ఎరువుల దుకాణాలపై విజిలెన్స్‌ దాడులు

ఎరువుల దుకాణాలపై విజిలెన్స్‌ దాడులు

మిర్యాలగూడ: మిర్యాలగూడ మండలం నందిపాడు, రవీందర్‌నగర్‌లోని ఎరువులు, పురుగు మందుల దుకాణాలపై విజిలెన్స్‌ ఎన్‌ఫోర్స్‌మెంట్‌ అధికారులు మంగళవారం దాడులు నిర్వహించారు. ఈ సందర్భంగా ఆ శాఖ సీఐ ఎస్‌కే గౌస్‌ మాట్లాడుతూ.. లక్ష్మీవెంకటేశ్వర ఫర్టిలైజర్స్‌, మిర్యాలగూడ రైతు ఆగ్రో సేవా కేంద్రంలో దాడులు నిర్వహించి కాలం చెల్లిన మందులను గుర్తించి సీజ్‌ చేసినట్లు తెలిపారు. ఈ మేరకు దుకాణ యజమానులపై కేసు నమోదు చేశామన్నారు. నకిలీ పురుగు మందులు విక్రయిస్తున్నట్లు సమాచారం అందడంతో దాడులు నిర్వహిస్తున్నామన్నారు. కొంతమంది రైతులను సైతం విచారించినట్లు తెలిపారు. ఆయన వెంట కానిస్టేబుల్‌ నర్సింహారెడ్డి, ఏఓ ధీరావత్‌ సైదానాయక్‌, ఏఈఓ షఫీ తదితరులు ఉన్నారు.