వెస్టిండీస్‌తో టెస్టు, వన్డే సిరీస్‌లను గెలుచుకున్న భారత్‌ టి20ల్లోనూ తమకు ఎదురు లేదని నిరూపించింది. మూడు మ్యాచ్‌ల సిరీస్‌ను 3–0తో సొంతం చేసుకొని క్లీన్‌స్వీప్‌ సాధించింది. ఆదివారం ఇక్కడి చిదంబరం స్టేడియంలో జరిగిన చివరి మ్యాచ్‌లో భారత్‌ 6 వికెట్ల తేడాతో విండీస్‌ను ఓడించింది. టాస్‌ గెలిచి ముందుగా బ్యాటింగ్‌కు దిగిన విండీస్‌ 20 ఓవర్లలో 3 వికెట్ల నష్టానికి 181 పరుగులు చేసింది.