TV
10 నుంచి అసెంబ్లీ బడ్జెట్ సమావేశాలు
హైదరాబాద్ : అసెంబ్లీ సమావేశాలు ఈ నెల 10 నుంచి ప్రారంభం కానున్నాయి. ఓటాన్‌ అకౌంట్‌ బడ్జెట్ కోసమే ఈ సమావేశాలను ప్రభుత్వం నిర్వహిస్తోంది. ఈ సమావేశాలు కేవలం నాలుగు రోజుల పాటే జరుగుతాయి. మే నెలలో శాసన సభ ఎన్నికలు ఉన్న నేపథ్యంలో కిరణ్‌ సర్కారు పూర్తి స్థాయి బడ్జెట్‌కు బదులు తాత్కాలికంగా ఓటాన్‌ అకౌంట్‌ను ప్రవేశపెట్టనుంది.
ఈ బడ్జెట్ ఆరు నెలల కాలం వరకు అమలులో ఉంటుంది. బడ్జెట్ రూపకల్పనలో ఆర్థిక మంత్రి ఆనం రామనారాయణరెడ్డి తలమునకలై ఉన్నారు. బడ్జెట్ కసరత్తు ఇప్పటికే దాదాపు పూర్తి చేసుకుని తుది మెరుగులు దిద్దుకుంటోంది. ఈ బడ్జెట్‌లో ప్రభుత్వం ప్రజలపై ఎలాంటి పన్నుల భారంకానీ హామీలు కూడా ఉండే అవకాశం లేదు.
