బిష్ణోయ్‌- రూ. 11 కోట్లుమయాంక్‌ యాదవ్‌- రూ. 11 కోట్లుమొహిసన్‌ ఖాన్‌- రూ. 4 కోట్లుఆయుశ్‌ బదోని- రూ. 4 కోట్లులక్నో సూపర్‌ జెయింట్స్‌ వదిలేసిన ఆటగాళ్లుప్రేరక్‌ మన్కడ్‌దేవ్‌దత్‌ పడిక్కల్‌కైల్‌ మేయర్స్‌కృనాల్‌ పాండ్యామార్కస్‌ స్టోయినిస్‌అర్షిన్‌ కులకర్ణిదీపక్‌ హుడాఆస్టన్‌ అగర్‌కృష్ణప్ప గౌతమ్‌క్వింటన్‌ డికాక్‌కేఎల్‌ రాహుల్‌ (కెప్టెన్‌)మణిమారన్‌ సిద్దార్థ్‌యుద్ద్‌వీర్‌సింగ్‌ చరక్‌నవీన్‌ ఉల్‌ హక్‌యశ్‌ ఠాకూర్‌షమార్‌ జోసఫ్‌అమిత్‌ మిశ్రాఅర్షద్‌ ఖాన్‌మ్యాట్‌ హెన్రీకోల్‌కతా నైట్‌రైడర్స్‌ ఆట్టిపెట్టుకున్న ఆటగాళ్లురింకూ సింగ్‌- రూ. 13 కోట్లువరుణ్‌ చక్రవర్తి- రూ. 12 కోట్లుసునీల్‌ నరైన్‌- రూ. 12 కోట్లుఆండ్రీ రసెల్‌- రూ. 12 కోట్లుహర్షిత్‌ రాణా- రూ. 4 కోట్లురమన్‌దీప్‌ సింగ్‌- రూ. 4 కోట్లుకోల్‌కతా నైట్‌రైడర్స్‌ వదిలేసిన ఆటగాళ్లుమనీశ్‌ పాండేనితీశ్‌ రాణాశ్రేయస్‌ అయ్యర్‌ (కెప్టెన్‌)సకీబ్‌ హుసేన్‌షెర్ఫాన్‌ రూథర్‌ఫోర్డ్‌వెంకటేశ్‌ అయ్యర్‌అనుకుల్‌ రాయ్‌అంగ్‌క్రిష్‌ రఘువంశీరహ్మానుల్లా గుర్భాజ్‌శ్రీకర్‌ భరత్‌వైభవ్‌ అరోరాసుయాశ్‌ శర్మచేతన్‌ సకారియామిచెల్‌ స్టార్క్‌దుష్మంత చమీరాఅల్లా ఘజన్‌ఫర్‌ఢిల్లీ క్యాపిటల్స్‌ అట్టిపెట్టుకున్న ఆటగాళ్లుఅక్షర్‌ పటేల్‌- రూ. 16.5 కోట్లుకుల్దీప్‌ యాదవ్‌- రూ. 13.25 కోట్లుట్రిస్టన్‌ స్టబ్స్‌- రూ. 10 కోట్లుఅభిషేక్‌ పోరెల్‌- రూ. 4 కోట్లుఢిల్లీ క్యాపిటల్స్‌ వదిలేసిన ఆటగాళ్లురికీ భుయ్‌యశ్‌ ధుల్‌డేవిడ్‌ వార్నర్‌పృథ్వీ షాజేక్‌ ఫ్రేసర్‌ మెక్‌గుర్క్‌స్వస్తిక్‌ చికారలలిత్‌ యాదవ్‌సుమిత్‌ కుమార్‌గుల్బదిన్‌ నైబ్‌షాయ్‌ హోప్‌కుమార్‌ కుషాగ్రారిషబ్‌ పంత్‌ (కెప్టెన్‌)ఇషాంత్‌ శర్మజై రిచర్డ్‌సన్‌రసిఖ్‌ దార్‌ సలామ్‌విక్కీ ఓస్త్వాల్‌ఖలీల్‌ అహ్మద్‌ముకేశ్‌ కుమార్‌అన్రిచ్‌ నోర్జేప్రవీణ్‌ దూబేలిజాడ్‌ విలియమ్స్‌రాయల్‌ ఛాలెంజర్స్‌ బెంగళూరు ఆట్టిపెట్టుకున్న ఆటగాళ్లువిరాట్‌ కోహ్లి- రూ. 21 కోట్లురజత్‌ పాటిదార్‌- రూ. 11 కోట్లుయశ్‌ దయాల్‌- రూ. 5 కోట్లురాయల్‌ ఛాలెంజర్స్‌ బెంగళూరు వదిలేసిన ఆటగాళ్లుసుయాశ్‌ ప్రభుదేశాయ్‌ఫాఫ్‌ డుప్లెసిస్‌ (కెప్టెన్‌)గ్లెన్‌ మ్యాక్స్‌వెల్‌కెమరూన్‌ గ్రీన్‌మహిపాల్‌ లోమ్రార్‌మనోజ్‌ భండగేసౌరవ్‌ చౌహాన్‌స్వప్నిల్‌ సింగ్‌టామ్‌ కర్రన్‌అనూజ్‌ రావత్‌కర్ణ్‌ శర్మవిజయ్‌కుమార్‌ వైశాఖ్‌అల్జరీ జోసఫ్‌రాజన్‌ కుమార్‌మయాంక్‌ డాగర్‌లోకీ ఫెర్గూసన్‌మొహమ్మద్‌ సిరాజ్‌హిమాన్షు శర్మఆకాశ్‌దీప్‌చెన్నై సూపర్‌ కింగ్స్‌ అట్టిపెట్టుకున్న ఆటగాళ్లురుతురాజ్‌ గైక్వాడ్‌- రూ. 18 కోట్లుమతీశ పతిరణ- రూ. 13 కోట్లుశివమ్‌ దూబే- రూ. 12 కోట్లురవీంద్ర జడేజా- రూ. 18 కోట్లుఎంఎస్‌ ధోని- రూ. 4 కోట్లుచెన్నై సూపర్‌ కింగ్స్‌ వదిలేసిన ఆటగాళ్లుఅజింక్య రహానేషేక్‌ రషీద్‌సమీర్‌ రిజ్విడారిల్‌ మిచెల్‌డెవాన్‌ కాన్వేరచిన్‌ రవీంద్రనిషాంత్‌ సంధుమిచెల్‌ సాంట్నర్‌అరవెల్లి అవనీశ్‌అజయ్‌ జాదవ్‌ మండల్‌హంగేర్కర్‌ముకేశ్‌ చౌదరీప్రశాంత్‌ సోలంకిశార్దూల్‌ ఠాకూర్‌సిమ్రన్‌జీత్‌ సింగ్‌తుషార్‌ దేశ్‌పాండేమహీశ్‌ తీక్షణరిచర్డ్‌ గ్లీసన్‌దీపక్‌ చాహర్‌ముంబై ఇండియన్స్‌ అట్టిపెట్టుకున్న ఆటగాళ్లుజస్ప్రీత్‌ బుమ్రా- రూ. 18 కోట్లుసూర్యకుమార్‌ యాదవ్‌- రూ. 16.35 కోట్లుహార్దిక్‌ పాండ్యా- రూ. 16.35 కోట్లురోహిత్‌ శర్మ- రూ. 16.30 కోట్లుతిలక్‌ వర్మ- రూ. 8 కోట్లుముంబై ఇండియన్స్‌ వదిలేసిన ఆటగాళ్లుటిమ్‌ డేవిడ్‌డెవాల్డ్‌ బ్రెవిస్‌నేహల్‌ వధేరానమన్‌ ధిర్‌శివాలిక్‌ శర్మషమ్స్‌ ములానీశ్రేయస్‌ గోపాల్‌రొమారియో షెపర్డ్‌కుమార్‌ కార్తీకేయమొహమ్మద్‌ నబీఅర్జున్‌ టెండూల్కర్‌ఇషాన్‌ కిషన్‌హార్విక్‌ దేశాయ్‌పియూశ్‌ చావ్లాఅన్షుల్‌ కంబోజ్‌గెరాల్డ్‌ కొయెట్జీఆకాశ్‌ మధ్వాల్‌నువాన్‌ తుషారక్వేనా మపాకాలూక్‌ వుడ్‌గుజరాత్‌ టైటాన్స్‌ అట్టిపెట్టుకున్న ఆటగాళ్లురషీద్‌ ఖాన్‌- రూ. 18 కోట్లుశుభ్‌మన్‌ గిల్‌- రూ. 16.5 కోట్లుసాయి సుదర్శన్‌- రూ. 8.5 కోట్లురాహుల్‌ తెవాతియా- రూ. 4 కోట్లుషారుఖ్‌ ఖాన్‌- రూ. 4 కోట్లుగుజరాత్‌ టైటాన్స్‌ వదిలేసిన ఆటగాళ్లుడేవిడ్‌ మిల్లర్‌కేన్‌ విలియమ్సన్‌అభినవ్‌ మనోహర్‌విజయ్‌ శంకర్‌అజ్మతుల్లా ఒమర్‌జాయ్‌వృద్దిమాన్‌ సాహామాథ్యూ వేడ్‌శరత్‌ బీఆర్‌కార్తీక్‌ త్యాగినూర్‌ అహ్మద్‌రవిశ్రీనివాసన్‌ సాయి కిషోర్‌జాషువ లిటిల్‌స్పెన్సర్‌ జాన్సన్‌మొహిత్‌ శర్మదర్శన్‌ నల్కండేజయంత్‌ యాదవ్‌ఉమేశ్‌ యాదవ్‌సందీప్‌ వారియర్‌మారవ్‌ సుతార్‌గుర్నూర్‌ బ్రార్‌రాజస్థాన్‌ రాయల్స్‌ అట్టిపెట్టుకున్న ఆటగాళ్లు..సంజూ శాంసన్‌- రూ. 18 కోట్లుయశస్వి జైస్వాల్‌- రూ. 18 కోట్లురియాన్‌ పరాగ్‌- రూ. 14 కోట్లుదృవ్‌ జురెల్‌- రూ. 14 కోట్లుషిమ్రోన్‌ హెట్‌మైర్‌- రూ. 11 కోట్లుసందీప్‌ శర్మ- రూ. 4 కోట్లురాజస్థాన్‌ రాయల్స్‌ వదిలేసిన ఆటగాళ్లు..రోవ్‌మన్‌ పొవెల్‌శుభమ్‌ దూబేతనుశ్‌ కోటియన్‌రవిచంద్రన్‌ అశ్విన్‌డొనొవన్‌ ఫెరియెరాకునాల్‌ సింగ్‌ రాథోర్‌టామ్‌ కొహ్లెర్‌-కాడ్‌మోర్‌ఆవేశ్‌ ఖాన్‌ట్రెంట్‌ బౌల్ట్‌నవ్‌దీప్‌ సైనీనండ్రే బర్గర్‌యుజ్వేంద్ర చహల్‌కుల్దీప్‌ సేన్‌ ఆబిద్‌ ముస్తాక్‌కేశవ్‌ మహారాజ్‌

ఐపీఎల్‌ 2025 సీజన్‌కు సంబంధించిన రిటెన్షన్స్‌ జాబితాను నిన్న (అక్టోబర్‌ 31) విడుదల చేసిన విషయం తెలిసిందే. ఏ ఫ్రాంచైజీ ఏ ఆటగాడిని అట్టిపెట్టుకుంది.. ఏ ఆటగాడికి వేలానికి వదిలేసిందన్న విషయం నిన్నటితో తేలిపోయింది. రిటెన్షన్స్‌లో కొన్ని ఫ్రాంచైజీలు తప్పనిసరి పరిస్థితుల్లో కొందరు స్టార్‌ ఆటగాళ్లను వదిలేసుకున్నాయి. ఫ్రాంచైజీలు వదిలేసిన అనంతరం వేలానికి రానున్న స్టార్‌ ఆటగాళ్లు వీరే.రిలీ రొస్సో సామ్‌ కర్రన్‌ జానీ బెయిర్‌స్టో గ్లెన్‌ ఫిలిప్స్‌ఎయిడెన్‌ మార్క్రమ్‌మార్కస్‌ స్టోయినిస్‌కేఎల్‌ రాహుల్‌ (కెప్టెన్‌)శిఖర్‌ ధవన్‌ (కెప్టెన్‌)క్వింటన్‌ డికాక్‌శ్రేయస్‌ అయ్యర్‌ (కెప్టెన్‌)మిచెల్‌ స్టార్క్‌రిషబ్‌ పంత్‌ (కెప్టెన్‌)డేవిడ్‌ వార్నర్‌జేక్‌ ఫ్రేసర్‌ మెక్‌గుర్క్‌ఫాఫ్‌ డుప్లెసిస్‌ (కెప్టెన్‌)గ్లెన్‌ మ్యాక్స్‌వెల్‌కెమరూన్‌ గ్రీన్‌డెవాన్‌ కాన్వేరచిన్‌ రవీంద్రటిమ్‌ డేవిడ్‌డెవాల్డ్‌ బ్రెవిస్‌ఇషాన్‌ కిషన్‌డేవిడ్‌ మిల్లర్‌కేన్‌ విలియమ్సన్‌జోస్‌ బట్లర్‌ట్రెంట్‌ బౌల్ట్‌రవిచంద్రన్‌ అశ్విన్‌యుజ్వేంద్ర చహల్‌చదవండి: ఐపీఎల్‌ 2025 రిటెన్షన్‌ జాబితా విడుదల

ఐపీఎల్‌ 2025 సీజన్‌కు సంబంధించిన రిటెన్షన్స్‌ జాబితాను నిన్న (అక్టోబర్‌ 31) విడుదల చేసిన విషయం తెలిసిందే. ఏ ఫ్రాంచైజీ ఏ ఆటగాడిని అట్టిపెట్టుకుంది.. ఏ ఆటగాడికి వేలానికి వదిలేసిందన్న విషయం నిన్నటితో తేలిపోయింది. ఈ నేపథ్యంలో ఏ ఫ్రాంచైజీ దగ్గర ఎంత పర్స్‌ బ్యాలెన్స్‌ మిగిలిందన్న విషయం ప్రస్తుతం చర్చనీయాంశంగా మారింది.రిటెన్షన్స్‌లో అతి తక్కువ ఖర్చు చేసింది పంజాబ్‌ కింగ్స్‌ ఫ్రాంచైజీ. టోటల్‌ పర్స్‌ వాల్యూ 120 కోట్లైతే ఈ ఫ్రాంచైజీ కేవలం 9.5 కోట్లు మాత్రమే ఖర్చు చేసి ఇద్దరు ఆటగాళ్లను అట్టిపెట్టుకుంది. పంజాబ్‌ కింగ్స్‌ శశాంక్‌ సింగ్‌ను 5.5 కోట్లకు, ప్రభ్‌మన్‌సిమ్రన్‌ సింగ్‌ను 4 కోట్లకు రిటైన్‌ చేసుకుని మిగతా ఆటగాళ్లందరినీ వేలానికి వదిలేసింది. ఇప్పుడు ఈ ఫ్రాంచైజీ దగ్గర ఇంకా 110.5 కోట్లు బ్యాలెన్స్‌ ఉంది. వేలంలో పాల్గొనే ఫ్రాంచైజీల్లో ఏ ఫ్రాంచైజీ దగ్గర ఇంత మొత్తం లేదు. కాబట్టి పంజాబ్‌ కింగ్స్‌ వేలంలో భారీ కొనుగోళ్లు జరిపే అవకాశం ఉంది.పంజాబ్‌ కింగ్స్‌ తర్వాత అత్యధిక పర్స్‌ బ్యాలెన్స్‌ ఆర్సీబీ దగ్గర ఉంది. ఆర్సీబీ రిటెన్షన్స్‌లో 37 కోట్లు ఖర్చు చేసి ఇంకా 83 కోట్ల పర్స్‌ బ్యాలెన్స్‌ కలిగి ఉంది. ఆర్సీబీ రిటెన్షన్స్‌లో భాగంగా విరాట్‌ కోహ్లికి 21 కోట్లు, రజత్‌ పాటిదార్‌కు 11 కోట్లు, యశ్‌ దయాల్‌కు 5 కోట్లు ఖర్చు చేసింది. పంజాబ్‌, ఆర్సీబీ తర్వాత అత్యధిక పర్స్‌ బ్యాలెన్స్‌ ఢిల్లీ క్యాపిటల్స్‌ వద్ద ఉంది. ఈ ఫ్రాంచైజీ దగ్గర ఇంకా 73 కోట్ల బ్యాలెన్స్‌ ఉంది.పంజాబ్‌, ఆర్సీబీ, ఢిల్లీ తర్వాత ఎల్‌ఎస్‌జీ, గుజరాత్‌, సీఎస్‌కే, కేకేఆర్‌, ఎస్‌ఆర్‌హెచ్‌, ముంబై ఇండియన్స్‌, రాజస్థాన్‌ రాయల్స్‌ వద్ద వరుసగా 69 కోట్లు, 69, 55, 51, 45, 45, 41 కోట్ల బ్యాలెన్స్‌ ఉంది. అన్ని ఫ్రాంచైజీల దగ్గర భారీ మొత్తం మిగిలి ఉండటంతో ఈ సారి వేలం ఆసక్తికరంగా మారనుంది. రిటెన్షన్స్‌లో చాలా ఫ్రాంచైజీలు స్టార్‌ ఆటగాళ్లను వదిలి పెట్టడంతో సదరు స్టార్‌ ఆటగాళ్ల కోసం​ వేలంలో ఫ్రాంచైజీలు ఎగబడే అవకాశం ఉంది. చదవండి: ఐపీఎల్‌ 2025 రిటెన్షన్‌ జాబితా విడుదల

ఐపీఎల్‌ 2025 సీజన్‌కు సంబంధించి రిటెన్షన్స్‌ జాబితాను ఇవాళ (అక్టోబర్‌ 31) విడుదల చేశారు. మెజార్టీ శాతం ఫ్రాంచైజీలు ఊహించిన విధంగానే ఆటగాళ్లను అట్టిపెట్టుకున్నాయి. కొన్ని ఫ్రాంచైజీలు మాత్రం కెప్టెన్లను వదిలేసి పెద్ద సాహసం చేశాయి.సన్‌రైజర్స్‌ హైదరాబాద్‌ విషయానికొస్తే.. ఆరెంజ్‌ ఆర్మీ సాధ్యమైనంత వరకు ఆటగాళ్లను అట్టిపెట్టుకునే ప్రయత్నం చేసింది. ఈ జట్టు కెప్టెన్‌ పాట్‌ కమిన్స్‌ (18 కోట్లు), అభిషేక్‌ శర్మ (14 కోట్లు), నితీశ్‌కుమార్‌ రెడ్డి (6 కోట్లు), హెన్రిచ్‌ క్లాసెన్‌ (23 కోట్లు), ట్రవిస్‌ హెడ్‌ (14 కోట్లు) మరోసారి రిటైన్‌ చేసుకుంది.ఫ్రాంచైజీలకు కేవలం ఆరుగురు ఆటగాళ్లను మాత్రమే రిటైన్‌ చేసుకునే వెసులుబాటు ఉండటంతో ఎస్‌ఆర్‌హెచ్‌ కొందరు స్టార్‌ ఆటగాళ్లను వదులుకోవాల్సి వచ్చింది. ఇందులో ఎయిడెన్‌ మార్క్రమ్‌, గ్లెన్‌ ఫిలిప్స్‌, భువనేశ్వర్‌ కుమార్‌, నటరాజన్‌, వాషింగ్టన్‌ సుందర్‌, అబ్దుల్‌ సమద్‌, మార్కో జన్సెన్‌, ఉమ్రాన్‌ మాలిక్‌ ఉన్నారు. ఎవరూ ఊహించని విధంగా కెప్టెన్‌ పాట్‌ కమిన్స్‌ కంటే హెన్రిచ్‌ క్లాసెన్‌కు అధిక ధర లభించింది. రిటెన్షన్‌ లిస్ట్‌లో అత్యధిక ధర లభించింది కూడా క్లాసెన్‌కే.సన్‌రైజర్స్‌ హైదరాబాద్‌ రిటైన్‌ చేసుకున్న ఆటగాళ్లు పాట్‌ కమిన్స్‌- రూ. 18 కోట్లుఅభిషేక్‌ శర్మ- రూ. 14 కోట్లునితీశ్‌కుమార్‌ రెడ్డి- రూ. 6 కోట్లుహెన్రిచ్‌ క్లాసెన్‌- రూ. 23 కోట్లుట్రవిస్‌ హెడ్‌- రూ. 14 కోట్లుటోటల్‌ పర్స్‌ వాల్యూ- రూ. 120 కోట్లుమిగిలిన పర్స్‌ వాల్యూ- రూ. 45 కోట్లుసన్‌రైజర్స్‌ హైదరాబాద్‌ వదులుకున్న ఆటగాళ్లు గ్లెన్‌ ఫిలిప్స్‌రాహుల్‌ త్రిపాఠిఎయిడెన్‌ మార్క్రమ్‌మయాంక్‌ అగర్వాల్‌అబ్దుల్‌ సమద్‌అన్మోల్‌ప్రీత్‌ సింగ్‌వాషింగ్టన్‌ సుందర్‌షాబాజ్‌ అహ్మద్‌సన్వీర్‌ సింగ్‌మార్కో జన్సెన్‌ఉపేంద్ర యాదవ్‌జయదేవ్‌ ఉనద్కత్‌టి నటరాజన్‌జఠావేద్‌ సుబ్రమణ్యన్‌మయాంక్‌ మార్కండేభువనేశ్వర్‌ కుమార్‌ఫజల్‌ హక్‌ ఫారూఖీఆకాశ్‌ మహారాజ్‌ సింగ్‌ఉమ్రాన్‌ మాలిక్‌విజయ్‌కాంత్‌ వియాస్‌కాంత్‌చదవండి: ఐపీఎల్‌ 2025 రిటెన్షన్‌ జాబితా విడుదల

ఐపీఎల్‌ 2025 సీజన్‌కు సంబంధించి ఫ్రాంచైజీలు అట్టిపెట్టుకున్న ఆటగాళ్ల జాబితాను ఇవాళ (అక్టోబర్‌ 31) విడుదల చేశాయి. ఈ జాబితాలో అందరూ ఊహించిన విధంగానే ఎంపికలు జరిగాయి. అయితే కొన్ని ఫ్రాంచైజీలు మాత్రం తమ కెప్టెన్లను వదిలేసి పెద్ద సాహసమే చేశాయి. మరి కొన్ని ఫ్రాంచైజీలు తమ స్టార్‌ ఆటగాళ్లను తప్పని పరిస్థితుల్లో వేలానికి వదిలేశాయి.ఐపీఎల్‌ 2025 రిటెన్షన్స్‌ అందరూ ఊహించినట్టుగా విరాట్‌కు కాని రోహిత్‌కు కాని అత్యధిక ధర దక్కలేదు. వీరిద్దరితో పోలిస్తే సన్‌రైజర్స్‌ హైదరాబాద్‌ ఆటగాడు హెన్రిచ్‌ క్లాసెన్‌ అత్యధిక ధర దక్కింది. క్లాసెన్‌పై ఎస్‌ఆర్‌హెచ్‌ ఏకంగా రూ. 23 కోట్లు వెచ్చించింది. భారత స్టార్ల విషయానికొస్తే.. విరాట్‌కు రూ. 21 కోట్లు.. రోహిత్‌కు రూ. 16.30 కోట్లు లభించాయి. ఐపీఎల్‌ రిటెన్షన్‌లో అత్యధిక ధర పొందిన ఆటగాడిగా విరాట్‌ నిలిచాడు. విరాట్‌తో సమానంగా లక్నో ఆటగాడు నికోలస్‌ పూరన్‌కు కూడా రూ. 21 కోట్లు లభించాయి.పాట్‌ కమిన్స్‌ (సన్‌రైజర్స్‌), రుతురాజ్‌ (సీఎస్‌కే), బుమ్రా (ముంబై), రషీద్‌ ఖాన్‌ (గుజరాత్‌), సంజూ శాంసన్‌లకు (రాజస్థాన్‌), యశస్వి జైస్వాల్‌ (రాజస్థాన్‌), రవీంద్ర జడేజా (సీఎస్‌కే) రూ. 18 కోట్లు దక్కాయి. అన్‌క్యాప్డ్‌ ప్లేయర్‌ కోటా కింద ఎంఎస్‌ ధోనికి అత్యల్పంగా రూ. 4 కోట్లు దక్కాయి. కేకేఆర్‌ ఆటగాడు రింకూ సింగ్‌ జాక్‌ పాట్‌ కొట్టాడు. అతని పారితోషికం రూ. 55 లక్షల నుంచి రూ. 13 కోట్లకు పెరిగింది.చదవండి: ఐపీఎల్‌ 2025 రిటెన్షన్‌ జాబితా విడుదల

ఐపీఎల్‌ 2025 సీజన్‌కు సంబంధించి ఆటగాళ్ల రిటెన్షన్‌ జాబితాను కొద్ది సేపటి క్రితం విడుదల చేశారు. అన్ని ఫ్రాంచైజీలు ఊహించినట్టుగానే తాము అట్టిపెట్టుకునే ఆటగాళ్ల జాబితాను సమర్పించాయి. అయితే కొన్ని ఫ్రాంచైజీలు ఆసక్తికరంగా తమ కెప్టెన్లను వదిలేశాయి.ముందు నుంచి ప్రచారం జరిగినట్టుగా ఢిల్లీ (రిషబ్‌ పంత్), లక్నో (కేఎల్‌ రాహుల్‌), కేకేఆర్‌ (శ్రేయస్‌ అయ్యర్‌), పంజాబ్‌ కింగ్స్‌ (శిఖర్‌ ధవన్‌), ఆర్సీబీ (ఫాఫ్‌ డుప్లెసిస్‌) తమ కెప్టెన్లను వేలానికి వదిలేశాయి. నవంబర్‌ చివరి వారంలో జరుగబోయే మెగా వేలంలో ఈ ఐదుగురు కెప్టెన్లు తమ అదృష్టాన్ని పరీక్షించుకుంటారు. కారణాలు ఏవైనా ఆయా ఫ్రాంచైజీలు కెప్టెన్లను వేలానికి వదిలేయడం ఆసక్తికరంగా మారింది.కెప్టెన్లను వదిలేసిన ఫ్రాంచైజీలు రిటైన్‌ చేసుకున్న ఆటగాళ్ల జాబితా..కోల్‌కతా నైట్‌రైడర్స్‌రింకూ సింగ్‌- రూ. 13 కోట్లువరుణ్‌ చక్రవర్తి- రూ. 12 కోట్లుసునీల్‌ నరైన్‌- రూ. 12 కోట్లుఆండ్రీ రసెల్‌- రూ. 12 కోట్లుహర్షిత్‌ రాణా- రూ. 4 కోట్లురమన్‌దీప్‌ సింగ్‌- రూ. 4 కోట్లుఢిల్లీ క్యాపిటల్స్‌అక్షర్‌ పటేల్‌- రూ. 16.5 కోట్లుకుల్దీప్‌ యాదవ్‌- రూ. 13.25 కోట్లుట్రిస్టన్‌ స్టబ్స్‌- రూ. 10 కోట్లుఅభిషేక్‌ పోరెల్‌- రూ. 4 కోట్లులక్నో సూపర్‌ జెయింట్స్‌నికోలస్‌ పూరన్‌- రూ. 21 కోట్లురవి బిష్ణోయ్‌- రూ. 11 కోట్లుమయాంక్‌ యాదవ్‌- రూ. 11 కోట్లుమొహిసన్‌ ఖాన్‌- రూ. 4 కోట్లుఆయుశ్‌ బదోని- రూ. 4 కోట్లురాయల్‌ ఛాలెంజర్స్‌ బెంగళూరువిరాట్‌ కోహ్లి- రూ. 21 కోట్లురజత్‌ పాటిదార్‌- రూ. 11 కోట్లుయశ్‌ దయాల్‌- రూ. 5 కోట్లుపంజాబ్‌ కింగ్స్‌శశాంక్‌ సింగ్‌- రూ. 5.5 కోట్లుప్రభ్‌మన్‌సిమ్రన్‌ సింగ్‌- రూ. 4 కోట్లు

ఐపీఎల్‌ 2025 సీజన్‌కు సంబంధించి ఆటగాళ్ల రిటెన్షన్‌ జాబితాను కొద్ది సేపటి క్రితం విడుదల చేశారు. అన్ని ఫ్రాంచైజీలు ఊహించినట్టుగానే తాము అట్టిపెట్టుకునే ఆటగాళ్ల జాబితాను సమర్పించాయి. ప్రస్తుతం రిటైన్‌ చేసుకున్న ఆటగాళ్లు మినహా మిగతా ఆటగాళ్లంతా నవంబర్‌ చివరి వారంలో జరిగే వేలంలో పాల్గొంటారు.పంజాబ్‌ కింగ్స్‌శశాంక్‌ సింగ్‌- రూ. 5.5 కోట్లుప్రభ్‌మన్‌సిమ్రన్‌ సింగ్‌- రూ. 4 కోట్లుసన్‌రైజర్స్‌ హైదరాబాద్‌పాట్‌ కమిన్స్‌- రూ. 18 కోట్లుఅభిషేక్‌ శర్మ- రూ. 14 కోట్లునితీశ్‌కుమార్‌ రెడ్డి- రూ. 6 కోట్లుహెన్రిచ్‌ క్లాసెన్‌- రూ. 23 కోట్లుట్రవిస్‌ హెడ్‌- రూ. 14 కోట్లులక్నో సూపర్‌ జెయింట్స్‌నికోలస్‌ పూరన్‌- రూ. 21 కోట్లురవి బిష్ణోయ్‌- రూ. 11 కోట్లుమయాంక్‌ యాదవ్‌- రూ. 11 కోట్లుమొహిసన్‌ ఖాన్‌- రూ. 4 కోట్లుఆయుశ్‌ బదోని- రూ. 4 కోట్లుకోల్‌కతా నైట్‌రైడర్స్‌రింకూ సింగ్‌- రూ. 13 కోట్లువరుణ్‌ చక్రవర్తి- రూ. 12 కోట్లుసునీల్‌ నరైన్‌- రూ. 12 కోట్లుఆండ్రీ రసెల్‌- రూ. 12 కోట్లుహర్షిత్‌ రాణా- రూ. 4 కోట్లురమన్‌దీప్‌ సింగ్‌- రూ. 4 కోట్లుఢిల్లీ క్యాపిటల్స్‌అక్షర్‌ పటేల్‌- రూ. 16.5 కోట్లుకుల్దీప్‌ యాదవ్‌- రూ. 13.25 కోట్లుట్రిస్టన్‌ స్టబ్స్‌- రూ. 10 కోట్లుఅభిషేక్‌ పోరెల్‌- రూ. 4 కోట్లురాయల్‌ ఛాలెంజర్స్‌ బెంగళూరువిరాట్‌ కోహ్లి- రూ. 21 కోట్లురజత్‌ పాటిదార్‌- రూ. 11 కోట్లుయశ్‌ దయాల్‌- రూ. 5 కోట్లుచెన్నై సూపర్‌ కింగ్స్‌రుతురాజ్‌ గైక్వాడ్‌- రూ. 18 కోట్లుమతీశ పతిరణ- రూ. 13 కోట్లుశివమ్‌ దూబే- రూ. 12 కోట్లురవీంద్ర జడేజా- రూ. 18 కోట్లుఎంఎస్‌ ధోని- రూ. 4 కోట్లుముంబై ఇండియన్స్‌జస్ప్రీత్‌ బుమ్రా- రూ. 18 కోట్లుసూర్యకుమార్‌ యాదవ్‌- రూ. 16.35 కోట్లుహార్దిక్‌ పాండ్యా- రూ. 16.35 కోట్లురోహిత్‌ శర్మ- రూ. 16.30 కోట్లుతిలక్‌ వర్మ- రూ. 8 కోట్లుగుజరాత్‌ టైటాన్స్‌రషీద్‌ ఖాన్‌- రూ. 18 కోట్లుశుభ్‌మన్‌ గిల్‌- రూ. 16.5 కోట్లుసాయి సుదర్శన్‌- రూ. 8.5 కోట్లురాహుల్‌ తెవాతియా- రూ. 4 కోట్లుషారుఖ్‌ ఖాన్‌- రూ. 4 కోట్లురాజస్థాన్‌ రాయల్స్‌సంజూ శాంసన్‌- రూ. 18 కోట్లుయశస్వి జైస్వాల్‌- రూ. 18 కోట్లురియాన్‌ పరాగ్‌- రూ. 14 కోట్లుదృవ్‌ జురెల్‌- రూ. 14 కోట్లుషిమ్రోన్‌ హెట్‌మైర్‌- రూ. 11 కోట్లుసందీప్‌ శర్మ- రూ. 4 కోట్లు

ఐపీఎల్‌ చరిత్రలో అత్యంత ఖరీదైన ఆటగాళ్ల వివరాలను ఇక్కడ చూద్దాం. క్యాష్‌ రిచ్‌ లీగ్‌లో అత్యంత ఖరీదైన ఆటగాడిగా మిచెల్‌ స్టార్క్‌ రికార్డు సృష్టించాడు. 2024 సీజన్‌ వేలంలో కోల్‌కతా నైట్‌రైడర్స్‌ స్టార్క్‌ను రూ. 24.75 కోట్లకు సొంతం చేసుకుంది. ఐపీఎల్‌లో ఓ ఆటగాడికి చెల్లించిన అత్యధిక ధర ఇదే.అదే సీజన్‌లో సన్‌రైజర్స్‌ హైదరాబాద్‌ పాట్‌ కమిన్స్‌ను రూ. 20.50 కోట్లకు కొనుగోలు చేసింది. ఇది ఐపీఎల్‌ చరిత్రలో రెండో భారీ ధర. స్టార్క్‌, కమిన్స్‌ తర్వాత ఇంగ్లండ్‌ ఆల్‌రౌండర్‌ సామ్‌ కర్రన్‌ ఐపీఎల్‌లో అత్యంత భారీ ధరను దక్కించుకున్నాడు. కర్రన్‌ను 2023 సీజన్‌లో వేలంలో పంజాబ్‌ కింగ్స్‌ రూ. 18.5 కోట్లకు సొంతం చేసుకుంది.కర్రన్‌ తర్వాత కెమరూన్‌ గ్రీన్‌- రూ. 17.50 కోట్లు (ఆర్సీబీ, 2023),బెన్‌ స్టోక్స్‌- రూ. 16.25 కోట్లు (సీఎస్‌కే 2023),క్రిస్‌ మోరిస్‌- రూ. 16.25 కోట్లు (రాజస్థాన్‌ రాయల్స్‌, 2021),యువరాజ్‌ సింగ్‌- రూ. 16 కోట్లు (ఢిల్లీ క్యాపిటల్స్‌, 2015),నికోలస్‌ పూరన్‌- రూ. 16 కోట్లు (లక్నో, 2023),పాట్‌ కమిన్స్‌- రూ. 15.50 కోట్లు (కేకేఆర్‌, 2020),ఇషాన్‌ కిషన్‌- రూ. 15.25 కోట్లు (ముంబై ఇండియన్స్‌, 2022) టాప్‌-10 ఖరీదైన ఆటగాళ్లుగా ఉన్నారు.ఐపీఎల్‌లో సీజన్ల వారీగా అత్యంత ఖరీదైన ఆటగాళ్లు..2008- ఎంఎస్‌ ధోని (సీఎస్‌కే)- రూ. 9.5 కోట్లు,2009- కెవిన్‌ పీటర్సన్‌ (ఆర్సీబీ), ఆండ్రూ ఫ్లింటాఫ్‌ (సీఎస్‌కే)- రూ. 9.8 కోట్లు,2010- షేన్‌ బాండ్‌ (కేకేఆర్‌), కీరన్‌ పోలార్డ్‌ (ముంబై ఇండియన్స్‌)- రూ. 4.8 కోట్లు,2011- గౌతమ్‌ గంభీర్‌ (కేకేఆర్‌)- రూ. 14.9 కోట్లు,2012- రవీంద్ర జడేజా (సీఎస్‌కే)- రూ. 12.8 కోట్లు,2013- గ్లెన్‌ మ్యాక్స్‌వెల్‌ (ముంబై ఇండియన్స్‌)- రూ. 6.3 కోట్లు,2014- యువరాజ్‌ సింగ్‌ (ఆర్సీబీ)- రూ. 14 కోట్లు,2015- యువరాజ్‌ సింగ్‌ (ఢిల్లీ డేర్‌డెవిల్స్‌)- రూ. 16 కోట్లు,2016- షేన్‌ వాట్సన్‌ (ఆర్సీబీ)- రూ. 9.5 కోట్లు,2017- బెన్‌ స్టోక్స్‌ (రైజింగ్‌ పూణే జెయింట్స్‌)- రూ. 14.5 కోట్లు,2018- బెన్‌ స్టోక్స్‌ (రాజస్థాన్‌ రాయల్స్‌)- రూ. 12.5 కోట్లు,2019- జయదేవ్‌ ఉనద్కత్‌ (రాజస్థాన్‌), వరుణ్‌ చక్రవర్తి (పంజాబ్‌)- రూ. 8.4 కోట్లు,2020- పాట్‌ కమిన్స్‌ (కేకేఆర్‌)- రూ. 15.5 కోట్లు,2021- క్రిస్‌ మోరిస్‌ (రాజస్థాన​్‌)- రూ. 16.25 కోట్లు,2022- ఇషాన్‌ కిషన్‌ (ముంబై ఇండియన్స్‌)- రూ. 15.25 కోట్లు,2023- సామ్‌ కర్రన్‌ (పంజాబ్‌ కింగ్స్‌)- రూ. 18.5 కోట్లు,2024- మిచెల్‌ స్టార్క్‌ (కేకేఆర్‌)- రూ. 24.75 కోట్లుకాగా, ఈ ఏడాది ఫ్రాంచైజీలు తమతమ రిటెన్షన్‌ జాబితాలను సమర్పించడానికి అక్టోబర్‌ 31 చివరి తేదీ. ప్రస్తుతమున్న సమాచారం మేరకు ఒక్కో ఫ్రాంచైజీ ఆరుగురు ఆటగాళ్లను రిటైన్ చేసుకోవచ్చు. ఇందులో గరిష్టంగా అయిదుగురు క్యాప్డ్ ప్లేయర్లు, ఇద్దరు అన్‌క్యాప్డ్ ప్లేయర్లకు అవకాశం ఉంటుంది. రిటైన్ చేసుకునే క్యాప్డ్‌ ప్లేయర్లకు ఛాయిస్‌ ప్రకారం​ వరుసగా 18, 14, 11 కోట్లు ఇవ్వాల్సి ఉంటుంది. రిటైన్‌ చేసుకునే అన్‌క్యాప్డ్ ప్లేయర్‌కు 4 కోట్లు పారితోషికం చెల్లించాల్సి ఉంటుంది. ఐపీఎల్‌-2025 వేలం నవంబర్‌ 25 లేదా 26 తేదీల్లో రియాద్‌లో జరగవచ్చు.

ప్రతిష్టాత్మక దేశవాలీ టోర్నీ రంజీ ట్రోఫీలో జమ్మూ అండ్‌ కశ్మీర్‌ ఆటగాడు, సన్‌రైజర్స్‌ హైదరాబాద్‌ ప్లేయర్‌ అబ్దుల్‌ సమద్‌ చరిత్ర సృష్టించాడు. ఒడిషాతో జరుగుతున్న మ్యాచ్‌లో సమద్‌ రెండు ఇన్నింగ్స్‌ల్లో సెంచరీలు చేసి, ఈ ఘనత సాధించిన తొలి జమ్మూ అండ్‌ కశ్మీర్‌ ఆటగాడిగా రికార్డు నెలకొల్పాడు. తొలి ఇన్నింగ్స్‌లో 117 బంతుల్లో 6 ఫోర్లు, 9 సిక్సర్ల సాయంతో 127 పరుగులు చేసిన సమద్‌.. సెకెండ్‌ ఇన్నింగ్స్‌లో 108 బంతుల్లో 5 ఫోర్లు, 6 సిక్సర్ల సాయంతో 108 పరుగులు చేసి అజేయంగా నిలిచాడు. సమద్‌ ట్విన్‌ సెంచరీస్‌తో చెలరేగడంతో ఒడిషాతో మ్యాచ్‌లో జమ్మూ అండ్‌ కశ్మీర్‌ పటిష్ట స్థితికి చేరింది. జమ్మూ అండ్‌ కశ్మీర్‌ ఒడిషా ముందు 269 పరుగల లక్ష్యాన్ని ఉంచింది. నాలుగో రోజు రెండో సెషన్‌ సమయానికి ఒడిషా సెకెండ్‌ ఇన్నింగ్స్‌లో 4 వికెట్లు కోల్పోయి 39 పరుగులు చేసి ఓటమి దిశగా పయనిస్తుంది. ఇవాళే (అక్టోబర్‌ 21) ఆటకు చివరి రోజు కాగా.. ఒడిషా ఇంకా 230 పరుగులు చేయాల్సి ఉంది. చేతిలో మరో ఆరు వికెట్లు మాత్రమే ఉన్నాయి. సందీప్‌ పట్నాయక్‌ (17), బిప్లబ్‌ సమంత్రే (4) క్రీజ్‌లో ఉన్నారు. జమ్మూ అండ్‌ కశ్మీర్‌ బౌలర్లలో ఆబిద్‌ ముస్తాక్‌ 2, సాహిల్‌ లోత్రా, ఉమర్‌ నజీర్‌ మిర్‌ తలో వికెట్‌ పడగొట్టారు.అంతకుముందు జమ్మూ అండ్‌ కశ్మీర్‌ సెకెండ్‌ ఇన్నింగ్స్‌లో 7 వికెట్ల నష్టానికి 270 పరుగులు చేసి ఇన్నింగ్స్‌ను డిక్లేర్‌ చేసింది. సమద్‌ అజేయ సెంచరీతో పోరాడగా.. శుభమ్‌ ఖజూరియా 43, శుభమ్‌ పుండిర్‌ 40 పరుగులు చేశారు. ఒడిషా బౌలర్లలో ప్రధాన్‌ 3, కార్తీక్‌ బిస్వాల్‌ 2, సుమిత్‌ శర్మ, డి ప్రధాన్‌ తలో వికెట్‌ పడగొట్టారు.దీనికి ముందు ఒడిషా తొలి ఇన్నింగ్స్‌లో 272 పరుగులకు ఆలౌటైంది. ఒడిషా కెప్టెన్‌ గోవిందా పొద్దార్‌ అజేయ సెంచరీతో (133) సత్తా చాటాడు. జమ్మూ అండ్‌ కశ్మీర్‌ బౌలర్లలో ఆబిద్‌ ముస్తాక్‌ 4, ఉమర్‌ నజీర్‌ 3, ఆకిబ్‌, యుద్ద్‌వీర్‌ సింగ్‌, సాహిల్‌ లోత్రా తలో వికెట్‌ పడగొట్టారు.ఈ మ్యాచ్‌లో తొలుత బ్యాటింగ్‌ చేసిన జమ్మూ అండ్‌ కశ్మీర్‌ తొలి ఇన్నింగ్స్‌లో 270 పరుగులకు ఆలౌటైంది. జమ్మూ అండ్‌ కశ్మీర్‌ ఇన్నింగ్స్‌లో అబ్దుల్‌ సమద్‌ ఒక్కడే సెంచరీతో సత్తా చాటాడు. ఒడిషా బౌలర్లలో సుమిత్‌ శర్మ ఐదు వికెట్లు తీశాడు. చదవండి: దక్షిణాఫ్రికా బౌలర్ల ఉగ్రరూపం.. 106 పరుగులకే బంగ్లాదేశ్‌ ఆలౌట్‌

భారత క్రికెట్‌ జట్టులోకి తొలిసారి అడుగు పెట్టినప్పుడు రవీంద్ర జడేజా వయసు 21 ఏళ్లు. అతని ఆట మెరుగ్గానే ఉన్నా అతని వ్యవహారశైలిపై అందరికీ సందేహాలు ఉండేవి. ఐపీఎల్‌లో మంచి ప్రదర్శనతో గుర్తింపు తెచ్చుకొని జట్టులోకి వచ్చిన జడేజాలోని ‘యూత్‌’ లక్షణాలు టీమిండియా డ్రెస్సింగ్‌ రూమ్‌లో చాలా మందికి కొత్తగా అనిపించాయి. కానీ పదిహేనేళ్ల అంతర్జాతీయ కెరీర్‌ తర్వాత అతను భారత అత్యుత్తమ ఆల్‌రౌండర్లలో ఒకడిగా కనిపించసాగాడు. ‘రాక్‌స్టార్‌’ అనే ముద్దు పేరుతో మొదలైన అతని ప్రస్థానం టీమిండియా అద్భుత విజయాలకు చుక్కానిగా నిలిచింది. కెరీర్‌ ఆరంభంలో వన్డే, టి20 ఆటగాడిగానే ముద్ర పడినా కఠోర శ్రమ, పట్టుదలతో ఎరుపు బంతిపై పట్టు సాధించిన జడేజా ఇప్పుడు టెస్టు క్రికెట్‌లో కూడా అరుదైన మైలురాయిని అందుకున్నాడు. 92 ఏళ్ల చరిత్ర ఉన్న భారత టెస్టు క్రికెట్‌లో 300కు పైగా వికెట్లు తీసిన ఏడుగురు ఆటగాళ్లలో ఒకడిగా తన పేరును లిఖించుకున్నాడు. అంతేకాదు.. ప్రపంచవ్యాప్తంగా 3 వేల పరుగులు సాధించి, 300 వికెట్లు తీసిన 11 మందిలో ఒకడిగా ఉన్నాడు. ప్రతికూలతలను అధిగమించి..సెంచరీ లేదా హాఫ్‌ సెంచరీ సాధించినప్పుడు కత్తిసాము తరహాలో తన బ్యాట్‌ను తిప్పుతూ జడేజా చేసే విన్యాసం భారత అభిమానులందరికీ సుపరిచితమే. రాజపుత్రుల కుటుంబానికి చెందిన అతను తన సంబరాన్ని ఇలా ప్రదర్శిస్తూ ఉంటాడు. అయితే పేరుకు అలాంటి నేపథ్యం ఉన్నా జడేజా జీవితంలో ఎన్నో ఆటుపోట్లను ఎదుర్కొన్నాడు. అవి అతనిలో పోరాట పటిమను పెంచి, మానసికంగా దృఢంగా మార్చాయి. అతి సాధారణ కుటుంబం అతనిది. వాచ్‌మన్‌గా పనిచేసే తండ్రి తన కుమారుడు తొందరగా ఆర్మీలో ఒక సిపాయి ఉద్యోగంలో చేరితే చాలు.. ఆర్థికంగా గట్టెక్కుతామనే ఆలోచనతో ఉండేవాడు. కానీ జడేజా మాత్రం భిన్న మార్గాన్ని ఎంచుకున్నాడు. తనకెంతో ఇష్టమైన క్రికెట్‌లోనే ఏదైనా చేసి చూపిస్తాననే పట్టుదల కనబరచి తండ్రిని ఒప్పించగలిగాడు. అతనికి తల్లి కూడా మద్దతు పలికింది. అయితే ఆటలో జడేజా ఎదుగుతున్న సమయంలోనే ఒక ప్రమాదంలో తల్లి చనిపోయింది. అప్పుడు అతని వయసు 16 ఏళ్లు. ఆ బాధలో క్రికెట్‌కు గుడ్‌బై చెబుదామనుకున్నాడు. కానీ తండ్రి అండగా నిలవడంతో క్రికెట్‌పై మళ్లీ శ్రద్ధపెట్టాడు. దేశవాళీలో చెలరేగి..యూత్‌ క్రికెట్‌లో సౌరాష్ట్ర జట్టు తరఫున చెలరేగిన జడేజా ఆట అతనికి భారత అండర్‌–19 జట్టులో చోటు కల్పించింది. 2006లో రన్నరప్‌గా నిలిచిన జట్టులో భాగంగా ఉన్న జడేజా.. 2008లో విరాట్‌ కోహ్లీ నేతృత్వంలో టైటిల్‌ నెగ్గిన టీమ్‌లో కీలక సభ్యుడిగా సత్తా చాటాడు. ఆరు మ్యాచ్‌లలో అతను తీసిన 10 వికెట్లు జట్టుకు విజయాలను అందించాయి. ఫలితంగా 2008లో జరిగిన తొలి ఐపీఎల్‌లో ప్రతిభ గల వర్ధమాన ఆటగాడిగా రాజస్థాన్‌ రాయల్స్‌ టీమ్‌లో చోటు దక్కించుకున్నాడు. రాజస్థాన్‌ ఐపీఎల్‌ విజేతగా నిలవడంతో జడేజాకు కూడా మంచి గుర్తింపు దక్కింది. ఇక్కడే షేన్‌వార్న్‌ అతనికి రాక్‌స్టార్‌ అంటూ పేరు పెట్టాడు. అయితే ఉడుకు రక్తం ఉప్పొంగే 20 ఏళ్ల వయసులో సరైన మార్గనిర్దేశనం లేకుండా అతను చేసిన తప్పుతో వివాదానికి కేంద్రంగా నిలిచాడు. ఒక జట్టుతో కాంట్రాక్ట్‌లో ఉండగానే ఎక్కువ మొత్తం కోసం మరో జట్టుతో ఒప్పందం కుదుర్చుకునే ప్రయత్నం చేయడం బీసీసీఐకి ఆగ్రహం తెప్పించింది. దాంతో ఏడాది నిషేధం విధించడంతో 2009 ఐపీఎల్‌కు అతను దూరమయ్యాడు. ఐపీఎల్‌కు రెండు నెలల ముందే కేవలం ప్రతిభ కారణంగా భారత జట్టు తరఫున తొలి వన్డే, తొలి టి20 అవకాశం రావడం అతనికి కలిగిన ఊరట. అయితే ఆ నిషేధం వ్యక్తిగా కూడా అతను మెరుగుపడే అవకాశాన్నిచ్చింది. 2012 ఐపీఎల్‌లో చెన్నై సూపర్‌ కింగ్స్‌ జట్టుతో చేరడం జడేజా కెరీర్‌ను మలుపు తిప్పింది. ఎన్నో రికార్డులు సొంతం చేసుకున్నాడు. చెన్నై టీమ్‌ మూల స్తంభాల్లో ఒకడిగా నిలిచాడు. టీమ్‌ తరఫున మూడు టైటిల్స్‌ విజయాల్లో భాగంగా ఉన్నాడు. దశాబ్దంన్నర కాలంలో భారత్‌ తరఫున ఆడిన 197 వన్డేలు, 74 టి20 మ్యాచ్‌లు పరిమిత ఓవర్ల క్రికెట్‌లో అతని విలువను చూపించాయి. టెస్టుల్లో సూపర్‌ హీరోగా..వన్డేలు, టి20లతో పోలిస్తే టెస్టు క్రికెట్‌లో జడేజా సాధించిన ఘనతలు అసాధారణమైనవి. రంజీ ట్రోఫీలో ఏకంగా మూడు ట్రిపుల్‌ సెంచరీలు సాధించిన ఏకైక భారతీయుడిగా అతను రికార్డు నెలకొల్పాడు. ప్రపంచ క్రికెట్‌లో అతనికి ముందు మరో ఏడుగురు మాత్రమే ఇలాంటి ఫీట్‌ను సాధించారు. ఆ జోరులో 2012లో జడేజా భారత టెస్టు జట్టులోకి తొలిసారి ఎంపికయ్యాడు. ఈ పుష్కర కాలంలో జడేజా ఒంటి చేత్తో జట్టుకు అందించిన విజయాలు ఎన్నో. తన లెఫ్టార్మ్‌ స్పిన్‌తో ప్రత్యర్థి బ్యాటర్లను కట్టిపడేసి చకచకా వికెట్లు పడగొట్టడం.. లేదంటే లోయర్‌ ఆర్డర్‌లో తన బ్యాటింగ్‌తో కీలక పరుగులతో జట్టుకు భారీ స్కోరు అందించడం.. ఇలా ఏదో రూపంలో అతని భాగస్వామ్యం లేని టెస్టులు దాదాపుగా లేవంటే అతిశయోక్తి కాదు. జట్టులో మరో సహచరుడు, అగ్రశ్రేణి స్పిన్నర్‌గా అశ్విన్‌ను దాటి కూడా కొన్నిసార్లు ఏకైక స్పిన్నర్‌గా టీమ్‌లో అవకాశాన్ని దక్కించుకోగలిగాడంటే జడేజా సత్తాపై టీమ్‌ మేనేజ్‌మెంట్‌కున్న నమ్మకం ఎలాంటిదో అర్థం చేసుకోవచ్చు. ఆస్ట్రేలియాపై వరుసగా రెండు సిరీస్‌లలో 24, 25 చొప్పున, దక్షిణాఫ్రికాపై 23, ఇంగ్లండ్‌పై 26.. ఇలా సొంతగడ్డపై సిరీస్‌ ఏదైనా ప్రత్యర్థిని కుప్పకూల్చడం జడేజాకు మంచినీళ్లప్రాయంలా మారింది. అనిల్‌ కుంబ్లే (1993) తర్వాత ఐసీసీ టెస్టు బౌలింగ్‌ ర్యాంకింగ్స్‌లో నంబర్‌వన్‌గా తొలి భారత బౌలర్‌గా జడేజా గుర్తింపు తెచ్చుకున్నాడు.∙మొహమ్మద్‌ అబ్దుల్‌ హాది

రంజీ ట్రోఫీ-2024 ఎలైట్‌ గ్రూప్‌-డి పోటీల్లో భాగంగా ఢిల్లీతో జరుగుతున్న మ్యాచ్‌లో తమిళనాడు ఆటగాళ్లు చెలరేగిపోయారు. ఓపెనర్‌ సాయి సుదర్శన్‌ అజేయ డబుల్‌ సెంచరీతో (202) విరుచుకుపడగా.. వన్‌డౌన్‌లో బ్యాటింగ్‌కు దిగిన వాషింగ్టన్‌ సుందర్‌ సెంచరీకి (96 నాటౌట్‌) చేరువయ్యాడు. ఈ మ్యాచ్‌లో తొలుత బ్యాటింగ్‌కు దిగిన తమిళనాడు తొలి రోజు ఆట ముగిసే సమయానికి వికెట్‌ నష్టానికి 379 పరుగులు చేసింది. ఎన్‌ జగదీశన్‌ 65 పరుగులు చేసి ఔట్‌ అయ్యాడు. నవ్‌దీప్‌ సైనీకి జగదశన్‌ వికెట్‌ దక్కింది.కాగా, ఈ మ్యాచ్‌లో డబుల్‌ సెంచరీతో చెలరేగిన సాయి సుదర్శన్‌ ఇటీవలికాలంలో ఫార్మాట్లకతీతంగా భీకర ఫామ్‌లో ఉన్నాడు. సాయి 2023 నుంచి పాకిస్తాన్‌-ఏపై, ఇంగ్లండ్‌-ఏపై, ఐపీఎల్‌లో, తమిళనాడు ప్రీమియర్‌ లీగ్‌ నాకౌట్స్‌లో, కౌంటీ క్రికెట్‌లో, దులీప్‌ ట్రోఫీలో, రంజీ ట్రోఫీలో సెంచరీలు చేశాడు. 23 ఏళ్ల సాయి సుదర్శన్‌ ఫస్ట్‌ క్లాస్‌ క్రికెట్‌లో ఇప్పటివరకు 25 మ్యాచ్‌లు ఆడి ఆరు సెంచరీలు చేశాడు. అలాగే లిస్ట్‌-ఏ క్రికెట్‌లో 28 మ్యాచ్‌లు ఆడి ఆరు సెంచరీలు బాదాడు.

సాక్షి, హైదరాబాద్‌: టాటా ‘ఉప్పు’ తిన్న ప్రముఖుల్లో రాష్ట్ర అదనపు డీజీ (శాంతిభద్రతలు) మహేష్‌ మురళీధర్‌ భగవత్‌ కూడా ఉన్నారు. అదెలా అనే అంశాన్ని ఆయన శుక్రవారం ‘సాక్షి’తో పంచుకున్నారు. మహారాష్ట్రలోని అహ్మద్‌నగర్‌ జిల్లాకు చెందిన భగవత్‌ ఇంజినీరింగ్‌ పూర్తి చేశారు. అనంతరం పుణెలోని టాటా మోటార్స్‌లో 1993–94లలో ఉద్యోగిగా పని చేశారు. ఆ తర్వాత 1995లో ఐపీఎస్‌కు ఎంపిక కావడంతో ఆ ఉద్యోగానికి రాజీనామా చేశారు. ఉద్యోగిగా ఉన్నప్పుడు, ఆ తర్వాత రతన్‌ టాటాను కలిసే అవకాశం మహేష్‌ భగవత్‌కు రాలేదు. అయితే.. టాటా ఏరోస్పేస్‌ సెంటర్‌ను ప్రారంభించడానికి 2018లో టాటా ఆదిభట్లకు వచ్చారు. ఆ సమయంలో మహేష్‌ భగవత్‌ రాచకొండ పోలీసు కమిషనరేట్‌కు కమిషనర్‌గా వ్యవహరిస్తున్నారు. ఆదిభట్ల రాచకొండ పరి«ధిలోకే రావడంతో తన విధి నిర్వహణలో భాగంగా ప్రారం¿ోత్సవ కార్యక్రమానికి వెళ్లారు. అక్కడ రతన్‌ టాటాను కలిసిన మహేష్‌ భగవత్‌ వాణిజ్య ప్రకటనను ఉటంకిస్తూ ‘హమ్నే భీ టాటా కా నమక్‌ ఖాయా హై’ (నేను కూడా టాటా ఉప్పు తిన్నాను.. వారిచి్చన జీతం) అంటూ వ్యాఖ్యానించారు. అదేంటని టాటా ఆరా తీయగా... అసలు విషయం ఆయనకు వివరించారు. దీంతో నవ్వుతూ భగవత్‌ భుజం తట్టిన రతన్‌ టాటా.. ఇప్పుడు నాకు భద్రత కల్పిస్తున్నావు అని పేర్కొన్నారని మహేష్‌ భగవత్‌ తెలిపారు.

మహేంద్ర సింగ్‌ ధోని.. టీమిండియాకు మూడు ఐసీసీ ట్రోఫీలు అందించిన కెప్టెన్‌. అతడి సారథ్యంలో భారత క్రికెట్‌ జట్టు టీ20 ప్రపంచకప్‌-2007, వన్డే వరల్డ్‌కప్‌-2011, చాంపియన్స్‌ ట్రోఫీ-2013 గెలిచింది. ఇక ఫ్రాంఛైజీ క్రికెట్‌లోనూ ఈ జార్ఖండ్‌ డైనమైట్‌.. 2008లో మొదలైన ఇండియన్‌ ప్రీమియర్‌ లీగ్‌లో ఆది నుంచి చెన్నై సూపర్‌ కింగ్స్‌(సీఎస్‌కే)కు ఆడుతున్నాడు. సారథిగా సీఎస్‌కేను ఏకంగా ఐదుసార్లు ఐపీఎల్‌ చాంపియన్‌గా నిలిపాడు. మరోవైపు.. రోహిత​ శర్మ.. టీమిండియా ప్రస్తుత కెప్టెన్‌. ఇటీవలే టీ20 ప్రపంచకప్‌-2024 ట్రోఫీ గెలిచాడు. ఇక ఐపీఎల్‌లో ముంబై ఇండియన్స్‌కు సుదీర్ఘకాలం పాటు కెప్టెన్‌గా ఉండి.. ధోని కంటే ముందుగానే ఐదుసార్లు ఐపీఎల్‌ టైటిల్‌ గెలిచిన సారథిగా చరిత్రకెక్కాడు.ధోని కంటే రోహిత్‌ బెటర్‌ కెప్టెన్‌కాగా టీమిండియాలో ఇద్దరితో కలిసి, ఐపీఎల్‌లో ఈ ఇద్దరి కెప్టెన్సీలోనూ ఆడాడు టీమిండియా దిగ్గజ ఆఫ్‌ స్పిన్నర్‌ హర్భజన్‌ సింగ్‌. ఈ నేపథ్యంలో ఇద్దరి నాయకత్వ శైలిని పోలుస్తూ తాజాగా ఆసక్తికర వ్యాఖ్యలు చేశాడు. ధోని కంటే రోహిత్‌ బెటర్‌ కెప్టెన్‌ అని తన మనసులోని మాట బయటపెట్టాడు. అందుకు గల కారణాన్ని వెల్లడిస్తూ..ధోని ఎవరితో మాట్లాడడు‘‘ఇద్దరిలో ఎవరు బెటర్‌ అంటే.. నేను ధోనిని కాదని రోహిత్‌ వైపే మొగ్గుచూపుతాను. ఎందుంకటే రోహిత్‌ ప్లేయర్స్‌ కెప్టెన్‌. ప్రతి ఒక్క ఆటగాడి దగ్గరికి వెళ్లి వాళ్లకు ఏం కావాలో అడిగి తెలుసుకుంటాడు. సహచరులతో అతడికి మంచి అనుబంధం ఉంటుంది.అయితే, ధోని కెప్టెన్సీ స్టైల్‌ వేరుగా ఉంటుంది. అతడు ఎవరితోనూ ఎక్కువగా మాట్లాడడు. తన మౌనం ద్వారానే ఎదుటివారికి తన మనసులోని మాట చేరాలని భావిస్తాడు. ఇతరులతో ధోని సంభాషించే విధానం ఇలాగే ఉంటుంది’’ అని హర్భజన్‌ సింగ్‌ పేర్కొన్నాడు. రోహిత్‌ శర్మకు స్నేహితులే తప్ప.. అతడికి విరుద్ధంగా మాట్లాడేవారు ఒక్కరూ ఉండరని ఈ సందర్భంగా పేర్కొన్నాడు. స్పోర్ట్స్‌ యారీ ఇంటర్వ్యూలో భజ్జీ ఈ వ్యాఖ్యలు చేశాడు.చదవండి: Babar Azam: బాబర్ ఆజం సంచలన నిర్ణయం..Rohit Sharma is a better captain than MS Dhoni says Harbhajan Singh Full podcast at 9pm tonight, only on Sports Yaari YouTube Channel 🇮🇳pic.twitter.com/6tVAdJh6qx— Sushant Mehta (@SushantNMehta) October 2, 2024

న్యూఢిల్లీ: టి20 క్రికెట్‌ చరిత్రలో అత్యుత్తమ ఆటగాళ్లలో ఒకడిగా గుర్తింపు తెచ్చుకున్న వెస్టిండీస్‌ స్టార్‌ ఆల్‌రౌండర్‌ డ్వేన్‌ బ్రావో చెన్నై సూపర్‌ కింగ్స్‌ (సీఎస్‌కే)తో తన సుదీర్ఘ అనుబంధానికి ముగింపు పలికాడు. 2025 ఐపీఎల్‌ సీజన్‌ నుంచి అతను కోల్‌కతా నైట్‌రైడర్స్‌ (కేకేఆర్‌) టీమ్‌కు మెంటార్‌గా వ్యవహరించనున్నాడు. గత ఏడాది ఈ బాధ్యతలు నిర్వర్తించిన గౌతమ్‌ గంభీర్‌ భారత జట్టు హెడ్‌ కోచ్‌గా వెళ్లగా, అతని స్థానంలో బ్రావోను ఎంచుకున్నట్లు కేకేఆర్‌ టీమ్‌ మేనేజ్‌మెంట్‌ ప్రకటించింది. నైట్‌రైడర్స్‌ హెడ్‌ కోచ్‌ చంద్రకాంత్‌ పండిత్, బౌలింగ్‌ కోచ్‌ భరత్‌ అరుణ్‌లతో కలిసి అతను పని చేస్తాడు. కేకేఆర్‌ టీమ్‌ యాజమాన్యానికి చెందిన ఇతర టి20 జట్లు ట్రిన్‌బాగో నైట్‌రైడర్స్, లాస్‌ ఏంజెల్స్‌ నైట్‌రైడర్స్, అబుదాబి నైట్‌రైడర్స్‌లకు కూడా ఇన్‌చార్జ్‌గా ఉండేలా ఈ గ్రూప్‌తో బ్రావో దీర్ఘకాలిక కాంట్రాక్ట్‌ కుదుర్చుకున్నట్లు సమాచారం. ఈ ప్రకటనకు ముందు రోజే గురువారం తాను ఆటగాడిగా అన్ని స్థాయిల నుంచి రిటైర్‌ అవుతున్నట్లు బ్రావో ప్రకటించాడు. ఐపీఎల్‌ ఆరంభంలో ముంబై ఇండియన్స్‌ తరఫున ఆడిన బ్రావో 2011 నుంచి 2022 వరకు చెన్నై సూపర్‌ కింగ్స్‌ జట్టులో సభ్యుడు. మధ్యలో రెండేళ్లు చెన్నైపై నిషేధం ఉన్న సమయంలో అతను గుజరాత్‌కు ప్రాతినిధ్యం వహించాడు. సీఎస్‌కే తరఫున ఆడిన 10 సీజన్లలో 3 సార్లు టైటిల్‌ గెలిచిన జట్టులో అతను ఉన్నాడు. రిటైర్‌ అయ్యాక గత రెండు సీజన్లు చెన్నైకే బౌలింగ్‌ కోచ్‌గా వ్యవహరించిన బ్రావో ఇప్పుడు ఆ జట్టుకు దూరమయ్యాడు.

విండీస్‌ దిగ్గజం డ్వేన్‌ బ్రావో క్రికెట్‌లోని అన్ని ఫార్మాట్‌లకు రిటైర్మెంట్‌ ప్రకటించిన విషయం తెలిసిందే. కరీబియన్‌ ప్రీమియర్‌ లీగ్‌-2024లో సెప్టెంబర్‌ 24న సెయింట్‌ లూసియా కింగ్స్‌తో జరిగిన మ్యాచ్‌ బ్రావో కెరీర్‌లో చివరి మ్యాచ్‌. ఈ మ్యాచ్‌లో బ్రావో రిటైర్డ్‌ హర్ట్‌గా వెనుదిరిగాడు. మ్యాచ్‌ అనంతరం బ్రావో తీవ్ర భావోద్వేగానికి లోనయ్యాడు. ఉబికి వస్తున్న బాధను ఆపుకోలేక కన్నీటిపర్యంతమయ్యాడు. బ్రావో కన్నీరు పెట్టుకున్న దృశ్యాలు సోషల్‌మీడియాలో వైరలవుతున్నాయి. Champion Dwayne Bravo announces his retirement from all formats of cricket.Know more: https://t.co/ljuWjTsGQS— CricTracker (@Cricketracker) September 27, 20242021లో అంతర్జాతీయ క్రికెట్‌కు వీడ్కోలు పలికిన బ్రావో.. వెస్టిండీస్‌ టీ20 ప్రపంచకప్‌ గెలిచిన రెండు సందర్భాల్లో (2012, 2016) ఆ జట్టులో కీలక సభ్యుడిగా ఉన్నాడు. బ్రావో పొట్టి క్రికెట్‌లో అత్యధిక వికెట్లు తీసిన బౌలర్‌గా కొనసాగుతున్నాడు. బ్రావో తన టీ20 కెరీర్‌లో 582 మ్యాచ్‌లు ఆడి 631 వికెట్లు పడగొట్టాడు. బ్రావో తాజాగా ఐపీఎల్‌లో కేకేఆర్‌ ఫ్రాంచైజీ మెంటార్‌గా ఎంపికయ్యాడు. ఐపీఎల్‌ 2025 నుంచి బ్రావో కేకేఆర్‌ మెంటార్‌గా వ్యవహరిస్తాడు. కాగా, 40 ఏళ్ల బ్రావో 2004లో తన అంతర్జాతీయ కెరీర్‌ మొదలుపెట్టాడు. నాటి నుంచి 2021 వరకు అతను విండీస్‌ జాతీయ జట్టుకు సేవలందించాడు. ఈ మధ్యలో 40 టెస్ట్‌లు, 164 వన్డేలు, 91 టీ20లు ఆడాడు. బౌలింగ్‌ ఆల్‌రౌండర్‌ అయిన బ్రావో తన అంతర్జాతీయ కెరీర్‌లో 6300 పైచిలుకు పరుగులు సాధించి, 363 వికెట్లు పడగొట్టాడు. బ్రావో 2008 నుంచి 2022 వరకు వివిధ ఫ్రాంచైజీల తరఫున ఐపీఎల్‌లో ఆడాడు. క్యాష్‌ రిచ్‌ లీగ్‌లో బ్రావో 161 మ్యాచ్‌లు ఆడి 1560 పరుగులు చేసి 183 వికెట్లు తీశాడు. చదవండి: భారత్‌తో టెస్ట్‌ మ్యాచ్‌.. బంగ్లాదేశ్‌ వీరాభిమానిపై దాడి.. ఆసుపత్రికి తరలింపు

ఐపీఎల్ 2025 మెగా వేలానికి సంబంధించిన రిటెన్షన్ రూల్స్ ఖరారైనట్లు తెలుస్తోంది. ఒక్కో ఫ్రాంఛైజీ గరిష్టంగా ఐదుగురు ఆటగాళ్లను (ముగ్గురు దేశీయ, ఇద్దరు విదేశీ ఆటగాళ్లు) రిటైన్‌ చేసుకునే అవకాశం ఉన్నట్లు సమాచారం. రైట్‌ టు మ్యాచ్‌ (ఆర్టీఎమ్‌) కార్డుకు బీసీసీఐ ఒప్పుకోలేదని తెలుస్తోంది. బుధవారం బెంగళూరులో జరిగిన బీసీసీఐ సర్వసభ్య సమావేశంలో ఈ అంశాలన్ని ఫైనలైజ్‌ అయినట్లు సమాచారం. దీనిపై అధికారిక ప్రకటన వెలువడటమే తరువాయి.రైట్ టు మ్యాచ్ కార్డ్(ఆర్టీఎమ్‌) అంటే.. ఏదైనా ఫ్రాంచైజీ వేలంలో తమ ఆటగాడిని కొనుగోలు చేస్తే ఆర్టీఎమ్‌ కార్డు ద్వారా ఆ ధరను సదరు ప్రాంచైజీకి చెల్లించి ఆటగాడిని తిరిగి తీసుకోవచ్చు. 2018 ఐపీఎల్ మెగా వేలంలో ఆర్టీఎమ్ కార్డ్‌ను చివరిసారిగా ఉపయోగించారు. ఆ తర్వాత బీసీసీఐ ఆర్టీఎమ్‌ కార్డ్‌ రూల్‌ను తొలగించింది. రానున్న మెగా వేలం తిరిగి ఈ రూల్‌ను ప్రవేశపెట్టాలని ఫ్రాంచైజీలు డిమాండ్‌ చేస్తున్నాయి. అయితే బీసీసీఐ ఇందుకు ససేమిరా అన్నట్లు తెలుస్తుంది. ఫ్రాంచైజీలు రిటైన్‌ చేసుకునే ఆటగాళ్ల సంఖ్యను పెంచాలని డిమాండ్‌ చేయగా.. దీనికి కూడా బీసీసీఐ నో చెప్పినట్లు సమాచారం. అంతిమంగా ఐదు రిటెన్షన్స్‌, నో ఆర్టీఎమ్‌, మెగా వేలానికి బీసీసీఐ ఓకే చెప్పినట్లు తెలుస్తుంది. ఈ ఏడాది డిసెంబర్‌లో ఐపీఎల్‌ 2025 సీజన్‌కు సంబంధించిన మెగా వేలం జరిగే అవకాశం ఉంది.చదవండి: న్యూజిలాండ్‌తో రెండో టెస్ట్‌.. రెండేళ్ల కరువును తీర్చుకున్న చండీమల్‌

ఇండియన్‌ ప్రీమియర్‌ లీగ్‌.. ప్రపంచంలోనే అత్యంత ఖరీదైన టీ20 క్రికెట్‌ టోర్నీ. ఐపీఎల్‌లో ఒక్కసారి ప్రతిభ నిరూపించుకుంటే కాసుల వర్షం కురవడం ఖాయం. ఇంతటి ఖ్యాతి ఉన్న పొట్టి లీగ్‌లో.. కెప్టెన్లుగా ఇప్పటికే తమ జట్లను ఐదుసార్లు చాంపియన్లుగా నిలిపిన ఘనత టీమిండియా దిగ్గజ సారథి మహేంద్ర సింగ్‌ ధోని(చెన్నై సూపర్‌ కింగ్స్‌), రోహిత్‌ శర్మ(ముంబై ఇండియన్స్‌)ల సొంతం.ముగ్గురు లెజెండ్స్‌ ఐపీఎల్‌లో ఒకే జట్టుకు ఆడితే కానీ.. మరో స్టార్‌, భారత మాజీ కెప్టెన్‌ విరాట్‌ కోహ్లికి మాత్రం ఐపీఎల్‌ ట్రోఫీ ఇప్పటికీ అందని ద్రాక్షగానే మిగిలిపోయింది. ఇక ఈ ముగ్గురు మేటి క్రికెటర్లలో ధోని 2008 నుంచి చెన్నై సూపర్‌ కింగ్స్‌తోనే ఉండగా.. కోహ్లి రాయల్‌ చాలెంజర్స్‌ బెంగళూరుతో ప్రయాణం కొనసాగిస్తున్నాడు. రోహిత్‌ మాత్రం ఆరంభంలో దక్కన్‌ చార్జర్స్‌కు ఆడినా.. తర్వాత ముంబై ఇండియన్స్‌లో చేరాడు.ఇదిలా ఉంటే... ఈ ముగ్గురు లెజెండ్స్‌ ఐపీఎల్‌లో ఒకే జట్టుకు ఆడితే ఎలా ఉంటుంది? ముగ్గురిలో ‌ఒకరిని మాత్రమే తుదిజట్టులోకి తీసుకోవాలనే నిబంధన ఉంటే?.. ఇలాంటి క్రేజీ ప్రశ్నే ఎదురైంది ఇంగ్లండ్‌ మాజీ కెప్టెన్‌ మైకేల్‌ వాన్‌, ఆస్ట్రేలియా లెజెండరీ వికెట్‌ కీపర్‌ బ్యాటర్‌ ఆడం గిల్‌క్రిస్ట్‌లకు ఎదురైంది. ఇందుకు మైకేల్‌ వాన్‌ ఇచ్చిన సమాధానం వైరల్‌ అవుతోంది.ధోనిని ఆడిస్తాను.. కెప్టెన్‌గా‘‘నేనైతే ఎంఎస్‌ ధోనిని ఆడిస్తాను. అతడి కంటే మెరుగైన ఆటగాడు మరొకరు ఉండరు. అంతేకాదు నా జట్టుకు ధోనినే కెప్టెన్‌. విరాట్‌కు నా జట్టులో స్థానం ఉండదు. అతడిని వేరే జట్టుకు అమ్మేస్తాను. ఎందుకంటే అతడు ఒక్కసారి ఐపీఎల్‌ టైటిల్‌ గెలవలేదు. రోహిత్‌ ఓవరాల్‌గా ఆరుసార్లు గెలిచాడు. ధోనికి ఐదు ట్రోఫీలు ఉన్నాయి. కాబట్టి ధోనిని ఆడించి.. రోహిత్‌ను అతడికి సబ్‌స్టిట్యూట్‌గా పెడతా. విరాట్‌కు మాత్రం చోటివ్వను’’ అని మైకేల్‌ వాన్‌ ఓ పాడ్‌కాస్ట్‌లో పేర్కొన్నాడు. చదవండి: టీమిండియాకు అతడే కీలకం.. ఆ ఒక్కడిని కట్టడి చేస్తే: కమిన్స్‌ View this post on Instagram A post shared by cricket.com (@cricket.com_official)

చెన్నై: మైదానంలో దూకుడైన స్వభావానికి వారిద్దరు చిరునామా... ఆటతోనే కాకుండా ప్రత్యర్థులపై మాటలతో దూసుకుపోయేందుకు ఎవరూ వెనుకాడరు... భారత ఆటగాళ్లుగా ఇతర జట్లతో తలపడిన సందర్భాలే కాదు... ఒకరికొకరు కూడా ఆవేశంతో మాటా మాటా అనుకున్న సందర్భాలు ఉన్నాయి. ఐపీఎల్‌లో అలాంటివి అభిమానులు చూశారు.అలాంటివారు ఒకరు ప్లేయర్‌గా, మరొకరు అదే జట్టుకు కోచ్‌గా కలిసి భారత జట్టును నడిపించబోతున్నారు. ఈ నేపథ్యంలో ఇద్దరు ‘ఢిల్లీ బాయ్స్‌’ విరాట్‌ కోహ్లి, గౌతమ్‌ గంభీర్‌ల మధ్య ఆసక్తకర సంభాషణ జరిగింది. తామిద్దరి మధ్య ఏదో వైరం ఉందంటూ మసాలా వార్తలు రాసుకునే వారికి ఈ సంభాషణ తర్వాత అలాంటి అవకాశం ఉండదని వారు ఈ ‘బీసీసీఐ’ వెబ్‌సైట్‌ రూపొందించిన వీడియోలో చెప్పేశారు. » మైదానంలో బ్యాటింగ్‌ సమయంలో దూషణలకు దిగితే అది బ్యాటింగ్‌పై ప్రభావం చూపి అవుటవుతారా లేక మరింత దూకుడుగా ఆడి ఆధిపత్యం ప్రదర్శించవచ్చా అని గంభీర్‌ను కోహ్లి అడిగాడు. దీనిపై గంభీర్‌ ‘ఇలాంటి తరహా అనుభవాలు నాకన్నా నీకే ఎక్కువగా ఉన్నాయి. నువ్వే బాగా చెప్పగలవు’ అని సమాధానం ఇవ్వడంతో నవ్వులు విరిశాయి. ‘ఇది తప్పు కాదు. ఇలా చేయవచ్చు అని నాకు మద్దతిస్తావని ఆశించా’ అంటూ కోహ్లి బదులిచ్చాడు. తన విషయంలో ఆ తరహా దూకుడు బాగా పని చేసిందని గంభీర్‌ అన్నాడు. » మెదానంలో మంచి ఇన్నింగ్స్‌లు ఆడిన సందర్భాల్లో దైవభక్తి బాగా పని చేసిందని ఇద్దరూ గుర్తు చేసుకున్నారు. తాను న్యూజిలాండ్‌పై నేపియర్‌లో అద్భుత ఇన్నింగ్స్‌తో జట్టును ఆదుకున్న సమయంలో ‘హనుమాన్‌ చాలీసా’ పారాయణం చేసినట్లు గంభీర్‌ చెప్పగా... అడిలైడ్‌లో ఆస్ట్రేలియాపై సెంచరీ చేసినప్పుడు ‘ఓం నమఃశివాయ’ అంటూ వచ్చానని కోహ్లి వెల్లడించాడు. » 2011 వన్డే వరల్డ్‌ కప్‌ ఫైనల్లో భారత్‌ విజయం సాధించిన క్షణాల వీడియో చూస్తుండటంతో వీరి సంభాషణ మొదలైంది. ఢిల్లీ గ్రౌండ్‌లో గంభీర్‌ను చూసి తాను ఎలా కెరీర్‌లో ఎదగాలో స్ఫూర్తిగా తీసుకున్న విషయాన్ని కోహ్లి చెప్పగా... కెరీర్‌ ఆరంభంలో కోహ్లి ఆడిన కొన్ని అత్యుత్తమ ఇన్నింగ్స్‌లపై గంభీర్‌ ప్రశంసలు కురిపించాడు. అనంతరం ఈ చర్చ భారత టెస్టు క్రికెట్‌ వైపు మళ్లింది. ఒక ఆటగాడి గొప్పతనాన్ని గుర్చించేందుకు టెస్టు క్రికెట్‌ మాత్రమే అసలైన వేదిక అని ఇద్దరూ అభిప్రాయ పడ్డారు. భారత జట్టు బ్యాటింగ్‌లో చాలా కాలంగా బలంగా ఉందని... అయితే బౌలింగ్‌ను శక్తివంతంగా మార్చి బౌలర్ల ద్వారా మ్యాచ్‌లను గెలిపించిన ఘనత కెపె్టన్‌గా కోహ్లిదేనని గంభీర్‌ వ్యాఖ్యానించాడు. రాబోయే తరంలో టెస్టులను ఇష్టపడేలా ఆటగాళ్లను ప్రోత్సహించాల్సిన బాధ్యత తమపై ఉందని వీరిద్దరు అభిప్రాయపడ్డారు. » లక్ష్య ఛేదన అంటేనే తనకు ఇష్టమని, తాను చేయాల్సిన పనిపై స్పష్టత ఉంటుందని కోహ్లి అన్నాడు. ఒక ఆటగాడు సొంత మైలురాళ్ల గురించి ఆలోచించకుండా టీమ్‌ కోసం ఏం కావాలో ఆలోచిస్తేనే ఛేదన సులువై జట్టుకు విజయాలు లభిస్తాయని గంభీర్‌ విశ్లేషించాడు. వరల్డ్‌ కప్‌ ఫైనల్లో తాను సెంచరీ గురించి ఆలోచించనే లేదని, అవుటైనప్పుడు కూడా ప్రత్యర్థి కోలుకునే అవకాశం ఇవ్వడం పట్ల బాధపడ్డానని గంభీర్‌ వివరించాడు. » తర్వాతి అతిథి రోహిత్‌ శర్మ అయితే ఏం ప్రశ్న వేయాలని గంభీర్‌ అడగ్గా... ఉదయమే నానబెట్టిన బాదం పలుకులు తిన్నావా లేదా అని అడగాలని (అతని మతిమరపును గుర్తు చేస్తూ)... ఉదయం 11 గంటలకు ఇంటర్వ్యూకు రమ్మంటే రాత్రి 11 గంటలకు వస్తాడని కోహ్లి చెప్పడంతో నవ్వులతో సంభాషణ ముగిసింది.

అన్నట్లు’... మెరుగైన ప్లేయర్లు, అంతకుమించిన సహాయక సిబ్బంది, ప్రతి మ్యాచ్‌లో దగ్గరుండి ప్రోత్సహించే ఫ్రాంచైజీ యాజమాన్యం, అన్నీటికి మించి జట్టు ఎలాంటి ప్రదర్శన చేసినా వెన్నంటి నిలిచే అభిమాన గణం ఇలా అన్నీ ఉన్నా... పంజాబ్‌ కింగ్స్‌ జట్టు ఇప్పటి వరకు ఒక్కసారి కూడా ఐపీఎల్‌ టైటిల్‌ గెలవలేకపోయింది. గత ఏడేళ్లుగా కనీసం టాప్‌–5లో కూడా నిలవలేకపోయింది. మరి ఇప్పుడు కొత్త హెడ్‌ కోచ్‌గా ఆ్రస్టేలియా దిగ్గజం రికీ పాంటింగ్‌ రాకతోనైనా పంజాబ్‌ రాత మారుతుందా లేదా వేచి చూడాలి. ఇండియన్‌ ప్రీమియర్‌ లీగ్‌ (ఐపీఎల్‌) ఆరంభం నుంచి కొనసాగుతున్న జట్లలో పంజాబ్‌ ఒకటి. కొన్నేళ్లు కింగ్స్‌ ఎలెవన్‌ పంజాబ్‌ పేరుతో లీగ్‌లో ఆడింది. ఆ తర్వాత ఈ పేరును పంజాబ్‌ కింగ్స్‌గా మార్చుకుంది. అయితేనేం ఐపీఎల్‌ విన్నర్స్‌ ట్రోఫీ మాత్రం పంజాబ్‌ జట్టుకు అందని ద్రాక్షగానే ఉంది. క్రిస్‌ గేల్, ఆడమ్‌ గిల్‌క్రిస్ట్, వీరేంద్ర సెహ్వాగ్, యువరాజ్‌ సింగ్, కేఎల్‌ రాహుల్, షాన్‌ మార్‌‡్ష, డేవిడ్‌ మిల్లర్, మ్యాక్స్‌వెల్, శిఖర్‌ ధావన్‌ వంటి విధ్వంసక బ్యాటర్లు ప్రాతినిధ్యం వహించినా... టామ్‌ మూడీ మొదలుకొని అనిల్‌ కుంబ్లే వరకు ఎందరో దిగ్గజాలు హెడ్‌ కోచ్‌లుగా పనిచేసినా పంజాబ్‌ రాత మాత్రం మారడంలేదు. చివరిసారిగా 2014లో ఫైనల్‌ చేరిన పంజాబ్‌ జట్టు... గత ఏడు సీజన్లలో కనీసం టాప్‌–5లో కూడా చోటు దక్కించుకోలేకపోయింది. ఈ ఏడాది శిఖర్‌ ధావన్‌ సారథ్యంలో బరిలోకి దిగిన పంజాబ్‌ కింగ్స్‌ జట్టు తొమ్మిదో స్థానంలో నిలిచింది. ఆడిన 14 మ్యాచ్‌ల్లో తొమ్మిదింట ఓడి 10 పాయింట్లు మాత్రమే సాధించింది. గాయం కారణంగా ధావన్‌ కొన్ని మ్యాచ్‌లకే అందుబాటులో ఉండటం... భారీ ధర పెట్టి కొనుగోలు చేసుకున్న ఇంగ్లండ్‌ పేస్‌ ఆల్‌రౌండర్‌ స్యామ్‌ కరన్‌ స్థాయికి తగ్గ ప్రదర్శన చేయలేకపోవడం పంజాబ్‌ విజయావకాశాలపై ప్రభావం చూపింది. ఇలాంటి దశలో జట్టు ప్రక్షాళన చేపట్టిన పంజాబ్‌ ఆ దిశగా తొలి అడుగు వేసింది. తన ముద్ర వేస్తాడా? గత పదేళ్లలో తరచూ ప్లేయర్లను మార్చడం... కెప్టెన్లను మార్చడం... కోచ్‌లను మార్చడం ఇలాంటి వాటితోనే వార్తల్లో నిలుస్తున్న పంజాబ్‌ కింగ్స్‌ ఫ్రాంచైజీ ఈసారి మెరుగైన ఫలితాలు సాధించాలనే ఉద్దేశంతోనే ఆస్ట్రేలియాకు రెండు ప్రపంచకప్‌లు అందించిన రికీ పాంటింగ్‌ను హెడ్‌ కోచ్‌గా నియమించుకుంది. ఆటగాడిగా, శిక్షకుడిగా అపార అనుభవం ఉన్న పాంటింగ్‌ మార్గనిర్దేశకత్వంలో పంజాబ్‌ ప్రదర్శన మారుతుందని యాజమాన్యం ధీమాగా ఉంది. ఐపీఎల్‌ ఆరంభం నుంచి ఆటగాడిగా, కోచ్‌గా కొనసాగుతున్న రికీ పాంటింగ్‌... గత ఏడేళ్లుగా ఢిల్లీ క్యాపిటల్స్‌ ఫ్రాంచైజీ హెడ్‌ కోచ్‌గా వ్యవహరించాడు. ప్రతిభను గుర్తించి సానబెట్టడం, యువ ఆటగాళ్లకు అండగా నిలవడంలో తనదైన ముద్ర వేసిన పాంటింగ్‌... ఢిల్లీ జట్టును 2020 సీజన్‌లో ఫైనల్‌కు చేర్చాడు. ముంబై ఇండియన్స్‌ వంటి స్టార్‌లతో కూడిన జట్టుకు శిక్షణ ఇచ్చిన అనుభవం ఉన్న పాంటింగ్‌... పంజాబ్‌ జట్టును గాడిన పెడతాడని యాజమాన్యం బలంగా విశ్వసిస్తోంది. సుదీర్ఘ ప్రణాళికలో భాగంగానే పాంటింగ్‌ను నాలుగేళ్లకు కోచ్‌గా నియమించినట్లు ఫ్రాంచైజీ సీఈవో సతీశ్‌ మీనన్‌ పేర్కొన్నాడు. వారికి భిన్నంగా.. ఇప్పటి వరకు పంజాబ్‌ జట్టుకు టామ్‌ మూడీ, ఆడమ్‌ గిల్‌క్రిస్ట్, సంజయ్‌ బంగర్, వీరేంద్ర సెహ్వాగ్, బ్రాడ్‌ హాడ్జ్, అనిల్‌ కుంబ్లే, ట్రెవర్‌ బేలిస్‌ కోచ్‌లుగా వ్యవహరించారు. వీరందరికీ భిన్నంగా పాంటింగ్‌ జట్టును నడిపిస్తాడని యాజమాన్యం ఆశిస్తోంది. అందుకు తగ్గట్లే పంజాబ్‌ జట్టుతో కలిసి పనిచేసేందుకు ఉత్సుకతతో ఉన్నట్లు పాంటింగ్‌ వెల్లడించాడు. ‘కొత్త సవాల్‌ స్వీకరించడం ఆనందంగా ఉంది. ఫ్రాంచైజీ యాజమాన్యంతో సుదీర్ఘంగా చర్చించిన అనంతరం ఈ నిర్ణయం తీసుకున్నా. ఎన్నో ఏళ్లుగా జట్టుకు మద్దతుగా నిలుస్తున్న అభిమానులకు... భిన్నమైన జట్టును చూపిస్తా’ అని పాంటింగ్‌ అన్నాడు. జట్టులో సమూల మార్పులు ఆశిస్తున్న పాంటింగ్‌... త్వరలోనే సహాయక బృందాన్ని ఎంపిక చేయనున్నాడు. ప్రస్తుతం బంగర్‌ పంజాబ్‌ ఫ్రాంచైజీ క్రికెట్‌ డెవలప్‌మెంట్‌ హెడ్‌గా కొనసాగుతుండగా... లాంగ్‌వెల్ట్‌ ఫాస్ట్‌ బౌలింగ్, సునీల్‌ జోషి స్పిన్‌ బౌలింగ్‌ కోచ్‌లుగా ఉన్నారు. కోర్‌ గ్రూప్‌పై దృష్టి అంతర్జాతీయ క్రికెట్‌కు వీడ్కోలు పలికిన శిఖర్‌ ధావన్‌ ఈ ఏడాది పంజాబ్‌ జట్టు కెప్టెన్‌గా వ్యవహరించాడు. అర్‌‡్షదీప్, జితేశ్‌ శర్మ, రబడ, లివింగ్‌స్టోన్, స్యామ్‌ కరన్, బెయిర్‌స్టో వంటి పలువురు నాణ్యమైన ప్లేయర్లు జట్టులో ఉన్నారు. వచ్చే ఐపీఎల్‌కు ముందు మెగా వేలం జరగనున్న నేపథ్యంలో ఈ స్టార్‌ ఆటగాళ్లను అట్టిపెట్టు కోవాలా లేదా అనే విషయంపై పాంటింగ్‌ నిర్ణయం తీసుకుంటాడు. ఈ ఏడాది ఐపీఎల్‌ చరిత్రలోనే అత్యధిక లక్ష్యాన్ని ఛేదించిన జట్టుగా రికార్డు సృష్టించిన పంజాబ్‌ కింగ్స్‌... అదే తీవ్రతను చివరి వరకు కొనసాగించలేకపోయింది. ఈ సీజన్‌ ద్వారా పంజాబ్‌ జట్టుకు శశాంక్‌ సింగ్, అశుతోష్‌ శర్మ వంటి నైపుణ్యం ఉన్న ఆటగాళ్లు లభించినట్లైంది. తాజా సీజన్‌లో అతి క్లిష్ట పరిస్థితులను సైతం ఈ జోడీ సమర్థంగా ఎదుర్కొని భవిష్యత్తుపై భరోసా పెంచింది. ఇలాంటి వాళ్లను సానబెట్టడంలో సిద్ధహస్తుడైన పాంటింగ్‌ వేలం నుంచే తనదైన ముద్ర వేస్తాడనడంలో సందేహం లేదు.

ఒకప్పుడు ఆదివారం వస్తే చాలు ఉదయం చాయ్‌ తాగి ఇంట్లో నుంచి బయటకు వెళ్తే సాయంత్రం ఆరు గంటల వరకూ కూడా ఇంటికి రాకుండా క్రికెట్‌ ఆడిన రోజులు పాత తరం యువతకు చాలామందికి అనుభవమే. అలాగే క్రికెట్‌ చూడాలంటే కనీసం 5 నుంచి 7 కి.మీ. ప్రయాణించి టీవీ చూసి వచ్చిన రోజులూ ఉన్నాయి.. క్రికెట్‌ అంటే అంత పిచి్చ.. అంత అభిమానం ఉండేది. ఇప్పుడు కూడా ఆ అభిమానం అస్సలు మారలేదు. కానీ రూపు మార్చుకుంది. గల్లీ క్రికెట్‌ కాస్త పోష్‌ క్రికెట్‌ అయ్యింది. అకాడమీల్లో గంటకు కొంత డబ్బులు చెల్లించి ప్రొఫెషనల్‌ క్రికెట్‌ ఆడుతున్నారు. అంతేనా లోకల్‌ మ్యాచ్‌ల నుంచి జాతీయ స్థాయి మ్యాచ్‌ల స్థాయికి చేరుతున్నారు. రోజుకు కనీసం 8 గంటల పాటు ప్రాక్టీస్‌ మెళకువలతో పాటు ఫిట్‌నెస్‌పై దృష్టి బౌండరీలు దాటుతున్న లోకల్‌ టాలెంట్‌ ఐపీఎల్‌ వరకూ ఎదిగేందుకు అడుగులు క్రికెట్‌.. భారతదేశంలో ఒక మతం. దేశంలో క్రికెట్‌ను ఆరాధించని వారు లేరంటే అతిశయోక్తి కాదు. క్రికెట్‌ మ్యాచ్‌ వస్తుందంటే చాలు చిన్నా పెద్దా, ఆడా మగ తేడా లేకుండా టీవీలకు అతుక్కుపోతుంటారు. క్రికెట్‌ ఆడటం అంటే చిన్నప్పటి నుంచే క్రేజ్‌. గల్లీ క్రికెట్‌లో ఆడుతూ మంచి షాట్‌ కొడుతూ తమను తామే సచిన్‌ టెందుల్కర్, విరాట్‌కోహ్లి అనుకుంటూ సంబరపడిపోతుంటారు. అయితే ఒకప్పుడు క్రికెట్‌ అంటే కేవలం వినోదం కోసం చూడటమో.. ఆడటమో చేస్తుండేవారు. కానీ నేటి తరం క్రికెట్‌ను కూడా తమ కెరీర్‌గా మార్చుకుంటున్నారు. క్రికెట్‌ కాస్త ఖరీదైన వ్యవహారమే అయినా.. ఎలాగైనా కష్టపడి రంజీ లేదా ఐపీఎల్‌ ఆడి తమ సత్తా చూపాలని తాపత్రయపడుతున్నారు. అందుకోసం చిన్నతనం నుంచే గ్రౌండ్‌లో చెమటలు చిందిస్తున్నారు. ఎప్పటికైనా జాతీయ స్థాయిలో ఆడకపోతామా అనే ధీమాతో ముందుకు వెళ్తున్నారు. క్రికెట్‌ను కెరీర్‌గా చేసుకునే వారికి చాలా నిబద్ధతతో శిక్షణ ఇచ్చే కోచింగ్‌ సెంటర్లు నగరంలో భారీగా వెలిశాయి. అసలు కోచింగ్‌ సెంటర్లు పిల్లలను క్రికెటర్లుగా ఎలా మలుస్తున్నాయి.. ఎన్ని గంటల పాటు వారికి శిక్షణ ఇస్తున్నాయి.. ఎలా కష్టపడితే ఐపీఎల్‌ లేదా జాతీయ స్థాయిలో ఆడేందుకు అవకాశం వస్తుంది.. అనే విషయాలను తెలుసుకుందాం..! ఏడో యేటనుంచే.. సాధారణంగా క్రికెట్‌ ఆకాడమీల్లో పిల్లలు ఏడేళ్ల వయసు నుంచే చేరుతుంటారు. అందరూ క్రికెట్‌ను కెరీర్‌గా మలచుకునేందుకు చేరరు. కొందరు తల్లిదండ్రులు తమ పిల్లలు ఫిట్‌గా ఉండాలనే ఉద్దేశంతో చిన్నతనంలోనే క్రికెట్‌ అకాడమీల్లో చేరి్పస్తుంటారు. మిగిలిన వారంతా క్రికెటర్లుగా చూడాలనే ఉద్దేశంతోనే అకాడమీల్లో చేరి్పస్తుంటారు. మొదటి రెండేళ్ల వరకూ టెన్నిస్‌ బాల్, ప్లాస్టిక్‌ బాల్‌తో ఆడిస్తారు. 12 ఏళ్లు దాటిన తర్వాత లెదర్‌ బాల్‌తో నెట్స్‌లో ఆడిస్తుంటారు. ఈ సమయంలోనే బ్యాచ్‌లుగా వేరు చేసి, వారి ఆట తీరునుబట్టి తరీ్ఫదు ఇస్తుంటారు. కష్టపడితే ఎన్నో అవకాశాలు.. క్రికెట్‌లో రాణించడం ఒకప్పుడు డబ్బులపైనే ఆధారపడి ఉండేది. కానీ ప్రస్తుతం పరిస్థితులు మారాయి. కష్టపడి మంచి ఆటతీరు కనబరిస్తే ఎంతో ఎత్తుకు వెళ్లే అవకాశాలు ఉంటాయని పలువురు కోచ్‌లు చెబుతున్నారు. టాలెంట్‌ ఉన్న వారికి అవకాశాలు ఎదురుచూస్తూనే ఉంటాయని, ఎట్టిపరిస్థితుల్లో కుంగిపోకుండా ముందుకు వెళ్లాలని చెబుతున్నారు.ఒక్కో రోజు ఒక్కో సెషన్‌.. సాధారణంగా క్రికెట్‌ ఆడాలంటే బ్యాటింగ్, బౌలింగ్, ఫీల్డింగ్‌ ఇలా అన్ని అంశాల్లో ప్రత్యేకంగా శిక్షణ పొందాల్సి ఉంటుంది. రోజుకో అంశంలో పిల్లలకు కోచ్‌ శిక్షణ ఇస్తుంటారు. ఒక రోజు బ్యాటింగ్‌ అయితే మరో రోజు బౌలింగ్, ఇంకో రోజు నాకింగ్, ఫీల్డింగ్‌లో ప్రాక్టీస్‌ చేయిస్తుంటారు. క్యాచ్‌లు పట్టే విధానంలో కూడా మెళకువలు నేరి్పస్తుంటారు. దీంతో పాటు క్రికెట్‌ ఫిట్‌నెస్‌ కూడా ముఖ్యం. ఇందులో భాగంగా జంపింగ్స్, ఫాస్ట్‌ రన్నింగ్, డ్రిల్స్‌ చేయిస్తుంటారు.అకాడమీ ఎంచుకునే ముందు..చాలా అకాడమీలు పుట్టగొడుగుల్లా పుట్టుకొస్తున్నాయి. ఈ ట్రెండ్‌ను క్యాష్‌ చేసుకునేందుకు కొందరు ప్రయతి్నస్తున్నారు. ఇలాంటి వారి వద్ద చేరితే సమయంతో పాటు డబ్బు కూడా వృథా అవుతుంది. కమర్షియల్‌గా, బాక్స్‌ క్రికెట్‌ మాదిరిగా ఉండే అకాడమీలు కూడా ఉన్నాయి. అందుకే అకాడమీల్లో చేరేముందు అది ఎలాంటి అకాడమీ.. వాళ్లు ఎలాంటి శిక్షణ ఇస్తున్నారు.. ఎంత సమయం ప్రాక్టీస్‌ చేయిస్తారు అనే విషయాలు ముందే చూసుకుని చేరి్పస్తే మంచిదని పలువురు శిక్షకులు సూచిస్తున్నారు.భారత్‌ తరపున ఆడించాలనే లక్ష్యంతో.. ప్రతి అకాడమీ కూడా తమ పిల్లలను భారత జట్టులో చూసుకోవాలన్నదే లక్ష్యంగా పెట్టుకుంటాయి. అందుకోసం వారు మెళకువలు నేర్చుకోవడంతో పాటు వాటిని పిల్లలకు నేరి్పస్తుంటారు. ప్రతి వారం మ్యాచ్‌లు పెట్టి వారి ఆటతీరును పరిశీలిస్తుంటారు. సీజనల్‌ మ్యాచ్‌లు అంటే జూన్‌–జులైలో జరిగే వన్‌ డే, టూడే, త్రీడే లీగ్‌ మ్యాచ్‌లకు కూడా వెళ్లి పాల్గొంటారు. హెచ్‌సీఏ నుంచి జరిగే లీగ్‌ మ్యాచ్‌లలో బాగా ఆడితే అండర్‌–14, –16, –19 స్టేట్‌ టీమ్స్‌కు ఆడే అవకాశం వస్తుంది. అక్కడ ఎవరైనా మంచి పెర్ఫార్మెన్స్‌ చేస్తే రంజీ ఆడే అవకాశం ఉంటుంది.రోజుకు ఎనిమిది గంటల ప్రాక్టీస్‌ క్రికెట్‌ అకాడమీల్లో చాలావరకూ ఉదయం 5– 5.30 గంటల నుంచే దినచర్య ప్రారంభం అవుతుంది. రెండు గంటల పాటు ప్రాక్టీస్‌ చేస్తుంటారు. ఆ తర్వాత కాసేపు బ్రేక్‌ ఫాస్ట్‌ చేసిన తర్వాత మళ్లీ ప్రాక్టీస్‌ చేస్తుంటారు. మళ్లీ మధ్యాహ్నం భోజనం చేసిన తర్వాత కాసేపు విశ్రాంతి తీసుకుని మళ్లీ రాత్రి 7 గంటల వరకూ ప్రాక్టీస్‌ చేస్తుంటారు. బౌలింగ్‌ మెషీన్స్, నెట్‌ సెషన్స్, సైడ్‌ ఆర్మ్‌ ప్రాక్టీస్‌ చేస్తుంటారు. వీరి వెన్నంటే ఉండే కోచ్‌లు ఎప్పటికప్పుడు వారికి ఆటలో తప్పులు అర్థం చేసుకుని ఆటగాళ్లు ఆడే విధానంలో మార్పులు చేస్తుంటారు. ఎక్కడైనా టోర్నమెంట్స్‌కు వెళ్లినప్పుడు వేరే అకాడమీ లేదా వేరే జట్టు ఆటగాళ్లు ఆడే తీరును కూడా పరిశీలించి.. తమ అకాడమీ పిల్లల ఆటలో ఎలాంటి మార్పులు చేస్తే బాగుంటుందనే విషయాలను వారికి చెబుతుంటారు. ఇలా రోజులో కనీసం 8 నుంచి 9 గంటల పాటు గ్రౌండ్‌లోనే ప్రాక్టీస్‌ చేస్తూ ఎప్పటికప్పుడు తమ ఆటతీరును అప్‌డేట్‌ చేసుకుంటారు. క్వాలిఫైడ్‌ ట్రైనర్స్‌తో.. క్రికెట్‌ కోసం చాలా మంది అకాడమీకి వస్తుంటారు. ఉదయం నుంచి సాయంత్రం వరకూ శిక్షణ ఇస్తుంటాం. దాదాపు 15 మంది మా అకాడమీ నుంచి రాష్ట్ర స్థాయికి సెలెక్ట్‌ అయ్యారు. వారికి ఎప్పటికప్పుడు ఆటలో మెళకువలు నేర్పించేందుకు క్వాలిఫైడ్‌ ట్రైనర్స్‌ ఉంటారు. మానసికంగా కూడా వారికి కావాల్సిన మద్దతు ఇస్తుంటాం. – కల్యాణ్, క్రికెట్‌ కోచ్, కూకట్‌పల్లి ఆసక్తి చూపుతున్న అమ్మాయిలు.. ఇటీవల కాలంలో అమ్మాయిలు కూడా క్రికెట్‌పై ఎంతో ఆసక్తి చూపుతున్నారు. వారికి కూడా అబ్బాయిలతో పాటు సమానంగా అకాడమీ నుంచి శిక్షణ ఇస్తుంటాం. కావ్యశ్రీ అనే అమ్మాయి ఇటీవల సీనియర్‌ వుమెన్స్‌ రంజీ ట్రోఫీలో ఆడుతున్నారు. ఆమెతో పాటు మరో నలుగురు అమ్మాయిలు, ముగ్గురు అబ్బాయిలు స్టేట్‌ లెవల్‌ టీమ్స్‌లో ఆడే అవకాశం దక్కించుకున్నారు. వారిలో ఒకరినైనా ఇండియా జట్టులో చూడాలనేదే మా ఆశ. – తలకంటి సతీశ్‌రెడ్డి, ఎంఎస్‌డీ క్రికెట్‌ అకాడమీ, మేడిపల్లి

టీమిండియా హెడ్‌కోచ్‌ పదవి గురించి మాజీ క్రికెటర్‌ వీరేంద్ర సెహ్వాగ్‌ ఆసక్తికర వ్యాఖ్యలు చేశాడు. జాతీయ జట్టు శిక్షకుడిగా ఉండటం కంటే.. ఐపీఎల్‌ కోచ్‌గా ఉండటమే తనకు ఇష్టమని పేర్కొన్నాడు. భారత విధ్వంసకర ఓపెనర్‌గా గుర్తింపు పొందిన వీరూ భాయ్‌.. 2015లో అంతర్జాతీయ క్రికెట్‌కు వీడ్కోలు పలికాడు. అదే ఏడాది ఐపీఎల్‌లో పంజాబ్‌ కింగ్స్‌కు చివరిసారిగా ప్రాతినిథ్యం వహించాడు.అనంతరం అదే జట్టుకు 2016లో మెంటార్‌గా ఎంపికయ్యాడు. ఆ తర్వాత పంజాబ్‌ ఫ్రాంఛైజీ క్రికెట్‌ డైరెక్టర్‌గా బాధ్యతలు చేపట్టాడు సెహ్వాగ్‌. 2018 వరకు అదే పదవిలో కొనసాగాడు. అయితే, 2017లోనే టీమిండియా హెడ్‌కోచ్‌ రేసులో నిలిచినా.. రవిశాస్త్రికి అవకాశం దక్కగా.. సెహ్వాగ్‌కు మొండిచేయి ఎదురైంది. అప్పటి నుంచి మళ్లీ అతడు ఎన్నడూ జాతీయ జట్టు కోచ్‌గా వెళ్లాలన్న ప్రయత్నం చేయలేదు.టీమిండియాకు కాదు.. ఐపీఎల్‌ కోచ్‌గా ఉండటం బెటర్‌ఈ నేపథ్యంలో ఓ ఇంటర్వ్యూలో మాట్లాడిన వీరేంద్ర సెహ్వాగ్‌ అందుకు గల కారణం వెల్లడించాడు. ‘‘టీమిండియా కోచ్‌గా ఉండటం కంటే ఐపీఎల్‌ జట్టు కోచ్‌గా ఉండటానికే నేను మొగ్గుచూపుతాను. నిజానికి నేను గనుక భారత జట్టు కోచ్‌ని అయితే.. మళ్లీ పాతరోజుల్లాగే గడుస్తుంది. సిరీస్‌లు ఉన్నపుడు ఇంటికి ఏడెనిమిది నెలలపాటు దూరంగా ఉండాల్సి వస్తుంది.నా కుమారులూ క్రికెటర్లేఇప్పుడు నా పిల్లల వయసు 14, 16 ఏళ్లు. వాళ్లకు నా అవసరం ఉంది. వాళ్లిద్దరు క్రికెటర్లే. ఒకరు ఆఫ్‌ స్పిన్నర్‌ అయితే.. మరొకరు ఓపెనింగ్‌ బ్యాటర్‌. నా కుమారులకు దిక్సూచిలా ఉంటూ.. వారికి తగినంత సమయం కేటాయించడమే నా ముందున్న కర్తవ్యం’’ అని సెహ్వాగ్‌ అమర్‌ ఉజాలా ఇంటర్వ్యూలో చెప్పుకొచ్చాడు. ఐపీఎల్‌ కోచ్‌గా మారితే స్వల్పకాలం మాత్రమే కుటుంబానికి దూరంగా ఉండాల్సి వస్తుందని.. అందుకే తన ఓటు అటు వేశానని పేర్కొన్నాడు.చదవండి: అందుకు నువ్వే కారణమవుతావని కోహ్లితో చెప్పా.. ఆ తర్వాత: భజ్జీ

ప్రముఖ కామెంటేటర్ హ‌ర్షా భోగ్లే త‌న ఆల్ టైమ్ ఐపీఎల్ ప్లేయింగ్ ఎలెవ‌న్‌ను ఎంచుకున్నాడు. త‌ను ఎంచుకున్న జ‌ట్టుకు కెప్టెన్‌గా భార‌త క్రికెట్ దిగ్గ‌జం, సీఎస్‌కే మాజీ సార‌ధి ఎంఎస్ ధోనిని భోగ్లే ఎంపిక చేశాడు. అదే విధంగా త‌న జ‌ట్టు ఓపెన‌ర్లుగా రాయల్ ఛాలెంజర్స్ బెంగళూరు లెజెండ్స్ క్రిస్ గేల్‌, విరాట్ కోహ్లిల‌కు అవ‌కాశ‌మిచ్చాడు. ఐపీఎల్‌లో వీరిద్ద‌రూ ఓపెన‌ర్లుగా 28 ఇన్నింగ్స్‌లలో 1210 పరుగుల సాధించారు. నాలుగు సార్లు 50కు పైగా ప‌రుగుల భాగ‌స్వామ్యాన్ని నెల‌కొల్పారు. ఇక మూడో స్ధానంలో మిస్ట‌ర్ ఐపీఎల్ సురేష్ రైనాకు భోగ్లే చోటిచ్చాడు. ఐపీఎల్‌లో 5000 ప‌రుగుల మైలు రాయిని అందుకున్న తొలి క్రికెట‌ర్ రైనానే. త‌న ఐపీఎల్ కెరీర్‌లో ఏకంగా 109 క్యాచ్‌ల‌ను రైనా అందుకున్నాడు. అత‌డిని అభిమానులు ముద్ద‌గా చిన్న త‌లా పిలుచుకుంటున్నారు. ఇక నాలుగో స్ధానంలో భార‌త టీ20 కెప్టెన్ సూర్య‌కుమార్ యాద‌వ్‌కు భోగ్లే ఛాన్స్ ఇచ్చాడు. ఈ క్యాష్ రిచ్ లీగ్‌లో 2017 నుంచి ముంబై ఇండియ‌న్స్ ప్రాతినిథ్యం వ‌హిస్తున్న సూర్య‌.. ఎన్నో అద్భుత ఇన్నింగ్స్‌ల‌ను ఆడాడు.అదే విధంగా హ‌ర్ష త‌న జ‌ట్టుకు కెప్టెన్‌తో పాటు వికెట్ కీప‌ర్‌గా ధోనినే ఎంచుకున్నాడు. ప్ర‌పంచంలోని అత్యుత్త‌మ కెప్టెన్‌, వికెట్ కీప‌ర్ల‌లో ఒక‌డిగా ధోని పేరు గాంచాడు. ఇక ఈ జ‌ట్టులో ఆల్‌రౌండ‌ర్‌గా భార‌త స్టార్ క్రికెట‌ర్‌ హార్దిక్ పాండ్యాకు హ‌ర్షా అవ‌కాశ‌మిచ్చాడు. ఫాస్ట్ బౌల‌ర్ల కోటాలో శ్రీలంక లెజెండ్ లసిత్ మ‌లింగా, టీమిండియా పేస‌ర్ గుర్రం జస్ప్రీత్ బుమ్రాకు చోటు ద‌క్కింది. ఇక చివ‌ర‌గా స్పిన్న‌ర్ల‌గా ర‌షీద్ ఖాన్‌, సునీల్ న‌రైన్‌లకు ఛాన్స్‌ లభించింది. అయితే ఈ జట్టులో భారత కెప్టెన్‌, ముంబై ఇండియన్స్‌ మాజీ సారధి రోహిత్‌ శర్మకు చోటు దక్కకపోవడం గమనార్హం.హ‌ర్షా భోగ్లే ఐపీఎల్ ఆల్‌టైమ్ ప్లేయింగ్ ఎలెవ‌న్ ఇదేవిరాట్ కోహ్లి, క్రిస్ గేల్, సురేష్ రైనా, సూర్యకుమార్ యాదవ్, ఎంఎస్ ధోని (కెప్టెన్‌), హార్దిక్ పాండ్యా, లసిత్ మలింగ, జస్ప్రీత్ బుమ్రా, రషీద్ ఖాన్, సునీల్ నరైన్

టీమిండియా వెటరన్‌ స్పిన్నర్‌ రవిచంద్రన్‌ అశ్విన్‌ తన ఆల్‌టైమ్‌ ఐపీఎల్‌ ప్లేయింగ్‌ ఎలెవెన్‌ను ప్రకటించాడు. ఈ జట్టుకు కెప్టెన్‌ కమ్‌ వికెట్‌కీపర్‌గా ఎంఎస్‌ ధోనిని ఎంపిక చేశాడు. ఓపెనర్లుగా రోహిత్‌ శర్మ, విరాట్‌ కోహ్లి.. వన్‌డౌన్‌లో సురేశ్‌ రైనా, నాలుగో స్థానం కోసం సూర్యకుమార్‌ యాదవ్‌ను ఎంపిక చేశాడు. ఐదో స్థానంలో ఏబీ డివిలియర్స్‌, ఆరో స్థానంలో ధోని, స్పెషలిస్ట్‌ స్పిన్నర్లుగా సునీల్‌ నరైన్‌, రషీద్‌ ఖాన్‌, పేసర్లుగా భువనేశ్వర్‌ కుమార్‌, లసిత్‌ మలింగ, జస్ప్రీత్‌ బుమ్రా పేర్లను ప్రకటించాడు.అశ్విన్‌ తన ఆల్‌టైమ్‌ ఫేవరెట్‌ ఐపీఎల్‌ జట్టులో విండీస్‌ విధ్వంసకర వీరుడు క్రిస్‌ గేల్‌కు చోటు కల్పించకపోవడం ఆసక్తికరం. అశ్విన్‌ తన జట్టులో ఫాస్ట్‌ బౌలింగ్‌ ఆల్‌రౌండర్లను కూడా ఎంపిక చేయలేదు. భారత జట్టు మాజీ ఓపెనర్‌ క్రిస్‌ శ్రీకాంత్‌కు చెందిన యూట్యూబ్‌ (చీకీ చీకా) ఛానల్‌తో మాట్లాడుతూ అశ్విన్‌ ఈ విషయాలను వెల్లడించాడు.ఇదిలా ఉంటే, ప్రస్తుతం టీమిండియా ఎలాంటి అంతర్జాతీయ మ్యాచ్‌లు ఆడటం లేదు. ఆయా రాష్ట్రాల్లో లోకల్‌ టోర్నీలు జరుగుతున్నాయి. త్వరలో దులీప్‌ ట్రోఫీ మొదలుకానుంది. అనంతరం బంగ్లాదేశ్‌ భారత్‌లో పర్యటిస్తుంది. ఆటగాళ్లంతా కచ్చితంగా దులీప్‌ ట్రోఫీలో ఆడాలని బీసీసీఐ ఆదేశాలు జారీ చేసిన విషయం తెలిసిందే. ఈ టోర్నీలో ప్రదర్శనల ఆధారంగానే బంగ్లా సిరీస్‌కు జట్టు ఎంపిక జరుగవచ్చు. ఏది ఎలా ఉన్నా అశ్విన్‌ మాత్రం భారత టెస్ట్‌ జట్టులో తప్పక ఉంటాడు.

మహారాజా టీ20 టోర్నీలో షిమోగా లయన్స్‌ ఆటగాడు, గుజరాత్‌ టైటాన్స్‌ ప్లేయర్‌ అభినవ్‌ మనోహర్‌ ఆకాశమే హద్దుగా చెలరేగిపోతున్నాడు. ఈ టోర్నీలో అభినవ్‌ 10 మ్యాచ్‌ల్లో 6 అర్ద సెంచరీల సాయంతో 84.50 సగటున 507 పరుగులు చేసి లీడింగ్‌ రన్‌ స్కోరర్‌గా కొనసాగుతున్నాడు. ఈ టోర్నీలో అభినవ్‌ ఏకంగా 52 సిక్సర్లు బాదాడు.నిన్న జరిగిన మ్యాచ్‌లోనూ అభినవ్‌ మరోసారి చెలరేగిపోయాడు. బెంగళూరు బ్లాస్టర్స్‌తో జరిగిన మ్యాచ్‌లో అభినవ్‌ 24 బంతుల్లో 7 సిక్సర్లు, బౌండరీ సాయంతో అజేయమైన 59 పరుగులు చేశాడు. ఫలితంగా తొలుత బ్యాటింగ్‌ చేసిన షిమోగా లయన్స్‌ నిర్ణీత 20 ఓవర్లలో 5 వికెట్ల నష్టానికి 227 పరుగులు చేసింది. లయన్స్‌ ఇన్నింగ్స్‌లో అభినవ్‌తో పాటు మోహిత్‌ (56), రోహన్‌ నవీన్‌ (45) కూడా విజృంభించారు. బ్లాస్టర్స్‌ బౌలర్లలో ఆతిథ్య గోయల్‌ 2 వికెట్లు పడగొట్టగా.. సంతోక్‌ సింగ్‌, ప్రతీక్‌ జైన్‌, కౌశల్‌ తలో వికెట్‌ దక్కించుకున్నాడు.అనంతరం భారీ లక్ష్య ఛేదనకు దిగిన బ్లాస్టర్స్‌.. సూరజ్‌ అహూజా (82 నాటౌట్‌), శుభంగ్‌ హేగ్డే (85 నాటౌట్‌) వీర బాదుడు బాదడంతో మరో ఓవర్‌ మిగిలుండగానే కేవలం 4 వికెట్లు కోల్పోయి విజయతీరాలకు చేరింది. బ్లాస్టర్స్‌ ఇన్నింగ్స్‌లో మయాంక్‌ అగర్వాల్‌ (33) ఓ మోస్తరు స్కోర్‌ చేశాడు. షిమోగా బౌలర్లలో శరత్‌ 2, రాజ్‌వీర్‌, హార్దిక్‌ రాజ్‌ తలో వికెట్‌ పడగొట్టారు. ఈ మ్యాచ్‌లో అభినవ్‌ చెలరేగినా అతని జట్టు షిమోగా లయన్స్‌ ఓడిపోవడం విచారకరం.

ఐపీఎల్‌ మాజీ స్టార్‌, కింగ్స్‌ ఎలెవెన్‌ పంజాబ్‌ మాజీ బ్యాటర్‌ పాల్‌ వాల్తాటీ ఎంఎల్‌సీలోని (మైనర్‌ లీగ్‌ క్రికెట్‌) ఓ ఫ్రాంచైజీకి (సియాటిల్‌ థండర్‌బోల్ట్స్‌) హెడ్‌ కోచ్‌గా నియమితుడయ్యాడు. ఈ విషయాన్ని సదరు ఫ్రాంచైజీ యాజమాన్యం అధికారికంగా ప్రకటించింది. మైనర్‌ లీగ్‌ క్రికెట్‌ అనేది అమెరికా వేదికగా జరిగే ఓ క్రికెట్‌ టోర్నీ. ఇందులో దేశ విదేశాలకు చెందిన చాలామంది క్రికెటర్లు పాల్గొంటారు. View this post on Instagram A post shared by Seattle Thunderbolts (@seattlethunderbolts)40 ఏళ్ల వాల్తాటీ 2011 ఐపీఎల్‌ సీజన్‌లో పంజాబ్‌ తరఫున సంచలన ఇన్నింగ్స్‌లు ఆడి రాత్రికిరాత్రి హీరో అయిపోయాడు. ఆ సీజన్‌లో అతను 14 మ్యాచ్‌ల్లో 463 పరుగులు చేశాడు. చెన్నై సూపర్‌ కింగ్స్‌తో జరిగిన ఓ మ్యాచ్‌లో వాల్తాటీ శివాలెత్తిపోయాడు. కేవలం 63 బంతుల్లో 120 పరుగులు చేసి అజేయంగా నిలిచాడు. చాలాకాలం వరకు ఈ స్కోర్‌ ఓ అన్‌క్యాప్డ్‌ ప్లేయర్‌చే చేయబడిన అత్యధిక స్కోర్‌గా ఉండింది. 2023లో ఈ రికార్డును రాజస్థాన్‌ రాయల్స్‌ ఆటగాడు యశస్వి జైస్వాల్‌ బద్దలు కొట్టాడు.

భారత్‌లో క్రికెట్‌కు ఉన్న క్రేజ్‌ అంతాఇంతా కాదు. దాదాపు గల్లీల్లో ఎక్కడోచోట క్రికెట్‌ ఆడుతుండడం గమనిస్తాం. ఇంతలా ఆదరణ పొందిన క్రికెట్‌ను నిర్వహిస్తున్న భారత క్రికెట్ నియంత్రణ మండలి (బీసీసీఐ) 2023 ఆర్థిక సంవత్సరానికిగాను ఇండియన్ ప్రీమియర్ లీగ్ ద్వారా రూ.5,120 కోట్ల లాభాన్ని ఆర్జించింది. 2022లో పొందిన రూ.2,367 కోట్లు కంటే ఇది 116 శాతం అధికం.బీసీసీఐ విడుదల చేసిన వార్షిక నివేదిక ప్రకారం.. 2023లో ఐపీఎల్‌ ద్వారా వచ్చిన వార్షిక ఆదాయం రూ.11,769 కోట్లుగా ఉంది. వ్యయం గతంలో కంటే 66% పెరిగి రూ.6,648 కోట్లకు చేరుకుంది. దాంతో మొత్తంగా రూ.5,120 కోట్లు లాభం వచ్చింది. కొత్త మీడియా హక్కులు, స్పాన్సర్‌షిప్ ఒప్పందాల వల్ల ఈ డబ్బు సమకూరిందని బీసీసీఐ పేర్కొంది.2023-27 సీజన్‌కుగాను బీసీసీఐ గతంలో వేలం నిర్వహించింది. అందులో కంపెనీలు పోటీపడి రూ.48,390 కోట్ల విలువైన మీడియా హక్కులను చేజిక్కించుకున్నాయి. దాంతో బీసీసీఐ ఖజానా నిండింది. డిస్నీ స్టార్ రూ.23,575 కోట్లు బిడ్‌ వేసి 2023-27 ఐపీఎల్ టీవీ హక్కులను పొందగా, వయాకామ్ 18 యాజమాన్యంలోని జియో సినిమా రూ.23,758 కోట్ల బిడ్‌తో డిజిటల్ హక్కులను సొంతం చేసుకుంది. మీడియా హక్కుల ద్వారా బీసీసీఐకు ఐపీఎల్‌ 2022 సీజన్‌లో రూ.3,780 కోట్ల ఆదాయం సమకూరింది. 2023లో అది 131 శాతం పెరిగి రూ.8,744 కోట్లకు చేరుకుంది.ఐదేళ్ల కాలానికిగాను ఐపీఎల్ టైటిల్ హక్కులను టాటా సన్స్‌ రూ.2,500 కోట్లకు చేజిక్కించుకుంది. మైసర్కిల్‌11, రూపే, ఏంజిల్‌వన్‌, సీయెట్‌ సంస్థలకు అసోసియేట్ స్పాన్సర్‌షిప్‌లను విక్రయించడం ద్వారా బీసీసీఐ మరో రూ.1,485 కోట్లను సంపాదించింది. ఫ్రాంచైజీ ఫీజుల ద్వారా వచ్చే ఆదాయాలు గతంలో కంటే 2023లో 22 శాతం పెరిగి రూ.2,117 కోట్లకు చేరుకున్నాయి. స్పాన్సర్‌షిప్ ఆదాయం రూ.828 కోట్ల నుంచి 2 శాతం పెరిగి రూ.847 కోట్లుగా ఉంది.ఇదీ చదవండి: ఫ్రెషర్స్‌కు ఏటా రూ.9 లక్షలు వేతనం!ఇదిలాఉండగా, 2023లో అరంగేట్రం చేసిన ఉమెన్స్ ప్రీమియర్ లీగ్ (డబ్ల్యూపీఎల్‌) నుంచి క్రికెట్ బోర్డ్ రూ.377 కోట్ల లాభం సంపాదించింది. మీడియా హక్కులు, ఫ్రాంచైజీ ఫీజులు, స్పాన్సర్‌షిప్‌ల ద్వారా రూ.636 కోట్ల ఆదాయం సమకూర్చుకుంది. వీటంతటికి రూ.259 కోట్లు ఖర్చు చేసింది. ఆర్థిక శాఖ సహాయ మంత్రి పంకజ్ చౌదరి 2023-24 ఆర్థిక సంవత్సరంలో బీసీసీఐ రూ.2,038 కోట్ల జీఎస్టీను చెల్లించిందని రాజ్యసభకు తెలియజేశారు.

అంతర్జాతీయ జట్లకు కోచ్‌గా వ్యవహరించేందుకు తాను సిద్ధంగా లేనని ఆస్ట్రేలియా దిగ్గజ క్రికెట్‌ రిక్కీ పాంటింగ్‌ పునురద్ఘాటించాడు. ఇంగ్లండ్‌ పరిమిత ఓవర్ల క్రికెట్‌ జట్టు కోచ్‌ రేసులో తాను ఉన్నానంటూ వస్తున్న వార్తలను ఖండించాడు. ప్రస్తుతం తాను ఎంతో బిజీగా ఉన్నానన్న పాంటింగ్‌.. ఒకవేళ ఇంగ్లండ్‌ బోర్డు తన పేరును పరిశీలిస్తున్నట్లయితే ఆ ఆలోచన మానుకోవాలని విజ్ఞప్తి చేశాడు.కాగా ఆస్ట్రేలియాకు రెండుసార్లు వన్డే వరల్డ్‌కప్‌ ట్రోఫీలు అందించిన రిక్కీ పాంటింగ్‌.. లెజెండరీ బ్యాటర్‌గా పేరొందాడు. ఆటకు వీడ్కోలు పలికిన తర్వాత ఫ్రాంఛైజీ క్రికెట్‌ జట్ల కోచ్‌గా మారిన అతడు.. ఇండియన్‌ ప్రీమియర్‌ లీగ్‌లో ముంబై ఇండియన్స్‌, ఢిల్లీ క్యాపిటల్స్‌ జట్లకు మార్గదర్శనం చేశాడు. అయితే, ఐపీఎల్‌-2024లో దారుణ వైఫల్యాల నేపథ్యంలో ఢిల్లీ పాంటింగ్‌తో బంధాన్ని తెంచుకుంది.మరోవైపు.. వన్డే వరల్డ్‌కప్‌-2023, టీ20 ప్రపంచకప్‌-2024లో నిరాశజనక ప్రదర్శన నేపథ్యంలో ఇంగ్లండ్‌ కోచ్‌ మాథ్యూ మ్యాట్‌ తన పదవి నుంచి తప్పుకొన్నాడు. ఈ క్రమంలో ఆ స్థానాన్ని రిక్కీ పాంటింగ్‌ భర్తీ చేసే అవకాశాలు ఉన్నాయనే వార్తలు వినిపించాయి. ఈ క్రమంలో ఐసీసీ రివ్యూ పాడ్‌కాస్ట్‌లో స్పోర్ట్స్‌ ప్రజెంటర్‌ సంజనా గణేషన్‌తో మాట్లాడిన రిక్కీ పాంటింగ్‌.. ఇంగ్లండ్‌ కోచ్‌గా వెళ్లాలన్న ఆసక్తి తనకు లేదని స్పష్టం చేశాడు.బిజీగా ఉన్నా‘‘అంతర్జాతీయ స్థాయి కోచ్‌ పదవి చేపట్టేందుకు నేను సుముఖంగా లేనని అధికారికంగా తెలియజేస్తున్నా. నా కుటుంబానికి, వ్యక్తిగత జీవితానికి ఎక్కువ సమయం కేటాయించాలని భావిస్తున్నా. అంతేకాదు.. కామెంటేటర్‌గానూ కొనసాగుతున్నాను.. కాబట్టి ఇప్పటికే బిజీ షెడ్యూల్‌ ఉంది.వ్యక్తిగత, వృత్తిగత జీవితాన్ని సమంగా ఆస్వాదించాలనుకుంటున్నా. అందుకే రిస్కీ జాబ్స్‌ చేయదలచుకోలేదు. ముఖ్యంగా.. ఇంగ్లండ్‌ జట్టుకు ఓ ఆస్ట్రేలియన్‌ కోచ్‌గా ఉండటమనేది కాస్త భిన్నంగా ఉంటుంది. ఇవన్నీ పక్కనపెడితే.. కామెంటేటర్‌గా నేను త్వరలోనే యూకేకు వెళ్లాల్సి ఉంది. ఐపీఎల్‌లో రీ ఎంట్రీ ఇస్తాఆస్ట్రేలియా- ఇంగ్లండ్‌ మధ్య సిరీస్‌కు వ్యాఖ్యానం చేయబోతున్నాను’’ అని రిక్కీ పాంటింగ్‌ తెలిపాడు. అంతేకాదు ఐపీఎల్‌లో రీఎంట్రీ ఇచ్చేందుకు ఆసక్తిగా ఎదురుచూస్తున్నట్లు తెలిపాడు. కాగా సెప్టెంబరులో ఇంగ్లండ్‌- ఆసీస్‌ మధ్య పరిమిత ఓవర్ల సిరీస్‌ జరుగనుంది.కాగా రాహుల్‌ ద్రవిడ్‌ స్థానంలో రిక్కీ పాంటింగ్‌ టీమిండియా హెడ్‌కోచ్‌గా రానున్నాడనే వార్తలు వచ్చిన విషయం తెలిసిందే. అయితే, ఇందుకు తాను ఆసక్తిగా లేనని రిక్కీ చెప్పగా.. ఆ అవసరం తమకు లేదంటూ బీసీసీఐ కార్యదర్శి జై షా అతడికి కౌంటర్‌ ఇచ్చాడు. అనంతరం.. ద్రవిడ్‌ స్థానంలో గౌతం గంభీర్‌ను కోచ్‌గా నియమిస్తున్నట్లు ప్రకటించాడు.చదవండి: IND vs SL: 'భారత్‌లో అన్ని బ్యాటింగ్‌ పిచ్‌లే.. అందుకే ఇక్కడ ఆడలేకపోయారు'

ఐపీఎల్‌ యాజమాన్యం, ఫ్రాంచైజీల మధ్య బుధవారం (జులై 31) జరిగిన కీలక సమావేశంలో రిటెన్షన్‌, ఇంపాక్ట్‌ ప్లేయర్‌ రూల్‌, ఆర్‌టీఎం, పర్స్‌ విలువ పెంపు వంటి అంశాలతో పాటు మరో కీలక అంశం కూడా చర్చకు వచ్చినట్లు తెలుస్తుంది. సరైన కారణాలు లేకుండా మ్యాచ్‌లు ఆడకుండా తప్పించుకునే విదేశీ ఆటగాళ్లపై కొరడా ఝులిపించాలని ఫ్రాంచైజీ యజమానులు ఐపీఎల్‌ను కోరారని సమాచారం​. ఇలాంటి ఆటగాళ్లపై రెండేళ్ల పాటు నిషేధం విధించాలని అన్ని ఫ్రాంచైజీలు ముక్తకంఠంతో డిమాండ్‌ వినిపించినట్లు తెలుస్తుంది. అలాగే విదేశీ ఆటగాళ్లు మెగా వేలంలో పాల్గొనడాన్ని తప్పినిసరి చేయాలని ఫ్రాంచైజీలు కోరినట్లు సమాచారం. ఈ అంశాలపై త్వరలోనే అధికారిక ప్రకటన రావచ్చని తెలుస్తుంది.ఫ్రాంచైజీ ఓనర్లతో జరిగిన చర్చల్లో ఈ క్రింది అంశాలకు గ్రీన్‌ సిగ్నల్‌ లభించినట్లు తెలుస్తుంది.క్యాష్‌ రిచ్‌ లీగ్‌లో ఇంపాక్ట్‌ ప్లేయర్‌ రూల్‌ కొనసాగనున్నట్లు తెలుస్తుంది. అన్ని ఫ్రాంచైజీలు ఐదు లేదా ఆరుగురు ఆటగాళ్లను రిటెన్షన్‌ చేసుకునే అవకాశం ఉన్నట్లు సమాచారం​. రిటైన్‌ చేసుకునే ఆటగాళ్లలో ముగ్గురు అన్‌ క్యాప్‌డ్‌ ప్లేయర్లు ఉండే అవకాశం ఉందని తెలుస్తుంది. రైట్‌ టు మ్యాచ్‌ (RTM) ద్వారా ఒక్కో ఫ్రాంచైజీ ఒక్కో ఆటగాడిని దక్కించుకునే అవకాశం ఉందని తెలుస్తుంది. వచ్చే సీజన్‌ నుంచి ఫ్రాంచైజీల పర్స్‌ వాల్యూ పెరుగనుందని సమాచారం​. మెగా వేలం ఐదేళ్లకు ఒకసారి జరగనున్నట్లు తెలుస్తుంది.కాగా, ఐపీఎల్‌ 2025 సీజన్‌కు సంబంధించి ఈ ఏడాది చివర్లో మెగా వేలం ఉండే అవకాశం ఉంది. ఇప్పటివరకు అన్ని ఫ్రాంచైజీలకు నలుగురు ఆటగాళ్లను మాత్రమే కొనసాగించే అవకాశం ఉంది. ఈ సంఖ్య పె​ంపుపై ఫ్రాంచైజీలు ఐపీఎల్‌ మేనేజ్‌మెంట్‌పై ఒత్తిడి చేస్తున్నాయి.

వచ్చే ఐపీఎల్‌ సీజన్‌ (2025) నుంచి అన్ని ఫ్రాంచైజీలు ఆరుగురు ఆటగాళ్లను రిటైన్‌ చేసుకునే అవకాశం ఉందని తెలుస్తుంది. నిన్న (జులై 31) జరిగిన బీసీసీఐ-ఐపీఎల్‌ ఫ్రాంచైజీల యజమానుల సమావేశంలో ఈ అంశంపై క్లారిటీ వచ్చినట్లు సమాచారం. ఈ నేపథ్యంలో ఫ్రాంచైజీలు తాము రిటైన్‌ చేసుకోబోయే ఆటగాళ్ల జాబితాపై కసరత్తు ప్రారంభించినట్లు తెలుస్తుంది. ప్రతి ఫ్రాంచైజీ విదేశీ, స్వదేశీ, క్యాప్డ్‌, అన్‌క్యాప్డ్‌ ప్లేయర్ల పేర్లతో కూడిన జాబితాకు తుది మెరుగులు దిద్దుతున్నట్లు సమాచారం. ఫ్రాంచైజీల వారీగా రిటైన్‌ చేసుకోయే ఆటగాళ్ల జాబితాలో ఇలా ఉండబోతుందంటూ నెట్టింట పలు జాబితాలు స్క్రోల్‌ అవుతున్నాయి.ఆర్సీబీ: విరాట్‌ కోహ్లి, రజత్‌ పాటిదార్‌, విల్‌ జాక్స్‌, మొహమ్మద్‌ సిరాజ్‌, గ్లెన్‌ మ్యాక్స్‌వెల్‌, మహిపాల్‌ లొమ్రార్‌రాజస్థాన్‌ రాయల్స్‌: సంజూ శాంసన్‌, జోస్‌ బట్లర్‌, యశస్వి జైస్వాల్‌, రియాన్‌ పరాగ్‌, ట్రెంట్‌ బౌల్ట్‌, రోవ్‌మన్‌ పావెల్‌కేకేఆర్‌: సునీల్‌ నరైన్‌, ఆండ్రీ రసెల్‌, శ్రేయస్‌ అయ్యర్‌, వరుణ్‌ చక్రవర్తి, రింకూ సింగ్‌, మిచెల్‌ స్టార్క్‌ఢిల్లీ క్యాపిటల్స్‌: రిషబ్‌ పంత్‌, కుల్దీప్‌ యాదవ్‌, అక్షర్‌ పటేల్‌, జేక్‌ ఫ్రేజర్‌, అన్రిచ్‌ నోర్జే, ట్రిస్టన్‌ స్టబ్స్‌పంజాబ్‌ కింగ్స్‌: సామ్‌ కర్రన్‌, అర్ష్‌దీప్‌ సింగ్‌, శశాంక్‌ సింగ్‌, అశుతోష్‌ శర్మ, జానీ రిలీ రొస్సో, నాథన్‌ ఇల్లిస్‌సన్‌రైజర్స్‌ హైదరాబాద్‌: భువనేశ్వర్‌ కుమార్‌, పాట్‌ కమిన్స్‌, ట్రవిస్‌ హెడ్‌, అభిషేక్‌ శర్మ, నితీశ్‌ కుమార్‌ రెడ్డి, హెన్రిచ్‌ క్లాసెన్‌చెన్నై సూపర్‌ కింగ్స్‌: రుతురాజ్‌ గైక్వాడ్‌, ఎంఎస్‌ ధోని, శివమ్‌ దూబే, మతీశ పతిరణ, రచిన్‌ రవీంద్ర, డారిల్‌ మిచెల్‌లక్నో సూపర్‌ జెయింట్స్‌: మయాంక్‌ యాదవ్‌, నికోలస్‌ పూరన్‌, మార్కస్‌ స్టోయినిస్‌, దీపక్‌ హుడా, నవీన్‌ ఉల్‌ హక్‌, కృనాల్‌ పాండ్యాగుజరాత్‌ టైటాన్స్‌: శుభ్‌మన్‌ గిల్‌, సాయి సుదర్శన్‌, మొహమ్మద్‌ షమీ, రషీద్‌ ఖాన్‌, డేవిడ్‌ మిల్లర్‌, స్పెన్సర్‌ జాన్సన్‌ముంబై ఇండియన్స్‌: హార్దిక్‌ పాండ్యా, సూర్యకుమార్‌ యాదవ్‌, జస్ప్రీత్‌ బుమ్రా, తిలక్‌ వర్మ, టిమ్‌ డేవిడ్‌, గెరాల్డ్‌ కొయెట్జీ

ఐపీఎల్‌కు సంబంధించి బిగ్‌ అప్‌డేట్స్‌ అందుతున్నాయి. క్యాష్‌ రిచ్‌ లీగ్‌లో ఇంపాక్ట్‌ ప్లేయర్‌ రూల్‌ కొనసాగనున్నట్లు తెలుస్తుంది. అన్ని ఫ్రాంచైజీలు ఐదు లేదా ఆరుగురు ఆటగాళ్లను రిటైన్‌ చేసుకునే అవకాశం ఉన్నట్లు సమాచారం​. రిటైన్‌ చేసుకునే ఆటగాళ్లలో ముగ్గురు అన్‌ క్యాప్‌డ్‌ ప్లేయర్లు ఉండే అవకాశం ఉందని తెలుస్తుంది. రైట్‌ టు మ్యాచ్‌ (RTM) ద్వారా ఒక్కో ఫ్రాంచైజీ ఒక్కో ఆటగాడిని దక్కించుకునే అవకాశం ఉందని తెలుస్తుంది. వచ్చే సీజన్‌ నుంచి ఫ్రాంచైజీల పర్స్‌ వాల్యూ కూడా పెరుగనుందని సమాచారం​. మెగా వేలం ఐదేళ్లకు ఒకసారి జరగనున్నట్లు తెలుస్తుంది. ఇవాళ (జులై 31) జరిగే బీసీసీఐ, ఐపీఎల్‌ ఫ్రాంచైజీల ఓనర్ల సమావేశంలో ఈ అంశాలపై క్లారిటీ రావచ్చు. కాగా, ఐపీఎల్‌ 2025 సీజన్‌కు సంబంధించి ఈ ఏడాది చివర్లో మెగా వేలం జరిగే అవకాశం ఉంది. ఇప్పటివరకు అన్ని ఫ్రాంచైజీలకు నలుగురు ఆటగాళ్లను మాత్రమే కొనసాగించే అవకాశం ఉంది. ఈ సంఖ్య పెంపుపై ఫ్రాంచైజీలు ఐపీఎల్‌ మేనేజ్‌మెంట్‌పై ఒత్తిడి తెస్తున్నాయి.

ఐపీఎల్‌ 2025 ప్రారంభానికి చాలా సమయం ఉండగానే అన్ని ఫ్రాంచైజీలు ప్రక్షాళన బాట పట్టాయి. కొద్ది రోజుల కిందట ఢిల్లీ క్యాపిటల్స్‌ తమ హెడ్‌ కోచ్‌ రికీ పాంటింగ్‌కు తప్పించగా.. తాజాగా మరో ఫ్రాంచైజీ తమ కోచ్‌పై వేటుకు రంగం సిద్దం చేసింది. ఇంతవరకు ఒక్క ఐపీఎల్‌ టైటిల్‌ కూడా గెలవని పంజాబ్‌ కింగ్స్‌ తమ హెడ్‌ కోచ్‌ ట్రెవర్‌ బేలిస్‌ను తప్పించాలని భావిస్తున్నట్లు తెలుస్తుంది. బేలిస్‌ స్థానంలో భారతీయ కోచ్‌ను నియమించుకోవాలని ఫ్రాంచైజీ పెద్దలు అనుకుంటున్నట్లు సమాచారం. కొత్త కోచ్‌ రేసులో టీమిండియా మాజీ ఆల్‌రౌండర్‌ సంజయ్‌ బాంగర్‌ పేరు ప్రధానంగా వినిపిస్తుంది. బాంగర్‌ గతంలో పంజాబ్‌ కింగ్స్‌కు హెడ్‌ కోచ్‌గా పని చేశాడు. ప్రస్తుతం అతను అదే ఫ్రాంచైజీకి డైరెక్టర్‌ ఆఫ్‌ క్రికెట్‌ డెవలెప్‌మెంట్‌గా వ్యవరిస్తున్నాడు.బేలిస్‌ విషయానికొస్తే.. ఇతనిపై పెద్దగా కంప్లెయింట్‌లు లేనప్పటికీ.. స్వదేశీ కోచ్‌ అనే నినాదం కారణంగా అతన్ని తప్పించాలని పంజాబ్‌ ఫ్రాంచైజీ పెద్దలు భావిస్తున్నట్లు తెలుస్తుంది. ఆస్ట్రేలియాకు చెందిన 61 ఏళ్లు బేలిస్‌ 2023 సీజన్‌కు ముందు పంజాబ్‌ హెడ్‌ కోచ్‌గా బాధ్యతలు చేపట్టాడు. అతని ఆధ్వర్యంలో పంజాబ్‌ అశించిన ఫలితాలు రాబట్టలేకపోయింది. గత సీజన్‌ను ఆ జట్టు చివరి నుంచి రెండో స్థానంతో ముగించింది. 2023లోనూ ఇంచుమించు ఇదే పరిస్థితి ఉండింది. ఆ సీజన్‌లో పంజాబ్‌ చివరి నుంచి మూడో స్థానంలో నిలిచింది.కాగా, గౌతమ్‌ గంభీర్‌ (కేకేఆర్‌), ఆశిష్‌ నెహ్రా (గుజరాత్‌) హెడ్‌ కోచ్‌లుగా సక్సెస్‌ సాధించాక ఐపీఎల్‌ ఫ్రాంచైజీలన్నీ స్వదేశీ ‍కోచ్‌ల వైపు మొగ్గుచూపుతున్నాయి. ప్రస్తుతం ఐపీఎల్‌లో స్వదేశీ కోచ్‌లకు భారీ డిమాండ్‌ ఉంది. రాహుల్‌ ద్రవిడ్‌, సౌరవ్‌ గంగూలీ, యువరాజ్‌ సింగ్‌ లాంటి భారత మాజీల కోసం​ ఫ్రాంచైజీలు ఎగబడుతున్నాయి. గంభీర్‌ టీమిండియా హెడ్‌ కోచ్‌గా వెళ్లడంతో కేకేఆర్‌ హెడ్‌ కోచ్‌ పదవి కూడా ఖాళీ అయ్యింది. ఈ జట్టు కూడా మరో ఇండియన్‌ కోచ్‌తో గంభీర్‌ స్థానాన్ని భర్తీ చేయాలని భావిస్తుంది. మరోవైపు టీమిండియా మాజీ హెచ్‌ కోచ్‌ రాహుల్‌ ద్రవిడ్‌తో రాజస్థాన్‌ రాయల్స్‌ డీల్‌ దాదాపుగా ఖరారైనట్లు తెలుస్తుంది. రాబోయే సీజన్‌ కోసం ఆర్సీబీ దినేశ్‌ కార్తీక్‌కు తమ కోచింగ్‌ టీమ్‌లోకి తీసుకుంది. కోచింగ్‌ సిబ్బంది మార్పులు చేర్పుల అంశంపై ఈ ఏడాది చివర్లోగా క్లారిటీ వస్తుంది. అన్ని ‍ఫ్రాంచైజీలు కోచింగ్‌ సిబ్బందితో పాటు ఆటగాళ్ల మార్పు చేర్పులపై కూడా దృష్టి పెట్టాయి. రోహిత్‌ శర్మ, కేఎల్‌ రాహుల్‌, రిషబ్‌ పంత్‌ లాంటి స్టార్‌ ఆటగాళ్లు వచ్చే సీజన్‌లో ఫ్రాంచైజీ మారే అవకాశం ఉంది.

ఐపీఎల్‌ 2025 సీజన్‌ ప్రారంభానికి చాలా సమయం ఉన్నప్పటికీ అన్ని ఫ్రాంచైజీలు ప్రక్షాళన బాట పట్టాయి. కొన్ని ఫ్రాంచైజీలేమో ఆటగాళ్లను వదిలించుకోవాలని భావిస్తుంటే.. మరికొన్ని కోచింగ్‌ స్టాఫ్‌, మెంటార్‌లను మార్చే పనిలో పడ్డాయి. తాజాగా గుజరాత్‌ ఫ్రాంచైజీకి సంబంధించి ఓ ఆసక్తికర అప్‌డేట్‌ వచ్చింది. హెడ్‌ కోచ్‌ ఆశిష్‌ నెహ్రా గుజరాత్‌ నుంచి తప్పుకోవాలని భావిస్తున్నట్లు తెలుస్తుంది. అతనితో పాటు డైరెక్టర్‌ ఆఫ్‌ క్రికెట్‌ విక్రమ్‌ సోలంకి కూడా తప్పుకోనున్నట్లు సమాచారం. వీరిద్దరి పర్యవేక్షణలో గుజరాత్‌ తమ తొలి రెండు సీజన్లలో ఫైనల్స్‌కు చేరింది. 2022లో ఛాంపియన్‌గా, 2023లో రన్నరప్‌గా నిలిచింది. ఇంతటి విజయవంతమైన జోడీ ప్రస్తుతం గుజరాత్‌ను వీడాలని భావిస్తున్నట్లు తెలుస్తుంది. గత సీజన్‌లో (2024) వైఫల్యాల కారణంగా ఫ్రాంచైజీ యాజమాన్యం సైతం వీరిపై గుర్రుగా ఉన్నట్లు సమాచారం​. మేనేజ్‌మెంట్‌ తప్పించాలని నిర్ణయం తీసుకునే లోపే తామే స్వచ్చందంగా తప్పుకుంటే గౌరవంగా ఉంటుందని వీరు భావిస్తుండవచ్చు. గుజరాత్‌ ఫ్రాంచైజీకి సంబంధించి ఈ టాపిక్‌ నడుస్తుండగానే మరో వార్త సోషల్‌మీడియాలో హల్‌చల్‌ చేస్తుంది. నెహ్రా గుజరాత్‌ హెడ్‌ కోచ్‌ పదవి నుంచి తప్పుకుంటే టీమిండియా దిగ్గజం యువరాజ్‌ సింగ్‌ ఎంట్రీ ఇస్తాడని ప్రచారం జరుగుతుంది. యువరాజ్‌తో గుజరాత్‌ యాజమాన్యం సంప్రదింపులు కూడా పూర్తి చేసినట్లు వార్తలు వస్తున్నాయి. యువీకి గతంలో ఏ జట్టుకు కోచింగ్‌ ఇచ్చిన అనుభవం లేదు. ఒకవేళ అతన్ని గుజరాత్‌ టైటాన్స్‌ పంచన చేర్చుకుంటే ఇదే అతనికి తొలి కోచింగ్‌ పదవి అవుతుంది. గుజరాత్‌ ఆఫర్‌పై యువీ కూడా సానుకూలంగా ఉన్నట్లు తెలుస్తుంది. కాగా, గుజరాత్‌ గత సీజన్‌లో ట్రేడింగ్‌ ద్వారా హార్దిక్‌ పాండ్యాను ముంబై ఇండియన్స్‌కు అప్పజెప్పిన విషయం తెలిసిందే. హార్దిక్‌ ఎగ్జిట్‌తో శుభ్‌మన్‌ గిల్‌ గుజరాత్‌ నూతన కెప్టెన్‌గా ఎంపికయ్యాడు. గిల్‌ నేతృత్వంలో గుజరాత్‌ గత సీజన్‌లో 14 మ్యాచ్‌ల్లో ఐదింట మాత్రమే విజయాలు సాధించి లీగ్‌ దశలోనే నిష్క్రమించింది.

‘‘మేము అతడిని ఎల్లప్పుడూ నాయకుడి లక్షణాలున్న ఆటగాడిగానే పరిగణిస్తాం. అందుకు తగ్గట్లుగానే అతడిని తీర్చిదిద్దుతాం. కేకేఆర్‌కు, మిగతా ఫ్రాంఛైజీలకు ఉన్న తేడా ఇదే. అతడు వీలైనంత త్వరగా పరిణతి సాధించాలనే మేము కోరుకుంటున్నాం.మైదానంలో మరింత చురుగ్గా కదులుతూ.. భావోద్వేగాలను నియంత్రించుకోగలగాలి. వ్యక్తిగా, ఆటగాడిగా అతడికి మంచి భవిష్యత్తు ఉంటుందని కచ్చితంగా చెప్పగలను’’--టీమిండియా టీ20 స్టార్‌ సూర్యకుమార్‌ యాదవ్‌ గురించి ప్రస్తుత హెడ్‌ కోచ్‌ గౌతం గంభీర్‌ 2015లో అన్న మాటలివి. నాడు గౌతం గంభీర్‌ ఐపీఎల్‌ జట్టు కోల్‌కతా నైట్‌ రైడర్స్‌ కెప్టెన్‌ హోదాలో ఉండగా.. సూర్య కూడా కేకేఆర్‌కే ప్రాతినిథ్యం వహిస్తున్నాడు.ఈ క్రమంలో సూర్యను కేకేఆర్‌ వైస్‌ కెప్టెన్‌గా ప్రకటిస్తూ గంభీర్‌ చేసిన వ్యాఖ్యలే ఇవి. అయితే, ఆ తర్వాత రెండేళ్లకు గంభీర్‌, సూర్య.. ఇద్దరూ కోల్‌కతా జట్టును వీడారు.సూర్య ముంబై ఇండియన్స్‌కు వెళ్లిపోగా.. గంభీర్‌ ఢిల్లీ డేర్‌డెవిల్స్‌(ప్రస్తుతం ఢిల్లీ క్యాపిటల్స్‌) పగ్గాలు చేపట్టాడు. అలా ఇద్దరి దారులు వేరయ్యాయి. సూర్య ముంబై జట్టుతో చేరిన తర్వాత వరల్డ్‌క్లాస్‌ బ్యాటర్‌గా ఎదిగాడు.అదొక్కటే చేయలేకపోయానుటీమిండియాలో ఎంట్రీ ఇచ్చి ఐసీసీ వరల్డ్‌ నంబర్‌ వన్‌ బ్యాటర్‌ అయ్యాడు. మరోవైపు.. ఢిల్లీ ఫ్రాంఛైజీతో పొసగకపోవడంతో గంభీర్‌ ఐపీఎల్‌కు గుడ్‌బై చెప్పాడు.తాను కేకేఆర్‌ కెప్టెన్‌గా ఉన్న సమయంలో సూర్య ప్రతిభను పూర్తి స్థాయిలో ఉపయోగించుకోలేకపోయానని.. అదొక్కటే తన కెరీర్‌లో రిగ్రెట్‌గా మిగిలిపోయిందని గౌతీ ఓ సందర్భంలో చెప్పాడు.కాలం గిర్రున తిరిగింది. తొమ్మిదేళ్ల తర్వాత గంభీర్‌ టీమిండియా హెడ్‌ కోచ్‌గా నియమితుడు కాగా.. సూర్య టీమిండియా టీ20 కెప్టెన్‌ రేసులో ముందుకు దూసుకువచ్చాడు.సూర్యకే గంభీర్‌ ఓటు రోహిత్‌ శర్మ స్థానాన్ని భర్తీ చేసే క్రమంలో ఆల్‌రౌండర్‌ హార్దిక్‌ పాండ్యాతో అతడు పోటీ పడుతున్నాడు. కెప్టెన్‌ నియామకం విషయంలో గంభీర్‌ అభిప్రాయం కూడా కీలకం కానుంది.ఈ నేపథ్యంలో గతంలో సూర్యను ఉద్దేశించి గంభీర్‌ చేసిన వ్యాఖ్యలు వైరల్‌ అవుతున్నాయి. హార్దిక్‌ను కాదని.. సూర్య వైపే అతడు మొగ్గుచూపుతాడనే ప్రచారం నేపథ్యంలో ఈ కామెంట్స్‌ను ప్రస్తావిస్తున్నారు నెటిజన్లు.కాగా శ్రీలంకతో జూలై 27 నుంచి మొదలుకానున్న టీ20 సిరీస్‌తో కోచ్‌గా గంభీర్‌ ప్రస్థానం మొదలు కానుంది. ఈ సిరీస్‌ నుంచే సూర్య పూర్తిస్థాయి కెప్టెన్‌ అయ్యే అవకాశాలు ఉన్నాయనే అభిప్రాయాలు వ్యక్తమవుతున్నాయి.చదవండి: భారీ రికార్డుపై కన్నేసిన సూర్యకుమార్‌.. ఇంకో 160 పరుగులు చేస్తే

ఢిల్లీ క్యాపిటల్స్‌కు హెడ్‌ కోచ్‌ కావాలని ఆశపడ్డ టీమిండియా మాజీ కెప్టెన్‌ సౌరవ్‌ గంగూలీకి ఆశాభంగం ఎదురైంది. దాదాను హెడ్‌ కోచ్‌ పదవి కోసం పరిగణలోకి తీసుకోవడం లేదని ఫ్రాంచైజీ యాజమాన్యం చెప్పకనే చెప్పింది. డీసీ.. గౌతమ్‌ గంభీర్‌ లాంటి ట్రాక్‌ రికార్డు కలిగిన వ్యక్తిని హెడ్‌ కోచ్‌గా నియమించుకోవాలని భావిస్తున్నట్లు తెలుస్తుంది. ఇందు కోసం ఇద్దరు ముగ్గురు వరల్డ్‌కప్‌ విన్నర్ల పేర్లు పరిశీలనలో ఉన్నట్లు సమాచారం. ప్రస్తుతం గంగూలీ ఢిల్లీ క్యాపిటల్స్‌ డైరెక్టర్‌ ఆఫ్‌ క్రికెట్‌గా ఉన్నాడు. అలాగే అతను ఢిల్లీ క్యాపిటల్స్‌ సిస్టర్‌ ఫ్రాంచైజీలైన దుబాయ్‌ క్యాపిటల్స్‌ (ILT20), ప్రిటోరియా క్యాపిటల్స్‌ (SA20) మంచి చెడ్డలు కూడా చూస్తున్నాడు. ఇన్ని బాధ్యతలు మోస్తుండటంతో డీసీ యాజమాన్యం గంగూలీని హెడ్‌ కోచ్‌ పదవి కోసం పరిగణలోకి తీసుకోవడం లేదని తెలుస్తుంది.కాగా, ఢిల్లీ క్యాపిటల్స్‌ యాజమాన్యం ఇటీవలే రికీ పాంటింగ్‌ను హెడ్‌ కోచ్‌ పదవి నుంచి తప్పించిన విషయం తెలిసిందే. ఏడు సీజన్ల పాటు హెడ్‌ కోచ్‌గా వ్యవహరించిన పాంటింగ్‌ డీసీని ఒక్కసారి కూడా ఛాంపియన్‌గా నిలబెట్టలేకపోయాడు. ఇదే కారణంగా డీసీ మేనేజ్‌మెంట్‌ అతనిపై వేటు వేసింది. పాంటింగ్‌ను హెడ్‌ కోచ్‌ పదవి నుంచి తొలగించాక గంగూలీ ఈ పదవిపై ఆసక్తి ఉన్నట్లు చెప్పాడు. ఓ బెంగాలీ పేపర్‌ను ఇచ్చిన ఇంటర్వ్యూలో గంగూలీ తన మనసులోని మాటను బయటపెట్టాడు.ఇదిలా ఉంటే, పాంటింగ్‌ ఆథ్వర్యంలో ఢిల్లీ క్యాపిటల్స్‌ కేవలం ఒకే ఒక్కసారి (2020) ఫైనల్‌కు చేరింది. 2018 ఎడిషన్‌లో తొలిసారి పాంటింగ్‌ ఆథ్వర్యంలో బరిలోకి దిగిన డీసీ.. ఆ సీజన్‌లో ఆఖరి స్థానంలో నిలిచింది. ఆతర్వాతి సీజన్‌లో (2019) మూడో స్థానంలో నిలిచిన ఢిల్లీ.. 2021 సీజన్‌లో ప్లే ఆఫ్స్‌కు చేరింది. గడిచిన మూడు సీజన్లలో ఢిల్లీ 5, 9, 6 స్థానాల్లో నిలిచింది.

ఇండియన్‌ ప్రీమియర్‌ లీగ్‌ ఫ్రాంఛైజీ ఢిల్లీ క్యాపిటల్స్‌ కీలక నిర్ణయం తీసుకుంది. ఆస్ట్రేలియా దిగ్గజ బ్యాటర్‌ రిక్కీ పాంటింగ్‌తో తమ అనుబంధాన్ని తెంచుకుంది.ఈ విషయాన్ని సోషల్‌ మీడియా వేదికగా ధ్రువీకరించింది ఢిల్లీ క్యాపిటల్స్‌ యాజమాన్యం. ఏడేళ్లపాటు కొనసాగిన బంధానికి ఇక తెరపడిందంటూ.. రిక్కీ పాంటింగ్‌కు కృతజ్ఞతలు తెలియజేసింది. వేటు వేయడానికి కారణం అదే?కాగా 2018లో రిక్కీ పాంటింగ్‌ ఢిల్లీ క్యాంపులో చేరాడు. ప్యాటీ ఉప్టన్‌, రాహుల్‌ ద్రవిడ్‌ తర్వాత ఢిల్లీ జట్టు హెడ్‌ కోచ్‌గా బాధ్యతలు చేపట్టాడు. ఏడేళ్లపాటు ప్రధాన కోచ్‌గా కొనసాగాడు. అయితే, 2020లో ఫైనల్‌ చేరడం మినహా అతడి మార్గదర్శనంలో ఢిల్లీ చెప్పుకోదగ్గ విజయాలు సాధించలేదు. అయినప్పటికీ యాజమాన్యం పాంటింగ్‌పై నమ్మకం ఉంచింది.అయితే, వేలంలో పాల్గొనడం మినహా జట్టు కూర్పు తదితర అంశాలపై మరింతగా దృష్టి సారించాలని మేనేజ్‌మెంట్‌ కోరగా.. పాంటింగ్‌ నుంచి స్పందన కరువైందని సమాధానం. ఐపీఎల్‌ సీజన్‌ ఆరంభానికి కేవలం రెండు వారాలు ముందే జట్టుతో చేరడం పట్ల యాజమాన్యం అసంతృప్తిగా ఉన్నట్లు వార్తలు వినిపిస్తున్నాయి.ఈ నేపథ్యంలో అతడిని హెడ్‌ కోచ్‌ పదవి నుంచి తప్పించినట్లు తెలుస్తోంది. ఇక రిక్కీ పాంటింగ్‌ స్థానంలో టీమిండియా మాజీ కెప్టెన్‌ సౌరవ్‌ గంగూలీని నియమించేందుకు ఢిల్లీ మేనేజ్‌మెంట్‌ మొగ్గుచూపుతున్నట్లు సమాచారం.కొత్త కోచ్‌గా దాదా?ఢిల్లీ క్యాపిటల్స్‌ టీమ్‌ డైరెక్టర్‌గా ఉన్న దాదాను ప్రధాన కోచ్‌గా బాధ్యతలు స్వీకరించాలని కోరినట్లు ఊహాగానాలు వినిపిస్తున్నాయి. డీసీ సహ యజమానులైన జేఎస్‌డబ్ల్యూ, జీఎంఆర్‌ గ్రూపు పెద్దలు ఈ విషయమై వచ్చే నెలలో భేటీ అయి.. ఇందుకు సంబంధించి నిర్ణయం తీసుకోనున్నట్లు సమాచారం.అదే విధంగా.. ఐపీఎల్‌-2025 మెగా వేలం నేపథ్యంలో ఆటగాళ్ల రిటెన్షన్‌ గురించి కూడా చర్చలు జరుపనున్నట్లు తెలుస్తోంది. కెప్టెన్‌ రిషభ్‌ పంత్‌తో పాటు ఆల్‌రౌండర్‌ అక్షర్‌ పటేల్‌, చైనామన్‌ స్పిన్నర్‌ కుల్దీప్‌ యాదవ్‌లను కొనసాగించేందుకు మేనేజ్‌మెంట్‌ సుముఖంగా ఉన్నట్లు సన్నిహిత వర్గాలు పేర్కొంటున్నాయి. చదవండి: Ind vs Zim 4th T20: జైస్వాల్‌ విధ్వంసం.. గిల్‌ సూపర్‌ ఇన్నింగ్స్‌After 7 seasons, Delhi Capitals has decided to part ways with Ricky Ponting. It's been a great journey, Coach! Thank you for everything 💙❤️ pic.twitter.com/dnIE5QY6ac— Delhi Capitals (@DelhiCapitals) July 13, 2024

టీమిండియా హెడ్‌ కోచ్‌గా గౌతమ్‌ గంభీర్‌ పేరు దాదాపుగా ఖరారైన నేపథ్యంలో ఐపీఎల్‌ డిఫెండింగ్‌ ఛాంపియన్స్‌ కోల్‌కతా నైట్‌రైడర్స్‌ కొత్త మెంటార్‌ అన్వేషణలో పడింది. తమ జట్టుకు మెంటార్‌గా వ్యవహరించాలని కేకేఆర్‌ టీమిండియా తాజా మాజీ హెడ్‌ కోచ్‌ రాహుల్‌ ద్రవిడ్‌ను కోరినట్లు తెలుస్తుంది. ఇందుకు ద్రవిడ్‌ సైతం సుముఖ​త వ్యక్తం చేశాడని సమాచారం. ఒకవేళ ఈ డీల్‌ కుదిరితే ద్రవిడ్‌ వచ్చే సీజన్‌ (2025) నుంచి కేకేఆర్‌ మెంటార్‌గా వ్యవహరిస్తాడు.మరోవైపు టీమిండియా హెడ్‌ కోచ్‌గా గౌతమ్‌ గంభీర్‌ పేరు అధికారికంగా ప్రకటించడమే తరువాయి. హెడ్‌ కోచ్‌ పదవి విషయంలో గంభీర్‌-బీసీసీఐ మధ్య ఏకాభిప్రాయం కుదిరిందని సమాచారం​. గంభీర్‌ తన సహాయ సిబ్బందిని ఎంచుకునే విషయంలోనూ బీసీసీఐ పూర్తి స్వేచ్ఛనిచ్చినట్లు తెలుస్తుంది. గంభీర్‌ సక్సెస్‌ఫుల్‌ బ్యాటర్‌ కావడంతో తనే బ్యాటింగ్‌ కోచ్‌గా కూడా వ్యవహరించే అవకాశం ఉంది. గంభీర్‌ తనకు ఇష్టం వచ్చిన వారికి బౌలింగ్‌, ఫీల్డింగ్‌ కోచ్‌లుగా ఎంచుకోవచ్చు.టీమిండియా ఫీల్డింగ్‌ కోచ్‌ రేసులో దక్షిణాఫ్రికా మాజీ ఆటగాడు, దిగ్గజ ఫీల్డర్‌ జాంటీ రోడ్స్‌ పేరు ప్రధానంగా వినిపిస్తుంది. బౌలింగ్‌ కోచ్‌గా ఎవరుంటారనే విషయంపై క్లారిటీ రావాల్సి ఉంది. మరో రెండు రోజుల్లో టీమిండియా హెడ్‌ కోచ్‌గా గంభీర్‌ పేరును అధికారికంగా ప్రకటించే అవకాశం ఉంది. గంభీర్‌ టీమిండియా హెడ్‌ కోచ్‌గా బాధ్యతలు చేపడితే కేకేఆర్‌ మెంటార్షిప్‌ను వదులుకోవాల్సి ఉంటుంది. అప్పుడు ద్రవిడ్‌ కేకేఆర్‌ మెంటార్‌గా బాధ్యతలు చేపట్టే అవకాశం ఉంది. కాగా, టీమిండియా హెడ్‌ కోచ్‌గా రాహుల్‌ ద్రవిడ్‌ పదవీకాలం టీ20 వరల్డ్‌కప్‌ 2024తో ముగిసిన విషయం తెలిసిందే.

టీమిండియా వికెట్‌కీపర్‌ కమ్‌ బ్యాటర్‌ దినేశ్‌ కార్తీక్‌ ఐపీఎల్‌లో కీలక బాధ్యతలు చేపట్టనున్నాడు. డీకే.. తన తాజా మాజీ జట్టైన ఆర్సీబీకి బ్యాటింగ్‌ కోచ్‌ కమ్‌ మెంటార్‌గా ఎంపికయ్యాడు. ఈ విషయాన్ని ఆర్సీబీ ట్విటర్‌ వేదికగా అధికారికంగా ప్రకటించింది. వచ్చే సీజన్‌ (2025) నుంచి డీకే కొత్త విధుల్లో చేరతాడని ఆర్సీబీ పేర్కొంది. "సరికొత్త అవతారంలో మరోసారి మాలో భాగమవుతున్న దినేష్ కార్తీక్‌కు స్వాగతం"అని ఆర్సీబీ ట్వీట్‌లో రాసుకొచ్చింది.39 ఏళ్ల డీకే.. ఈ ఏడాదే ఐపీఎల్‌కు రిటైర్మెంట్‌ ప్రకటించాడు. ఢిల్లీ క్యాపిటల్స్‌తో (2008, 2009, 2010, 2014) ఐపీఎల్‌ ప్రస్తానాన్ని ప్రారంభించిన కార్తీక్‌.. గత మూడు సీజన్లలో ఆర్సీబీకి (2024, 2023, 2022) ప్రాతినిథ్యం వహించాడు. ఈ మధ్యలో కార్తీక్‌.. కింగ్స్‌ ఎలెవెన్‌ పంజాబ్‌ (2011), ముంబై ఇండియన్స్‌ (2012, 2013), ఆర్సీబీ (2015), గుజరాత్‌ లయన్స్‌ (2016, 2017), కేకేఆర్‌ (2018, 2019, 2020, 2021) ఫ్రాంచైజీలకు ఆడాడు.ఐపీఎల్‌ ఆరంభ ఎడిషన్‌ (2008) నుంచి ఆడిన అతి కొద్ది మంది క్రికెటర్లలో (ఏడుగురు) కార్తీక్‌ ఒకడు. ధోని, విరాట్‌ కోహ్లి, రోహిత్‌ శర్మ, శిఖర్‌ ధవన్‌, సాహా, మనీశ్‌ పాండే, దినేశ్‌ కార్తీక్‌ మాత్రమే ఇనాగురల్‌ ఎడిషన్‌ నుంచి ఐపీఎల్‌ ఆడారు. ఇప్పటివరకు జరిగిన 16 ఎడిషన్లలో పాల్గొన్న కార్తీక్‌ కేవలం రెండే రెండు మ్యాచ్‌లు మిస్‌ అయ్యాడు. ఐపీఎల్‌లో కార్తీక్‌కు ఘనమైన ట్రాక్‌ రికార్డు ఉంది. డీకే.. ఐపీఎల్‌లో అత్యధిక మ్యాచ్‌లు ఆడిన ఆటగాళ్ల జాబితాలో సంయుక్తంగా రెండో స్థానంలో ఉన్నాడు. డీకే, రోహిత్‌ శర్మ ఐపీఎల్‌లో 257 మ్యాచ్‌లు ఆడారు. ఐపీఎల్‌లో అత్యధిక మ్యాచ్‌లు ఆడిన రికార్డు ధోని (264) పేరిట ఉంది. డీకే తన ఐపీఎల్‌ కెరీర్‌లో 135.36 స్ట్రయిక్‌రేట్‌తో 4842 పరుగులు చేశాడు. ఇందులో 22 హాఫ్‌ సెంచరీలు ఉన్నాయి. కార్తీక్‌ ఖాతాలో 145 క్యాచ్‌లు, 37 స్టంపింగ్‌లు ఉన్నాయి.Dinesh Karthik talking about RCB and he continues to be with this family. ❤️- RCB 🤝 DK...!!!! pic.twitter.com/TiHTs3yjaA— Tanuj Singh (@ImTanujSingh) July 1, 2024కార్తీక్‌ కెరీర్‌ను 2022 ఐపీఎల్‌ ఎడిషన్‌ మలుపు తప్పింది. ఆ సీజన్‌లో పేట్రేగిపోయిన కార్తీక్‌ మ్యాచ్‌ ఫినిషర్‌గా గుర్తింపు తెచ్చుకున్నాడు. ఈ సీజన్‌ ప్రదర్శన కారణంగా అతనికి టీమిండియా నుంచి పిలుపు వచ్చింది. 2024 సీజన్‌లోనూ కార్తీక్‌ చెలరేగి ఆడాడు. ఈ సీజన్‌లో అతను 187.35 స్ట్రయిక్‌రేట్‌తో 326 పరుగులు చేశాడు.

స్పిన్‌ దిగ్గజం, శ్రీలంకన్‌ ఆల్‌ టైమ్‌ గ్రేట్‌ ప్లేయర్‌ ముత్తయ్య మురళీథరన్‌ భారత్‌లో భారీ పెట్టుబడులు పెట్టనున్నాడు. కర్ణాటకలోని చామరాజనగర్‌ జిల్లాలో (బడనగుప్పే అనే ప్రాంతంలో) 1400 కోట్ల పెట్టుబడితో బెవరేజ్‌ యూనిట్‌ (శీతల పానీయాల తయారీ కేంద్రం) స్థాపించనున్నాడు. ఇందు కోసం కర్ణాటక ప్రభుత్వంతో ఒప్పందం కుదుర్చుకున్నాడు. కర్ణాటక ప్రభుత్వం మురళీ స్థాపించబోయే ‘ముత్తయ్య బెవరేజెస్ అండ్ కన్ఫెక్షనరీస్' సంస్థకు బడనగుప్పేలో 46 ఎకరాల స్థలాన్ని కేటాయించింది. ఈ మేరకు మురళీ, కర్ణాటక ప్రభుత్వం మధ్య ఒప్పందం కుదిరింది. ఈ విషయాన్ని కర్ణాటక భారీ పరిశ్రమల శాఖ మంత్రి ఎంబీ పాటిల్ దృవీకరించారు. మురళీ శీతల పానీయాల యూనిట్‌ వచ్చే ఏడాది జనవరి నుంచి పనులను ప్రారంభించాలని భావిస్తుంది. మురళీ ఈ శీతల పానీయాల వ్యాపారాన్ని శ్రీలంకలో విజయవంతంగా నడుపుతున్నాడు. తన వ్యాపారాన్ని భారత్‌లో విస్తరించడంలో భాగంగా అతను తొలుత కర్ణాటకలో పెట్టుబడులు పెట్టనున్నాడు. కర్ణాటక పరిశ్రమల మంత్రి చెప్పిన ప్రకారం మురళీ త్వరలో తన వ్యాపారాన్ని ధార్వడ్‌ జిల్లాకు కూడా విస్తరించనున్నాడు. కర్ణాటక ప్రభుత్వంతో ఒప్పందం కుదుర్చుకునే క్రమంలో మురళీ ఇటీవల ఆ రాష్ట్ర పరిశ్రమల మంత్రి ఎంబీ పాటిల్‌ను కలిశారు. ఆ సమావేశంలో పరిశ్రమల శాఖ ముఖ్య కార్యదర్శి ఎస్ సెల్వకుమార్, పరిశ్రమల శాఖ కమిషనర్ గుంజన్ కృష్ణ, ఇతర అధికారులు పాల్గొన్నారు.‌ 52 ఏళ్ల మురళీథరన్ ప్రస్తుతం ఐపీఎల్‌లో సన్‌రైజర్స్‌ హైదరాబాద్‌కు స్ట్రాటజిక్‌ కోచ్‌గా సేవలందిస్తున్నాడు.

విశాఖ స్పోర్ట్స్‌: ఫస్ట్‌క్లాస్‌ క్రికెట్‌లో అరంగేట్రం చేసిన మూడేళ్ల వ్యవధిలోనే.. ఐపీఎల్‌లో స్థానం సంపాదించి సన్‌రైజర్స్‌ హైదరాబాద్‌ విజయాల్లో కీలక పాత్ర పోషించడం ద్వారా ఎమర్జింగ్‌ ప్లేయర్‌ అవార్డు అందుకున్న విశాఖకు చెందిన కాకి నితీష్‌కుమార్‌రెడ్డి.. జాతీయ జట్టులో స్థానం సంపాదించడమే తన లక్ష్యమని వెల్లడించాడు. బ్యాటింగ్‌తో పాటు బౌలింగ్‌లోనూ రాణించి నిఖార్సైన ఆల్‌రౌండర్‌గా ఎదుగుతానంటున్న నితీష్‌కుమార్‌రెడ్డితో ‘సాక్షి’ ఇంటర్వ్యూ.. ఆయన మాటల్లోనే.. దేశంలోనే బెస్ట్‌ క్రికెటర్‌గా.. అండర్‌–12, 14లో ఆంధ్రా క్రికెట్‌ అసోసియేషన్‌(ఏసీఏ) అకాడమీ ద్వారా శిక్షణ తీసుకున్నా. అనంతరం అండర్‌–16లో రాణించి ఏకంగా దేశంలోనే బెస్ట్‌ క్రికెటర్‌గా బీసీసీఐ నుంచి జగ్‌మోహన్‌ దాల్మియా అవార్డు అందుకోవడంతో నాలో ఆత్మవిశ్వాసం వచ్చింది. 2020లో తొలి ఫస్ట్‌క్లాస్‌ క్రికెట్‌ మ్యాచ్‌ ఆడి ఆ తర్వాతి ఏడాదే లిస్ట్‌–ఏ మ్యాచ్‌ల్లో ఇండియా–బి జట్టుకు ఆడాను. 2021 చివరికల్లా టి20ల్లో ఆడే స్థాయికి ఎదిగాను. ఇప్పుడు ఐపీఎల్‌లో ఎమర్జింగ్‌ క్రికెటర్‌ అవార్డు లభించడం వల్ల నా ప్రతిభకు మరింత మెరుగులు దిద్దుకునే అవకాశం కలిగింది. అది.. గొప్ప అనుభూతి ఐపీఎల్‌లో సన్‌రైజర్స్‌ హైదరాబాద్‌ తరఫున ఆడటం ఆనందాన్నిచ్చింది. కీలక సమయాల్లో రాణించి సన్‌రైజర్స్‌ గెలుపులో భాగం కావడం నా ఆత్మవిశ్వాసాన్ని పెంచింది. టైటిల్‌ పోరులో సరిగ్గా ఆడలేకపోవడం కాస్త నిరాశ కలిగించింది. స్వదేశీ ఆటగాళ్లతో పాటు విదేశీ ఆటగాళ్లు ఇచ్చిన సూచనలను జాగ్రత్తగా నా ఆటకు అన్వయించుకున్నా. చెన్నై సూపర్‌ కింగ్స్‌తో జరిగిన మ్యాచ్‌లో మహీ భాయ్‌(ధోనీ) చూస్తుండగా చివరి బంతిని స్టాండ్స్‌లోకి తరలించడం.. మా జట్టు విజయం సాధించడం మరపురాని సంఘటన. మొత్తంగా ఐపీఎల్‌లో రాణించడం గొప్ప అనుభూతినిచి్చంది. ఏపీఎల్‌లోనూ రాణిస్తా.. ప్రస్తుతం నా దృష్టి ఆంధ్ర ప్రీమియర్‌ లీగ్‌(ఏపీఎల్‌) మూడో సీజన్‌పైనే ఉంది. గోదావరి టైటాన్స్‌ ఫ్రాంచైజీ అత్యధిక ధరకు నన్ను దక్కించుకుంది. ఈ నెలాఖరు నుంచి ఏపీఎల్‌ మూడో సీజన్‌ ప్రారంభం కానుంది. నా అనుభవంతో జట్టును ముందుకు తీసుకువెళ్తా. నేను బౌలింగ్‌లోనూ రాణించేందుకు యార్కర్లపై దృష్టి పెడుతున్నా. అప్పుడే ఫర్‌ఫెక్ట్‌ ఆల్‌రౌండర్‌గా ఎదగగలను. ఐపీఎల్‌తో పాటు ఏపీఎల్‌ నా లక్ష్యానికి దోహదపడతాయని భావిస్తున్నా. ఆల్‌రౌండర్‌గా రాణించి జాతీయ జట్టులో స్థానం సాధించడమే నా తదుపరి లక్ష్యం. అదీ త్వరలోనే జరుగుతుందని ఆశిస్తున్నా.

టీమిండియా స్పిన్‌ బౌలింగ్‌ ఆల్‌రౌండర్‌ కేదార్‌ జాదవ్‌ క్రికెట్‌లోని అన్ని ఫార్మాట్ల నుంచి తప్పుకుంటున్నట్లు ప్రకటించాడు. కేదార్‌ తన రిటైర్మెంట్‌ నిర్ణయాన్ని కొద్ది సేపటి కిందట ట్విటర్‌ వేదికగా వెల్లడించాడు. 2014లో అంతర్జాతీయ క్రికెట్‌లోకి అడుగుపెట్టిన కేదార్‌.. 2020లో చివరిసారిగా భారత జట్టుకు ఆడాడు. కేదార్‌ తన ఆరేళ్ల ఆంతర్జాతీయ కెరీర్‌లో 73 వన్డేలు, 9 టీ20లు ఆడి 2 సెంచరీలు (వన్డేల్లో), 7 అర్దసెంచరీల సాయంతో 1611 పరుగులు చేశాడు. కేదార్‌ ఖాతాలో 27 వన్డే వికెట్లు కూడా ఉన్నాయి. రైట్‌ ఆర్మ్‌ ఆఫ్‌ స్పిన్‌ బౌలర్‌ అయిన కేదార్‌కు వైవిధ్యభరితమైన బౌలర్‌గా గుర్తింపు ఉంది. 39 ఏళ్ల కేదార్‌కు ఐపీఎల్‌లోనూ ఓ మోస్తరు ట్రాక్‌ రికార్డు ఉంది. 2010 నుంచి 2023 సీజన్‌ వరకు వివిధ ఫ్రాంచైజీలకు ప్రాతినిథ్యం వహించిన కేదార్‌.. ఐపీఎల్‌ కెరీర్‌లో 95 మ్యాచ్‌లు ఆడి 123.1 స్ట్రయిక్‌రేట్‌తో 4 అర్ద సెంచరీల సాయంతో 1208 పరుగులు చేశాడు. మిడిలార్డర్‌లో ధాటిగా బ్యాటింగ్‌ చేయగల సామర్థ్యం ఉన్న కేదార్‌కు సీఎస్‌కే తరఫున ఆడినప్పుడు మంచి గుర్తింపు వచ్చింది. ధోని నాయకత్వంలో కేదార్‌ పలు మ్యాచ్‌ల్లో సీఎస్‌కే విజయాల్లో కీలకపాత్ర పోషించాడు. దేశవాలీ క్రికెట్‌లో మహారాష్ట్రకు ప్రాతినిథ్యం​ వహించే కేదార్‌.. ఆ జట్టు తరఫున 87 ఫస్ట్‌ క్లాస్‌ మ్యాచ్‌లు, 186 లిస్ట్‌-ఏ మ్యాచ్‌లు, 163 టీ20లు ఆడాడు. ఇందులో 27 సెంచరీలు, 56 అర్ద సెంచరీల సాయంతో 14 వేల పైచిలుకు పరుగులు సాధించి, 65 వికెట్లు పడగొట్టాడు. Thank you all For your love and support throughout my Career from 1500 hrs Consider me as retired from all forms of cricket— IamKedar (@JadhavKedar) June 3, 20242020 ఫిబ్రవరిలో (న్యూజిలాండ్‌ పర్యటనలో) జాతీయ జట్టు తరఫున చివరి మ్యాచ్‌ ఆడిన కేదార్‌ 2019 వన్డే ప్రపంచకప్‌ ఆడిన భారత జట్టులో సభ్యుడిగా ఉన్నాడు. కేదార్‌.. తన రిటైర్మెంట్‌ సందేశంలో ఇలా రాసుకొచ్చాడు. 1500 గంటల కెరీర్‌లో నాకు మద్దతు నిలిచి, నాపై ప్రేమ చూపిన వారందరికీ ధన్యవాదాలు. నన్ను అన్ని రకాల క్రికెట్‌ నుంచి రిటైర్డ్‌గా పరిగణించండి అంటూ ట్వీట్‌లో పేర్కొన్నాడు.

ఐపీఎల్‌ మ్యాచ్‌లు నిర్వహించే స్టేడియంలోని డిస్‌ప్లేలో స్పాన్సర్డ్‌ కార్లు ఉంటాయి. అక్కడ మనకు పెద్ద బ్రాండ్ల కార్లు వినబడవు కేవలం సామాన్యుడి అవసరానికి అనుగుణంగా కార్లను డిజైన్‌ చేసే టాటా బ్రాండ్‌ పేరు మాత్రమే వినిపిస్తుంది. ఐపీఎల్‌ స్టేడియం డిస్‌ప్లేలో టాటా టియాగో ఎలక్ట్రిక్‌ కార్లు‌ ఉంటాయి. ఈ కార్లకు గనుక బ్యాట్స్‌మ్యాన్‌ కొట్టే సిక్స్‌ షార్ట్‌లో బంతి ఈ స్పాన్సర్డ్‌ కార్లకు తగిలితే ఏం జరుగుతుందో తెలుసా..!బ్యాట్స్‌మ్యాన్‌ విధ్వంసకర బ్యాటింగ్‌లో డిస్‌ప్లేలో ఉన్న స్పాన్సర్డ్‌ కారు విండో పగిలేలా సిక్స్‌ కొడితే..ఆ ఆటగాడు పేద ప్రజలకు సాయం చేసినట్లే. ఇదేంటదీ.. కారు విండో పగిలిపోయేలా.. బంతి కొడితే పేద ప్రజలకు సాయం ఎలా అందుతుంది..?.అనుకోకండి ఎందుకంటే?..స్టేడియంలో ప్రదర్శించే టాటా టియాగో ఎలక్రిక్‌ కార్లను బంతిని తాకిన ప్రతిసారి టాటా కంపెనీ పేదప్రజలకు రూ.5 లక్షల విరాళం అందిస్తామని ప్రకటించింది.అయితే ఇలాంటి ఘటన 2019లో ప్రారంభ ఐపీఎల్‌ మహిళ ప్రీమియర్‌ లీగ్‌(డబ్ల్యూపీఎల్‌)లో చోటు చేసుకుంది. రాయల్‌ ఛాలెంజర్స్‌ బెంగళూరు విమెన్స్‌కి యూపీ వారియర్స్‌ విమెన్స్‌కి మధ్య మ్యాచ్‌ సందర్భరంగా ఈ ఘటన జరిగింది. రాయల్‌ ఛాలెంజర్స్‌కి చెందిన ఎల్లీస్‌ పెర్రీ డీప్‌ మిడ్‌వికెట్‌ బౌండరీ సిక్స్‌ కొట్టింది. ఆ క్రమంలో బంతి వెళ్లి డిస్‌ప్లేలో ఉన్న టాటా ఎలక్ట్రిక్‌ కారుకి తగిలింది. అంతే ఒక్కసారిగా స్టేడియం దద్ధరిల్లేలా హర్షధ్వానాలు వచ్చాయి. వెంటనే టాటా తాను అన్నమాటను నిలబెట్టుకుంటూ..టాటా మెమోరియల్‌ హాస్పిటల్స్‌లో సోలార్‌ ప్యానెళ్ల ఏర్పాటుకు రూ. 5 లక్షల విరాళం అందజేసింది. ఇలా క్రీడాకారుడు బంతిని ఎలక్ట్రిక్‌ కారుకి తగిలేలా చేసిన ప్రతిసారి ఇస్తామని టాటా కంపెనీ పేర్కొంది. ఇలా బ్యాటింగ్‌ చేసిన వ్యక్తులు ఎవరంటే..చెన్నైలోని ఎంఏ చిదంబరం స్టేడియంలో చెన్నై సూపర్ కింగ్స్ (సీఎస్‌కే, లక్నో సూపర్ జెయింట్స్ (ఎల్‌ఎస్‌జీ) మధ్య జరిగిన మ్యాచ్‌లో టియాగో ఎలక్రికట్‌ కారుని మొదటగా రుతురాజ్ గైక్వాడ్ సిక్స్‌ కొట్టే షార్ట్‌లో జరిగింది. ఆ తర్వాత ముంబైలోని వాంఖడే స్టేడియంలో ముంబై ఇండియన్స్ (ఎంఐ), రాయల్ ఛాలెంజర్స్ బెంగళూరు (RCB) మధ్య జరిగిన మ్యాచ్‌లో నెహాల్ వధేరా ఎలక్ట్రిక్ కారును బంతితో కొట్టాడు.ఇదిలా ఉండగా, టాటా 2019 నుంచి ఐపీఎల్‌ మ్యాచ్‌లలో తన ఎలక్ట్రిక్‌ కార్లను ప్రదర్శిస్తుంది. 2022 నుంచి, టాటా ఐపీఎల్‌ టైటిల్ స్పాన్సర్‌గా మారింది. ఐతే అంతకుమునుపు ఏడాదిలో ఐపీఎల్‌ మహిళల ప్రీమియర్‌ లీగ్‌(డబ్ల్యూపీఎల్‌) టైటిల్‌కి స్పాన్సర్‌గా ఉంది. ఇలా ఐపీఎల్‌ మ్యాచ్‌లు నిర్వహించే మొత్తం 12 స్టేడియంలలో టాటా టియాగో ఎలక్ట్రిక్‌ కార్లు ప్రదర్శనకు ఉంచుతుంది టాటా కంపెనీ. ఈ క్రికెట్‌ గేమ్‌ని ఫ్లాట్‌ఫాంగా చేసుకుని ఎలక్ట్రిక్‌ వాహనాలను ప్రోత్సహంచడమే టాటా ప్రధాన లక్ష్యం. అందుకే ఇలాంటి కార్యక్రమాను చేపడుతోంది టాటా కంపెనీ. అంతేగాదు భారతదేశంలో అత్యంత వేగంగా బుక్‌ చేయబడిన ఎలక్ట్రిక్‌ కారుగా ఈ బ్రాండే నిలిచింది కూడా. Ellyse Perry breaks the window of the Tata Punch.ev in the WPL pic.twitter.com/FnnOAYQ8d0— MotorOctane (@MotorOctane) March 4, 2024 (చదవండి: ఈ గ్రామం చాలా స్పెషల్‌!..కిచెన్‌ ఒక దేశంలో ఉంటే..బెడ్‌రూం ఏకంగా..)

ఐపీఎల్‌ 2024 సీజన్‌ సెంచరీల విషయంలో ఆల్‌టైమ్‌ రికార్డు నెలకొల్పింది. ఈ సీజన్‌లో రికార్డు స్థాయిలో 14 సెంచరీలు నమోదయ్యాయి. గతంలో ఏ సీజన్‌లోనూ ఇన్ని సెంచరీలు నమోదు కాలేదు. 2023 సీజన్‌లో నమోదైన 12 సెంచరీల రికార్డును ఈ సీజన్‌ బద్దలు కొట్టింది. ఈ సీజన్‌లో వివిధ ఫ్రాంచైజీలకు చెందిన 13 మంది ప్లేయర్లు శతక్కొట్టారు. వీరిలో రాజస్థాన్‌ రాయల్స్‌ ఆటగాడు జోస్‌ బట్లర్‌ రెండుసార్లు సెంచరీ మార్కును తాకాడు. సీజన్‌ తొలి సెంచరీని లక్నో ఆటగాడు మార్కస్‌ స్టోయినిస్‌ (63 బంతుల్లో 124*) నమోదు చేయగా.. విరాట్‌ కోహ్లి (72 బంతుల్లో 113*), సునీల్‌ నరైన్‌ (56 బంతుల్లో 109), రుతురాజ్‌ గైక్వాడ్‌ (60 బంతుల్లో 108*), జానీ బెయిర్‌స్టో (48 బంతుల్లో 108*), జోస్‌ బట్లర్‌ (60 బంతుల్లో 107*), రోహిత్‌ శర్మ (63 బంతుల్లో 105*), యశస్వి జైస్వాల్‌ (60 బంతుల్లో 104*), శుభ్‌మన్‌ గిల్‌ (55 బంతుల్లో 104), సాయి సుదర్శన్‌ (51 బంతుల్లో 103), సూర్యకుమార్‌ యాదవ్‌ (51 బంతుల్లో 102*), ట్రవిస్‌ హెడ్‌ (41 బంతుల్లో 102), జోస్‌ బట్లర్‌ (58 బంతుల్లో 100*), విల్‌ జాక్స్‌ (41 బంతుల్లో 100*) వరుసగా సెంచరీలు చేశారు. ఈ సీజన్‌ వేగవంతమైన సెంచరీ రికార్డు ట్రవిస్‌ హెడ్‌, విల్‌ జాక్స్‌ పేరిట సంయుక్తంగా నమోదై ఉంది. హెడ్‌ ఆర్సీబీపై.. జాక్స్‌ గుజరాత్‌పై 41 బంతుల్లో శతక్కొట్టారు.సీజన్ల వారీగా సెంచరీలు..2024- 14 సెంచరీలు2023- 12 సెంచరీలు2022- 8 సెంచరీలు2021- 4 సెంచరీలు2020- 5 సెంచరీలు2019- 6 సెంచరీలు2018- 5 సెంచరీలు2017- 5 సెంచరీలు2016- 7 సెంచరీలు2015- 4 సెంచరీలు2014- 3 సెంచరీలు2013- 4 సెంచరీలు2012- 6 సెంచరీలు2011- 6 సెంచరీలు2010- 4 సెంచరీలు2009- 2 సెంచరీలు2008- 6 సెంచరీలుఓవరాల్‌గా 17 ఏళ్ల ఐపీఎల్‌ చరిత్రలో 101 సెంచరీలు నమోదయ్యాయి.

బాలీవుడ్‌ బాద్‌షా షారూఖ్‌ ఖాన్ గతేడాది జవాన్‌, డుంకీ చిత్రాలతో అలరించాడు. ప్రస్తుతం ఈ ఏడాదిలో ఇంకా కొత్త సినిమాని ప్రకటించలేదు. అయితే తాజాగా తన టీమ్ కేకేఆర్‌ ఫైనల్‌ మ్యాచ్‌కు హాజరయ్యారు. కుటుంబంతో సహా చెన్నైలో జరిగిన మ్యాచ్‌ను వీక్షించారు. చెపాక్‌ స్టేడియంలో జరిగిన ఐపీఎల్‌ ఫైనల్‌ మ్యాచ్‌లో కోల్‌కతా నైట్ రైడర్స్‌ టైటిల్‌ సాధించింది. సన్‌రైజర్స్ హైదరాబాద్‌ను చిత్తు చేసింది.కేకేఆర్ విజయంతో బాలీవుడ్‌ బాద్‌షా సంబురాలు చేసుకున్నారు. స్టేడియంతో కలియ తిరుగుతూ సందడి చేశారు. అయితే ఈ మ్యాచ్‌కు హాజరైన షారూఖ్ ఖాన్‌ వాచ్‌పైనే అందరిదృష్టి పడింది. ఆయన ధరించిన స్కల్ వాచ్ గురించి నెట్టంట చర్చ మొదలైంది. షారుఖ్ ధరించిన వాచ్ రిచర్డ్ మిల్లే కంపెనీకి చెందిన స్కల్ టైటానియం వాచ్‌గా గుర్తించారు. ఈ వాచ్‌ ధర దాదాపు రూ.4 కోట్లు ఉంటుందని సమాచారం.ఇది చూసిన నెటిజన్స్‌ క్రేజీ కామెంట్స్‌ చేస్తున్నారు. దట్‌ ఇజ్ కింగ్ ఖాన్‌ అంటూ పోస్టులు పెడుతున్నారు. కాగా.. ఐపీఎల్ ముగింపు వేడుకల్లో షారుఖ్‌తో పాటు అతని భార్య గౌరీ ఖాన్, కుమార్తె సుహానా ఖాన్, కుమారులు ఆర్యన్ ఖాన్, అబ్రామ్ ఖాన్, అనన్య పాండే, షానయ కపూర్, మహీప్ కపూర్, చుంకీ పాండే, భావన పాండే కూడా పాల్గొన్నారు.

ఐపీఎల్‌ 2024 సీజన్‌ నిన్నటితో (మే 26) ముగిసింది. ఫైనల్లో కేకేఆర్‌ సన్‌రైజర్స్‌ హైదరాబాద్‌ను 8 వికెట్ల తేడాతో చిత్తు చేసి విజేతగా ఆవిర్భవించింది. ఐపీఎల్‌లో కేకేఆర్‌కు ఇది మూడో టైటిల్‌. శ్రేయస్‌ అయ్యర్‌ కేకేఆర్‌కు పదేళ్ల నిరీక్షణ అనంతరం మరో టైటిల్‌ను అందించాడు.కేకేఆర్‌ పేసర్‌ స్టార్క్‌ ఫైనల్లో అద్భుతమైన గణంకాలతో సత్తా చాటి కేకేఆర్‌ గెలుపులో ప్రధానపాత్ర పోషించాడు. సీజన్‌ ఆధ్యాంతం అద్భుతంగా రాణించిన సునీల్‌ నరైన్‌ మూడోసారి మోస్ట్‌ వ్యాల్యుబుల్‌ ప్లేయర్‌ అవార్డును గెలుచుకున్నాడు. అత్యధిక పరుగులు చేసిన బ్యాటర్‌గా విరాట్‌.. అత్యధిక వికెట్లు తీసిన బౌలర్‌గా హర్షల్‌ ఆరెంజ్‌, పర్పుల్‌ క్యాప్‌లను అందుకున్నారు. మరికొందరు ఆటగాళ్లు వివిధ విభాగాల్లో అవార్డులు గెలుచుకున్నారు. ఐపీఎల్‌ 2024 ఛాంపియన్స్‌- కేకేఆర్‌రన్నరప్‌- సన్‌రైజర్స్‌ హైదరాబాద్‌ఆరెంజ్‌ క్యాప్‌ (అత్యధిక పరుగులు)- విరాట్‌ కోహ్లి (ఆర్సీబీ, 15 మ్యాచ్‌ల్లో 741 పరుగులు)పర్పుల్‌ క్యాప్‌ (అత్యధిక వికెట్లు)- హర్షల్‌ పటేల్‌ (పంజాబ్‌, 14 మ్యాచ్‌ల్లో 24 వికెట్లు)మోస్ట్‌ వ్యాల్యుబుల్‌ ప్లేయర్‌- సునీల్‌ నరైన్‌ (కేకేఆర్‌, 14 మ్యాచ్‌ల్లో 488 పరుగులు, 17 వికెట్లు)ఎమర్జింగ్‌ ప్లేయర్‌ ఆఫ్‌ ద సీజన్‌- నితీశ్‌ కుమార్‌ రెడ్డి (సన్‌రైజర్స్‌ హైదరాబాద్‌)ఫైనల్లో ప్లేయర్‌ ఆఫ్‌ ద మ్యాచ్‌- మిచెల్‌ స్టార్క్‌ (కేకేఆర్‌, 3-0-14-2)ఎలెక్ట్రిక్‌ స్ట్రయికర్‌ ఆఫ్‌ ద సీజన్‌- జేక్‌ ఫ్రేసర్‌ మెక్‌గుర్క్‌ (ఢిల్లీ)గేమ్‌ ఛేంజర్‌ ఆఫ్‌ ద సీజన్‌- సునీల్‌ నరైన్‌ (కేకేఆర్‌)పర్ఫెక్ట్‌ క్యాచ్‌ ఆఫ్‌ ద సీజన్‌- రమణ్‌దీప్‌ సింగ్‌ (కేకేఆర్‌)ఫెయిర్‌ ప్లే అవార్డు- సన్‌రైజర్స్‌ హైదరాబాద్‌విన్నర్‌ ప్రైజ్‌మనీ- రూ. 20 కోట్లు (కేకేఆర్‌)రన్నరప్‌ ప్రైజ్‌మనీ- రూ. 12.5 కోట్లు (సన్‌రైజర్స్‌)

రెండు నెలలకు పైగా జరిగిన క్రికెట్‌ పండుగ ఇండియన్‌ ప్రీమియర్‌ లీగ్‌ (ఐపీఎల్‌) నిన్నటితో (మే 26) ముగిసింది. ఈ సీజన్‌ ఫైనల్లో కేకేఆర్‌.. సన్‌రైజర్స్‌ను 8 వికెట్ల తేడాతో చిత్తు చేసి ఛాంపియన్‌గా అవతరించింది. ఐపీఎల్‌ ముగిసిన ఐదు రోజుల్లోనే మరో మహా క్రికెట్‌ సంగ్రామం మొదలుకానుంది. యూఎస్‌ఏ, కరీబియన్‌ దీవులు వేదికగా జూన్‌ 1 నుంచి పొట్టి ప్రపంచకప్‌ ప్రారంభం కానుంది. ఈ మెగా టోర్నీ దాదాపుగా నెల రోజుల పాటు అభిమానులకు కనువిందు చేయనుంది.పొట్టి ప్రపంచకప్‌ ఐసీసీ ఈవెంట్‌ కావడంతో అభిమానుల్లో అమితాసక్తి నెలకొని ఉంది. దేశానికి ప్రాతినిథ్యం వహించే టోర్నీ కావడంతో తీవ్ర భావోద్వేగాలు ఉంటాయి. ఈ సారి వరల్ఢ్‌కప్‌లో గతంలో ఎన్నడూ లేనట్లుగా 20 జట్లు పాల్గొంటున్నాయి. గ్రూప్‌కు ఐదు జట్ల చొప్పున మొత్తం 20 జట్లు నాలుగు గ్రూప్‌లుగా విభజించబడి తమ అదృష్టాన్ని పరీక్షించుకోనున్నాయి. భారత్.. చిరకాల ప్రత్యర్ది పాకిస్తాన్‌తో కలిసి గ్రూప్‌-ఏలో పోటీపడనుంది. ఈ గ్రూప్‌లో భారత్‌, పాక్‌లతో పాటు యూఎస్‌ఏ, ఐర్లాండ్‌, కెనడా దేశాలు ఉన్నాయి. ఐపీఎల్‌ 2024 సీజన్‌ రెండు నెలల సుదీర్ఘ కాలంపాటు సాగిన నేపథ్యంలో ఓ ఆసక్తిర ప్రశ్న ఉత్పన్నమవుతుంది. ప్రపంచంలోని అన్ని దేశాలకు (దాదాపుగా) చెందిన ఆటగాళ్లు ఇన్ని రోజుల పాటు ఐపీఎల్‌తో బిజీగా ఉండటంతో ఈ లీగ్‌ ప్రభావం పొట్టి ప్రపంచకప్‌పై ఏమేరకు పడనుందనే ప్రశ్న తలెత్తుతుంది. ఐపీఎల్‌ ముగిసి వారం రోజులు కూడా గడువక ముందే పొట్టి ప్రపంచకప్‌ ప్రారంభంకావడం మంచిదేనా అని నెటిజన్లు చర్చించుకుంటున్నారు. ఈ అంశంపై అభిమానుల్లో భిన్నాభిప్రాయాలు వినిపిస్తున్నాయి.ఐపీఎల్‌ సుదీర్ఘకాలం పాటు సాగడం వల్ల ఆటగాళ్లు అలసిపోయుంటారని పలువురు అభిప్రాయపడుతున్నారు. ఐపీఎల్‌ ప్రభావం ఆటగాళ్లపై నెగిటివ్‌గా ఉంటుందనే వాదనలు వినిపిస్తున్నాయి. ఐపీఎల్‌ కారణంగా ఆటగాళ్లలో సీరియస్‌నెస్‌ కొరవడిందని కొందరంటున్నారు. ఐపీఎల్‌లో ఆడి కొందరు ఆటగాళ్లు గాయాల బారిన పడిన విషయాన్ని ఇంకొందరు ప్రస్తావిస్తున్నారు. ఐపీఎల్‌లో లభించే డబ్బును చూసుకుని కొందరు ఆటగాళ్లు దేశీయ విధులపై ఆసక్తి చూపడం లేదన్న ప్రచారం జరుగుతుంది. ఐపీఎల్‌ ముగిసి వారం కూడా గడవక ముందే మెగా టోర్నీ నిర్వహించడమేంటని కొందరు ప్రశ్నిస్తున్నారు.మరోవైపు ఐపీఎల్‌ వల్ల మంచే జరిగిందన్న వాదనలు కూడా ఉన్నాయి. ఐపీఎల్‌ వల్ల తమ దేశ ఆటగాళ్లకు మంచే జరిగిందని ఆసీస్‌ అభిమానులు అనుకుంటున్నారు. కిక్కిరిసిన జనాల మధ్య ఐపీఎల్‌ ఆడటం వల్ల తమ దేశ క్రికెటర్లకు ఒత్తిడిని ఎదుర్కోవాలో తెలిసొచ్చి ఉంటుందని వారు అభిప్రాయపడుతున్నారు. ఇదే విషయంతో ఇంగ్లండ్‌ మాజీ కెప్టెన్‌ మైఖేల్‌ వాన్‌ సైతం ఏకీభవించాడు. ఇంగ్లండ్‌ క్రికెట్‌ బోర్డు తమ దేశ క్రికెటర్లను ఐపీఎల్‌ ప్లే ఆఫ్స్‌ ఆడనీయకుండా తప్పుచేసిందని అతను అభిప్రాయపడ్డాడు. ఇంగ్లండ్‌ ఆటగాళ్లు ప్లే ఆఫ్స్‌ ఆడి ఉంటే పొట్టి ప్రపంచకప్‌ ఇంకాస్త ఎక్కువగా సన్నద్దమయ్యేవారని వాన్‌ అన్నాడు.భారత ఆటగాళ్ల విషయానికొస్తే.. ఐపీఎల్‌ ప్రతిభే కొలమానంగా ప్రపంచకప్‌ జట్టు ఎంపిక జరిగింది. ఫామ్‌లో ఉన్న ఆటగాళ్లకు మాత్రమే ప్రపంచకప్‌ బెర్త్‌ దక్కింది. జట్టులో స్థానం విషయంలో సెలెక్టర్లు ఎలాంటి ములాజలకు పోకుండా అర్హులైన వారినే ఎంపిక చేశారు. ప్రపంచకప్‌కు సంబంధించి వ్యూహాలు వేరుగా ఉన్నప్పటికీ.. ఐపీఎల్‌ వల్ల భారత ఆటగాళ్లకు మేలే జరిగిందని చెప్పాలి. ఈ ఐపీఎల్‌ సీజన్‌లో కీలక ఆటగాళ్లెవరు గాయాల బారిన పడలేదు. టీ20 జట్టులో రెగ్యులర్‌ సభ్యులైన ఆటగాళ్లందరూ మాంచి ఫామ్‌లో ఉండటంతో జట్టు ఎంపిక​ కూడా చాలా కష్టమైంది. కొన్ని సమీకరణల కారణంగా కేఎల్‌ రాహుల్‌ లాంటి ఆటగాళ్లకు అన్యాయం జరిగిందని చెప్పాలి. ఓవరాల్‌గా చూస్తే పొట్టి ప్రపంచకప్‌పై ఐపీఎల్‌ ప్రభావం అనే అంశంపై ఎవరి అభిప్రాయాలను వారు వినిపిస్తున్నారు.

ఐపీఎల్‌ 2024 సీజన్‌లో కోల్‌కతా నైట్‌రైడర్స్‌ విజేతగా ఆవిర్భవించింది. నిన్న (మే 26) జరిగిన ఫైనల్లో ఈ జట్టు సన్‌రైజర్స్‌ను 8 వికెట్ల తేడాతో చిత్తుగా ఓడించి మూడోసారి టైటిల్‌ను ఎగరేసుకుపోయింది.అంతిమ సమరంలో మిచెల్‌ స్టార్క్‌ అద్భుతంగా రాణించి కేకేఆర్‌ను పదేళ్ల తర్వాత మరోసారి ఛాంపియన్‌గా నిలబెట్టాడు. ఫైనల్లో స్టార్క్‌ 3 ఓవర్లలో కేవలం 14 పరుగులు మాత్రమే ఇచ్చి రెండు కీలకమైన వికెట్లు, రెండు క్యాచ్‌లు పట్టాడు. ఫలితంగా ప్లేయర్‌ ఆఫ్‌ ద మ్యాచ్‌ అవార్డు గెలుచుకున్నాడు.ఐపీఎల్‌ చరిత్రలో నాకౌట్‌ మ్యాచ్‌ల్లో ఒకటి కంటే ఎక్కువ ప్లేయర్‌ ఆఫ్‌ ద మ్యాచ్‌ అవార్డులు గెలుచుకున్న ఆటగాడిగా స్టార్క్‌ చరిత్ర సృష్టించాడు. స్టార్క్‌ సన్‌రైజర్స్‌తోనే జరిగిన తొలి క్వాలిఫయర్‌లోనూ ప్లేయర్‌ ఆఫ్‌ ద మ్యాచ్‌గా (4-0-34-3) నిలిచాడు.సీజన్‌ ఆరంభంలో దారుణంగా విఫలమైన స్టార్క్‌ అత్యంత కీలకమైన నాకౌట్‌ మ్యాచ్‌ల్లో అద్భుతంగా రాణించి కేకేఆర్‌కు పదేళ్ల తర్వాత మరోసారి టైటిల్‌ను అందించాడు. ఓవరాల్‌గా చూస్తే ఈ సీజన్‌లో స్టార్క్‌ సన్‌రైజర్స్‌ పాలిట విలన్‌గా దాపురించాడు.మరోసారి కలిసొచ్చిన 'M'ఇదిలా ఉంటే, ఐపీఎల్‌ ఫైనల్స్‌లో కేకేఆర్‌కు 'M' అక్షరం మరోసారి కలిసొచ్చింది. కేకేఆర్‌ ఐపీఎల్‌ టైటిల్స్‌ గెలిచిన మూడు సందర్భాల్లో ఈ అక్షరంతో పేరు మొదలయ్యే ఆటగాళ్లే ఆ జట్టు పాలిట గెలుపు గుర్రాలయ్యారు. MMM2012లో మన్విందర్‌ బిస్లా, 2014లో మనీశ్‌ పాండే, తాజాగా మిచెల్‌ స్టార్క్‌ ఫైనల్స్‌లో ప్లేయర్‌ ఆఫ్‌ ద మ్యాచ్‌లుగా నిలిచి కేకేఆర్‌కు టైటిల్స్‌ అందించారు. దీన్ని బట్టి చూస్తే ఐపీఎల్‌ ఫైనల్స్‌లో కేకేఆర్‌కు M అక్షరం సెంటిమెంట్‌ బాగా అచ్చొచ్చిందని స్పష్టమవుతుంది.మ్యాచ్‌ విషయానికొస్తే.. ఈ మ్యాచ్‌లో టాస్‌ గెలిచి తొలుత బ్యాటింగ్‌ ఎంచుకున్న సన్‌రైజర్స్‌ మిచెల్‌ స్టార్క్‌ ధాటికి 18.3 ఓవర్లలో కేవలం 113 పరుగులకే కుప్పకూలింది. ఆ జట్టు ఇన్నింగ్స్‌లో కెప్టెన్‌ కమిన్స్‌ (24) టాప్‌ స్కోరర్‌గా నిలిచాడు. మెరుపు వీరులు, ఓపెనర్లు అభిషేక్‌ శర్మ (2), ట్రివిస్‌ హెడ్‌ (0) సింగిల్‌ డిజిట్‌ స్కోర్లకే వెనుదిరిగారు. కమిన్స్‌ కాకుండా మార్క్రమ్‌ (20), నితీశ్‌ రెడ్డి (13), క్లాసెన్‌ (16) మాత్రమే రెండంకెల స్కోర్లు చేశారు. కేకేఆర్‌ బౌలర్లలో స్టార్క్‌తో పాటు రసెల్‌ (2.3-0-19-3), హర్షిత్‌ రాణా (4-1-24-2), సునీల్‌ నరైన్‌ (4-0-16-1), వరుణ్‌ చక్రవర్తి (2-0-9-1) ఇరగదీశారు. వైభవ్‌ అరోరా ఓ వికెట్‌ పడగొట్టాడు.అనంతరం స్వల్ప లక్ష్యాన్ని ఛేదించేందుకు బరిలోకి దిగిన కేకేఆర్‌.. వెంకటేశ్‌ అయ్యర్‌ అజేయమైన మెరుపు అర్దశతకంతో (26 బంతుల్లో 52; 4 ఫోర్లు, 3 సిక్సర్లు) విరుచుకుపడటంతో కేవలం 10.3 ఓవర్లలోనే విజయతీరాలకు చేరింది. రహ్మానుల్లా గుర్భాజ్‌ (32 బంతుల్లో 39; 5 ఫోర్లు, 2 సిక్సర్లు) కీలకమైన ఇన్నింగ్స్‌ ఆడగా.. భీకర ఫామ్‌లో ఉన్న సునీల్‌ నరైన్‌ 6 పరుగులు మాత్రమే చేసి ఔటయ్యాడు. వెంకటేశ్‌ అయ్యర్‌తో పాటు కెప్టెన్‌ శ్రేయస్‌ అయ్యర్‌ (6) అజేయంగా నిలిచి కేకేఆర్‌కు పదేళ్ల తర్వాత మరో టైటిల్‌ను అందించాడు. ఎస్‌ఆర్‌హెచ్‌ బౌలర్లలో కమిన్స్‌, షాబాజ్‌ అహ్మద్‌లకు తలో వికెట్‌ దక్కింది. సిరీస్‌ ఆధ్యాంతం బ్యాట్‌తో (14 మ్యాచ్‌ల్లో 488 పరుగులు), బంతితో (17 వికెట్లు) మాయ చేసిన సునీల్‌ నరైన్‌కు ప్లేయర్‌ ఆఫ్‌ ద సిరీస్‌ అవార్డు లభించింది.

ఐపీఎల్‌ 2024 సీజన్‌ చివరి అంకానికి చేరుకుంది. కేకేఆర్‌, సన్‌రైజర్స్‌ మధ్య నేడు (మే 26) జరుగబోయే ఫైనల్‌తో ఐపీఎల్‌ 17వ సీజన్‌ విజేత ఎవరో తేలిపోనుంది. ఈ సీజన్‌ గత సీజన్లకు భిన్నంగా సాగింది. బ్యాటింగ్‌కు సంబంధించి ఆల్‌టైమ్‌ రికార్డులు బద్దలుకావడంతో పాటు పలు సంచలన బౌలింగ్‌ ప్రదర్శనలు నమోదయ్యాయి. చెరి ఐదసార్లు ఛాంపియన్లైన ముంబై, సీఎస్‌కే ఈ సీజన్‌లో ప్లే ఆఫ్స్‌కు కూడా చేరకుండానే నిష్క్రమించాయి. దిగ్గజ కెప్టెన్లు రోహిత్‌, ధోని లేకుండా జరుగుతున్న ఐదో ఐపీఎల్‌ ఫైనల్‌ ఇది.ఐపీఎల్‌ 2024 ఫైనల్‌ నేపథ్యంలో ఇప్పటివరకు జరిగిన 16 సీజన్లలో విజేతలు, రన్నరప్‌లపై ఓ లుక్కేద్దాం. ఇప్పటివరకు జరిగిన 16 ఫైనల్స్‌లో సీఎస్‌కే (2010, 2011, 2018, 2021, 2023), ముంబై (2013, 2015, 2017, 2019, 2020) చెరి ఐదుసార్లు టైటిల్‌ కైవసం చేసుకోగా.. కేకేఆర్‌ రెండు (2012, 2014), సన్‌రైజర్స్‌ (2016), రాజస్థాన్‌ రాయల్స్‌ (2008), గుజరాత్‌ టైటాన్స్‌ (2022), డెక్కన్‌ ఛార్జర్స్‌ (2009) తలో సారి టైటిల్‌ నెగ్గాయి. అత్యధికసార్లు రన్నరప్‌గా నిలిచిన ఘనత సీఎస్‌కేకు దక్కింది. సీఎస్‌కే ఐదుసార్లు (2008, 2012, 2013, 2015, 2019) ఫైనల్లో ఓటమిపాలైంది.ఆతర్వాత ఆర్సీబీ మూడు సార్లు (2009, 2011, 2016).. ముంబై ఇండియన్స్‌ (2010), కేకేఆర్‌ (2021), సన్‌రైజర్స్‌ (2018), రాజస్థాన్‌ రాయల్స్‌ (2022), గుజరాత్‌ టైటాన్స్‌ (2023), పంజాబ్‌ కింగ్స్‌ (2014), ఢిల్లీ క్యాపిటల్స్‌ (2020), రైజింగ్‌ పూణే సూపర్‌ జెయింట్స్‌ (2017) తలో సారి రన్నరప్‌గా నిలిచాయి.సీజన్ల వారీగా విజేతలు, రన్నరప్స్‌..2008- రాజస్థాన్‌ రాయల్స్‌ (విజేత), సీఎస్‌కే (రన్నరప్‌)2009- డెక్కన్‌ ఛార్జర్స్‌‌ (విజేత), ఆర్సీబీ (రన్నరప్‌)2010- సీఎస్‌కే‌ (విజేత), ముంబై ఇండియన్స్‌ (రన్నరప్‌)2011- సీఎస్‌కే‌ (విజేత), ఆర్సీబీ‌ (రన్నరప్‌)2012- కేకేఆర్‌‌ (విజేత), సీఎస్‌కే (రన్నరప్‌)2013- ముంబై‌ (విజేత), సీఎస్‌కే‌ (రన్నరప్‌)2014- కేకేఆర్‌‌ (విజేత), పంజాబ్‌‌ (రన్నరప్‌)2015- ముంబై (విజేత), సీఎస్‌కే (రన్నరప్‌)2016- సన్‌రైజర్స్‌ (విజేత), ఆర్సీబీ (రన్నరప్‌)2017- ముంబై‌ (విజేత), పూణే (రన్నరప్‌)2018- సీఎస్‌కే‌ (విజేత), సన్‌రైజర్స్‌‌ (రన్నరప్‌)2019- ముంబై‌ (విజేత), సీఎస్‌కే (రన్నరప్‌)2020- ముంబై‌ (విజేత), ఢిల్లీ (రన్నరప్‌)2021- సీఎస్‌కే‌ (విజేత), కేకేఆర్‌‌ (రన్నరప్‌)2022- గుజరాత్‌‌ (విజేత), రాజస్థాన్‌‌ (రన్నరప్‌)2023- సీఎస్‌కే‌ (విజేత), గుజరాత్‌‌ (రన్నరప్‌)

తమిళ నటి కస్తూరి 90వ దశకంలో హీరోయిన్‌గా నటించి బాగానే గుర్తింపు తెచ్చుకున్నారు. ప్రస్తుతం ఆమె సీరియల్స్‌తో బిజీగా ఉన్నారు. సినిమాలతో పాటు సోషల్ మీడియాలో యాక్టివ్ గానే ఉంటున్నారు. సామాజిక, రాజకీయ అంశాల మీద పోస్టులు పెడుతూ ఉంటుంది. అయితే ఇటీవల ఆమె ఐపీఎల్‌ టీం బెంగళూరు ఓటమిపై పోస్ట్‌ పెట్టింది. ఎలిమినేటర్‌ మ్యాచ్‌లో రాజస్థాన్ రాయల్స్‌ చేతిలో ఆర్సీబీ ఓడిపోయిన ఇంటిబాట పట్టిన సంగతి తెలిసిందే. అయితే ఈ విషయంపై ప్రముఖ కోలీవుడ్‌ నటి కస్తూరి తన ట్విటర్‌లో ఖాతాలో వ్యంగ్యంగా పోస్ట్‌ చేసింది. చాలా ఏళ్లుగా ఈ విషయం అక్కడి వారికి తెలుసు అంటూ బెంగళూరు కంటోన్మెంట్‌ రైల్వేస్టేషన్‌ పిక్‌ను షేర్ చేసింది. అంతే కాకుండా 'ఈసాలా కూడా కప్‌ ఇల్లా' అంటూ కించపరిచేలా క్యాప్షన్‌ కూడా రాసుకొచ్చింది.అయితే ఇది చూసిన ఆర్సీబీ ఫ్యాన్స్‌, నెటిజన్స్‌ ఆమెపై తీవ్రస్థాయిలో మండిపడుతున్నారు. ఆమె చేసిన పోస్టుకు కౌంటర్‌గా కామెంట్స్ పెడుతున్నారు. సీఎస్‌కే టీమ్‌లా రెండేళ్లు మా టీమ్ బ్యాన్‌ కాలేదని గుర్తు చేస్తున్నారు. మీ టీమ్‌ అంతా ఫిక్సింగ్ అంటూ కస్తూరిని ట్రోల్‌ చేస్తున్నారు. మీ టీమ్‌ చెన్నై ఫిక్సింగ్‌ కింగ్స్‌ అంటూ నెటిజన్స్‌ పెద్దఎత్తున ఆడేసుకుంటున్నారు.The locals have known for years ....🤭😃#eesala #illa pic.twitter.com/gektBLqkFZ— Kasturi (@KasthuriShankar) May 23, 2024

ప్రముఖ ఓటీటీ స్ట్రీమింగ్‌ సంస్థ జియో సినిమా యూజర్లకు శుభవార్త చెప్పింది. జియో సినిమా 12 నెలల ప్రీమియం యాడ్ ఫ్రీ ప్లాన్‌ను రూ. 599కే అందుబాటులోకి తెచ్చింది. దీని ప్రారంభం ధర 50 శాతం డిస్కౌంట్‌తో రూ.299 లకే అందిస్తుంది. సంవత్సరం తర్వాత మళ్లీ రీఛార్జ్ చేసుకోవాలంటే రూ.599 చెల్లించాలి. జియో సినిమా గతంలో రూ.999 వార్షిక ప్లాన్ అందించింది. ఇప్పుడు దాన్ని రూ.599కి తగ్గించి.. ప్రారంభం ఆఫర్ కింద భారీ డిస్కౌంట్ ఇస్తోంది.నెలవారీ ప్లాన్ మాదిరిగానే, వార్షిక సబ్‌స్క్రిప్షన్ హెచ్‌బీఓ, పీకాక్, పారామౌంట్ ప్లస్ వంటి ఎంటర్‌టైన్మెంట్‌ కంటెంట్‌ను సైతం జియో సినిమాలో వీక్షించవచ్చు. దీంతో పాటు ఐపీఎల్‌ ఇతర ప్రాంతీయ కంటెంట్‌ను ఫ్రీగా చూడొచ్చని ఆ సంస్థ ప్రతినిధులు చెబుతున్నారు.

ఐపీఎల్‌– 2024లో తుది సమరానికి రంగం సిద్ధమైంది. 65 రోజులు, 73 మ్యాచ్‌ల తర్వాత ఐపీఎల్‌–17 విజేతను తేల్చే మ్యాచ్‌కు ఆదివారం చెన్నై వేదికవుతోంది. హైదరాబాద్‌ క్రికెట్‌ ఫ్యాన్స్‌కు ఆనందాన్ని పంచుతూ ఫైనల్‌ చేరిన సన్‌రైజర్స్‌ టీమ్‌ ఆఖరి పంచ్‌ ఇవ్వాలని పట్టుదలగా ఉంది. తొలి క్వాలిఫయర్‌లో తమను దెబ్బ తీసిన కోల్‌కతా నైట్‌రైడర్స్‌ ఇప్పుడు మళ్లీ ప్రత్యర్థి రూపంలో ఎదురుగా ఉంది. గత మ్యాచ్‌కు ప్రతీకారం తీర్చుకుంటూ రైజర్స్‌ చెలరేగితే రెండోసారి లీగ్‌ చాంపియన్‌గా సగర్వంగా నిలవవచ్చు. 2016లో ఆఖరిసారిగా టైటిల్‌ సాధించిన హైదరాబాద్‌ 2018లో ఫైనల్‌ చేరి తుది మెట్టుపై తడబడింది. 2012, 2014లలో ఐపీఎల్‌ గెలుచుకున్న కోల్‌కతా ఇప్పుడు మూడోసారి ట్రోఫీపై గురి పెట్టింది. మ్యాచ్‌ చెన్నైలో జరుగుతుండడంతో మన నగర అభిమానుల మనసంతా అక్కడే ఉందనేది వాస్తవం. హైదరాబాద్‌ గెలిస్తే సారథిగా మన నగరానికి టైటిల్‌ అందించిన మూడో ఆస్ట్రేలియన్‌గా కమిన్స్‌ నిలుస్తాడు. సాక్షి, హైదరాబాద్: ఐపీఎల్‌ ఫైనల్‌ ఆదివారం చెన్నైలో జరుగుతున్నప్పటికీ మన నగరంలోనే జరుగుతున్నంత కోలాహలం నెలకొంది. దీని కోసం నగరంలోని రెస్టారెంట్లు లైవ్‌ స్క్రీనింగ్‌ ప్రత్యేక వంటకాల ద్వారా ఈ మెగా ఈవెంట్‌కు సిద్ధమవుతున్నాయి. పలు పబ్స్, లాంజ్‌లు.. క్రికెట్‌ థీమ్‌ అలంకరణతో ఆకట్టుకుంటున్నాయి. మన సొంత జట్టు ఫైనల్‌కు చేరడంతో మరింత ఆసక్తికరంగా మారిన ఈ మ్యాచ్‌ నగరవాసులను ఉర్రూతలూగించనుంది. దీంతో ఎంట్రీ ఫీజు కనీసం రూ.500 నుంచి ప్రారంభించి ఆపై ధరలో విభిన్న రకాల ఆకర్షణలతో క్రికెట్‌ అభిమానుల్ని లైవ్‌ ఏర్పాట్లతో ఆహా్వనిస్తున్నారు. గచ్చిబౌలిలోని ముస్టాంగ్‌ టెర్రస్‌ లాంజ్‌లో ఏకంగా 3 స్క్రీన్స్‌ ఏర్పాటు చేశారు. జూబ్లీహిల్స్‌లోని ఎయిర్‌లైవ్‌లో 2 స్క్రీన్స్, మాదాపూర్‌లోని రష్‌ స్పోర్ట్స్‌ బార్‌ అండ్‌ బౌలింగ్‌ సెంటర్‌లో పెద్ద స్క్రీన్, కార్ఖానాలోని ద బార్‌ నెక్ట్స్‌ డోర్‌లో 2 బిగ్‌ స్క్రీన్స్‌తోపాటు చిన్నపాటి టీవీలు కూడా పూర్తిగా ఐపీఎల్‌ సందడికి సిద్ధమయ్యాయి. నగరంలోని పబ్స్, బార్స్, రెస్టారెంట్స్‌తో పాటు సికింద్రాబాద్‌ క్లబ్, జింఖానా క్లబ్, ఫిలింనగర్‌ క్లబ్‌.. వంటి సంపన్నులకు చెందిన క్లబ్స్‌ కూడా ప్రత్యేక ఏర్పాట్లతో సభ్యులను ఆహా్వనిస్తున్నాయి. మాల్స్, మలీ్టఫ్లెక్స్‌లూ, కెఫెలు సైతం స్క్రీన్స్‌ ఏర్పాటులో పోటీ పడుతున్నాయి. పలు గేటెడ్‌ కమ్యూనిటీల్లోనూ ప్రత్యేక స్క్రీన్లను ఏర్పాటు చేశారు.

గత మూడు సీజన్లలో ఎనిమిది, ఎనిమిది, పదో స్థానం... సన్‌రైజర్స్‌ హైదరాబాద్‌ పరిస్థితి ఇది. గత రెండు సీజన్లలో కోల్‌కతా నైట్‌రైడర్స్‌ ఏడో స్థానానికి పరిమితం. ఐపీఎల్‌ ఈ ఏడాది ఆరంభానికి ముందుకు ఇరు జట్ల రికార్డు చూస్తే ఈ రెండు టీమ్‌లు ఫైనల్‌ చేరతాయని ఎవరూ ఊహించలేదు. కానీ అద్భుత ప్రదర్శనలతో రైజర్స్, రైడర్స్‌ అంచనాలు తిరగరాశాయి. అదరగొట్టే బ్యాటింగ్, రికార్డు ప్రదర్శనలతో హైదరాబాద్‌ ప్రస్థానం సాగితే... అన్ని రంగాల్లో చెలరేగి కోల్‌కతా అగ్రస్థానంతో ముందుకు దూసుకెళ్లింది. అన్ని అవరోధాలను దాటిన తర్వాత ఇప్పుడు అసలైన అంతిమ సమరానికి రంగం సిద్ధమైంది. పదేళ్ల క్రితం చివరిసారి విజేతగా నిలిచిన కోల్‌కతా తమ మూడో టైటిల్‌పై గురి పెడితే... ఎనిమిదేళ్ల క్రితం చాంపియన్‌గా నిలిచిన హైదరాబాద్‌ రెండో ట్రోఫీ లక్ష్యంగా బరిలోకి దిగింది. ఇరు జట్లు సమ ఉజ్జీలుగా కనిపిస్తున్న నేపథ్యంలో చెపాక్‌ మైదానంలో ఎవరిది పైచేయి కానుందనేది ఆసక్తికరం. చెన్నై: ఐపీఎల్‌–17లో రెండు నెలలకు పైగా హోరాహోరీగా సాగిన సమరాల తర్వాత టోర్నీ విజేతను తేల్చే సమయం ఆసన్నమైంది. లీగ్‌ మాజీ చాంపియన్లు మరో ట్రోఫీ వేటలో సత్తా చాటేందుకు ఉత్సాహంగా ఎదురు చూస్తున్నాయి. చిదంబరం స్టేడియంలో ఆదివారం జరిగే ఫైనల్‌ పోరులో సన్‌రైజర్స్‌ హైదరాబాద్, కోల్‌కతా నైట్‌రైడర్స్‌ తలపడతాయి. తొలి క్వాలిఫయర్‌లో సన్‌రైజర్స్‌నే ఓడించి దర్జాగా తుది పోరుకు అర్హత సాధించిన కోల్‌కతా దానిని పునరావృతం చేసేందుకు సిద్ధంగా ఉంది. మరో వైపు గత మ్యాచ్‌తో పాటు అంతకు ముందు లీగ్‌ దశలో కూడా కేకేఆర్‌ చేతిలో ఓడిన హైదరాబాద్‌ ఈ సారి మాత్రం వెనక్కి తగ్గకుండా తమ అత్యుత్తమ ఆటను ప్రదర్శించాలని పట్టుదలగా ఉంది. శుక్రవారం ప్రతికూల పరిస్థితుల మధ్య ఇదే మైదానంలో క్వాలిఫయర్‌–2లో రాజస్తాన్‌ను ఓడించడంతో రైజర్స్‌ టీమ్‌లో ఆత్మవిశ్వాసం పెరిగింది. మార్పులు చేస్తారా! ఫైనల్‌ కోసం హైదరాబాద్‌ తుది జట్టు ఎంపిక ఆసక్తికరంగా మారింది. టాప్‌–3లో హెడ్, అభిõÙక్, త్రిపాఠి ఖాయం. గత మూడు మ్యాచ్‌లుగా భారీ స్కోరు బాకీ ఉన్న హెడ్‌ ఫైనల్లో చెలరేగితే నిలువరించడం కష్టం. అదే విధంగా అభిõÙక్‌ కూడా మరో మెరుపు ఇన్నింగ్స్‌ ఆడాల్సి ఉంది. వరుసగా రెండు మ్యాచ్‌లలో దూకుడైన బ్యాటింగ్‌తో తానేంటో త్రిపాఠి నిరూపించుకున్నాడు. ఎప్పటిలాగే భారీ షాట్లతో క్లాసెన్‌ మిడిలార్డర్‌లో ఉన్నాడు. అయితే ఇద్దరు దేశవాళీ బ్యాటర్లు నితీశ్‌ రెడ్డి, సమద్‌లు మరింత మెరుగైన ప్రదర్శన ఇవ్వాల్సి ఉంది. నాలుగో విదేశీ ఆటగాడిగా ఎవరిని ఎంచుకోవాలనే విషయంలో రైజర్స్‌ మేనేజ్‌మెంట్‌లో గందరగోళం కొనసాగుతోంది. మార్క్‌రమ్‌ ఆశించిన స్థాయిలో ఆడలేకపోతుండగా, లీగ్‌లో ఒక్క మ్యాచ్‌ కూడా ఫిలిప్స్‌ను తీసుకోవడం కూడా దాదాపు అసాధ్యం. పిచ్‌ను బట్టి క్వాలిఫయర్‌లో షహబాజ్‌ను అనూహ్యంగా ఇంపాక్ట్‌ ప్లేయర్‌గా చేసుకొచ్చి టీమ్‌ మంచి ఫలితం సాధించింది. అయితే ఈ పిచ్‌ను స్పిన్‌కు అంతగా అనుకూలించేది కాకపోవడంతో పాటు ప్రత్యర్థి టీమ్‌లో నలుగురు లెఫ్టార్మ్‌ బ్యాటర్లు ఉన్నారు. కమిన్స్, భువనేశ్వర్, నటరాజన్‌ పేస్‌ బౌలింగ్‌లో తమ బాధ్యత నిర్వర్తించగలరు. మార్పుల్లేకుండా... కోల్‌కతా మాత్రం ఎలాంటి సందేహం లేకుండా క్వాలిఫయర్‌–1 ఆడిన టీమ్‌నే కొనసాగించనుంది. మొదటినుంచి చివరి ఆటగాడి వరకు అందరూ ఫామ్‌లో ఉండటం సానుకూలాంశం. ఓపెనర్లుగా నరైన్, గుర్బాజ్‌ సత్తా చాటగలరు. ఆ తర్వాత వరుసగా వెంకటేశ్, శ్రేయస్, రాణా జట్టు భారం మోస్తారు. చివర్లో రింకూ, రసెల్‌ విధ్వంసం సృష్టించగల సమర్థులు. కేకేఆర్‌ బౌలింగ్‌ కూడా సమతూకంగా ఉంది. స్టార్క్‌ ఫామ్‌లో ఉంటే ఏం జరుగుతుంతో గత మ్యాచ్‌లో హైదరాబాద్‌కు అర్థమైంది. హర్షిత్, అరోరాలాంటి యువ పేసర్లు కూడా రాణిస్తుండగా... స్పిన్నర్‌ వరుణ్‌ ఒంటిచేత్తో మ్యాచ్‌ స్వరూపాన్ని మార్చేయగలడు. తుది జట్ల వివరాలు (అంచనా) సన్‌రైజర్స్‌: కమిన్స్‌ (కెపె్టన్‌), హెడ్, అభిõÙక్, త్రిపాఠి, మార్క్‌రమ్, క్లాసెన్, నితీశ్‌ రెడ్డి, సమద్, భువనేశ్వర్, ఉనాద్కట్, నటరాజన్, షహబాజ్‌/ మర్కండే. నైట్‌రైడర్స్‌: శ్రేయస్‌ (కెపె్టన్‌), నరైన్, గుర్బాజ్, వెంకటేశ్, నితీశ్, రింకూ, రసెల్, రమణ్‌దీప్, స్టార్క్, హర్షిత్, వరుణ్, వైభవ్‌. పిచ్, వాతావరణం రెండో క్వాలిఫయర్‌ మ్యాచ్‌ నల్లరేగడి మట్టితో కూడిన పిచ్‌పై జరిగి స్పిన్‌కు బాగా అనుకూలిస్తుంది. కానీ ఫైనల్‌ను ఎర్రమట్టితో కూడిన మరో పిచ్‌ను నిర్వహిస్తున్నారు. దాంతో బ్యాటింగ్‌కు అనుకూలించి భారీ స్కోరుకు అవకాశం ఉంటుంది. శనివారం సాయంత్రం వర్షం కురిసినా...మ్యాచ్‌ రోజు చిరు జల్లులకు మాత్రమే అవకాశం ఉంది. ఏదైనా ఇబ్బంది ఎదురైనా రిజర్వ్‌ డే ఉంది.

ఐపీఎల్‌లో ఢిల్లీ డేర్‌డెవిల్స్‌ జట్టు కొన్నేళ్ల క్రితం ఒక 17 ఏళ్ల కుర్రాడిని ఎంచుకుంది. అయితే తుది జట్టు సమీకరణాల్లో భాగంగా అతనికి ఆరంభంలో అవకాశాలు రాలేదు. ఆ తర్వాత వరుస పరాజయాలతో ఢిల్లీ ప్లే ఆఫ్స్‌ అవకాశాలు కోల్పోయింది. దాంతో చివరి మూడు మ్యాచ్‌లలో కొత్త ఆటగాళ్లకు అవకాశం ఇచ్చి ఒక ప్రయత్నం చేయాలని టీమ్‌ మేనేజ్‌మెంట్‌ భావించింది. బెంగళూరుతో జరిగిన మ్యాచ్‌తో తొలి అవకాశం దక్కించుకున్న ఆ కుర్రాడు చెలరేగిపోయాడు. ఆరో స్థానంలో బ్యాటింగ్‌కు దిగి19 బంతుల్లోనే 4 ఫోర్లు, 4 సిక్సర్లతో 46 పరుగులు చేసి అజేయంగా నిలిచాడు. అనంతరం మరో మ్యాచ్‌లోనూ నాటౌట్‌ ఉన్న అతను ఇంకో పోరులో ఒక భారీ షాట్‌ కొట్టే ప్రయత్నంలో అవుటయ్యాడు.టీమ్‌ కోచ్‌ రికీ పాంటింగ్‌ అతని దగ్గరకు వచ్చాడు. సాధారణంగా ఇలాంటివి ఆడితే కోచ్‌లు అవసరంగా ఆ షాట్‌ ఆడావని, లేదా తొందరపడ్డావు, కాస్త జాగ్రత్త వహించాల్సిందని చెబుతారు. కానీ పాంటింగ్‌ మాత్రం ‘ఈ షాట్‌ మళ్లీ ఆడితే నాకు బంతి అక్కడ ప్రేక్షకుల గ్యాలరీల్లో కనిపించాలి’ అని ప్రోత్సహించాడు. ఆ కుర్రాడి మనసులో ఇది బాగా ముద్రించుకుపోయింది. ఆపై ఎప్పుడు అవకాశం వచ్చినా అతను దానిని మరచిపోలేదు. ఇప్పుడు ఐపీఎల్‌లో సన్‌రైజర్స్‌ తరఫున రికార్డు స్థాయిలో సిక్సర్ల పంట పండిస్తున్న ఆ కుర్రాడే అభిషేక్‌ శర్మ. ఢిల్లీపై చెలరేగిన మ్యాచ్‌ అతనికి ఐపీఎల్‌లో మొదటి మ్యాచ్‌ మాత్రమే కాదు, ఓవరాల్‌గా కూడా అతని సీనియర్‌ కెరీర్‌లో తొలి టి20 కావడం విశేషం. తన వీర దూకుడుతో హైదరాబాద్‌ అభిమానుల దృష్టిలో అభిషేక్‌ కొత్త హీరోగా మారిపోయాడు. ఓపెనర్‌గా తన విధ్వంసక ఆటతీరుతో జట్టుకు అద్భుత విజయాలు అందించి అతను రైజర్స్‌ రాత మార్చాడు.ఐపీఎల్‌ ఈ సీజన్‌లో మెరుపు బ్యాటింగ్‌ చూస్తున్నవారికి అభిషేక్‌ శర్మ అనూహ్యంగా దూసుకొచ్చిన ఆటగాడిలా కనిపించవచ్చు. కానీ స్కూల్‌ క్రికెట్‌ స్థాయి నుంచే అతను అసాధారణ ప్రతిభతో వేర్వేరు వయో విభాగాల్లో రాణిస్తూ పై స్థాయికి చేరాడు. పంజాబ్‌లోని అమృత్‌సర్‌ అతని స్వస్థలం. మాజీ క్రికెటర్‌ అయిన తండ్రి రాజ్‌కుమార్‌ శర్మ తొలి కోచ్‌ అయి ఆటలో ఓనమాలు నేర్పించాడు. ప్రస్తుత భారత జట్టులో కీలక ఆటగాడైన శుభ్‌మన్‌ గిల్, అభిషేక్‌ చిన్ననాటి స్నేహితులు. అండర్‌–12 నుంచి అండర్‌–19 స్థాయి వరకు, ఆపై దేశవాళీలో సీనియర్‌ స్థాయిలో కూడా కలసి ఆడారు. అయితే గిల్‌ లిఫ్ట్‌ అందుకున్నట్లుగా వేగంగా దూసుకుపోతే, మెట్ల ద్వారా ఒక్కో అడుగు పైకి ఎదిగేందుకు శ్రమిస్తున్న అభిషేక్‌కు గుర్తింపు దక్కడం ఆలస్యమైంది. భారత దేశవాళీ క్రికెట్‌లో అభిషేక్‌ తొలిసారి అందరి దృష్టిలో పడింది 2015–16 సీజన్‌లోనే. ఆ ఏడాది అండర్‌–16 విజయ్‌ మర్చంట్‌ ట్రోఫీలో 7 మ్యాచ్‌లలోనే అతను 1200 పరుగులు సాధించడంతో పాటు బౌలింగ్‌లో 57 వికెట్లు పడగొట్టడం విశేషం.తెలంగాణ ముఖ్యమంత్రి రేవంత్‌ రెడ్డి చేతుల మీదుగా ప్లేయర్‌ ఆఫ్‌ ద మ్యాచ్‌ అందుకుంటూ..అండర్‌–19 ప్రపంచకప్‌తో..విజయ్‌ మర్చంట్‌ ట్రోఫీ తర్వాత అభిషేక్‌ అడుగు సహజంగానే అండర్‌–19 స్థాయి వైపు పడింది. 16 ఏళ్ల వయసులోనే అతను భారత అండర్‌–19 జట్టులోకి ఎంపికయ్యాడు. అంతే కాకుండా కెప్టెన్‌గా కూడా అవకాశం దక్కించుకున్నాడు. 2016లోనే ఆసియా కప్‌లో జట్టును విజేతగా నిలిపి తన సారథ్య ప్రతిభను కూడా ప్రదర్శించాడు. ఆ తర్వాత కొద్ది రోజులకే అండర్‌–19 వరల్డ్‌ కప్‌ కూడా వచ్చింది. ఈసారి పృథ్వీ షా కెప్టెన్సీలో జట్టు ఆడింది. అయితే కెప్టెన్సీ లేకపోయినా జట్టులో కీలక ఆటగాడిగా ఉన్న అభిషేక్‌.. మన టీమ్‌ వరల్డ్‌ కప్‌ విజేతగా నిలవడంలో తన వంతు పాత్ర పోషించాడు. ఈ ప్రపంచకప్‌ విజయానికి సరిగ్గా వారం రోజుల ముందే వేలంలో ఢిల్లీ టీమ్‌ అతడిని రూ. 55 లక్షలకు తీసుకుంది.ఆల్‌రౌండ్‌ ప్రతిభతో..‘క్లీన్‌ స్ట్రయికర్‌’.. అభిషేక్‌ ఆట గురించి ప్రస్తావన వచ్చినప్పుడల్లా అతని గురించి వినిపించే ఏకవాక్య ప్రశంస. బ్యాటింగ్‌లో ఎక్కడా తడబాటు కనిపించకుండా, బంతిని బలంగా బాదిన సమయంలో కూడా చూడముచ్చటగా, కళాత్మకంగా షాట్‌ ఆడే తీరుపై అందరూ చెప్పే మాట అది. కెరీర్‌ ఆరంభంలో లోయర్‌ ఆర్డర్‌లో బ్యాటింగ్‌ చేస్తూ లెఫ్ట్‌ ఆర్మ్‌ స్పిన్‌ బౌలింగ్‌ చేసే ఆటగాడిగా ఉన్న అభిషేక్‌ ఆ తర్వాత తన శ్రమతో, పట్టుదలతో టాప్‌ ఆర్డర్‌కు చేరాడు. ఓపెనర్‌గా విధ్వంసక బ్యాటింగ్‌ చేయడమే కాదు, కీలక సమయాల్లో జట్టుకు ఉపయోగపడే స్పిన్నర్‌గానూ గుర్తింపు తెచ్చుకున్నాడు. స్పిన్‌లో ఎంతో సాధనతో అతను బ్యాక్‌ స్పిన్నింగ్‌ లెగ్‌కట్టర్‌ అనే ప్రత్యేక తరహాలో బౌలింగ్‌ అస్త్రాన్ని తయారుచేసుకున్నాడు. ఇది ఎన్నోసార్లు అతనికి వికెట్‌ని తెచ్చిపెట్టింది.తండ్రి రాజ్‌కుమార్‌ శర్మ, యువరాజ్‌ సింగ్‌తో..యువరాజ్‌ మార్గనిర్దేశనంలో..భారత మాజీ స్టార్‌ యువరాజ్‌ సింగ్‌ అంటే మొదటి నుంచి అభిషేక్‌కు వీరాభిమానం. తర్వాతి రోజుల్లో అది అభిమానంగా మాత్రమే కాకుండా మరింత పెద్ద స్థాయికి చేరింది. గత కొన్నేళ్లుగా యువీ అతనికి మెంటార్‌గా వ్యవహరిస్తూ ప్రోత్సహిస్తున్నాడు. అధికారికంగా పంజాబ్‌ క్రికెట్‌లో ఎలాంటి హోదా లేకపోయినా కేవలం అభిషేక్‌ కోసం అతను తన సమయాన్ని వెచ్చిస్తూ అతని ఎదుగుదలలో కీలక పాత్ర పోషించాడు. అభి స్టాన్స్, షార్ట్‌ బంతులు ఆడటంలో మెలకువలు, మానసికంగా దృఢంగా మార్చడం.. ఇలా అన్నింటిలో యువీ అండగా నిలిచాడు. ఇప్పుడు ఈ కుర్రాడు ఆడే కొన్ని దూకుడైన షాట్లు యువీ ఆటను గుర్తుకు తెస్తాయంటే ఆశ్చర్యం లేదు. గత ఏడాది అభిషేక్‌ తన అద్భుత ఆటతో పంజాబ్‌ జట్టుకు తొలిసారి దేశవాళీ టి20 టోర్నీ ముస్తాక్‌ అలీ ట్రోఫీని అందించాడు. ఈ టోర్నీలో 2 సెంచరీలు, 3 సెంచరీలు సహా ఏకంగా 180 స్ట్రైక్‌రేట్‌తో అతను 485 పరుగులు చేశాడు. ఇందులో ఆంధ్రపై 51 బంతుల్లోనే 112 పరుగులు చేసిన మ్యాచ్‌లో పంజాబ్‌ టోర్నీ రికార్డు స్కోరు 275 పరుగులను నమోదు చేసింది.ఐపీఎల్‌తో రైజింగ్‌..2019లో సన్‌రైజర్స్‌ టీమ్‌ శిఖర్‌ ధావన్‌ను ఢిల్లీకి బదిలీ చేసి అతనికి బదులుగా ముగ్గురు ఆటగాళ్లను తీసుకుంది. వారిలో అభిషేక్‌ శర్మ కూడా ఒకడు. అయితే వరుసగా మూడు సీజన్లలో కూడా అతడిని లోయర్‌ ఆర్డర్‌లోనే ఆడించడంతో పాటు పరిమిత అవకాశాలే వచ్చాయి. దాంతో అతని అసలు సామర్థ్యం వెలుగులోకి రాలేదు. అయితే మూడో ఏడాది (2021) చివరి రెండు మ్యాచ్‌లలో అతను ఆశించినట్లుగా టాప్‌ ఆర్డర్‌లో బ్యాటింగ్‌ చేయించారు. ముంబైతో మ్యాచ్‌లో 16 బంతుల్లో 33 పరుగులు సాధించడంతో అతని దూకుడైన శైలి మేనేజ్‌మెంట్‌కు అర్థమైంది. తాము చేసిన పొరపాటును సరిదిద్దుకుంటున్నట్లుగా 2022 ఐపీఎల్‌ వేలంలో సన్‌రైజర్స్‌ ఏకంగా రూ.6.5 కోట్లకు అభిషేక్‌ను మళ్లీ తీసుకుంది.అమ్మ, తోబుట్టువుతో..రెండు సీజన్ల పాటు నిలకడగా రాణించిన అతను జట్టుకు విజయాలు అందించాడు. అయితే అభిషేక్‌ విశ్వరూపం ఈ ఏడాదే కనిపించింది. అటు పేస్, ఇటు స్పిన్‌ బౌలింగ్‌పై నిర్దాక్షిణ్యంగా విరుచుకుపడిన అతను 200కు పైగా స్ట్రయిక్‌రేట్‌తో పరుగులు సాధించాడు. మరో ఓపెనర్‌ ట్రవిస్‌ హెడ్‌తో కలసి అతను అందించిన ఆరంభాలు రైజర్స్‌కు ఘన విజయాలను ఇచ్చాయి. టోర్నీలో అతను కొట్టిన ఫోర్లకంటే సిక్సర్లే ఎక్కువగా ఉండటం అతని విధ్వంసం ఎలాంటిదో చూపిస్తుంది. ఐపీఎల్‌ టోర్నీ చరిత్రలో టీమ్‌ అత్యధిక స్కోరు (277) సాధించడంలో అతనిదే కీలక పాత్ర. ముంబైతో జరిగిన ఈ మ్యాచ్‌లో అభిషేక్‌ కేవలం 16 బంతుల్లో హాఫ్‌ సెంచరీ బాది హైదరాబాద్‌ టీమ్‌ తరఫున లీగ్‌లో ఫాస్టెస్ట్‌ ఫిఫ్టీని నమోదు చేశాడు.ఇక లక్నోతో జరిగిన మ్యాచ్‌లోనైతే 28 బంతుల్లోనే 8 ఫోర్లు, 6 సిక్సర్లతో 75 పరుగులు చేసి అజేయంగా నిలిచిన ఇన్నింగ్స్‌ను ఐపీఎల్‌ అభిమానులెవరూ మరచిపోలేరు. సరిగ్గా చెప్పాలంటే గత కొన్నేళ్లలో భారత్‌కు ప్రాతినిధ్యం వహించక ముందే ఐపీఎల్‌లో ఆడి (అన్‌క్యాప్డ్‌ ప్లేయర్‌) సత్తా చాటిన ఆటగాళ్లలో అభిషేక్‌ అగ్రస్థానంలో ఉంటాడంటే అతిశయోక్తి కాదు. అతని తాజా ప్రదర్శనతో వచ్చే టి20 వరల్డ్‌ కప్‌లో అభిషేక్‌కు చోటు ఇవ్వాల్సిందనే చర్చ జరిగింది. అయితే స్వయంగా మెంటార్‌ యువరాజ్‌ కూడా దానికి ఇంకా సమయం ఉందని, 23 ఏళ్ల అభిషేక్‌ రాబోయే ఇంకా మరిన్ని అస్త్రశస్త్రాలతో సిద్ధమై భారత జట్టులో అరంగేట్రం చేయగలడని విశ్వాసం వ్యక్తం చేశాడు. వరల్డ్‌ కప్‌ తర్వాత టీమిండియాలో సీనియర్ల స్థానంలో కుర్రాళ్లు చోటు దక్కించునే అవకాశాలు ఉండటంతో ఆ జాబితాలో అభిషేక్‌ పేరు తప్పక ఉండవచ్చనేది మాత్రం వాస్తవం. – మొహమ్మద్‌ అబ్దుల్‌ హాది

బాలీవుడ్‌ స్టార్‌ హీరో షారూఖ్‌ ఖాన్‌ స్వల్ప అస్వస్థతకు గురయ్యారు. ఐపీఎల్‌ ప్లే ఆఫ్‌కు మ్యాచ్‌కు హాజరైన షారుక్‌ డీహైడ్రేషన్‌కు (వడదెబ్బ) గురైనట్లు సమాచారం. దీంతో ఆయన అహ్మదాబాద్‌లోని కేడీ ఆస్పత్రిలో చికిత్స అందుకున్నారు. ఆ తర్వాత షారుక్‌ ఆస్పత్రి నుంచి డిశ్చార్జ్‌ కూడా అయ్యారు. అయితే ఆయన ఆరోగ్యపరిస్థితి గురించి అధికారికంగా ఎలాంటి ప్రకటన రాలేదు.తాజాగా షారుఖ్ మేనేజర్ పూజా దద్లానీ తన ఇన్ స్టాగ్రామ్ ద్వారా పలు విషయాలు వెల్లడించారు. ప్రస్తుతం షారూఖ్ ఖాన్ సంపూర్ణ ఆరోగ్యంగా ఉన్నారని ఆమె తెలిపింది. అభిమానులు ఎలాంటి ఆందోళన చెందాల్సిన పనిలేదని ఆమె చెప్పింది. షారుఖ్‌పై ఫ్యాన్స్‌ చూపించే ప్రేమ, ప్రార్ధనలు ఆయనకు మరింత బలాన్ని చేకూర్చాయి. అభిమానులు, శ్రేయోభిలాషులందరికీ కృతజ్ఞతలు అని ఆమె తన పోస్ట్‌ ద్వారా తెలిపింది. కేకేఆర్ ఫైనల్స్ ఆడేటప్పుడు స్టాండ్స్‌లో నుంచి జట్టును ఉత్సాహపరుస్తాడని జట్టు సహ-యజమాని జుహీ చావ్లా తెలిపింది.

బాలీవుడ్‌ స్టార్‌ హీరో షారూఖ్‌ ఖాన్‌ స్వల్ప అస్వస్థతకు గురయ్యారు. ఐపీఎల్‌ ప్లే ఆఫ్‌కు మ్యాచ్‌కు హాజరైన షారుక్‌ డీహైడ్రేషన్‌కు (వడదెబ్బ) గురైనట్లు సమాచారం. దీంతో ఆయన అహ్మదాబాద్‌లోని కేడీ ఆస్పత్రిలో చికిత్స అందుకున్నారు. ఆ తర్వాత షారుక్‌ ఆస్పత్రి నుంచి డిశ్చార్జ్‌ కూడా అయ్యారు.కాగా.. మంగళవారం అహ్మదాబాద్‌లోని నరేంద్ర మోదీ స్టేడియంలో జరిగిన కేకేఆర్, ఎస్‌ఆర్‌హెచ్‌ మ్యాచ్‌కు షారూఖ్‌ ఖాన్‌ హాజరయ్యారు. కోల్‌కతా జట్టుకు యజమానిగా ఉన్న షారూఖ్‌ ఖాన్‌ టీమ్‌కు మద్దతుగా స్డేడియంలో సందడి చేశారు. దీంతో అధిక ఉష్ణోగ్రత వల్ల వడదెబ్బకు గురయ్యారు. ఆస్పత్రికి వెళ్లిన బాద్‌షా చికిత్స అనంతరం డిశ్చార్జ్‌ అయ్యారు. దీంతో షారుక్ అభిమానులు ఊపిరి పీల్చుకున్నారు. Due to heat stroke dehydration, but sir is fine now and he’s been discharged, nothing to worry.Love You @iamsrk ❤️#ShahRukhKhan https://t.co/5k5S5z1ixD— Sudhir Kothari (@sudhirkothari03) May 22, 2024

కోలారు: ఐపీఎల్‌ క్రికెట్‌ మ్యాచ్‌ బెట్టింగ్‌ దందా నగరంలో చాపకింద నీరులా సాగుతోంది. పోలీసులు ఇంతవరకు అరెస్టు చేసిన వారు చిన్న చిన్న చేపలు కాగా బెట్టింగ్‌ దందాలో ఉన్న ఇంకా పెద్ద పెద్ద తిమింగలాలు అజ్ఞాతంలో ఉండి వ్యవహారం నడిపిస్తున్నట్లు తెలుస్తోంది. పోలీసులు ఇంతవరకు నాలుగు బెట్టింగ్‌ కేసులను ఛేదించి కేవలం చిన్న మొత్తంలో డబ్బులు స్వాధీనం చేసుకున్నారు. ఇంకా పలువురు పంటర్‌లు ముంబై, గోవాల్లో కూర్చుని అక్కడి నుంచే వ్యవహారాలు నడిపిస్తున్నట్లు ఊహాగానాలు వినిపిస్తున్నాయి. ఐపీఎల్‌ క్రికెట్‌ టోర్నీ అంతమ దశకు చేరుకుంది. ఐపీఎల్‌పై దేశ విదేశాలలో భారీ ఎత్తున బెట్టింగ్‌ జరుగుతోంది. శనివారం బెంగళూరులోని చిన్నస్వామి స్టేడియంలో జరిగిన సీఎస్‌కే, ఆర్‌సీబీ జట్ల మధ్య జరిగిన పోటీపై భారీ ఎత్తున బెట్టింగ్‌ జరిగినట్లు తెలుస్తోంది. కోలారు జిల్లాతో పాటు రాష్ట్ర వ్యాప్తంగా కూడా బెట్టింగ్‌ సాగుతుండగా పలు కేసులను పోలీసులు ఛేదించారు.బెట్టింగ్‌లోకి ఆస్తులు, బంగారంజూదర్లు డబ్బులతో పాటు బంగారం, ఆస్తులను బెట్టింగ్‌లో పెట్టడానికి వెనుకంజ వేయడం లేదు. కోలారు జిల్లాలో జరుగుతున్న ఐపీఎల్‌ బెట్టింగ్‌ దందాను అరికట్టడానికి జిల్లా ఎస్పీ ఎం నారాయణ ప్రత్యేక బృందాన్ని రచించారు. వారం రోజుల క్రితం గల్‌పేట పోలీసులు బెట్టింగ్‌లో పాల్గొన్న నలుగురిని అరెస్టు చేశారు. శనివారం మరో బెట్టింగ్‌ అడ్డాపై దాడి చేసి ఒకరిని అరెస్టు చేశారు. శ్రీనివాసపురంలో బెట్టింగ్‌లో పాల్గొన్న ముగ్గురిని అరెస్టు చేసిన పోలీసులు విచారణ చేస్తున్నారు. కోలారు నుంచి దుబై వరకు క్రికెట్‌ బెట్టింగ్‌ దందా జోరుగా సాగుతుందని అంటున్నారు. గతంలో బెట్టింగ్‌ పంటర్‌లు కోలారులోనే ఉండి వ్యవహారం నడిపే వారు. గత రెండేళ్లుగా పోలీసు యంత్రాంగం తీసుకున్న కట్టుదిట్టమైన చర్యల కారణంగా వీరు దూర ప్రాంతాల్లో కూర్చుని బెట్టింగ్‌ నిర్వహిస్తున్నట్లు తెలుస్తోంది. వీరు అక్కడి నుంచే ఐపీఎల్‌ మ్యాచ్‌ ప్రారంభం కాగానే బెట్టింగ్‌ యాప్‌ లింక్‌ పంపించడం, ఆన్‌లైన్‌ బెట్టింగ్‌ ఐడీలు పంచుకునే ప్రయత్నం చేస్తారు. ఆన్‌లైన్‌లోనే డబ్బు వ్యవహారం జరుగుతుంది.బెట్టింగ్‌పై నిఘా పటిష్టంబెట్టింగ్‌ అడ్డుకట్టకు ప్రత్యేక బృందాన్ని రచించాం. క్రికెట్‌ బెట్టింగ్‌ యాప్‌లపై, పోలీసులపై కూడా నిఘా పెట్టాం. క్రికెట్‌ బెట్టింగ్‌లో పాల్గొంటున్నట్లు తెలిస్తే, పోలీసులు పాల్గొంటున్నట్లు తెలిసినా వెంటనే పోలీసులకు సమాచారం అందించాలి. పోలీసులు బెట్టింగ్‌ దందా నిర్వహిస్తున్న వారితో చేతులు కలిపినట్లు తెలిస్తే కఠిన చర్యలు తీసుకుంటాం.–ఎం నారాయణ, ఎస్పీ, కోలారు

#RCB Vs CSK ఐపీఎల్‌ అంటేనే క్రికెట్‌ అభిమానులకు ఒక పండుగ. అలాంటి ఐపీఎల్‌లో బెంగళూరు రాయల్‌ ఛాలెంటర్స్‌(#RCB) అందరి అంచనాలను తలకిందులు చేస్తూ అదరగొట్టింది. ఐపీఎల్‌ చరిత్రలోనే కనీవినీ ఎరగని రీతిలో ఐపీఎల్‌-17లో ప్లే ఆఫ్ల్స్‌కు చేరుకుంది. తప్పక గెలవాల్సిన మ్యాచ్‌లో చైన్నె సూపర్‌ కింగ్స్‌కు షాకిస్తూ మెరుగైన రన్‌రేట్‌తో విజయం సాధించి ముందంజలో నిలిచింది. ప్లే ఆఫ్స్‌కు చేరాల్సిన నాకౌట్ మ్యాచ్‌లో సీఎక్కేపై 27 పరుగుల తేడాలో ఆర్సీబీ విజయం సాధించింది. ఇక, ఈ మ్యాచ్‌లో ఆర్సీబీ కెప్టెన్‌ ఫాఫ్‌ డూప్లిసిస్‌కు మ్యాచ్‌ ఆఫ్‌ ది మ్యాచ్‌ దక్కింది. ఈ సందర్భంగా డూప్లిసిస్‌ మాట్లాడుతూ.. బెంగళూరులో ఈ సీజన్‌ను ముగించడం చాలా ఆనందనిచ్చింది. విజయంతో ప్లే ఆఫ్స్‌కు ఎంతో సంతోషంగా ఉంది. ఈ ‍మ్యాచ్‌లో మా బౌలర్స్‌ అద్భుతంగా బౌలింగ్‌ చేశారు. నాకు వచ్చిన మ్యాన్‌ ఆఫ్‌ ది మ్యాచ్‌ అవార్డును బౌలర్‌ యశ్‌ దయాల్‌కు అంకితమిస్తున్నాను. యశ్‌ బౌలింగ్‌ చేసిన విధానం చాలా బాగుంది. అతడి వల్లే మ్యాచ్‌ గెలిచాం. అందుకే తనకు అవార్డ్‌ను అంకితమిస్తున్నా. THE WINNING CELEBRATION FROM RCB. 🫡❤️- RCB into the Playoffs after having 1 win out of first 8 matches. 🤯🔥pic.twitter.com/LPFjay2A7C— Mufaddal Vohra (@mufaddal_vohra) May 18, 2024 ఇలాంటి పిచ్‌పై పరుగులు చేయడం ఎంతో కష్టం. మా బ్యాటర్స్‌ అద్భుతంగా బ్యాటింగ్‌ చేసి భారీ స్కోర్‌ సాధించారు. మా బౌలర్లు కూడా కట్టుదిట్టమైన బౌలింగ్‌ చేసి ప్రత్యర్థిని పరుగులు చేయకుండా ఆపగలిగారు. ఈ క్రెడిట్‌ అంతా మా బౌలర్లదే. ఇక, మా జట్టు ఓడినా.. గెలిచినా ఆర్సీబీ అభిమానులు మాకు ఎంతో సపోర్ట్‌ చేశారు. అభిమానులకు స్పెషల్‌ థ్యాంక్స్‌ చెబుతున్నాను. ప్లే ఆఫ్‌ మ్యాచ్‌ల్లో కూడా జట్టుగా రాణించి విజయాలను సాధిస్తామనే నమ్మకం​ ఉంది అంటూ కామెంట్స్‌ చేశాడు. THE GREATEST COMEBACK IN IPL HISTORY. 🏆- RCB qualified for Playoffs after losing 6 consecutive matches. 🤯pic.twitter.com/eIe6J7Iqhh— Mufaddal Vohra (@mufaddal_vohra) May 18, 2024 అదరగొట్టిన ఆర్సీబీ బ్యాటర్స్‌..ఇక మ్యాచ్‌ విషయానికి వస్తే.. తప్పక గెలవాల్సిన మ్యాచ్‌లో ఆర్సీబీ బ్యాటర్స్‌ అందరూ రాణించారు. వచ్చిన బ్యాట్స్‌మెన​్‌ వచ్చినట్టు చెన్నై బౌలర్లపై విరుచుకుపడ్డారు. బౌండరీలే లక్ష్యంగా స్కోర్‌ బోర్డును పరుగులు పెట్టించారు. డుప్లెసిస్‌ (54), కోహ్లి (47), రజత్‌ పటీదార్‌ (41), గ్రీన్‌ (38) చెలరేగడంతో మొదట ఆర్సీబీ 5 వికెట్లకు 218 పరుగులు చేసింది. భారీ లక్ష్యంతో ఇన్నింగ్‌ ప్రారంభించిన చెన్నైకి మొదటి బంతికే ఫామ్‌లో ఉన్న సీఎస్కే కెప్టెన్‌ రుతురాజ్‌ ఔటయ్యాడు. ఇక, మూడో ఓవర్లో మిచెల్‌ (4) కూడా నిష్క్రమించాడు. దీంతో, 19/2తో సీఎస్కే ఒత్తిడిలో పడిపోయింది. కానీ రచిన్, రహానె (33) నిలబడడంతో కాసేపు స్కోరు బోర్డు పరుగులు పెట్టింది. 8 ఓవర్లలో 85/2 స్కోర్‌తో మళ్లీ రేసులో నిలిచింది. ఈ దశలో ఆర్సీబీ బౌలర్‌ ఫెర్గూసన్‌.. రహానెను ఔట్‌ చేయడంతో మ్యాచ్‌ మళ్లీ ఆర్సీబీ చేతిలోకి వచ్చింది. 14 పరుగుల వ్యవధిలో రచిన్‌తో పాటు దూబె, శాంట్నర్‌ ఔట్‌ కావడంతో ఆ జట్టు పరిస్థితి మరింత క్లిష్టంగా మారింది. సీఎస్కే 15 ఓవర్లలో 129/6తో నిలిచింది. గెలవాలంటే ఐదు ఓవర్లలో 90 పరుగులు పరిస్థితి. ఓడినా ప్లేఆఫ్స్‌కు చేరాలన్నా 72 పరుగులు చేయాల్సిన స్థితి. అలాంటి దశలో ధోని, జడేజా పోరాడారు. చివరి రెండు ఓవర్లలో ప్లేఆఫ్స్‌లో స్థానం కోసం 35 (విజయం కోసం కావాల్సింది 53) పరుగులు చేయాలి. ఫెర్గూసన్‌ వేసిన ఇన్నింగ్స్‌లో 19వ ఓవర్లో జడేజా, ధోని కలిసి.. 18 పరుగులు రాబట్టడంతో ఉత్కంఠ పెరిగింది. ఆఖరి ఓవర్‌ (యశ్‌ దయాళ్‌) తొలి బంతికే ధోని సిక్స్‌ బాదడంతో చెన్నై ప్లేఆఫ్స్‌ అవకాశాలు మెరుగయ్యాయి. కానీ దయాల్‌ అద్భుతంగా బౌలింగ్‌ చేసి రెండో బంతికి ధోనీని ఔట్‌ చేశాడు. ఆ తర్వాతి నాలుగు బంతుల్లో ఒక్క పరుగే ఇచ్చి ఆర్సీబీకి మరిచిపోలేని విజయాన్ని అందించాడు.

ముంబయి ఇండియన్స్‌తో జరిగిన మ్యాచ్‌లో ఎల్‌ఎస్‌జీ ప్లేయర్‌ నికోలస్ పూరన్ విధ్వంసం సృష్టించారు. కేవలం 19 బంతుల్లోనే అర్ధసెంచరీ సాధించారు. ఇందులో 7 సిక్సర్లు, 2 ఫోర్లతో చేలరేగాడు. అర్జున్‌ టెండూల్కర్‌ వేసిన 15 ఓవర్లో వరుస బంతుల్లో నికోల పూరన్ మూడు సిక్సర్లు బాదాడు. దీంతో ఆ ఓవర్లో ఏకంగా 29 పరుగులు సమర్పించుకున్నారు. కేవలం 29 బంతుల్లో 75 పరుగులు నికోలస్‌ పూరన్‌ ఐదు ఫోర్లు, ఎనిమిది సిక్సర్లు కొట్టాడు. చివరికీ నువాన్ తుషార బౌలింగ్‌లో ఔటై వెనుదిరిగారు. అయితే ఇప్పటికే ముంబయి ఇండియన్స్‌ ప్లే ఆఫ్ రేసు నుంచి తప్పుకున్న సంగతి తెలిసిందే. మరోవైపు లక్నో సూపర్‌ జైయింట్స్‌కు సైతం దాదాపుగా ప్లే ఆఫ్ వెళ్లే అవకాశం లేనట్లే. ఇప్పటికే 12 పాయింట్లతో ఉన్న లక్నోకు రన్‌రేట్‌ లేకపోవడం వారి అవకాశాలు దెబ్బతీసింది. ఇవాల్టి మ్యాచ్‌లో గెలిచినా ఎలాంటి ఉపయోగం లేదు. కాగా.. ఇప్పటికే మూడు జట్లు ప్లే ఆఫ్స్‌కు చేరుకోగా.. మరో స్థానం కోసం ఆర్సీబీ, చెన్నై పోటీ పడుతున్నాయి. "De chauka de chakka. Aaj ho jaye, ho jaye, Dhoom Dhadaka" pic.twitter.com/f0gZiT3kjz— Lucknow Super Giants (@LucknowIPL) May 17, 2024

న్యూఢిల్లీ: ఐపీఎల్‌లో లీగ్‌ దశ మ్యాచ్‌లు ముగింపు దశకు చేరగా... ఆయా జట్లకు కీలకమైన ఇంగ్లండ్‌ ఆటగాళ్లు తిరుగుపయనమయ్యారు. జోస్‌ బట్లర్‌ (రాజస్తాన్‌), లివింగ్‌స్టోన్‌ (పంజాబ్‌ కింగ్స్‌), విల్‌ జాక్స్, రీస్‌ టాప్లీ (బెంగళూరు)లు ఇంగ్లండ్‌కు బయలుదేరారు. వచ్చే నెల 2 నుంచి అమెరికా, వెస్టిండీస్‌లలో జరిగే టి20 ప్రపంచకప్‌కు తుది సన్నాహంగా సొంతగడ్డపై ఇంగ్లండ్‌ జట్టు పాకిస్తాన్‌తో టి20 సిరీస్‌ ఆడనుంది.మే 22 నుంచి ఇరు జట్ల మధ్య నాలుగు టి20ల సిరీస్‌ జరుగుతుంది. 22, 25, 28, 30 తేదీల్లో మ్యాచ్‌లు జరుగుతాయి. కాగా... ఈ ఐపీఎల్‌ సీజన్‌లో లివింగ్‌స్టోన్‌ ఆకట్టుకోలేకపోయాడు. బట్లర్‌ రాజ స్టాన్‌ స్టార్‌ ఓపెనర్‌. ఈ సీజన్‌లో ఒంటిచేత్తో కొన్ని మ్యాచ్‌ల్ని గెలిపించాడు. బెంగళూరుకు ప్రాతినిధ్యం వహిస్తున్న జాక్స్, టాప్లీలలో జాక్స్‌ది కీలకపాత్ర. బెంగళూరు వరుస విజయాల్లో భాగమైన అతను లేకపోవడం జట్టుకు లోటే! చివరి లీగ్‌ మ్యాచ్‌లో బెంగళూరు... చెన్నైతో ఈ నెల 18న తలపడుతుంది.ఇవి చదవండి: మళ్లీ హెడ్కోచ్గా రవిశాస్త్రి?.. కొట్టిపారేయలేం!

ఈ దఫా ఐపీఎల్‌ సీజన్ మస్త్‌ మజాను పంచబోతోంది. ఫేవరెట్‌గా బరిలో దిగిన ముంబై ఇండియన్స్‌ రేసు నుంచి నిష్క్రమించింది. ఆ వెంటనే పంజాబ్‌ కింగ్స్‌ జట్టు​ కూడా అవుట్‌ అయ్యింది. తాజాగా.. గుజరాత్‌ టైటాన్స్‌ కథ కూడా ముగిసింది. ఇంకోవైపు ప్లేఆఫ్స్‌కు కోల్‌కతా నైట్‌రైడర్స్‌ అర్హత సాధించింది. ఇక మిగిలిన మూడు బెర్తుల కోసం ఆరు జట్లు పోటీపడనున్నాయి.రాజస్థాన్‌ 12 మ్యాచ్‌లు ఆడి 8 విజయాలు సాధించింది. ఆ జట్టు తొలి 9 మ్యాచ్‌ల్లోనే 8 నెగ్గింది. కానీ తర్వాత వరుసగా మూడు ఓటములు చవిచూసింది. అయినప్పటికీ రాజస్థాన్‌ ప్లేఆఫ్స్‌ బెర్తుకు ఢోకా లేనట్లే. చివరి 2 మ్యాచ్‌ల్లో ఒక్కటి గెలిచినా.. ఆ జట్టుకు బెర్తు ఖాయమవుతుంది. రెండూ గెలిస్తే అగ్రస్థానం ఆ జట్టు సొంతమవుతుంది. పంజాబ్, కోల్‌కతాలతో తన చివరి రెండు మ్యాచ్‌ల్లో ఓడినా రాయల్స్‌ ముందంజ వేస్తుంది. కాకపోతే ఆ మ్యాచ్‌ల్లో చిత్తుగా ఓడిపోకూడదు. తక్కువ తేడాతో ఓడితే ఇప్పుడున్న 16 పాయింట్లతోనే ప్లేఆఫ్స్‌ బెర్తును సొంతం చేసుకుంటుంది.ఆడినవి: 12పాయింట్లు: 16నెట్‌రన్‌రేట్‌: 0.349మిగిలిన మ్యాచ్‌లు: పంజాబ్‌ కింగ్స్‌, కోల్‌కతా నైట్‌ రైడర్స్‌రాజస్థాన్‌ తర్వాత మెరుగైన అవకాశాలున్నది సన్‌రైజర్స్‌ హైదరాబాద్‌కే. ఆ జట్టు 12 మ్యాచ్‌ల్లో 7 విజయాలు సాధించింది. మిగతా రెండు మ్యాచ్‌ల్లో (గుజరాత్, పంజాబ్‌) గెలిస్తే నేరుగా ప్లేఆఫ్స్‌ చేరుతుంది. నెట్‌రన్‌రేట్‌ బాగుంది (+0.406) కాబట్టి ఒకటి నెగ్గినా ముందంజ వేయొచ్చు. రెండు మ్యాచ్‌లూ ఓడితే మాత్రం ఇతర మ్యాచ్‌ల ఫలితాల మీద ఆధారపడాల్సి ఉంటుంది.ఆడినవి:12పాయింట్లు: 14నెట్‌ రన్‌రేట్‌: 0.406మిగిలిన మ్యాచ్‌లు: గుజరాత్‌ టైటాన్స్‌, పంజాబ్‌ కింగ్స్‌లక్నో, ఢిల్లీ చెరో 6 విజయాలు సాధించాయి. కానీ, ఆ రెండు జట్లూ నెట్‌ రన్‌రేట్‌లో మైనస్‌ పాయింట్లతో బాగా వెనుకబడ్డాయి. ఢిల్లీకి ఇంకా ఒకే ఒక్క మ్యాచ్‌ మిగిలే ఉంది. అదీ లక్నోతో. నెట్‌ రన్‌ రేట్‌ ఢిల్లీకి తక్కువగా ఉంది. కాబట్టి 14 పాయింట్లు వచ్చినా ఫ్లే ఆఫ్స్‌కు అర్హత సాధించడం కష్టం. ఒకవేళ సన్‌రైజర్స్‌ భారీ తేడాతో తన రెండు మ్యాచ్‌లలో ఓడితే, సీఎస్కే ఆర్సీబీపై భారీ విజయం సాధిస్తే.. లక్నో ఓడిపోయి రన్‌రేట్‌తో ఢిల్లీ కంటే దిగువన ఉంటే గనుక.. అప్పుడు ఢిల్లీకి ప్లే ఆఫ్స్‌ అవకాశం ఉండొచ్చు. ఇదంతా కష్టమే కాబట్టి ఢిల్లీకి అవకాశాలు తక్కువే అని చెప్పాలి. ఆడినవి:13పాయింట్లు:12నెట్‌రన్‌రేట్‌:-0.482మిగిలిన మ్యాచ్‌: లక్నోలక్నో.. ఢిల్లీ, ముంబై ఇండియన్స్‌తో తలపడాల్సి ఉంది. ఎల్‌ఎస్‌జీ నెట్‌రన్‌రేట్‌ (0.769) ఇప్పటికే చాలా తక్కువగా ఉంది. కాబట్టి ఏడో విజయం సాధించినా ముందంజ వేయడం కష్టమే.ఆడినవి:12పాయింట్లు:12నెట్‌ రన్‌రేట్‌: -0.769మిగిలిన మ్యాచ్‌లు: ఢిల్లీ, ముంబై ఇండియన్స్‌ బెంగళూరు.. ఐదు మ్యాచ్‌లలో గెలిచి అనూహ్యంగా రేసులోకి వచ్చింది. నెట్‌రన్‌రేట్‌ (+0.387) మెరుగ్గా ఉండడం ఆర్సీబీకి కలిసొచ్చే అంశం. హైదరాబాద్, ఢిల్లీ, లక్నో జట్లలో ఒక్కటే ముందంజ వేసి, రెండు జట్లు నిష్క్రమిస్తే.. అప్పుడు చెన్నైబెంగళూరు మ్యాచ్‌ నాకౌట్‌గా మారుతుంది. ఆర్సీబీ మొదట బ్యాటింగ్‌ చేస్తే 18 పరుగుల తేడాతో, రెండోసారి ఆడితే 18.1 ఓవర్లలో లక్ష్యాన్ని ఛేదిస్తే.. చెన్నైని వెనక్కి నెట్టి ప్లేఆఫ్స్‌ చేరుతుంది.ఆడినవి:13పాయింట్లు: 12నెట్‌రన్‌రేట్‌: 0.387మిగిలిన మ్యాచ్‌: సీఎస్కే13 మ్యాచ్‌ల్లో 7 నెగ్గిన చెన్నై.. తన చివరి మ్యాచ్‌లో బెంగళూరును ఓడిస్తే ముందంజ వేసినట్లే. ఆ జట్టు నెట్‌ రన్‌రేట్‌ (+0.528) చాలా మెరుగ్గా ఉంది కాబట్టి వేరే ఇతర మ్యాచ్‌ల ఫలితాలతో సంబంధం లేకుండా ప్లేఆఫ్స్‌ బెర్తు సొంతం కావచ్చు.ఆడినవి:13పాయింట్లు:14నెట్‌రన్‌రేట్‌: 0.528మిగిలిన మ్యాచ్‌: ఆర్సీబీ

ఐపీఎల్‌లో అమల్లో ఉన్న ఇంపాక్ట్‌ ప్లేయర్‌ నిబంధన త్వరలో మరో పాపులర్‌ క్రికెట్‌ లీగ్‌కు విస్తరించనుందని తెలుస్తుంది. 2023 ఐపీఎల్‌ సీజన్‌లో తొలిసారి పరిచయం చేయబడిన ఈ ఇంపాక్ట్‌ ప్లేయర్‌ రూల్‌ 2025 ఎడిషన్‌ నుంచి సౌతాఫ్రికా టీ20 లీగ్‌లోనూ అమల్లోకి రానున్నట్లు సమాచారం. ఈ రూల్‌కు ఆమోదం లభిస్తే ఐపీఎల్‌ తరహా మెరుపులు సౌతాఫ్రికా టీ20 లీగ్‌లోనూ చూసే అవకాశం ఉంటుంది.వాస్తవానికి సౌతాఫ్రికా టీ20 లీగ్‌లోనూ ఇంపాక్ట్‌ ప్లేయర్‌ నిబంధన గతేడాదే అమల్లోకి రావాల్సి ఉండింది. అయితే ఈ రూల్‌ గురించి చర్చ జరిగే సమయానికి అన్ని ఫ్రాంచైజీలు జట్ల ఎంపిక ప్రక్రియను పూర్తి చేసుకున్నాయి. ఇంపాక్ట్‌ ప్లేయర్‌ రూల్‌ అమల్లో ఉంటే జట్ల ఎంపిక వేరేలా ఉంటుంది కాబట్టి అన్ని ఫ్రాంచైజీలు అప్పట్లో దీనికి నో చెప్పాయి. ఈ రూల్‌ వల్ల ఐపీఎల్‌ రక్తి కడుతుండటంతో తాజాగా సౌతాఫ్రికా లీగ్‌ దీన్ని పునఃపరిశీలనలోకి తీసుకుంది. వచ్చే ఏడాది నుంచి అమల్లోకి తీసుకొచ్చేందుకు కార్యాచరణ సిద్దం చేస్తుంది.ఇదిలా ఉంటే, ఇంపాక్ట్‌ ప్లేయర్‌ రూల్‌ వల్ల అదనపు ఆటగాడిని ఆడించొచ్చనే మాట తప్పితే పెద్దగా ప్రయోజనాలేమీ లేకపోగా చాలా మైనస్‌లు ఉన్నాయి. ఈ రూల్‌ వల్ల సంప్రదాయ క్రికెట్‌ చచ్చిపోతుందని చాలా మంది దిగ్గజాలు ఆరోపిస్తున్నారు. రూల్‌ వల్ల ఆల్‌రౌండర్ల భవిష్యత్తు ప్రశ్నార్దకంగా మారుతుందని అంటున్నారు. ఈ రూల్‌ అమల్లో ఉంటే బ్యాటర్‌ లేదా బౌలర్‌వైపే మొగ్గు చూపుతారు కాని ఆల్‌రౌండర్లను పట్టించుకోరని వాదిస్తున్నారు. ఇంపాక్ట్‌ ప్లేయర్‌ నిబంధనపై రోహిత్‌ శర్మ లాంటి దిగ్గజ ప్లేయర్‌ కూడా బహిరంగంగా అసంతృప్తి వ్యక్తం చేశారు.ఆటను రక్తి కట్టించడం కోసం ఇంపాక్ట్‌ ప్లేయర్‌ రూల్‌ను ఐపీఎల్‌లో అమలు చేస్తుంటే దీని ప్రభావం జాతీయ జట్టు ఆల్‌రౌండర్లపై పడుతుందని అన్నాడు. శివమ్‌ దూబే లాంటి ఆల్‌రౌండర్లు కేవలం​ బ్యాటింగ్‌కు మాత్రమే పరిమితమవుతున్నారని వాపోయాడు. జాతీయ జట్టు ప్రయోజనాల దృష్ట్యా ఇది చాలా ప్రమాదమైన నిబంధన అని తెలిపాడు.కాగా, ఇంపాక్ట్‌ ప్లేయర్‌ నిబంధన అమల్లో అంటే రెగ్యులర్‌ క్రికెట్‌కు భిన్నంగా 11 మందితో కాకుండా 12 మంది ఆటగాళ్లను బరిలోకి దించే అవకాశం ఉంటుంది. అవసరాల దృష్ట్యా స్పెషలిస్ట్‌ బ్యాటర్‌లో లేదా స్పెషలిస్ట్‌ బౌలర్‌లో జట్లు బరిలోకి దించుతాయి. దీని వల్ల ఆల్‌రౌండర్లకు అన్యాయం జరుగుతుంది. వీరికి పెద్దగా అవకాశాలు రావు.

సన్‌రైజర్స్‌ మాజీ పేసర్‌, టీమిండియా బౌలర్‌ సిద్దార్థ్‌ కౌల్‌ ఇంగ్లండ్‌ కౌంటీల్లో ఆడేందుకు ఒప్పందం కుదుర్చుకున్నాడు. కౌంటీ ఛాంపియన్‌షిప్‌ 2024 సీజన్‌ కోసం నార్తంప్టన్‌షైర్‌ కౌంటీ ఇతన్ని ఎంపిక చేసుకుంది. ఈ మేరకు నార్తంప్టన్‌షైర్‌ కౌంటీ ఓ ప్రకటన విడుదల చేసింది. మే 10 నుంచి గ్లోసెస్టర్‌షైర్‌తో జరుగబోయే మ్యాచ్‌లో సిద్దార్థ్‌ నార్తంప్టన్‌షైర్‌కు ప్రాతినిథ్యం వహిస్తాడు. సిద్దార్థ్‌ తొలిసారి ఇంగ్లండ్‌ కౌంటీల్లో ఆడేందుకు ఒప్పందం చేసుకున్నాడు. ఆస్ట్రేలియా ఆటగాడు క్రిస్‌ ట్రెమెయిన్‌కు ప్రత్యామ్నాంగా సిద్దార్థ్‌ను నార్తంప్టన్‌షైర్‌ ఎంపిక చేసుకుంది. 33 ఏళ్ల సిద్దార్థ్‌ 2023 సీజన్‌ వరకు ఐపీఎల్‌లో బిజీగా ఉన్నాడు. గత సీజన్‌లో అతను ఆర్సీబీకి ఆడాడు. సిద్దార్థ్‌ ఐపీఎల్‌ అరంగేట్రం సీజన్‌లో కేకేఆర్‌కు, ఆతర్వాత 2013-2014 వరకు ఢిల్లీ డేర్‌డెవిల్స్‌కు.. 2016-2021 వరకు సన్‌రైజర్స్‌ హైదరాబాద్‌కు ప్రాతినిథ్యం వహించాడు. సన్‌రైజర్స్‌కు ఆడుతున్నప్పుడు సిద్దార్థ్‌ చాలా పేరు వచ్చింది. అక్కడి ప్రదర్శనలతోనే అతను టీమిండియాకు ఎంపికయ్యాడు. దేశవాలీ క్రికెట్‌లో పంజాబ్‌కు ఆడే సిద్దార్థ్‌కు ఫస్ట్‌క్లాస్‌ క్రికెట్‌లో మంచి ట్రాక్‌ రికార్డు ఉంది. ఇతను పంజాబ్‌ తరఫున 59 మ్యాచ్‌ల్లో 205 వికెట్లు పడగొట్టాడు. ఇందులో 12 ఐదు వికెట్ల ఘనతలు ఉన్నాయి. సిద్దార్థ్‌ టీమిండియా ఛాంపియన్‌గా నిలిచిన 2008 అండర్‌-19 ప్రపంచకప్‌లో సభ్యుడిగా ఉన్నాడు. ఆ మెగా టోర్నీలో యువ భారత్‌ విరాట్‌ కోహ్లి సారథ్యంలో టైటిల్‌ గెలిచింది. టీమిండియా తరఫున 3 వన్డేలు, 2 టీ20లు ఆడిన సిద్దార్థ్‌ ఐపీఎల్‌ కెరీర్‌లో 55 మ్యాచ్‌లు ఆడి 58 వికెట్లు పడగొట్టాడు.

ప్రస్తుత ఐపీఎల్‌ సీజన్‌లో సన్‌రైజర్స్‌ హైదరాబాద్‌ ఆటగాళ్లు ఏ రేంజ్‌లో రెచ్చిపోతున్నారో ప్రత్యక్షంగా చూస్తున్నాం. ఈ సీజన్‌లో ఆరెంజ్‌ ఆర్మీ గతంలో ఎన్నడూ లేనంతగా అన్ని విభాగాల్లో పటిష్టంగా ఉంది. ఇంతటి సమతూకమైన జట్టు బహుశా పొట్టి క్రికెట్‌ చరిత్రలో ఎక్కడా లేదనే చెప్పవచ్చు. బ్యాటింగ్‌ విభాగంలో సన్‌రైజర్స్‌ ప్రదర్శన న భూతో న భవిష్యతి అన్న చందంగా ఉంది. ఈ జట్టులో ఉన్నటువంటి విధ్వంసకర వీరులు యావత్‌ పొట్టి క్రికెట్‌ చరిత్రలోనే ఏ జట్టులోనూ లేరు. ఓపెనర్ల దగ్గరి నుంచి ఎనిమిది, తొమ్మిదో స్థానం ఆటగాళ్ల వరకు అందరూ మెరుపు వీరులే ఉన్నారు.ఓపెనర్లు అభిషేక్‌, హెడ్‌ ఊచకోత గురించి ప్రత్యేకించి చెప్పక్కర్లేదు. వీరిద్దరు తమకెదురైన ప్రతి బౌలర్‌ను గడగడలాడిస్తున్నారు. వీరి దెబ్బకు బ్యాటింగ్‌ రికార్డులు ఒక్కొటిగా బద్దలవుతూ ఉన్నాయి. వీరిద్దరి తర్వాత బ్యాటింగ్‌కు దిగే మార్క్రమ్‌, క్లాసెన్‌ విధ్వంసం ఇంకో లెవెల్లో ఉంది. వీరు కూడా తమేమీ తక్కువ కాదు అన్నట్లు విధ్వంసం సృస్టిస్తున్నారు.మార్క్రమ్‌ గత కొన్ని మ్యాచ్‌లుగా లయ తప్పినట్లు కనిపిస్తున్నా క్లాసెన్‌ మాత్రం అవకాశం దొరికిన ప్రతిసారి రెచ్చిపోతున్నాడు. ఈ నలుగురితో పాటు యువ ఆల్‌రౌండర్లు నితీశ్‌ రెడ్డి, అబ్దుల్‌ సమద్‌, షాబాజ్‌ అహ్మద్‌, పాట్‌ కమిన్స్‌లు కూడా తమ దాకా వస్తే మెరుపులు మెరిపిస్తున్నారు.బౌలింగ్‌ విభాగంలో సైతం సన్‌రైజర్స్‌ చాలా పటిష్టంగా ఉంది. స్వింగ్‌ సుల్తాన్‌ భునేశ్వర్‌ కుమార్‌ అద్భుతంగా రాణిస్తున్నాడు. ఇతనికి కమిన్స్‌, నటరాజన్‌, ఉనద్కత్‌ తోడవుతున్నారు. నిన్న లక్నోతో జరిగిన మ్యాచ్‌తో ఐపీఎల్‌ అరంగేట్రం స్పిన్నర్‌ విజయ్‌కాంత్‌ వియాస్‌కాంత్‌ పర్వాలేదనిపించాడు. షాబాజ్‌ అహ్మద్‌, నితీశ్‌ రెడ్డి కూడా బంతితో రాణిస్తున్నారు.సన్‌రైజర్స్‌ బ్యాటింగ్‌, బౌలింగ్‌ విభాగాలతో పాటు ఫీల్డింగ్‌లోనూ పటిష్టంగా ఉంది. లక్నోతో జరిగిన మ్యాచ్‌లో నితీశ​్‌, సన్వీర్‌ సింగ్‌ పట్టిన క్యాచ్‌లే ఇందుకు నిదర్శనం. ఈ సీజన్‌లో సన్‌రైజర్స్‌ బెంచ్‌ కూడా చాలా పటిష్టంగా ఉంది. ఎంతలా అంటే.. బెంచ్‌పై ఉన్న ఆటగాళ్లతో మరో సమతూకమైన జట్టును తయారు చేయవచ్చు. మొత్తంగా ఈ సీజన్‌లో ఆరెంజ్‌ ఆర్మీ గతంలో ఎన్నడూ లేనట్లు అత్యంత పటిష్టంగా కనిపిస్తూ టైటిల్‌ దిశగా పరుగులు పెడుతుంది. ఈసారి సన్‌రైజర్స్‌ టైటిల్‌ ఎగరేసుకుపోవడం పక్కా అని అభిమానులు ధీమాగా ఉన్నారు. విశ్లేషకులు, మాజీలు సైతం ఇదే విషయాన్ని చెబుతున్నారు.

ఐపీఎల్‌లో ఇవాళ మరో ఆసక్తికర సమరం జరుగనుంది. ప్లే ఆఫ్స్‌ బెర్త్‌పై దాదాపుగా ఆశలు వదులుకున్న పంజాబ్‌ కింగ్స్‌.. ఇంచుమించు అలాంటి పరిస్థితే ఎదుర్కొంటున్న ఆర్సీబీని ఢీకొట్టనుంది. ధర్మశాల వేదికగా ఈ మ్యాచ్‌ రాత్రి 7:30 గంటలకు ప్రారంభమవుతుంది.ఇరు జట్లలో ఏ జట్టు ప్లే ఆఫ్స్‌కు చేరాలన్నా ఈ మ్యాచ్‌తో పాటు మిగిలిన మ్యాచ్‌లన్నీ (రెండు) భారీ తేడాతో గెలవాల్సి ఉంది. ఇలా జరిగినా ప్లే ఆఫ్స్‌ బెర్త్‌ దక్కుతుందని గ్యారెంటీ లేదు. ఫైనల్‌ ఫోర్‌ రేసులో ఉన్న మిగతా జట్ల జయాపజయాలపై ఈ మ్యాచ్‌లో గెలిచిన జట్టు భవిష్యత్తు ఆధారపడి ఉంటుంది.ప్రస్తుతం ఆర్సీబీ, పంజాబ్‌ 11 మ్యాచ్‌లు ఆడి చెరి నాలుగు మ్యాచ​్‌ల్లో విజయాలు సాధించాయి. పంజాబ్‌తో పోలిస్తే ఆర్సీబీ నెట్‌ రన్‌రేట్‌ కాస్త మెరుగ్గా ఉంది. ఆర్సీబీ -0.049 రన్‌రేట్‌ కలిగి ఉండగా.. పంజాబ్‌కు -0.049 ఉంది. ఆర్సీబీ ఈ మ్యాచ్‌ తరువాత ముంబై, గుజరాత్‌లతో తలపడాల్సి ఉండగా..పంజాబ్‌ ఈ మ్యాచ్‌ తర్వాత పటిష్టమైన రాజస్థాన్‌, సన్‌రైజర్స్‌ను ఢీకొట్టాల్సి ఉంది.పంజాబ్‌తో పోలిస్తే ఆర్సీబీ కాస్త బలహీనమైన ప్రత్యర్దులతో తలపడాల్సి ఉన్న నేపథ్యంలో ఆ జట్టుకు ప్లే ఆఫ్స్‌ అవకాశాలు కాస్త మెరుగ్గా ఉన్నాయి. ఆర్సీబీ ఈ మ్యాచ్‌తో పాటు ముంబై, గుజరాత్‌లపై భారీ తేడాతో గెలిస్తే 14 పాయింట్లు ఖాతాలో ఉండి సీఎస్‌కే (12), ఢిల్లీ (12), లక్నోలతో (12) ప్లే ఆఫ్స్‌ బెర్తు కోసం పోటీపడే అవకాశం ఉంది.ఢిల్లీ, లక్నో ఇంకా రెండ్రెండు మ్యాచ్‌లు, సీఎస్‌కే మూడు మ్యాచ్‌లు ఆడాల్సి ఉంది. కేకేఆర్‌ (16), రాజస్థాన్‌ (16) పాయింట్ల పట్టికలో మొదటి రెండు స్థానాల్లో ఉండి ప్లే ఆఫ్స్‌ బెర్తులను దాదాపుగా ఖరారు చేసుకోగా.. సన్‌రైజర్స్‌ (14).. సీఎస్‌కే, ఢిల్లీ, లక్నోల కంటే కాస్త మెరుగైన స్థానంలో ఉంది.సన్‌రైజర్స్‌ తదుపరి ఆడబోయే రెండు మ్యాచ్‌ల్లో ఒక్క మ్యాచ్‌లో భారీ తేడాతో గెలిచిన ప్లే ఆఫ్స్‌ మూడో బెర్త్‌ ఆ జట్టు వశమే అవుతుంది. అప్పుడు మిగిలిన నాలుగో బెర్త్‌ కోసం సీఎస్‌కే, ఢిల్లీ, లక్నో, ఆర్సీబీ నువ్వా నేనా అన్నట్లు పోటీపడాల్సి ఉంటుంది. నిన్న లక్నోపై సన్‌రైజర్స్‌ భారీ విజయం సాధించడంతో ఈ సీజన్‌లో ముంబై పోరాటం అధికారికంగా ముగిసింది. ఆ జట్టు మరో రెండు మ్యాచ్‌లు ఆడాల్సి ఉన్నా వాటి ఫలితంతో సంబంధం లేకుండా లీగ్‌ నుంచి నిష్క్రమించింది.తుది జట్లు (అంచనా)..పంజాబ్‌: జానీ బెయిర్‌స్టో, రిలీ రొస్సో, శశాంక్ సింగ్, సామ్ కర్రన్ (కెప్టెన్‌), జితేష్ శర్మ (వికెట్‌కీపర్‌), అశుతోష్ శర్మ, హర్‌ప్రీత్ బ్రార్, హర్షల్ పటేల్, కగిసో రబడ, రాహుల్ చాహర్, అర్ష్‌దీప్ సింగ్ [ఇంపాక్ట్ సబ్: ప్రభ్‌సిమ్రన్ సింగ్]ఆర్సీబీ: విరాట్ కోహ్లీ, ఫాఫ్ డు ప్లెసిస్ (కెప్టెన్‌), గ్లెన్ మాక్స్‌వెల్, విల్ జాక్స్, కామెరాన్ గ్రీన్, దినేష్ కార్తీక్, కర్ణ్ శర్మ, స్వప్నిల్ సింగ్, యశ్ దయాల్, విజయ్‌కుమార్ వైశాఖ్, మహ్మద్ సిరాజ్ [ఇంపాక్ట్ సబ్: రజత్ పాటిదార్]

ప్రస్తుత ఐపీఎల్‌ సీజన్‌లో గతంలో ఎన్నడూ లేని విధంగా సిక్సర్ల మోత మోగుతుంది. ఈ సీజన్‌ మరో 18 మ్యాచ్‌లు మిగిలుండగానే 1000 సిక్సర్ల అత్యంత అరుదైన మైలురాయిని తాకింది. సన్‌రైజర్స్‌తో ఇవాళ (మే 8) జరుగుతున్న మ్యాచ్‌లో కృనాల్‌ పాండ్యా కొట్టిన సిక్సర్‌తో ఈ సీజన్‌లో 1000 సిక్సర్లు పూర్తయ్యాయి. ఈ మైలురాయిని చేరుకునే క్రమంలో ప్రస్తుత ఐపీఎల్‌ సీజన్‌ ఆల్‌టైమ్‌ రికార్డును బద్దలు కొట్టింది. వెయ్యి సిక్సర్ల మార్కును అత్యంత వేగంగా చేరుకున్న సీజన్‌గా ఐపీఎల్‌ 2024 సరికొత్త చరిత్ర సృష్టించింది.1000TH SIXES IN IPL 2024...!!!! 🤯- THE MOST CRAZIEST IPL SEASON EVER. 🔥 pic.twitter.com/mfYwS6fbUY— Tanuj Singh (@ImTanujSingh) May 8, 2024ఐపీఎల్‌ చరిత్రలో 2022 (1062 సిక్సర్లు), 2023 (1124 సిక్సర్లు), 2024 సీజన్లలో మాత్రమే 1000కి పైగా సిక్సర్లు నమోదు కాగా.. ఈ సీజన్‌లోనే అత్యంత వేగంగా ఆ మార్కు తాకింది. 2022 సీజన్‌లో ఈ మార్కును తాకేందుకు 16269 బంతులు అవసరమైతే.. గత సీజన్‌లో 15390 బంతులు.. ఈ సీజన్‌లో అన్నిటికంటే తక్కువగా 13079 బంతుల్లోనే వెయ్యి సిక్సర్లు పూర్తయ్యాయి.సన్‌రైజర్స్‌-లక్నో మ్యాచ్‌ విషయానికొస్తే.. హైదరాబాద్‌లో జరుగుతున్న ఈ మ్యాచ్‌లో లక్నో టాస్‌ గెలిచి తొలుత బ్యాటింగ్‌ చేస్తుంది. 18 ఓవర్లు పూర్తయ్యాక లక్నో స్కోర్‌ 4 వికెట్ల నష్టానికి 131 పరుగులుగా ఉంది. డికాక్‌ (2), స్టోయినిస్‌ (3), కృనాల్‌ పాండ్యా (24), రాహుల్‌ (29) ఔట్‌ కాగా.. పూరన్‌ (30), బదోని (39) క్రీజ్‌లో ఉన్నారు. భువనేశ్వర్‌ కుమార్‌ అద్భుతమైన స్పెల్‌తో (4-0-12-3) లక్నోను దారుణంగా దెబ్బ కొట్టగా.. కమిన్స్‌ ఓ వికెట్‌ పడగొట్టాడు. కృనాల్‌ను కమిన్స్‌ అద్భుతమైన త్రోతో రనౌట్‌ చేశాడు.

న్యూఢిల్లీ: కోల్‌కతా నైట్‌రైడర్స్‌ ఆటగాళ్లకు సోమవారం రాత్రి కునుకు లేకుండా గడిచింది. క్రికెటర్లు ప్రయాణించిన విమానం లక్నో నుంచి కోల్‌కతాకు బయలుదేరాల్సి ఉండగా... ప్రతికూల వాతావరణంతో పలుమార్లు దారి మళ్లించారు. వారి చార్టర్‌ ఫ్లయిట్‌ను తొలుత గువాహటికి మళ్లించారు. అక్కడి నుంచి కోల్‌కతాకు క్లియరెన్స్‌ రావడంతో టేకాఫ్‌ అయిన విమానానికి మళ్లీ వాతావరణం ఏమాత్రం అనుకూలించలేదు. దీంతో ఉన్నపళంగా ఫ్లయిట్‌ను వారణాసి ఎయిర్‌పోర్ట్‌కు మళ్లించాల్సి వచి్చంది. అలా తీవ్రమైన ప్రయాణ బడలిక, క్లిష్టమైన వాతావరణ పరిస్థితుల మధ్య ఆటగాళ్లు సోమవారమంతా వారణాసిలోని హోటల్‌లో గడపాల్సి వచ్చింది. మంగళవారం మధ్యాహ్నం తర్వాత తమ విమాన ప్రయాణం ఉండటంతో ఈలోపు కోల్‌కతా జట్టు క్రికెటర్లు వారణాసిలో కాశీ విశ్వనాథ్‌ ఆలయాన్ని సందర్శించుకున్నారు. ఎట్టకేలకు మంగళవారం సాయంత్రం తర్వాత నైట్‌రైడర్స్‌ జట్టు కోల్‌కతాకు చేరుకోగలిగింది. ఈ నెల 11న సొంతగడ్డపై కోల్‌కతా నైట్‌రైడర్స్‌ తమ తదుపరి లీగ్‌ మ్యాచ్‌లో ముంబై ఇండియన్స్‌తో తలపడుతుంది.

2024 ఐపీఎల్‌ సీజన్‌ గత సీజన్లకు భిన్నంగా జోరుగా సాగుతుంది. ఈ సీజన్‌లో దాదాపుగా ప్రతి మ్యాచ్‌లో పరుగుల వరద పారడంతో పాటు భారీ సంఖ్యలో మెరుపు ఇన్నింగ్స్‌లు నమోదవుతున్నాయి. నిన్న (మే 6) ముంబై-ఎస్‌ఆర్‌హెచ్‌ మ్యాచ్‌లోనూ ఇలాంటి ఓ మెరుపు ప్రదర్శన నమోదైంది. ముంబై ఆటగాడు సూర్యకుమార్‌ (51 బంతుల్లో 102 నాటౌట్‌; 12 ఫోర్లు, 6 సిక్సర్లు) సునామీ శతకంతో విరుచుకుపడి తన జట్టుకు అపురూప విజయాన్నందించాడు. ఈ క్రమంలో ఓ ఆల్‌టైమ్‌ రికార్డు సమం అయ్యింది.ఓ సీజన్‌లో అత్యధిక సెంచరీల రికార్డును ప్రస్తుత సీజన్‌ సమం చేసింది. 2023 సీజన్‌లో రికార్డు స్థాయిలో 12 సెంచరీలు (అన్ని జట్లు కలిపి) నమోదు కాగా.. ఈ సీజన్‌లో ఇప్పటికే 12 సెంచరీలు పూర్తయ్యాయి. ఇంకా 19 మ్యాచ్‌లు ఆడాల్సి ఉండగానే భారీ సంఖ్యలో నమోదు కావడంతో ఈ సీజన్‌ గత సీజన్ల కంటే భిన్నమని మరోసారి రుజువైపోయింది.ఐపీఎల్‌లో ఏ యేడుకాయేడు సెంచరీల సంఖ్య పెరుగుతూ వస్తుంది. 2022 సీజన్‌ మొత్తంలో 8 సెంచరీలు నమోదైనప్పుడు అభిమానులు ఆహా ఓహో అన్నారు. ఇప్పుడు మరికొన్ని మ్యాచ్‌లు మిగిలుండగానే 12 సెంచరీలు నమోదవడం చూసి ఫ్యాన్స్‌ ముక్కున వేలేసుకుంటున్నారు.మ్యాచ్‌ విషయానికొస్తే.. నిన్నటి మ్యాచ్‌లో ఎస్‌ఆర్‌హెచ్‌పై ముంబై 7 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన సన్‌రైజర్స్‌ ముక్కీ మూలిగి 173 పరుగులు చేసింది. ట్రవిస్‌ హెడ్‌ (48). కెప్టెన్‌ కమిన్స్‌ (35 నాటౌట్‌) ఓ మోస్తరు స్కోర్లు చేసి సన్‌రైజర్స్‌ పరువు కాపాడారు. ముంబై బౌలర్లలో పియూశ్‌ చావ్లా, హార్దిక్‌ పాండ్యా తలో 3 వికెట్లు పడగొట్టగా.. బుమ్రా, అన్షుల్‌ కంబోజ్‌ చెరో వికెట్‌ దక్కించుకున్నారు.అనంతరం నామమాత్రపు లక్ష్యాన్ని ఛేదించేందుకు బరిలోకి దిగిన ముంబై 31 పరుగులకే 3 వికెట్లు కోల్పోయి పీకల్లోతు కష్టాల్లో పడింది. అయితే సూర్యకుమార్‌.. తిలక్‌ వర్మ (37 నాటౌట్‌) సాయంతో తన జట్టును విజయతీరాలకు చేర్చాడు. ఈ మ్యాచ్‌లో ఓటమితో సన్‌రైజర్స్‌ పాయింట్ల పట్టికలో నాలుగో స్థానానికి పడిపోవడంతో పాటు నెట్‌ రన్‌రేట్‌ను కూడా దిగజార్చుకుంది. ఈ మ్యాచ్‌లో గెలుపుతో ముంబై ఆఖరి స్థానం నుంచి లేచొచ్చి తొమ్మిదో స్థానానికి చేరుకుంది.

ఐపీఎల్‌ 2024 సీజన్‌లో అత్యంత కీలక దశ నడుస్తుంది. లీగ్‌ మొత్తంలో 70 మ్యాచ్‌లు జరగాల్సి ఉండగా.. 54 మ్యాచ్‌లు పూర్తయ్యాయి. ప్రస్తుతం పాయింట్ల పట్టికలో కేకేఆర్‌ టాప్‌లో కొనసాగుతుంది. ఈ జట్టు ఇప్పటివరకు ఆడిన 11 మ్యాచ్‌ల్లో 8 విజయాలు (16 పాయింట్లు, 1.453 రన్‌రేట్‌) సాధించి అగ్రస్థానంలో నిలిచింది.కేకేఆర్‌ తర్వాతి స్థానాల్లో రాజస్థాన్‌ (10 మ్యాచ్‌ల్లో 8 విజయాలు 16 పాయింట్లు 0.622 రన్‌రేట్‌), సీఎస్‌కే (11 మ్యాచ్‌ల్లో 6 విజయాలు 12 పాయింట్లు 0.700 రన్‌రేట్‌), సన్‌రైజర్స్‌ (10 మ్యాచ్‌ల్లో 6 విజయాలు 12 పాయింట్లు 0.072 రన్‌రేట్‌), లక్నో (11 మ్యాచ్‌ల్లో 6 విజయాలు 12 పాయింట్లు -0.371 రన్‌రేట్‌), ఢిల్లీ (11 మ్యాచ్‌ల్లో 5 విజయాలు 10 పాయింట్లు -0.442 రన్‌రేట్‌), ఆర్సీబీ (11 మ్యాచ్‌ల్లో 4 విజయాలు 8 పాయింట్లు -0.049 రన్‌రేట్‌), పంజాబ్‌ (11 మ్యాచ్‌ల్లో 4 విజయాలు 8 పాయింట్లు -0.187 రన్‌రేట్‌), గుజరాత్‌ (11 మ్యాచ్‌ల్లో 4 విజయాలు 8 పాయింట్లు -1.320 రన్‌రేట్‌), ముంబై ఇండియన్స్‌ (11 మ్యాచ్‌ల్లో 3 విజయాలు 6 పాయింట్లు -0.356 రన్‌రేట్‌) వరుసగా రెండు నుంచి పది స్థానాల్లో ఉన్నాయి.ప్లే ఆఫ్స్‌ అవకాశాలు ఇలా..ప్రస్తుతమున్న పరిస్థితులను బట్టి ఏ జట్టుకు ప్లే ఆఫ్స్‌ అవకాశాలు ఎలా ఉన్నాయనే అంశంపై ఓ లుక్కేద్దాం. ప్రస్తుతానికి ఏ జట్టూ అధికారికంగా లీగ్‌ నుంచి ఎలిమినేట్‌ కానప్పటికీ.. ముంబై మాత్రం నిష్క్రమించే జట్ల జాబితాలో ముందువరుసలో ఉంది. ఈ జట్టు తదుపరి ఆడబోయే మూడు మ్యాచ్‌ల్లో భారీ విజయాలు సాధించినా ప్లే ఆఫ్స్‌కు చేరదు. ఈ జట్టుకు ప్లే ఆఫ్స్‌ అవకాశాలు సున్నా అని చెప్పాలి.ప్లే ఆఫ్స్‌ ఛాన్స్‌లు దాదాపుగా గల్లంతు చేసుకున్న జట్ల జాబితాలో ముంబై తర్వాతి స్థానంలో గుజరాత్‌ ఉంది. ఈ జట్టు కూడా తదుపరి ఆడే మ్యాచ్‌ల్లో భారీ విజయాలు సాధించినా ఎలాంటి ప్రయోజనం ఉండదు. అయితే ఇలా జరిగి మిగతా జట్లు తమతమ తదుపరి మ్యాచ్‌ల్లో ఓడితే సమీకరణలు మారతాయి. ఈ జట్టుకు మినుకుమినుకు మంటూ ఒక్క శాతం ప్లే ఆఫ్స్‌ అవకాశాలు ఉన్నాయి.ఇక ముంబై, గుజరాత్‌ తర్వాత ప్లే ఆఫ్స్‌ నుంచి నిష్క్రమించేందుకు రెడీగా ఉన్న జట్ల జాబితాలో పంజాబ్‌, ఆర్సీబీ ఉన్నాయి. ఏవైనా అద్భుతాలు జరిగితే తప్ప ఈ జట్లు కూడా ప్లే ఆఫ్స్‌కు చేరలేవు. పంజాబ్‌కు 2 శాతం, ఆర్సీబీకి 3 శాతం ప్లే ఆఫ్స్‌ అవకాశాలు ఉన్నాయి. మిగతా జట్ల విషయానికొస్తే.. రాజస్థాన్‌, కేకేఆర్‌ జట్లు ఫైనల్‌ ఫోర్‌ బెర్త్‌లు దాదాపుగా ఖరారు చేసుకోగా.. సన్‌రైజర్స్‌, సీఎస్‌కే, లక్నో మధ్య ప్రధాన పోటీ నెలకొంది. ఢిల్లీకి సైతం ప్లే ఆఫ్స్‌ అవకాశాలు ఉన్నా ఆ జట్టుకు కేవలం 12 శాతం ఛాన్స్‌లు మాత్రమే ఉన్నాయి. కేకేఆర్‌కు 99, రాజస్థాన్‌కు 98 శాతం ప్లే ఆఫ్స్‌ అవకాశాలు ఉండగా.. సన్‌రైజర్స్‌కు 75, సీఎస్‌కేకు 60, లక్నోకు 50 శాతం అవకాశాలు ఉన్నాయి. ఎలాంటి అత్యద్భుతాలు జరగకపోతే పై సమీకరణలన్నీ యధాతథంగా జరిగే అవకాశాలు ఉన్నాయి.

ఐపీఎల్‌ చరిత్రలోనే అత్యద్భుతమైన క్యాచ్‌కు నిన్నటి (మే 5) కేకేఆర్‌-లక్నో మ్యాచ్‌ వేదికైంది. ఈ మ్యాచ్‌లో కేకేఆర్‌ ఆటగాడు రమన్‌దీప్‌ సింగ్‌ నమ్మశక్యంకాని రీతిలో అద్భుతమైన రన్నింగ్‌ క్యాచ్‌ అందుకున్నాడు. మిచెల్‌ స్టార్క్‌ బౌలింగ్‌లో అర్శిన్‌ కులకర్ణి ఆడిన షాట్‌ బ్యాట్‌ ఎడ్జ్‌ తీసుకుని గాల్లో చాలాసేపు ప్రయాణించగా.. ఈ క్యాచ్‌ను అందుకునేందుకు రమన్‌దీప్‌ సింగ్‌ పెద్ద విన్యాసమే చేశాడు. తాను ఫీల్డింగ్‌ చేసే డైరెక్షన్‌ నుంచి వెనక్కు పరిగెడుతూ అద్భుతమైన డైవింగ్‌ క్యాచ్‌ పట్టాడు. నమ్మశక్యం కాని ఈ విన్యాసానికి ప్రతి ఒక్కరు ముగ్దులైపోయారు. బ్యాటర్‌ అర్శిన్‌ చాలాసేపు ఈ విషయాన్ని నమ్మలేకపోయాడు. క్యాచ్‌ అనంతరం రమన్‌దీప్‌ను సహచరులు అభినందనలతో ముంచెత్తారు. బౌలర్‌ స్టార్క్‌, పక్కనే ఫీల్డింగ్‌ చేస్తున్న రసెల్‌ రమన్‌దీప్‌పై ప్రత్యేక ప్రశంసలు కురిపించారు. ఈ క్యాచ్‌కు సంబంధించిన వీడియో నెట్టింట సందడి చేస్తుంది.RAMANDEEP SINGH WITH ONE OF THE GREATEST CATCHES OF IPL HISTORY. 🤯🔥pic.twitter.com/xFiqHssmzV— Mufaddal Vohra (@mufaddal_vohra) May 5, 2024 ఈ మ్యాచ్‌లో రమన్‌దీప్‌ బ్యాటింగ్‌లోనూ సత్తా చాటాడు. ఇన్నింగ్స్‌ ఆఖర్లో వచ్చి సుడిగాలి ఇన్నింగ్స్‌ (6 బంతుల్లో 25 నాటౌట్‌; ఫోర్‌, 3 సిక్సర్లు) ఆడి ఆకట్టుకున్నాడు. రమన్‌దీప్‌తో పాటు సునీల్‌ నరైన్‌ (39 బంతుల్లో 81; 6 ఫోర్లు, 7 సిక్సర్లు; 4-0-22-1), హర్షిత్‌ రాణా (3.1-0-24-3), వరుణ్‌ చక్రవర్తి (3-0-30-3), రసెల్‌ (2-0-17-2) చెలరేగడంతో ఈ మ్యాచ్‌లో కేకేఆర్‌ లక్నోను 98 పరుగుల తేడాతో చిత్తు చేసింది. ఈ గెలుపుతో కేకేఆర్‌ పాయింట్ల పట్టికలో రాజస్థాన్‌ను కిందకు నెట్టి అగ్రస్థానానికి ఎగబాకింది.కేకేఆర్‌ ఇన్నింగ్స్‌లో నరైన్‌, రమన్‌దీప్‌లతో పాటు ఫిలిప్‌ సాల్ట్‌ (14 బంతుల్లో 32; 5 ఫోర్లు, సిక్స్‌), రఘువంశీ (32), శ్రేయస్‌ అయ్యర్‌ (23) రాణించారు. లక్నో బౌలర్లలో నవీన్‌ ఉల్‌ హక్‌ 3, యశ్‌ ఠాకూర్‌, రవి బిష్ణోయ్‌, యుద్‌వీర్‌ సింగ్‌ తలో వికెట్‌ పడగొట్టారు.అనంతరం​ భారీ లక్ష్యాన్ని ఛేదించేందుకు బరిలోకి దిగిన లక్నో.. కేకేఆర్‌ బౌలర్ల ధాటికి 16.1 ఓవర్లలో 137 పరుగులకే చాపచుట్టేసింది. లక్నో ఇన్నింగ్స్‌లో స్టోయినిస్‌ (36) టాప్‌ స్కోరర్‌గా నిలిచాడు.

ప్రస్తుతం తెలుగులో చెప్పుకోదగ్గ సినిమాలేం రావట్లేదు. మరోవైపు ఐపీఎల్‌లో ఈసారి హైదరాబాద్ జట్టు దంచికొట్టే ఫెర్ఫార్మెన్స్ ఇస్తోంది. దీంతో జనాలు దృష్టి క్రికెట్ పైకి మళ్లింది. ఈ క్రమంలోనే థియేటర్లకు ప్రేక్షకులు రావడమే తగ్గించేశారు. ఈ క్రమంలోనే మొన్నీమధ్య ఓ సినిమా ఈవెంట్‌లో డైరెక్టర్ అనిల్ రావిపూడి కొన్ని కామెంట్స్ చేశారు. అవి కాస్త సోషల్ మీడియాలో చిన్నపాటి దుమారమే రేపాయి. ఇప్పుడు వాటిపై మళ్లీ ఈయనే క్లారిటీ ఇచ్చేశాడు.(ఇదీ చదవండి: నాలుగుసార్లు అబార్షన్ అయిందా? క్లారిటీ ఇచ్చిన స్టార్ హీరోయిన్)రీసెంట్‌గా 'కృష్ణమ్మ' సినిమా ఈవెంట్‌కి హాజరైన దర్శకుడు అనిల్ రావిపూడి.. 'ఐపీఎల్ చూడకపోతే కొంపలేం మునిగిపోవు. సాయంత్రం థియేటర్లకు వచ్చి మూవీస్ చూడండి' అని కాస్త ఘాటుగానే చెప్పాడు. దీంతో సినిమాల కంటే ఐపీఎల్ బెస్ట్, సినిమాలు చూడకపోయినా కొంపలేం మునిగిపోవు అని నెటిజన్స్ రిటర్న్ కామెంట్స్ పెడుతున్నారు. దీంతో తాజాగా మరో కార్యక్రమంలో పాల్గొన్న అనిల్ రావిపూడి.. తన వ్యాఖ్యలపై క్లారిటీ ఇ‍స్తూనే అసలేం జరిగిందో చెప్పుకొచ్చాడు.'మే 19న డైరెక్టర్స్ డే వేడుకలు చేస్తున్నాం. ఆ రోజు కూడా ఐపీఎల్ మ్యాచ్ ఉంది. నేను ఈ మధ్య ఐపీఎల్ గురించి మాట్లాడిన మాటలు మరో రకంగా జనాల్లోకి వెళ్లాయి. నేను ఆ ఈవెంట్ కి వెళ్లే ముందు ఓ డిస్ట్రిబ్యూటర్‌ని కలిశాను. వేసవిలో ఐపీఎల్ వల్ల కూడా సినిమాలు సరిగా ఆడట్లేదని చెప్తే ఆ ఫ్లోలో అలా మాట్లాడేశాను. ఐపీఎల్ చూడండి. సినిమాలు కూడా చూడండి. నేనూ ఐపీఎల్ చూస్తా. నేను మాట్లాడింది అపార్థం చేసుకోవద్దు' అని అనిల్ రావిపూడి.. వివాదాస్పద కామెంట్స్‌కి పుల్‌స్టాప్ పెట్టేశాడు.(ఇదీ చదవండి: ఐసీయూలో అమ్మ... కలుస్తానంటే వెళ్లనివ్వలేదు: ప్రముఖ టీవీ నటి)

ఐపీఎల్‌ కేసులో చిక్కుకున్న సౌత్‌ ఇండియా స్టార్‌ హీరోయిన్‌ తమన్నాకు నోటీసులు జారీ అయిన విషయం తెలిసిందే. నిబంధనలకు విరుద్ధంగా ఐపీఎల్‌ 2023 మ్యాచ్‌లను ‘ఫెయిర్‌ ప్లే’ యాప్‌లో లైవ్‌ స్ట్రీమింగ్‌ చేసినందుకుగాను మహారాష్ట్ర సైబర్ క్రైమ్ పోలీసులు ఆమెకు నోటీసులు జారీ చేశారు. నేడు ఎప్రిల్‌ 29న విచారణకు హాజరుకావాలని ఆదేశాలు కూడా జారీ అయ్యాయి. ఐపీఎల్‌ 2023 మ్యాచ్‌లను ‘పెయిర్‌ ప్లే’ యాప్‌లో స్ట్రీమింగ్‌ చేయడం కారణంగా తమకు రూ. కోట్లలో నష్టం జరిగిందని ప్రసార హక్కులను సొంతం చేసుకున్న ‘వయాకామ్‌’ సంస్థ పోలీసులకు ఫిర్యాదు చేసింది.ఈ యాప్‌లో ఐపీఎల్‌ మ్యాచ్‌లను చూడాలంటూ తమన్నా, సంజయ్‌ దత్‌తో పాటు పలువురు బాలీవుడ్‌ నటీనటులు, గాయకులు ప్రచారం చేశారు. ఇదే కేసులో ఈ మధ్యే సంజయ్‌ దత్‌కి కూడా సమన్లు జారీ అయ్యాయి. తమన్నా నేడు విచారణకు రావాల్సి ఉంది. కానీ ఆమె హాజరుకాలేదు. షూటింగ్‌ పనుల వల్ల ఆమె అందుబాటులో లేదని, మరో రోజు విచారణకు వస్తారని ఆమె తరపున ఉన్న లాయర్‌ పేర్కొన్నారు. ప్రస్తుతం సాక్షిగా మాత్రమే ఆమెను విచారణకు పోలీసులు పిలిచారు. ఈ కేసులో నటుడు సాహిల్ ఖాన్‌ను అరెస్టు చేసిన విషయం తెలిసిందే.ఐపీఎల్ 2023 స్ట్రీమింగ్ రైట్స్‌ను రూ. 23 వేల కోట్లకు పైగానే వ‌యాకామ్ ఎంట‌ర్‌టైన్‌మెంట్స్ సంస్థ సొంతం చేసుకుంది. ఈ హక్కులన్నీ కూడా ఆ సంస్థకు మాత్రమే ఉన్నాయి. కానీ, ఆ నిబంధ‌న‌ల‌ను అతిక్ర‌మిస్తూ ఫెయిర్‌ప్లే బెట్టింగ్ యాప్ త‌మ ఛానెల్‌లో ఐపీఎల్ మ్యాచ్‌ల‌ను లైవ్ స్ట్రీమింగ్‌ను అందుబాటులోకి తెచ్చింది. దీంతో త‌మ‌కు భారీగా న‌ష్టం వాటిల్లింద‌ని మ‌హారాష్ట్ర సైబ‌ర్ క్రైమ్ పోలీసుల‌కు 'వ‌యాకామ్' వారు ఫిర్యాదుచేశారు. దీంతో ఆ యాప్‌ను ప్రమోట్‌ చేస్తున్న సినిమా ప్రముఖులకు కూడా నోటీసులు ఇచ్చారు.

ఐపీఎల్‌లో ఇవాళ (ఏప్రిల్‌ 28) రెండు మ్యాచ్‌లు జరుగనున్నాయి. మధ్యాహ్నం (3:30 గంటలకు) మ్యాచ్‌లో గుజరాత్‌, ఆర్సీబీ.. రాత్రి 7:30 గంటలకు ప్రారంభమయ్యే మ్యాచ్‌లో సన్‌రైజర్స్‌, సీఎస్‌కే జట్లు తలపడనున్నాయి. ఆదివారం కావడంతో ఐపీఎల్‌ ఇవాళ రెండూ భారీ మ్యాచ్‌లనే షెడ్యూల్‌ చేసింది.మధ్యాహ్నం మ్యాచ్‌ విషయానికొస్తే..పేపర్‌పై పటిష్టంగా కనిపించే ఆర్సీబీ.. అడపాదడపా ప్రదర్శనలతో నెట్టుకొస్తున్న గుజరాత్‌ను ఢీకొట్టనుంది. ఈ మ్యాచ్‌ గుజరాత్‌ హోం గ్రౌండ్‌ అయిన నరేంద్ర మోదీ స్టేడియంలో జరుగనుంది.పాయింట్ల పట్టిక విషయానికొస్తే.. ఆర్సీబీ ఇప్పటివరకు ఆడిన 9 మ్యాచ్‌ల్లో కేవలం రెండే విజయాలతో పాయింట్ల పట్టికలో చివరి స్థానంలో ఉండగా.. గుజరాత్‌ 9 మ్యాచ్‌ల్లో 3 విజయాలతో ఏడో స్థానంలో నిలిచింది. గుజరాత్‌కు ఈ మ్యాచ్‌ చాలా కీలకంగా మారింది. ప్లే ఆఫ్స్‌ రేసులో నిలబడాలంటే గుజరాత్‌ ఈ మ్యాచ్‌లో తప్పక గెలవాల్సి ఉంది. మరోవైపు ప్లే ఆఫ్స్‌ రేసు నుంచి నిష్క్రమించిన ఆర్సీబీకి ఈ మ్యాచ్ నామమాత్రం కానుంది. ఈ మ్యాచ్‌లో గెలిచినా, ఓడినా ఆర్సీబీకి పెద్ద ఫరక్‌ పడదు.హెడ్‌ టు హెడ్‌ ఫైట్స్‌ విషయానికొస్తే.. ఇరు జట్లు ఇప్పటివరకు మూడు సందర్భాల్లో ఎదురెదురుపడగా.. గుజరాత్‌ 2, ఆర్సీబీ ఒక మ్యాచ్‌లో గెలుపొందాయి. తుది జట్లు (అంచనా)..గుజరాత్‌: వృద్ధిమాన్ సాహా (వికెట్‌కీపర్‌), శుభ్‌మన్ గిల్ (కెప్టెన్‌), డేవిడ్ మిల్లర్, అజ్మతుల్లా ఒమర్జాయ్, రాహుల్ తెవాటియా, షారుఖ్ ఖాన్, రషీద్ ఖాన్, ఆర్ సాయి కిషోర్, నూర్ అహ్మద్, మోహిత్ శర్మ, సందీప్ వారియర్‌ఆర్సీబీ: విరాట్ కోహ్లి, ఫాఫ్ డుప్లెసిస్ (కెప్టెన్‌), విల్ జాక్స్, రజత్ పాటిదార్, కామెరాన్ గ్రీన్, దినేష్ కార్తీక్ (వికెట్‌కీపర్‌), మహిపాల్ లోమ్రోర్, కర్ణ్ శర్మ, లోకీ ఫెర్గూసన్, మహ్మద్ సిరాజ్, యశ్ దయాల్రాత్రి మ్యాచ్‌ విషయానికొస్తే.. సీఎస్‌కే తమ సొంత మైదానమైన చెపాక్‌లో పటిష్టమైన సన్‌రైజర్స్‌ను ఢీకొట్టనుంది. ఈ సీజన్‌లోనే ఇది బిగ్‌ ఫైట్‌గా చెప్పవచ్చు. ఈ మ్యాచ్‌ కోసం అభిమానులు చాలా ఆసక్తిగా ఎదురుచూస్తున్నారు. ప్రస్తుతం పాయింట్ల పట్టికలో సన్‌రైజర్స్‌ మూడో స్థానంలో.. సీఎస్‌కే ఆరో స్థానంలో ఉన్నాయి. ప్లే ఆఫ్స్‌కు చేరాలంటే ఇరు జట్లకు ఈ మ్యాచ్‌ చాలా కీలకంగా మారింది.హెడ్‌ టు హెడ్‌ రికార్డ్‌ విషయానికొస్తే.. ఐపీఎల్‌లో ఇరు జట్లు ఇప్పటివరకు 20 మ్యాచ్‌ల్లో తలపడగా.. సీఎస్‌కే 14, సన్‌రైజర్స్‌ 6 మ్యాచ్‌ల్లో గెలుపొందాయి.తుది జట్లు (అంచనా)..సన్‌రైజర్స్‌: అభిషేక్ శర్మ, ట్రవిస్ హెడ్, ఎయిడెన్ మార్క్రమ్, నితీష్ రెడ్డి, హెన్రిచ్ క్లాసెన్, అబ్దుల్ సమద్, షాబాజ్ అహ్మద్, పాట్ కమిన్స్, భువనేశ్వర్ కుమార్, మయాంక్ మార్కండే, జయదేవ్ ఉనద్కత్ [ఇంపాక్ట్‌ సబ్: టి నటరాజన్]సీఎస్‌కే: రుతురాజ్ గైక్వాడ్, అజింక్య రహానే, డారిల్ మిచెల్, శివమ్ దూబే, రవీంద్ర జడేజా, మొయిన్ అలీ, ఎంఎస్‌ ధోని, దీపక్ చాహర్, తుషార్ దేశ్‌పాండే, ముస్తాఫిజుర్ రెహ్మాన్, మతీషా పతిరణ [ఇంపాక్ట్‌ సబ్: శార్దూల్ ఠాకూర్]

బ్యాటర్ల హవా కొనసాగుతున్న ప్రస్తుత ఐపీఎల్‌ సీజన్‌లో పంజాబ్‌ బౌలర్లు ఎవరికీ సాధ్యంకాని ఘనతను సొంతం చేసుకున్నారు. ఈ సీజన్‌లో ఇప్పటివరకు (41 మ్యాచ్‌లు) జరిగిన మ్యాచ్‌ల్లో పంజాబ్‌ ఒక్కటే ఒక్కసారి కూడా ‍ప్రత్యర్దిని 200 పరుగులు చేయనీయలేదు. ఈ సీజన్‌లో పంజాబ్‌ బౌలింగ్ యావరేజ్‌ 24.94గా ఉంది. ఏ జట్టుకు ఈ సీజన్‌లో ఇంత తక్కువ బౌలింగ్‌ సగటు లేదు. పంజాబ్‌ తర్వాత కేకేఆర్‌కు అత్యల్ప బౌలింగ్‌ సగటు (25.47) ఉంది. పంజాబ్‌ ఈ సీజన్‌లో అత్యధికంగా 199 పరుగులు ప్రత్యర్దికి సమర్పించుకుంది. ఇలా రెండు సందర్భాల్లో జరిగింది. ఇదిలా ఉంటే, పంజాబ్‌ ఇవాళ (ఏప్రిల్‌ 26) పటిష్టమైన కేకేఆర్‌ను వారి సొంత మైదానంలో ఢీకొట్టనుంది. ఈ మ్యాచ్‌లో టాస్‌ గెలిచిన పంజాబ్‌ బౌలింగ్‌ ఎంచుకుంది. ఈ మ్యాచ్‌ పంజాబ్‌కు చాలా కీలకంగా పరిగణించబడుతుంది. ఈ మ్యాచ్‌లో గెలిస్తేనే పంజాబ్‌ ప్లే ఆఫ్స్‌ లెక్కల్లో ఉంటుంది. లేకపోతే మరో సీజన్‌లో ఈ జట్టు టైటిల్‌ లేకుండా రిక్త హస్తాలతో వైదొలగాల్సి ఉంటుంది. పంజాబ్‌ ఈ సీజన్‌లో ఇప్పటివరకు ఆడిన 8 మ్యాచ్‌ల్లో కేవలం రెండే విజయాలతో పాయింట్ల పట్టికలో తొమ్మిదో స్థానంలో ఉంది. మరోవైపు కేకేఆర్‌ ఏడింట ఐదు మ్యాచ్‌లు గెలిచి రెండో స్థానంలో ఉంది. ఈ సీజన్‌లో కేకేఆర్‌ అంచనాలకు తగ్గట్టు రాణిస్తూ మూడో టైటిల్‌ దిశగా అడుగులు వేస్తుంది.ఇరు జట్ల మధ్య హెడ్‌ టు హెడ్‌ రికార్డులను పరిశీలిస్తే.. పంజాబ్‌పై కేకేఆర్‌కు స్పష్టమైన ఆధిక్యత ప్రదర్శిస్తూ వచ్చింది. ఈ రెండు జట్లు ఇప్పటివరకు 32 మ్యాచ్‌ల్లో తలపడగా.. కేకేఆర్‌ 21, పంజాబ్‌ 11 మ్యాచ్‌ల్లో గెలుపొందాయి.తుది జట్లు..కోల్‌కతా నైట్ రైడర్స్: ఫిలిప్ సాల్ట్ (వికెట్‌కీపర్‌), సునీల్ నరైన్, అంగ్క్రిష్ రఘువంశీ, శ్రేయస్ అయ్యర్ (కెప్టెన్‌), వెంకటేష్ అయ్యర్, రింకూ సింగ్, ఆండ్రీ రస్సెల్, రమణదీప్ సింగ్, దుష్మంత చమీర, వరుణ్ చకరవర్తి, హర్షిత్ రాణాపంజాబ్ కింగ్స్: జానీ బెయిర్‌స్టో, సామ్ కర్రన్(కెప్టెన్‌), రిలీ రోసోవ్, జితేష్ శర్మ(వికెట్‌కీపర్‌), శశాంక్ సింగ్, అశుతోష్ శర్మ, హర్‌ప్రీత్ బ్రార్, హర్షల్ పటేల్, కగిసో రబడ, రాహుల్ చాహర్, అర్ష్‌దీప్ సింగ్

సాక్షి, హైదరాబాద్: 266... 277... 287... ఇదంతా ఒకే ఐపీఎల్‌ సీజన్‌లో, ఒకే టీమ్, వేర్వేరు మ్యాచ్‌లలో చేసిన పరుగుల విధ్వంసం. విశేషం ఏమిటంటే ఈ 287 పరుగులే ఇప్పటి వరకు ఐపీఎల్‌ చరిత్రలో అత్యధిక స్కోరు. ఈ పరుగుల సునామీ సృష్టించింది సన్‌రైజర్స్‌ హైదరాబాద్‌ జట్టు కాగా... ఇందులో 277 పరుగులు నమోదు చేసింది నగరంలోని ఉప్పల్‌ స్టేడియం వేదికగానే.ఇప్పుడిదంతా ఎందుకంటే.. ఈసారి ఐపీఎల్‌ సీజన్‌లో భీకర ఫామ్‌లో ఉన్న సన్‌రైజర్స్‌ హైదరాబాద్‌ జట్టు నేడు ఉప్పల్‌ స్టేడియం వేదికగా రాయల్‌ చాలెంజర్స్‌ బెంగళూరు (ఆర్‌సీబీ) జట్టును ‘ఢీ’ కొట్టనుంది. 10 రోజుల క్రితం బెంగుళూరు చిన్నస్వామి స్టేడియం వేదికగా సన్‌రైజర్స్‌ జట్టు 288 పరుగుల భారీ లక్ష్యాన్ని నిర్దేశించగా... ఆ లక్ష్యాన్ని ఆర్‌సీబీ (262/7) చేధించినంత పనిచేసింది. ఈ ఇరు జట్లే మళ్లీ నేడు తలపడనుండటంతో క్రికెట్‌ అభిమానుల చూపంతా ఈ మ్యాచ్‌పైనే ఉంది. ఆర్‌సీబీ ప్రతీకారం తీర్చుకోనుందా? హైదరాబాద్‌ తన హవాను కొనసాగించనుందా? అనే ఆసక్తికి ఉప్పల్‌ స్టేడియం వేదికగా మారింది. ఈ మ్యాచ్‌లో ఓడితే బెంగళూరు ‘ప్లే ఆఫ్స్‌’ చేరే అవకాశాలు ఆవిరవుతాయి. ఈ నేపథ్యంలో బెంగళూరుకు ఆడుతున్న ‘లోకల్‌ బాయ్‌’ మొహమ్మద్‌ సిరాజ్, భారత స్టార్‌ విరాట్‌ కోహ్లి ఎలాంటి ప్రదర్శన చేస్తారో వేచి చూడాలి. మరోవైపు తొలుత బ్యాటింగ్‌ చేస్తే ట్రావిస్‌ హెడ్, అభిషేక్‌ శర్మ, క్లాసెన్, మార్క్‌రమ్, ఆంధ్ర క్రికెటర్‌ నితీశ్‌ కుమార్‌ రెడ్డి, అబ్దుల్‌ సమద్‌ చెలరేగితే సన్‌రైజర్స్‌ స్కోరు ఈసారి 300 దాటినా ఆశ్చర్యపోనక్కర్లేదు. సన్‌రైజర్స్‌ భీకరమైన ఫామ్‌లో ఉండటం... కోహ్లిలాంటి దిగ్గజం బరిలోకి దిగనుండటంతో ఈ మ్యాచ్‌ కోసం ప్రేక్షకుల ఎదురుచూపులు మరింత ఎక్కువయ్యాయి. అయితే ఈ సీజన్‌లోని గత మ్యాచ్‌ల్లాగే ఈసారీ అభిమానులకు టికెట్ల ఇక్కట్లు తప్పట్లేదు. ఆన్‌లైన్‌లో టిక్కెట్లు క్షణాల్లో అయిపోవడంతో చేసేదేమిలేక క్రికెట్‌ అభిమానులంతా బిగ్‌ స్క్రీన్స్‌ వైపు మొగ్గు చూపుతున్నారు. దీనిని ఆసరా చేసుకున్న పలు రెస్టారెంట్లు, ఫుడ్‌ కోర్టులు, మాల్స్‌ ఆధ్వర్యంలో ప్రత్యక్ష ప్రసారం కోసం భారీ స్క్రీన్‌లను ఏర్పాటు చేస్తున్నాయి. 🧡❤️ pic.twitter.com/3ho5bxzGSZ— SunRisers Hyderabad (@SunRisers) April 25, 2024

ఐపీఎల్‌ 2024 సీజన్‌లో భాగంగా ఢిల్లీ క్యాపిటల్స్‌తో ఇవాళ (ఏప్రిల్‌ 24) జరుగబోయే మ్యాచ్‌తో గుజరాత్‌ టైటాన్స్‌ కెప్టెన్‌ శుభ్‌మన్‌ గిల్‌ అరుదైన మైలురాయిని తాకనున్నాడు. ఈ మ్యాచ్‌ గిల్‌కు ఐపీఎల్‌లో 100వ మ్యాచ్‌. 17 ఏళ్ల ఐపీఎల్‌ చరిత్రలో ఇప్పటివరకు 64 మంది 100 మ్యాచ్‌లు ఆడగా.. గిల్‌ 65వ ఆటగాడు కానున్నాడు.2018 నుంచి ఐపీఎల్‌ ఆడుతున్న గిల్‌.. 2021 వరకు కేకేఆర్‌ తరఫున, ప్రస్తుతం గుజరాత్‌ టైటాన్స్‌కు ఆడుతున్నాడు. గిల్‌ తన 99 మ్యాచ్‌ల కెరీర్‌లో 135.2 ‍స్ట్రయిక్‌రేట్‌తో 38.1 సగటున 3088 పరుగులు సాధించాడు. ఇందులో 3 సెంచరీలు, 20 హాఫ్‌ సెంచరీలు ఉన్నాయి.2022 సీజన్‌ టైటిల్‌ విన్నింగ్‌ జట్టులో (గుజరాత్‌) భాగమైన గిల్‌.. 2023 సీజన్‌లో ఆకాశమే హద్దుగా చెలరేగి ఆరెంజ్‌ క్యాప్‌ హోల్డర్‌గా నిలిచాడు. ఇదే సీజన్‌లో ముంబై ఇండియన్స్‌తో జరిగిన నాకౌట్‌లో గిల్‌ మెరుపు సెంచరీతో మెరిశాడు.కాగా, నేటి మ్యాచ్‌లో గుజరాత్‌ ఢిల్లీని వారి సొంత మైదానమైన అరుణ్‌ జైట్లీ స్టేడియంలో ఢీకొట్టనుంది. రాత్రి 7:30 గంటలకు ప్రారంభమయ్యే ఈ మ్యాచ్‌ ఇరు జట్లకు చాలా కీలకంగా పరిగణించబడుతుంది. ప్రస్తుతం గుజరాత్‌, ఢిల్లీ పాయింట్ల పట్టికలో ఆరు, ఎనిమిది స్థానాల్లో ఉంటూ ప్లే ఆఫ్స్‌కు అర్హత సాధించేందుకు తీవ్రంగా శ్రమిస్తున్నాయి.ఢిల్లీతో పోలిస్తే గుజరాత్‌కు ప్లే ఆఫ్స్‌ అవకాశాలు కాస్త మెరుగ్గా ఉన్నాయి. గుజరాత్‌ ఇప్పటివరకు ఆడిన 8 మ్యాచ్‌ల్లో నాలుగింట గెలిచి 8 పాయింట్లు కూడగట్టుకుంది. ఢిల్లీ ఎనిమిదిలో మూడు మ్యాచ్‌లు మత్రమే గెలిచి ఆరు పాయింట్లతో గుజరాత్‌ కంటే వెనుకపడింది. ప్లే ఆఫ్స్‌కు చేరాలంటే ఇరు జట్లకు ఇప్పటి నుంచి ఆడే ప్రతి మ్యాచ్‌ కీలకంగా మారింది. గుజరాత్‌కు ఓ మ్యాచ్‌ అటో ఇటో అయినా ఢిల్లీ మాత్రం అన్ని మ్యాచ్‌లు గెలవాల్సిన పరిస్థితి ఏర్పడింది. హెడ్‌ టు హెడ్‌ రికార్డులను పరిశీలిస్తే.. ఇరు జట్లు ఇప్పటివరకు నాలుగు మ్యాచ్‌ల్లో తలపడగా.. చెరి రెండు మ్యాచ్‌లు గెలిచాయి. ఢిల్లీ గెలుపొందిన రెండు మ్యాచ్‌లు గుజరాత్‌ హోం గ్రౌండ్‌ అయిన అహ్మదాబాద్‌లోనే కావడం విశేషం.

సాక్షి, హైదరాబాద్: ఇండియన్‌ ప్రీమియర్‌ లీగ్‌ (ఐపీఎల్‌) ఫీవర్‌తో హైదరాబాద్‌లోని స్టార్‌ హోటళ్ల గదుల అద్దెలకు రెక్కలు వచ్చాయి. గతంలో ఎన్నడూ లేని విధంగా దాదాపు అన్ని స్టార్‌ హోటళ్లు బుక్‌ అయిపోయాయి. దీనికితోడు రేట్లు కూడా సాధారణం కంటే రెట్టింపు అంతకంటే ఎక్కువయ్యాయి. హోటల్‌ గదులు బుక్‌ చేసుకోవడానికి ఉపకరించే ప్రముఖ వెబ్‌సైట్లు ఈ విషయాన్ని స్పష్టం చేస్తున్నాయి. ఉప్పల్‌ స్టేడియంలో గురువారం సన్‌ రైజర్స్‌ హైదరాబాద్‌ (ఎస్‌ఆర్‌హెచ్‌)–రాయల్‌ ఛాలెంజర్స్‌ బెంగళూరు (ఆర్‌సీబీ) జట్ల మధ్య ఫేవరేట్‌ మ్యాచ్‌ జరుగనుండటంతో పాటు పెళ్లి ముహూర్తాలు కూడా ఉండటం ఇందుకు కారణంగా తెలుస్తోంది. అత్యధిక స్కోర్లతో హాట్‌ ఫేవరేట్లుగా... ప్రసుత్తం ఐపీఎల్‌లో ఎస్‌ఆర్‌హెచ్‌–ఆర్‌సీబీ జట్లు హాట్‌ ఫేవరెట్స్‌గా మారిపోయాయి. ఈ రెండింటి మధ్య ఈ నెల 15న బెంగళూరు చిన్నస్వామి స్టేడియం కేంద్రంగా ఓ మ్యాచ్‌ జరిగింది. అందులో ఎస్‌ఆర్‌హెచ్‌ 287, ఆర్‌సీబీ 262 పరుగులు చేసి రికార్డు సృష్టించాయి. ఐపీఎల్‌ చరిత్రలోనే ఇవి అత్యధిక స్కోర్లు కావడంతో ఈ రెండు జట్ల పైనా ఐపీఎల్‌ ప్రియులకు విపరీతమైన క్రేజ్‌ ఏర్పడింది. గురువారం ఉప్పల్‌ స్టేడియంలోనూ ఈ రెండు జట్లు తలపడనున్నాయి. ఇప్పటికే ఆయా జట్లు హైదరాబాద్‌ చేరుకున్నాయి. వీరి కోసం రెండు స్టార్‌ హోటళ్లలో చాలా భాగం నిర్వాహకులు బుక్‌ చేశారు. దీంతో పాటు ఈ మ్యాచ్‌ను తిలకించేందుకు దేశవిదేశాల నుంచి అనేక మంది క్రికెట్‌ అభిమానులు వస్తున్నారు. వీళ్లు సైతం ఆన్‌లైన్‌లో, ప్రముఖ వెబ్‌సైట్లు, యాప్‌ల ద్వారా స్టార్‌ హోటళ్లలో గదులు బుక్‌ చేసుకుంటున్నారు. ఈ కారణంగానే హైదరాబాద్‌లోని అనేక స్టార్‌ హోటళ్లలో శుక్రవారం వరకు గదులు ఖాళీ లేవని ఆయా వెబ్‌సైట్లు చూపిస్తున్నాయి. సరాసరిని మించిన బుకింగ్‌... హోటళ్లల్లో గదులు బుక్‌ కావడం, అందులో అతిథులు బస చేయడాన్ని ఆక్యుపెన్సీగా పిలుస్తారు. స్టాటిస్టా సంస్థ అధ్యయనం ప్రకారం హైదరాబాద్‌లోని స్టార్‌ హోటళ్లల్లో ఆక్యుపెన్సీ రేటు సరాసరి గరిష్టంగా 50 నుంచి 60 శాతం మాత్రమే ఉంటోంది. 2021–22 ఆరి్థక సంవత్సరంలో ఇది 51 శాతంగా, 2022–23 ఆరి్థక సంవత్సరంలో 73 శాతంగా నమోదైంది. అయితే ఐపీఎల్‌ మ్యాచ్‌తో పాటు పెళ్లి ముహుర్తాలు కూడా ఉండటంతో ప్రస్తుతం అనేక స్టార్‌ హోటళ్లు ‘నో రూమ్‌’గా మారిపోయాయి. ఉన్న వాటిలోనూ అద్దెలు సాధారణ సమయం కంటే రెట్టింపు, అంతకంటే ఎక్కువగా ఉన్నట్లు ప్రముఖ వెబ్‌సైట్లు, యాప్స్‌ సూచిస్తున్నాయి. గురువారం రాత్రి క్రికెట్‌ మ్యాచ్‌ ఉండటంతో మంగళవారం నుంచి శుక్రవారం వరకు ఇవే రేట్లు కనిపిస్తున్నాయి. సాధారణంగా మామూలు రోజుల్లో కంటే వీకెండ్స్‌లో హోటల్‌ రూముల అద్దెలు ఎక్కువగా ఉంటాయి. ఈ లెక్కన చూసినా శని–ఆదివారాల్లో ఆయా హోటళ్ల అద్దెల కంటే మంగళవారం నుంచి శుక్రవారం వరకు ఎక్కువగా ఉన్నాయి. సైబరాబాద్‌ పరిధిలోని ఫైనాన్షియల్‌ డిస్ట్రిక్ట్ లో ఉన్న షెరిటన్‌ హోటల్‌లో ప్రెసిడెన్షియల్‌ స్వీట్‌ అద్దె మంగళ–బుధవారాల్లో రూ.1.28 లక్షలుగా ఉండగా... శుక్రవారం నుంచి ఇది రూ.64 వేల నుంచి రూ.67 వేల వరకు మాత్రమే ఉన్నట్లు ఆయా వెబ్‌సైట్లు చూపిస్తున్నాయి. ఇదే హోటల్‌లో సాధారణ గది అద్దె మంగళ–బుధవారాల్లో రూ.21,500గా, శని–ఆదివారాల్లో రూ.11,250గా ఉంది. హైటెక్‌ సిటీలోని ఐటీసీ కోహినూర్‌ హోటల్‌లో మంగళ–బుధవారాలకు అద్దె రూ.32 వేలుగా చూపిస్తోంది. శని–ఆదివారాలకు ఈ మొత్తం రూ.9,800గా ఉంది. వెస్టిన్‌ హోటల్‌లో మంగళ–బుధవారాలకు రూ.22,500గా, శని–ఆదివారాలకు రూ.10 వేలుగా కనిపిస్తోంది. సోమాజీగూడలోని ది పార్క్‌ హోటల్‌లో గది అద్దె మంగళ–బుధవారాలకు రూ.11,587గా, శని–ఆదివారాలకు రూ.5,071గా ఉంది. గురు–శుక్రవారాల్లో ఆయా హోటళ్లలో నో రూమ్‌ అని కనిపిస్తోంది. (అద్దె మొదటి రోజు చెక్‌ ఇన్‌ సమయం నుంచి రెండో రోజు చెక్‌ ఔట్‌ సమయం వరకు... పన్నులు దీనికి అదనం)

ఐపీఎల్‌ 2024 సీజన్‌లో సగానికి పైగా మ్యాచ్‌లు పూర్తయిన తర్వాత రాజస్థాన్‌ రాయల్స్‌ (14 పాయింట్లు), కోల్‌కతా నైట్‌రైడర్స్‌ (10), సన్‌రైజర్స్‌ హైదరాబాద్‌ (10), లక్నో సూపర్‌ జెయింట్స్‌ (10) జట్లు పాయింట్ల పట్టికలో తొలి నాలుగు స్థానాల్లో నిలిచి ప్లే ఆఫ్స్‌ రేసులో ముందున్నాయి. సీఎస్‌కే (8), గుజరాత్‌ (8), ముంబై ఇండియన్స్‌ (6), ఢిల్లీ క్యాపిటల్స్‌ (6) జట్లు ఐదు నుంచి ఎనిమిది స్థానాల్లో నిలిచి ప్లే ఆఫ్స్‌ బెర్తుల కోసం పోటీ పడుతున్నాయి. పంజాబ్‌ కింగ్స్‌ (4), రాయల్‌ ఛాలెంజర్స్‌ బెంగళూరు (2) చివరి రెండు స్థానాల్లో ఉంటూ ప్లే ఆఫ్స్‌ అశలను దాదాపుగా వదులుకున్నాయి.ప్రస్తుత సీజన్‌లో 39 మ్యాచ్‌ల అనంతరం ఓ ఆసక్తికర అంశం తెరపైకి వచ్చింది. ఇప్పటివరకు జరిగిన మ్యాచ్‌ల్లో సన్‌రైజర్స్‌ మినహా మిగతా తొ​మ్మిది జట్లు తమతమ సొంత మైదానాల్లో పరాజయాలు ఎదుర్కొన్నాయి. ఒక్క సన్‌రైజర్స్‌ మాత్రమే హోం గ్రౌండ్‌లో తిరుగులేని శక్తిగా ఉంది. భారీ ఫ్యాన్‌ బేస్‌ ఉన్న చెన్నై, ఆర్సీబీ, ముంబై జట్లు సైతం సొంత మైదానాల్లో ఓటములు ఎదుర్కొంటే, కమిన్స్‌ సేన మాత్రం సొంత అభిమానుల మధ్యలో దర్జాగా తలెత్తుకు నిలబడింది.ఈ సీజన్‌లో సన్‌రైజర్స్‌ కమిన్స్‌ నేతృత్వంలో మునుపెన్నడూ లేనంత పటిష్టంగా ఉంది. పటిష్టం అంటే అట్లాంటి ఇట్లాంటి పటిష్టం కాదు. ఐపీఎల్‌ పునాదులు దద్దరిల్లేంత పటిష్టంగా కమిన్స్‌ సేన ఉంది. సన్‌రైజర్స్‌ బ్యాటింగ్‌ వీరులు విధ్వంసం ధాటి​కి పొట్టి క్రికెట్‌ బ్యాటింగ్‌ రికార్డులన్నీ బద్దలవుతున్నాయి. వీరి దెబ్బకు ఆరెంజ్‌ ఆర్మీ ఈ సీజన్‌లో ఇప్పటికే మూడు సార్లు 260 ప్లస్‌ స్కోర్లు నమోదు చేసింది.మరోవైపు బౌలింగ్‌లోనూ సన్‌రైజర్స్‌ను తక్కువ అంచనా వేయడానికి వీల్లేదు. కమిన్స్‌ నేతృత్వంలో సన్‌రైజర్స్‌ బౌలింగ్‌ విభాగంలో కూడా అదరగొడుతుంది. మొత్తంగా ఈ సీజన్‌లో ఆరెంజ్‌ ఆర్మీ పట్టపగ్లాల్లేకుండా టైటిల్‌ దిశగా దూసుకెళ్తుంది. రేపు (ఏప్రిల్‌ 25) జరుగబోయే మ్యాచ్‌లో సన్‌రైజర్స్‌ సొంత మైదానంలో ఆర్సీబీతో తలపడనుంది. ఈ మ్యాచ్‌లోనూ పరుగుల వరద పారి ఆల్‌టైమ్‌ రికార్డు బద్దలు కావడం ఖాయమని సన్‌రైజర్స్‌ అభిమానులు నమ్మకంగా ఉన్నారు.ఇదే సీజన్‌లో ఆర్సీబీతో జరిగిన మ్యాచ్‌లో ఏం జరిగిందో అందరం చూశాం. ఆర్సీబీ హోం గ్రౌండ్‌లో జరిగిన ఆ మ్యాచ్‌లో సన్‌రైజర్స్‌ బ్యాటర్లు పరుగుల ప్రళయం సృష్టించారు. హెడ్‌ (102), అభిషేక్‌ శర్మ (34), క్లాసెన్‌ (67), మార్క్రమ్‌ (32 నాటౌట్‌), అబ్దుల్‌ సమద్‌ (37 నాటౌట్‌) సునామీ ఇ‍న్నింగ్స్‌లతో విరుచుకుపడటంతో సన్‌రైజర్స్‌ ఐపీఎల్‌ చరిత్రలో అత్యం​త భారీ స్కోర్‌ (287) నమోదు చేసింది. ప్రత్యర్ది హోం గ్రౌండ్‌లోనే సన్‌రైజర్స్‌ బ్యాటర్లు ఈ తరహాలో రెచ్చిపోతే.. రేపు సొంత మైదానంలో వీరిని కంట్రోల్‌ చేయడం ఎవరి వల్ల కాదు.

ఐపీఎల్‌ 2024 సీజన్‌లో భాగంగా సీఎస్‌కేతో నిన్న (ఏప్రిల్‌ 23) జరిగిన మ్యాచ్‌లో లక్నో సూపర్‌ జెయింట్స్‌ అద్భుత విజయం సాధించింది. ఈ మ్యాచ్‌లో సీఎస్‌కే నిర్దేశించిన 211 పరుగుల లక్ష్యాన్ని లక్నో మరో మూడు బంతులు మిగిలుండగానే ఛేదించింది. స్టోయినిస్‌ అజేయమైన మెరుపు శతకంతో (63 బంతుల్లో 124 నాటౌట్‌; 13 ఫోర్లు, 6 సిక్సర్లు) లక్నోను విజయతీరాలకు చేర్చాడు. స్టోయినిస్‌కు పూరన్‌ (15 బంతుల్లో 34; 3 ఫోర్లు, 2 సిక్సర్లు), దీపక్‌ హుడా (6 బంతుల్లో 17 నాటౌట్‌; 2 ఫోర్లు, సిక్స్‌) సహకరించారు. గెలిస్తే ధోని ఓడితే రుతురాజా..?మ్యాచ్‌ అనంతరం జరిగిన డిబేట్‌లో నవ్‌జ్యోత్‌ సింగ్‌ సిద్దూ, అంబటి రాయుడు మధ్య ఆసక్తికర సంభాషణ జరిగింది. సీఎస్‌కే ఓటమికి రుతురాజ్‌ చెత్త కెప్టెన్సీ కారణమని రాయుడు అంటే.. గెలిచినప్పుడు ధోని పేరు చెప్పి ఓడినప్పుడు రుతురాజ్‌ నిందించడం సమంజసం కాదని సిద్దూ అభిప్రాయపడ్డాడు. Ambati Rayudu - Poor field placements in deaths overs by Ruturaj. We clearly saw lack of experience as captainN. Sidhu - If you credit Dhoni for CSK wins then blame him for the losses too. Dhoni is still the main think tank#LSGvsCSK #CSKvLSG #CSKvsLSG pic.twitter.com/R4VnEwWUKY— Richard Kettleborough (@RichKettle07) April 24, 2024 తొలుత రాయుడు మాట్లాడుతూ.. డెత్‌ ఓవర్లలో రుతురాజ్‌ ఫీల్డింగ్‌ను మొహరించడంలో విఫలమయ్యాడు. కెప్టెన్‌గా అతని అనుభవ రాహిత్యం స్పష్టంగా బయటపడింది. స్టోయినిస్‌ విధ్వంసకర మూడ్‌లో ఉన్నప్పుడు రుతురాజ్‌ సిల్లీ ఫీల్డ్‌ సెటప్‌ చేసి అతను మరింత రెచ్చిపోయేలా చేశాడని అన్నాడు.ఇందుకు సిద్దూ కౌంటరిస్తూ.. సీఎస్‌కే గెలిచినప్పుడు ధోనికి క్రెడిట్‌ ఇచ్చి, ఓడినప్పుడు రుతురాజ్‌ను నిందించడం సమంజసం కాదని అభిప్రాయపడ్డాడు. గెలిచినప్పుడు ధోనిని పొగిడిన నోళ్లు ఓడినప్పుడు కూడా అతన్నే నిందించాలని అన్నాడు. సీఎస్‌కే కెప్టెన్సీని ధోనినే ఇంకా మోస్తున్నాడన్న విషయం బహిరంగ సత్యమని తెలిపాడు. మ్యాచ్‌ విషయానికొస్తే.. తొలుత బ్యాటింగ్‌ చేసిన సీఎస్‌కే.. రుతురాజ్‌ గైక్వాడ్‌ మెరుపు సెంచరీతో (60 బంతుల్లో 108 నాటౌట్‌; 12 ఫోర్లు, 3 సిక్సర్లు) చెలరేగడంతో నిర్ణీత ఓవర్లలో 4 వికెట్ల నష్టానికి 210 పరుగులు చేసింది. రుతురాజ్‌ మెరుపులకు శివమ్‌ దూబే (27 బంతుల్లో 66; 3 ఫోర్లు, 7 సిక్సర్లు) విధ్వంసం తోడు కావడంతో సీఎస్‌కే భారీ స్కోర్‌ చేసింది. భారీ లక్ష్యాన్ని ఛేదించేందుకు బరిలోకి దిగిన లక్నో.. తొలి ఓవర్‌లోనే డికాక్‌ వికెట్‌ కోల్పోయి కష్టాల్లో పడినట్లు కనిపించింది. అయితే స్టోయినిస్‌.. పూరన్‌, హుడా సహకారంతో లక్నోకు అపురూప విజయాన్ని అందించాడు. చివరి ఓవర్‌లో లక్నో గెలుపుకు 17 పరుగులు అవసరం కాగా.. మస్తాఫిజుర్‌ బౌలింగ్‌లో ప్టోయినిస్‌ వరుసగా 6, 4, 4, 4 పరగులు సాధించాడు. ఫలితంగా లక్నో ఆరు వికెట్ల తేడాతో గెలుపొంది పాయింట్ల పట్టికలో నాలుగో స్థానానికి ఎగబాకింది.