బతకడం కష్టంగా ఉంది..

బతకడం కష్టంగా ఉంది..

హన్మకొండ అర్బన్‌: ‘ భర్త మరణం తర్వాత నన్ను పోషిస్తారనే ఆశతో నాకున్న 26 గుంటల వ్యవసాయ భూమిని మనుమలు దాట్ల ప్రవీణ్‌, రాజ్‌కుమార్‌ పేరు మీద పట్టా చేయించాను. ప్రవీణ్‌ చనిపోవడంతో అతడి భార్య నా బాగోగులు చూడట్లేదు. దీంతో నాకు బతకడం కష్టంగా మారింది. ఆస్తి లేనందున నన్నెవ్వరూ పట్టించుకోవట్లేదు. ప్రవీణ్‌ భార్య భూమిని అమ్మేందుకు ప్రయత్నిస్తోంది. మొత్తం 26 గుంటల భూమిని మళ్లీ నా పేరు మీదికి చేయిస్తే శేషజీవితం ప్రశాంతంగా గడుపుతా. నన్ను సాకిన వారికి ఆస్తి ఇస్తా.. అధికారులు చర్యలు తీసుకో వాలి’ అని కలెక్టర్‌కు మొర పెట్టుకుంది భీమదేవరపల్లి మండలం కొప్పూర్‌కు చెందిన వృద్ధురాలు దాట్ల దుర్గమ్మ. ఇలా.. ఒక్కొక్కరు ఒక్కో సమస్యతో కలెక్టర్‌ ప్రావీణ్యకు మొర పెట్టుకున్నారు.

తక్షణమే చర్యలు తీసుకోండి..

ప్రజావాణి వినతుల పరిష్కారానికి జిల్లా అధికారులు సత్వర చర్యలు తీసుకోవాలని, వినతులు పెండింగ్‌లో ఉంచవద్దని కలెక్టర్‌ ప్రావీణ్య అన్నారు. సోమవారం కలెక్టరేట్‌లో జిల్లాలోని వివిధ ప్రాంతాల నుంచి వచ్చిన ప్రజల నుంచి వారి సమ్యలపై వినతులు స్వీకరించారు. మొత్తం 114 వినతులు అధికారులకు అందగా.. వాటిని పరిశీలించి సంబంధిత శాఖలకు పంపించారు. గ్రీవెన్స్‌లో కలెక్టర్‌తోపాటు అదనపు కలెక్టర్‌ వెంకట్‌రెడ్డి, డీఆర్‌ఓ వైవీ గణేశ్‌, ఆర్డీఓలు కన్నం నారాయణ, రమేశ్‌, డీఆర్డీఓ మేన శ్రీను తదితరులు పాల్గొన్నారు.

ఆస్తి లేదని నన్నెవరూ పోషించట్లేదు..

నా భూమి నాకు ఇప్పించండి..

ప్రజావాణిలో కలెక్టర్‌ ప్రావీణ్యకు

వృద్ధురాలి వినతి..

గ్రీవెన్స్‌కు 114 అర్జీలు

రోడ్డు కబ్జా చేస్తున్నారు..

హనుమకొండ 49వ డివిజన్‌లో కొందరు వ్యక్తులు రోడ్డు కబ్జా చేసి నిర్మాణం చేపట్టారు. కోర్టు ఉత్తర్వులు ధిక్కరించి పనులు చేస్తున్నారు. ఈవిషయంలో మున్సిపల్‌, టౌన్‌ ప్లానింగ్‌ అధికారులు నిర్లక్ష్యంగా వ్యవహరిస్తున్నారు. తక్షణమే చర్యలు తీసుకోవాలి. ఆక్రమణదారులపై చర్యలు తీసుకోవాలి.

– జనార్దన్‌, పోస్టల్‌ కాలనీ

కాలు తీసేశారు.. సర్టిఫికెట్‌ ఇవ్వండి

ఇన్‌ఫెక్షన్‌ కారణంగా నా ఎడమ కాలిని తొలగించారు. ప్రభుత్వ ఆసరా పింఛన్‌ తీసుకోవడానికి అధికారులు సదరం సర్టిఫికెట్‌ ఇవ్వడం లేదు. గతంలో ఒకసారి దరఖాస్తు చేస్తే రిజెక్ట్‌ చేశారు. ప్రస్తుతం మళ్లీ దరఖాస్తు చేసుకోవడానికి అవకాశం లేదంటున్నారు. ఉన్నతాధికారులు నాకు న్యాయం చేయాలి.

– రాచర్ల ముత్తయ్య, వంగర

1/3

బతకడం కష్టంగా ఉంది..

2/3

బతకడం కష్టంగా ఉంది..

3/3

బతకడం కష్టంగా ఉంది..