TV
అంగన్‌వాడీ పోస్టులకు ఇంటర్వ్యూలు
కడప కలెక్టరేట్ : అంగన్‌వాడీ టీచర్ పోస్టులకు మంగళవారం అదనపు జాయింట్ కలెక్టర్ సుదర్శన్‌రెడ్డి ఇంటర్వ్యూ లు నిర్వహించారు. జిల్లాలో 20 అంగన్‌వాడీ టీచర్ పోస్టులు ఖాళీగా ఉన్నాయి. ఆ కేంద్రాల్లో ఆయాలుగా పనిచేస్తూ పదవ తరగతిలో ఉత్తీర్ణత సాధించి, 45 సంవత్సరాల్లోపు వయస్సున్న వారితో ఈ అంగన్‌వాడీ టీచర్ పోస్టులను భర్తీ చేయడానికి నోటిఫికేషన్ ఇచ్చారు.
దీంతో జిల్లాలోని వివిధ ప్రాంతాల నుంచి ఇంటర్వ్యూల్లో పాల్గొనేందుకు మహిళలు తరలివచ్చారు. అర్హులను ఎంపిక చేయడానికి వీలుగా వారి అర్హతలను ఏజేసీ పరిశీలించారు. ఐసీడీఎస్ పీడీ లీలావతి పాల్గొన్నారు.
