సాక్షి, విశాఖపట్నం: రంగుల ప్రపంచంలో స్వేచ్ఛా విహంగం బాల్యం. కొత్త ప్రపంచంలోకి నడిపించే శైశవదశలో ప్రతి విషయం ఓ మధుర జ్ఞాపకమే అన్నారు జాయింట్‌ కలెక్టర్‌ కె.మయూర్‌ అశోక్‌. బాలల దినోత్సవం సందర్భంగా తన చిన్న నాటి జ్ఞాపకాలను ‘సాక్షి’తో పంచుకున్నారు. బాల్యంలో జరిగిన ఒక సంఘటన తన జీవితాన్ని మలుపుతిప్పిందని చెప్పారు. ‘మా సొంతూరు మహారాష్ట్రలోని బీడ్‌. నేను 6వ తరగతి చదువుతున్న రోజులవి. స్కూల్‌లో ఉన్న సమయంలో గుజరాత్‌లోని భుజ్‌లో భారీ భూకంపం వచ్చిందని మా టీచర్లు చెప్పారు. స్కూల్‌లో ఉదయం ప్రతిజ్ఞ సమయంలో వార్తలు చదివేవాళ్లం. దేశం యావత్తూ భుజ్‌ భూకంప బాధితులకు సహాయం చేసేందుకు ముందుకొస్తోందని.. మనం కూడా సాయమందిద్దామని టీచర్లు చెప్పారు. ఫండ్‌ కలెక్ట్‌ చేసేందుకు టీమ్‌ లీడర్‌గా నన్ను ఎంపిక చేశారు. ప్రతి విద్యార్థి నుంచి ఫండ్‌ కలెక్ట్‌ చేస్తూ.. దానికి సంబంధించిన లెక్కలను ఎప్పటికప్పుడు హెడ్‌ సర్‌కి చెప్పేవాడిని. అప్పుడే ఒక ఆర్థిక బాధ్యత, నాయకత్వ లక్షణాలు, సమయపాలన అలవర్చుకున్నాను. ఫండ్‌ ఎంత ఎక్కువగా ఇస్తే.. అంత మందికి సాయం చేయగలమన్న ఆలోచన నాలో వచ్చింది. అందుకే ప్రతి విద్యార్థీ వీలైనంత పెద్ద మొత్తంలో డబ్బులు అందించేలా ప్రోత్సహించాను. ప్రతి క్లాస్‌కు వెళ్లి మోటివేషన్‌ స్పీచ్‌ ఇచ్చేవాడిని. అది అందర్నీ ఆకట్టుకుంది. అప్ప ట్లోనే మా స్కూల్‌ తరఫున దాదాపు రూ.5లక్షల వరకు సేకరించగలిగాం. దీంతో నన్ను టీచర్లు అభినందించారు. ఈ మొత్తాన్ని జిల్లా కలెక్టర్‌కు అప్పగించే బాధ్యతను నాకే అప్పగించారు. అప్పుడే మొదటిసారి కలెక్టరేట్‌కు వెళ్లాను.అక్కడ కలెక్టర్‌ చాంబర్‌ చూశాను. ఐఏఎస్‌ అధికారి ఎలా ఉంటారన్నది చూసిన నాకు అక్కడ వాతావరణం ప్రేరేపించింది. నాలో కొత్త ఆలోచనలను రేకెత్తించేలా చేసింది. ఐఏఎస్‌ అధికారి కావాలన్న లక్ష్యాన్ని నాలో కలిగించిందీ ఆ సంఘటనే.. అప్పటి నుంచి ఐఏఎస్‌ అవ్వాలంటే ఏం చేయాలని మా టీచర్లను, తల్లిదండ్రులను అడిగేవాడిని. వారు చెప్పినదానికనుగుణంగా ప్లాన్‌ చేసుకున్నాను. ఐఐటీ బాంబేలో కంప్యూటర్‌ ఇంజినీరింగ్‌లో బీటెక్‌ పూర్తి చేశాను. ఎంఏ పబ్లిక్‌ అడ్మినిస్ట్రేషన్‌ కూడా చదివాను. తర్వాత 2018లో సివిల్స్‌కు ఎంపికై .. నా కలను నెరవేర్చుకున్నాను. ప్రణాళికాబద్ధంగా శైశవదశను ఆస్వాదిస్తే.. ప్రతి ఒక్కరి బాల్యం మనకు కథ అవుతుంది. భావితరాలకు చరిత్రగా మారుతుంది’ అని జేసీ మయూర్‌ అశోక్‌ చెబుతూ.. అందరికీ బాలల దినోత్సవ శుభాకాంక్షలు తెలిపారు.ఆ సంఘటనే మలుపు తిప్పిందిచిల్డ్రన్స్‌ డే రోజున ఏదో ఒక గేమ్‌లో ప్రైజ్‌లు వచ్చేవి. నాకు బాగా గుర్తుంది.. ఒకటో తరగతిలో స్వాతంత్య్ర సమరయోధుల వేషధారణలపై పోటీలు నిర్వహించారు. నేను నేతాజీ సుభాష్‌ చంద్రబోస్‌ గెటప్‌లో వెళ్లి డైలాగ్‌లు చెప్పాను. నాకే ఫస్ట్‌ ప్రైజ్‌ వచ్చింది అని జేసీ గుర్తు చేసుకుంటూ సంబరపడ్డారు.

సాక్షి, విశాఖపట్నం : అది సింహాచలం దేవస్థానానికి చెందిన అటవీ ప్రాంతం.. తాము అక్కడ నివాసముంటున్నామని పలువురు.. ప్రభుత్వ సర్వేయర్లు ఇచ్చిన రిపోర్టుతో న్యాయస్థానాన్ని ఆశ్రయించారు. అఫిడవిట్‌ చూసిన జాయింట్‌ కలెక్టర్‌ స్వయంగా పరిశీలించారు. అక్కడ నివాసం కాదు.. పూర్తి చెట్లతో నిండిన అడవి ఉందని గుర్తించారు. రూ.కోట్ల భూమిని కొట్టేసేందుకు వేసిన ఎత్తుగడకు సహకరించిన ప్రభుత్వాధికారులపై క్రమశిక్షణ చర్యలకు ఉపక్రమించారు. అడవివరం గ్రామంలో సర్వే నెంబర్‌ 275లో 20.39 ఎకరాల విస్తీర్ణంలో ఉన్న భూమికి సంబంధించి హద్దులు నిర్ణయించడంతో పాటు అక్కడ ఏళ్ల తరబడి నివాసం ఉంటున్న నేపథ్యంలో రెవెన్యూ రికార్డులో తమ పేరుతో మార్చేందుకు ఉత్తర్వులు ఇవ్వాలని బి.మంగతల్లితో పాటు మరో ఆరుగురు హైకోర్టులో రిట్‌పిటిషన్‌ వేశారు. పిటిషనర్‌ దరఖాస్తుపై నెల రోజుల్లో తగిన చర్యలు తీసుకోవాలని హైకోర్టు విశాఖ రూరల్‌ తహసీల్దార్‌కు ఆదేశాలు జారీ చేసింది. ఈ మేరకు సర్వే విభాగం అధికారులు సదరు భూమికి సర్వే నిర్వహించారు. 1903 సేల్‌ ప్రకారం అడవివరం గ్రామంలో సర్వే నెంబర్‌ 275లో ఉన్న 20.39 ఎకరాల భూమి మంగతల్లి కుటుంబ సభ్యుల ఆధీనంలోనే ఉందని, వారు పొజిషన్‌లు ఉన్నారని నిర్ధారిస్తూ నివేదిక సమర్పించారు. సర్వే అధికారుల నివేదిక ఆధారంగా ఆ భూమి తమదేనని, సింహాచలం దేవస్థానం అధికారులు ఈ భూమి విషయంలో జోక్యం చేసుకోకుండా ఆదేశాలు ఇవ్వాలని మరోసారి మంగతల్లి మరో ఆరుగురు హైకోర్టులో మరో పిటిషన్‌ దాఖలు చేశారు. దీనిపై కోర్టు స్టాటస్‌ కో ఇచ్చింది. సర్వే నివేదిక తప్పంటూ దేవస్థానం పిటిషన్‌ సర్వే విభాగం ఇచ్చిన నివేదికను సవాల్‌ చేస్తూ సింహాచలం దేవస్థానం అధికారులు 2021, అక్టోబర్‌ 20న రివిజన్‌ పిటిషన్‌ దాఖలు చేశారు. సదరు నివేదిక సక్రమంగా లేదని, సర్వే నెంబర్‌ 275లో మొత్తం 5,279.57 ఎకరాల భూమి దేవస్థానం పరిధిలోనే ఉందని, ఈ సర్వే నంబర్‌కు సంబంధించి ఎలాంటి సబ్‌ డివిజన్లు లేవని పిటిషన్‌లో స్పష్టం చేశారు. అదేవిధంగా ఈ విస్తీర్ణం మొత్తం 22ఏ జాబితాలో చేర్చడం జరిగిందని, ఆ భూమిలో దేవస్థానం కాంపౌండ్‌ వాల్‌ నిర్మాణం కూడా ఉందని న్యాయస్థానానికి విన్నవించారు. ఈ పిటిషన్‌పై స్పందించిన జాయింట్‌ కలెక్టర్‌ కేఎస్‌ విశ్వనాథన్‌.. జాయింట్‌ సర్వే బృందానికి, సర్వే, భూరికార్డుల శాఖ అధికారులకు నోటీసులు జారీ చేశారు. అప్పుడే సర్వే బృందం అవకతవకలు బయటపడ్డాయి. స్వయంగా పరిశీలించిన జేసీ 2021లో సర్వే చేసిన విశాఖ రూరల్‌ మండలం అప్పటి సర్వేయర్‌, ప్రస్తుత గోపాలపట్నం సర్వేయర్‌ డి.జగదీశ్వరరావు, సింహాచలం దేవస్థానం అప్పటి సర్వేయర్‌ కె.హరీష్‌కుమార్‌, అప్పటి గోపాలపట్నం సర్వేయర్‌, ప్రస్తుతం యలమంచిలి సర్వేయర్‌ సత్యనారాయణ, డీఐవోఎస్‌ కె.వేణుగోపాల్‌ను అధికారులు విచారించి వారి స్టేట్‌మెంట్లను రికార్డు చేశారు. అదేవిధంగా ఈ ఏడాది మే 15న భీమిలి ఆర్డీఓ భాస్కర్‌రెడ్డి, సింహాచలం దేవస్థానం స్పెషల్‌ డిప్యూటీ కలెక్టర్‌, సర్వే అండ్‌ ల్యాండ్‌ రికార్డ్స్‌ ఏడీ, ఇతర అధికారులతో కలిసి జేసీ కేఎస్‌ విశ్వనాథన్‌ స్వయంగా ఆ భూమిని పరిశీలించి విస్తుపోయారు. పిటిషన్‌ వేసిన వారి భూ పత్రాల్లో సదరు భూమి గోపాలపట్నం మండలం మాధవధారలో ఉంది. కానీ వారు చూపిస్తున్న భూమి, వారి డాక్యుమెంట్‌లో ఉన్న భూమికి ఎలాంటి సంబంధం లేదని స్పష్టమైంది. దీని ప్రకారం సర్వే నెంబర్‌ 275లో ఉన్న భూమి సింహాచలం దేవస్థానం ఆధీనంలో ఉందని గుర్తించారు. ఆ భూమిలోనే పొజిషన్‌లో ఉన్నట్లు సర్వేయర్లు ఇచ్చిన నివేదిక తప్పు అని బట్టబయలైంది. ఈ కేసులో ప్రమేయం ఉన్న సర్వే ఏడీ విజయ్‌కుమార్‌, డీఐవోఎస్‌ వేణుగోపాల్‌, ముగ్గురు సర్వేయర్లపై క్రమశిక్షణ చర్యలకు జాయింట్‌ కలెక్టర్‌ ఆదేశాలు జారీ చేశారు. ఆ భూమిని సింహాచలం దేవస్థానానికి అప్పగించినట్లు ఆయన తెలిపారు.

సాక్షి, కృష్ణా: కాబోయే కలెక్టర్‌.. కాబోయే ఎస్పీల వివాహం నిరాడంబరంగా జరిగింది. అదీ రిజిస్టర్‌ మ్యారేజ్‌గా సింపుల్‌గా దండలు మార్చుకున్నారు. కృష్ణా జిల్లా జాయింట్‌ కలెక్టర్‌ అయిన అపరాజిత సింగ్‌, ట్రైనీ ఐపీఎస్‌ దేవేంద్ర కుమార్‌ను రిజిస్టర్‌ మ్యారేజ్‌ చేసుకున్నారు. మచిలీపట్నం కలెక్టరేట్‌లోని ఛాంబర్‌ వీళ్ల వివాహానికి వేదిక అయ్యింది. వీళ్లిద్దరిదీ రాజస్థాన్‌ కావడం గమనార్హం. ఈ కొత్త జంటకు కలెక్టర్‌ రాజాబాబు, కలెక్టరేట్‌ సిబ్బంది అభినందనలు తెలియజేశారు. వివాహం తర్వాత కొత్త జంట గుడ్లవల్లేరు వేమవరంలోని శ్రీకొండాలమ్మ ఆలయాన్ని దర్శించారు. ఇదిలా ఉండగా..  దేవేంద్ర కుమార్‌ ప్రస్తుతం హైదరాబాద్‌ పోలీస్‌ అకాడమీలో ఐపీఎస్‌ శిక్షణలో ఉన్నారు.  

 అనకాపల్లి: అమ్మా.. ఎలా ఉన్నారు? మీవారు ఇంటికి సక్రమంగా వస్తున్నారా.. మిమ్మల్ని బాగా చూసుకుంటున్నారా.. అంటూ జాయింట్‌ కలెక్టర్‌ కల్పనాకుమారి పలకరించారు. మద్యం వ్యసనం మాన్పించేందుకు జేసీ ‘విముక్తి’ అనే ప్రాజెక్టును మునగపాక మండలంలో ప్రయోగాత్మకంగా చేపట్టిన విషయం తెలిసిందే. ఇందులో భాగంగా మద్యం విడిచిపెట్టిన ఇద్దరు వ్యక్తులు పాటిపల్లి గ్రామంలో ఉన్నారు. భూముల రీసర్వే సమీక్ష కోసం మంగళవారం మండలానికి వచ్చిన జేసీ.. పాటిపల్లిలో ఆ ఇద్దరు వ్యక్తుల ఇంటికి వెళ్లి, వారి కుటుంబ సభ్యులతో మాట్లాడారు. మద్యం మానేశాక వారి ఇంటి పెద్దలో వచ్చిన మార్పు, ఇప్పటికీ అదే పరివర్తన కొనసాగుతోందా.. తదితర వివరాలను అడిగి తెలుసుకున్నారు. పిల్లల్ని పలకరించారు. వారి యోగక్షేమాలు అడిగి తెలుసుకున్నారు. వారింట్లో ఫొటో ఆల్బమ్‌ చూస్తూ పాత జ్ఞాపకాల గురించి వారితో ముచ్చటించారు. ‘విముక్తి’ పైలట్‌ ప్రాజెక్టు విజయవంతానికి కృషి చేసిన ఏఎన్‌ఎం సుజాతను ఈ సందర్భంగా జేసీ అభినందించారు. ఓ పెద్ద కూతురిలా తమ ఇంటికి వచ్చి అంత పెద్ద ఐఏఎస్‌ అధికారి తమ మంచి చెడ్డలను వాకబు చేయడంతో ఆ ఇంటివారు ఆనందంతో ఉబ్బితబ్బిబ్బయ్యారు.

అనంతపురం: సోములదొడ్డి వద్దనున్న నారాయణ జూనియర్‌ కళాశాలను జిల్లా పర్యవేక్షణ కమిటీ (డి స్ట్రిక్ట్‌ మానిటరింగ్‌ అండ్‌ సూపర్‌వైజింగ్‌ కమిటీ) చైర్మన్‌ జాయింట్‌ కలెక్టర్‌ కేతన్‌గార్గ్‌ ఆధ్వర్యంలో సభ్యులు బుధవారం ఆకస్మికంగా తనిఖీ చేశారు. నాసికరమైన భోజనం అందిస్తున్నారని, చదువులో వెనుకబడిన వారిపై భౌతికదాడులకు పాల్పడుతున్నారని, వార్డెన్‌ ప్రవర్తన తీరు బాగోలేదని విద్యార్థులు కమిటీ దృష్టికి తెచ్చారు. నిర్దేశిత ఫీజులకు మించి వసూలు చేయడమే కాకుండా నాసిరకమైన భోజనం పెడుతూ.. విద్యార్థులపై అకృత్యాలకు పాల్పడతారా అంటూ సిబ్బందిపై జాయింట్‌ కలెక్టర్‌ ఆగ్రహం వ్యక్తం చేశారు. బోర్డు నిబంధనలకు విరుద్ధంగా వ్యవహరిస్తున్న నారాయణ కళాశాలకు రూ.5 లక్షల జరిమానా విధించారు. కార్యక్రమంలో డీఎంఎస్‌ఎసీ కన్వీనర్‌ వెంకటరమణ నాయక్, ఆర్‌ఐఓ డాక్టర్‌ సురేష్‌బాబు, సైకియాట్రిస్ట్‌ డాక్టర్‌ రవికుమార్, ఫుడ్‌ ఇన్‌స్పెక్టర్లు పాల్గొన్నారు. చదవండి: టీడీపీ నేత అయ్యన్నపాత్రుడు అరెస్ట్‌    

కర్నూలు (సెంట్రల్‌): ప్రభుత్వ పోర్టల్‌ ద్వారానే సినిమా టిక్కెట్లను ఆన్‌లైన్‌లో విక్రయించాలని జాయింట్‌ కలెక్టర్‌ రామసుందర్‌రెడ్డి థియేటర్ల యజమానులను ఆదేశించారు. బుధవారం కలెక్టరేట్‌లోని కాన్ఫరెన్స్‌ హాలులో ఆయన డీఆర్వో ఎస్వీ నాగేశ్వరరావు, ఆర్‌డీఓలతో కలసి థియేటర్ల యజమానులతో సమావేశమయ్యారు.  ఈ సందర్భంగా ఆయన మాట్లాడుతూ జీఓ నంబర్‌ 69 ప్రకారం సినిమా టిక్కెట్లను ప్రభుత్వ పోర్టల్‌ ద్వారానే విక్రయించాలన్నారు. సినిమా ప్రదర్శన కంటే ఏడు రోజుల ముందు టిక్కెట్లను విక్రయించరాదన్నారు. బుక్‌ చేసుకున్న టిక్కెట్‌ను వినియోగదారుడు నాలుగు గంటల ముందు రద్దు చేసుకుంటే జీఎస్టీ, సర్వీసు చార్జీలను మినహాయించి మిగిలిన మొత్తాన్ని వారి ఖాతాలకు జమ చేయాలన్నారు. కార్యక్రమంలో పత్తికొండ, ఆదోని, కర్నూలు ఆర్‌డీఓలు మోహన్‌దాస్, రామకృష్ణారెడ్డి, హరిప్రసాద్‌ పాల్గొన్నారు. (క్లిక్‌: టెన్త్‌ విద్యార్థులకు తీపి కబురు)

కాకినాడ సిటీ: కలెక్టరు కృతికాశుక్లా, జేసీ ఇలక్కియ పెద్ద మనసు చాటుకున్నారు. కోవిడ్‌తో అనాథలైన చిన్నారుల్లో తలో బిడ్డ బాధ్యతను స్వీకరించేందుకు ముందుకు వచ్చారు. వారికి సంబంధించిన అన్ని విషయాలు ఇకపై వీరు చూస్తారు. మిగిలిన అధికారులు కూడా చొరవ తీసుకుని తలో చిన్నారి దత్తత బాధ్యతలను తీసుకోవాలని కలెక్టర్‌ కృతికా శుక్లా కోరారు. సోమవారం కలెక్టరేట్‌ స్పందన హాలులో స్పందన అధికారులతో ఆమె సమీక్ష నిర్వహించారు. ఈ సందర్భంగా మాట్లాడుతూ జిల్లాలో కోవిడ్‌–19 కారణంగా 23 మంది చిన్నారులు అనాథలయ్యారన్నారు. చదవండి: నా శవాన్ని ముందుబెట్టి.. చంద్రబాబు ఓట్లు అడుక్కుంటాడేమో! వీరి విషయంలో  జిల్లా స్థాయి మహిళా అధికారులు ఆలన, పాలన పరంగా చొరవ చూపాలని కలెక్టర్‌ కోరారు. మాతృత్వ భావనతో చిన్నారులు మహిళ అధికారులకు చేరువ అవుతారనే ఉద్దేశంతో తాము దత్తత బాధ్యత తీసుకున్నట్టు కలెక్టర్‌ తెలిపారు. పురుష జిల్లా అధికారులు కూడా ఔదార్యంతో పిల్లల సంక్షేమానికి తమ వంతు సేవలను అందించవచ్చన్నారు. విభిన్న ప్రతిభావంతుల సంక్షేమం కోసం 44 ల్యాప్‌టాప్‌లు, 19 స్మార్ట్‌ టచ్‌ ఫోన్‌లు, 300 హియరింగ్‌ ఎయిడ్‌లు, 40 కాలిపర్స్‌ పరికరాలు జిల్లా విభాగానికి కేటాయించామన్నారు. వీటికి అర్హులైన దివ్యాంగులు సద్వినియోగం చేసుకునేలా అధికారులు చర్యలు చేపట్టి ఆన్‌లైన్‌ దరఖాస్తు చేయించాలని ఆదేశించారు. సోమవారం స్పందన కార్యక్రమంలో ముగ్గురు బధిరులకు స్మార్ట్‌ టచ్‌ ఫోన్లను, ఒక దివ్యాంగుడికి మూడు చక్రాల సైకిల్‌ను జిల్లా కలెక్టర్‌ పంపిణీ చేశారు. స్పందనలో 237 అర్జీలు అధికారులకు అందాయి.

సాక్షి, అమరావతి: టికెట్‌ ధరలు, సర్వీసు చార్జీలను లైసెన్సింగ్‌ అథారిటీ (జాయింట్‌ కలెక్టర్‌) మాత్రమే నిర్ణయించగలదని, ప్రభుత్వం కాదని హైకోర్టు పేర్కొంది. టికెట్‌ ధరలు, సర్వీసు చార్జీల విషయంలో ప్రభుత్వం తన అభిప్రాయాలను తెలియచేయగలదని, నిర్ణయం తీసుకోవాల్సింది లైసెన్సింగ్‌ అథారిటీనేనని స్పష్టం చేసింది. ఆన్‌లైన్‌ టికెట్ల విక్రయం సందర్భంగా సినిమా థియేటర్లు ప్రేక్షకులకు విధించే సర్వీసు చార్జీని టిక్కెట్‌ ధరలో కలపడానికి వీల్లేదని పేర్కొంది. సర్వీసు చార్జీ విధింపు నిధుల మళ్లింపునకు దారితీయదని తెలిపింది. ఆన్‌లైన్‌ టికెట్ల విక్రయ ప్రక్రియ రికార్డవుతుందని, అందువల్ల నిధుల దుర్వినియోగం, మళ్లింపు రిస్క్‌ ఉండదని పేర్కొంది. ఆన్‌లైన్‌ ద్వారా విక్రయించే టికెట్‌ మొత్తం ధరలో సర్వీసు చార్జీని కలపడాన్ని తప్పుబట్టింది. పాత విధానంలోనే ఆన్‌లైన్‌ టికెట్లను విక్రయించుకోవచ్చునని, ఆన్‌లైన్‌ ద్వారా టికెట్‌ కొనుగోలు చేసే ప్రేక్షకుడిపై సర్వీసు చార్జీ భారం మోపవచ్చని తెలిపింది. ఈ వ్యవహారంలో పూర్తి వివరాలతో కౌంటర్‌ దాఖలు చేయాలని ప్రభుత్వాన్ని ఆదేశించింది. తదుపరి విచారణను జూన్‌ 15కి వాయిదా వేసింది. ఈ మేరకు న్యాయమూర్తి జస్టిస్‌ డి.వి.ఎస్‌.ఎస్‌.సోమయాజులు బుధవారం మధ్యంతర ఉత్తర్వులు జారీచేశారు. రాష్ట్రంలోని సినిమా థియేటర్లలో టికెట్‌ ధరలను ఖరారు చేస్తూ జారీచేసిన జీవోను, సర్వీసు చార్జీని కూడా కలిపి ఆన్‌లైన్‌ టికెట్‌ ధరను నిర్ణయించడాన్ని వ్యతిరేకిస్తూ మల్టీప్లెక్స్‌ అసోసియేషన్‌ ఆఫ్‌ ఇండియా హైకోర్టులో పిటిషన్‌ దాఖలు చేసింది. క్యూలో నిలబడి టికెట్‌ కొనుగోలు చేసే అవసరం లేకుండా, ఆన్‌లైన్‌ ద్వారా టికెట్‌ కొనుగోలు చేసే ‘ప్రత్యేక సౌకర్యం’ ప్రేక్షకులకు కల్పిస్తున్నామని, ఇందుకు తాము వసూలుచేసే సర్వీసు చార్జీని టికెట్‌ ధరలో కలపడానికి వీల్లేదని అసోసియేషన్‌ వాదించింది. ఈ వ్యాజ్యంపై గత వారం వాదనలు విన్న న్యాయమూర్తి జస్టిస్‌ సోమయాజులు మల్టీప్లెక్స్‌ అసోసియేషన్‌ ఆఫ్‌ ఇండియా కోరిన విధంగా బుధవారం మధ్యంతర ఉత్తర్వులు జారీ చేశారు. మల్టీప్లెక్స్‌ థియేటర్లను సంప్రదించలేదు ‘సినిమా థియేటర్లలో టిక్కెట్‌ ధరలను నిర్ణయించేందుకు ప్రభుత్వం ఏర్పాటు చేసిన కమిటీలో మల్టీప్లెక్స్‌ థియేటర్లు భాగం కాదు. ఆ కమిటీ కూడా టికెట్‌ ధరలు నిర్ణయించే సమయంలో ఈ మల్టీప్లెక్స్‌ థియేటర్లను సంప్రదించలేదు. వారిని సంప్రదించినట్లుగానీ, వారి అభ్యంతరాలు స్వీకరించినట్లుగానీ చూపేందుకు ఎలాంటి డాక్యుమెంట్‌ను ఈ కోర్టు ముందుంచలేదు. ఈ కోర్టు ప్రాథమిక అభిప్రాయం ప్రకారం ఆన్‌లైన్‌ బుకింగ్‌ సౌకర్యం కల్పించినందుకు సినిమా థియేటర్లు ప్రేక్షకుడిపై విధించే సర్వీసు చార్జీని టికెట్‌ మొత్తం ధరలో కలపడానికి వీల్లేదు. సినిమా హాలులో ప్రవేశానికి చెల్లించే ధరే.. అసలు టికెట్‌ ధర. ఆన్‌లైన్‌ బుకింగ్‌ సౌకర్యం ఉపయోగించుకున్నందుకు విధించే చార్జీలను అసలు టికెట్‌ ధరగా పరిగణించడానికి వీల్లేదు. టికెట్‌ ధరలను నిర్ణయించే అధికారాన్ని కూడా పిటిషనర్‌ ప్రశ్నించారు. జీవో 69 ప్రకారం టికెట్‌ ధరలను నిర్ణయించాల్సింది లైసెన్సింగ్‌ అథారిటీయే తప్ప ప్రభుత్వం కాదు. గతంలో హైకోర్టు సింగిల్‌ జడ్జి ఇదే విషయాన్ని స్పష్టం చేశారు. ప్రభుత్వం ఎప్పటికప్పుడు ఇచ్చే ఆదేశాల ప్రకారం లైసెన్సింగ్‌ అథారిటీ టికెట్‌ ధరలను నిర్ణయిస్తుంది. ఈ విషయంపై లోతుగా విచారణ జరపాలి..’ అని న్యాయమూర్తి తన ఉత్తర్వుల్లో పేర్కొన్నారు.   

సాక్షి, అమరావతి: పరిపాలనా సౌలభ్యంలో భాగంగా కొత్తగా ఏర్పాటు చేస్తున్న 13 జిల్లాలతో కలిపి మొత్తం 26 జిల్లాలకు కలెక్టర్లు, జాయింట్‌ కలెక్టర్లను రాష్ట్ర ప్రభుత్వం నియమించింది. ఈ నెల 4వ తేదీ నుంచి ఆయా జిల్లాల్లో వారు బాధ్యతలు నిర్వర్తిస్తారు.   

సాక్షి, అమరావతి: లైసెన్స్‌ లేదన్న కారణంతో సినిమా థియేటర్‌ను జప్తు చేసే అధికారం తహసీల్దార్‌కు లేదని హైకోర్టు తేల్చిచెప్పింది. ఏపీ సినిమా (నియంత్రణ) రూల్స్‌ 1970 ప్రకారం.. లైసెన్స్‌ జారీ చేసే అధికారి మాత్రమే సినిమా థియేటర్‌ను జప్తు చేయగలరని స్పష్టం చేసింది. ఈ రూల్స్‌ ప్రకారం లైసెన్స్‌ జారీ అధికారి జాయింట్‌ కలెక్టర్‌ (జేసీ) అవుతారని తెలిపింది. అందువల్ల జేసీకి మాత్రమే సినిమా థియేటర్‌ను మూసివేసే అధికారం ఉందని పేర్కొంది. శ్రీకాకుళం జిల్లా సోంపేటలో శ్రీనివాస మహల్‌ లైసెన్స్‌ పునరుద్ధరణ కాలేదని తహసీల్దార్‌ దాన్ని జప్తు చేయడాన్ని హైకోర్టు తప్పుపట్టింది. టెక్కలి సబ్‌ కలెక్టర్‌ ఆదేశాల మేరకు థియేటర్‌ను జప్తు చేస్తున్నట్లు తహసీల్దార్‌ చెప్పడాన్ని కూడా ఖండించింది. జప్తు చేసిన థియేటర్‌ను తెరవాలని తహసీల్దార్‌ను ఆదేశించింది. లైసెన్స్‌ పునరుద్ధరణ అంశం లైసెన్స్‌ జారీ అధికారి ముందు పెండింగ్‌లో ఉన్న నేపథ్యంలో ఈ థియేటర్‌లో సినిమాలు ప్రదర్శించుకోవచ్చని థియేటర్‌ యాజమాన్యానికి అనుమతినిచ్చింది. ఈ మేరకు న్యాయమూర్తి జస్టిస్‌ చీకటి మానవేంద్రనాథ్‌ రాయ్‌ ఇటీవల ఉత్తర్వులు జారీ చేశారు. లైసెన్స్‌ లేదన్న కారణంతో తమ థియేటర్‌ను తహసీల్దార్‌ జప్తు చేయడాన్ని సవాల్‌ చేస్తూ శ్రీనివాస మహల్‌ మేనేజింగ్‌ పార్టనర్‌ సనపాల శంకరరావు హైకోర్టులో పిటిషన్‌ దాఖలు చేసిన సంగతి తెలిసిందే. 

సాక్షి, అనంతపురం: ‘జీతం మాత్రం చక్కగా తీసుకుంటున్నారు...బాధ్యత మాత్రం విస్మరిస్తున్నా రు. ఉన్నతాధికారుల నుంచి వచ్చిన అదేశాలు అమలు చేయాల్సిన బాధ్యత లేదా..? పనిచేయడం చేతకాకపోతే ఇళ్లకు వెళ్లిపోండి.’ అని జాయింట్‌ కలెక్టర్‌ అట్టాడ సిరి చెన్నేకొత్తపల్లి, వెంకటాంపల్లి పంచాయతీ కార్యదర్శులు అరుణ్‌ పాండే, యల్లప్పలపై ఆగ్రహం వ్యక్తం చేశారు. బుధవారం ఆమె మండలంలోని వెంకటాంపల్లి, చెన్నేకొత్తపల్లి, ఓబుళంపల్లి గ్రామాల్లోని సచివాలయాలను ఆకస్మికంగా తనిఖీ చేశారు. ఈ సందర్భంగా ఆమె వెంకటాంపల్లి, చెన్నేకొత్తపల్లి గ్రామాల్లోని చెత్త నుంచి సంపద తయారీ కేంద్రాలను సందర్శించారు. అవి మరీ అధ్వానంగా ఉండటంతో సంబంధిత పంచాయతీ కార్యదర్శుల కు మెమోలు జారీ చేయాలని ఎంపీడీఓను ఆదేశించారు. అనంతరం వెంకటాంపల్లి ప్రాథమిక పాఠశాలకు వెళ్లి మధ్యాహ్న భోజనాన్ని రుచి చూశారు. భోజనం సరిగా లేకపోవడంతో వెంటనే ఏజెన్సీ మార్చాలని ఎంఈఓ మల్లికార్జునకు సూచించారు. కార్యక్రమంలో స్థానిక సర్పంచులు జయరామిరెడ్డి, చెన్నారెడ్డి పాల్గొన్నారు. అనంతరం జేసీ సిరి కనగానపల్లి మండలంలోని మామిళ్లపల్లిలో పర్యటించి జలకళ పథకం ద్వారా రైతుల పొలాల్లో వేసిన బోరుబావులను పరిశీలించారు. చదవండి: అందరికీ సంక్షేమ ఫలాలు.. ప్రొద్దుటూరు బహిరంగ సభలో సీఎం జగన్‌ అధికారులు అందజేసిన నివేదికలోని కొలతల ప్రకారం బోరుబావి ఉందా? లేదా ? తెలుసుకునేందుకు పరమేశ్వరరెడ్డి పొలంలోని బోరుబావి లోతును కొలిపించారు. అనంతరం అధికారులు, రైతులతో జేసీ మాట్లాడుతూ ‘వైఎస్సార్‌ జలకళ’ పథకం మెట్ట ప్రాంత రైతులకు ఎంతో ఉపయోగకరంగా ఉంటుందన్నారు. బోర్లు తవ్వడం, విద్యుత్‌ సరఫరా పనులు త్వరగా పూర్తి చేయాలని అధికారులను ఆదేశించారు. జేసీ వెంట ఏపీడీ పుల్లారెడ్డి, ఆర్‌డబ్ల్యూఎస్‌ అధికారులు, ఉపాధిహామీ సిబ్బంది, రైతులు ఉన్నారు.   చదవండి: ఎమ్మెల్యే మద్దాల గిరి కుమారుని వివాహానికి హాజరైన సీఎం జగన్‌

సాక్షి, కరీంనగర్‌: సోషల్‌ మీడియాలో సెన్సెషన్ క్రియేట్‌ చేసిన బుల్లెట్‌ బండి పాట మళ్లీ వైరల్‌ అవుతోంది. బుల్లెట్ బండి పాటకు ఇప్పుడు చాలా క్రేజ్ ఉన్న విషయం తెలిసిందే. బుల్లెట్ బండి పాట విడుదల అయ్యినప్పటి నుంచి పెళ్లిళ్లు, ఫంక్షన్స్ ఆ పాట లేకుండా ఉండటం లేదంటే అతిశయోక్తి కాదు. ఈ పాటకు పిల్లలు, పెద్దలు, నవ దంపతులు అంతా స్టెప్పులు వేస్తూ ఆడిపాడుతూ ఎంజాయ్ చేస్తున్నారు. అయితే తాజాగా బుల్లెట్ బండి పాటపై జాయింట్ కలెక్టర్ దంపతులు స్టెప్పులు వేశారు. వివరాలు.. కరీంనగర్ జాయింట్ కలెక్టర్ శ్యామ్ ప్రసాద్ బర్త్ డే వేడుకలు ఆదివారం ఘనంగా జరిగాయి. సెలవు రోజు కావడంతో బంధువులు ఫ్రెండ్స్‌తో బర్త్‌డే జరుపుకున్నారు. ఈ కార్యక్రమంలో జాయింట్ కలెక్టర్‌ దంపతులు బుల్లెట్ బండి పాటకి స్టెప్పులు వేసి బంధువులకి ఉత్సాహన్ని  కలిగించారు. దీంతో మళ్లీ బుల్లెట్‌ బండిపాట సోషల్‌ మీడియాలో వైరల్‌గా అవుతోంది.

సాక్షి, ఇంద్రకీలాద్రి (విజయవాడ పశ్చిమ): ‘మీరు ఎవరో నాకు తెలియదు. పాస్‌ ఉంటే చూపించండి. కొండపైకి పంపుతా’ అంటూ జాయింట్‌ కలెక్టర్‌ శివశంకర్‌ కారును ఎస్‌ఐ, సీఐ అడ్డగించిన ఘటన శుక్రవారం ఇంద్రకీలాద్రి టోల్‌గేట్‌ వద్ద చోటు చేసుకుంది. దసరా పనుల ఇన్‌చార్జిగా వ్యవహరిస్తున్న జాయింట్‌ కలెక్టర్‌ శివశంకర్‌ శుక్రవారం మధ్యాహ్నం తన కారులో కొండపైకి బయలుదేరారు. టోల్‌గేట్‌ వద్ద జేసీ కారును అక్కడ బాధ్యతలు నిర్వహిస్తున్న ఎస్‌ఐ బి.శంకర్రావు అడ్డుకుని పాస్‌ చూపించాలని కోరారు. తాను జేసీనని చెప్పినా వినకపోవడంతో అక్కడే ఉన్న సీఐ ఎస్‌.ఎస్‌.వి.నాగరాజు వద్దకు వెళ్లి తన కారునే ఆపుతారా అని ప్రశ్నించారు. పాస్‌ ఉంటేనే కారును కొండపైకి పంపుతానని సీఐ చెప్పడంతో ఇద్దరి మధ్య వాదన జరిగింది. దీంతో జేసీ శివశంకర్‌ వెంటనే నగర పోలీస్‌ కమిషనర్‌ బత్తిన శ్రీనివాసులుకు ఫోన్‌ ద్వారా ఫిర్యాదు చేశారు. ఇటువంటి ఘటనలు పునరావృతం కాకుండా చూస్తానని సీపీ శ్రీనివాసులు మీడియా ముఖంగా వెల్లడించారు.   చదవండి: (డ్రగ్స్‌ డాన్‌.. కుల్దీప్‌ సింగ్‌) పోలీసుల తీరుపై సీరియస్‌  సీఐ, ఎస్‌ఐ తీరుపై జేసీ శివశంకర్‌ సీరియస్‌ అయ్యారు. పోలీసుల తీరుకు నిరసనగా ఘాట్‌రోడ్డు నుంచి కొండపైకి నడిచి వెళ్లారు. మార్గమ ధ్యలో ఏర్పాట్లను పర్యవేక్షించారు. ప్రొటోకాల్‌పై కలెక్టర్‌ సీరియస్‌  వన్‌టౌన్‌ (విజయవాడ పశ్చిమ): దసరా ఉత్సవాల్లో అధికారుల ప్రొటోకాల్‌ వ్యవహరంపై కలెక్టర్‌ జె.నివాస్‌ సీరియస్‌ అయ్యారు. కలెక్టర్‌ దసరా ఉత్సవాల ఏర్పాట్లను పరిశీలించేందుకు శుక్రవారం రాత్రి ఇంద్రకీలాద్రిపైకి చేరుకొని ఆయా పరిసరాలను కలెక్టర్‌ పరిశీలించారు. ఘాట్‌రోడ్డులో జాయింట్‌ కలెక్టర్‌ను పోలీసులు అడ్డుకోవడంపై అధికారులను కలెక్టర్‌ మందలించారు. ఉత్సవాలు సవ్యంగా, విజయవంతంగా జరిగేందుకు అందరూ సహకరించాలని సూచించారు.  

సాక్షి, అనంతపురం: ప్రైవేట్ ఆస్పత్రులో దోపిడీపై జాయింట్‌ కలెక్టర్ సిరి ఆగ్రహం వ్యక్తం చేశారు. రోగుల నుంచి అధిక ఫీజులు వసూలు చేసిన ఆస్పత్రులపై చర్యలు తీసుకున్నారు. హర్షిత ఆస్పత్రికి రూ.20 లక్షలు, చంద్ర ఆస్పత్రికి రూ.9 లక్షలు జరిమానా విధించారు. 14 ఆస్పత్రులకు రూ.39 లక్షలు జరిమానా విధించారు. ప్రైవేట్ ఆస్పత్రులు ప్రభుత్వం ఆదేశాలు పాటించాల్సిందేనని కలెక్టర్ స్పష్టం చేశారు. పదేపదే అధిక ఫీజులు వసూలు చేసినట్లు తేలితే క్రిమినల్ కేసులు నమోదు చేస్తామని జేసీ హెచ్చరించారు. చదవండి: ఏపీ ఉత్పత్తులకు అంతర్జాతీయ బ్రాండింగ్‌ ట్విన్‌ బ్రదర్స్‌... ఒక్కొక్కరికి రూ. 50 లక్షలు

రాజానగరం: వ్యవసాయం అంటే మనిషికి, మట్టికి మధ్య ఉండే ఒక అందమైన బంధం. ఇది అర్థమయ్యేది ఒక్క రైతుకు.. వారి గురించి ఆలోచించే కొద్దిమందికి మాత్రమే. పండించే వాళ్లు తగ్గిపోయి.. తినేవాళ్లు నానాటికీ పెరిగిపోతున్న కాలంలో.. ఆశలన్నీ కొడిగట్టిపోతున్న రైతుల బతుకులకు ఇం‘ధనం’ అందించి.. వారి కష్టాలను అర్థం చేసుకుని.. అన్నివిధాలా ప్రోత్సహిస్తోంది రాష్ట్ర ప్రభుత్వం. ‘రైతు అంటే సింపతీ కాదు.. రెస్పెక్ట్‌’ అని నిరూపిస్తోంది. ఇందుకు అనుగుణంగానే అధికార యంత్రాంగం కూడా కదులుతోంది. ప్రస్తుతం తొలకరి వర్షాలు కురుస్తూండటంతో అన్నదాతలు ఖరీఫ్‌ సాగుబడికి సమాయత్తమవుతున్నారు. రాజానగరం మండలం ముక్కినాడలో శుక్రవారం సంప్రదాయబద్ధంగా ఏరువాక నిర్వహించారు. ఈ కార్యక్రమంలో పాల్గొన్న జాయింట్‌ కలెక్టర్‌ (రెవెన్యూ) జి.లక్ష్మీశ.. పొలం దున్నుతున్న రైతులతో చేయి కలిపారు. మేడి పట్టి కాసేపు.. తరువాత ట్రాక్టర్‌తోను మడి దున్నారు. ఆరుగాలం చెమట చిందిస్తూ, ప్రజల ఆకలి తీర్చేందుకు అవసరమైన తిండిగింజలు పండిస్తున్న రైతులే దేశానికి నిజమైన వెన్నెముక అని ఈ సందర్భంగా అన్నారు.  

సాక్షి,  తూర్పు గోదావరి:  ప్రభుత్వ నిబంధనలను పాటించని ఇనోదయ ఆస్పత్రిపై జాయింట్ కలెక్టర్ కీర్తి చేకూరి చర్యలు తీసుకున్నారు. ఇటీవల పెద్దాపురానికి చెందిన కరోనా రోగి నుంచి ఆరోగ్యశ్రీ పథకం ద్వారా వైద్యం చేస్తూ రూ.4.50 లక్షలను ఆస్పత్రి సిబ్బంది వసూలు చేశారు. ఈ క్రమంలో ఆస్పత్రి యాజమాన్యంపై సర్పవరం పీఎస్‌లో క్రిమినల్ కేసులు నమోదయ్యింది. ఆస్పత్రిపై శుక్రవారం జాయింట్ కలెక్టర్ కీర్తి చేకూరి చర్యలు తీసుకున్నారు. ఇందులో భాగంగా ఇనోదయ ఆస్పత్రిని డీ నోటిఫై చేశారు. ఈ నేపథ్యంలో ఇక నుంచి ఆస్పత్రిలో కరోనా చికిత్సలు నిలిపివేయనున్నారు. దీంతో పాటు ఆస్పత్రికి రూ.15-20 లక్షల జరిమానా కూడా విధించారు. ఆస్పత్రి యాజమాన్యంకు సహకరించిన ఆరోపణలపై ఆరోగ్య మిత్ర నాగమణిని విధుల నుంచి తొలగించినట్లు జాయింట్‌ కలెక్టర్‌ తెలిపారు. చదవండి: ఆరోగ్యశ్రీలో ఉచితం.. మిగిలిన వారికి ప్రభుత్వ ధరలే

సాక్షి,  తూర్పు గోదావరి: బొండాల రకం ధాన్యం పండించిన రైతులు దళారుల మాటలు నమ్మొద్దని జిల్లా జాయింట్‌ కలెక్టర్‌ లక్ష్మీ తెలిపారు. దళారుల మాటలు నమ్మి పంటను విక్రయించొద్దని రైతులకు సూచించారు. తూర్పు గోదావరి జిల్లాలో 4 లక్షల మెట్రిక్ టన్నుల బొండాల రకం ధాన్యం పండిందని తెలిపారు. ఇందులో 95 శాతం పంటను కొనుగోలు చేసేందుకు ప్రభుత్వం చర్యలు చేపట్టిందని పేర్కొన్నారు. బొండాల రకం ధాన్యాన్ని క్వింటా రూ.1868 చొప్పున.. 75 కేజీలు రూ.1,401గా ప్రభుత్వం మద్దతు ధర ప్రకటించిందని గుర్తుచేశారు. రైతులకు సమస్యలుంటే కమాండ్ కంట్రోల్ నంబరు: 88866 13611కు ఫోన్‌ చేయాలని పేర్కొన్నారు. రైతుభరోసా, ధాన్యం కొనుగోలు కేంద్రాల ద్వారా సేకరణ చేపడుతున్నామని కలెక్టర్‌ తెలిపారు. చదవండి: Kharif Crop: ఖరీఫ్‌కు రెడీ

తిరుపతి మున్సిపల్‌ కార్పొరేషన్‌ కమిషనర్‌గా పీఎస్‌ గిరీషా సమర్థవంతంగా విధులు నిర్వర్తిస్తున్నారు. స్వచ్ఛ సర్వేక్షణ్‌లో నగరాన్ని అగ్రస్థానంలో నిలిపేందుకు విశేషంగా కృషి చేశారు. లాక్‌డౌన్‌ సమయంలో కరోనా కట్టడికి ఆదర్శవంతంగా చర్యలు చేపట్టారు. ప్రభుత్వ పథకాలను ప్రజలకు చేరువ చేయడంలో సఫలీకృతులయ్యారు. బాధ్యతలు చేపట్టి నేటితో ఏడాది పూర్తి చేసుకున్న సందర్భంగా ఆయన ‘సాక్షి’తో ప్రత్యేకంగా ముచ్చటించారు. – తిరుపతి తుడా  కోవిడ్‌ ఉపద్రవాన్ని ఎలా ఎదుర్కొన్నారు..?  సంక్షేమం, అభివృద్ధిపై దృష్టి సారించి ఆ దిశగా పరుగులు పెట్టే సమయంలో కరోనా ఉపద్రవంగా వచ్చిపడింది. సుమారు 3నెలల పాటు మరో పనిలేకుండా చేసింది. కరోనా కట్టడిలో తిరుపతి కార్పొరేషన్‌ రాష్ట్రంలోనే ఆదర్శంగా నిలిచింది. స్వచ్ఛ సర్వేలోనూ నగరం అగ్రస్థానంలో నిలవడం గర్వకారణం. విదేశాల నుంచి వచ్చిన వారి పట్ల అప్రమత్తంగా వ్యవహరించాం. వారి ఇళ్లకు రెడ్‌ నోటీసులు, చేతికి స్టాంప్‌ వేయడం వంటివి సత్ఫలితాలు ఇచ్చాయి. కూరగాయల మార్కెట్‌ను వికేంద్రీకరించి, తొమ్మిది ప్రాంతాల్లో ఏర్పాటు చేశాం. స్పెషల్‌ రాపిడ్‌ రెస్పాన్స్‌ టీమ్‌ల ద్వారా ప్రత్యేకంగా పారిశుద్ధ్య చర్యలు చేపట్టాం. హైపోక్లోరైట్‌ ద్రావణం పిచికారీ చేయడం, రెడ్‌ జోన్‌ల అమలు వంటి కీలక నిర్ణయాలు కరోనా కట్టిడికి దోహదపడ్డాయి. తిరుపతిలో నాలుగు లక్షలకుపైగా జనాభా ఉండగా లాక్‌ డౌన్‌ సమయంలో కేవలం తొమ్మిది పాజిటివ్‌ కేసులకే  కట్టడి చేశామంటే సమష్టి కృషితోనే సాధ్యమైంది.    అభివృద్ధిలో మీ మార్క్‌..?  కరోనా కట్టిడికి 3 నెలలు, వార్డు సచివాలయాల ఏర్పాటుకు మరో మూడు నెలలు సమయం గడిచిపోయింది. మిగిలిన ఆరు నెలల్లో అభివృద్ధికి సంబంధించి అనేక నిర్ణయాలు తీసుకుని వాటిని పరుగులు పెట్టించాం. పద్మావతి, ప్రకాశం పార్కులను అత్యంత సుందరంగా తీర్చిదిద్దాం. గరుడ వారధికి నిధులు సమకూర్చి పనులకు ఆటంకం లేకుండా చేశాం. అమృత్‌ స్కీమ్‌ ద్వారా 90 శాతం పనులు పూర్తి చేశాం. 15 ఓవర్‌ హెడ్‌ వాటర్‌ ట్యాంకుల నిర్మాణం పూర్తి చేశాం. సుమారు రూ.21 కోట్లతో వినాయక సాగర్‌కు అనుమతులు తీసుకుని పనులను ప్రారంభించాం. విలీన పంచాయతీల్లో రూ.16 కోట్లతో తాగునీటి సౌకర్యం, రోడ్లు, కాలువలు, యూడీఎస్‌ అందించేలా ప్రణాళికబద్ధంగా ముందుకు వెళుతున్నాం. డీబీఆర్, కరకంబాడి–రేణిగుంట రోడ్లను కలిపే చెన్నగుంట లింక్‌ మాస్టర్‌ ప్లాన్‌ను అమలు చేయడంతో కమిషనర్‌గా నా మార్కు కనిపించడం ఆనందంగా ఉంది. చదవండి: పలమనేరులో నువ్వా- నేనా..? ఇళ్ల పట్టాల పంపిణీపై..?  పట్టణాల్లో ఇళ్లు లేని ప్రజలకు బహుళ అంతస్తులు నిర్మించి ఇవ్వడం ఇప్పటి వరకు చూశాం. దేశ చరిత్రలో తొలిసారిగా రాష్ట్ర ప్రభుత్వం ప్రజలకు ఇళ్ల స్థలాలను ఇవ్వడం నిజంగా చారిత్రాత్మక నిర్ణయం. ఈ అపురూప ఘట్టం నా చేతుల మీదుగా జరుగుతుండడం జీవితంలో మరచిపోలేను. నగరంలో 23 వేల మంది అర్హులకు జూలై 8న ఇంటి పట్టాలు పంపిణీ చేస్తాం.  ఏడాది పాలన ఎలాఉంది...?  తిరుపతిలో పనిచేయడం అదృష్టంగా భావిస్తున్నా. ఇదివరకు జిల్లాలో జాయింట్‌ కలెక్టర్‌గా పనిచేసినా ఇప్పుడు తిరుపతి కార్పొరేషన్‌ కమిషనర్‌గా విధులు నిర్వర్తించడం ప్రత్యేకమనే చెప్పాలి. బాధ్యతలు చేపట్టిన ఏడాదిలో అనేక సవాళ్లను సమర్థవంతంగా ఎదుర్కొన్నాం. ప్రభుత్వం నిర్థేశించిన లక్ష్యాలను సకాలంలో అధిగమించాం. పథకాల అమలులో రాష్ట్రంలోనే తిరుపతి ముందుంది. ఏడాది పాలన విజయవంతంగా పూర్తిచేసుకోవడం సంతోషంగా ఉంది.  స్వచ్ఛ సర్వేక్షణ్‌ 2021 మొదలైందా..?  స్వచ్ఛ సర్వేక్షణ్‌ 2020ను విజయవంతంగా పూర్తిచేశాం. కరోనా కారణంగా ర్యాంకులను ఇప్పటి వరకు ప్రకటించకపోయినా గతంలో కంటే మెరుగైన స్థానంలో ఉంటామని ఆశిస్తున్నాం. సాలిడ్‌ వేస్టు మేనేజ్‌మెంట్‌లో దేశవ్యాప్తంగా ఏ నగరం కూడా మనకు సాటి రాదు.  సుమారు రూ. 40 కోట్లతో బయోమైనింగ్, తడి చెత్త ద్వారా దేశంలోనే అతిపెద్ద బయో గ్యాస్‌ ప్లాంట్, భవన వ్యర్థాల ద్వారా ఉత్పత్తులు, ఇలా చెత్త నిర్వహణ చేపట్టాం. ఇదే స్ఫూర్తితో 2021 పోటీలకు సన్నద్ధమయ్యాం.  మీకు చాలెంజింగ్‌గా అనిపించినవి ..?  ప్రజలకు సులభంగా.. తొందరగా.. అవినీతిరహితంగా సేవంలదించాలనే సంకల్పంతో వార్డు సచివాలయ వ్యవస్థను తీసుకొచ్చారు. బాధ్యతలు చేపట్టినప్పటి నుంచే మాకు ఇదో పెద్ద టాస్క్‌. ప్రభుత్వం నిర్ధేశించిన మేరకు గత ఏడాది జూలై లోపు నగరంలో 102 సచివాలయాలను ఏర్పాటు చేశాం. భవనాల ఎంపిక, మౌలిక వసతుల కల్పన సమస్యలను అధిగమించాం. రాష్ట్రంలోనే ఆదర్శవంతమైన సచివాలయాలను నగరంలో ఏర్పాటు చేయడం, ప్రజల ఇంటికే సంక్షేమ పథకాలను అందించడం,  సుమారు 3 వేల మంది వార్డు వలంటీర్లను ఎంపిక చేయడం, కరోనా కట్టడి వంటివి చాలెంజింగ్‌గా తీసుకుని పనిచేశాం. అర్జీలను పరిశీలిస్తున్న జాయింట్‌ కలెక్టర్‌ మార్కండేయులు (ఫైల్‌)  సేవలో విలక్షణ శైలి అంచెలంచెలుగా ఎదిగి ఐఏఎస్‌ అధికారి స్థాయికి చేరుకున్నారు. జిల్లా జాయింట్‌ కలెక్టర్‌గా రెవెన్యూ పాలనలో తన మార్క్‌ వేస్తున్నారు. భూ బకాసురులపై కొరడా ఝళిపిస్తున్నారు. అన్యాక్రాంతమైన ప్రభుత్వ భూముల స్వా«దీనానికి చర్యలు చేపట్టారు.  పేదలకు ఇంటి పట్టాలు పంపిణీ చేసేందుకు కసరత్తు చేస్తున్నారు. సంక్షేమ పథకాల అమలులో ప్రజల ప్రశంసలు అందుకున్నారు. బాధ్యతలు చేపట్టి నేటితో ఏడాది పూర్తి చేసుకుంటున్న జేసీ (రెవెన్యూ) డి.మార్కండేయులుపై ప్రత్యేక కథనం.  – చిత్తూరు కలెక్టరేట్‌  జిల్లా పాలనలో తనదైన మార్క్‌ వేసుకున్నారు జాయింట్‌ కలెక్టర్‌ (రెవెన్యూ) డి.మార్కండేయులు. సమస్యల పరిష్కారానికి ప్రత్యేక శ్రద్ధ వహిస్తున్నారు. జిల్లా అభివృద్ధి, సంక్షేమ పథకాల అమలుకు సమర్థవంతగా పనిచేస్తున్నారు. ప్రభుత్వ కార్యక్రమాల్లో బిజీగా ఉంటున్నా, నిత్యం ప్రజలకు అందుబాటులో ఉంటున్నారు. ముఖ్యంగా ఇళ్ల పట్టాల పంపిణీకి తీవ్రంగా కసరత్తు చేస్తున్నారు. ప్రజలకు అనువైన ప్రాంతాల్లో స్థలాలు కేటాయించేందుకు కిందిస్థాయి అధికారులతో సమన్వయం చేసుకుంటూ, ఎలాంటి సమస్యలు తలెత్తకుండా జాగ్రత్తలు తీసుకుంటున్నారు. కింది స్థాయి నుంచి ఐఏఎస్‌గా ఎదిగిన ఆయన గతంలో డీఆర్‌ఓగా, స్పెషల్‌ డిప్యూటీ కలెక్టర్‌గా, రాష్ట్ర ఎన్నికలసంఘం జాయింట్‌ చీఫ్‌ ఎలక్ట్రోరల్‌ ఆఫీసర్‌గా విధులు నిర్వర్తించారు.  2019 జూన్‌ 24 న జాయింట్‌ కలెక్టర్‌గా జిల్లాకు వచ్చారు. ఆయన బాధ్యతలు స్వీకరించి నేటితో ఏడాది పూర్తవుతోంది.  భూఆక్రమణలపై ప్రత్యేక దృష్టి  జాయింట్‌ కలెక్టర్‌ మార్కండేయులు బాధ్యతలు చేపట్టిన తర్వాత జిల్లాలోని పలు ప్రాంతాల్లో అన్యాక్రాంతమైన ప్రభుత్వ భూములపై ప్రత్యేకంగా దృష్టిసారించారు. ముందుగా వాటిని గుర్తించి తిరిగి స్వాధీనం చేసుకునేందుకు చర్యలు తీసుకున్నారు. ఏడాదిలో సుమారు 225.12 ఎకరాల భూమిని ప్రభుత్వ పరం చేశారు.  వెదురుకుప్పం మండలం అల్లమడుగు గ్రామంలో 86.38 ఎకరాలు,  ఎస్‌ఆర్‌పురం మండలంలోని జీఎంఆర్‌ పురంలో 9.00 ఎకరాలు,  పెనుమూరు మండలం గుంటిపల్లిలో 35 ఎకరాలు, నారాయణమండలం బొప్పరాజుపాళ్యంలో 36.97 ఎకరాలు, వరదయ్యపాళెం మండలం చిన్నపాండూరులో 10.29 ఎకరాలను ప్రభుత్వానికి స్వా«దీనం చేశారు. అలాగే శ్రీకాళహస్తి మండలంలోని రామానుజపల్లిలో సర్వే నంబర్‌ 1లో 903.63 ఎకరాలు, సోమల మండలంలోని పెద్దఉప్పరపల్లిలో 269/7 సర్వే నంబర్‌లో 1.58 ఎకరాల గుట్టపోరంబోకును సర్కార్‌ ఆధీనంలోకి తీసుకువచ్చారు. ఎస్టేట్‌ అబాలి‹Ùమెంట్‌ యాక్ట్‌ 1948 ప్రకారం 11 కేసులకు గాను 92.10 ఎకరాల భూ సమస్యలను పరిష్కారించారు. 22ఏ రిజిస్ట్రేషన్‌ యాక్ట్‌ 1908 ప్రకారం 166 కేసులకు గాను 314.70 ఎకరాల భూ సమస్యలకు తెరదించారు. 32 చుక్కల భూముల కేసులకు గాను 28.41 భూ సమస్యలకు పరిష్కారం చూపించారు.  చదవండి: మాతృదేవతా మన్నించు!  స్పందన సమస్యల పరిష్కారం  స్పందన కార్యక్రమంలో అందిన అర్జీల పరిష్కారంపై ప్రత్యేక దృష్టి వహించారు. ఏడాది కాలంలో భూ సమస్యలపై ప్రజలిచ్చిన అర్జీలను క్షేత్రస్థాయిలో తహసీల్దార్ల ద్వారా పరిష్కారం చేయించారు.  హైవే విస్తరణ సమస్యలకు చెక్‌ జిల్లాలో జరుగుతున్న ఎన్‌హెచ్‌–140 హైవే పనుల్లో ఉన్న సమస్యలను పరిష్కరించేందుకు చర్యలు తీసుకున్నారు. భూ విరాళదాతలకు వెంటనే పరిహారం అందించేందుకు కృషి చేశారు. ముఖ్యంగా కుక్కలపల్లి, కాణిపాకం, పూతలపట్టు, పి.అగ్రహారం, కొత్తకోట, పాకాల, గాదంకి, చంద్రగిరి ప్రాంతాల్లో భూ సమస్యలను పరిష్కరించారు. ఈ పనులకు రూ.21,11,66,852ల నష్టపరిహారం పంపిణీ చేశారు. అదేవిధంగా బెంగళూరు– చెన్నై ఎక్స్‌ప్రెస్‌ హైవే పనులకు 1,57,113.70 చదరపు అడుగుల భూమిని కేటాయించి రూ. 84.80 కోట్ల పరిహారం అందించారు.  జిల్లాలో పనిచేయడం అదృష్టం  చిత్తూరు జిల్లాలో జాయింట్‌ కలెక్టర్‌గా పనిచేయడం నా అదృష్టంగా భావిస్తున్నా. ముఖ్యమంత్రి వైఎస్‌ జగన్‌మోహన్‌రెడ్డి ప్రతిష్టాత్మకంగా భావిస్తున్న ఇళ్ల పట్టాల పంపిణీకి సాగుతున్న కసరత్తును నిరంతరం పర్యవేక్షిస్తున్నా. ఆక్రమణకు గురైన భూములను తిరిగి ప్రభుత్వం పరం చేయడం సంతృప్తినిచ్చింది. కలెక్టర్‌ నారాయణభరత్‌గుప్తా సహకారంతో రెవెన్యూ సమస్యల పరిష్కారం, సంక్షేమ పథకాల అమలుకు కృషి చేస్తున్నాం.  – మార్కండేయులు, జాయింట్‌ కలెక్టర్‌ (రెవెన్యూ)

అనంతపురం అర్బన్‌: జిల్లా జాయింట్‌ కలెక్టర్‌ (విలేజ్, వార్డు సెక్రటేరియెట్‌ అండ్‌ డెవలప్‌మెంట్‌)గా అట్టాడ సిరి(ఐఎస్‌ఎస్‌)ని ప్రభుత్వం నియమించింది. ఈ మేరకు మంగళవారం జీఓ 849ను రాష్ట్ర ప్రభుత్వ ప్రధాన కార్యదర్శి నీలం సాహ్ని జారీ చేశారు. పోస్టింగ్‌ కోసం ఎదురు చూస్తున్న ఆమెను జాయింట్‌ కలెక్టర్‌గా నియమించారు. అయితే గతంలో ఇదే స్థానంలో ఉపాధి, శిక్షణ డైరెక్టర్‌గా ఉన్న బి.లావణ్యవేణిని ప్రభుత్వం నియమించింది. తాజాగా ఆమెకు బదులు ఎ.సిరిని నియమిస్తూ ఉత్తర్వులు జారీ చేసింది.  

సాక్షి, అమరావతి : ఆంధ్రప్రదేశ్‌లో భారీగా ఐఏఎస్‌ల బదిలీ జరిగింది. 27 మంది ఐఏఎస్‌ అధికారులను బదిలీ చేస్తూ ప్రభుత్వం ఉత్తర్వులు జారీచేసింది. కొత్త జాయింట్‌ కలెక్టర్ల వ్యవస్థకు అనుగుణంగా ప్రభుత్వం ఈ బదిలీలు చేపట్టింది. అన్ని జిల్లాల నాన్‌కేడర్ జేసీలను ఆసరా, వెల్ఫేర్‌ జేసీలుగా నియమిస్తున్నట్టుగా ఉత్తర్వుల్లో పేర్కొంది. అయితే అనంతపురం జేసీ ఢిల్లీ రావును జీఏడీకి రిపోర్టు చేయాలని ప్రభుత్వం ఆదేశించింది.  అధికారుల బదిలీ అయిన స్థానాలు.. ► శ్రీకాకుళం రైతు భరోసా, రెవెన్యూ జేసీగా సుమిత్‌కుమార్ ► శ్రీకాకుళం గ్రామ, వార్డు సచివాలయాలు, అభివృద్ధి జేసీగా కె.శ్రీనివాసులు ► విజయనగరం రైతు భరోసా, రెవెన్యూ జేసీగా జి. క్రిస్ట్ కిషోర్‌కుమార్ ► విజయనగరం గ్రామ, వార్డు సచివాలయాలు, అభివృద్ధి జేసీగా మహేష్‌ కుమార్ రావిరాల ► విశాఖపట్నం రైతు భరోసా, రెవెన్యూ జేసీగా ఎం.వేణుగోపాల్‌రెడ్డి ► విశాఖపట్నం గ్రామ, వార్డు సచివాలయాలు, అభివృద్ధి జేసీగా పి. అరుణ్‌బాబు ►  తూర్పు గోదావరి రైతు భరోసా, రెవెన్యూ జేసీగా జి.లక్ష్మీషా ► తూర్పు గోదావరి గ్రామ, వార్డు సచివాలయాలు, అభివృద్ధి జేసీగా కీర్తి చేకూరి ► పశ్చిమ గోదావరి రైతు భరోసా, రెవెన్యూ జేసీగా కె.వెంకటరమణారెడ్డి ► పశ్చిమ గోదావరి గ్రామ, వార్డు సచివాలయాలు, అభివృద్ధి జేసీగా హిమాన్షు శుక్లా ► కృష్ణా రైతు భరోసా, రెవెన్యూ జేసీగా కె.మాధవీలత ► కృష్ణా గ్రామ, వార్డు సచివాలయాలు, అభివృద్ధి జేసీగా శివశంకర్‌ లోతేటి ► గుంటూరు రైతు భరోసా, రెవెన్యూ జేసీగా ఏఎస్‌ దినేష్‌కుమార్ ► గుంటూరు గ్రామ, వార్డు సచివాలయాలు, అభివృద్ధి జేసీగా పి.ప్రశాంతి ► ప్రకాశం రైతు భరోసా, రెవెన్యూ జేసీగా జె.వెంకటమురళీ ► ప్రకాశం గ్రామ, వార్డు సచివాలయాలు, అభివృద్ధి జేసీగా టీఎస్ చేతన్ ► నెల్లూరు రైతు భరోసా, రెవెన్యూ జేసీగా వి.వినోద్‌కుమార్ ► నెల్లూరు గ్రామ, వార్డు సచివాలయాలు, అభివృద్ధి జేసీగా ఎన్. ప్రభాకర్‌రెడ్డి ► చిత్తూరు రైతు భరోసా, రెవెన్యూ జేసీగా డి. మార్కండేయులు ► చిత్తూరు గ్రామ, వార్డు సచివాలయాలు, అభివృద్ధి జేసీగా వీరబ్రహ్మయ్య ► వైఎస్సార్‌ జిల్లా రైతు భరోసా, రెవెన్యూ జేసీగా ఎం.గౌతమి ► వైఎస్సార్‌ జిల్లా గ్రామ, వార్డు సచివాలయాలు, అభివృద్ధి జేసీగా సాయికాంత్ వర్మ ► అనంతపురం రైతు భరోసా, రెవెన్యూ జేసీగా నిషాంత్‌కుమార్ ► అనంతపురం గ్రామ, వార్డు సచివాలయాలు, అభివృద్ధి జేసీగా లావణ్య వేణి ► కర్నూలు రైతు భరోసా, రెవెన్యూ జేసీగా రవిసుభాష్ ► కర్నూలు గ్రామ, వార్డు సచివాలయాలు, అభివృద్ధి జేసీగా ఎస్.రామసుందర్‌రెడ్డి

సాక్షి, కాకినాడ: జిల్లా వ్యాప్తంగా 271 ధాన్యం కొనుగోలు కేంద్రాలు ఏర్పాటు చేశామని తూర్పుగోదావరి జిల్లా జాయింట్‌ కలెక్టర్‌ లక్ష్మీ షా తెలిపారు. ఆయన శనివారం ‘సాక్షి’తో మాట్లాడుతూ.. అదనంగా మరో 100 కొనుగోలు కేంద్రాల ఏర్పాటుకు చర్యలు చేపట్టామని పేర్కొన్నారు. ప్రభుత్వం ప్రకటించిన మద్దతు ధరకే ధాన్యం కొనుగోలు చేస్తున్నామని వెల్లడించారు. రైతులు ఎవ్వరూ తక్కువ ధరకు తమ ధాన్యాన్ని విక్రయించవద్దని ఆయన సూచించారు. రైతులు తమ పంటను విక్రయించాలనుకుంటే ధాన్యం కొనుగోలు కేంద్రాలకే రానవసరం లేదని.. మొబైల్‌ ద్వారా రిజిస్ట్రేషన్‌ చేసుకోవాలని లేదా 1902 నంబర్‌కు ఫోన్‌ చేయాలన్నారు. జిల్లా వ్యాప్తంగా 1.65 లక్షల ఎకరాల్లో రబీ పంట సాగు అయ్యిందన్నారు. 878 వరి కోత యంత్రాలను అందుబాటులోకి తెచ్చామన్నారు. 13 లక్షల మెట్రిక్ టన్నుల దిగుబడి వస్తుందని అంచనా అని.. దాంట్లో 8 లక్షల మెట్రిక్‌ టన్నుల ధాన్యం కొనుగోలుకు ప్రభుత్వం లక్ష్యంగా పెట్టుకుందని లక్ష్మీ షా వివరించారు.

సాక్షి, విజయనగరం: లాక్‌డౌన్‌ నేపథ్యంలో నిత్యావసర సరుకుల వ్యాపారులు కొందరు ధరలు పెంచేస్తున్నారు. దీంతో కరోనా కష్టకాలంలో ఉన్న ప్రజల జేబులకు చిల్లులు తప్పడం లేదు. అయితే, అధిక ధరలు వసూలు చేయకుండా కఠిన చర్యలు చేపట్టాలని ప్రభుత్వం అధికారులకు ఆదేశాలు జారీ చేసిన సంగతి తెలిసిందే. ఈ క్రమంలో విజయనగరం జాయింట్‌ కలెక్టర్‌ కిషోర్‌ కుమార్‌ వినూత్న ప్రయత్నం చేశారు. మంగళవారం ఉదయం జిల్లా కేంద్రంలోని రాజీవ్‌ మైదానంలో ఏర్పాటు చేసిన పలు కూరగాయల మార్కెట్‌లలో సామాన్య వ్యక్తిలా మారువేషంలో వెళ్లి ధరలను తెలుసుకున్నారు. కొందరు వ్యాపారులు నిత్యావసరాలు, కూరగాయల్ని రూ.5 ఎక్కువ ధరకు అమ్ముతున్నట్లు గుర్తించారు. అనంతరం అధికారులతో చర్చించి.. రేట్లు తగ్గించేందుకు చర్యలు తీసుకునేందుకు సిద్ధమయ్యారు. జేసీ మారు వేషంలో వచ్చిం‍ది తెలుసుకుని వ్యాపారులు షాకయ్యారు. (చదవండి: ‘వృద్ధులు, పిల్లలు ఏమాత్రం బయటకు రావొద్దు’) (చదవండి: ఏపీలో 87కి చేరిన కరోనా పాజిటివ్‌ కేసులు)

సాక్షి, అమరావతి బ్యూరో: ఏదైనా ప్రభుత్వ ఉద్యోగం పొందడానికి నెలలు, సంవత్సరాల తరబడి కోచింగ్‌ తీసుకుంటారు. రెండు మూడు పర్యాయాలు ప్రయత్నిస్తే గాని ఎంపిక కాలేరు. కానీ ఆమె మాత్రం ఎలాంటి కోచింగ్‌ తీసుకోలేదు. పైగా తొలి ప్రయత్నంలోనే ఉమ్మడి ఆంధ్రప్రదేశ్‌ స్టేట్‌ టాపర్‌ (మహిళా విభాగంలో)గా నిలిచి గ్రూప్‌–1కు సెలెక్టయ్యారు. సైంటిస్టుగా ఉద్యోగంలో చేరి, గ్రూప్‌–1 అధికారిగా ఎంపికై, అంచెలంచెలుగా ఐఏఎస్‌కు ఎదిగిన ఆమె కె.మాధవీలత. కృష్ణా జిల్లా జాయింట్‌ కలెక్టర్‌. అంతర్జాతీయ మహిళా దినోత్సవం సందర్భంగా మాధవీలత విజయ ప్రస్థానంపై ‘సాక్షి’ ఆమెను పలకరించింది. ఆ వివరాలు ఆమె మాటల్లోనే..   వ్యవసాయ పరిశోధనలో 4 గోల్డ్‌మెడల్స్‌..  మాది కడప. నాన్న కృష్ణారెడ్డి రిటైర్డ్‌ బ్యాంకు మేనేజర్‌. అమ్మ రామలక్ష్మి గృహిణి. అమ్మా, నాన్నలకు ముగ్గురూ ఆడపిల్లలమే. నేను పెద్దదాన్ని. పెద్ద చెల్లెలు రాధిక అమెరికా స్టాన్‌ఫర్డ్‌ యూనివర్సిటీలో లివర్‌ ట్రాన్స్‌ప్లాంటేషన్‌ సర్జన్‌. చిన్న చెల్లెలు అమెరికాలో సాఫ్ట్‌వేర్‌ ఇంజినీర్‌. చిన్నప్పట్నుంచి అమ్మానాన్నలు బాగా చదువుకోవాలని, ప్రయోజకురాలివి కావాలని చెప్పేవారు. వారి మాటలు నాలో పట్టుదలను పెంచాయి. నేను అగ్రికల్చర్‌లో పీహెచ్‌డీ చేశాను. కందులపై ప్రపంచంలోనే తొలిసారిగా పరిశోధనలు చేసి నాలుగు గోల్డ్‌మెడల్స్‌ సాధించాను. ఇక్రిసాట్‌లో సైంటిస్టుగా చేరాను. మా వారు పి.రామమునిరెడ్డి ఆచార్య ఎన్జీరంగా వ్యవసాయ విశ్వవిద్యాలయంలో సైంటిస్టు (ప్రస్తుతం పంచాయతీరాజ్‌లో వాటర్‌షెడ్స్‌ డైరెక్టర్‌). నువ్వు ప్రతిభావంతురాలివి. గ్రూప్‌–1కు ప్రిపేర్‌ అయితే బాగుంటుంది కదా? అని నా భర్త సూచించారు. అందుకు అంగీకరించి గ్రూప్‌–1కి ప్రిపేరయ్యాను. దీనికి అవసరమైన స్టడీ మెటీరియల్‌ను అంతా ‘ఆయనే’ సమకూర్చారు. రోజుకు 12 గంటలు కష్టపడి చదివి పరీక్ష రాశాను. తొలి ప్రయత్నంలోనే (2007లో) మహిళా విభాగంలో స్టేట్‌ ఫస్ట్‌ ర్యాంకు సాధించాను. తొలుత డిప్యూటి కలెక్టర్‌గా, ఆ తర్వాత నంద్యాల, నెల్లూరు ఆర్డీవోగా, తిరుపతి ‘తుడా’ కార్యదర్శిగాను పనిచేశాను. నేను ఉద్యోగంలో చేరకముందు ఎప్పుడూ ఐఏఎస్‌ కావాలనుకోలేదు.. ఆ దిశగా ప్రయత్నమూ చేయలేదు. గ్రూప్‌–1 అధికారి నుంచి 2014లో ఐఏఎస్‌ అయ్యాను. లేదంటే నేను శాస్త్రవేత్తగా నా పరిశోధనలు కొనసాగించేదాన్ని.  'అమ్మ మాట నన్ను ఐఏఎస్‌ దాకా నడిపించింది' ఎంతో సంతృప్తి..  జాయింట్‌ కలెక్టర్‌గా నా తొలి పోస్టింగ్‌ కృష్ణా జిల్లాలోనే. గత ఏడాది జూన్‌లో ఇక్కడ చేరాను. సైంటిస్ట్‌గా కొనసాగలేదన్న ఫీలింగ్‌ లేదు. ఎందుకంటే ఐఏఎస్‌గా నాకు ఎంతో సంతృప్తి ఉంది. ప్రజలకు నిత్యం సేవ చేసే అవకాశం దక్కిందన్న ఆనందం ఉంది. పురుషుడి విజయం వెనక మహిళ ఉంటుందంటారు. కానీ నా విజయం వెనక ‘ఆయన’ ఉన్నారు. నాలో ఉన్న ప్రతిభను ప్రోత్సహించారు. ఆయన ఆశలకనుగుణంగానే గ్రూప్‌–1కు ఎంపికయ్యాను. క్రమంగా ఐఏఎస్‌గా పదోన్నతి పొందాను. మాకు ఇద్దరు పిల్లలు. బాబు కౌషిక్‌రెడ్డి ఇంటర్, పాప హర్షిత ఏడో తరగతి చదువుతున్నారు.

సాక్షి, రాజమహేంద్రవరం: అర్హత ఉన్న ఏ ఒక్కరికీ ఏ పథకంలోనూ అన్యాయం జరగదని జిల్లా జాయింట్‌ కలెక్టర్‌ లక్ష్మీశ పేర్కొన్నారు. రాష్ట్రంలో అతి పెద్ద జిల్లాలో ఇళ్ల స్థలాల కోసం అంతే స్థాయిలో దరఖాస్తులు వచ్చాయన్నారు. ఉగాది నాటికి అర్హులందరికీ ప్రభుత్వం న్యాయం చేస్తుందన్నారు. జిల్లా వాసులకు సరిపడా బియ్యం అందించడమే కాకుండా మరో రెండు జిల్లాలకు నాణ్యమైన బియ్యం సరఫరా చేసేటంత సామర్థ్యం జిల్లాకు ఉందన్నారు. ‘కాఫీ విత్‌ సాక్షి’ కార్యక్రమంలో భాగంగా మంగళవారం రాజానగరం ‘సాక్షి’ ప్రచురణ కార్యాలయానికి విచ్చేసిన ఆయనతో ‘సాక్షి’తో జరిపిన చిట్‌చాట్‌..   సాక్షి : రాష్ట్రంలోనే అతి పెద్ద జిల్లాలో పనిచేయడంపై మీ అభిప్రాయం.  జేసీ: తూర్పుగోదావరి పెద్ద జిల్లా. అన్ని రంగాలు ఇక్కడ ఉన్నాయి. ఈ జిల్లాలో పని చేయడం అదృష్టంగా భావిస్తున్నాను.   సాక్షి :ఈ జిల్లాలో పనిచేసే అధికారులు ఎలా ఫీలవుతుంటారు.  జేసీ: ఏ ఉద్యోగి అయినా ఈ జిల్లాలో పని చేస్తే దేశంలో ఏ జిల్లాలోనైనా అత్యంత సమర్థంగా, ఏ రంగంలోనైనా మంచి అనుభవంతో పని చేయవచ్చు. సాక్షి ఎడిటోరియల్‌ విభాగంలో జరిగే కార్యకలాపాలను జేసీ లక్ష్మీశకు వివరిస్తున్న ఎడిషన్‌ ఇన్‌చార్జ్‌ కృష్ణారావు, బ్యూరో చీఫ్‌ ఎల్‌.శీనివాస్‌ సాక్షి : ఐఏఎస్‌ అధికారులు ఎవరైనా ఈ జిల్లాలో పనిచేయాలనుకుంటారు. మీరేమనుకుంటున్నారు.  జేసీ: పెద్ద జిల్లా కావడంతో పాటు భౌగోళికంగా అన్ని ప్రాంతాలు ఉండడంతో ఎక్కువ అవగాహన కోసం ఉపయోగపడుతుంది. తీర, గిరిజన ప్రాంతాలు మంచి ఆహ్లాదకరంతో పాటు ఆర్థిక వనరులు సమకూర్చేవిగా ఉండడంతో జిల్లాను మంచి అభివృద్ధి చేసే దిశగా అధికారులు కృషి చేస్తున్నారు.  సాక్షి :ప్రభుత్వ ప్రాధాన్య అంశాలేమిటి?  జేసీ: ప్రభుత్వం అందజేస్తున్న సంక్షేమ, నవరత్న పథకాల అమలుకు జిల్లా నలుమూలల పర్యటించి ప్రజలకు అవసరమైన అభివృద్ధి, సంక్షేమం అందించే దిశగా కృషి చేస్తున్నాం.  సాక్షి :గ్రామ వలంటీర్ల వ్యవస్థ ఎలా పనిచేస్తుంది?  ప్రచురణ యంత్రాల వివరాలు జేసీకి వివరిస్తున్న ప్రొడక్షన్‌ మేనేజర్‌ రామకృష్ణ, చిత్రంలో బ్రాంచి మేనేజర్‌ రమేష్‌ రెడ్డి, వివిధ విభాగాల సిబ్బంది ​​​​​​​ జేసీ: జిల్లాలో గ్రామ సచివాలయ వ్యవస్థ ప్రతిష్టాత్మకంగా పనిచేస్తోంది. అవనీతికి తావులేకుండా ప్రజా సమస్యల పరిష్కారానికి కృషి చేస్తున్నారు. ఇప్పుడిప్పుడే పట్టాలెక్కుతోంది. మరి కొద్ది రోజులు నడిస్తే అన్నింటికీ వలంటీర్ల వ్య వస్థ ఎంతగానో ఉపయోగకరంగా ఉంటుంది.   సాక్షి : రాష్ట్రానికి అన్నపూర్ణగా పిలిచే జిల్లా నుంచి బియ్యం జిల్లా వాసులందరికీ సరిపోతుందంటారా?  జేసీ: జిల్లాలో బియ్యం నిల్వలు సమృద్ధిగా ఉన్నాయి. జిల్లాలో బియ్యం ఇక్కడి కుటుంబాలందరికీ సరిపోగా శ్రీకాకుళం, విజయనగరం జిల్లాలకు కూడా సరఫరా చేయగలిగే సామర్థ్యం ఉంది. ఇప్పటికే ప్రయోగాత్మకంగా ప్రారంభించిన శ్రీకాకుళంలో ఇంటింటికీ బియ్యం పంపిణీ ప్రారంభించారు. అక్కడి అవసరానికి తగ్గట్టుగా మన జిల్లా నుంచే బియ్యం సార్టెక్స్‌ చేసి ప్యాకింగ్‌ల్లో 13 వేల టన్నుల బియ్యాన్ని పంపించే ఏర్పాటు చేశా సాక్షి : నాణ్యమైన బియ్యానికి, ఇప్పుడు ఇస్తున్న బియ్యానికి తేడా ఏమిటి?  సాక్షి ముద్రణ  కార్యాలయ ఆవరణలో జాయింట్‌ కలెక్టర్‌ లక్ష్మీశ, వివిధ విభాగాల సిబ్బంది​​​​​​​ జేసీ: ఇప్పుడు ప్రభుత్వం అందించే బియ్యాన్ని పరిశీలిద్దాం, ఆ బియ్యాన్ని నిల్వ చేయడానికి సాంకేతికంగా చేసే ఏర్పాటుతో కొంత పౌడర్‌లా బియ్యానికి పట్టి ఉంటుంది. దాని వల్ల ఇప్పుడిస్తున్న బియ్యం వాసన కూడా వస్తుంటాయి.అదే త్వరలో పంపిణీ చేసే బియ్యం పూర్తి నాణ్యతతో కూడుకుని ఉంటుందని నమ్మకంగా చెప్పగలుగుతున్నా.  సాక్షి : నాణ్యమైన బియ్యం ఎలా వస్తుంది? అందుకు కారణమేమిటి?  జేసీ: బియ్యం బజార్‌లో కిలో రూ.60 పెట్టి కొనుగోలు చేస్తున్నారు. ఇప్పుడు రేషన్‌ షాపుల వద్ద నుంచి అందించే బియ్యాన్ని దగ్గర పెట్టి పరిశీలిస్తే బజార్‌లో దొరికే బియ్యం కన్నా రేషన్‌ షాపుల నుంచి ఇచ్చే బియ్యం నాణ్యంగా ఉండనున్నాయి. ప్రభుత్వం ఇచ్చే బియ్యాన్ని సార్టెక్స్‌ చేసి అందజేసే ఏర్పాటు చేస్తున్నాం. సాక్షి ప్రింటింగ్‌ యూనిట్‌లో పేపరు నాణ్యతను ఆసక్తిగా గమనిస్తున్న జాయింట్‌ కలెక్టర్‌ లక్ష్మీశ  ​​​​​​​ సాక్షి : కొత్తగా రేషన్‌ కార్డులు ఎన్ని ఇస్తున్నారు. వారికి ఎంత మేరకు బియ్యం అవసరమవుతాయంటారు.  జేసీ: జిల్లాలో 16.50 లక్షల రేషన్‌ కార్డులు ఉన్నాయి. వాటి స్థానే త్వరలో  బియ్యం కార్డులు అందజేస్తాం. లక్ష కొత్తకార్డులు వచ్చే అవకాశం ఉంది. వీరందరికీ 25 వేల టన్నులు బియ్యం అవసరమని అంచనా వేస్తున్నాం. రేషన్‌ కార్డు ఇది వరకు బహుళ ప్రయోజనకరంగా ఉపయోగపడేది. ఇప్పుడు రైస్‌ కార్డుగా మాత్రమే ఉపయోగపడుతుంది. ఆ కార్డుపై బియ్యం మాత్రమే ఇస్తారు. ప్రతి ప్రభుత్వ పథకానికి ఒక కార్డు ఇవ్వనున్నారు. కనుక బియ్యం అవసరం ఉంటేనే బియ్యం కార్డు ఇస్తారు.   సాక్షి : ఇంటింటా బియ్యం ఎప్పటి నుంచి పంపిణీ చేయాలనుకుంటున్నారు.  జేసీ: ఏప్రిల్‌ నుంచి జిల్లాలో ఇంటింటా బియ్యం పంపిణీ చేసేందుకు ప్రభుత్వం సన్నాహాలు చేస్తోంది.

సాక్షి, హైదరాబాద్‌ : జిల్లాల పాలనలో కొత్త అధ్యాయానికి తెర లేచింది. పాలనా సంస్కరణల్లో భాగంగా ప్రభుత్వం జిల్లా అధికారులకు పని విభజన చేసింది. ప్రస్తుతమున్న జిల్లా కలెక్టర్లకు చేదోడు వాదోడుగా ఉండటంతోపాటు రాష్ట్ర ప్రభుత్వ ప్రాథమ్యాలను పూర్తి చేసేందుకు అదనపు కలెక్టర్లను నియమించింది. ప్రస్తుత జాయింట్‌ కలెక్టర్‌ (జేసీ) పోస్టును రద్దు చేసి దాని స్థానే ఇద్దరు అడిషనల్‌ కలెక్టర్లను నియమించి వారికి వేర్వేరు బాధ్యతలను అప్పగించింది. ముఖ్యంగా కొత్తగా తేవాలనుకుంటున్న రెవెన్యూ చట్టంతోపాటు ఇప్పటికే అమల్లోకి వచ్చిన పంచాయతీరాజ్, పుర చట్టాలను సమర్థంగా అమలు చేయడమే ప్రధాన బాధ్యతగా ఈ పోస్టులను తెరపైకి తెచ్చింది. స్థానిక సంస్థలను గాడిన పెట్టడం, రెవెన్యూ వ్యవహారాలను కొలిక్కి తేవడమే ప్రాతిపదికగా కొత్త సారథులను రంగంలోకి దించింది. మొత్తంమీద జిల్లా స్థాయిలో ఇక నుంచి కలెక్టర్, ఇద్దరు అదనపు కలెక్టర్లతో తీన్‌‘మార్క్‌’పడనుంది. పల్లె, పట్టణాలకు పెద్దపీట... ప్రస్తుతం జేసీలుగా పనిచేస్తున్న వారు ఇక నుంచి అదనపు కలెక్టర్‌ (సాధారణ) బాధ్యతలు నిర్వహించనున్నారు. వారు రెవెన్యూ వ్యవహారాలతో పాటు పౌర సరఫరాలు, కొనుగోళ్ల కమిటీ, భూసేకరణ అంశాలను పర్యవేక్షిస్తారు. ఈ పోస్టుకుతోడు అదనపు కలెక్టర్‌ (స్థానిక సంస్థలు) పదవిని ప్రభుత్వం సృష్టించింది. పంచాయతీరాజ్, పురపాలనను ఈ అధికారి పరిధిలోకి తేనుంది. దీంతో పట్టణ, పంచాయతీల్లో పాలనను పారదర్శకంగా, అవినీతిరహితంగా మలచాలని భావిస్తోంది. ఇప్పటివరకు మున్సిపాలిటీలపై కలెక్టర్లకు పెద్దగా అధికారాలుండేవి కావు. యాజమాయిషీ అంతా పురపాలకశాఖ డైరెక్టర్‌దే ఉండేది. కమిషనర్లు, ఇతర ఉద్యోగులు తప్పులు చేస్తే చర్యలు తీసుకొనే అధికారం కూడా కలెక్టర్లకు లేదు. కేవలం సిఫారసుకు మాత్రమే పరిమితం కావాల్సిన పరిస్థితి ఉండేది. అయితే మనుగడలోకి వచ్చిన కొత్త పుర చట్టంలో ఈ లోటును అధిగమించేలా సర్కారు సంస్కరణలు చేపట్టింది. పురపాలికలనూ కలెక్టర్ల పరిధిలోకి తెచ్చి వారికి సంపూర్ణ అధికారాలు కట్టబెట్టింది. ఈ క్రమంలోనే మరో అడుగు ముందుకు వేసింది. పురపాలన పర్యవేక్షణకు ఏకంగా అదనపు కలెక్టర్లను నియమించి పరిపాలనలో సంస్కరణలకు కొత్త బీజం వేసింది. అయితే అదనపు కలెక్టర్‌ను కేవలం మున్సిపల్‌ వ్యవహారాలకే పరిమితం చేయకుండా పంచాయతీరాజ్‌ పగ్గాలను కూడా అప్పగించనుంది. తద్వారా స్థానిక సంస్థలపై పట్టుబిగించేలా జిల్లా పాలనలో కీలక సంస్కరణ తీసుకొచ్చింది. పల్లె ప్రగతి కార్యక్రమాల పర్యవేక్షణ, హరితహారం, నర్సరీల నిర్వహణ వ్యవహారాలను వారు పర్యవేక్షించాల్సి ఉంటుంది. పురపాలనలో పట్టణ æప్రగతి, లే అవుట్ల మంజూరు, బహుళ అంతస్తుల భవనాలకు అనుమతులిచ్చే కమిటీలో వారే ప్రధాన పాత్ర పోషించే అవకాశమున్నట్లు తెలుస్తోంది.   నాడు ఏజేసీ.. నేడు జేసీ పోస్టుకు మంగళం గతంలో రంగారెడ్డి జిల్లా మినహా అన్ని జిల్లాల్లో అడిషనల్‌ జాయింట్‌ కలెక్టర్‌ (ఏజేసీ) పోస్టు ఉండేది. ఏజేసీకి కూడా కొన్ని శాఖలను కేటాయించడం ద్వారా పని విభజన చేశారు. రంగారెడ్డి జిల్లాకు మాత్రం ఇద్దరు జేసీలు ఉండేవారు. వారికి జిల్లాలోని మండలాలను దాదాపు చెరిసగం పంచారు. అలాగే సంక్షేమం, పౌర సరఫరాలు తదితర శాఖలతో సర్దుబాటు చేశారు. అయితే విధానపరమైన నిర్ణయాల్లో అంతిమ నిర్ణయం మాత్రం జిల్లా కలెక్టర్‌కే ఉండేది. 2016లో జిల్లాల పునర్విభజన అనంతరం ఏజేసీ పోస్టులు సహా రంగారెడ్డి జిల్లా జాయింట్‌ కలెక్టర్‌–2 పోస్టును కూడా రద్దు చేసి ఒకరితోనే సరిపెట్టారు. తాజాగా అన్ని జిల్లాల్లో జేసీ పోస్టును ఎత్తేసి ఇద్దరేసి అదనపు కలెక్టర్లను నియమించడం ద్వారా పాలనను కొత్త పుంతలు తొక్కించాలని ప్రభుత్వం నిర్ణయించింది. రెవెన్యూ శాఖను సంస్కరించాలని భావిస్తున్న సీఎం... మరిన్ని కొత్త నిర్ణయాలు, పాలనాపరమైన అధికార వికేంద్రీకరణ జరిపే అవకాశం లేకపోలేదు. మరిన్ని అధికార కేంద్రాలను సృష్టించే ఆస్కారమూ లేకపోలేదనే చర్చ ప్రభుత్వ వర్గాల్లో జరుగుతోంది. అయితే రెవెన్యూ శాఖను ప్రక్షాళన చేయాలని కేసీఆర్‌ భావిస్తున్నారని, అందులో భాగంగానే జిల్లా పాలనా కేంద్రాల్లో మార్పులు జరిగి కొత్త పోస్టును సృష్టించారనే ప్రచారాన్ని ప్రభుత్వ వర్గాలు కొట్టిపారేస్తున్నాయి. ప్రజల దైనందిన వ్యవహారాల్లో కీలకమైన రెవెన్యూ వ్యవస్థను పకడ్బందీగా నడిపించే బాధ్యతను అదనపు కలెక్టర్లు చూస్తారని, మిగతా రెవెన్యూ శాఖ స్వరూపంలో ఎలాంటి మార్పులూ ఉండకపోవచ్చని తెలుస్తోంది. గ్రామస్థాయి పోస్టుల్లో కొన్నింటిని మార్చడంతోపాటు భూ రికార్డుల సవరణలు, రిజిస్ట్రేషన్‌ చట్టాల అమలు బాధ్యతలను ఆర్డీవో, ఆపై స్థాయి అధికారులకు కట్టబెట్టే అవకాశాలు కనిపిస్తున్నాయి. నేడు కలెక్టర్ల సదస్సులో దిశానిర్దేశం... జిల్లా కలెక్టర్లతోపాటు కొత్తగా నియమితులైన అదనపు కలెక్టర్లకు సీఎం కేసీఆర్‌ మంగళవారం ప్రగతి భవన్‌లో జరగనున్న కలెక్టర్ల సదస్సులో దిశానిర్దేశం చేయనున్నారు. ఈ సమావేశానికి మొత్తం 8 అంశాలతో ఎజెండా తయారు చేశారు. పల్లె ప్రగతి, పట్టణ ప్రగతి, పట్టణ, గ్రామీణ స్థానిక సంస్థల్లో కలెక్టర్ల పాత్ర, ప్రక్షాళన చేసిన భూ రికార్డుల ఫ్రీజింగ్, అదనపు కలెక్టర్ల జాబ్‌చార్ట్, కీలక ప్రగతి సూచికలు, మత్స్య సంపద, మాంస ఉత్పత్తుల పెంపుపై ఈ సమావేశంలో చర్చించనున్నారు. రాష్ట్ర ప్రగతిలో భాగంగా కీలక మానవాభివృద్ధి సూచికలపై సీఎం కేసీఆర్‌ ఫోకస్‌ చేయనున్నారని, ఈ విషయంలోనే జిల్లా అధికారులు చేపట్టాల్సిన కీలక చర్యల గురించి వివరిస్తారని ప్రభుత్వ వర్గాలు చెబుతున్నాయి. దీనికితోడు కొత్త రెవెన్యూ చట్టం అమలుపైనా ఈ భేటీలో కీలక చర్చ జరగనున్నట్టు సమాచారం.

సాక్షి, హైదరాబాద్‌ : రాష్ట్రంలో పాలనా సంస్కరణల అమల్లో భాగంగా తెలంగాణ ప్రభుత్వం సంచలన నిర్ణయం తీసుకుంది. జిల్లా స్థాయిలో రెవెన్యూ చట్టం అమలు, భూ వ్యవహారాలను పర్యవేక్షించే జాయింట్‌ కలెక్టర్‌ (జేసీ) పోస్టును రద్దు చేసింది. రాష్ట్రంలోని 33 జిల్లాలకు జాయింట్‌ కలెక్టర్ల స్థానంలో అదనపు కలెక్టర్లను నియమించింది. చాలా జిల్లాల జాయింట్‌ కలెక్టర్లను అదే జిల్లాకు అదనపు కలెక్టర్లుగా బదిలీ చేసింది. కొన్ని జిల్లాలకు కొత్త అధికారులను అదనపు కలెక్టర్లుగా, అలాగే 14 జిల్లాలకు వేరే అధికారులను అదనపు కలెక్టర్లు (స్థానిక సంస్థలు)గా నియమించింది. ఈ మేరకు రాష్ట్రవ్యాప్తంగా 49 మంది నాన్‌కేడర్, కేడర్‌ అధికారులను బదిలీ చేస్తూ సీఎస్‌ సోమేశ్‌కుమార్‌ ఆదివారం అర్ధరాత్రి ఉత్తర్వులు జారీ చేశారు. రాష్ట్ర పాలన సర్వీసుల దిశగా..  ఇండియన్‌ అడ్మినిస్ట్రేటివ్‌ సర్వీస్‌ (ఐఏఎస్‌) తరహాలో తెలంగాణ స్టేట్‌ అడ్మిని స్ట్రేటివ్‌ సర్వీసును నెలకొల్పి రాష్ట్రంలో పాలనా సంస్కరణలు తీసుకురావాలని ముఖ్యమంత్రి కేసీఆర్‌ నిర్ణయం తీసుకున్నారు. దీనికి తోడు అవినీతికి ఆస్కారం లేని విధంగా, ప్రజలకు మరింతగా సేవలు అందించేందుకు వీలుగా కొత్త రెవెన్యూ చట్టానికి రాష్ట్ర ప్రభుత్వం రూపకల్పన చేస్తోంది. ఈ క్రమంలో జాయింట్‌ కలెక్టర్‌ పోస్టును రద్దు చేసి అదనపు కలెక్టర్, అదనపు కలెక్టర్‌ (స్థానిక సంస్థలు) పోస్టులను సృష్టించారని ప్రభుత్వ వర్గాలు పేర్కొంటున్నాయి. కలెక్టర్‌ నేతృత్వంలోని అదనపు కలెక్టర్ల బృందంతో జిల్లా స్థాయిలో పటిష్టమైన అధికారిక వ్యవస్థను ఏర్పాటు చేసేందుకు కసరత్తు చేస్తోంది. అదనపు కలెక్టర్, అదనపు కలెక్టర్‌ (స్థానిక సంస్థలు)లకు కొన్ని నిర్దిష్ట శాఖలు అప్పగించనుంది. అదనపు కలెక్టర్లు ప్రధానంగా రెవెన్యూ శాఖను పర్యవేక్షించనున్నారు. అదనపు కలెక్టర్ల(స్థానిక సంస్థలు)కు ప్రభుత్వం కీలకమైన కొత్త పంచాయతీరాజ్, మున్సిపల్‌ చట్టాల అమలు బాధ్యతలను అప్పగించనుంది. పల్లె ప్రగతి, పట్టణ ప్రగతి కార్యక్రమాల అమలు, పర్యవేక్షణ, అకస్మిక తనిఖీలు, నిర్లక్ష్యం వహించే అధికారులు, సిబ్బందిపై చర్యలు తీసుకునే అధికారాలను వీరికి కట్టబెట్టనుంది. జిల్లా పరిషత్‌లు, మండల పరిషత్‌లను సైతం వీరి పరిధిలోకి తీసుకురానుంది. లే అవుట్ల అనుమతులు, ఆస్తుల గణన (ప్రాపర్టీ అసెస్‌మెంట్స్‌) తదితర పనులను వీరికే అప్పగించే అవకాశముంది. మున్సిపాలిటీలు, కార్పొరేషన్లు, గ్రామ పంచాయతీలు, పారిశుధ్యం, పచ్చదనం, ఇతర మౌలిక సదుపాయాల కల్పన, నర్సరీ ఏర్పాటు, సర్టిఫికెట్ల జారీ ఇకపై వీరే పర్యవేక్షించనున్నారు. వీరిపై జిల్లా కలెక్టర్ల పర్యవేక్షణ ఉంటుంది. కలెక్టర్, అడిషనల్‌ కలెక్టర్, అదనపు కలెక్టర్‌ (స్థానిక సంస్థలు) పోస్టుల విధులు, బాధ్యతలు, జాబ్‌ చార్ట్‌పై ఈ నెల 11న నిర్వహించనున్న జిల్లా కలెక్టర్ల సదస్సులో సీఎం కేసీఆర్‌ స్పష్టత ఇస్తారని ప్రభుత్వ వర్గాలు పేర్కొంటున్నాయి. ప్రభుత్వ కార్యక్రమాలను అమలు చేయడం, ప్రజలకు ఇబ్బంది కలగకుండా సేవలు అందించడం, అవినీతికి, అలసత్వానికి పాల్పడే వారిపై చర్యలు తీసుకునే అధికారాన్ని జిల్లా కలెక్టర్ల నేతృత్వంలో అదనపు కలెక్టర్లకు ప్రభుత్వం అప్పగించనుంది. అవినీతి నిర్మూలనే ప్రధాన ధ్యేయం..  కొత్త జిల్లాలు, కొత్త డివిజన్లు, కొత్త మండలాలు, కొత్త మున్సిపాలిటీలు, కొత్త గ్రామ పంచాయతీలు ఏర్పాటు చేయడం ద్వారా ప్రభుత్వం ఇప్పటికే రాష్ట్రంలో భారీ పరిపాలనా సంస్కరణలు తీసుకొచ్చిన విషయం తెలిసిందే. భారీగా పరిపాలన వికేంద్రీకరణ జరిగినా అవినీతి కారణంగా ప్రజలకు ఆశించిన ఫలితాలు అందట్లేదు. అవినీతి నిర్మూలనలో భాగంగా ప్రభుత్వం కొత్త పంచాయతీరాజ్, మున్సిపల్‌ చట్టాలను తీసుకురాగా, త్వరలో జరగనున్న అసెంబ్లీ బడ్జెట్‌ సమావేశాల్లో కొత్త రెవెన్యూ చట్టాన్ని తీసుకురానున్నట్లు సమాచారం. రెవెన్యూ కార్యాలయాల్లో, మున్సిపాలిటీల్లో, గ్రామ పంచాయతీల్లో డబ్బులు ఇవ్వకుండా, ఎలాంటి ఇబ్బంది కలగకుండా కావల్సిన పనులు జరగాలని, ఇందుకు కఠినంగా వ్యవహరిస్తామని సీఎం కేసీఆర్‌ పలుమార్లు స్పష్టం చేసిన విషయం తెలిసిందే. ఈ క్రమంలో జిల్లా స్థాయిలో కొత్తగా అదనపు కలెక్టర్‌ పోస్టులను సృష్టించి, ఒక్కో అదనపు కలెక్టర్‌కు కొన్ని కీలకమైన శాఖల బాధ్యతలను అప్పగించబోతోంది. త్వరలో రాష్ట్ర స్థాయిలో కూడా..  రాష్ట్ర స్థాయిలో సైతం ప్రభుత్వం పాలన సంస్కరణలను అమలు చేయబోతోంది. ప్రభుత్వ ప్రధాన కార్యదర్శి నేతృత్వంలో ముఖ్యమైన అధికారుల వ్యవస్థ ఏర్పాటు చేయనుంది. సీఎస్‌కు సహాయంగా అదనపు సీఎస్‌ల బృందాన్ని నియమించనుంది. వీరికి కొన్ని శాఖల బాధ్యతలను అప్పగించనుంది. జిల్లా స్థాయిలో ఐఎఎస్‌ అధికారి నేతృత్వంలో పనిచేసే బృందం పనితీరును సీఎస్‌ నాయకత్వంలోని బృందం పర్యవేక్షించనుంది. ఎప్పటికప్పుడు కావాల్సిన నిర్ణయాలను ఈ బృందం తీసుకోనుంది. (చదవండి: అక్బరుద్దీన్‌ ఒవైసీ వినతి.. కేసీఆర్‌ ఆదేశం)

సాక్షి, పెరవలి(పశ్చిమ గోదావరి): జిల్లాలో ఇసుక కొరత లేదని.. రోజుకు 20 వేల టన్నులు లభిస్తుందని, జిల్లా అవసరాలు పోను మిగిలింది ఇతర జిల్లాలకు సరఫరా చేస్తున్నామని జిల్లా జాయింట్‌ కలక్టర్‌ ఎం.వేణుగోపాల్‌రెడ్డి తెలిపారు. ఇసుక వారోత్సవాల సందర్భంగా కానూరు–పెండ్యాల  ఇసుక ర్యాంపును బుధవారం ఆయన ప్రారంభించారు. జిల్లాలో 22 రీచ్‌ల ద్వారా ఇసుక తీస్తున్నామని, ఓపెన్‌ రీచ్‌లు అయిన ఖండవల్లి నుంచి ఇసుక సరఫరా అవుతుందని, వారం రోజుల్లో ఉసులుమర్రు, కానూరు–పెండ్యాల ర్యాంపుల నుంచి కూడా ఇసుక లభ్యమవుతుందని చెప్పారు. దీంతోపాటు కొత్త రీచ్‌ల కోసం సిఫార్సులు చేస్తున్నామని వాటికి అనుమతులు వస్తే ఇసుక రాష్ట్రం అంతా సరఫరా చేయవచ్చన్నారు.   డ్రెడ్జింగ్‌కు అనుమతులు  గోదావరిలో ఆనకట్టపైన ఉన్న ప్రాంతాల్లో డ్రెడ్జింగ్‌ చేయటానికి అనుమతులు వచ్చాయని దీని ద్వారా కూడా ఇసుక లభ్యమవుతుందని జేసీ తెలిపారు. డ్రెడ్జింగ్‌కు టెండర్లు పిలుస్తున్నామని అవి పూర్తయిన వెంటనే పనులు ప్రారంభిస్తామన్నారు. దీని కోసం తూర్పు, పశ్చిమగోదావరి జిల్లా అధికారులు సంప్రదింపులు జరుపుతున్నారన్నారు. ఇలా చేయడం ద్వారా గోదావరిలో నీటి నిల్వ సామర్థ్యం పెరుగుతుందన్నారు.   సరిహద్దుల్లో చెక్‌పోస్టులు  జిల్లా సరిహద్దు అయిన చింతలపూడి నుంచి కుక్కునూరు వరకు చెక్‌పోస్టులు ఏర్పాటు చేయడం ద్వారా ఇసుక అక్రమ రవాణాకు అడ్డుకట్ట వేశామన్నారు. ఇందుకోసం రెవెన్యూ, మైనింగ్, రవాణా, పోలీస్, పంచాయతీరాజ్‌ అధికారులను నియమించామన్నారు. అక్రమంగా ఇసుక తరలించినా, నిల్వ చేసినా, ఇతర ప్రాంతాలకు తరలించినా రెండేళ్ల జైలు, రూ.2 లక్షల జరిమానా తప్పదని హెచ్చరించారు.   స్టాకు యార్డుల ఏర్పాటు  జిల్లాలో ఇసుకను లబ్ధిదారులకు తక్కువ ధరకు అందించటానికి ప్రధాన పట్టణాలతో పాటు డిమాండ్‌ ఉన్న ప్రాంతాల్లో స్టాకుయార్డులను ఏర్పాటు చేస్తున్నామని జేసీ తెలిపారు. ఏలూరు, భీమవరం, ఉండి, తాడేపల్లిగూడెం, జంగారెడ్డి గూడెం, తణుకు ప్రాంతాల్లో ఏర్పాటు చేస్తున్నామన్నారు. ఈ యార్డుల వద్దే ఇసుక ధరలు పట్టిక కూడ ఉంటుందని, అంతకుమించి ఒక్క రూపాయి కూడా అదనంగా చెల్లించాల్సిన అవసరం లేదన్నారు. ఇసుక తోలటానికి 500 వాహనాలకు అనుమతులు ఇచ్చామన్నారు. వీటికి జీపీఎస్‌ అమర్చుతామని దీని వలన వాహనం ఎక్కడ ఉందో తెలుస్తుందని తెలిపారు. జీపీఎస్‌ విధానాన్ని సక్రమంగా అమలు చేయడానికి బృందాన్ని ఏర్పాటుచేస్తామని, పది రోజుల్లో ఈ పనులు పూర్తవుతాయన్నారు.   కొత్త ర్యాంపులకు సిఫార్సు  జిల్లాలో గోదావరి ప్రాంతంలో కొత్త ర్యాంపుల ఏర్పాటు చేయటానికి సిఫార్సులు పంపించామని అనుమతులు వచ్చిన వెంటనే వాటిని ఏర్పాటు చేస్తామని జేసీ తెలిపారు. ఇలా చేస్తే జిల్లా అవసరాలతో పాటు రాష్ట్రం నలుమూలకు ఇసుక సరఫరా చేయవచ్చన్నారు.   ఇసుక మాఫియాకు చెల్లు  ఇసుక ర్యాంపుల్లో మాఫియా ఆగడాలకు కాలం చెల్లిందని దళారీ వ్యవస్థ లేకుండా చేయటమే తమ ముందున్న లక్ష్యమని నిడదవోలు ఎమ్మెల్యే జి.శ్రీనివాస్‌నాయుడు పేర్కొన్నారు. గత ప్రభుత్వాలు దోచుకోవటానికి ప్రాధాన్యత ఇస్తే తమ ప్రభుత్వం ప్రజలకు సేవలు చేయటానికి కృషి చేస్తుందన్నారు. ఇసుక అమ్మకాల్లో అక్రమాలకు తావులేకుండా ఆన్‌లైన్‌ విధానాన్ని తీసుకువచ్చామన్నారు. వైసీపీ కేంద్ర పాలక మండలి సభ్యులు, కేంద్రపార్టీ రాజకీయ సలహాదారుడు జీఎస్‌ రావు, జిల్లా మైనింగ్‌ డీడీ వైఎస్‌ బాబు, ఏపీఎండీసీ జిల్లా ఇన్‌చార్జి గంగాధరరావు, కొవ్వూరు ఆర్డీఓ నవ్య, తహసీల్దార్‌ పద్మావతి, మండల కనీ్వనర్‌ కార్చెర్ల ప్రసాద్, ఉపాధ్యక్షుడు కొమ్మిశెట్టి రాము, యూత్‌ ప్రెసిడెంట్‌ తోట సురేష్, కరుటూరి గోపి, నిడదవోలు పట్టణ, రూరల్‌ కనీ్వనర్లు మద్దిపాటి ఫణీంద్ర, అయినీడి పల్లారావు  వైíసీపీ నాయకులు పాల్గొన్నారు.  

సాక్షి, కర్నూలు : కర్నూలు జిల్లా మహానంది మండలంలో నీటమునిగిన గ్రామాలను మంగళవారం జిల్లా జాయింట్‌​ కలెక్టర్‌ రవి పటాన్‌ శెట్టి పర్యటించారు. ఈ సందర్భంగా ఆయన మాట్లాడుతూ.. వెంటనే నీట మునిగిన గ్రామాలకు అన్ని సౌకర్యాలను ఏర్పాటు చేయాలని అధికారులను ఆదేశించినట్లు తెలిపారు. గండిపడిన చెరువులకు మరమ్మత్తులు చేయడంతో పాటు, నీటి ప్రవాహాన్ని తగ్గించేందుకు అన్ని ప్రత్యామ్నాయ ఏర్పాట్లు చేస్తున్నట్లు పేర్కొన్నారు. మండల పరిధిలోని అన్ని పాఠశాలలకు  నేడు, రేపు సెలవు ప్రకటించినట్లు తెలిపారు. వరదనీటితో నిండిపోయిన గ్రామాల్లో తక్షణ వైద్యసాయం అందించాలంటూ సంబంధిత అధికారులకు సమాచారం అందించినట్లు ఆయన వెల్లడించారు. ముంపు ప్రాంతాల్లో చర్యలు చేపట్టేందుకు రెండు ఎన్‌డీఆర్‌ఎఫ్‌ బృందాలను ఏర్పాటు చేశామని, గ్రామ సమీపంలో పునరావాస కేంద్రాలను ఏర్పాటు చేసి బాధితులకు భోజనాలు ఏర్పాటు చేసినట్లు జాయింట్‌ కలెక్టర్‌ తెలిపారు.  

సాక్షి, విజయనగరం: కుటుంబ పోషణ కోసం రోజం తా కష్టపడే కూలీ సైతం తమ పిల్లలను కార్పొరేట్‌ పాఠశాలల్లో చదివించాలని తపన పడుతున్న రోజులివి. వాటికి భిన్నంగా..  ప్రభుత్వ విద్యపై నమ్మకం కలిగించేలా.. తన తోటి అధికార యంత్రాంగానికి ఆదర్శంగా నిలిచేలా జేసీ–2 కూర్మనాథ్‌ కీలక నిర్ణయం తీసుకున్నారు. తన ఒక్కగానొక్క కుమారుడు ఆర్‌.త్రివిక్రమ్‌ను విజయనగరం మున్సిపల్‌ కార్పొరేషన్‌ ఆధ్వర్యంలో నడుస్తోన్న కస్పా ఉన్నత పాఠశాలలో 9వ తరగతిలో సోమవారం ఉదయం చేర్పిం చారు. హెచ్‌ఎం శంకరరావు నుంచి ప్రవేశ ధ్రువీ కరణపత్రం తీసుకున్నారు. అనంతరం స్వయం గా తనే తరగతి గదికి కుమారుడిని తీసుకెళ్లి సహ విద్యార్థుల మధ్య కూర్చోబెట్టారు. ప్రభుత్వ విద్యపై నమ్మకం పెంచేందుకే...  రాష్ట్ర ప్రభుత్వం విద్యాభివృద్ధికి అధిక ప్రాధాన్యమిస్తోంది.. ఈ అవకాశాన్ని ప్రజలందరూ సద్వి నియోగం చేసుకునేలా అవగాహన కల్పించేందుకు తన కొడుకుని ప్రభుత్వ బడిలో చేర్పించినట్టు జేసీ–2 కూర్మనాథ్‌ వెల్లడించారు. విద్యార్థి చిన్నతనం నుంచి నేర్చుకోవాల్సిన అంశాలన్నీ ప్రభుత్వ బడులలో అందుబాటులో ఉంటాయన్నారు. తద్వారా ఉన్నత స్థాయికి ఎదిగేందుకు అవకాశం ఉంటుందన్నారు. కేవలం చదువులోనే కాకుండా శారీరక దారుఢ్యం, కమ్యూనికేషన్‌ స్కిల్స్, సమాజం పట్ల అవగాహన ప్రభుత్వ పాఠశాలల్లో సాధ్యపడుతుందన్నారు. రాష్ట్ర ప్రభుత్వం ప్రభుత్వ పాఠశాలల్లో విద్యనభ్యసించే విద్యార్థుల కోసం  మధ్యాహ్నభోజన పథకాన్ని అమలు చేయడంతో పాటు అమ్మఒడి పథకం అమలుకు శ్రీకారం చుట్టిందన్నారు. ఉపకార వేతనాలు అందజేస్తోందని తెలిపారు. వీటి కోసం బడ్జెట్‌లో అధిక మొత్తంలో నిధులు కేటాయిస్తోందని చెప్పారు. తల్లిదండ్రులందరూ తమ పిల్లలను ప్రభుత్వ బడుల్లో చదివించేందుకు ముందుకు రావాలని కోరారు. ప్రభుత్వబడుల్లో చక్కగా బోధించే ఉపాధ్యాయులు ఉన్నారని, విద్యార్థులు చదువుకునే వాతావరణం ఇంటివద్ద కల్పిస్తే చాలన్నారు.  

సాక్షి,సిటీబ్యూరో: ప్రజా సమస్యల పరిష్కారం కోసం ప్రతి సోమవారం కలెక్టరేట్‌లో నిర్వహించే ప్రజావాణి కార్యక్రమం  కవరేజీపై సాక్షాత్తు  హైదరాబాద్‌ జాయింట్‌ కలెక్టర్‌ రవి నాయక్‌ ఆంక్షలు విధించారు. ప్రజావాణి సమావేశ మందిరంలోకి జర్నలిస్టులకు అనుమతి లేదని, ఫొటోలు తీసుకుని వెళ్లి పోవాలని, సమాచార పౌరసంబంధాల శాఖ అధికారులు పంపే ప్రెస్‌నోట్‌ చూసి వార్తలు రాసుకోవాలని  సూచిస్తూ సరి కొత్త సాంప్రదాయానికి తెరలేపారు. ఇదేంటని ప్రశ్నించిన  జర్నలిస్టులపై  ఆగ్రహం వ్యక్తం చేస్తూ సిబ్బంది సహకారంతో వారిని బలవంతంగా సమావేశ మందిరం నుంచి  బయటికి పంపిన సంఘటన హైదరాబాద్‌ కలెక్టరేట్‌లో సోమవారం చోటుచేసుకుంది. జిల్లా కలెక్టరేట్‌ సమావేశ మందిరంలో నిర్వహించే ప్రజావాణికి కార్యక్రమాన్ని కవరేజ్‌ చేసేందుకు వివిధ పత్రికలు,  చానళ్ల రిపోర్టర్లు కలెక్టరేట్‌కు వెళ్లారు. జిల్లా కలెక్టర్‌ మాణిక్‌ రాజ్‌ కన్నన్‌ ఇతర సమీక్షా సమావేశాల్లో బిజీగా ఉన్నందున ‘ప్రజావాణి’కి హాజరుకాలేదు. దీంతో జాయింట్‌ కలెక్టర్‌  రవి, జిల్లా రెవెన్యూ అధికారి భూపాల్‌ రెడ్డితో కలిసి  ప్రజల నుంచి వినతులు, ఫిర్యాదులు స్వీకరిస్తున్నారు.  మధ్యాహ్నం ప్రజా సమస్యలకు  సంబంధించి ఆయా శాఖల అధికారులపై జేసీ ఆగ్రహం వ్యక్త చేశారు. దీనిని గమనిస్తున్న  జర్నలిస్టులను గుర్తించిన జేసీ జర్నలిస్టుల ప్రజావాణికి పాత్రికేయులు రావాల్సిన అవసరం లేదని, ఫొటోలు తీసుకొని  బయటికి వెళ్లిపోవాలని ఆగ్రహం వ్యక్తం చేశారు. దీంతో నివ్వెరపోయిన జర్నలిస్టులు విధి నిర్వహణలో భాగంగా కవరేజీ కోసం వచ్చినట్లు చెప్పగా, మీరు జర్నలిస్టులని తెలుసునని, అయితే సమావేశ మందిరంలోకి అనుమతి లేదని అసహనం వ్యక్తం చేశారు. అక్రిడేటెడ్‌ జర్నలిస్టులైనా.. తాము ప్రభుత్వం జారీ చేసిన అక్రిడేటెడ్‌  జర్నలిస్టులమని కార్డులు చూపిస్తూ  ప్రభుత్వ కార్యక్రమాలు, సమావేశాలను కవర్‌ చేసేందుకు అనుమతి ఉంటుందని కొందరు పాత్రికేయులు జేసీకి వివరించే ప్రయత్నం చేయగా ప్రజావాణి కార్యక్రమం  పిటీషన్లు స్వీకరించేందుకు మాత్రమేనని,  డీపీఆర్‌ఓ ప్రెస్‌ నోట్‌ పంపిస్తారని, దీనిని ప్రత్యేకంగా కవరేజీ చేయాల్సిన అవసరం లేదన్నారు.వారు పంపించింది రాసుకోవాలని ఆగ్రహం వ్యక్తం చేశారు. చాలా కాలంగా ప్రజావాణి కార్యక్రమాన్ని కవర్‌ చేస్తున్నామని, అన్ని జిల్లాల్లో  మీడియాను అనుమతిస్తున్నట్లు చెప్పగా ఆగ్రహానికిలోనైన జేసీ ఆ అవసరం లేదని స్పష్టం చేశారు.   ఫిర్యాదు చేసుకోవచ్చు  జాయింట్‌ కలెక్టర్‌  ప్రజావాణికి రానివ్వడం లేదని ఉన్నతాధికారులకు  ఫిర్యాదు చేసుకోవచ్చునని సూచించారు. అనంతరం ‘కాల్‌ది  డీపీఆర్‌ఓ’ అంటూ జర్నలిస్టులపై ఆగ్రహావేశాలు ప్రదర్శించారు. దీంతో జిల్లా రెవెన్యూ అధికారి సీసీ పవన్‌ అక్కడికి వచ్చి ప్రాతికేయులను  బయటికి  వెళ్లాలంటూ నెట్టివేసేందుకు ప్రయత్నించారు. దీంతో కలెక్టరేట్‌ ఏఓ ఆశోక్‌ రెడ్డి అక్కడికి వచ్చి తర్వాత మాట్లాడుకుందాం... మొదట బయటికి వెళ్లాలని విలేకరులను బయటికి పంపారు.  అనంతరం డీపీఆర్‌ఓను వేదిక వద్దకు పిలిపించుకున్న జేసీ కేవలం ఫొటోలు తీసుకుని పొమ్మనండి.. మీరు పంపించిన ప్రెస్‌నోట్‌ రాసుకోమ్మని చెప్పాలంటూ హుకుంజారీ చేయడం విస్మయానికి గురిచేసింది.  

సాక్షి, పశ్చిమగోదావరి(ఏలూరు) : గత ప్రభుత్వ హయాంలో పేదలకు భోజనం పెట్టే పేరుతో అన్న క్యాంటీన్‌లను ఏర్పాటు చేసి పెద్ద మొత్తంలో దోచేశారని, జిల్లాలో జరిగిన అవినీతిపై దర్యాప్తు చేయాలంటూ వైఎస్సార్‌ సీపీ రాష్ట్ర పంచాయతీరాజ్‌ ప్రధాన కార్యదర్శి యడ్ల తాతాజీ జేసీ ఎం.వేణుగోపాలరెడ్డిని కోరారు. దీనిపై స్థానిక కలెక్టరేట్‌లో గురువారం ఆయన జేసీకి వినతిపత్రం అందజేశారు. టీడీపీ హయాంలో జిల్లాలో మొత్తం 16 అన్న క్యాంటీన్లను నిర్మించారన్నారు. వీటి కొరకు ప్రభుత్వం నుంచి రూ.36 లక్షలు, స్థానిక మున్సిపాలిటీల నుండి రూ.6 లక్షలు చొప్పున మొత్తం రూ.42 లక్షలు ఖర్చు చేశారన్నారు. ఎక్కడైనా ఒక బిల్డింగ్‌ కట్టాలంటే స్థలం కొని దాని నిర్మాణం చేస్తే స్థలం, నిర్మాణము కలిపి ఒక చదరపు అడుగుకి రూ.2 వేల నుంచి రూ.2,500 వరకూ ఖర్చవుతుందన్నారు. అయితే అన్న క్యాంటీన్‌లు కట్టడానికి స్థలాలు మున్సిపాలిటీ, ప్రభుత్వ స్థలాలు కావడం వల్ల నిర్మాణానికి ఒక చదరపు అడుక్కి రూ.1,500 చొప్పున మాత్రమే ఖర్చవుతుందన్నారు. అయితే గత పాలకులు ఒక చదరపు అడుక్కి రూ.5,532 చొప్పున వసూలు చేశారన్నారు. ఒక్కో అన్న క్యాంటీన్‌లో రూ.30 లక్షల వరకూ అవినీతి చోటు చేసుకుందని ఆయన వినతి పత్రంలో పేర్కొన్నారు. ఈ లెక్కన జిల్లాలోని 16 అన్న క్యాంటీన్లలో సుమారు రూ.4.80 కోట్లు అవినీతి చోటు చేసుకుందని తెలిపారు. ఇదే విధంగా రాష్ట్ర వ్యాప్తంగా జరిగిన అవినీతిపై ముఖ్యమంత్రి వైఎస్‌ జగన్‌మోహాన్‌రెడ్డికి ఫిర్యాదు చేసినట్లు తెలిపారు. జిల్లాలో జరిగిన అవినీతిపై సమగ్ర విచారణ నిర్వహించి ప్రజాధనాన్ని కాపాడాల్సిందిగా ఆయన కోరారు. ఈ కార్యక్రమంలో చినమిల్లి గణపతిరావు, రేలంగి శ్రీనివాసరావు, కాపిశెట్టి శ్రీనివాసరావు పాల్గొన్నారు.

సాక్షి, మంచిర్యాల : చట్టానికి ఎవరు అతీతులు కాదు.. నిబంధనలు అందరికీ సమానమే అని స్పీడ్‌ లేజర్‌ గన్‌ (కెమెరా) ద్వారా స్పష్టమైంది. మంచిర్యాల జిల్లా జాయింట్‌ కలెక్టర్‌కు చెందిన టీఎస్‌19సీ1009 నంబర్‌ గల వాహనానికి ఈ నెల 28న సైబర్‌బాద్‌ పోలీస్‌ కమిషనరేట్‌ అల్వాల్‌ ట్రాఫిక్‌ పోలీస్‌స్టేషన్‌ పరిధిలోని ఎల్లంపేట వద్ద స్పీడ్‌ లేజర్‌ గన్‌తో జరిమానా విధించారు. రోడ్డు ప్రమాదాల నివారణకు రాష్ట్ర పోలీస్‌శాఖ వాహనాల అతివేగాన్ని నిరోధించేందుకు స్పీడ్‌ లేజర్‌ గన్‌ను అందుబాటులోకి తెచ్చారు. రహదారులపై నిర్ధేశించిన వేగానికంటే అధికవేగంతో వెళ్తే స్పీడ్‌ లేజర్‌ గన్‌ పసిగడుతుంది. దీంతో ఈ–చలాన్‌ ద్వారా జరిమానా విధించడం జరుగుతోంది. మంచిర్యాల జిల్లా జాయింట్‌ కలెక్టర్‌  వాహనం అతివేగంగా వెళ్లడంతో స్పీడ్‌ లేజర్‌ గన్‌ ద్వారా రూ.1035 జరిమానా విధించారు.    

సాక్షి, కాకినాడ సిటీ(తూర్పు గోదావరి) : ప్రజల సమస్యలను పరిష్కరించడమే తన ప్రధాన కర్తవ్యమని జిల్లాకు కొత్త జాయింట్‌ కలెక్టర్‌గా బాధ్యతలు స్వీకరించిన డి.లక్ష్మీశ అన్నారు. ఆయన కలెక్టరేట్‌లోని తన ఛాంబర్‌లో ‘సాక్షి’తో మాట్లాడారు. తన అనుభవాలను, మనోభావాలను వెల్లడించారు. ఆ వివరాలు ఆయన మాటల్లోనే..  మాది కర్నాటక రాష్ట్రంలోని తుముకూరు జిల్లాలోని హాళుగుండనహాళీ అనే చిన్న పల్లెటూరు. మాది పూర్తిగా వ్యవసాయ కుటుంబం. నా తల్లిదండ్రులు లక్ష్మమ్మ, గంగముత్తయ్య వ్యవసాయం చేస్తుంటారు. ఒక అన్న, ముగ్గురు సిస్టర్స్‌ ఉన్నారు. నా బాల్యం అంతా కర్నాటకలోనే సాగింది. వ్యవసాయ కుటుంబం కావడంతో బీఎస్సీ అగ్రికల్చర్‌ చేసి అదే సబ్జెక్టులో పీహెచ్‌డీ చేశాను. అమ్మ కోరిక మేరకు ఐఏఎస్‌ చదివేందుకు ఢిల్లీ వెళ్లాను. అక్కడే ఉండి ఐఏఎస్‌ పరీక్ష కోసం చదివాను. 2010లో ఇండియన్‌ ఫారెస్ట్‌ సర్వీస్‌కు ఎంపికయ్యాను. అదే సమయంలో వ్యవసాయశాఖ కృషి విజ్ఞాన్‌ కేంద్రంలో సైంటిస్టుగా పోస్టింగ్‌ వచ్చింది. అప్పట్లో ప్రజలకు సేవ చేయాలన్నా, అమ్మ ఆశయం నెరవేరాలన్నా ఇండియన్‌ ఫారెస్ట్‌ సర్వీసే కరెక్ట్‌ అని భావించి దానిలో చేరాను. అయితే అమ్మ కోరిక ప్రకారం ఐఏఎస్‌కు ఎంపిక కావాలనే ఆశయంతో మరోమారు ప్రయత్నించాను. ఇలా నాలుగో సారి 2013 బ్యాచ్‌లో ఐఏఎస్‌కు ఎంపికయ్యాను. అనుకున్న లక్ష్యాన్ని సాధించాను. ప్రజలకు సేవ చేయాలనే సంకల్పం సాకారమైంది. జేసీగా తూర్పులోనే తొలి పోస్టింగ్‌  2013లో ఐఏఎస్‌గా ఎన్నిక అయిన తరువాత మొట్టమొదటిగా కర్నూలు జిల్లాలో ట్రైనీ కలెక్టర్‌గా చేరాను. అనంతరం నూజివీడులో సబ్‌ కలెక్టర్‌గా పని చేశాను. అక్కడ నుంచి 2016లో పార్వతీపురం ఐటీడీఏ ప్రాజెక్టు డైరెక్టర్‌గా వెళ్లాను. అక్కడ పని చేస్తుండగా బదిలీ చేయడంతో తొలిసారిగా తూర్పుగోదావరి జిల్లాకు జాయింట్‌ కలెక్టర్‌గా వచ్చాను. నూజివీడులో సబ్‌ కలెక్టర్‌గా పని చేసిన సమయంలో ఎయిర్‌పోర్టుకు 450 ఎకరాల భూమిని ఫిల్లింగ్‌ చేశాను. పరిశ్రమల స్థాపన కోసం ఏపీఐఐసీకి 1,400 ఎకరాలు  సేకరించాం. కృష్ణా పుష్కరాల నిర్వహణలో ఇన్‌చార్జిగా పని చేశాను. జిల్లాను పూర్తి అవగాహన చేసుకుంటాను. మెరుగైన సేవల ద్వారా ప్రభుత్వానికి మంచి పేరు తీసుకువస్తాను. సీఎం వైఎస్‌ జగన్‌మోహన్‌రెడ్డి  అమలు చేస్తున్న నవరత్న పథకాలను పేద వర్గాల ప్రజలకు నేరుగా చేరేందుకు కృషి చేస్తాను.  భూ సమస్యల పరిష్కారంపై ప్రత్యేక దృష్టి  జిల్లాలో భూ సమస్యల పరిష్కారానికి ప్రత్యేక దృష్టి సారించడంతో పాటు వ్యవసాయ రంగం అభివృద్ధి, రైతుల సంక్షేమానికి ప్రత్యేక చర్యలు చేపడతాను. రైతులు నిత్యం ఎదుర్కొనే భూ సమస్యలు, పట్టాదారు పాస్‌పుస్తకాలు, మ్యుటేషన్స్, ఒకరి భూమి మరొకరి పేరిట ఆన్‌లైన్‌ చేయడం, భూమి కొలతలు, చుక్కల భూములు తదితర అనేక సమస్యలు ఉన్నాయి. జిల్లాపై పూర్తిస్థాయిలో అవగాహన కల్పించుకున్న అనంతరం రైతులు, ప్రజలు ఎదుర్కొంటున్న సమస్యలన్నింటినీ  జిల్లా కలెక్టర్‌ మురళీధర్‌రెడ్డి దృష్టికి తీసుకెళ్లి, ఆయనతో చర్చించి వాటి పరిష్కారానికి కృషి చేస్తాను.  సాగునీటి వనరుల అభివృద్ధికి చర్యలు చేపడతాం.  పరిశ్రమల ఏర్పాటుకు కృషి చేస్తా  కాకినాడ, పెద్దాపురం, రాజమహేంద్రవరం, తొండంగి తదితర ప్రాంతాల్లో పరిశ్రమల ఏర్పాటుకు ఏపీఐఐసీ భూములను సేకరించారు. ఆ భూములను పరిశీలించి   పరిశ్రమల ఏర్పాటుకు కృషి చేస్తాం. అదే విధంగా సివిల్‌సప్లైస్‌ వ్యవస్థను పటిష్టం చేసేందుకు అన్ని చర్యలూ తీసుకుంటాం. రైతులు పండించిన పంటను ప్రభుత్వ కొనుగోలు కేంద్రాల ద్వారా గిట్టుబాటు ధరకు కొనుగోలు చేస్తాం. ప్రభుత్వ లక్ష్యం మేరకు పేదలకు ప్రభుత్వం అందించే బియ్యం, పంచదార, కందిపప్పు తదితర నిత్యావసర సరుకులు నేరుగా పేద ప్రజలకు చేరేందుకు చర్యలు తీసుకుంటాం.  వ్యవసాయ ప్రధానమైన జిల్లాలో పని చేయడం  అదృష్టం  వ్యవసాయ ప్రధానమైన,  ధాన్యాగారంగా పేరున్న తూర్పుగోదావరి జిల్లాలో పని చేయడం నా అదృష్టంగా భావిస్తున్నాను. మాది వ్యవసాయ కుటుంబం కావడంతో వ్యవసాయం అంటే ఎంతో ఇష్టం. అదే ఉద్దేశంతో బీఎస్సీ అగ్రికల్చర్‌ చదివి పీహెచ్‌డీ చేశాను. రైతు బాగుంటేనే రాష్ట్రం, జిల్లా, మండలం, గ్రామం బాగుంటుందని నేను నమ్మడంతో రైతుల సంక్షేమానికి ప్రభుత్వం అమలు చేసే పథకాలు నేరుగా పేద రైతుకు చేరేలా ఉన్నతాధికారులతో కలిసి పనిచేస్తాను. సీఎం జగన్‌మోహన్‌రెడ్డి ఆశయాలకు అనుగుణంగా జిల్లాలో అవినీతిరహిత పాలన సాగిస్తూ, ప్రభుత్వం  అందించే సంక్షేమాన్ని పేదలకు అందించేందుకు నిరంతరం కృషి చేస్తాను. అధికారులు కూడా అందుకు అనుగుణంగానే పనిచేయాలి. ఎవరు తప్పు చేసినా కఠినంగా వ్యవహరిస్తా.  ప్రజలకు జవాబుదారీగానే పని చేయాల్సిన బాధ్యత అధికారులపై ఉంది. రెవెన్యూలో అనేక రకాల భూ సమస్యలు పెండింగ్‌లో ఉన్నాయి. వాటన్నింటి పరిష్కారానికి ప్రత్యేక శ్రద్ధ తీసుకుంటూ ప్రజలకు ఇబ్బందులు రాకుండా పని చేస్తాం. అమ్మ చెప్పింది.. అమ్మ నన్ను ఓ ఉన్నతమైన వ్యక్తిగా, పది మందికి సేవ చేసే వాడిగా చూడాలనుకొంది. బాగా చదువుకుంటేనే అది సాధ్యమవుతుందనుకున్నాను. రాజ్యాంగ నిర్మాత డాక్టర్‌ బాబాసాహెబ్‌ అంబేడ్కర్, మాజీ రాష్ట్రపతి అబ్దుల్‌ కలామ్‌ ఆదర్శంగా తీసుకుని, అమ్మ ఆశయం నెరవేర్చాలని భావించాను. పేదరికంలో ఉన్నా నేను ఉన్నతస్థాయికి వెళ్లి పేదలకు సేవలు చేయాలన్న అమ్మ కోరికను నెరవేర్చాలని సంకల్పించుకున్నాను. ఒక్క ఐఏఎస్‌తోనే అది సాధ్యమని భావించాను. సాధించాను. –డి.లక్ష్మీశ

చెరువులను కబ్జా చేసిన వాళ్లను చూశాం.. పేదోడి భూమిని కాజేస్తున్న వాళ్లనూ చూస్తున్నాం. ఖాళీగా కనిపిస్తే ప్రభుత్వ స్థలాలనూ దర్జాగా దక్కించుకుంటున్న వాళ్ల గురించీ విన్నాం. వీటికి మించిన విచిత్రం చిత్తూరు పట్టణంలో చోటు చేసుకుంది. వాస్తు దోషాల నివారణ కోసం టీడీపీ మహిళా ఎమ్మెల్యే ఒకరు ఏకంగా జాయింట్‌ కలెక్టర్‌ బంగ్లా స్థలాన్నే ఆక్రమించేశారు. విలువ రూ.3 కోట్లు!  టీడీపీ ఎమ్మెల్యే డీకే సత్యప్రభ తన ఇంటి వాస్తు సరిగా లేదని పక్కనే ఉన్న దశాబ్దాల చరిత్ర కలిగిన జేసీ బంగ్లాకే ఎసరు పెట్టారు. దాదాపు రూ. 3 కోట్లు విలువ చేసే 7,200 చ.అడుగుల బంగ్లా స్థలాన్ని ఆక్రమించారు. రాత్రికి రాత్రే అందులో గోడ నిర్మించుకున్నారు. దీనికి అడ్డు రావడంతో పురాతన చింత చెట్లను కూడా నరికి వేయించారు. ఆక్రమించిన కొంత భూమిలో నాటు కోళ్ల ఫారం, లాన్, కార్‌ పార్కింగ్‌ ఏర్పాటు చేసుకున్నారు.  వాస్తు దోష నివారణకు..  చిత్తూరు సర్వే నెంబర్‌ 311/ఏలో 3.47 ఎకరాల్లో జేసీ బంగ్లా ఉంది. దీని పక్కనే 309/1ఏలో 7,500 చదరపుటడుగులు, 306/2లో 3,500 చదరపుటడుగుల్లో టీడీపీ ఎమ్మెల్యే సత్యప్రభ నివాసం ఉంది. ఆమె ఇంటి వాస్తు సరిగా లేదని సిద్ధాంతి చెప్పడంతో దోషాల నివారణ కోసం ఉత్తరం వైపున్న జాయింట్‌ కలెక్టర్‌ బంగ్లా స్థలాన్ని ఆక్రమించుకుని గోడ కట్టేశారు. దీనిపై చర్యలు తీసుకోడానికి అధికారులు ప్రయత్నించినా పెద్దల నుంచి ఆదేశాలు రావడంతో వెనక్కి తగ్గారు.  ఆక్రమించిన స్థలంలో ఏర్పాటు చేసుకున్ననాటుకోళ్ల ఫారం, కారు షెడ్డు, లాన్‌   మీరిస్తానంటే చెప్పండి...!  ముఖ్యమంత్రి చంద్రబాబు అండతోనే ఎమ్మెల్యే సత్యప్రభ ఆక్రమణలకు పాల్పడటంతో... అప్పటి కలెక్టర్‌ సిద్దార్థజైన్, జేసీ భరత్‌గుప్తా బంగ్లా స్థలం కబ్జాకు గురైనా పట్టించుకోలేదు. ఎమ్మెల్యే పట్ల ప్రజల్లో తీవ్ర వ్యతిరేకత ఉందని టీడీపీ నేతలు కొందరు సీఎం వద్ద మొరపెట్టుకున్నా... ‘ఎన్నికల సమయంలో చిత్తూరు జిల్లాకు ఫండింగ్‌ అవసరం. మీరు ఇస్తానంటే ఆమెపై చర్యలు తీసుకుంటా...!’ అని వ్యాఖ్యానించడంతో సైలెంట్‌గా వెళ్లిపోయినట్లు తెలిసింది.  చింత దుంగలను ట్రాక్టర్‌లో తరలిస్తున్న దృశ్యం   

నేషనల్‌ ఓటర్‌ సర్వీస్‌ పోర్టల్‌ (www.nvsp.in) ఓపెన్‌ చేసి అందులో పేరు కానీ, ఓటర్‌ ఐడీ కార్డు ఎపిక్‌ నంబర్‌ కానీ నమోదు చేస్తే.. ఓటుందో లేదో తెలుస్తుంది. ఓటు లేకుంటే అందులోనే నమోదు చేసుకోవచ్చు.  1950 టోల్‌ఫ్రీ నంబర్‌కు ఫోన్‌ చేసి కూడా వివరాలు తెలుసుకోవచ్చు.   www.ceoandhra.nic.inజీఛి.జీn వెబ్‌సైట్‌ ఓపెన్‌ చేస్తే search your name  పేరుతో ఆప్షన్‌ కనిపిస్తుంది. అందులో మీ నియోజకవర్గంలో మీ ఓటుందో లేదో మీ పేరు ఆధారంగా చెక్‌ చేసుకునే వెసులుబాటు ఉంది.   జిల్లా కలెక్టరేట్‌లోని ఎన్నికల విభాగం ఇన్‌చార్జ్‌ అధికారి 9963794303  జిల్లా కలెక్టరేట్‌లోని ఎన్నికల ప్రత్యేక సెల్‌లో ఓటరు కార్డు ఎపిక్‌ నంబర్‌ వివరాలు అందిస్తే ఓటు ఉందో లేదో చెబుతారు. ఫారం–6 నింపి అక్కడే ఓటు నమోదు చేసుకోవచ్చు.   మీ–సేవ కేంద్రాల్లో నిర్ణీత మొత్తం తీసుకుని ఓటరు జాబితాలో పేరుందా? లేదా? అనే వివరాలు చెక్‌ చేసి చెబుతారు. అక్కడే ఓటు నమోదు కూడా చేసుకోవచ్చు.   గత అసెంబ్లీ ఎన్నికలకు ముందు check your vote పేరుతో ఎన్నికల అధికారులు ప్రత్యేక శిబిరాలు నిర్వహించారు. ఓటు ఉందో లేదో సరిచూసుకోవడానికి ఇవి ఉపయోగపడ్డాయి. ఈసారి కూడా అటువంటి సౌకర్యం అందుబాటులోకి వస్తే.. వినియోగించుకోవచ్చు. ఈ నెల 15వ తేదీ వరకు ఓటు నమోదుకు అవకాశం ఉంది. అధికారులను సంప్రదించి తెలుసుకోవచ్చు. 

సాక్షి, గుంటూరు:  - నేషనల్‌ ఓటర్‌ సర్వీస్‌ పోర్టల్‌ ​www.nvsp.in ఓపెన్‌ చేసి అందులో పేరు కానీ, ఓటర్‌ ఐడీ కార్డు ఎపిక్‌ నంబర్‌ కానీ నమోదు చేస్తే.. ఓటుందో లేదో తెలుస్తుంది. ఓటు లేకుంటే అందులోనే నమోదు చేసుకోవచ్చు.  - 1950 టోల్‌ఫ్రీ నంబర్‌కు ఫోన్‌ చేసి కూడా వివరాలు తెలుసుకోవచ్చు. - www.ceoandhra.nic.in వెబ్‌సైట్‌ ఓపెన్‌ చేస్తే search your name పేరుతో ఆప్షన్‌ కనిపిస్తుంది. అందులో మీ నియోజకవర్గంలో మీ ఓటుందో లేదో మీ పేరు ఆధారంగా చెక్‌ చేసుకునే వెసులుబాటు ఉంది.  - కలెక్టరేట్‌లోని ల్యాండ్‌ లైన్‌ ఫోన్‌ నంబర్‌ 0863–2234070 - జిల్లా కలెక్టరేట్‌లోని ఎన్నికల ప్రత్యేక సెల్‌లో ఓటరు కార్డు ఎపిక్‌ నంబర్‌ వివరాలు అందిస్తే ఓటు ఉందో లేదో చెబుతారు. ఫారం–6 నింపి అక్కడే ఓటు నమోదు చేసుకోవచ్చు.  - మీ–సేవ కేంద్రాల్లో నిర్ణీత మొత్తం తీసుకుని ఓటరు జాబితాలో పేరుందా? లేదా? అనే వివరాలు చెక్‌ చేసి చెబుతారు. అక్కడే ఓటు నమోదు కూడా చేసుకోవచ్చు. ఈ నెల 15వరకు ఓటు నమోదుకు     అవకాశం ఉంది. అధికారులను సంప్రదించి తెలుసుకోవచ్చు. 

విశాఖపట్నం, నక్కపల్లి/పాయకరావుపేట: పెథాయ్‌ తుఫాన్‌ను ఎదుర్కొనేందుకు యంత్రాంగం సిద్ధంగా ఉండాలని జాయింట్‌ కలెక్టర్‌ సృజన ఆదేశించారు. తుఫాన్‌ నేపథ్యంలో ఆమె నక్కపల్లి, పాయకరావుపేట, ఎస్‌.రాయవరం  మండలాల్లో ఆదివారం పర్యటించారు. నక్కపల్లి మండలం రాజయ్యపేట, ఎస్‌.రాయవరం మండలం బంగారమ్మపాలెం, రేవుపోలవరం తీర ప్రాంతాలను పరిశీలించారు. అక్కడి పరిస్థితులను తెలుసుకున్నారు. మత్య్సకారులు, తీరప్రాంత గ్రామాలవారితో మాట్లాడారు. భయాందోళనలు చెందాల్సిన అవసరం లేదన్నారు. ప్రభుత్వం ముందుజాగ్రత్త చర్యలు చేపట్టిందన్నారు. మండల, గ్రామస్థాయి అధికారులను అప్రమత్తం చేసి తుఫాన్‌ ప్రభావిత గ్రామాల్లో అందుబాటులో ఉంచామన్నారు. కేటాయించిన గ్రామాల్లో అధికారులు అందుబాటులో ఉండాలన్నారు. మండల, డివిజన్, జిల్లా కేంద్రాల్లో కంట్రోలు రూములు ఏర్పాటు చేసినట్టు చెప్పారు. అధికారులతో సమీక్ష..  పాయకరావుపేట మండల పరిషత్‌ కార్యాలయంలో తీరప్రాంతం ఉన్న రాంబిల్లి, అచ్యుతాపురం,ఎస్‌.రాయవరం, నక్కపల్లి, పాయకరావుపేట మండలాల అధికారులతో జేసీ సృజన అత్యవసర సమావేశం నిర్వహించారు. దీనికి రెవెన్యూ, పంచాయతీరాజ్, ఆర్‌డబ్ల్యూఎస్, పోలీస్, ఉపాధిహామీ, ట్రాన్స్‌కో, రవాణా, విద్యా, వైద్య ఆరోగ్యశాఖల అధికారులు హాజరయ్యారు. ఆమె మాట్లాడుతూ ఇటీవల శ్రీకాకుళం జిల్లాలో తిత్లీ తుఫాన్‌ సృష్టించిన విధ్వంసం తెలిసిందే అన్నారు.  అక్కడ చోటుచేసుకున్న పొరపాట్లు ఇక్కడ జరగకుండా పెథాయ్‌ను సమర్ధంగా ఎదుర్కొనేందుకు అన్ని ఏర్పాట్లు చేపట్టాలన్నారు.  సోమవారం ఉదయం పదిగంటలకు తీరం దాటవచ్చని తుఫాన్‌ హెచ్చరికల కేంద్రం ప్రకటించిన నేపథ్యంలో అన్ని శాఖల అధికారులు అప్రమత్తంగా ఉండాలన్నారు. ప్రభావిత గ్రామాలకు ముందుగానే నిత్యావసర సరుకులు తరలించాలని పౌరసరఫరాలశాఖ, రెవెన్యూ అధికారులను ఆదేశించారు. రక్షిత భవనాలు, అంగన్‌వాడీ కేంద్రాలు, పాఠశాలలను పునరావాస  కార్యక్రమాలకోసం  స్వాధీనంలోకి తీసుకోవాలన్నారు. విద్యుత్‌సరఫరాకు అంతరాయం ఏర్పడితే జనరేటర్లను అందుబాటులో ఉంచాలని ట్రాన్స్‌కో అధికారులను ఆదేశించారు. 4 వేల  విద్యుత్‌ స్తంభాలను అందుబాటులో ఉంచడం జరిగిందన్నారు. 400 స్తంభాలు పాయకరావుపేట నియోజకవర్గానికి కేటాయించామన్నారు. మిగిలిన స్తంభాలు తూర్పుగోదావరి జిల్లాకు పంపినట్టు చెప్పారు. గ్రామాల్లోని రక్షిత మంచినీటి పథకాల ఓవర్‌ హెడ్‌ ట్యాంకులన్నింటినీ నీటితో నింపాలని సూచించారు. ప్రభుత్వ కార్యాలయాలు, పాఠశాలల్లోని ట్యాంకులను కూడా నింపి తాగునీటి కొరత లేకుండా చూడాలన్నారు. అవసరమైతే వాటర్‌ ప్యాకేట్‌ బస్తాలు కూడా అందుబాటులో ఉంచాలన్నారు. రేషన్‌ డీలర్లతో పాటు, మధ్యాహ్నభోజన పథక నిర్వాహకులను కూడా అందుబాటులో ఉండాలన్నారు. ఒక్కో తుఫాన్‌ రక్షిత కేంద్రంలో 3 వేల  మందికి భోజన వసతి ఉండేలా ఏర్పాట్లు చేయాలని సూచించారు. నిత్యావసర సరకులు ఈ  రాత్రికే తీరప్రాంత గ్రామాలకు చేర్చాలని ఆదేశించారు. పొక్లెయిన్‌లు, జనరేటర్లతో సిద్ధంగా ఉండాలని విపత్తుల నివారణ  శాఖను ఆదేశించారు. ఎక్కడైనా భారీ వృక్షాలు కూలిపోతే వెంటనే తొలగించడానికి అవసరమైన సంరంజామా సిద్ధంగా ఉంచాలన్నారు.   ప్రభుత్వంనుంచి తదుపరి ఆదేశాలు వచ్చే వరకు తీరప్రాంత గ్రామాల్లో విధులకు నియమించిన వారంతా అక్కడే అందుబాటులో ఉండాలని ఆదేశించారు. సమావేశంలో నర్సీపట్నం ఆర్డీవో విశ్వేశ్వరరావు, ఏఎస్పీ హఫీజ్, డ్వామాపీడీ కల్యాణ చక్రవర్తి, డీపీవో కృష్ణకుమారి, ఆర్‌డబ్ల్యూఎస్‌ ఎస్‌ఈ,  ఐదుమండలాల తహసీల్దార్‌లు, ఎంపీడీవోలు,ఈవోపీఆర్‌డీలు పాల్గొన్నారు.

డిసెంబర్‌ 7వ తేదీన నిర్వహించే ముందస్తు అసెంబ్లీ ఎన్నికల సందర్భంగా విధులు నిర్వర్తించే అదికారులు, సిబ్బంది ప్రతీ అంశాన్ని క్షుణ్ణంగా, సూక్ష్మంగా పరిశీలించాలని జేసీ షేక్‌ యాస్మిన్‌ బాషా సూచించారు. జిల్లా కేంద్రంలోని పొదుపు భవన్‌లో మంగళవారం ఎన్నికల మైక్రో అధికారులతో ఆమె సమావేశమయ్యారు. సాక్షి,సిరిసిల్ల : ఎన్నికల్లో ప్రతీ అంశాన్ని సూక్ష్మంగా పరిశీలించాలని జాయింట్‌ కలెక్టర్‌ షేక్‌ యాస్మిన్‌బాషా సూచించారు. స్థానిక పొదుపు భవన్‌లో పోలింగ్‌ సూక్ష్మస్థాయి అధికారులతో మంగళవారం సమావేశం నిర్వహించారు. పోలింగ్‌ కేంద్రంలో జరిగిన ప్రతీ అంశాన్ని మైక్రో పరిశీలకులు నివేదిక రూపంలో అందజేయాలన్నారు. ఎన్నికలను సజావుగా నిర్వహించేందుకు మైక్రో పరిశీలకులు కీలక బాధ్యతలు నిర్వహిస్తారన్నారు. ఒకరోజు ముందుగానే మైక్రో పరిశీలకులు వారికి కేటాయించిన పోలింగ్‌ కేంద్రాలకు వెళ్లి మాక్‌ పోలింగ్‌ ఏజెంట్ల సమక్షంలో నిర్వహించాలన్నారు. మాక్‌ పోలింగ్‌లో వచ్చిన ఓట్లను ఈవీఎంలతో సరిపోల్చి, ఈవీఎం పనిచేస్తున్న విధానాన్ని ఏజెంట్లకు తెలపాలన్నారు. అన్ని సవ్యంగా ఉంటే ఏజెంట్ల సమక్షంలో ఈవీఎంలను సీజ్‌చేయాలని సూచించారు. లోటుపాట్లు ఉంటే ఎన్నికల అధికారులకు నివేదించాలని కోరారు. సూక్ష్మ పరిశీలకులు ఎన్నికల్లో కీలకమైన బాధ్యతలు నిర్వహించాల్సి ఉందన్నారు. ఎన్నికల సాధారణ పరిశీలకులు  ప్రవత్‌ కుమార్‌లెంక, ఎల్‌డీఎం రంగారెడ్డి, ఎంఈవో రాంచందర్‌రావు పాల్గొన్నారు.  

సాక్షి,నల్లగొండ: ఎన్నికల నిర్వహణ పారదర్శంగా సాగాలంటే అందుకు సాంకేతికత ఎంతో ఉపయోగపడుతుంది.గమనించిన ఎన్నికల సంఘం ఈ సారి రాష్ట్ర వ్యాప్తంగా అన్ని పోలింగ్‌ బూతుల్లో ఉపయోగించి ఎన్నికలను సజావుగా నిర్వహించేందుకు పూనుకుంది. అందులో భాగంగా జిల్లాలో కూడా అన్ని పోలింగ్‌ బూతుల్లో వెబ్‌ కాస్టింగ్‌ ఏర్పాటు చేయాలని నిర్ణయించింది. దాని ద్వారా ఎన్నికల్లో అక్రమాలకు తావులేకుండా ఉండడంతో పాటు త్వరితగతిన  పనుల్లో వేగం పెరుగుతుంది.   ఇప్పటికే ఆన్‌లైన్‌ ద్వారా ఓటు నమోదు కార్యక్రమాలు చేపట్టారు. ఓటు నమోదుతో పాటు మార్పులు చేర్పులకు కూడా ఆన్‌లైన్‌లో అవకాశం ఇవ్వడంతో నేరుగా దరఖాస్తులు వచ్చాయి.  అంటే ఇంటర్‌నెట్‌ సౌకర్యం ఏవిధంగా ఉపయోగ పడిందనేది అర్థం అవుతుంది. అంతేకాక ఈ సారి ఎన్నికల్లో  ఈవీఎంలతో పాటు వీవీ ప్యాట్లను ఏర్పాటు చేశారు. ఈవీఎంల ద్వారా ఓటరు ఓటు ఎలక్ట్రానిక్‌ విధానంలో ఓటు వేస్తుండగా వీవీ ప్యాట్ల ద్వారా ఏ వ్యక్తికి, ఏ గుర్తుకు ఓటు వేసింది నిజంగా తను వేసిన గుర్తుకు ఓటు పడిందా లేదా అనేది వెంటనే తెలిసి పోతుంది. ఆ విధంగా కొత్త విధానాన్ని తీసుకువచ్చారు. అయితే ఎన్నికలను సమర్థంగా నిర్వహించేందుకు ప్రతి పోలింగ్‌ బూతును శాటిలైట్‌ ఆధారంగా గుర్తించడంతోపాటు, ఎన్నికల సరళిని పర్యవేక్షించేందుకు వెబ్‌కాస్టింగ్‌ తీసుకువస్తున్నారు. దీనికి ఇంటర్‌నెట్‌ ఎంతో అవసరం ఉంది.  ఇంటర్‌నెట్‌ అంతంత మాత్రమే.. బీఎస్‌ఎన్‌ఎల్‌ జిల్లా వ్యాప్తంగా అన్ని ప్రాంతాల్లో 4జీ సేవలు అందడం లేదు. చాలా గ్రామాల్లో బ్రాడ్‌బ్రాండ్‌ సేవలు అందడం లేదు. సెల్‌టవర్లు కూడా మారుమూల ప్రాంతాల్లో తక్కువగా ఉన్నాయి. దీంతో అన్ని గ్రామాలకు నెట్‌సౌకర్యం లేదు. గత ఎన్నికల్లో సమస్యాత్మక ప్రాంతాల్లో వెబ్‌కాస్టింగ్‌ను ఏర్పాటు చేయడం వల్ల చాలా వరకు సమస్యలు తగ్గాయి. దీనిని దృష్టిలో ఉంచుకుని అధికారులు అన్ని పోలింగ్‌ స్టేషన్లలో ఏర్పాటు చేయాలని నిర్ణయించారు. ఇంటర్‌ నెట్‌ను కంప్యూటర్లకు అనుసంధానం చేసి పోలింగ్‌ సరళిని పర్యవేక్షించేందుకు చర్యలు తీసుకోనున్నారు. అయితే లైన్ల విషయంలో కొన్ని సమస్యలు ఏర్పడితే వాటిని పరిష్కరించాలంటే  చాలారోజులు పట్టేది. వాటిని అధిగమించి ఎన్నికల్లో సాంకేతికను ఉపయోగించాల్సి ఉంది.  నెట్‌ సామర్థ్యాన్ని పెంచాల్సి ఉంది.. ప్రస్తుతం బ్రాడ్‌బ్రాండ్‌ సేవలు అందతున్నాయి. కానీ స్పీడ్‌ తక్కువగా ఉంది. ఎన్నికల్లో  ఆ స్పీడు సరిపోదు. అధికారులు దాని సామర్థ్యాన్ని పెంచేందుకు చర్యలు తీసుకోకపోతే ఇబ్బందులు పడక తప్పదు. దీంతో పోలింగ్‌ వెబ్‌కాస్టింగ్, ఇతర డాక్యుమెంట్లు పంపే విషయంలో కూడా  ఇబ్బంది జరిగే అవకాశం ఉంది.   ఇంటర్‌నెట్‌ లేని 30గ్రామాల గుర్తింపు... అధికారులు ఇప్పటికే ఇంటర్‌నెట్‌ లేని గ్రామాలను గుర్తించారు. దేవరకొండ డివిజన్‌లోనే ఈ గ్రామాలు ఉన్నాయి. జిల్లా పౌరసరఫరాల శాఖ పేదలకు ఫుడ్‌ సెక్యూరిటీ కింద రూ.1 కిలో బియాన్ని ఇస్తుంది. అయితే అందులో ఈ పాసింగ్‌ విధానాన్ని అమలు చేశారు. అయితే ప్రతి ఒక్కరు తంబ్‌ వేయాల్సి ఉంది. అది నెట్‌ఉంటేనే సాధ్యం. దాంతో దేవరకొండ డివిజన్‌లో 30 గ్రామాలు నెట్‌లేని కారణంగా ఈ పాస్‌ విధానం కాకుండా మ్యానువల్‌గా ఇస్తున్నారు.   ఇంటర్‌నెట్‌ లేని గ్రామాల్లో ప్రత్యేక ఏర్పాట్లు : జేసీ ఎన్నికలను పారదర్శకంగా నిర్వహించేందుకు అన్నిచర్యలు తీసుకుంటున్నాం. అయితే జిల్లాలో 30 గ్రామాలను ఇంటర్‌ నెట్‌ సౌకర్యం లేని గ్రామాలుగా గుర్తించాం. సారి ఎన్నికల సంఘం అన్ని పోలింగ్‌ స్టేషన్లలో వెబ్‌కాస్టింగ్‌ నిర్వహించాలని నిర్ణయించింది. అయితే ఇంటర్‌ నెట్‌ సౌకర్యాలు లేని ప్రాంతాల్లో స్టీల్‌ కెమెరాలు ఉపయోగించడం లేదా మైక్రో అబ్జర్‌వర్‌ను (సెంట్రర్‌ గరవర్నమెంట్‌ ఉద్యోగి) ఏర్పాటు చేయాలనుకుంటున్నాం. ఈ విషయాన్ని ఎన్నికల సంఘానికి నివేదిస్తాము. వారు  సూచించిన విధంగా నిర్ణయం తీసుకుంటాం.   

సాక్షి, హైదరాబాద్‌: కోర్టు స్టే ఉత్తర్వులకు విరుద్ధంగా వ్యవహరించిన మహబూబ్‌నగర్‌ పూర్వపు జాయింట్‌ కలెక్టర్‌ కె.శివకుమార్‌ నాయుడుకు 30 రోజుల సాధారణ జైలు శిక్ష, రూ.2 వేల జరిమానా విధిస్తూ హైకోర్టు శుక్రవారం తీర్పు చెప్పింది. అధికారులు అకారణంగా జైలుపాలు చేసినందుకు పిటిషనర్‌కు ప్రభుత్వం రూ.50 వేలు చెల్లించాలని హెకోర్టు న్యాయమూర్తి జస్టిస్‌ పి.నవీన్‌రావు ఆదేశించారు. ఈ తీర్పుపై అప్పీల్‌కు ఉత్తర్వులను 3 వారాలపాటు నిలిపేస్తున్నట్లు చెప్పారు. మహబూబ్‌నగర్‌లో బుచ్చయ్య అనే ప్రభుత్వ మాజీ ఉద్యోగికి చెందిన స్థలంలో కల్యాణ మంటపం నిర్మాణ పనులు చేపట్టారు. దీనిపై అందిన ఫిర్యాదు మేరకు అప్పటి జేసీ పనులు చేయరాదని 2017 జూలై 1న ఉత్తర్వులిచ్చారు. ఆ ఉత్తర్వులపై బుచ్చయ్య హైకోర్టు నుంచి ఆగస్టు 29న స్టే ఉత్తర్వులు పొంది నిర్మాణ పనులు ప్రారంభించారు. సెప్టెంబర్‌లో జేసీ ఆదేశాల మేరకు పోలీసులు బుచ్చయ్యను అరెస్టు చేసి  2 నెలల 29 రోజులు జైల్లో పెట్టారు. కోర్టు ఆదేశాల్ని ఉల్లంఘించి తనను జైల్లో పెట్టారని బుచ్చయ్య హైకోర్టును ఆశ్రయించగా తాజా తీర్పునిచ్చింది.

అనంతపురం అర్బన్‌: ‘‘హంద్రీ–నీవా 36వ ప్యాకేజీ కింద 60,500 ఎకరాల ఆయకట్టు స్థిరీకరణకు సేకరించిన భూములకు పరిహారం ఇవ్వకుండా పనులు చేయడం ఏమిటి. చట్ట విరుద్ధంగా పనులు చేస్తున్న కాంట్రాక్టరుపైన, ప్రశ్నించిన రైతులపై దౌర్జన్యం చేస్తున్న వారిపై క్రిమినల్‌ కేసు నమోదు చేయాలి. నీరు రావాలని మేమంతా పోరాటం చేసిన వారిమే. అయితే అది చట్టపరంగా జరగాలే తప్ప ఇలా చట్ట విరుద్ధంగా.. రైతులకు ఆందోళనకు గురిచేసే విధంగా కాదు. 2013 భూ సేకరణ చట్టం అమలు చేసి, పరిహారం ప్రకటించి రైతులకు భరోసా కల్పించండి.’’ అని ఎమ్మెల్యే వై.విశ్వేశ్వరెడ్డి.. జాయింట్‌ కలెక్టర్‌ ఎస్‌.డిల్లీరావును కోరారు. జాయింట్‌ కలెక్టర్‌ను గురువారం కలెక్టరేట్‌లోని ఆయన చాంబర్‌లో ఎమ్మెల్యే విశ్వేశ్వరెడ్డి, ఎమ్మెల్సీ వెన్నపూస గోపాల్‌రెడ్డి, వైఎస్సార్‌సీపీ రాష్ట్ర ఆర్గనైజింగ్‌ కార్యదర్శి తరిమెల శరత్‌చంద్రారెడ్డి, రైతు విభాగం జిల్లా అధ్యక్షుడు బోయ నరేంద్రబాబు(రాజారాం), ఏపీ రైతు సంఘం జిల్లా అధ్యక్షుడు వి.శివారెడ్డి, వైఎస్సార్‌సీపీ జిల్లా ప్రధాన కార్యదర్శి వీరన్న, రైతులు కలిసి వినతిపత్రం అందజేసి పరిస్థితిని వివరించారు. పరిహారం ఇవ్వకుండానే 36వ ప్యాకేజీ పనులు శరవేగంగా జరుగుతుండడంపై రైతులు ఆందోళనకు గురవుతున్నారన్నారు. పరిహారం చెల్లించకుండా పనులు ముందుకు సాగనివ్వమంటూ బాధిత రైతులు చెబితే.. స్థానిక రాజకీయ నాయకులు, కొంత మంది వారిని భయపెడుతున్నారన్నారు. ఈ నేపథ్యంలో ఉన్నతాధికారిగా మీరు పనులు జరుగుతున్న ప్రాంతాన్ని సందర్శించి భూములు కోల్పోతున్న రైతులకు భరోసా ఇవ్వాలన్నారు. 2013 భూ సేకరణ చట్టం ప్రకారం రైతుల అంగీకారం మేరకు నష్టపరిహారం అందేలా చర్యలు తీసుకోవాలని కోరారు. రైతులకు ముందస్తు సమాచారం ఇవ్వకుండా 36వ ప్యాకేజీ పనులను చట్టవిరుద్ధంగా చేపట్టిన కాంట్రాక్టర్‌పై క్రిమినల్‌ చర్యలు తీసుకోవాలన్నారు. లేనిపక్షంలో రైతులు మూకుమ్మడిగా పనులను అడ్డుకుంటారని, తద్వారా చట్టపరమైన అవరోధాలు తలెత్తితే, అందుకు ప్రభుత్వమే బాధ్యత వహించాల్సి వస్తుందన్నారు. కరువు జిల్లాగా ప్రకటించాలి జిల్లా మొత్తం కరువు నెలకొన్నప్పటికీ కేవలం 44 మండాలను మాత్రమే కరువు ప్రాంతాలుగా ప్రకటించడం సరైన విధానం కాదని, జిల్లా మొత్తాన్ని కరువు ప్రాంతంగా ప్రకటించేలా ప్రభుత్వానికి నివేదిక పంపాలని జాయింట్‌ కలెక్టర్‌ను ఎమ్మెల్సీ వెన్నపూస గోపాల్‌రెడ్డి కోరారు. 2014 నుంచి రాయలసీమ ప్రాంతం కరువుతో విలవిల్లాడుతోందన్నారు. రైతులు, రైతు కూలీలు ఉపాధి లేక ఇతర ప్రాంతాలకు వలస పోతున్నారన్నారు. ఆ కుటుంబాల పిల్లలు విద్యకు దూరమవుతున్నారని ఆవేదన వ్యక్తం చేశారు. ఈ ఏడాది జిల్లాలో మరింత ఇబ్బందికర పరిస్థితి నెలకొందన్నారు. –ఎమ్మెల్సీ వెన్నపూస గోపాల్‌రెడ్డి

రేణిగుంట/చిత్తూరు కలెక్టరేట్‌: చిత్తూరు జిల్లా జాయింట్‌ కలెక్టర్‌ గిరీషాగౌడ్, రేణిగుంట తహసీల్దార్‌ నరసింహులునాయుడులపై నెల్లూరు జిల్లా ఉదయగిరి టీడీపీ ఎమ్మెల్యే బొల్లినేని రామారావు అసభ్య పదజాలంతో రెచ్చిపోయారు. రాస్కెల్‌.. నీవెంత, నీ ఉద్యోగం ఎంత, నువ్వు నాకు చెప్పేవాడివా అంటూ తహసీల్దార్‌పై చిందులు తొక్కారు. నీ అంతు చూస్తానంటూ జాయింట్‌ కలెక్టర్‌ను హెచ్చరించారు. వివరాలు.. గురువారం సాయంత్రం 5.45 గంటలకు ప్రత్యేక విమానంలో మాజీ ప్రధాని దేవెగౌడ, కర్ణాటక సీఎం కుమారస్వామి ప్రత్యేక విమానంలో బెంగళూరు నుంచి రేణిగుంట విమానాశ్రయానికి చేరుకున్నారు. రన్‌వే నుంచి వారు అరైవల్‌ ఎంట్రెన్స్‌ గుండా బయటకు వస్తారని ప్రొటోకాల్‌ అధికారులు వేచి ఉన్నారు. ఆ సమయంలో వారికి స్వాగతం పలికేందుకు ఉదయగిరి ఎమ్మెల్యే రామారావు అక్కడే వేచి ఉన్నారు. అయితే అతిథులు అనూహ్యంగా మెయిన్‌గేటు గుండా బయటకు వచ్చారు. ఎమ్మెల్యేను మెయిన్‌ గేటు వద్దకు తీసుకుని వెళ్లడానికి జేసీ వచ్చిన సమయంలో.. తనను అనసవరంగా అక్కడ కూర్చోబెట్టారంటూ ఎమ్మెల్యే ఆగ్రహంతో ఊగిపోయారు. ‘‘నీకు ప్రొటోకాల్‌ మర్యాదలు తెలియవా? నీ అంతు చూస్తా’’ అంటూ పరుష పదజాలంతో దూషించారు. అక్కడే ఉన్న తహసీల్దార్‌ నరసింహులునాయుడు ఎమ్మెల్యేకు నచ్చజెప్పే ప్రయత్నం చేయగా ఆయనపై తీవ్ర దుర్భాషలాడారు. దీంతో అక్కడున్న వారంతా హతాశులయ్యారు. ఎమ్మెల్యేది అహంకార ప్రవర్తన ఎమ్మెల్యే బొల్లినేని రామారావుది అహంకారపూరిత ప్రవర్తన అని రాష్ట్ర రెవెన్యూ ఉద్యోగుల సంఘం కార్యదర్శి నరసింహులునాయుడు, జిల్లా రెవెన్యూ ఉద్యోగ సంఘ అధ్యక్షుడు విజయసింహారెడ్డి, వీఆర్‌వో సంఘనేత చెంగల్రాయులు అన్నారు.  ఎమ్మెల్యే పదవిలో ఉన్న వ్యక్తి అధికారుల పట్ల ఈ విధంగా ప్రవర్తించడం సహించరానిదన్నారు. ఘటనపై తాము సీఎంకు ఫిర్యాదు చేస్తామని తెలిపారు. ఎమ్మెల్యే క్షమాపణలు చెప్పాల్సిందే.. జాయింట్‌ కలెక్టర్‌ గిరీష, తహసీల్దార్‌ నరసింహులునాయుడులకు  శుక్రవారం ఉదయం 10 గంటలోపు ఎమ్మెల్యే రామారావు బేషరతుగా క్షమాపణ చెప్పాలని ఏపీ జేఏసీ అమరావతి జిల్లా చైర్మన్‌ విజయసింహారెడ్డి డిమాండ్‌ చేశారు. లేనిపక్షంలో నల్లబ్యాడ్జీలు ధరించి నిరసన తెలుపుతామని, రాష్ట్రవ్యాప్తంగా రెవెన్యూ ఉద్యోగులంతా ఉద్యమిస్తామని ఆయన హెచ్చరించారు. 

మంచిర్యాలసిటీ: అప్పు చెల్లించలేదని ఓ వ్యాపారి రుణగ్రహీత భార్య, ఇద్దరు పిల్లలను తీసుకెళ్లి దాచిపెట్టాడు. సోమవారం మంచిర్యాలలో నిర్వహించిన ప్రజావాణి కార్యక్రమంలో బాధితుడు జాయింట్‌ కలెక్టర్‌ సురేందర్‌రావుకు ఫిర్యాదు చేయడంతో ఈ విషయం వెలుగు చూసింది. నెన్నెల మండలం ఆవ డం గ్రామానికి చెందిన బాసవేన హన్మంతు, సరోజ దంపతులకు, రుషిత్‌ (3), ఐసు(1) సంతానం. అదే మండలం చిత్తాపూర్‌కు చెందిన రైస్‌మిల్లు వ్యాపారి సందాని వద్ద రెండేళ్ల కిందట రూ.20 వేలు అప్పుగా తీసుకున్నాడు. అప్పటి నుంచి అసలుతో పాటు వడ్డీ చెల్లించలేదు. ఈ క్రమంలో హన్మంతు రెండు నెలల కిందట తన కాపురాన్ని ఆవడం నుంచి మందమర్రి మున్సిపాలిటీ పరిధిలోని దీపక్‌నగర్‌కు మార్చాడు. విషయం తెలుసుకున్న సందాని.. హన్మంతు భార్య, ఇద్దరు పిల్లలను తీసుకెళ్లి ఓ ఇంట్లో దాచి పెట్టాడు. నెల క్రితం హన్మంతు తర్వాత భార్యా పిల్లలు ఉంటున్న ఇంటి అడ్రస్‌ తెలుసుకొని వెళ్లడంతో సందాని బెదిరింపులకు పాల్పడ్డాడు. ఆదివారం మరోసారి వెళ్లానని, కొడుకు నాన్నా అంటూ నా వెంట రావడంతో తీసుకొచ్చానని తెలిపాడు. ‘అప్పు తీర్చితేనే నీ భార్యా పిల్లలు నీ వెంట వస్తారు.. లేకుంటే చంపేస్తా’ అని బెదిరించడంతో నెన్నెల పోలీస్‌ స్టేషన్‌కు వెళ్లాడు. ఇది సివిల్‌ కేసు, కోర్టుకు వెళ్లమని ఎస్‌ఐ చెప్పడంతో గత్యంతరం లేక జేసీకి ఫిర్యాదు చేయడానికి వచ్చానని రోదిస్తూ విలేకరులకు చెప్పాడు. వడ్డీ సహా అప్పు తీర్చుతానని ఎంత ప్రాథేయపడినా వ్యాపారి కనికరించడం లేదని వాపోయాడు. 

కరీంనగర్‌ సిటీ: కనీస గౌరవ వేతనంతోపాటు సమస్యలు పరిష్కరించాలంటూ సమ్మెకు పూనుకుంటున్న రేషన్‌ డీలర్లపై సర్కారు సీరియస్‌గా వ్యవహరిస్తోంది. ఇప్పటికే సరుకులు డీడీలు కట్టకుండా జూలై 1 నుంచి సమ్మెకు సిద్ధమైన నేపథ్యంలో ప్రభుత్వం ప్రత్యామ్నాయ చర్యలకు పూనుకుంటోంది. ఈ క్రమంలో రాష్ట్రవ్యాప్తంగా అన్ని జిల్లాలకు ప్రత్నామ్నాయ చర్యలు తీసుకోవాల్సిందిగా ఆదేశాలు జారీ అయ్యాయి. 48 గంటల్లో సరుకులకు డీడీలు చెల్లించకుంటే డీలర్లను సస్పెన్షన్‌ చేయాలని పేర్కొంది. ఈ నేపథ్యంలో మంగళవారం కలెక్టరేట్‌లో జాయింట్‌ కలెక్టర్‌ బద్రి శ్రీనివాస్‌ జిల్లా డీలర్లతో చర్చలు జరిపారు. ఈ సందర్భంగా జేసీ మాట్లాడుతూ.. ‘పేద ప్రజలకు నిత్యావసర సరుకులను సకాలంలో అందించాల్సిన కనీస బాధ్యత, కర్తవ్యం ప్రభుత్వానికి ఎంతయితే ఉందో రేషన్‌డీలర్లపై కూడా అంతే ఉంది. అది ఒక సామాజిక బాధ్యత అనే విషయాన్ని డీలర్లు మరువొద్దు. సరుకుల పంపిణీకి ఆటంకం కలిగించే డీలర్లపై కఠిన చుర్యలు తీసుకోక తప్పదు’ అని హెచ్చరించారు. ఈనెల 28వ తేదీ వరకు మీ సేవా కేంద్రాల్లో రేషన్‌ సరుకుల కోసం డబ్బులు చెల్లించి ఆర్‌వో(రిలీజ్‌) తెలుసుకుని ప్రభుత్వానికి సహకరించాలని తెలంగాణ ప్రభుత్వం డీలర్లకు విజ్ఞప్తి చేసిందన్నారు. నిర్దేశించిన గడువులోగా డబ్బులు చెల్లించని డీలర్లను తొలగించాలని నిర్ణయించినట్లు తెలిపారు. వారి స్థానంలో ఇతరులను నియమించే అధికారం ప్రభుత్వం కలిగి ఉందన్నారు. కుటుంబంలోని అర్హులైన ప్రతి ఒక్కరికీ తెలంగాణ ప్రభుత్వం కిలో రూపాయి చొప్పున ప్రతినెలా ఆరు కిలోల బియ్యాన్ని అందిస్తూ అవసరమైన ఆహార భరోసా కల్పిస్తుందన్నారు. సమ్మె పేరుతో పేద ప్రజల నోటికాడి ముద్దను అడ్డుకోవద్దన్నారు. పేద ప్రజల ఆహారభద్రత దృష్టిలో పెట్టుకుని సమ్మె విరమించాలని ప్రభుత్వం మరోమారు రేషన్‌ డీలర్లకు విజ్ఞప్తి చేసిందన్నారు.  ఆందోళన వద్దు.. రేషన్‌ సరుకులు అందుతాయో లేదో అని పేద ప్రజలు ఆందోళన చెందవద్దని, సకాలంలో సరుకులు అందించడానికి పౌరసరఫరాల శాఖ ఇప్పటికే ఆ దిశగా చర్యలు చేపట్టిందని జేసీ అన్నారు. ప్రత్యామ్నాయ చర్యల ద్వారా సరుకుల పంపిణీకి పూర్తిస్థాయిలో సంసిద్ధంగా ఉందన్నారు. అయితే.. ఇటు డీలర్లు భీష్మించడం.. అధికార యంత్రాంగం హెచ్చరించడం చూస్తుంటే పేద ప్రజల్లో సరుకుల పంపిణీపై ఆందోళన నెలకొంది. ప్రభుత్వం చెబుతున్న ప్రత్యామ్నాయ చర్యలతో రేషన్‌ సరుకుల పంపిణీ సాధ్యమయ్యేనా అనే అనుమానాలు వ్యక్తమవుతున్నాయి. అనుభవమున్న డీలర్లతోనే సాంకేతిక సమస్యలతో ప్రజలు ఇబ్బందులు పడ్డారు. కొత్తగా పంపిణీ చేసేవారితో ఎలా సాధ్యమనే ప్రశ్న వ్యక్తమవుతోంది.  సమ్మెకు వెనుకాడేది లేదు ప్రభుత్వం ఎన్ని బెదిరింపు చర్యలకు పాల్పడినా సమ్మెకు వెనుకాడేది లేదని రేషన్‌ డీలర్ల సంక్షేమ సంఘం జిల్లా అధ్యక్షుడు రొడ్డ శ్రీనివాస్‌ స్పష్టం చేశారు. న్యాయమైన సమస్యల పరిష్కారం జరిగే వరకు రాష్ట్రశాఖ పిలుపు మేరకు డీడీలు కట్టకుండా సమ్మె చేపడతామని పేర్కొన్నారు. ‘వస్తే గౌరవ వేతనం.. పోతే రేషన్‌ షాపు’ నినాదానికి కట్టుబడి ఉన్నామన్నారు. ప్రభుత్వ ఆదేశాల మేరకు జాయింట్‌ కలెక్టర్‌ చర్చలకు పిలిచి ప్రభుత్వ నిర్ణయాలను వెల్లడించారని, డీడీలు కట్టకపోతే తొలగించి ప్రత్యామ్నాయ చర్యలు తీసుకుంటామని తెలిపారన్నారు. అయితే.. ఇప్పటివరకు జిల్లాలోని 487 మంది డీలర్లు ఎవరూ డీడీలు కట్టలేదన్నారు. కేవలం కొన్ని సొసైటీలు మాత్రమే డీడీలు చెల్లించాయన్నారు. ప్రభుత్వం ఎన్ని కవ్వింపు చర్యలకు పాల్పడినా తాము సమ్మెకు సిద్ధంగా ఉన్నామన్నారు.  

 సాక్షి, కడప : జిల్లా జాయింట్‌ కలెక్టర్‌ (జేసీ)గా పులిపాటి కోటేశ్వరరావును నియమిస్తూ రాష్ట్రప్రభుత్వం ఉత్తర్వులు జారీ చేసింది. ఆంధ్రప్రదేశ్‌ పబ్లిక్‌ సర్వీస్‌ కమిషన్‌ కార్యదర్శిగా పనిచేస్తున్న ఆయనను ప్రభుత్వం జిల్లా జాయింట్‌ కలెక్టర్‌గా బదిలీ చేసింది. ఈయనకు తొలుత రంగారెడ్డి జిల్లాలో పోస్టింగ్‌ ఇచ్చారు. తర్వాత గవర్నర్‌ పేషీలో పనిచేశారు. అనంతరం హైదరాబాద్‌లో బీసీ కార్పొరేషన్‌ విభాగంలో పనిచేసిన ఆయనకు 2009లో ఐఏఎస్‌ క్యాడర్‌ ఇచ్చిన ప్రభుత్వం జేసీగా పదోన్నతి కల్పించింది. తర్వాత మూడు సంవత్సరాల మూడు నెలల పాటు పశ్చిమ గోదావరి జేసీ పనిచేశారు. నిజాయితీ గల అధికారిగా ఆయనకు పేరుంది. ఏపీపీఎస్‌సీ కార్యదర్శిగా కేవలం నెలన్నర రోజులు మాత్రమే పనిచేశారు. ఈలోపే కడపకు బదిలీచేశారు. అంతేకాకుండా వివాదాలకు దూరంగా ఉండడంతోపాటు పేదల పట్ల ప్రత్యేక శ్రద్ధ కనబరుస్తూ అందరికీ న్యాయం చేసే వ్యక్తిగా కోటేశ్వరరావు మంచిపేరు గడించారు. ఎన్నాళ్లకెన్నాళ్లకు..: జిల్లాకు సంబం ధించి చాలారోజుల తర్వాత ప్రభుత్వం జేసీని నియమించింది. నెలన్నర రోజుల కిందట కమర్షియల్‌ ట్యాక్స్‌ కమిషనర్‌కు సెక్రటరీగా పనిచేస్తున్న నాగరాణిని జేసీగా బదిలీ చేసినప్పటికీ ఆమె విధుల్లో చేరలేదు. అంతకుముందు ఇక్కడ జేసీగా పనిచేస్తున్న శ్వేత మార్చిలో సెలవులపై వెళ్లి తర్వాత బదిలీ అయ్యారు. అప్పటి నుంచి జేసీగా ఎవరినీ నియమించలేదు. జేసీగా నాగరాణిని నియమించినా రాకపోవడంతో ప్రభుత్వం తాజాగా కోటేశ్వరరావును నియమించింది. గత నెలలో ఇన్‌చార్జి జేసీగా పనిచేస్తున్న జేసీ–2 శివారెడ్డి విదేశీ పర్యటన నిమిత్తం వెళ్లడంతో అప్పటినుంచి ఇన్‌చార్జి  జేసీగా కడప స్పెషల్‌ కలెక్టర్‌ నాగేశ్వరరావు బాధ్యతలు నిర్వర్తిస్తూ వస్తున్నారు. కోటేశ్వరరావు మంగళవారం కడపకు చేరుకుని జేసీగా బాధ్యతలు చేపట్టే అవకాశాలు ఉన్నాయి.

ఒంగోలు టౌన్‌: జిల్లాలో మలేరియా నివారణకు కట్టుదిట్టమైన చర్యలు తీసుకోవాలని జాయింట్‌ కలెక్టర్‌–2 మార్కండేయులు ఆదేశించారు. ప్రతి ఏటా జూన్‌ నుంచి నవంబర్‌ వరకు మలేరియా కేసులు నమోదవుతుంటాయని, ఈ కాలంలో యంత్రాంగం ప్రత్యేక దృష్టి సారించాలని సూచించారు. కలెక్టరేట్‌లోని తన ఛాంబర్‌లో సంబంధిత అధికారులతో బుధవారం సమన్వయ కమిటీ సమావేశం నిర్వహించారు. మలేరియా వ్యాధి నివారణ, చికిత్సలపై అవగాహన పెంపొందించడం ద్వారా దానిని నియంత్రించవచ్చన్నారు. 2027 నాటికి మలేరియా రహిత దేశంగా భారత్‌ను ప్రకటించాలన్న సంకల్పంతో కేంద్ర ప్రభుత్వం ఉందన్నారు. ఈ ఏడాది ఇప్పటి వరకు జిల్లాలో 1,15,358 రక్తనమూనాలు సేకరించగా అందులో 70మందికి మలేరియా ఉన్నట్లు తేలిందన్నారు. నల్లమల అటవీప్రాంతం, చీమకుర్తి గనుల ప్రాంతాల్లో ఎక్కువగా మలేరియా కేసులు నమోదవుతున్నందున, ఆ ప్రాంతాలపై ప్రత్యేక దృష్టి సారించాలని ఆదేశించారు. మలేరియా అంతానికి మేమంతా సిద్ధం అనే నినాదంతో ముందుకు వెళ్లాలన్నారు. ఇందుకోసం గ్రామాలు, పట్టణాల్లో దోమలు వృద్ధి చెందకుండా ప్రతి శుక్రవారం డ్రై డే పాటించేలా ప్రజలను చైతన్యవంతులను చేయాలని సూచించారు. పరిసరాలు పరిశుభ్రంగా ఉంచడంతో పాటు ఖాళీ ప్రదేశాలు, క్వారీల్లో నీరు నిల్వ ఉండకుండా చూడాలని, ఎక్కడైనా నీరు నిల్వ ఉంటే దోమల లార్వాలు చల్లి ఆయిల్‌ బాల్స్‌ వేయించాలని ఆదేశించారు. నీళ్ల ట్యాంకులు, నీరు నిల్వ ఉన్న పాత్రలపై మూతలు వేసి ఉంచాలన్నారు. వినియోగంలో లేని బావులను మూసివేయించాలన్నారు. పారిశ్రామిక ప్రాంతాల్లో కూడా పరిసరాలు పరిశుభ్రంగా ఉండేలా చర్యలు తీసుకోవాలని ఆదేశించారు. దోమల నివారణకు ఫాగింగ్‌ యంత్రాలను సంబంధిత ఎంపీడీఓల వద్ద అందుబాటులో ఉంచాలని ఆదేశించారు. మలేరియా నివారణలో అంగన్‌వాడీలు, స్వయం సహాయక సంఘాలు, సాధికారమిత్రలను భాగస్వాములను చేయాలన్నారు. అన్ని ప్రభుత్వాసుపత్రుల్లో మలేరియా వ్యాధి నివారణకు మందులు సిద్ధంగా ఉంచుకోవాలని మార్కండేయులు ఆదేశించారు.     సమావేశంలో జోనల్‌ మలేరియా అధికారి ఉమామహేశ్వరి, జిల్లా వైద్య ఆరోగ్యశాఖాధికారి రాజ్యలక్ష్మి, జిల్లా మలేరియా అధికారి నాగేంద్రయ్య, అడిషనల్‌ డీఎంహెచ్‌ఓ శకుంతల, డీఆర్‌డీఏ పీడీ మురళి, జిల్లా పరిశ్రమల కేంద్రం మేనేజర్‌ ఆనంద్‌కుమార్, జెడ్పీ డిప్యూటీ సీఈఓ సాయికుమారి, డీఈఓ సుబ్బారావు, ఆర్‌డబ్ల్యూఎస్‌ ఈఈ మర్ధన్‌ఆలీ, రిమ్స్‌ సూపరింటెండెంట్‌ రాజేశ్వరరావు, ఐసీడీఎస్‌ పీడీ కార్యాలయ సూపరింటెండెంట్‌ హైమావతి, డీపీఓ కార్యాలయ ఏఓ జయలక్ష్మి  పాల్గొన్నారు.

రైల్వేస్టేషన్‌ (విజయవాడ పశ్చిమం): సినిమా హాళ్లలలో నిర్ధేశించిన ధరల కంటే అదనంగా  వసూలు చేస్తే కఠిన చర్యలు తీసుకుంటామని  జాయింట్‌ కలెక్టర్‌ 2 పిడుగు బాబురావు స్టాళ్ల యజమానులను హెచ్చరించారు. మంగళవారం నగరంలోని పి.వి.పి మాల్, పి.వి.ఆర్‌ సినిమా హాళ్లను ఆయన తనిఖీ  చేశారు. ఈ సందర్భంగా ఆయన  మాల్స్‌లోని స్టాళ్లలలో తినుబండారాలను అధిక ధరలకు విక్రయించడాన్ని గుర్తించారు. తాగునీరు, సమోసా, పాప్‌కార్న్‌ అధిక ధరలకు విక్రయిస్తున్నట్లు తేల్చారు. నగరంలో ఉన్నటువంటి సినిమా హాళ్లలో ఎట్టి పరిస్థితుల్లో అదనపు ధరలను సహించబోమన్నారు. ప్రభుత్వ నిబంధనల మేరకే ఆహార పదార్థాలు విక్రయాలు చేపట్టాలని ఆదేశించారు.  ఇటువంటి స్టాళ్లకు నోటీసులు అందిస్తామన్నారు. ఆయన వెంట అర్బన్‌ తహసీల్దార్‌ రవీంద్రబాబు, రెవెన్యూ సిబ్బంది ఉన్నారు.

సిరిసిల్ల : జిల్లావ్యాప్తంగా రబీ సీజన్‌లో ధాన్యం కొనుగోళ్ల కోసం 161 కేంద్రాలను ఏర్పాటు చేస్తామని జాయింట్‌ కలెక్టర్‌ షేక్‌ యాస్మిన్‌బాషా తెలిపారు. కలెక్టరేట్‌లో బుధవారం డీఆర్‌డీవో, మార్కెటింగ్, పౌర సరఫరాలు, వ్యవసాయశాఖ అధికారులతో ధాన్యం కొనుగోళ్లపై సమీక్షించారు. ప్రభుత్వం నిర్ణయించిన మద్దతు ధరకు రైతుల వద్ద ధాన్యం కొనుగోళ్లు చేస్తామన్నారు. ఇందుకోసం అన్ని ఏర్పాట్లు చేయాలని అధికారులను ఆదేశించారు. రైతులు పండించిన ప్రతీ గింజ కొనుగోలు చేయాలని సూచించారు. రబీ సీజన్‌ ధాన్యం కొనుగోళ్లను మార్చి మూడో వారంలో ప్రారంభించాలని, అందుకు అవసరమైన గన్నీ సంచులు, తూకం యంత్రాలు అందుబాటులో ఉంచాలని ఆమె సూచించారు. రైతుల ద్వారా కొనుగోలు చేసిన ధాన్యం వివరాలను ఏరోజుకు ఆరోజే ట్యాబ్‌ల్లో నమోదు చేసి 48 గంటల్లో రైతుల ఖాతాల్లో డబ్బు జమ అయ్యేలా చర్యలు తీసుకోవాలన్నారు. గతంలో ఎదురైన ఇబ్బందులు, పొరపాట్లు మళ్లీ జరగకుండా జాగ్రత్త పడాలని సూచించారు. కొనుగోలు కేంద్రాల్లో రైతులకు నీటివసతి, టాయిలెట్లు ఏర్పాటు చేయాలని పేర్కొన్నారు. తూకంలో మోసాలు లేకుండా, హమాలీల సమస్య లేకుండా చూడాలని ఆదేశించారు. తూకం వేసిన ధాన్యం ఎప్పుటికప్పుడు మిల్లులకు తరలించేందుకు లారీలను సమకూర్చుకోవాలని చెప్పారు. ఇందుకు అనుగుణంగా జిల్లాలో ధాన్యం కొనుగోళ్లకు పక్కాగా కార్యాచరణ ప్రణాళిక రూపొందించాలని కోరారు. అన్నిప్రభుత్వ శాఖలు సమన్వయంలో పనిచేసి జిల్లాలో ధాన్యం కొనుగోళ్లను సజావుగా కొనసాగించాలని సూచించారు. ఈసమావేశంలో డీఆర్‌డీవో బి.రవీందర్, డీఎస్‌వో పద్మ, జిల్లా వ్యవసాయాధికారి ఆర్‌.అనిల్‌కుమార్, మార్కెటింగ్‌శాఖ జిల్లా మేనేజర్‌ షాహబొద్దీన్, పౌరసరఫరాల జిల్లా మేనేజర్‌ శ్రీకాంత్, వ్యవసాయాధికారి కె.తిరుపతి, ఐకేపీ ఏపీఎం పర్శరాం తదితరులు పాల్గొన్నారు.  

సాక్షి ప్రతినిధి, వరంగల్‌ : ‘గత జాతరలో ఐటీడీఏ పీఓ హోదాలో పనిచేశాను. కన్నెపల్లి నుంచి సారలమ్మను తీసుకువచ్చే విధుల్లో పాల్గొన్నాను. తల్లిని ఆలయం బయటకు తీసుకువచ్చే సమయంలో వచ్చే జాతరలో నీ సేవ చేసుకునే భాగ్యం కల్పించు అని మొక్కుకున్నా.. ఆ తర్వాత జిల్లాల విభజన కావడం జయశంకర్‌ జిల్లాకు నేను జాయింట్‌ కలెక్టర్‌గా నియమించబడ్డాను. అంతేకాదు జాతరకు ముందే నాకు ఐఏఎస్‌ హోదా వచ్చింది. ఇదంతా సమక్క–సారలమ్మ  మహిమే’ అని జయశంకర్‌ భూపాలపల్లి జిల్లా జాయింట్‌ కలెక్టర్‌ అమయ్‌కుమార్‌ అన్నారు. టీడీఏ పీఓగా, జాయింట్‌ కలెక్టర్‌గా రెండు సార్లు ఆయన జాతర విధులు నిర్వర్తించారు. ఈ జాతర అనుభవాలు, వచ్చే జాతరకు తీసుకోవాల్సిన జాగ్రత్తలపై జేసీ ‘సాక్షి’ వివరించారు. ఆ వివరాలు ఆయన మాటల్లోనే... కలిసికట్టుగా పని చేశారు... జాతర నిర్వహణకు సరిపడా ఉద్యోగులు జయశంకర్‌ జిల్లాలో ఉన్నారు. అయితే వీరికి జాతరలో పని చేసిన అనుభవం లేదు. అందువల్లే ఇతర జిల్లాల నుంచి అధికారులు, సిబ్బందిని రప్పించాం. అందరు ఇది మన జాతర అన్నట్లుగా పని చేశారు. ఇతర జిల్లాల నుంచి వచ్చిన వారికి సరైన వసతి, సమయానికి భోజనం అందించాం. ఎవరు ఏ విధులు నిర్వహించాలో చెప్పాం. అంతా కలిసికట్టుగా పని చేశారు. అంతేకాదు వచ్చే జాతరకు అనుగుణంగా జిల్లాలో ఉన్న 400 మంది ప్రభుత్వ సిబ్బందికి ప్రత్యేక శిక్షణ ఇచ్చాం. వచ్చే జాతర పూర్తిగా జయశంకర్‌ జిల్లా అధికార యంత్రాంగంతో పూర్తి చేసేలా ప్రణాళిక రూపొందిస్తాం.   నెల రోజుల ముందే... గతంతో పోల్చితే మేడారం భక్తుల సంఖ్య పెరిగిపోయింది. జాతరకు నెల రోజు ముందు నుంచే పెద్ద సంఖ్యలో వస్తున్నారు. దీనికి అనుగుణంగా భక్తుల కోసం ఏర్పాటు చేస్తున్న సౌకర్యాలన్నీ నెల రోజులు మందుగానే పూర్తి చేయాలి. అంతేకాదు ఇక నుంచి జాతరకు వచ్చే వీఐపీల సంఖ్య పెరుగుతుంది. వీఐపీల రాక సందర్భంగా భక్తుల క్యూ లైన్లను ఆపేయాల్సి వస్తుంది. దీంతో భక్తులు ఇబ్బంది పడుతున్నారు. వీఐపీలు, భక్తులు ఒకే సారి దర్శనం చేసుకోవాల్సి వస్తే.. భక్తులు గద్దెల మీదకు బెల్లం విసరకుండా చూడాలి. దీని కోసం భక్తులకు అవగాహన కల్పించాలి. వీఐపీ దర్శనాలకు ప్రత్యేక టైమ్‌ కేటాయించడం లేదా ప్రత్యామ్నాయ మార్గాలు చూడాలి. సౌకర్యాలు పెరగాలి.. జాతర సందర్భంగా ప్రతీసారి తాత్కాలిక ఏర్పాట్ల కోసం కోట్లాది రూపాయల నిధులు ఖర్చు చేస్తున్నాం. ఇకపై శాశ్వత ప్రతిపాదికన ఏర్పాటు చేయాలి. జాతర సమయంలో సిబ్బంది బస చేసేందుకు విరివిగా డార్మిటరీలు నిర్మించాలి. సాధారణ రోజుల్లో వీటిని భక్తులకు ఇవ్వాలి. ప్రస్తుతం ఉన్న బ్యాటరీ ఆఫ్‌ ట్యాప్స్‌ వల్ల నీటి వృథాతో పాటు జాతర పరిసరాల్లో బురద ఎక్కువ అవుతోంది. దీన్ని నివారించేందుకు ఓవర్‌ హెడ్‌ ట్యాంక్‌ల ద్వారా నీటి సరఫరా చేయాలి. చెత్త నిర్వహణకు డంపింగ్‌ యార్డులు ఏర్పాటు చేయాలి. కోళ్లు, మేకల వ్యర్థాల కోసం ఇన్సులేటర్లు అందుబాటులో ఉంచాలి.  ఇంటింటికీ వైద్యం... గతంలో జాతర తర్వాత మేడారం పరిసర ప్రాంత ప్రజల కోసం మెడికల్‌ క్యాంపులు నిర్వహించే వాళ్లు. ఈసారి ఇంటింటికి వైద్య సిబ్బంది వెళ్లి పరీక్షలు నిర్వహించేలా మార్పులు చేశాం. ఎవరికైనా అనారోగ్యం ఉంటే అక్కడే చికిత్స అందిస్తున్నారు. జాతర తర్వాత 15 రోజుల వరకు పారిశుద్ధ్య కార్యక్రమాలు నిర్వహించాలని నిర్ణయించాం. టాయిలెట్ల నిర్మాణం కోసం నిర్మించిన బేస్‌మెంట్లను ప్రభుత్వ యంత్రాంగం ద్వారా తొలగిస్తాం. రైతులకు ఎటువంటి ఇబ్బంది రానివ్వం. 

ఒంగోలు టౌన్‌:  రాజ్యాంగపరంగా బాలికలకు కల్పించిన హక్కులు, సమాన అవకాశాల కల్పన ప్రతి ఒక్కరూ సామాజిక బాధ్యతగా గుర్తించాలని జాయింట్‌ కలెక్టర్‌–2 మార్కండేయులు కోరారు. జాతీయ బాలికా దినోత్సవం సందర్భంగా బుధవారం కలెక్టరేట్‌ వద్ద ఆయన జెండా ఊపి ర్యాలీని ప్రారంభించారు. అనంతరం మాట్లాడుతూ బాలికా సంరక్షణతో పాటు సాధికారత కల్పించే విధంగా చూడాల్సిన బాధ్యత ప్రతి ఒక్కరిపై ఉందన్నారు. రాజ్యాంగ బద్ధంగా బాలికలకు కల్పించిన హక్కులను గౌరవించాలన్నారు. ఆడపిల్లలను మగపిల్లలతో సమానంగా అవకాశాలు మెరుగుపరచాల్సిన అవసరం ఉందని అభిప్రాయపడ్డారు. జిల్లా మహిళా శిశు అభివృద్ధి సంస్థ ప్రాజెక్టు డైరెక్టర్‌ పి.సరోజని మాట్లాడుతూ బాలికల హక్కులను కాపాడటంతో పాటు బాలిక విద్యను ప్రోత్సహించాల్సిన అవసరం ఎంతైనా ఉందన్నారు. బాలికలు అన్ని రంగాల్లో ఎదిగేందుకు ప్రతి ఒక్కరూ తమవంతు సహకారం అందించాలని కోరారు. బాలికలు బాల్యం నుంచే పలు ఆంక్షలకు గురవుతున్నారన్నారు. నేటి సమాజంలో బ్రూణ హత్యలు, బాల్య వివాహాలు, అక్రమ రవాణా, అత్యాచారాలు వంటివి అక్కడకక్కడా జరుగుతున్నాయని, వాటిని అరికట్టేందుకు ప్రతి ఒక్కరూ ముందుకు రావాలని కోరారు. సతీసహగమనం, కన్యా       శుల్కం వంటి దురాచారాలను రూపుమాపినా ప్రస్తుతం బాలికలు ఎదుర్కొంటున్న ఇతర దురాచారాలకు చరమగీతం పాడాల్సిన అవసరం ఉందని పేర్కొన్నా రు. బాలికల చదువుకు అత్యంత ప్రాధాన్యం ఇవ్వాల్సి ఉంటుందని చెప్పారు. బాలికల బంగారు భవిష్యత్‌ కోసం సమష్టిగా కృషి చేయాలన్నారు. కార్యక్రమంలో రాష్ట్ర మహిళా కమిషన్‌ సభ్యురాలు తమ్మిశెట్టి రమాదేవి, ఏపీడీ జి. విశాలాక్షి, ఆంధ్రప్రదేశ్‌ ప్రొచైల్డ్‌ గ్రూపు ప్రతినిధి బీవీ సాగర్, చైల్డ్‌లైన్‌ జిల్లా కో ఆర్డినేటర్‌    ఎం.కిషోర్‌కుమార్‌  పాల్గొన్నారు. గంటకుపైగా నిలువు కాళ్లపై నిరీక్షణ జాతీయ బాలికా దినోత్సవం రోజు బాలికలు గంటకుపైగా నిలువు కాళ్లపై నిలబడాల్సి వచ్చింది. బాలికా దినోత్సవ ర్యాలీ కలెక్టరేట్‌ వద్ద ఉదయం 10 గంటలకు ప్రారంభిస్తారని ప్రకటించడంతో అంతకంటే ముందుగానే పలు ప్రభుత్వ పాఠశాలలకు చెందిన బాలికలతో పాటు బాలురను కూడా కలెక్టరేట్‌కు తరలించారు. జిల్లా ఉన్నతాధికారులు ర్యాలీ ప్రారంభిస్తారని మహిళా శిశు అభివృద్ధి సంస్థ అధికారులతో పాటు బాల బాలికలు ఎదురు చూశారు. నిమిషాలు, గంటలు అవుతున్నా ఉన్నతాధికారుల జాడ మాత్రం కనిపించలేదు. 11.15 గంటల సమయంలో జాయింట్‌ కలెక్టర్‌–2 మార్కండేయులు హడావుడిగా వచ్చి ర్యాలీకి సంబంధించిన జెండా ఊపి వెళ్లారు. అప్పటివరకు నిలువు కాళ్లపై నిరీక్షించిన బాల బాలికలు బతుకు జీవుడా అంటూ అక్కడి నుంచి ముందుకు కదిలారు. స్థానిక రామనగర్‌లోని మహిళా శిశు అభివృద్ధి సంస్థ ప్రాజెక్టు డైరెక్టర్‌ కార్యాలయం వరకు ర్యాలీ కొనసాగడంతో బాలబాలికలు తీవ్ర ఇబ్బందులకు గురయ్యారు. ప్రభుత్వ కార్యక్రమాలకు సంబంధించి ర్యాలీలు జరిగే ప్రతిసారీ బాల బాలికలకు పరీక్ష పెట్టడం జిల్లా యంత్రాంగానికి పరిపాటైంది.

సాక్షి, యాదాద్రి : యాదాద్రి వైటీడీఏను ప్రత్యేక అభివృద్ధి ప్రాంతంగా తెలంగాణ అర్బన్‌ డెవలప్‌మెంట్‌ చట్టం 1975 ప్రకారంగా గుర్తించిన 7 గ్రామాల్లో ఏవేని అభ్యంతరాలు, ఆక్షేపణలు మాస్టర్‌ప్లాన్‌కు వ్యతిరేకతలు ఉంటే ఈనెల 31వ తేదీ లోపు తెలియజేయాలని జాయింట్‌ కలెక్టర్‌ రవినాయక్‌ తెలిపారు. మంగళవారం కలెక్టరేట్‌లోని సమావేశ మందిరంలో వైటీడీఏ అధికారులు, మాస్టర్‌ప్లాన్‌ పరి« దిలోని గ్రామాల సర్పంచ్‌లు, ఈఓపీఆర్డీలకు సమీక్ష నిర్వహించారు. ఈసందర్భంగా జేసీ మాట్లాడుతూ ప్రజలు ఈనెల 31వ తేదీ వరకు ఫిర్యాదుల ఇవ్వవచ్చన్నారు. వీటిని జిల్లా యంత్రాంగం ద్వారా ప్రభుత్వానికి పంపి తగు చర్యతీసుకుం టామని తెలిపారు. అనంతరం వైటీడీఏ అభివృద్ధిపై ఏఏ గ్రామాల్లో ఎలాంటి అభివృద్ధి జరుగుతుందో టౌన్‌ప్లానింగ్‌ అధికారులు ప్రజంటేషన్‌ చేశారు. సమావేశంలో వైటీడీఏ సెక్రటరీ సాయిరాం, వైటీడీఏ చీఫ్‌ ప్లానింగ్‌ అధికారి ఆర్‌.హరిప్రసాద్, టౌన్‌ప్లాన్‌ అధికారి సుష్మిత, జిల్లా పంచాయతీ అధికారి భిక్షం పాల్గొన్నారు.  

సాక్షి, విశాఖ : రాష్ట్రవ్యాప్తంగా సంచలనం సృష్టించిన విశాఖ భూకుంభకోణం కేసులో సిట్‌ దర్యాప్తు కీలక దశకు చేరుకుంది. ఎన్‌వోసీ ఉల్లంఘనుల్లో డిప్యూటీ కలెక్టర్‌, ఆ పైస్థాయి అధికారులు కూడా ఉండటంతో వారి అరెస్ట్‌లకు రంగం సిద్ధమైంది. సిట్‌ సభ్యురాలు, జిల్లా జాయింట్‌ కలెక్టర్‌ సృజన నిన్న (సోమవారం) ఇందుకు సంబంధించిన వివరాలు విలేకరులకు వెల్లడించారు. వచ్చేవారం అరెస్టులు ఉంటాయని తెలిపారు. సిట్‌కు మరో రెండు నెలల గడువు ఎన్‌వోసీల విచారణ పూర్తయేందుకు మరో నెల రోజుల సమయం పడుతుందని జేసీ తెలిపారు. సిట్‌ దర్యాప్తుపై పూర్తిస్థాయి నివేదికలు తయారు చేసేందుకు సమయం పట్టే అవకాశాలు ఉన్నందున మరో రెండు నెలల సమయం కోరినట్లు చెప్పారు. ప్రభుత్వం సానుకూలంగా స్పందించిందని, త్వరలో ఉత్తర్వులు వస్తాయన్నారు. 20మందిపై క్రిమినల్‌ కేసులు...! సిట్‌ పరిధిలో వచ్చిన 337 అర్జీల్లో 260 అర్జీలపై దర్యాప్తు పూర్తయింది. తహసీల్దారు కార్యాలయాల్లో రికార్డుల పరిశీలన సమయంలో రెవెన్యూ అధికారులతో పాటు పోలీసులు కూడా పరిశీలించారని జేసీ తెలిపారు. వారిలో 48మందిపై శాఖాపరమైన చర్యలు, 20మందిపై క్రిమినల్‌ కేసులు నమోదుకు సిఫార్సు చేశామన్నారు. ఈ 48మందిలో వీఆర్వోల స్థాయి నుంచి డిప్యూటీ కలెక్టర్ స్థాయి వరకూ ఉన్నారన్నారు. ఇప్పటివరకూ విచారించిన 260 ఫిర్యాదుల్లో ప్రభుత్వానికి సంబంధించిన 2వేల ఎకరాల  భూములు ప్రైవేట్‌ వ్యక్తుల ఆధీనంలో ఉన్నట్లు గుర్తించామని, వాటిని త్వరలో స్వాధీనం చేసుకుంటామని తెలిపారు. సిట్‌ పరిగణనలోకి తీసుకున్న 2,500 ఫిర్యాదుల్లో సుమారు 1300 ఫిర్యాదులకు సంబంధించి రిపోర్టులను ఎమ్మార్వోల నుంచి తీసుకున్నామన్నారు. వారిచ్చిన ప్రతి రిపోర్టును చదువుతామని, అందులో ఏమైనా లోపాలుంటే మళ్లీ తిప్పి పంపిస్తామని చెప్పారు. రాష్ట్రంలో తొలిసారి 22(ఎ) లో భూముల వివరాల సవరణ కోసం ప్రజలు అధికారుల చుట్టూ తిరుగుతున్నారని, వారి బాధలను అర్థం చేసుకుని 22(ఎ) సవరణ, యూఎల్‌సీ ఎన్‌వోసీ అనుమతి మీ సేవ ద్వారా పొందేందుకు అవకాశం కల్పించామని జేసీ తెలిపారు. ఇది రాష్ట్రంలో మొదటిసారిగా విశాఖ జిల్లాలో ప్రారంభిస్తున్నామని, త్వరలో రాష్ట్రవ్యాప్తంగా అమలు చేస్తారని చెప్పారు. 22(ఎ) కు సంబంధించి పాత, కొత్త లిస్టులు ఉన్నాయని, అయితే గతంలో పాత లిస్ట్‌ పంపించడం వల్ల కొన్ని సమస్యలు వచ్చాయన్నారు. ప్రస్తుతం కొత్త లిస్టును అందుబాటులోకి తెచ్చామని తెలిపారు. రికార్డుల స్వచ్ఛీకరణ బాధ్యత వీఆర్వోలదే గతంలో రికార్డుల మార్పుచేర్పులు వీఆర్వోలకు తెలిసే జరిగాయి. కాబట్టి ప్రస్తుతం రికార్డుల స్వచ్ఛీకరణ వారి బాధ్యతగా తీసుకొని సరైన సమాచారాన్ని పొందుపరచాలి. లేదంటే గతంలో రికార్డులు మార్పుచేర్పులకు కారణమైన వాటిపై విచారణ చేస్తానని వారిని హెచ్చరించారు. స్వచ్ఛీకరణకు సహకరిస్తే పాత తప్పులను విడిచిపెడతామని వారికి చెప్పామన్నారు. అందువల్ల ప్రస్తుతం బాగా జరుగుతోందన్నారు. రోజుకు 50 నుంచి 60 ఎకరాల భూములకు సంబంధించి స్వచ్ఛీకరణ చేస్తున్నామని తెలిపారు. జిల్లాల్లో 27 మండలాల్లో 128 పంచాయతీల్లో ఈ కార్యక్రమం జరుగుతోందన్నారు. పత్రాల జారీలో జాప్యం వహిస్తే నోటీసులే... మీ సేవా ద్వారా నెల రోజుల్లో పత్రాలను జారీ చేయాలి. అలా చేయని అధికారులకు నోటీసులు ఇస్తున్నాం. ఒక తహసీల్దారు, నలుగురు ఆర్‌ఐవోలు, నలుగురు వీఆర్వోలకు నోటీసులు జారీ చేశామన్నారు.

సాక్షి, మచిలీపట్నం: జిల్లా జాయింట్‌ కలెక్టర్‌ గంధం చంద్రుడు బదిలీ అయ్యారు. గిరిజన సంక్షేమ శాఖ డైరెక్టర్‌గా నియమితులయ్యారు. ఆయన స్థానంలో రాజమండ్రి సబ్‌ కలెక్టర్‌గా విధులు నిర్వర్తిస్తున్న విజయ.కె (కృష్ణన్‌)ను నియమించారు. ఈ మేరకు ప్రభుత్వ ప్రధాన కార్యదర్శి దినేష్‌కుమార్‌ గురువారం ఉత్తర్వులు జారీ చేశారు. రాష్ట్రంలో నలుగురు ఐఏఎస్‌ అధికారుల బదిలీల్లో భాగంగా జేసీకి స్థాన చలనం కలిగింది. 2010 ఐఏఎస్‌ బ్యాచ్‌కు చెందిన జేసీ చంద్రుడు శిక్షణ అనంతరం తూర్పుగోదావరి జిల్లా రంపచౌడవరం ఐటీడీఏ పీఓగా తొలి పోస్టింగ్‌ పొందారు.  అనంతరం సీఆర్‌డీఏ అడిషనల్‌ కమిషనర్‌గా వ్యవహరించారు. 2015 మార్చి 5వ తేదీన జాయింట్‌ కలెక్టర్‌గా బదిలీపై జిల్లాకు వచ్చారు. అప్పటి నుంచి అధికారులను సమన్వయ పరిచి ఎప్పటికప్పుడు సమస్యల పరిష్కారానికి కృషిచేశారు. బందరు పోర్టు భూ సమీకరణ నేపథ్యంలో అవతరించిన మచిలీపట్నం అర్బన్‌ డెవలప్‌మెంట్‌ అథారిటీ(ఎంయూడీఏ) విభాగం అభివృద్ధికి కృషి చేశారు. భూ సమీకరణ అంశంపై ఎప్పటికప్పుడు అధికారులకు దిశానిర్దేశం చేస్తూ సత్ఫలితాలు సాధించారు. ప్రధానంగా భూ సమస్యల పరిష్కారానికి ప్రత్యేక దృష్టి సారించారు. గ్రీవెన్స్, తనకు స్వయంగా వచ్చిన భూ సమస్యలను ఎప్పటికప్పుడు పరిష్కరించే వారు. భూముల వివరాలు ఆన్‌లైన్‌లో నమోదు చేయడం, అడంగల్‌లో తప్పులు దొర్లకుండా క్రమబద్ధీకరించారు. నూతన జేసీగా విజయ.కె జేసీ గంధం చంద్రుడు బదిలీ కావడంతో ఆయన స్థానంలో ప్రస్తుతం రాజమండ్రి సబ్‌ కలెక్టర్‌గా వ్యవహరిస్తున్న కె.విజయను నియమించారు. 2013 ఐఏఎస్‌ బ్యాచ్‌కు చెందిన ఆమె ప్రస్తుతం ప్రసూతి సెలవులో ఉన్నారు. త్వరలో ఉద్యోగ బాధ్యతలు చేపట్టనున్నారు.

చిత్తూరు , తిరుపతి అర్బన్‌ : జిల్లా జాయింట్‌ కలెక్టర్‌ గిరీషా వాహనం ఢీకొని ఒకరు మృతి చెందిన ఘటన మంగళవారం రాత్రి తిరుపతి పరిధిలోని కరకంబాడి రోడ్డులో జరిగింది. ఈ ఘటనలో తిమ్నినాయుడుపాలెంకు చెందిన చిల్లర కొట్టు వ్యాపారి ఎం.వెంకటేశ్వర్లు(39) అక్కడికక్కడే మృతి చెందారు. రెండునెలల వ్యవధిలో జేసీ గిరీషా వాహనం ఢీకొని మృతిచెందిన వారిలో వెంకటేశ్వర్లు రెండోవ్యక్తి. సంఘటనా స్థలం నుంచి మృతదేహాన్ని అంబులెన్స్‌ ద్వారా రాత్రి రుయాస్పత్రికి తరలించారు. ఇందుకు సంబంధించి రుయావద్ద మృతుని కుటుంబ సభ్యులు, తిమ్మినాయుడుపాలెం స్థానికులు చెప్పిన వివరాలు ఇలా ఉన్నాయి. వెంకటేశ్వర్లు కరకరంబాడి రోడ్డు పక్కన చిల్లర కొట్టు నడుపుకుంటూ జీవనం సాగిస్తున్నాడు. ఈ నేపథ్యంలో బుధవారం తిరుమలలో గరుడసేవ కారణంగా అవసరమైన ఇంటి వస్తువులు, పూజాసామగ్రి కొనుగోలు చేసేందుకు ఇంటికి బయలుదేరారు. ఈ తరుణంలో కరకంబాడి మెయిన్‌ రోడ్డునుంచి తిమ్మినాయుడు పాలెంకు వెళ్లే దారివద్ద జేసీ వాహనం ఢీకొనడంతో వెంకటేశ్వర్లు తలకు తీవ్రంగా గాయపడ్డాడు. రక్తపుమడుగులో పడి అక్కడే మరణించాడు. అయితే జేసీ వాహనం కరకంబాడి వైపునుంచి తిరుపతికి చాలా స్పీడ్‌గా, దురుసుగా వెళ్లడం వల్లే ప్రమాదం తీవ్రమై వెంకటేశ్వర్లు ప్రాణాలు విడిచాడని స్థానికులు ఆగ్రహం వ్యక్తం చేశారు. కాగా రెండు నెలల క్రితం కూడా జేసీ వాహనం పుత్తూరు వద్ద రోడ్డుపై వెళ్తున్న స్కూల్‌ పిల్లాడిని ఢీకొట్టి మరణానికి కారణమైంది. అయితే ఆరోజు వాహనం నడిపిన డ్రైవరు, మంగళవారం రాత్రి కరకంబాడి రోడ్డులో వాహనం నడిపిన డ్రైవరూ ఒకరేనని బాధితులు ఆరోపిస్తున్నారు. ఇంటికి పెద్ద దిక్కు అయిన వెంకటేశ్వర్లు మృతితో అతని భార్య రాధ, ఎనిమిదేళ్ల కొడుకు గణపతి, తల్లి, ఇతర కుటుంబ సభ్యులు శోకసంద్రంలో మునిగిపోయారు.

బజార్‌హత్నూర్‌(బోథ్‌): భూముల సర్వేను పకడ్బందీగా నిర్వహించాలని జయింట్‌ కలెక్టర్‌ కృష్ణారెడ్డి రెవెన్యూ అధికారులకు సూచించారు. గురువారం మండల కేంద్రంలోని తహసీల్దార్‌ కార్యాలయాన్ని ఆకస్మికంగా తనిఖీ చేశారు. రెవెన్యూ అధికారులతో సమావేశం నిర్వహించారు. భూ సర్వే రికార్డులను పరిశీలించారు. ఈ సందర్భంగా ఆయన మాట్లాడుతూ వివాదాలు లేకుండా, రెవెన్యూ గ్రామ ప్రజల సహకారంతో భూసర్వేను పకడ్బందీగా నిర్వహించాలని తెలిపారు. సంబంధిత అధికారులు స్థానికంగా లక్ష్యాన్ని పూర్తి చేయాలని తెలిపారు. కోర్టు కేసులు, భూవివాదాలు ఉన్న వాటిని రెండవ విడతలో చట్టబద్ధంగా రికార్డులను పరిశీలించి సర్వే చేయాలని తెలిపారు. ఈ కార్యక్రమంలో తహసీల్దార్‌ రాజేందర్‌సింగ్, డిప్యూటీ తహసీల్దార్‌ సంతోష్, ఎంఆర్‌ఐ రాజేశ్వర్, జూనియర్‌ అసిస్టెంట్‌ వినోద్, వీఆర్‌వోలు పాల్గొన్నారు.


 అనంతపురం అర్బన్‌: జిల్లాలో పర్యటక రంగం అభివృద్ధికి కృషి చేస్తున్నట్లు జాయింట్‌ కలెక్టర్‌ టి.కె.రమామణి పేర్కొన్నారు. ఇందు కోసం జిల్లాలోని పలు ప్రాంతాల్లో 211.86 భూమి కేటాయించామన్నారు. గురువారం ఆమె కలెక్టరేట్‌లోని తన చాంబర్‌లో డీఆర్‌ఓ సి.మల్లీశ్వరిదేవితో కలిసి పర్యటక రంగ అభివృద్ధిపై సమీక్షించారు. ఈ సందర్భంగా జాయింట్‌ కలెక్టర్‌ మాట్లాడుతూ పర్యాటక రంగం అభివృద్ధి కోసం తాడిపత్రి మండలం  సజ్జలదిన్నె వద్ద 1.75 ఎకరాలు, లేపాక్షి జఠాయువు ప్రాజెక్టుకి 3.30 ఎకరాలు, లేపాక్షి యాంఫీ ధియేటర్‌ కోసం 2 ఎకరాలు, గుత్తిలో రోప్‌ వే కోసం 50 సెంట్లు కేటాయించామన్నారు.
 
 పర్యాటక ప్రాజెక్టు కోసం  పెనుకొండలో 19.75 ఎకరాలు, తనకల్లు మండలం కోటిపల్లి వద్ద రూ.184.56 ఎకరాలు కేటాయించే భాగంలో అనుమతి కోసం ప్రభుత్వానికి ప్రతిపాదనలు పంపామన్నారు. ప్రస్తుతం పర్యాటక రంగం పరిధిలో చేపడుతున్న ప్రాజెక్టులు త్వరితగతిన పూర్తయ్యేలా చర్యలు తీసుకోవాలన్నారు. సమావేశంలో పర్యటక శాఖ రీజినల్‌ డైరెక్టర్‌ గోపాల్‌, సంబంధిత విభాగం పర్యవేక్షకుడు వెంకటనారాయణ పాల్గొన్నారు.


 – గృహ నిర్మాణ శాఖ పనితీరుపై జేసీ అసహనం
 – పద్దతులు మార్చుకోవాలంటూ అధికారులకు చురక
 – నిర్లక్ష్యం వీడకుంటే ఇంటికెళతారంటూ హెచ్చరిక
 – పేదల సొంతింటి కలను సాకారం చేయాలని హితవు
 
 అనంతపురం సిటీ: నిరుపేదల సొంతింటి కలను సాకారం చేయాల్సిన బాధ్యతను ఆ శాఖ అధికారులు, సిబ్బంది మరిచారు. గృహాల మంజూరు, నిర్మాణాల్లో తీవ్ర జాప్యం చోటు చేసుకుంటోంది. ఇంత నిర్లక్ష్యంగా వ్యవహరించడం సరైంది కాదంటూ జాయింట్‌ కలెక్టర్‌ ఖాజామొహిద్ధీన్‌ అసహనం వ్యక్తం చేశారు. గృహ నిర్మాణశాఖ ఇఇలు, డిప్యూటీ డీఇలు, ఏఇలతో ఎన్టీఆర్‌ గృహ నిర్మాణాలపై స్థానిక జెడ్పీ సమావేశ మందిరంలో ఆయన శుక్రవారం ఆయన సమీక్షించారు. ఈ సందర్బంగా ఆ శాఖ అధికారుల పనితీరును తీవ్రంగా తప్పుబట్టారు. సహనాన్ని పరీక్షిస్తే పరిణామాలు తీవ్రంగా ఉంటాయని హెచ్చరిక చేశారు. తక్షణం అర్హులైన లబ్ధిదారులకు పక్కా గృహాలు అందించాలన్నారు.
 
 ఆఖరి స్థానంలో ‘అనంత’
 గృహ నిర్మాణాల్లో అనంతపురం జిల్లా చాలా వెనుక బడి ఉందని జేసీ స్పష్టం చేశారు. గ్రామీణ గృహ నిర్మాణ శాఖా మంత్రి సొంత జిల్లాలో ఇంతటి దుస్థితి ఉందని పత్రికల్లో  కథనాలు వస్తున్నాయన్నారు. ఇందుకు అధికారులే కారకులవుతున్నారని అసహనం వ్యక్తం చేశారు. ఎన్టీఆర్‌ గ్రామీణ గృహనిర్మాణం పథకం కింద ఆయా నియోజకవర్గాల్లో నిర్ధేశించిన మేరకు పునాదులు వేయించాలని సూచించారు. 2017-19 వరకు జిల్లాకు 29,500 గృహాలు కేటాయించినట్లు వివరించారు. ఈ నెల 31 లోపు కేటాయింపులన్నీ వంద శాతం పూర్తి కావాలని అదేశించారు. సమీక్షలో గృహ నిర్మాణ శాఖ సి.వి.ప్రసాద్, పెనుకొండ ఇఇ చంద్రమౌళీ రెడ్డి, ధర్మవరం ఇఇ శేషుబాబుతో పాటు ఆయా డీఇలు, ఏఇలు పాల్గొన్నారు.


 మహబూబ్‌నగర్‌: విధి నిర్వహణలో అలసత్వం ప్రదర్శించిన ఓ వీఆర్వోపై జాయింట్‌ కలెక్టర్‌ చేయి చేసుకున్నారు. ఈ సంఘటన మహబూబ్‌నగర్‌ జిల్లాలో శనివారం వెలుగుచూసింది. ధర్మాపూర్‌ గ్రామ సదస్సులో పాల్గొన్న జేసీ శివకుమార్‌ గ్రామానికి భూ వివరాలు చెప్పాలని స్థానిక వీఆర్వో మహమూద్‌ పాషాను అడిగారు. దీనికి వీఆర్వో సరైన సమాధానం చెప్పకపోవడంతో కోపోద్రిక్తుడైన జేసీ గ్రామసభలోనే వీఆర్వోపై చేయి చేసుకున్నాడు. దీంతో అక్కడ ఉన్నవారు ఒక్కసారిగా షాక్‌కు గురయ్యారు. 


 జడ్చర్ల: నియోజకవర్గంలోని జడ్చర్ల, మిడ్జిల్‌ మండలాల పరిధిలోని దుందుబీవాగు పరివాహక ప్రాంతాన్ని అనుసరించి ఉన్న ప్రభుత్వ భూములలో ఇసుక నిల్వలు ఎక్కడెక్కడున్నాయో పరిశీలిస్తున్నట్లు జేసీ శివకుమార్‌నాయుడు తెలిపారు. గురువారం ఆయన ఆకస్మికంగా స్థానిక తహసీల్దార్‌ కార్యాలయానికి చేరుకుని పలు రికార్డులు పరిశీలించారు. ఈసందర్భంగా జేసీ మాట్లాడుతూ ప్రభుత్వం చేపడుతున్న పలు అభివృద్ధి పథకాలకుఆయా ఇసుకను వినియోగించేందుకు చర్యలు తీసుకుంటామన్నారు.
 
 ఇప్పటికే మిడ్జిల్‌ మండలంలో వాడ్యాల, మున్ననూర్, మిడ్జిల్‌, కొత్తపల్లి, తదితర గ్రామాల పరిధిలో గల ప్రభుత్వ భూముల్లో ఇసుక నిల్వలపై సమాచారాన్ని సేకరిస్తున్నట్లు తెలిపారు. అంతకుముందు ఆయన పోలేపల్లి గ్రామ పరిధిలోని భూములను క్షేత్రస్థాయిలో పరిశీలించారు. ప్రభుత్వ,ప్రైవేట్‌ భూములకు సంబంధించి తప్పుగా ఉన్న పలు సర్వే నంబర్ల రికార్డులను తనిఖీ చేశారు. సమగ్ర వివరాలు సేకరించి కలెక్టర్‌కు నివేదించనున్నట్లు తెలిపారు. జేసీ వెంట తహసీల్దార్‌ లక్ష్మినారాయణ,తదితరులు ఉన్నారు.
  


 ► అధికారులపై జేసీ నాగలక్ష్మి ఆగ్రహం
 ► త్వరగా పూర్తిచేయకుంటే చర్యలు తప్పవని హెచ్చరిక
 
 ఒంగోలు టౌన్‌ : గుండ్లకమ్మ ప్రాజెక్టు పరిధిలోని పునరావాస కాలనీల్లో పనులు నత్తనడక సాగడంపై జాయింట్‌ కలెక్టర్‌ ఎస్‌ నాగలక్ష్మి ఆగ్రహం వ్యక్తం చేశారు. నిర్ణీత కాలవ్యవధిలోగా పనులు పూర్తి చేయకుంటే సంబంధిత అధికారులపై చర్యలు తీసుకుంటామని హెచ్చరించారు. గురువారం కలెక్టరేట్‌లోని తన ఛాంబర్‌లో గుండ్లకమ్మ ప్రాజెక్టు, వెలుగొండ ప్రాజెక్టు పరిధిలోని పునరావాస కాలనీల్లో మౌలిక వసతుల కల్ప నపై సంబంధిత అధికారులతో ఆమె సమీక్షా సమావేశం నిర్వహించారు.
 
 ఈ సందర్భంగా మాట్లాడుతూ గుండ్లకమ్మ ప్రాజెక్టు పునరావాస కాలనీల్లో పనులపై  అధికారులు ప్రత్యేక దృష్టి సారించాలని ఆదేశించారు. కాలనీల్లో నిర్మించనున్న ఆలయాలకు టెండర్లు వేసేందుకు ఎవరూ ముందుకు రాకపోవడంపట్ల అసహనం వ్యక్తం చేశారు. రెండు మూడు ఆలయాల నిర్మాణాలను ఒక ప్యాకేజీ కింద టెండర్లు పిలిచి వెంటనే పనులు ప్రారంభించేలా చూడాలని ఆదేశించారు.   మంచినీటి పథకాల నిర్వహణ బాధ్యతలను గ్రామ పంచాయతీలు తీసుకోవాలని ఆదేశించారు. పాఠశాల భవనాలు, అంగన్‌వాడీ కేంద్రాల భవనాల నిర్మాణాలు పూర్తయినందున వాటి నిర్వహణను సంబంధిత శాఖలు తీసుకోవాలన్నారు. పునరావాస కాలనీల్లో పెండింగ్‌లో ఉన్న సీసీ రోడ్లు, డ్రెయిన్ల నిర్మాణాలకు వెంటనే టెండర్లు పిలవాలని ఆదేశించారు.
 
 వెలుగొండపై నివేదిక ఇవ్వాలి..
 వెలుగొండ ప్రాజెక్టుకు సంబంధించి పెండింగ్‌లో ఉన్న భూసేకరణ, పునరావాస కాలనీలకు సంబంధించి నివేదిక అందించాలని సంబంధిత స్పెషల్‌ డిప్యూటీ కలెక్టర్లను నాగలక్ష్మి ఆదేశించారు. వెలుగొండ ప్రాజెక్టుకు సంబంధించి భూసేకరణ ప్రక్రియను వేగవంతంగా చేపట్టాలన్నారు. అదేవిధంగా పునరావాస కాలనీల్లో మౌలిక వసతులను యుద్ధప్రాతిపదికన కల్పించేలా చర్యలు తీసుకోవాలని ఆదేశించారు. తదుపరి నిర్వహించే సమావేశానికి కచ్చితంగా పురోగతి కనిపించాలన్నారు. ఈ సమావేశంలో పీఏ టు స్పెషల్‌ కలెక్టర్‌ వెంకటరావు, గుండ్లకమ్మ ప్రాజెక్టు స్పెషల్‌ డిప్యూటీ కలెక్టర్‌ ఉదయభాస్కర్, వెలుగొండ ప్రాజెక్టు స్పెషల్‌ డిప్యూటీ కలెక్టర్లు భాస్కరనాయుడు, కొండయ్య, ఆర్‌డబ్లు్యఎస్‌ ఈఈ ఆలి, ప్రాజెక్టŠస్‌ ఈఈలు, డీఈలు, ఏఈలు పాల్గొన్నారు.


 ► ఎప్పటి ఫైళ్లు అప్పుడు క్లియర్‌ చేయాలి
 ► నిర్లక్ష్యం వహిస్తే ఉపేక్షించను
 ► అధికారులకు జేసీ నాగలక్ష్మి ఆదేశం
 
 ఒంగోలు టౌన్‌ : కలెక్టరేట్‌లో ఫైళ్లు పెండింగ్‌లో ఉన్నాయనే మాటే వినిపించకూడదని జిల్లా జాయింట్‌ కలెక్టర్‌ నాగలక్ష్మి అధికారులను ఆదేశించారు. కలెక్టరేట్‌కు వచ్చిన ప్రతి ఫైల్‌ సకాలంలో డిస్పోజ్‌ కావాలన్నారు. ఫైళ్ల క్లియరెన్స్‌పై ఎవరైనా నిర్లక్ష్యంగా వ్యవహరిస్తే ఉపేక్షించేది లేదని హెచ్చరించారు. బుధవారం రాత్రి కలెక్టరేట్‌లోని తన ఛాంబర్‌లో కలెక్టరేట్‌కు చెందిన అన్ని సెక్షన్ల సూపరింటెండెంట్లు, సిబ్బందితో సమీక్ష సమావేశం నిర్వహించారు. ఈ సందర్భంగా ఆమె మాట్లాడుతూ ఫైళ్లకు సంబంధించిన సమగ్ర సమాచారం సంబంధిత మండల, డివిజనల్‌ కార్యాలయాల నుంచి ఎప్పటికప్పుడు తెప్పించుకోవాలని సూచించారు.
 
 ఈ–ఆఫీసు ద్వారా ఫైళ్ల కదలికలను ఎప్పటికప్పుడు తెలుసుకోనున్నట్లు చెప్పారు. కోర్టు కేసులు, లోకాయుక్త కేసులు, మానవ హక్కుల కమిషన్‌ నుంచి వచ్చే కేసుల విషయంలో అప్రమత్తంగా ఉండాలని ఆదేశించారు. సంబంధిత కేసుల స్థితిగతులను తెలుసుకోవడంతోపాటు వాటి సమాచారాన్ని యుద్ధ ప్రాతిపదికన తెప్పించుకొని, నిర్ణీత గడువుకు పూర్తిస్థాయి సమాచారంతో అందించే విధంగా ఉండాలన్నారు. వచ్చే బుధవారం నిర్వహించే సమావేశానికల్లా ఫైళ్లు పెండింగ్‌లో ఉండకుండా చూడాలని ఆదేశించారు. ఈ సమావేశంలో జిల్లా రెవెన్యూ అధికారి డాక్టర్‌ ఎన్‌.ప్రభాకరరెడ్డి, కలెక్టరేట్‌ పరిపాలనాధికారి రాజ్యలక్ష్మి తదితరులు పాల్గొన్నారు.


 – క్షేత్రస్థాయి పరిశీలనకు ప్రాధాన్యత
 – అందరి సహకారంతో ముందుకు
 – జిల్లా నూతన జాయింట్‌ కలెక్టర్‌ టీకే రమామణి
 
 అనంతపురం అర్బన్‌ : ప్రజలకు సత్వరమే మెరుగైన సేవలందేలా చూడడం, రెవెన్యూపరంగా జిల్లాను అగ్రస్థానంలో నిలపడమే లక్ష్యమని జిల్లా నూతన జాయింట్‌ కలెక్టర్‌ టీకే రమామణి అన్నారు. ఆ దిశగానే తన నిర్ణయాలు ఉంటాయని స్పష్టం చేశారు. టూరిజం శాఖలో ఓఎస్‌డీగా ఉన్న రమామణిని జిల్లా జేసీగా ప్రభుత్వం నియమించిన విషయం విదితమే. ఆమె శుక్రవారం కలెక్టరేట్‌లోని జేసీ ఛాంబర్‌లో బాధ్యతలు స్వీకరించారు. అనంతరం విలేకరులతో మాట్లాడారు. అధికారులు, కిందిస్థాయి సిబ్బంది, ప్రజలందరి సహకారంతో ముందుకు వెళతానన్నారు.
 
 క్షేత్రస్థాయిలో పర్యటించి సమస్యలను తెలుసుకుంటానని, వాటిని పరిష్కరించడానికి ప్రాధాన్యత ఇస్తానని చెప్పారు. 1990లో గ్రూప్‌–1కు ఎంపికైన తాను ఇప్పటి వరకు వివిధ శాఖల్లో  పనిచేశానన్నారు. 2009లో డీఆర్‌డీఏ ప్రాజెక్టు డైరెక్టర్‌గా జిల్లాలో ఐదు నెలలు పనిచేసినట్లు గుర్తు చేశారు. ఆ సమయంలో వచ్చిన సాధారణ ఎన్నికల్లో రాయదుర్గం నియోజకవర్గ రిటర్నింగ్‌ అధికారిగానూ విధులు నిర్వర్తించానన్నారు. జిల్లాపై కొంత మేర అవగాహన ఉందన్నారు.  వెబ్‌లాండ్‌లో భూమి వివరాల నమోదులో సమస్యలు ఉన్నాయని, వాటి పరిష్కారానికి చర్యలు తీసుకుంటానని తెలిపారు.


 అనంతపురం అర్బన్‌ : ప్రభుత్వ పాఠశాలల విద్యార్థులకు మధ్యాహ్న భోజన పథకం వేసవిలోనూ అమలు కానుంది. అయితే.. భోజనానికి బదులు రేషన్‌ సరుకులు అందించనున్నారు. చౌక డిపో డీలర్లు నేరుగా విద్యార్థుల ఇళ్లవద్దకు వెళ్లి సరుకులు పంపిణీ చేసేలా చర్యలు తీసుకోవాలని జిల్లా ఇన్‌చార్జ్‌ జాయింట్‌ కలెక్టర్‌ సయ్యద్‌ ఖాజామొహిద్దీన్‌ అధికారులను ఆదేశించారు. మంగళవారం కలెక్టరేట్‌లోని తన ఛాంబర్‌లో పౌర సరఫరాల సంస్థ, విద్యా శాఖ అధికారులతో ఆయన సమావేశం నిర్వహించారు. మధ్యాహ్న భోజన పథకం కింద పంపిణీ చేసేందుకు బియ్యం, కందిపప్పు స్టాక్‌ ఎంత వచ్చిందని పౌర సరఫరాల సంస్థ జిల్లా మేనేజర్‌ శివశంకర్‌రెడ్డిని అడిగారు.
 
 1,257 టన్నుల బియ్యం, 250 టన్నుల కందిపప్పు వచ్చిందని ఆయన తెలిపారు.  ప్రభుత్వ నిబంధనల ప్రకారం ప్రాథమిక పాఠశాల విద్యార్థికి నాలుగు కిలోల బియ్యం,  నెలకు సరిపడా కందిపప్పు (రోజుకు 20 గ్రాముల చొప్పున), 200 మి.లీ. పామాయిల్‌ ఇవ్వాలని ఇన్‌చార్జ్‌ జేసీ ఆదేశించారు. ప్రాథమికోన్నత పాఠశాల విద్యార్థులకు ఆరు కిలోల బియ్యం, రోజుకు 30 గ్రాముల చొప్పున కందిపప్పు (నెల కోటా), 300 మి.లీ. పామాయిల్‌ ఇవ్వాలన్నారు. ప్రాథమిక, ప్రాథమికోన్నత విద్యార్థులకు నెలకు 15 కోడిగుడ్లు అందజేయాలన్నారు. బియ్యం, కందిపప్పును ఈ నెల నాల్గో తేదీలోగా చౌక డిపోలకు సరఫరా చేయాలని, ఐదో తేదీ నుంచి విద్యార్థులకు డీలర్లు పంపిణీ చేయాలని ఆదేశించారు. సమావేశంలో జిల్లా పౌర సరఫరాల అధికారి టి.శివరాంప్రసాద్, డీఈఓ పగడాల లక్ష్మీనారాయణ, ఇతర అధికారులు పాల్గొన్నారు.


 ► ‘తాగునీటి తండ్లాట’ తీర్చిన అధికారులు
 
 నార్నూర్‌(ఆసిఫాబాద్‌): ఆదిలాబాద్‌ జిల్లా నార్నూర్‌ మండలం మాదాపూర్, అన్నాభావ్‌సాఠెనగర్, మాదాపూర్‌ గూడేల్లో 40 ఏళ్లుగా ఎదుర్కొంటున్న నీటి సమస్యకు పరిష్కారం లభించింది. శుక్రవారం ‘సాక్షి’ మెయిన్‌ పేజీలో ‘తాగునీటి తండ్లాట’శీర్షికన ప్రచురితమైన కథనానికి అధికారులు స్పందించారు. ఆయా గ్రామాల్లో 500 జనాభా ఉండగా.. మూడు చేతిపంపులు ఉన్నా పని చేయడం లేదని, పదేళ్లుగా నిరుపయోగంగా ఉన్నాయనే విషయాన్ని ‘సాక్షి’ వెలుగులోకి తెచ్చింది.
 
 గ్రామానికి మూడు కిలోమీటర్ల దూరంలో ఉన్న చిత్తగూడ సమీపంలోని బావి నుంచి పైప్‌లైన్‌ ద్వారా ట్యాంక్‌కు నీటి సరఫరా చేసేవారు. పైప్‌లైన్‌ మరమ్మతులు చేపట్టకపోవడంతో నీటి సరఫరా కాక నిరుపయోగంగా మారింది. ఆయా గ్రామాల ప్రజల కష్టాలను ప్రచురించడంతో స్పందించిన అధికారులు జిల్లా జాయింట్‌ కలెక్టర్‌ ఆదేశాల మేరకు గ్రామాన్ని సందర్శించారు. పైపులైన్‌ పనులకు మరమ్మతులు చేపట్టారు. ఆర్‌డబ్ల్యూఎస్‌ ఏఈఈ శ్రీనివాస్‌ దగ్గరుండి పనులను పర్యవేక్షించారు. మధ్యాహ్నం వరకు గ్రామంలో ఉన్న నీటిట్యాంక్‌కు నీటిని సరఫరా చేయడంతో గ్రామస్తులు ఆనందం వ్యక్తం చేశారు. సమస్యను వెలుగులోకి తీసుకొచ్చి పరిష్కారానికి కృషి చేసిన ‘సాక్షి’కి గ్రామస్తులు కృతజ్ఞతలు తెలిపారు.


 ► పూర్తిస్థాయిలో అమలు చేయాల్సిందే
 ► జాయింట్‌ కలెక్టర్‌ కేవీఎన్‌ చక్రధరబాబు
 
 శ్రీకాకుళం పాతబస్టాండ్‌ : జిల్లాలో జూన్‌ 1 నుంచి పూర్తి స్థాయిలో నగదు రహిత లావాదేవీలు జరిగేలా చర్యలు చేపట్టాలని సంయుక్త కలెక్టర్‌ కేవీఎన్‌ చక్రధరబాబు బ్యాంకు అధికారులు, రెవెన్యూ సిబ్బంది, రేషన్‌ డీలర్లను ఆదేశించారు. నగదు రహిత లావాదేవీలు నిర్వహించడంలో ఉత్తమ సేవలు కనబరిచిన పాతపట్నం చౌకధర దుకాణ డీలర్‌ కోట్ని శ్రీరామచంద్ర గుప్తకు శనివారం కలెక్టర్‌ కార్యాలయ సమావేశ మందిరంలో ప్రతిభా పురస్కారం ప్రదానం చేశారు.
 
 ఈ సందర్భంగా జేసీ మాట్లాడుతూ నగదు రహిత లావాదేవీలు నిర్వహించడంతో జిల్లాను ప్రథమ స్థానంలో నిలిపేందుకు ప్రతిఒక్కరూ కృషి చేయాలని కోరారు. జిల్లాలో 8 లక్షల 50 వేల రేషన్‌ కార్డుదారులు ఉండగా లక్షా 30 వేల మంది నగదు రహిత లావాదేవీలను నిర్వహించారన్నారు. ఇందుకు సహకరించిన సీఎస్‌డీటీలు, రేషన్‌ డీలర్లను జేసీ అభినందించారు. రేషన్‌ డీలర్ల కోసం కంట్రోల్‌ రూమ్‌ను (08942–240563) ఏర్పాటుచేశామని, ఎలాంటి సమస్యలనైనా పరిష్కరించుకోవచ్చని చెప్పారు. ప్రతి ఒక్కరికీ బ్యాంకు ఖాతా తెరిచేలా చర్యలు చేపట్టాలని అధికారులకు సూచించా రు. నగదు రహిత లావాదేవీలను ప్రోత్సహించేందుకు  ప్రతి నెలా జిల్లాలో ఒకరికి రూ.లక్ష ప్రోత్సాహకాన్ని అందిస్తున్నామని చెప్పారు. అందులో భాగంగా పాతపట్నానికి చెందిన రేషన్‌ డీలర్‌ కోట్ని శ్రీరామచంద్ర గుప్తాకు లక్ష రూపాయల ప్రోత్సాహకాన్ని అందించినట్లు తెలిపారు. మండలస్థాయిలో ఏడుగురికి సెల్‌ఫోన్‌లు పంపిణీ చేయనున్నామని చెప్పారు.
 
 ఇటీవల విద్యార్థి సేవలో రెవెన్యూ శాఖ అనే నూతన కార్యక్రమానికి శ్రీకారం చుట్టామని, సుమారు 30వేల మంది విద్యార్థులు ధ్రువీకరణ పత్రాల కోసం దరఖాస్తు చేసుకున్నారని జేసీ వివరించారు. ఆదివారం జరగనున్న పల్స్‌పోలియోపై రేషన్‌ డీలర్లు కూడా  గ్రామ స్థాయిలో అవగాహన కల్పించాలని సూచించారు. అనంతరం నగదు రహిత ప్రతిభా పురష్కార గ్రహీత కోట్ని శ్రీరామచంద్ర, మండలస్థాయిలో నగదు రహిత లావాదేవీలు నిర్వహించిన రేషన్‌ డీలర్‌ సంజీవరావుకు పుష్పగుచ్ఛాన్ని అందించి అభినందించారు. కార్యక్రమంలో రాష్ట్ర పౌర సరఫరాల జిల్లా మేనేజర్‌ ఆర్‌.వెంకటేశ్వరరావు, ఆంధ్రాబ్యాంకు జోనల్‌ మేనేజర్‌ రాధాకృష్ణ, ఎస్‌బీఐ రీజనల్‌ మేనేజర్‌ మేరీ సగారియా, శ్రీకాకుళం, పాలకొండ ఆర్డీఓలు బి.దయానిధి, ఆర్‌.గున్నయ్య, తహసీల్దార్లు, సీఎస్‌డీటీలు తదితరులు పాల్గొన్నారు.


 ► జాయింట్‌ కలెక్టర్‌ చక్రధర్‌బాబు
 
 హిరమండలం : వంశధార రిజర్వాయర్‌కు సంబంధించి పునరావాసం కల్పించని, కల్పించిన నిర్వాసిత కుటుంబాల జాబితాలను సిద్ధం చేయాలని జాయింట్‌ కలెక్టర్‌ కె.వి.ఎన్‌ చక్రధర్‌బాబు అధికారులను ఆదేశించారు. గురువారం హిరమండలం సమీపంలోని బస్టాండ్‌ వెనుక భాగంలో గార్లపాడు, హిరమండలం నిర్వాసితుల పునరావాసం  కోసం కేటాయించిన స్థలాన్ని జేసీ పరిశీలించారు. పాలకొండ ఆర్డీవో ఆర్‌ గున్నయ్య, తహసీల్దార్‌ ఎం.కాళీప్రసాద్‌రావులతో మాట్లాడి వివరాలు అడిగి తెలుసుకున్నారు. ఈ స్థలం లోతట్టుగా ఉండటంతో నిర్వాసితులు ఇక్కడ పునరావాసం నిర్మించుకునేందుకు ముందుకురావడం లేదని తహసీల్దార్‌ జేసీ దృష్టికి తీసుకువచ్చారు. ఈ స్థలానికి బదులు ప్రభుత్వం కేటాయిస్తున్న రూ.5 లక్షల ప్యాకేజీ కావాలని కోరుతూ దరఖాస్తు చేసుకున్నట్లు అధికారులు తెలిపారు. అనంతరం జేసీ మాట్లాడుతూ నిర్వాసిత గ్రామాల్లో ఇంకా ఎంతమంది పునరావాసం, ప్యాకేజీ కోరుతున్నారో గ్రామాల వారీగా తక్షణం జాబితాలు సిద్ధం చేయాలని ఆదేశించారు. జేసీ వెంట వంశధార ఎస్‌ఈ కె.అప్పలనాయుడు, డీఈ, ఆర్‌ఐలు గౌరీశంకర్, నీలిమ, వీఆర్వో ఆనందరావు తదితరులు ఉన్నారు.
 
 పునరావాస కాలనీ నిర్మాణాలు వేగవంతం
 కొత్తూరు: వంశధార ప్రాజెక్టు ముంపు గ్రామాల నిర్వాసితుల కోసం నిర్మిస్తున్న పునరావాస కాలనీల నిర్మాణాలు వేగవంతం చేయాలని జేసీ చక్రధర్‌బాబు ఇంజినీరింగ్, రెవెన్యూ అధికారులకు ఆదేశించారు. మండలంలోని మోట్టూరు వద్ద నిర్మిస్తున్న పునరావాస కాలనీలను జేసీ గురువారం పరిశీలించారు. కాలనీలో బోర్లు పాడైపోవడంతో తాగునీటికి, ఇళ్ల నిర్మాణాలకు ఇబ్బందులు పడుతున్నట్లు నిర్వాసితులు జేసీ దృష్టికి తీసుకొచ్చారు. కాలనీలో మౌలిక సదుపాయాలు కల్పించాలని కోరారు. అనంతరం జేసీ మాట్లాడుతూ అవసరమైతే ట్యాంకర్ల ద్వారా తాగునీరు సరఫరా చేయాలని ఆదేశించారు. రోడ్లు, కాలువలు, మంచినీటి పథకాలు నిర్మాణం పూర్తి చేయాలన్నారు. విద్యుత్‌ కనెక్షన్లు వేయాలని సూచించారు. ఆయనతో పాటు కొత్తూరు తహసీల్దార్‌ సావిత్రి, ఆర్‌ఐ భీమారావు, వీఆర్వో సంగమేశ్వరరావు, రెవెన్యూ అధికారులు ఉన్నారు.
 
 పనులు చేపడితే సహించం
 సింగిడి(భామిని): వంశధార ప్రాజెక్టుకు సంబంధించి పునరావాస చట్టం ప్రకారం పరిహారం అందించేవరకు పనులు జరగనివ్వబోమని సింగిడి దళితకాలనీ నిర్వాసితులు స్పష్టం చేశారు. గురువారం భామిని మండలం సింగిడి దళితకాలనీకి వెళ్లిన రెవెన్యూ, భూసేకరణ, వంశధార అధికారులను స్థానికులు తీవ్రంగా ప్రతిఘటించారు. కలెక్టర్‌ ఆదేశాల మేరకు సింగిడి దళిత కాలనీకి పునరావాస పరిహారం అందే అవకాశాలు లేవని ఉత్తర్వులు అందాయని, డీ–పట్టా భూముల్లో చెట్లకు పరిహరం వస్తుందని అధికారులు చెప్పగా నిర్వాసితులు అడ్డుతగిలారు. వరద కాలువకు 65 మీటర్ల దూరంలోని గృహ సముదాయాన్ని సర్వే చేసి గుర్తించి ఇప్పుడు పరిహరం రాదని చెప్పడం తగదన్నారు. న్యాయం జరిగే వరకు పనులు ముందుకు సాగనివ్వబోమని స్పష్టం చేశారు. దీంతో తహసీల్దార్‌ జల్లేపల్లి గోపాలరావు, వంశధార ఈఈ విజయకుమార్, డీఈఈ నాగేశ్వరరావు, భూసేకరణ అధికారులు వెనుదిరిగారు. కార్యక్రమంలో సీపీఎం కార్యదర్శి సిర్ల ప్రసాద్, నిర్వాసితుల సంఘ అధ్యక్షుడు పి.గణపతి, వైఎస్సార్‌ సీపీ నాయకుడు మజ్జి సంజీవ్, మజ్జి కాంతారావు తదితరులు పాల్గొన్నారు.


 - జాయింట్‌ కలెక్టర్‌ కీలక నిర్ణయం 
 - కార్యాచరణ ప్రణాళిక సిద్ధం చేసిన రెవెన్యూశాఖ
  
 కర్నూలు(అగ్రికల్చర్‌): త్వరలో కొత్త విద్యా సంవత్సరం ప్రారభం కానున్న నేపథ్యంలో ఇందుకు అవసరమైన వివిధ రకాల ధృవపత్రాలు పొందేందుకు విద్యార్థులు పడుతున్న కష్టాలను తొలగించేందుకు జాయింట్‌ కలెక్టర్‌ హరికిరణ్‌ కీలక నిర్ణయం తీసుకున్నారు. విద్యార్థులకు అవసరమైన ధృవపత్రాలను వారి చెంతకే చేర్చాలని నిర్ణయించారు. ఈ వినూత్న విధానానికి కార్యాచరణ ప్రణాళికను రెవెన్యూ శాఖ సిద్ధం చేసింది. స్కాలర్‌షిఫ్‌లు, ఫీజు రీ ఎంబర్స్‌మెంట్‌ ఇతరత్రా సంక్షేమ ఫలాలు పొందడానికి విద్యార్థులకు పలు రకాల ధృవపత్రాలు అవసరమవుతాయి.
  
 విద్యా సంవత్సరం వస్తుందంటే చాలు వీటికోసం విద్యార్థులు మీసేవ కేంద్రాలు, తహసీల్దారు కార్యాలయాల చుట్టు ప్రదక్షణలు చేయాల్సిన పరిస్థితి నెలకొంది. అయితే ఈ ఏడాది విద్యార్థులకు ఎలాంటి ఇబ్బందులు లేకుండా జాయింట్‌ కలెక్టర్‌ వినూత్న కార్యక్రమానికి శ్రీకారం చుట్టారు. కుల ధృవీకరణ పత్రాలు ఒకసారి తీసుకుంటే శాశ్వతంగా ఉపయోగపడుతాయి. అలాగే తెల్లరేషన్‌కార్డులున్న వారు ఆదాయ ధృవీకరణ పత్రం సమర్పించాల్సిన అవసరంలేదు. నివాస ధృవీకరణ కోసం రేషన్‌ కార్డు/ఆధార్‌ కార్డును ఉపయోగించుకునేలా చర్యలు తీసుకున్నారు.
  
 ఇది కార్యాచరణ ప్రణాళిక...
 మొదటి దశలో ఈ నెల 24 నుంచి 30వరకు తహసీల్దార్లు, ఇతర రెవెన్యూ సిబ్బంది విద్యా సంస్థలకు వెళ్లి ధృవీకరణ పత్రాల అవశ్యకతపై అవగాహన కల్పిస్తారు. ధృవపత్రాల కోసం మీ సేవ కేంద్రాలకు దరాఖాస్తు చేసుకునేందుకు అవసరమైన ఫారాలు అందిస్తారు. ఈ నెల 31 నుంచి ఏప్రిల్‌ 10వరకు విద్యార్థులు తమకు అవసరమైన సర్టిపికెట్ల కోసం దరఖాస్తులు పూర్తి చేసి అవసరమైన ఫీజుతో సహా ప్రధానోపాధ్యాయులకు అందిస్తారు. 11 నుంచి 20 వ తేదీ వరకు తహసీల్దార్లు, రెవెన్యూ సిబ్బంది వీటిపై విచారణ జరిపి ధృవీకరణపత్రాలను మంజూరు చేస్తారు. మీసేవ నిర్వాహకులు వాటిని ప్రింట్‌ తీసి సంబంధిత తహసీల్దార్లకు అందచేస్తారు. ధృవ పత్రాల మంజూరు సమాచారం విద్యార్థులకు మెసేజ్‌ ద్వారా తెలియజేస్తారు. అనంతరం రెవెనూ సిబ్బంది వాటిని నేరుగా విద్యాసంస్థలకు తీసుకెళ్లి విద్యార్థులకు అందిస్తారు.  
  


 ఏలూరు సిటీ : జిల్లాలో జాతీయ రహదారుల విస్తరణ పనులు నిర్దేశించిన సమయంలోగా పూర్తి చేయాలని, జాతీయ రహదారుల అభివృద్ధిపై సీఎం చంద్రబాబునాయుడు ప్రత్యేక దృష్టి కేంద్రీకరించారని జాయింట్‌ కలెక్టర్‌ పి.కోటేశ్వరరావు అధికారులను ఆదేశించారు. కలెక్టరేట్‌లో శనివారం జాతీయ రహదారులు, రైల్వే అభివృద్ధి పనులు, సాగునీటి ప్రాజెక్టుల పనుల ప్రగతిపై అధికారులు, ఏజెన్సీ ప్రతినిధులతో జేసీ సమీక్షించారు. ఈ సందర్భంగా కోటేశ్వరరావు మాట్లాడుతూ జాతీయ రహదారులను ప్రజలకు ఇబ్బంది లేకుండా ట్రాఫిక్‌కు అంతరాయం లేని విధంగా పనులు చేపట్టాలన్నారు. రోడ్లపై ఎక్కడా గుంతలు లేకుండా ప్రయాణానికి అనువుగా ఉండేలా చూడాలన్నారు. వచ్చిన బడ్జెట్‌ ఆధారంగా జిల్లాలో ప్రాధాన్యత ప్రకారం రహదారుల పనులు చేపట్టాలని ఆర్‌అండ్‌బీ ఎస్‌ఈ నిర్మలను ఆదేశించారు. చేపట్టే పనుల్లో ఏది ముఖ్యమో గుర్తించి ఆయా పనులకు  మొదటి ప్రాధాన్యతనిచ్చి పనులు చేపట్టాలన్నారు. రైల్వే అభివృద్ధి పనులపై సమీక్షిస్తూ దువ్వాడ–విజయవాడ మూడో రైల్వే లైన్‌ ఎందుకు అవసరమో ప్రజలకు ఏ మేరకు ప్రయోజనం చేకూరుతుందో సమగ్ర వివరాలతో ఒక నివేదిక తయారు చేసి సోమవారంలోగా ఇవ్వాలని రైల్వే అధికారులను జేసీ ఆదేశించారు. చింతలపూడి లిఫ్టు ఇరిగేషన్‌ ప్రాజెక్టుకు సంబంధించి సర్వే పనులు చాలా మందకొడిగా జరుగుతున్నాయని ఏలూరు ఆర్డీవో చక్రధరరావు జేసీ దృష్టికి తీసుకురాగా ఆయన స్పందిస్తూ అవసరమైతే సర్వే టీములను, సూపర్‌వైజర్లను పెంచి సర్వే పనులు వేగవంతంగా చేయాలని అధికారులను ఆదేశించారు. సమావేశంలో ఏజేసీ ఎంహెచ్‌.షరీఫ్, డీఆర్వో కె.హైమావతి, భూసేకరణ డెప్యూటీ కలెక్టర్‌ భానుప్రసాద్, ఐటీడీఏ పీవో షాన్‌మోహన్, ఆర్డీవో జి.చక్రధరరావు, ఆర్‌అండ్‌బీ ఎస్‌ఈ నిర్మల, భూసేకరణ అధికారులు ఏవీ సూర్యనారాయణ, పుష్పమణి, పోలవరం ఎస్‌ఈ శ్రీనివాసయాదవ్, సాంఘిక సంక్షేమ శాఖ డీడీ రంగలక్షి్మదేవి తదితరులు పాల్గొన్నారు.
  


 అనంతపురం అర్బన్‌ : జిల్లాలో జనరిక్‌ మందుల వినియోగంపై ప్రజల్లో విస్తృతస్థాయి అవగాహన కల్పించాలని అధికారులను జాయింట్‌ కలెక్టర్‌ బి.లక్ష్మీకాంతం ఆదేశించారు. శనివారం ఆయన తన క్యాంపు కార్యాలయంలో ఎన్‌ఫోర్స్‌మెంట్‌ సమావేశం నిర్వహించి, అధికారుల పనితీరుపై సమీక్షించారు. ఈ సందర్భంగా జాయింట్‌ కలెక్టర్‌ మాట్లాడుతూ ప్రజలకు మెరుగైన సేవలు అందించే దిశగా పని చేయాలన్నారు. ఆహార పదార్థాల కల్తీ, తూనికలు - కొలతల్లో మోసాలు, గడువు దాటిన మందుల విక్రయాలపై కఠినంగా వ్యవహరించాలన్నారు. ఇప్పటి వరకు నమోదైన కేసుల వివరాలు అడిగి తెలుసుకున్నారు. వారం రోజుల వ్యవధిలో కిరాణా, జనరల్, వస్త్ర దుకాణాలు తదితర వాటిపై దాడులు నిర్వహించి, 35 కేసులు నమోదు చేసి, రూ.65 వేలు అపరాధ రుసుం వసూలు చేశామని సంబంధిత శాఖ అధికారులు తెలిపారు.
 
 ఆహార కల్తీ నిరోధక శాఖ జిల్లా అధికారులు మాట్లాడుతూ జిల్లా వ్యాప్తంగా 17 ఆహార నమూనాలు సేకరించి, పరీక్ష నిమిత్తం ప్రయోగశాలకు పంపామన్నారు. జిల్లా ఔషధ నియంత్రణ శాఖ అధికారులు మాట్లాడుతూ వారం రోజుల వ్యవధిలో 24 మెడికల్‌ దుకాణాల్లో తనిఖీలు నిర్వహించామన్నారు. పౌర సరఫరాల శాఖ అధికారులు మాట్లాడుతూ పుట్లూరు మండలం గోపరాజుపల్లి చౌక దుకాణంలో బియ్యం, కిరోసిన్, చక్కెర నిలువను తనిఖీ చేశామన్నారు. అవకతవకలు ఉండంతో రూ.6,949 విలువజేసే సరుకు స్వాధీనం చేసుకున్నామన్నారు. పౌర సరఫరాల అధికారుల పని తీరుపై జాయింట్‌ కలెక్టర్‌ అసంతృప్తి వ్యక్తం చేశారు. సమావేశంలో డీఎస్‌ఓ శివశంకర్‌రెడ్డి, తూనికలు కొలతల శాఖ ఇన్‌స్పెక్టర్‌ వై.జి.శంకర్, ఫుడ్‌ ఇన్‌స్పెక్టర్లు పి.ఎల్లమ్మ, ఎం.రవిశంకర్, డ్రగ్‌ ఇన్‌స్పెక్టర్‌ సంధ్య పాల్గొన్నారు.
 
 దీపం గ్రౌండింగ్‌ వేగవంతం చేయండి : దీపం పథకం కింద కనెక‌్షన్ల మంజూరు వేగవంతం చేయాలని అధికారులను జాయింట్‌ కలెక్టర్‌ ఆదేశించారు. నగదురహిత లావాదేవీలపై ప్రజల్లో అవగాహన పెంచాలన్నారు. మీ –సేవ అర్జీలు సత్వరం పరిష్కరించాలన్నారు.


 ► శ్వేతపుష్కరిణిలో మునిగి ఇద్దరు యువకులు మృతి
 ► మృతులు విజయనగరం, రాయగడ వాసులు
 ► తాత అస్థికలు నిమజ్జనం చేసేందుకు వచ్చి అనంతలోకాలకు..
 ► ప్రాణాలతో బయటపడిన మరో యువకుడు
 ► శ్రీకూర్మంలో ఘటన
 
 శ్రీకూర్మం(గార): తాత అస్థికలు నిమజ్జనం చేసేందుకు వచ్చిన ఇద్దరు యువకులు పుష్కరిణిలో మునిగి ప్రాణాలు కోల్పోయారు కన్నవారికి విషాదాన్ని మిగిల్చా రు. మరో యువకుడు ప్రాణాలతో బయటపడ్డాడు. ఈ విషాద ఘటన శ్రీకూర్మంలో శుక్రవారం చోటుచేసుకుంది. పోలీసులు తెలి పిన వివరాల ప్రకారం.. విజయనగరం పట్టణంలోని గాజులరేగకు చెందిన పట్నాన అరుణ్‌కుమార్‌ అలియాస్‌ నవీన్‌కుమార్‌ (25), అతని బంధువు.. ఒడిశాలోని రాయగడకు చెందిన కొత్తకోట జనార్దనరావు (20) తన తాత వారణాసి సుబ్బారావు అస్తికలు నిమజ్జనం చేసేందుకు కుటుంబ సభ్యులతో కలిసి శ్రీకూర్మం వచ్చారు. శ్రీకూర్మనాథాలయ సమీపంలో గది అద్దెకు తీసుకొని లగేజీరి అందులో ఉంచారు.
 
 పిల్లలందరినీ గదిలోని బాతు రూంలోనే స్నానాలు చేయాలని అరుణ్‌కుమార్‌ తల్లి బాలి సూచించింది. అయితే ఆలయం ఎదురుగా ఉన్న శ్వేతపుష్కరిణిలో స్నానాలు చేస్తామని చెప్పి అరుణ్‌కుమార్, జనార్దనరావు, వారణాసి శరత్‌ అనే మరో యువకుడు కలసి వెళ్లారు. మెట్ల మార్గం వద్ద నీటిలో దిగి స్నానం చేసేందుకు ప్రయత్నించారు. లోపలికి వెళ్లి నీటిలోనే ఆటలాడారు. దీన్ని చూసిన స్థానికులు  అక్కడ లోతు ఎక్కువుగా ఉంటుందని హెచ్చరికలు చేసినప్పటికీ యువకులు పట్టించుకోలేదు సరికదా.. మరింత లోపలకి వెళ్లే ప్రయత్నం చేశారు. అయితే ఈత రాకపోవడంతో ముగ్గురూ నీటిలో మునిగిపోయారు. సమీపంలో ఉన్న కండ్రవీధికి చెందిన మత్స్యకారులు వచ్చి కాపాడేందుకు ప్రయత్నించగా అప్పటికే అరుణ్‌కుమార్, జనార్దనరావు చనిపోయారు. మరో యువకుడు శరత్‌ను కాపాడడంతో ప్రాణంతో బయటపడ్డాడు.
 
 పట్నాన నాగేశ్వరరావు, తల్లి బాలి దంపతులకు ఇద్దరు కుమారులు కాగా చనిపోయిన అరుణ్‌కుమార్‌ పెద్ద కుమారుడు. అలాగే కొత్తకోట వెంకటరమణ, ఉమావతి దంపతులకు జనార్దన్‌ ఒక్కడే కుమారుడు. అందివచ్చిన పిల్లలు అనంతలోకాలకు వెళ్లిపోవడంతో కన్నవారు కన్నీరు మున్నీరయ్యారు. ప్రమాద సమాచారం తెలుకున్న జిల్లా జాయింట్‌ కలెక్టర్‌ కేవీఎన్‌ చక్రధరబాబు, డీఎస్పీ భార్గవరావు నాయుడు, శ్రీకాకుళం ఎమ్మెల్యే గుండ లక్ష్మీదేవి, సర్పంచ్‌ బరాటం రామశేషు, ఆలయ ఈవో వి.శ్యామలాదేవి బాధిత కుటుంబ సభ్యులను పరామర్శించారు. మృతదేహాలను పోస్టుమార్టం నిమిత్తం శ్రీకాకుళం రిమ్స్‌ ఆస్పత్రికి తరలించారు.
 
 ఆలయ అధికారుల వైఫల్యం: కూర్మనాథ ఆలయ అధికారుల వైఫల్యం  వల్లే ఇద్దరు యువకులు మృతి చెందారని స్థానికులు విమర్శించారు. మూడు నెలల కిందట కూడా ఓ వ్యక్తి ఇలాగే పుష్కరిణలో మునిగి చనిపోయాడని స్థానికులు తెలిపారు. అప్పుడే బారికేడ్లు పెట్టాలని సూచిం చినా ఆలయ ఈవో శ్యామలాదేవి పట్టించుకోలేదని ఎంపీటీసీ సభ్యులు కోరాడ వెంకటరావు, వీవీ గిరి, టీపీ రాఘవాచార్యులు అన్నారు.
 
 జేసీ ఆగ్రహం: కూర్మనాథాలయ శ్వేత పుష్కరిణిలో మునిగి ఇద్దరు యువకులు చనిపోవడంపై జాయింట్‌ కలెక్టర్‌ కేవీఎన్‌ చక్రధరబాబు ఆలయ అధికారులపై ఆగ్రహం వ్యక్తం చేశారు. ఆలయానికి వచ్చిన ఆయన ఆలయ ఈఓ వి.శ్యామలాదేవికి పలు సూచనలు చేశారు. సీనియర్‌ అధికారులుగా ఉండి బారికేడ్లు ఏర్పా టు చేయకపోవడం తగదన్నారు. స్నా నాల రేవు వద్ద సిబ్బందిని ఉంచేలా చర్యలు తీసుకోవాలన్నారు. ఔట్‌సోర్సింగ్‌ ద్వారా ఇద్దరిని నియమించాలని ఆదేశాలు జారీ చేశారు. దేవాలయ అధికారులపై స్థానికుల నుంచి ఫిర్యాదులు ఉండకూడదన్నారు. హెచ్చరిక బోర్డులు పెట్టాలని సూచిం చారు. క్లోరినేషన్‌ చేయించాలని, పారిశుద్ధ్య పనులు జరిపించాలని ఆదేశించా రు. బారికేడ్ల పనులు తక్షణమే చేపట్టి నివేదిక అందజేయాలని స్పష్టం చేశా రు. ఇద్దరు యువకుల మరణపై జిల్లా పంచాయతీ అధికారిచే సమగ్ర దర్యాప్తు చేయిస్తామన్నారు. ఈ సందర్భంగా స్థానికులు టీపీ రాఘవాచార్యులు, వీవీఎస్‌ గిరి, కోరాడ వెంకటరావు, మైగాపు ప్రభాకర్‌ తదితరులు ఆలయ ఈవో దేవాలయంపై దృష్టిసారించడం లేదని జేసీ దృష్టికి తీసుకెళ్లారు. రెగ్యులర్‌ ఈవోని నియమించాలని కోరారు.


 ఆత్మకూరురూరల్: కర్నూలు జిల్లా జాయింట్‌ కలెక్టర్‌ హరికిరణ్‌ బుధవారం సాయంత్రం సతీ సమేతంగా  శ్రీశైలానికి పాదయాత్రతో వెళ్లారు. ఆయన తన వాహనంలో సాయంత్రం వెంకటాపురం చేరుకుని అక్కడ నుంచి వాహనాన్ని వెనక్కు పంపి కాలి బాట మార్గం పట్టారు. వెంకటాపురం నుంచి గోషాయి కట్ట మీదుగా రాత్రి 7.30 గంటలకు ఆయన నాగలూటి చెంచు గూడెం చేరుకున్నారు.  నాగలూటి వీరభధ్రాలయం వద్ద స్వామి వారిని దర్శించుకుని రాత్రి భోజనాన్ని ముగించి పెచెర్వు వైపుగా మెట్ల మార్గం గుండా  సాగిపోయారు. అర్ధరాత్రి పెచ్చెర్వు చేరుకుని జేసి దంపతులు అక్కడ విశ్రమించే అవకాశం ఉంది. వెంట ఎలాంటి సెక్యూరిటీ లేకుండా, మంది మార్బలం లేకుండా జేసీ దంపతులు భక్తి పూర్వకంగా  పాదయాత్రన వెళ్లడాన్ని పలువురు ఆసక్తిగా గమనించారు.
  


 పెనుకొండ రూరల్ : కన్నతల్లి వంటి భూమిని నమ్ముకుని జీవిస్తున్నాం. అలాంటి భూమిని ఎన్ని రూ.లక్షలు ఇచ్చినా ఇవ్వడానికి మేం సిద్ధంగా లేమని అమ్మవారుపల్లి సమీపంలో ఉన్న ఎర్రమంచి పొలాల రైతులు అధికారులకు తెగేసి చెప్పారు. హైదరాబాద్‌ – బెంగళూరు జాతీయ రహదారి పక్కన మండలం అమ్మవారుపల్లి, కురుబవాండ్లపల్లి మధ్య 134–616 సర్వే నంబరులో ఉన్న 600 ఎకరాల భూమిని దక్షిణకొరియాకు చెందిన కియో కార్ల కంపెనీకి ఇచ్చేందుకు అధికారులు సిద్ధం చేశారు.
 
 ఈనేపథ్యంలో శుక్రవారం అధికారులు గ్రామానికి వెళ్లి సంబంధిత రైతులతో సమావేశమయ్యారు. అక్కడికి వచ్చిన కాంగ్రెస్, సీపీఐ, సీపీఎం తదితర అఖిలక్ష నాయకులు మాట్లాడుతూ నంబులపూలకుంటలో సోలార్‌ ఫ్యాక్టరీకి 7 వేల ఎకరాలు, లేపాక్షి హబ్‌కు భూసేకరణ చేశారు. ఎవరి కోసం చేశారు. ఎంత మందికి ఉద్యోగాలు ఇచ్చారో సమాధానం చెప్పాలంటూ ఆర్డీఓ రామ్మూర్తి, తహశీల్దార్‌ ఇంతియాజ్‌ అహ్మద్‌ తదితర రెవెన్యూ అధికారులను నిలదీశారు.
 
 2013 భూసేకరణ చట్టం ప్రకారం 80 శాతం మంది రైతులు భూములు ఇవ్వడానికి విముఖత వ్యక్తం చేస్తున్నారని చెప్పారు. ఇక్కడి రైతులతో చర్చించి చట్ట ప్రకారం రైతుల పక్షాన పోరాడుతామని యంగ్‌ ఇండియా ప్రాజెక్టు డైరెక్టర్‌ బేడీ, ఏపీసీసీ కార్యదర్శి రమణ, అఖిల భారత కూలీ సంఘం నాయకులు నాగరాజు, ఓపీడీఆర్‌ శ్రీనివాసులు అన్నారు. అనంతరం ఆర్డీఓ రామ్మూర్తి మాట్లాడుతూ 600 ఎకరాలు భూసేకరణ చట్టం ప్రకారమే చేశామన్నారు. ఎకరా రూ.8 లక్షలతో «ప్రభుత్వం ధర‡ నిర్ణయించినట్లు రైతులకు తెలిపారు.
 
 తర్వాత జాయింట్‌ కలెక్టర్‌ బి.లక్ష్మీకాంతం మాట్లాడుతూ ఇదివరకే చాలా నష్టపోయాం. ఈప్రాంతంలో పరిశ్రమలు స్థాపిస్తే స్థానికులకు ఉపాధి, ఉద్యోగ అవకాశాలు పొందేందుకు కృషి చేస్తామన్నారు. ఇక్కడ అసైన్డ్, డీకేటీ, ప్రభుత్వ భూములు ఉన్నాయి. రైతులు ఎంత పరిహారం అడుగుతారో చర్చించడానికి వచ్చామన్నారు. ఇక్కడి రైతుల స్థితిగతులను పరిశీలించి మెరుగైన రీతిలో నష్టపరిహారం అందించేందుకు ప్రభుత్వానికి ప్రతిపాదనలు పంపుతున్నట్లు రైతులకు వివరించారు. దీనికి రైతులు ఆవేదనతో రగిలిపోయారు. సాగు చేస్తున్నఽ భూములను పరిశ్రమలకు ఇవ్వబోమని అధికారులతో వాగ్వాదానికి దిగారు. దీంతో జేసీ వెనుతిరిగాడు. అనంతరం ఆర్డీఓ వెళ్తున్న కారును రైతులు అడ్డగించి సమస్య పరిష్కరించాలని కోరారు.


 నల్లగొండ టూటౌన్‌ : పట్టణ ప్రజల నుంచి వివిధ సమస్యలపై వచ్చే అర్జీలకు ప్రాధాన్యత ఇచ్చి పరిష్కరించాలని జాయింట్‌ కలెక్టర్‌ సి. నారాయణరెడ్డి అన్నారు. సోమవారం మున్సిపల్‌ కార్యాలయంలోని సమావేశ మందిరంలో ప్రజావాణి కార్యక్రమంలో అర్జీలు స్వీకరించారు. ఈ సందర్భంగా ఆయన మాట్లాడుతూ పట్టణంలో సెప్టిక్‌ ట్యాంకులు లేకుండా ఉన్న మరుగుదొడ్లకు వాటిని నిర్మించుకునే విధంగా చర్యలు తీసుకోవాలని మెప్మా సిబ్బందిని ఆదేశించారు.   వివిధ పనుల కోసం కార్యాయానికి వచ్చే ప్రజలను తిప్పుకోకుండా పనులు వెంట వెంటనే పూర్తి చేయాలని అధికారులను ఆదేశించారు. పట్టణంలో లైట్లు పోయిన ప్రాంతాలను గుర్తించాలని, అలాంటి చోట్ల వెంటనే కొత్త లైట్లు వేయాలన్నారు. ప్రకాశం బజార్‌లో ఒక్క లైట్‌ కూడా వెలగడం లేదని, అవన్ని వెలిగే విధంగా తక్షణమే చర్యలు తీసుకోవాలని సంబంధిత అధికారులకు సూచించారు. కార్యక్రమంలో మున్సిపల్‌ ఈఈ సత్యనానాయణ, ఏసీపీ ప్రసాధరావు, డిఈలు వెంకటేశ్వర్లు, రాములు, పర్యావరణ ఇంజనీరు కొమ్ము ప్రసాద్, ఏఈలు తదితరులు పాల్గొన్నారు.  


 
 గ్యాస్‌ ఏజన్సీ డీలర్ల సమావేశంలో జాయింట్‌ కలెక్టెర్‌
 
 కాకినాడ సిటీ :
 వందశాతం గ్యాస్‌ కనెక్షన్లు ఉన్న జిల్లాగా మార్చే విధంగా అన్ని కుటుంబాలకు వంట గ్యాస్‌కనెక్షన్ల పంపిణీ పూర్తిచేయాలని జాయింట్‌ కలెక్టర్‌ ఎస్‌.సత్యనారాయణ ఆదేశించారు. మంగళవారం కలెక్టరేట్‌ కోర్టు హాలులో గ్యాస్‌ డీలర్లతో ప్రత్యేక సమావేశం నిర్వహించి గ్యాస్‌ కనెక్షన్ల పంపిణీపై సమీక్షించారు. ఈ సందర్భంగా ఆయన మాట్లాడుతూ జిల్లా వ్యాప్తంగా 2 లక్షల 20 వేలS619 మంది గ్యాస్‌కనెక్షన్ల కోసం దరఖాస్తు చేసుకున్నారన్నారు. నిజానికి జనాభా లెక్కల ప్రకారం 14 లక్షల 65వేల 351 కుటుంబాలు జిల్లాలో ఉన్నాయని, ఇంకా లక్షా 69వేల గ్యాస్‌ కనెక్షన్లు పంపిణీ చేస్తే వందశాతం పూర్తవుతుందన్నారు. ఆ మేరకు మార్చి నాటికి గ్యాస్‌కనెక్షన్ల పంపిణీ పూర్తిచేయాలని డీలర్లకు స్పష్టం చేశారు. తదుపరి మిగిలిన కుటుంబాలందరికీ గ్యాస్‌కనెక్షన్లు మంజూరుకు చర్యలు తీసుకుంటామన్నారు. ప్రస్తుతం జన్మభూమి, మా ఊరు సభలు జరుగుతున్న నేపథ్యంలో ఆయా సభల్లో ఇప్పటికే మంజూరైన గ్యాస్‌కనెక్షన్లు లబ్ధిదారులకు పంపిణీ చేయాలని సూచించారు. ఈ సమావేశంలో జిల్లా పౌరసరఫరాల శాఖాధికారి వేమూరి రవికిరణ్, ఏఎస్‌ఓ పీతల సురేష్, వివిధ గ్యాస్‌ ఏజెన్సీల డీలర్లు పాల్గొన్నారు.
  


 అనంతపురం అర్బన్ : క్రిస్మస్‌ పండుగను పురస్కరించుకుని పేద క్రైస్తవులకు  కానుక కింద అందిస్తున్న సరుకుల్లో నాణ్యత లోపిస్తే వెనక్కి పంపాలని అధికారులను జాయింట్‌ కలెక్టర్‌ లక్ష్మీకాంతం  ఆదేశించారు. స్థానిక మార్కెట్‌ యార్డులోని పౌర సరఫరాల సంస్థకు సంబంధించిన మండల స్థాయి స్టాక్‌ పాయింట్‌ను ఆయన ఆదివారం సందర్శించారు. క్రిస్మస్‌ కానుక సరకుల నాణ్యతను పరిశీలించారు. పాడైనట్లు గుర్తించిన సరుకుని డీలర్లకు పంపించవద్దని ఆదేశించారు.   


 జాయింట్‌ కలెక్టెర్‌ సత్యనారాయణ
 కాకినాడ సిటీ : 
  జిల్లాలో ప్రస్తుతం జరుగుతున్న ఓటర్ల జాబితా సవరణ ప్రక్రియను యువత వినియోగించుకుని ఓటర్లుగా నమోదు కావాలని జాయింట్‌ కలెక్టర్‌ సత్యనారాయణ విజ్ఞప్తి చేశారు. ఎన్నికల కమిష¯ŒS విడుదల చేసిన షెడ్యూల్‌ ప్రకారం జిల్లాలోని 19 నియోజకవర్గాల పరిధిలోని 4,262 పోలింగ్‌ కేంద్రాల్లో ఆదివారం ప్రత్యేక శిబిరాలను నిర్వహించారు. జేసీ కాకినాడలోని పలు పోలింగ్‌ కేంద్రాల్లోని శిబిరాలను సందర్శించి నమోదు ప్రక్రియను పరిశీలించారు. ఆయన మాట్లాడుతూ సవరణ ప్రక్రియలో భాగంగా 2017 జనవరి ఒకటో తేదీ నాటికి 18 సంవత్సరాలు నిండిన యువత ఓటు హక్కు నమోదుతో పాటు ఓటు హక్కులేనివారు కూడా నమోదు చేసుకునేందుకు ఎన్నికల కమిష¯ŒS అవకాశం కల్పించిందన్నారు. ఈ ప్రక్రియకు మరో మూడురోజుల గడువు ఉందన్నారు. ఓటు హక్కు కోసం నమోదు చేసుకున్న దరఖాస్తుల పరిశీలనను ఈనెల 14వ తేదీ నుంచి 28వ తేదీలోపు పూర్తి చేస్తామన్నారు. జనవరి 5వ తేదీలోపు పరిశీలించిన దరఖాస్తులను ఆ¯ŒSలై¯ŒSలో డేటా ఎంట్రీ పూర్తిచేసి సప్లమెంటరీ జాబితాలను సిద్ధం చేస్తామని, 2017 జనవరి 16వ తేదీన తుది ఓటర్ల జాబితాను ప్రకటించనున్నట్టు తెలిపారు. ఈ పరిశీలనా కార్యక్రమంలో ఆర్డీవో బి.ఆర్‌.అంబేడ్కర్, అర్బ¯ŒS తహసీల్దార్‌ జి.బాలసుబ్రహ్మణ్యం, అర్బ¯ŒS ఎన్నికల విభాగ డిప్యూటి తహసీల్దార్‌ రమేష్‌ పాల్గొన్నారు.
  


 - అధికారులకు జాయింట్‌ కలెక్టర్‌ ఆదేశం
 అనంతపురం అర్బన్‌ : రేషన్‌కార్డు లబ్ధిదారులకు డీలర్లు సరుకులను అప్పుగా ఇవ్వాలని, కాదని అక్రమంగా డబ్బు వసూలు చేసే వారిపై క్రిమినల్‌ కేసులు పెట్టాలని, తక్షణం సస్పెండ్‌ చేయాలని పౌర సరఫరాల శాఖ అధికారులను జాయింట్‌ కలెక్టర్‌ బి.లక్ష్మికాంతం ఆదేశించారు. శనివారం ఆయన కలెక్టరేట్‌లోని తన చాంబర్‌లో డీఎస్‌ఓ ప్రభాకర్‌రావు, ఏఎస్‌ఓలతో సరుకుల పంపిణీపై సమీక్షించారు.
 
 జిల్లాలో నిత్యావసర సరుకుల పంపిణీ వేగవంతం చేయాలని ఆదేశించారు. బ్యాంక్‌ ఖాతా లేని కార్డుదారులకు డీలరు, గ్రామ కార్యదర్శి సహకారంతో ఖాతా తెరిపించాలన్నారు. ఉజ్వల యోజన కింద అర్హులైన లబ్ధిదారులకు గ్యాస్‌ కనెక‌్షన్ల పంపిణీకి చర్యలు తీసుకోవాలని చెప్పారు. సమావేశంలో ఏఎస్‌ఓలు సౌభాగ్య లక్ష్మి, సౌభాగ్య, ప్రేమ్‌కుమార్, సిబ్బంది పాల్గొన్నారు.
 
 విస్తృత తనిఖీలు నిర్వహించండి
 ఆహార కల్తీ, తక్కువ తూకాలపై విస్తృత తనిఖీలు నిర్వహించాలని అధికారులను జేసీ ఆదేశించారు. తన చాంబర్‌లో ఎన్‌ఫోర్స్‌మెంట్‌ సమావేశం నిర్వహించిన ఆయన ఆహార కల్తీ నిరోధక, ఔషధ నియంత్రణ, తూనికలు కొలతలు, పౌర సరఫరాల శాఖ అధికారులతో సమీక్షించారు. ఇప్పటివరకు జరిగిన తనిఖీలు, నమోదు చేసిన కేసుల నివేదికలను పరిశీలించారు.


 - జాయింట్‌ కలెక్టర్‌ లక్ష్మీకాంతం
 - ఎస్‌బీఐ ఆధ్వర్యంలో అధికారులు, సిబ్బందికి శిక్షణ
 
 అనంతపురం అర్బన్‌ : నగదు రహిత లావాదేవీలు నిర్వహించడం సులభతరమే కాకుండా ఎంతో ప్రయోజనకరమని జాయింట్‌ కలెక్టర్‌ లక్ష్మీకాంతం అన్నారు. ఆ దిశగా ప్రజలను చైతన్యపరచాలని అధికారులకు సూచించారు. శనివారం కలెక్టరేట్‌లోని రెవెన్యూ భవన్‌లో నగదు రహిత లావాదేవీలపై జిల్లా అధికారులు, తహశీల్దారులు, ఎంపీడీఓలు, మునిసిపల్‌ కమిషనర్లు, సిబ్బందికి శిక్షణ కార్యక్రమం నిర్వహించారు. ఈ సందర్భంగా జేసీ మాట్లాడుతూ నగదు రహిత లావాదేవీల నిర్వహణపై ప్రజలకు అవగాహన కల్పించాలన్నారు. ముఖ్యంగా గ్రామీణ ప్రాంతాల్లో సమావేశాలు నిర్వహించి నగదు రహిత లావాదేవీల వల్ల ఉపయోగాలను వివరించాలన్నారు. తద్వారా ఒనగూరే ప్రయోజనాలను తెలియజేయాలన్నారు.
 
 ప్రతి అధికారి, ఉద్యోగి బాధ్యతగా తీసుకుని నగదు రహిత లావాదేవీల నిర్వహణలో జిల్లాను రాష్ట్రంలోనే ప్రథమ స్థానంలో నిలపాలన్నారు. ఎస్‌బీఐ డిప్యూటీ మేనేజర్లు (ఆర్‌బీఓ) పి.వెంకన్న, వై.శేషసాయి ఏటీఎం, డెబిట్, క్రెడిట్‌కార్డు, ఇంటర్నెట్, మొబైల్‌ బ్యాకింగ్‌ ద్వారా నగదు రహిత లావాదేవీలు నిర్వహించే విధానాన్ని పవర్‌ పాయింట్‌ ప్రజెంటేషన్‌ అధికారులకు వివరించారు. మొబైల్‌ బ్యాంకింగ్‌లో ఎస్‌బీఐ ఫ్రీడమ్, ఎనీవేర్‌ బ్యాంకింగ్‌ విధానాలను తెలియజేశారు. అదే విధంగా పీఓఎస్‌ యంత్రాలు, ఎస్‌బీఐ బడ్డి యాప్‌ గురించి విశదీకరించారు. ఆర్‌బీఐ మార్గదర్శకాలు చెప్పారు. సమావేశంలో ఆర్‌డీఓ మలోలా, ఇతర అధికారులు పాల్గొన్నారు.


 అనంతపురం అర్బన్‌ : రాష్ట్రంలో రైతులకు ఏ విధంగా రుణాలు ఇస్తున్నారు.. అందుకు ఏయే విధానాలను అనుసరిస్తున్నారు అనే విషయాలను జాయింట్‌ కలెక్టర్‌ బి.లక్ష్మికాంతం ఢిల్లీలోని సివిల్‌ సర్వీసెస్‌ ఆఫీసర్స్‌ ఇనిస్టిట్యూట్‌లో ఏర్పాటు చేసిన కార్యక్రమంలో పవర్‌ పాయింట్‌ ప్రజెంటేషన్‌ ద్వారా వివరించారు. ఈ-గవర్నెన్స్‌ జాతీయ అవార్డు 2016-17 ఎంపికల్లో భాగంగా ‘లోన్‌ చార్జ్‌ క్రియేషన్స్‌ మాడ్యూల్‌ ప్రాజెక్టు’పై వివరించేందుకు రాష్ట్ర ప్రభుత్వం ఆయనను ఎంపిక చేసింది.
  


 అనంతపురం అర్బన్‌ : జిల్లాలో నగదు లావాదేవీల్లో ప్రజలు ఇబ్బంది పడకుండా ఉండేందుకు రూ.100 కోట్లు అవసరం ఉందని, దీనిపై రిజర్వ్‌ బ్యాంక్‌ ఆఫ్‌ ఇండియాకి లేఖ రాయించామని ఇన్‌చార్జి కలెక్టర్‌ లక్ష్మీకాంతం తెలిపారు. చిన్న నోట్ల డినామినేషన్‌ పొందుపరుస్తూ లేఖని ఆర్‌బీఐకి పంపించాలని ఎల్‌డీఎం జయశంకర్‌ని ఆదేశించారు. బుధవారం ఆయన తన క్యాంప్‌ కార్యాలయంలో అన్ని బ్యాంక్‌ల చీఫ్‌ మేనేజర్లతో నగదు లావాదేవీలపై సమీక్షించారు. ప్రతి గ్రామంలో గ్రామ సమాఖ్య, పంచాయతీ కార్యదర్శి, వీఆర్‌ఓ లేదా వీఆర్‌ఏలతో బృందం ఏర్పాటు చేయాలని సీఎం ఆదేశించారని తెలిపారు.
 
 బృందాలు ప్రతి గ్రామంలో ఇంటింటికీ వెళ్లి బ్యాంక్‌ ఖాతా లేని జాబితాను తయారు చేస్తారన్నారు. ఖాతాలు లేనివారికి అకౌంట్లు చేయించాలని బ్యాంక్‌ అధికారులను ఆదేశించారు. దాదాపు రెండు లక్షల మంది ఉపాధి కూలీలకు బ్యాంక్‌ ఖాతాలు తెరవాల్సి ఉందని, ఈ మేరకు చర్యలు తీసుకోవాలని డ్వామా పీడీకి ఫోన్‌ ద్వారా ఆదేశించారు. పింఛనుదారులకు సంబంధించి 1.50 లక్షలు ఖాతాలు ఇనాక్టివేషన్‌లో ఉన్నాయని, వీటిని యాక్టివేట్‌ చేయాలన్నారు. ప్రజలకు ఇబ్బందులు లేకుండా మొబైల్‌ బ్యాకింగ్‌ని అన్ని బ్యాంకులు నిర్వహించాలని చెప్పారు.


 నల్లగొండ :నక్కలగండి ప్రాజెక్టు పనులకు అం తరాయం కలిగిస్తే కేసులు నమోదు చేస్తామని జిల్లా జాయింట్ కలెక్టర్ సి.నారాయణరెడ్డి పేర్కొన్నారు. డిండి బ్యాలెన్సింగ్ రిజర్వాయర్‌కు నక్కల గండి తండాను ముంపు ప్రాం తంగా ప్రభుత్వం ఉత్తర్వులు జారీ చేసిందని, భూ సేకరణలో భాగంగా నిర్వాసితులకు ప్రభు త్వ నియమ నిబంధనల మేరకు పరిహారం అం దించినట్లు తెలిపారు.  ఇంకా మిగిలిన నిర్వాసితులకు కూడా పరి హారం అందిస్తామన్నారు. మంగళవారం తన చాంబర్‌లో నక్కలగండి ప్రాజెక్టు పనులపై దేవరకొండ శాసనసభ్యులు రవీంద్రనాయక్, ఇరిగేషన్, భూసేకరణ, రెవె న్యూ అధికారులతో చర్చించారు. 
  
  పెద్ద అడిశర్లపల్లి మండలం అక్కంపల్లి బ్యాలెన్సింగ్ రిజర్వాయర్ కింద భూ సేకరణ చేసిన పెద్ద అడిశర్లపల్లి, అక్కంపల్లి నిర్వాసితులకు ఇంకా చెల్లించాల్సిన పరి హారం గురించి స్థానిక ఎమ్మెల్యే సం బంధిత బాధితులను జేసీ వద్దకు తీసుకొని వచ్చారు. దాంతో నక్కలగండి ప్రాజెక్టుకు సం బంధించి కావాల్సిన మొత్తం విస్తీర్ణం, ఇప్పటి వరకు చేసిన భూసేకరణ, అవసరమైన వివరాలను సమగ్రంగా సమర్పించాలని ఆర్డీఓ, భూసేకరణ అధికారులకు జేసీ ఆదేశిం చారు. పెద్దఅడిశర్లపల్లి మండలం దుగ్యాల గ్రామంలోని ప్రభుత్వ భూ ముల వివరాలను వెంటనే సమర్పించాలని ఇరిగేషన్ ఎస్‌ఈని ఆదేశించారు. 
  
  సమస్యల ఏకరువు..
  ఈ సందర్భంగా శాసనసభ్యుడు రవీంద్రకుమార్ పెద్దఅడిశర్లపల్లి, అక్కంపల్లి, సింగరాజుపల్లి, గొట్టిముక్కల గ్రామాల్లోని ప్రజల సమస్యలను జేసీ దృష్టికి తెచ్చారు. శ్మశానవాటిక, దేవాలయ నిర్మాణం, బీసీ కాలనీ ప్రజలకు మౌలిక వసతుల కల్పన, మత్య్సకారుల సమస్యలు, కమ్యూనిటీహాలు నిర్మాణం పనులు సాధ్యమైనంత త్వరలో పూర్తి చేయించాలని ఎమ్మెల్యే కోరారు. దీనిపై జాయింట్ కలెక్టర్ స్పందించి సంబంధిత అధికారులకు ఆదేశాలు జారీ చేశారు. ఈ సమావేశంలో పెద్దఅడిశర్లపల్లి జెడ్పీటీసీ స్పందనారెడ్డి, స్పెషల్ డిప్యూటీ కలెక్టర్ ప్రభాకర్ శ్రీనివాస్, దేవరకొండ ఆర్డీఓ కె.గంగాధర్, ఇరిగేషన్ ఎస్‌ఈ సాయిబాబా, డీఈలు నర్సింగ్‌రాజ్, చక్రపాణి, ఈఈ కరుణాకర్‌రెడ్డి, లాండ్‌సర్వే ఏడీ శ్రీనివాస్, దేవరకొండ, చందంపేట తహసీల్దార్లు డి.గణేష్, యాకూబ్, పెద్ద అడిశర్లపల్లి డిప్యూటీ తహసీల్దార్లు ఎండీ అర్షద్, జ్యోతి, సంబంధిత శాఖల అధికారులు పాల్గొన్నారు. 
  
  వారంలోగా నివేదిక పంపాలి
  భూ నిర్వాసితులకు సంబంధించి ఎంత మందికి స్థలాలు ఇచ్చారు, ఇంకా ఎంత మందికి ఇవ్వాలి, కేటాయించని వారిలో అర్హతలున్నవారు ఎంత మంది ఉన్నారు అనేది పరిశీలించి వారం రోజుల్లో నివేదికను సమర్పించాలని జేసీ ఆదేశించారు. నిర్వాసితులతో ఆయన మాట్లాడుతూ 129 సర్వే నంబర్ నోటీపై చేసిన దానితో పాటు ఇంకా గుర్తించాల్సి ఉందని, ఇప్పటికే గుర్తించిన దాంట్లో బత్తాయి తోటలు కోల్పోయిన వారి బోర్లు, పైపులైనులకు పరిహారం అందించడానికి చర్యలు తీసుకుంటామని తెలిపారు.
  
   ఎవ్వరూ చట్టాన్ని ఉల్లంఘించరాదని, న్యాయబద్ధంగాతమ సమస్యలను పరిష్కరించుకోవాలని కోరారు.  ప్రాజెక్టు భూసేకరణకుసంబంధించిఇంకా పెండింగ్‌లో ఉన్న పరిహారం చెల్లింపునకు ఉన్నతాధికారుల అనుమతులకు ప్రతిపాదనలు సమర్పించాలని సంబంధిత అధికారులను ఆదేశించారు. పునరావాసం కింద ఇచ్చిన ప్లాటుతో పాటు అదనంగా మరో స్థలంకబ్జాకు గురైందని, ఇప్పటివరకు అసలు పునరావాసం పొందనివారికి ప్రాధాన్యతనివ్వాలని సంబంధిత అధికారులకు జాయింట్‌కలెక్టర్ ఆదేశించారు. 


 అనంతపురం అర్బన్‌  : పాయింట్‌ ఆఫ్‌ సేల్స్‌ (పీఓఎస్‌) స్వైప్‌ యంత్రాల కోసం డీలర్లు, వర్తకులు వెంటనే దరఖాస్తు చేసుకోవాలని జాయింట్‌ కలెక్టర్‌ బి.లక్ష్మీకాంతం  ఓ ప్రకటనలో సూచించారు. దరఖాస్తులను ఆర్‌డీఓ, మున్సిపల్‌ కార్యాలయాల్లో ఏర్పాటు చేసిన ప్రత్యేక కౌంటర్లలో స్వీకరిస్తారన్నారు. జిల్లాలోని చౌక దుకాణాల డీలర్లు, గ్యాస్‌ ఏజెన్సీలు, పెట్రోల్‌ బంకులు యజమానులు ఇలా అన్ని రకాల వర్తకులు, వ్యాపారులు తప్పని సరిగా పీఓఎస్‌ యంత్రాల ద్వారా నగదు రహిత లావాదేవీలు నిర్వహించాలన్నారు. ఇందులో ఎలాంటి జాప్యానికి తావివ్వకుండా యంత్రాల కోసం వెంటనే దరఖాస్తు చేసుకోవాలని సూచించారు.


 కాకినాడ సిటీ : 
 నిత్యావసర వస్తువుల ధరలు పెంచి విక్రయించే వారిపై కఠిన చర్యలు తీసుకుంటామని జాయింట్‌ కలెక్టర్‌ ఎస్‌.సత్యనారాయణ హెచ్చరించారు. ఆదివారం కలెక్టరేట్‌లో హోల్‌సేల్‌ వర్తకులు, పౌర సరఫరాల శాఖ అధికారులతో కరెన్సీ నోట్ల మారకం, నిత్యావసర ధరలపై సమీక్షించారు. నిత్యావసర వస్తువులు దొరకవని, ధరలు పెరుగుతాయని వచ్చే వదంతులను ప్రజలు నమ్మవద్దని కోరారు. అలాగే ఉప్పు దొరకదంటూ ఎక్కువ ధరకు అమ్ముతున్నట్టు ప్రచారం జరుగుతోందన్నారు. వర్తకులు కృత్రిమ కొరత సృష్టించడం, ధర పెంచి అమ్మడం వంటి చర్యలకు పాల్పడినట్టు గుర్తిస్తే ఉపేక్షించేది లేదన్నారు. అలాంటి వ్యాపారులపై పీడీ యాక్టు ప్రకారం చర్యలు ఉంటాయని హెచ్చరించారు. బంగాళాదుంపలు, ఉల్లిపాయలు, పప్పులు, నూనెలు, ఇతర నిత్యావసర సరుకులు సాధారణ ధరలకు విక్రయించాలని ఆదేశించారు. రైతుబజార్లలో నిత్యావసర సరుకుల ధరల బోర్డులను ప్రదర్శించాలని చెప్పారు.  ఉప్పు నిల్వలు, కందిపప్పు, మినపప్పు, నూనె వంటి సరుకులను ప్రత్యేక బృందాలతో తనిఖీలు చేయించాలని ఆర్డీఓలకు సూచించారు. ఈ నెల 14 వరకు పెట్రోల్‌ బంకులు, మందులషాపులు, హాస్పిటల్స్, మీ–సేవ కేంద్రాల్లోనూ పాత రూ.500, రూ.1000 నోట్లు చెల్లుబాటు అవుతాయని చెప్పారు. సమావేశంలో ఆంధ్రాబ్యాంక్‌ ఎల్‌డీఎం సుబ్రహ్మణ్యం, ఆర్డీఓ బీఆర్‌ అంబేద్కర్, మార్కెటింగ్‌ ఏడీ కేవీఆర్‌ఎ¯ŒS కిషోర్, పౌర సరఫరాల శాఖ ఏఎస్‌ఓలు పి.సురేష్, ప్రసాద్, రాజు పాల్గొన్నారు.
  


 గుంతకల్లు రూరల్‌ : జిల్లా జాయింట్‌ కలెక్టర్‌ లక్ష్మీకాంతం శనివారం కుటుంబ సమేతంగా కసాపురం నెట్టికంటి ఆంజనేయస్వామిని దర్శించుకున్నారు.   శుక్రవారం రాత్రి ఆలయానికి చేరుకున్న జేసీ దంపతులకు ఆలయ అధికారులతోపాటు, తహసీల్దార్‌ హరిప్రసాద్‌ ఇతర రెవెన్యూ అధికారులు  స్వాగతం పలికారు. శుక్రవారం రాత్రి ఆలయ విడిది గృహంలో నిద్ర చేసిన జేసీ దంపతులు, శనివారం వేకువ జామున ఆలయంలో స్వామివారికి నిర్వహించే అభిషేకం కార్యక్రమానికి హాజరయ్యారు. అర్చకులు జేసీ కుటుంబ సభ్యుల పేరిట స్వామివారికి ప్రత్యేక పూజలు నిర్వహించి, వారికి తీర్థ ప్రసాదాలను అందజేశారు.


 అనంతపురం అర్బన్‌: జిల్లాలో ప్రజాసాధికార సర్వే, ఎమ్మెల్సీ ఎన్నికల ఓటరు నమోదు కార్యక్రమాలను వేగవంతం చేయాలని జాయింట్‌ కలెక్టర్‌ బి.లక్ష్మీకాంతం అధికారులకు ఆదేశించారు. సోమవారం కలెక్టరేట్‌లోని ఎన్‌ఐసీ నుంచి తహశీల్దార్లు, మున్సిపల్‌ కమిషనర్లతో వీడియో కాన్ఫరెన్స్‌ నిర్వహించారు. జిల్లాలో 43,27,844 మంది జనాభా ఉంటే ఇప్పటి వరకు 35,50,519 జనాభాను సర్వే చేశారన్నారు.  సర్వే నిర్వహణకు జిల్లాకు రూ.2.48 కోట్లను ప్రభుత్వం విడుదల చేసిందన్నారు. శాసనమండలి ఎన్నికలకు సంబంధించి అర్హులందర్నీ నమోదు చేసుకునేలా విస్తృత ప్రచారం నిర్వహించాలన్నారు. ఇప్పటి వరకు పట్టభద్రులు 22,135 మంది, ఉపాధ్యాయులు 1,001 మంది నమోదు చేసుకున్నారన్నారు. ఇక మిగిలింది కేవలం ఐదు రోజులు మాత్రమేనని గుర్తు చే శారు.


 అనంతపురం అర్బన్‌ : జిల్లాలో మొక్కజొన్న కొనుగోలు కేంద్రాలను 21వ తేదీ నుంచి ప్రారంభించాలని మార్కెటింగ్‌ శాఖ ఏడీ, మార్క్‌ ఫెడ్‌ అధికారులను జాయింట్‌ కలెక్టర్‌ లక్ష్మీకాంతం ఆదేశించారు. ఆయన  బుధవారం తన క్యాంపు కార్యాలయంలో మొక్కజొన్న కొనుగోలు కేంద్రాలపై సమీక్ష నిర్వహించారు. ఈ సందర్భంగా జాయింట్‌ కలెక్టర్‌ మాట్లాడుతూ చిలమత్తూరు, హిందూపురం, లేపాక్షి, తాడిపత్రిలో కొనుగోలు కేంద్రాలను ప్రారంభించాలన్నారు.
 
 మొక్కజొన్న క్వింటాలుకు ప్రభుత్వం రూ.1,365 మద్ధతు ధర ప్రకటించిందన్నారు. చిలమత్తూరు, హిందూపురం, తాడిపత్రి మార్కెట్‌ యార్డుల్లో కొనుగోలు కేంద్రాలను ఏర్పాటు చేయాలన్నారు. లేపాక్షిలో మహిళ సంఘాల ఆధ్వర్యంలో కొనుగోలు ప్రక్రియ చేపట్టాలని ఆదేశించారు.


  ఖమ్మం వ్యవసాయం: ఖమ్మం వ్యవసాయ మార్కెట్‌పై  కొందరు రైతుల ముసుగులో దాడి చేశారు. ఒక్కసారిగా భయానక వాతావరణం సృష్టించడంతో మార్కెట్ అధికారులు అక్కడ నుంచి పరుగులు తీశారు. కొందరు అధికారులు సమీపంలోని బాత్‌రూంలలో దాక్కొన్నారు. వివరాలు.. ఖమ్మం మార్కెట్‌లోని పత్తి యార్డుకు 62 మంది రైతులు గురువారం పత్తిని విక్రయానికి తీసుకొచ్చారు. అధికారులు ఆ సరుకును గేట్ వద్ద ఆన్ లైన్ విధానంలో ఎంట్రీ చేశారు. ట్రేడర్లు పంట ఉత్పత్తులను పరిశీలించి నాణ్యతా ప్రమాణాల ఆధారంగా బిడ్ చేయాల్సి ఉంది.
  
   కానీ ఈ కార్యక్రమానికి ముందే ఒక్కసారిగా దాదాపు వందమంది గేట్ ఎంట్రీ గది వద్ద దాడి చేశారు. దీంతో గది అద్దాలు పగిలిపోయాయి. ఆ గదిలో ఉన్న కంప్యూటర్ కూడా దెబ్బతిన్నది.  ఆ గదిలో ఉన్న మార్కెటింగ్ శాఖ అధికారులు జరిగిన హఠాత్పరిణామంతో అక్కడ నుంచి  పరుగులు తీశారు. కమీషన్  వ్యాపారులు, ట్రేడర్లు  అధికారులతో మాట్లాడుతూ పాత పద్ధతిలో కొనుగోళ్లు నిర్వహించాలని కోరారు. దాడి జరిగే సమయంలో వరంగల్ రీజియన్  మార్కెటింగ్ శాఖ జాయింట్ డెరైక్టర్ శ్యామూల్ రాజు, డిప్యూటీ డెరైక్టర్ శ్రీనివాసరావు అక్కడే ఉన్నారు.
  
   జిల్లా మార్కెట్ అధికారి, మార్కెట్ ఉన్నత శ్రేణి కార్యదర్శి ఎప్పటికప్పుడు జిల్లా కలెక్టర్ లోకేష్‌కుమార్‌కు, జాయింట్ కలెక్టర్ వినయ్‌కృష్ణారెడ్డిలకు పరిస్థితిని వివరించారు. దీంతో  వారు ఖమ్మం డీఎస్పీ సురేష్‌కుమార్‌తో పాటు ముగ్గురు సీఐలు, వంద మంది పోలీసుల బృందాన్ని మార్కెట్‌కు పంపించింది. డీఎస్పీ మార్కెట్ అధికారులు, వ్యాపారులతో మాట్లాడి సమస్యను సామరస్యంగా పరిష్కరించుకోవాలన్నారు. మార్కెట్‌లోని  సీసీ కెమెరాల సాయంతో విధ్వంసానికి పాల్పడిన వారిని గుర్తిం చొచ్చని అధికారులు నిర్ణయించారు.
  
  అయితే ఈ దాడి జరిగిన సమయంలో రైతులు, కమీషన్ వ్యాపారులు, బయటి వ్యక్తులు ఉన్నారు. ఈ-నామ్ అమలే దాడికి ప్రధాన కారణమని కొందరు  చెబుతున్నారు. పొరుగు జిల్లాల్లో అమలు చేయని ఈ-నామ్‌ను ఖమ్మంలో అమలు చేయడమేంటని  వాదిస్తున్నారు. కాగా, ఈ-నామ్‌పై రగడ నేపథ్యం లో రైతులు ఇబ్బంది పడకుండా శనివారం వరకు పాత పద్ధతిలోనే పంట ఉత్పత్తులు కొనుగోళ్లు చేయాలని మార్కెట్ అధికారులు నిర్ణయించారు. కలెక్టర్ లోకేష్‌కుమార్ అనుమతి తీసుకున్నారు.
  


 కడప సెవెన్‌రోడ్స్‌ :
  దీపావళి పండుగ సందర్భంగా టపాసుల విక్రయాల కోసం తాత్కాలిక లైసెన్సులు మంజూరు చేస్తామని జాయింట్‌ కలెక్టర్‌ శ్వేత తెవతీయ తెలిపారు. శుక్రవారం కలెక్టరేట్‌లో వివిధ శాఖల అధికారులతో నిర్వహించిన సమావేశంలో ఆమె మాట్లాడారు. కడప రెవెన్యూ డివిజన్‌లో కొత్తగా 97, రెన్యూవల్‌ కోసం 81 దరఖాస్తులు వచ్చాయన్నారు. రాజంపేట డివిజన్‌లో కొత్తగా 71, రెన్యూవల్‌కు 15, జమ్మలమడుగు డివిజన్‌లో కొత్తగా 32, రెన్యూవల్‌కు 32 దరఖాస్తులు అందాయని వివరించారు. ఈనెల 26 నుంచి 30 వరకు టపాసులు విక్రయించుకోవడానికి లైసెన్సులు జారీ చేస్తామని చెప్పారు. దరఖాస్తులను పరిశీలించి ఈనెల 15వ తేదీ నాటికి కలెక్టరేట్‌కు ఎన్‌ఓసీలు పంపాలని ఆయా శాఖ అధికారులను ఆమె ఆదేశించారు. ఆర్డీఓలు, మున్సిపల్‌ కమిషనర్లు సమన్వయంతో పనిచేయాలని సూచించారు. బహిరంగ ప్రదేశాల్లో మాత్రమే క్రాకర్స్‌ విక్రయాలు జరపాలని సూచించారు. దుకాణాల మధ్య మూడు మీటర్ల కనీస దూరం ఉండేలా ఏర్పాటు చేసుకోవాలన్నారు. ప్రతి దుకాణం వద్ద ఇసుక బకెట్లను సిద్ధంగా ఉంచుకోవాలన్నారు. మండే స్వభావం లేని మెటీరియల్‌తోనే షెడ్లు ఏర్పాటు చేసుకోవాలని సూచించారు. నూనె, గ్యాస్‌ దీపాలు దుకాణాలు ఉండరాదని స్పష్టం చేశారు. ఎలక్ట్రికల్‌ దీపాలను గోడకు అమర్చుకోవాలన్నారు. గుర్తించిన ఒక ప్రదేశంలో 50 దుకాణాలకు మించి ఏర్పాటుకు అనుమతి ఇవ్వబోమని చెప్పారు. ఓఎస్‌డీ ఆపరేషన్స్‌ సత్య ఏసుబాబు, ఆర్డీఓలు చిన్నరాముడు, వినాయకం, ఎలక్ట్రికల్‌ డీఈ శోభా వాలంటీన, కలెక్టరేట్‌ సి సెక్షన్‌ సూపరింటెండెంట్‌ గంగయ్య, అగ్నిమాపకశాఖ అధికారులు, తహసీల్దార్లు పాల్గొన్నారు.
  
  


 అనంతపురం న్యూసిటీ : జిల్లాలో ప్రజాసాధికార సర్వే 50 శాతం మాత్రమే పూర్తి చేయడంపై  జాయింట్‌ కలెక్టర్‌ లక్ష్మీకాంతం అసంతృప్తి వ్యక్తం చేశారు.  ఈ నెల 10లోపు పూర్తిచేయాలని   రెవెన్యూ డివిజనల్‌ అధికారులు, తహశీల్దార్లను ఆదేశించారు. గురువారం కలెక్టరేట్‌లో నిర్వహించిన వీడియో కాన్ఫరెన్స్‌లో అధికారులతో ఆయన మాట్లాడారు.
 
 సర్వేలో తప్పులు సరిచేసిన వారిలో కదిరి మొదటి స్థానంలో, అనంతపురం చివరి స్థానంలో ఉందన్నారు.  చంద్రన్న బీమా 87 శాతం పూర్తి అయ్యిందన్నారు. బీమా చేయడంలో ధర్మవరం మొదటి స్థానంలో ఉందన్నారు.    జిల్లాలోని 126 గ్రా మాలను ఓడీఎఫ్‌గా ప్రకటించాలని ఆర్‌డబ్ల్యూఎస్‌ అధికారులను ఆదేశించారు.


 –నేడు జిల్లా వ్యాప్తంగా ర్యాలీలు
 –జిల్లా జాయింట్‌ కలెక్టర్‌ హరికిరణ్‌ ఆదేశం
 కర్నూలు(హాస్పిటల్‌): దోమలపై దండయాత్ర– పరిసరాల పరిశుభ్రత కార్యక్రమాన్ని ఉద్యమంలా చేపట్టాలని జిల్లా జాయింట్‌ కలెక్టర్‌ సి. హరికిరణ్‌ ఆదేశించారు. శుక్రవారం జిల్లాలోని మున్సిపల్‌ కమిషనర్లు, మండల స్థాయి అధికారులతో  జిల్లా కేంద్రం నుంచి జేసీ వీడియో కాన్ఫరెన్స్‌ నిర్వహించారు. ఈ సందర్భంగా ఆయన మాట్లాడుతూ స్వచ్ఛ ఆంధ్రప్రదేశ్‌ కార్యక్రమాలను శనివారం మధ్యాహ్నం నగరపాలక సంస్థలు, గ్రామపంచాయతీలు, పురపాలక సంస్థల పరిధిలో తప్పక నిర్వహించాలన్నారు. ముఖ్యకూడళ్లలో ర్యాలీలు నిర్వహించి, పేదలుండే కాలనీల్లో పెద్ద ఎత్తున ఉచిత వైద్యశిబిరాలు ఏర్పాటు చేయాలని ఆదేశించారు. ఇందులో భాగంగా వనం–మనం కార్యక్రమం కింద మొక్కలు నాటే కార్యక్రమం, వాటి సంరక్షణ, ట్రీగార్డుల ఏర్పాటు చేపట్టాలని సూచించారు. జిల్లా వ్యాప్తంగా ఉన్న అన్ని విద్యాసంస్థల నుంచి విద్యార్థులను బందాలుగా ఏర్పాటు చేశామని చెప్పారు. మొత్తం 55వేల బందాలు ఉండగా, ఒక్కో బందానికి 10 ఇళ్లను కేటాయించి, వారి ద్వారా సదరు కుటుంబాల్లో వ్యాధులు రాకుండా చేపట్టాల్సిన జాగ్రత్తలపై అవగాహన కల్పించాలన్నారు. అందుకు అవసరమైన కరపత్రాలు, వాల్‌పోస్టర్లు, ఫ్లిప్‌ క్యాలెండర్లు వైద్య ఆరోగ్యశాఖ సమకూరుస్తుందన్నారు.   స్వయం సహాయ సంఘాల మహిళలను ఇందులో భాగస్వామ్యులను చేయాలన్నారు. ప్రతి అధికారి తమ కార్యాలయ పరిసరాల్లో కూడా పరిశుభ్రత పాటించాలని ఆదేశించారు. సమావేశంలో జిల్లా వైద్య ఆరోగ్యశాఖాధికారి డాక్టర్‌ యు.స్వరాజ్యలక్ష్మి, సీపీవో ఆనందనాయక్, డీఈవో రవీంద్రనాథ్‌రెడ్డి, ఆర్‌డబ్ల్యూఎస్‌ ఎస్‌ఈ హరిబాబు, డీపీవో ఆందన్, నగర పాలక సంస్థ కమిషనర్‌ రవీంద్రబాబు, డీఆర్‌డీఏ పీడీ రామకష్ణ తదితరులు పాల్గొన్నారు. 
  


 – అధికారులకు జాయింట్‌ కలెక్టర్‌ ఆదేశం
 అనంతపురం అర్బన్‌ : నిత్యావసర సరుకుల ధరలు నియంత్రణలో ఉండేలా చర్యలు తీసుకోవాలని అధికారులను జాయింట్‌ కలెక్టర్‌ లక్ష్మీకాంతం ఆదేశించారు. శుక్రవారం ఆయన తన క్యాంప్‌ కార్యాలయంలో ధరల నియంత్రణ కమిటీ సమావేశం నిర్వహించారు. ఈ సందర్భంగా జాయింట్‌ కలెక్టర్‌ మాట్లాడుతూ నిత్యావసర వస్తువులు ఇష్టానుసార ధరలకు విక్రయించకుండా మార్కెట్‌లో ఆకస్మిక తనిఖీలు నిర్వహించాలన్నారు. కందిబేడలు కిలో రూ.100 వరకు ఉందని, ఇంతకు మించి విక్రయించకుండా చర్యలు తీసుకోవాలని ఆదేశించారు.
 
 ఆహార కల్తీపై కూడా నిఘా పెట్టాలన్నారు. దాడులు నిర్వహించి ఎక్కడైనా కల్తీకి పాల్పడుతున్నట్లు గుర్తిస్తే తక్షణం కేసులు నమోదు చేయాలని చెప్పారు. జిల్లా కేంద్రంలోని ఎనిమిది ప్రభుత్వ వసతి గహాలకు రైతు బజార్‌ నుంచి కూరగాయలు, ఆకుకూరలు కొనుగోలు చేసేలా అధికారులు చర్యలు తీసుకోవాలన్నారు. జిల్లాలో అక్రమ నిలువలపై విజిలెన్స్, రెవెన్యూ అధికారులు దాడులు నిర్వహించాలని ఆదేశించారు.
 
 ఈ –క్రాప్‌ బుకింగ్‌ చేయాలి
 జిల్లాలో ఈ – క్రాప్‌ బుకింగ్‌ వంద శాతం చేయాలని మండల వ్యవసాయ అధికారులు, ఏఈఓ, ఎంపీఓలను జాయింట్‌ కలెక్టర్‌ ఆదేశించారు. శుక్రవారం ఎన్‌ఐసీ నుంచి వీడియో కాన్ఫరెన్స్‌ నిర్వహించారు. ఈ సందర్భంగా ఆయన మాట్లాడుతూ అక్టోబర్‌ 4లోపు  ఈ–క్రాప్‌ బుక్కింగ్‌ వంద శాతం పూర్తి చేయాలన్నారు.


 కాకినాడ సిటీ :
 సర్వేయర్లు బాధ్యతతో పనిచేసి సకాలంలో సర్వే పనులను పూర్తి చేయాలని జాయింట్‌ కలెక్టర్‌ ఎస్‌.సత్యనారాయణ ఆదేశించారు. గురువారం కలెక్టరేట్‌ విధానగౌతమి సమావేశ హాలులో సర్వేయర్లతో భూ సర్వే, పట్టా సబ్‌ డివిజన్‌ అంశాలపై సమీక్షించారు. ఆయన మాట్లాడుతూ వచ్చిన దరఖాస్తులను రైతులను ఇబ్బంది పెట్టకుండా త్వరితగతిన పరిష్కరించాలని ఆదేశించారు. భూ సర్వే, పట్టా సబ్‌ డివిజన్‌లకు సంబంధించి ఆన్‌లైన్‌లో వచ్చి నిర్ణీత పరిష్కార గడువు దాటిపోయిన దరఖాస్తులను 15 రోజుల్లో పరిష్కరించాలని స్పష్టం చేశారు. తొండంగి, జగ్గంపేట, రాజానగరం, రంగంపేట, అల్లవరం, అమలాపురం, ఉప్పలగుప్తం తదితర మండలాల్లో మార్చి నెల నుంచి దరఖాస్తులు ఎక్కువగా పెండింగ్‌ ఉన్నాయన్నారు. ఎఫ్‌ఎంబీ డిజటలైజేషన్‌కు 20 మంది సర్వేయర్లను నియమించామని వారిని ఎక్కువ దరఖాస్తులు పెండింగ్‌ ఉన్న మండలాలకు పంపి పరిష్కార చర్యలు తీసుకోవాలని సర్వేశాఖ ఏడీకి సూచించారు. సర్వేకు సంబంధించి ఈటీఎస్‌ పరికరాలు వినియోగించడంలో జిల్లా వెనుకబడి ఉందని, సర్వేయర్లు వాటితోనే పనిచేయాలని ఆదేశించారు. మండల సర్వేయర్లు లైసెన్స్‌ సర్వేయర్లను క్షేత్రస్థాయికి తీసుకువెళ్లి శిక్షణ ఇవ్వాలన్నారు. సమీక్షలో సర్వే భూరికార్డుల శాఖ ఏడి నూతనకుమార్, సర్వేయర్లు పాల్గొన్నారు.
  


 
 కంచికి చేరిన పాలకవర్గం కథ
 
 మరో 2 నెలలుండగానే పదవులు రద్దు
 
 ‘సాక్షి’ కథనంతో ప్రకంపనలు
 
 వైఎస్సార్ సీపీ ఆందోళనల పర్యవశనం
 
  
 సాక్షి, విశాఖపట్నం : ఈసారి వారి పప్పులుడకలేదు. మరో రెండు నెలల పదవీ కాలం ఉండగానే సూపర్‌బజార్ పాలకవర్గం రద్దయింది. కోట్లాది రూపాయల అవినీతి ఆరోపణలు.. లెక్కకు మించి అక్రమాలకు ఆలవాలమైన విశాఖ కో-ఆపరేటివ్ సెంట్రల్ స్టోర్స్ లిమిటెడ్(సూపర్‌బజార్) పాలకవర్గానికి ఎట్టకేలకు చెక్‌పడింది. ప్రస్తుత పాలకవర్గానికి మరో రెండు నెలల గడువు ఉండగానే రద్దయింది. పగ్గాలు జిల్లా జాయింట్ కలెక్టర్ జె.నివాస్ చేతికి వెళ్లాయి. ఈ మేరకు సహకార శాఖ స్పెషల్ చీఫ్ సెక్రటరీ టి.విజయ్‌కుమార్ బుధవారం ఉత్తర్వులు జారీ చేశారు.
  
  ఇదీ కథ
  సూపర్‌బజార్ పాలకవర్గం మే 21వ తేదీతో ముగిసింది. కొత్త పాలకవర్గ నియామకం జరపకపోవడంతో తమ పదవీ కాలం మరో అర్నెల్ల పాటు పొడిగించాలంటూ ప్రభుత్వానికి విజ్ఞప్తి చేసింది. ఓ వైపు అవినీతి ఆరోపణలు.. లోకాయుక్త విచారణ నేపథ్యంలో ప్రస్తుత పాలకవర్గ పదవీ కాలాన్ని పొడిగించడానికి ఇష్టపడని అప్పటి సహకార శాఖ ప్రత్యేక కమిషనర్ మిరియాల శేషగిరిబాబు రద్దు చేసి జేసీకి పగ్గాలు అప్పగిస్తూ ఉత్తర్వులు జారీచేశారు.
  
  అయితే ఈ ఉత్తర్వులను తొక్కిపెట్టి మంత్రి బొజ్జల గోపాలకృష్ణారెడ్డి పాలక వర్గాన్ని మరో అర్నెల్ల పాటు పొడిగిస్తూ రివైజ్డ్ జీవో జారీ చేశారు. ఈ విషయాన్ని ‘మరో ఆర్నెల్లు ఆరగించండి’ అంటూ మే 22న సాక్షిలో ప్రత్యేక కథనం ప్రచురితమైంది. ప్రస్తుత పాలకవర్గం పాల్పడుతున్న అవినీతి.. అవకతవకలు.. లోకాయుక్త విచారణ తదితర  పరిణామాలపై ప్రచురిత మైన ఈ పరిశోధనాత్మక కథనం సంచలనం రేపింది. ‘సాక్షి’లో ఇచ్చిన కథనంపై ప్రజల్లో తీవ్రస్థాయిలో చర్చ జరిగింది. సూపర్‌బజార్ అవినీతిపై విచారణ జరపాలంటూ వైఎస్సార్ కాంగ్రెస్ పార్టీ జిల్లా అధ్యక్షుడు గుడివాడ అమర్‌నాథ్ తీవ్రంగా ఖండించడంతో పాటు ద క్షిణ కో-ఆర్డినేటర్ కోలా గురువులు, పార్టీ రాష్ట్ర కార్యదర్శి జాన్‌వెస్లీల ఆధ్వర్యంలో వందలాది మంది కలెక్టరేట్ ఎదుట మహాధర్నా చేశారు.
  
  అక్రమాలపై సమగ్ర నివేదిక
  పాలకవర్గం అవినీతిపై జిల్లా యంత్రాంగం కూడా దృష్టి సారించింది. సూపర్‌బజార్‌లో జరుగుతున్న అవినీతి అక్రమాలపై జిల్లా కో-ఆపరేటివ్ అధికారి ప్రభుత్వానికి సమగ్ర నివేదిక సమర్పించారు. సహకార వ్యవస్థ నిబంధనలకు విరుద్ధంగా సూపర్‌బజార్ లో కార్యకలాపాలు సాగుతున్నాయని, కేవలం ఆర్థికపరమైన ప్రయోజనాల కోసమే నాడు తన పదవీకాలాన్ని పొడిగించాలని ప్రస్తుత పాలకవర్గం కోరినట్టుగా సదరు నివేదికలో పొందుపర్చారు.
  
  దీంతో ప్రస్తుత పాలకవర్గ పదవీకాలాన్ని రద్దు చేసి తక్షణమే పర్సన్ ఇన్‌చార్జి(పీఐసీ)గా జేసీ నివాస్‌కు అప్పగించాలని కో-ఆపరేషన్ స్పెషల్ కమిషనర్ ప్రభుత్వానికి నివేదించారు. ప్రభుత్వ ఆదేశాల మేరకు సూపర్‌బజార్ పర్సన్ ఇన్‌చార్జి బాధ్యతలను జేసీకి  అప్పగిస్తూ స్పెషల్ చీఫ్ సెక్రటరీ టి.విజయకుమార్ జీవో నెం.691ను జారీ చేశారు. మరో రెండు నెలల పాటు పదవీ కాలం ఉండగానే ప్రస్తుత పాలకవర్గం పదవీకాలాన్ని రద్దు చేయడం చర్చనీయాంశమైంది.
  ప్రభుత్వ ఆదేశాలు తక్షణమే అమలు
  సూపర్‌బజార్ ప్రస్తుత పాలకవర్గ చైర్మన్ ఆర్.రామకృష్ణంరాజుపై అనేక ఫిర్యాదులు వచ్చాయి. ప్రస్తుత పాలకవర్గం హయాంలో భారీగా అవినీతి, ఆరోపణలు వెల్లువెత్తాయి. సహకార చట్టం నియమాలకు విరుద్ధంగా పాలకవర్గం నిర్ణయాలు తీసుకోవడంతో సంస్థ ఆర్థికంగా నష్టపోతుంది. ఈ నేపథ్యంలో జిల్లా సహకార శాఖాధికారి, జిల్లా కలెక్టర్ సిఫార్సు మేరకు రామకృష్ణంరాజు పాలకవర్గాన్ని రద్దు చేస్తూ జేసీని పర్సన్ ఇన్‌చార్జిగా నియమిస్తూ ప్రభుత్వం ఉత్తర్వులు జారీ చేసింది. ఈ ఆదేశాలు తక్షణమే అమల్లోకి వస్తాయి.
  - జి.గోవిందరావు,
  మేనేజింగ్ డెరైక్టర్, సూపర్‌బజార్


 – జిల్లా జాయింట్‌ కలెక్టర్‌ సీ హరికిరణ్‌
 కర్నూలు(అర్బన్‌): విభిన్న ప్రతిభావంతుల సంక్షేమానికి కృషి చేస్తామని జిల్లా జాయింట్‌ కలెక్టర్‌ సి. హరికిరణ్‌ అన్నారు. ఆదివారం ప్రపంచ వినికిడి మెరుగు పరిచే దినోత్సవాన్ని స్థానిక సీ క్యాంప్‌లోని వికలాంగుల ప్రభుత్వ బాలుర వసతి గహంలో ఘనంగా నిర్వహించారు. వికలాంగుల సంక్షేమ శాఖ ఏడీ కె. భాస్కర్‌రెడ్డి అధ్యక్షతన జరిగిన ఈ కార్యక్రమానికి జేసీ హరికిరణ్, ఎమ్మెల్యే ఎస్‌వీ మోహన్‌రెడ్డి ముఖ్య అతిథులుగా హాజరయ్యారు. ఈ సందర్భంగా జేసీ మాట్లాడుతూ  విభిన్న ప్రతిభావంతులు ఎందులోను ఎవరికి తీసిపోరని చాలా మంది  నిరూపించారన్నారు. వారిని స్ఫూర్తిగా తీసుకొని విద్యలో పోటీ పడి ఉన్నత స్థానాలకు చేరుకోవాలన్నారు. ఎమ్మెల్యే ఎస్వీ మోహన్‌రెడ్డి మాట్లాడుతూ వికలాంగులు ఎప్పుడు ఏ అవసరం వచ్చినా తనను సంప్రదించాలన్నారు. ఏడీ భాస్కర్‌రెడ్డి మాట్లాడుతూ ప్రభుత్వ శారీరక వికలాంగుల బాలుర వసతి గహానికి, సెన్సరీ పార్కుకు స్థలం కేటాయించాలని కోరారు. అలాగే బధిరులకు ప్రభుత్వ డిగ్రీ కళాశాల ఏర్పాటు చేయాలని కోరారు. ఈ నేపథ్యంలోనే 60 మంది బధిరులకు రూ.5.40 లక్షల విలువ చేసే టచ్‌ఫోన్స్, రూ.3 లక్షల విలువ చేసే ట్రై సైకిళ్లు 60 మంది శారీరక వికలాంగులకు, రూ.1.40 లక్షల విలువ చేసే వీల్‌చైర్స్‌ను 20 మంది మానసిక వికలాంగులకు అందించారు. 
  


 – సమష్టిగా విజయవంతం చేయాలి
 – అధికారులకు జాయింట్‌ కలెక్టర్‌ ఆదేశం
 
 అనంతపురం అర్బన్‌ : ‘డెంగీ, మలేరియా, టైఫాయిడ్‌ తదితర సీజనల్‌ వ్యాధుల నివారణపై ప్రజల్లో అవగాహన పెంచేందుకు శనివారం మెగా ర్యాలీ నిర్వహిస్తున్నాం. వైద్య, ఆరోగ్య శాఖ మంత్రి పాల్గొంటారు. సమష్టిగా విజయవంతం చేయాలి.’ అని జేసీ బి.లక్ష్మీకాంతం అధికారులను ఆదేశించారు. శుక్రవారం కలెక్టరేట్‌లోని మినీ కాన్ఫరెన్స్‌ హాల్‌లో వైద్య, ఆరోగ్య, మునిసిపల్, విద్యా శాఖ అధికారులతో సమావేశం నిర్వహించారు. దోమల నివారణపై ప్రజల్లో అవగాహన పెంచే ందుకు ‘దోమలపై దండయాత్ర– పరిసరాల పరిశుభ్రత’పై శనివారం ఉదయం 10 గంటలకు మెగా ర్యాలీ నిర్వహిస్తున్నామన్నారు.
 
 ర్యాలీలో పాల్గొనే విద్యార్థులు ఉదయం తొమ్మిది గంటలకు ఆర్ట్స్‌ కళాశాల మైదానానికి చేరుకునేలా చూడాలన్నారు.  డీఎంహెచ్‌ఓ వెంకటరమణ, డీఈఓ అంజయ్య, ఆర్‌ఐఓ వెంకటేశ్వర్లు, కమిషనర్‌ చల్లాఓబుళేసు, కళాశాలల ప్రిన్సిపాళ్లు, పాఠశాలల ప్రధానోపాధ్యాయులు పాల్గొన్నారు.
 
 ప్రతి శనివారం డ్రైడే :  ఇకపై ప్రతి శనివారం ప్రజలు కచ్చితంగా డ్రైడే పాటించేలా అవగాహన పెంచాలని అధికారులను జేసీ ఆదేశించారు. పరిసరాల పరిశుభ్రత పాటించేలా చూడాలన్నారు. దోమల నివారణకు డమ్ములు, తొట్లు, కూలర్లులో నీరు రెండు రోజులకోసారి తొలగించేలా, దొమ తెరలు వాడేలా అవగాహన కల్పించాలన్నారు. 


 ఒంగోలు : పోలీసుల వేధింపులు భరించలేకపోతున్నామని, న్యాయం చేయకపోతే ఆత్మహత్యే శరణ్యమని చీరాలకు చెందిన ఓ కుటుంబం జేసీ ఎదుట వాపోయింది. తమ ఆవేదన చెప్పుకునే క్రమంలో జేసీ టేబుల్‌పై పురుగుల మందు డబ్బా పెట్టడంతో కలకలం రేగింది. ఆ సమయంలో జేసీ దఫేదారు పురుగుల మందు డబ్బా లాక్కోవడంతో ప్రమాదం తప్పింది.
 
 వివరాలు.. చీరాల్లోని కొత్తపేట ఆటోనగర్‌లో అనప కుసుమ అనే కుటుంబం ఉంది. కుసుమ భర్త ప్రభాకరరావు పదకొండేళ్ల క్రితం మరణించాడు. వారసత్వంగా వచ్చిన నాలుగున్నర ఎకరాల ఇసుక నేలలో ఇళ్లు కట్టుకుని మిగిలిన భూమిలో వేరుశనగ సాగు చేసుకుంటూ ఆ కుటుంబం జీవిస్తోంది. అయితే ఆ భూమిపై కన్నేసిన కొందరు ఎలాగైనా దక్కించుకోవాలని పతకం పన్నారు. లొంగకపోవడంతో పోలీసులను ప్రయోగించారు. చివరకు పోలీసుల వేధింపులు భరించలేని కుసుమ, తన ఇద్దరు కుమార్తెలు మీనాక్షి, స్వాతి, కుమారుడు నరేష్‌తో కలిసి మీ కోసంలో ఫిర్యాదు చేసేందుకు ఒంగోలు వచ్చింది.
 
 మీనాక్షి దివ్యాంగురాలు కావడంతో తమ్ముడు నరేష్‌ వీపుపై మోసుకుంటూ జేసీ వద్దకు చేరుకున్నాడు. తనను, తన కుటుంబాన్ని పోలీసులు ఏ విధంగా వేధిస్తున్నారో జేసీకి నరేష్‌ చెబుతుండగా దివ్యాంగురాలు మీనాక్షి తన చేతిలో ఉన్న పురుగుల మందు బాటిల్‌ను జేసీ టేబుల్‌పై పెట్టడంతో కలకలం రేగింది. జాయింట్‌ కలెక్టర్‌ దఫేదారు పురుగుల మందు బాటిల్‌ తీసుకునేందుకు ప్రయత్నించగా వారి మధ్య కొద్దిసేపు పెనుగులాట జరిగింది. చివరకు ఆ బాటిల్‌ను జేసీ స్వాధీనం చేసుకుని పోలీసులకు అప్పగించడంతో అంతా ఊపిరి పీల్చుకున్నారు. దొంగతనాలతో తనకు ఎలాంటి సంబంధం లేకపోయినప్పటికీ పోలీసులు తనను కొట్టి ఒప్పిస్తున్నారని నరేష్‌ విలేకర్ల వద్ద వాపోయాడు.
 
 విజయవాడకు చెందిన సీసీఎస్‌ పోలీసులు 70 సవర్ల బంగారాన్ని దొంగతనం చేసినట్లు తనను కొట్టి సంతకం చేయించారన్నాడు. తనకు సంబంధం లేకపోయినప్పటికీ దొంగతనాలకు సంబంధించి పది కేసులు పెట్టారని చెప్పాడు. ఈపూరుపాలెం ఎస్‌ఐగా పనిచేసిన హైమారావు తనను వేధించాడని తెలిపాడు. పోలీసుల వేధింఫులు తట్టుకోలేక తాను హైదరాబాద్, కర్నూలు ప్రాంతాలకు వెళ్లి అక్కడ పనిచేసినట్లు చెప్పాడు. ఇంట్లో ఏకైక మగదిక్కు కావడంతో తాను ఇంటికి వస్తే.. తిరిగి వేధింపులు మొదలయ్యాయని నరేష్‌తోపాటు అతని కుటుంబ సభ్యులు కన్నీటి పర్యంతమయ్యారు. 


 కర్నూలు(అగ్రికల్చర్‌): పాలనలో పారదర్శకత కోసం ప్రభుత్వం కొత్తగా ప్రవేశపెట్టిన కైజాల యాప్‌ను ట్యాబ్‌ల నుంచి డౌన్‌లోడ్‌ చేసుకోవాలని జాయింట్‌ కలెక్టర్‌ సి.హరికిరణ్‌ జిల్లా అధికారులను ఆదేశించారు. సొమవారం కలెక్టరేట్‌ సమావేశ మందిరంలో కైజాల యాప్‌ను డౌన్‌లోడ్‌ చేసుకోవడం తదితర అంశాలపై సమీక్ష నిర్వహించారు. ఈ సందర్భంగా జేసీ మాట్లాడుతూ... కైజాల యాప్‌  ద్వారా ప్రజాసమస్యలు సత్వరం పరిష్కరించే వీలుందని తెలిపారు.  జిల్లాలో విష జ్వరాలు ప్రబలుతున్నందున నివారణ చర్యలు యుద్ధప్రాతిపదిక చేపట్టాలని సూచించారు.  సమావేశంలో జేసీ–2 రామస్వామి, డీఆర్‌ఓ గంగాధర్‌గౌడు తదితరులు పాల్గొన్నారు.
  


 ఏలూరు (ఆర్‌ఆర్‌పేట) : జిల్లాలో వచ్చే అక్టోబర్‌ నెలాఖరులోగా రెండు లక్షల గ్యాస్‌ క¯ð క్షన్లు ఇచ్చి నూరుశాతం పూర్తి చేయనున్నట్టు జాయింట్‌ కలెక్టర్‌ పి.కోటేశ్వరరావు చెప్పారు. కలెక్టరేట్‌లో శుక్రవారం దీపం పథకంపై జిల్లాలోని గ్యాస్‌ డీలర్లతో ఏర్పాటు చేసిన సమావేశంలో జేసీ పాల్గొన్నారు. ఈ సందర్భంగా జేసీ మాట్లాడుతూ జిల్లాలో అర్హులైన వారికి 11 లక్షల గ్యాస్‌ క¯ð క్షన్లు ఇవ్వాల్సి ఉండగా ఇప్పటికే 9 లక్షల గ్యాస్‌ క¯ð క్షన్లు అందించామని, రెండు లక్షలు అక్టోబరు నెలాఖరులోగా అందిస్తామన్నారు. సమావేశంలో డీఎస్‌వో డి.శివశంకర్‌రెడ్డి పాల్గొన్నారు. 
  


 అనంతపురం అర్బన్‌ : జాయింట్‌ కలెక్టర్‌ బి.లక్ష్మీకాంతం వ్యక్తిగత పనులపై గురువారం నుంచి సెలవులో వెళ్లారు. ఆయన తిరిగి ఈ నెల 13 లేదా 14 తేదీల్లో విధులకు హాజరవుతారని అధికారులు తెలిపారు. అప్పటి వరకు జేసీ–2 సయ్యద్‌ ఖాజా మొహిద్ధీన్‌ ఇన్‌చార్జి జాయింట్‌ కలెక్టర్‌గా వ్యవహరిస్తారు.


 నల్లగొండ : పునర్విభజన నేపథ్యంలో ప్రస్తుతం జిల్లాలో పనిచేస్తున్న ఉద్యోగ సిబ్బందిని 40–30–30 శాతంగా విభజించి మూడు  జిల్లాలకు పంపే విధంగా కార్యాచరణ సిద్ధం చేయాలని జిల్లా జాయింట్‌ కలెక్టర్‌ డాక్టర్‌ ఎన్‌.సత్యనారాయణ అధికారులను ఆదేశించారు. ఆదివారం కలెక్టరేట్‌లోని సమావేశ మందిరంలో జిల్లాల పునర్విభజనపై మార్గనిర్దేశం చేసేందుకు జిల్లా అధికారులతో సమావేశ నిర్వహించారు. ఈ సందర్భంగా ఆయన మాట్లాడుతూ జిల్లాల పునర్విభజనకు సంబంధించి కార్యాలయ సిబ్బంది, ఫైళ్లు, ఫర్నిచర్‌ పంపిణీ అంశాలపై జిల్లా అధికారులతో సమీక్షించారు. ప్రతి శాఖకు సంబంధించిన సిబ్బంది వివరాలు, నూతన జిల్లాలలో కార్యాలయాలకు సరిపడా స్థలాలు, ఎన్ని రూంలు అవసరమున్నయో ప్రస్తుతం అవసరమగు బిల్డింగ్‌ కిరాయి తదితర వివరాలు ఆ శాఖకు కేటాయించిన నోడల్‌ అధికారికి వెంటనే అందజేయాలని సూచించారు. కార్యాలయము ట్రాన్స్‌పోర్టు సంబంధించిన ఖర్చులకు అవసరమగు బడ్జెట్‌ రూపొందించి వివరాలను కూడా వెంటనే సమర్పించాలన్నారు. ప్రతి శాఖ ప్రొఫార్మా – 1, 2, 4, 5 ప్రస్తుతం పనిచేస్తున్న సిబ్బంది వివరాలు, ఉద్యోగంలో చేరిన తేది, పదవీ విరమణ తేదిలతో సహా పూర్తి వివరాలను సంబంధిత ప్రొఫార్మలో జత చేసి వెంటనే పంపించాలని అధికారులను కోరారు. నూతన జిల్లాలో మీ శాఖకు సంబంధించిన కార్యాలయ బిల్డింగ్‌ను ఆయా జిల్లాలకు వెళ్లి తనిఖీ చేసుకోవాలని, అదేవిధంగా కొత్త నియామాకాలు లేనందున ఉన్న సిబ్బందితోనే ఆయా జిల్లాల పనులు జరిగే విధంగా తగు ముందస్తు ప్రణాళికలు రూపొందించుకోవాలని కోరారు. ఉద్యోగుల సర్వీసు పుస్తకాలను అప్‌డేట్‌ చేసి సర్వీసు రికార్డులో ఇప్పటివరకు నమోదు చేయవలసిన అంశాలను నమోదు చేయాలని సూచించారు. ఈ సమావేశంలో పులిచింతల స్పెషల్‌ కలెక్టర్‌ నిరంజన్, డీఆర్వో రవి, జిల్లా అధికారులు తదితరులు పాల్గొన్నారు.
  


 అనంతపురం అర్బన్‌ : ఆహార కల్తీ, తూనికల్లో అవినీతి, చౌకదుకాణాల్లో అవకతవకలపై విస్తత తనిఖీలు నిర్వహించాలని అధికారులను జాయింట్‌ కలెక్టర్‌ బి.లక్ష్మికాంతం ఆదేశించారు. శనివారం ఆయన తన క్యాంప్‌ కార్యాలయంలో ఎన్‌ఫోర్స్‌మెంట్‌ సమావేశం నిర్వహించారు. అధికారులు నిర్వహించిన తనిఖీలు, నమోదు చేసిన కేసుల వివరాలపై çసమీక్షించారు. అనంతరం ఆయన మాట్లాడుతూ ప్రజా శ్రేయస్సు దష్ట్యా ఆహార పదార్థాల్లో కల్తీపై ప్రత్యేక నిఘా ఉంచాలని, ఆకస్మిక దాడులు చేయాలని చెప్పారు. ప్రధానంగా బేకరీలు, హోటళ్లల్లో ఆహార పదార్థాలను తనిఖీలు చేయాలన్నారు.
 
 కలుషితంగా ఉన్నట్టు గుర్తిస్తే తక్షణం కేసు నమోదు చేయాలని ఆదేశించారు. గత వారం రోజుల వ్యవధిలో ఆహార పదార్థాలకు సంబంధించి 22 నమూనాలు సేకరించి పరీక్ష నిమిత్తం లాబొరేటరీకి పంపించామని ఆహార కల్తీ నిరోధక శాఖ అధికారులు చెప్పారు. తూనికలు కొలతల శాఖ అధికారులు మాట్లాడుతూ దుకాణాలు, ట్రేడర్లపై దాడులు నిర్వహించి 50 కేసులు నమోదు చేసి రూ.2.74 లక్షలు కాంపౌండ్‌ ఫీజు వసూలు చేశామన్నారు.
 
 ఔషధ నియంత్రణ శాఖ అధికారులు మాట్లాడుతూ 211 దుకాణాలపై దాడులు నిర్వహించామని, అందులో నిబంధనలకు విరుద్ధంగా నిర్వహిస్తున్న 48 దుకాణాలకు సస్పెన్షన్‌ ఉత్తర్వులు జారీ చేశామన్నారు. పౌర సరఫరాల శాఖ అధికారులు మాట్లాడుతూ చౌక దుకాణాలు, ట్రేడర్లపై దాడులు నిర్వహించి పది వాటిపై 6ఎ కేసులు నమోదు చేశామన్నారు. అక్రమంగా నిలువ చేసిన 2,076 లీటర్ల కిరోసిన్, 291.37 క్వింటాళ్ల బియ్యం, 40 క్వింటాళ్లు కందులు స్వాధీనం చేసుకున్నామని, వీటి విలు రూ.10.06 లక్షలు ఉంటుందని తెలిపారు. సమావేశంలో తూనికలు కొలతల అధికారి రవిశంకర్, ఇతర అధికారులు పాల్గొన్నారు.


 
 ఆధికారులకు జాయింట్‌ కలెక్టర్‌ ఆదేశాలు
 
 సంగారెడ్డి టౌన్: ప్రతి నెలా 15లోపు రేషన్‌ కార్డుదారులకు సరుకులు అందేలా చర్యలు తీసుకోవాలని సంబంధిత అధికారులను జిల్లా జాయింట్‌ కలెక్టర్‌ వెంకట్రామిరెడ్డి ఆదేశించారు. ప్రతి నెలా ఒకటిలోగా చౌక ధరల దుకాణాలకు సరుకులు చేరాలన్నారు. శనివారం జిల్లా కలెక్టర్‌ కార్యాలయంలో జాయింట్‌ కలెక్టర్‌ పౌరసరఫరాల సమీక్ష సమావేశం నిర్వహించారు.
 ప్రజా పంపిణీ వ్యవస్థ పటిష్ట పరచడానికి తీసుకోవలసిన చర్యలను అధికారులకు సూచించారు. చౌకధరల దుకాణ డీలర్లు సమయ పాలన పాటిస్తూ  అవకతవకలకు ఆస్కారం లేకుండా కార్డు దారులకు సరుకులు అందించేందుకు డివిజను సహాయ పౌర సరఫరాల అధికారులు, డిప్యూటీ తహశీల్దార్లు చర్యలు తీసుకోవాలన్నారు.
 చౌకధరల దుకాణాలపై ముమ్మరంగా దాడులు జరిపి అక్రమాలకు పాల్పడిన  డీలర్లపై కఠిన చర్యలు తీసుకోవాలన్నారు. ప్రతినెలా విధిగా 16న సంబంధిత మండలాలలో డీలర్లతో సమీక్ష సమావేశం నిర్వహించి ముగింపు నిల్వలు సమర్పించే విధంగా చర్యలు తీసుకోవాన్నారు. ప్రతినెలా 18న సంబంధిత సహాయ పౌరసరఫరాల అధికారులు, డీటీ(సీఎస్‌)లు విధిగా ముగింపు నిల్వల నివేదిక, 22న డీలర్లు రిలీజు ఆర్డర్ల నివేదికతో తాను నిర్వహించే సమావేశానికి హాజరు కావాలని అన్నారు.
 ప్రతినెలా 5న గోదాం ఇన్‌చార్జులు.. సరుకుల సరఫరా ముగింపు నివేదికతో తాను నిర్వహించే సమావేశానికి హాజరు కావాలన్నారు. ఈ నెల 8 లోగా పౌరసరఫరాల సంస్థ ద్వారా సరఫరా చేయుచున్న అన్ని వాహనాలకు స్టేజి1, స్టేజి2లకు గ్లోబల్‌ పోజిషనింగ్‌ సామగ్రిని అమర్చవలసిందిగా ఆదేశించారు. సరుకు రవాణా కోసం ప్రత్యేక కంట్రోల్‌ రూం ఏర్పాటు చేయాలని తెలిపారు.  సమీక్షలో జిల్లా పౌరసరఫరాల శాఖకు సంబంధించిన అధికారులందరూ పాల్గొన్నారు.
 
  


 తణుకు టౌన్‌ : స్మార్ట్‌ పల్స్‌ సర్వేలో రాష్ట్రం మొత్తంలో జిల్లా ప్రథమస్థానంలో నిలుస్తుందని జిల్లా జాయింట్‌ కలెక్టర్‌ పి.కోటేశ్వరరావు చెప్పారు. మంగళవారం తణుకు తహసీల్దార్‌ కార్యాలయంలో నిర్వహించిన ప్రజాసాధికారిత సర్వే సమీక్ష సమావేశంలో ఆయన సమీక్ష నిర్వహించారు. జిల్లాలో ఇప్పటివరకూ 85 శాతం పూర్తి చేసినట్టు తెలిపారు. ఈ నెలాఖరు నాటికి సర్వేను పూర్తి చేస్తున్నట్టు లె లిపారు. సర్వే సిబ్బంది దర్శించిన గృహాల నుంచి ఇంటి నివాసితుల బయోమెట్రిక్‌ వివరాలను సేకరిస్తున్నట్టు తెలిపారు. కుటుంబంలో అందుబాటులో ఉన్న వారి వివరాలు సేకరించి, అనంతరం అందుబాటులో లేని వారి వివరాలను కూడా సేకరిస్తామన్నారు. జిలాల్లో మొత్తం 40 లక్షల జనాభా నుంచి 26 లక్షల నుంచి బయోమెట్రిక్‌ వివరాలు తీసుకున్నట్టు తెలిపారు. జిల్లాలో 2 లక్షల రేషన్‌ కార్డులకు గ్యాస్‌ కనెక్షన్‌లు అందించాల్సిందిగా గుర్తించినట్టు చెప్పారు. వాటిలో రేషన్‌ షాపుల ద్వారా కిరోసిన్‌ తీసుకునే వారిని బట్టి షాపుల నుంచి వారికి దరఖాస్తులను అందజేసినట్టు తెలిపారు. 


 కడప :
 ‘నేను 1 నుంచి 10వ తరగతి వరకు మీరట్‌లో సోఫియా గర్ల్స్‌ హైస్కూలులో చదివాను. తర్వాత ముంబయి సెయింట్‌ జెలిబిస్‌  కళాశాలలో చదివాను. డిగ్రీలో ఇంగ్లీషు లిటరేచర్‌ చేశాను. అందుకే ఐఏఎస్‌ ఈజీగా సాధించగలిగాను.  అమ్మ అనూరాధ, నాన్న కన్నల్‌ డీఎస్‌ తెవతీయ. నాకు ఒక సోదరుడు ఉన్నారు. ఆయన అమెరికాలో చదువుతున్నాడు. ఇద్దరు సోదరీమణుల్లో ఒకరు టీచర్‌గా పనిచేస్తుండగా, మరొకరు ఎంబీఏ చేస్తున్నారు. నేను జాయింట్‌ కలెక్టర్‌గా ఇక్కడి ప్రజలతో మమేకమవడం.. వారి సమస్యలు తెలుసుకోవడం.. పరిష్కరించడాన్ని దేవుడిచ్చిన గొప్ప బాధ్యతగా స్వీకరిస్తున్నా. రేషన్‌ షాపుల్లో అవినీతికి చెక్‌ పెడుతున్నాం. రేషన్‌ వినియోగదారులు ఏ ప్రాంతం నుంచైనా సరుకులు తీసుకోవచ్చు.   కడపలో సరుకులు తీసుకోవడం కుదరలేదు. అలాంటపుడు రైల్వేకోడూరులోనే తీసుకోవచ్చు. ఇదే పోర్టబులిటీ సిస్టమ్‌. తద్వారా అవినీతికి చెక్‌ పడుతుంది.  ప్రజలందరూ దీన్ని వినియోగించుకోవాలి.
 
 మైలవరానికి సోలార్‌ పవర్‌ ప్రాజెక్టు..
 మైలవరం మండలంలోని ఆరు గ్రామాల్లో సోలార్‌ పవర్‌ ప్రాజెక్టు ఏర్పాటుకు కంపెనీ ముందుకొచ్చింది. వెయ్యి ఎకరాల్లో ప్రాజెక్టు ఏర్పాటు జరగనుంది. అలాగే గాలివీడు సోలార్‌ పవర్‌ ప్రాజెక్టు పనులు చురుగ్గా సాగుతున్నాయి. ఇటీవలే హైదరాబాదు, విజయవాడలకు విమాన సర్వీసులు కూడా ప్రారంభమయ్యాయి.  ఇసుకను అవసరాల నిమిత్తం రీచ్‌ల నుంచి తెచ్చుకోవాలి.  మీ–సేవ, ఏపీ ఆన్‌లైన్‌∙కేంద్రాల్లో నిబంధనలకు విరుద్ధంగా ఎక్కువ డబ్బులు వసూలు చేస్తే చర్యలు తప్పవు. పాలన పరంగా తహశీల్దార్లకు నిబంధనలమేరకు నడుచుకోవాలని, ప్రజా సమస్యలు ఎప్పటికప్పుడు పరిష్కరించాలని చెబుతుంటా. ఇటీవలి కాలంలో బదిలీలు పారదర్శకంగా నిర్వహించాం.   మైదుకూరులో కృషి విజ్ఞాన కేంద్రం ఏర్పాటు చేస్తున్నారు.  ఆ ప్రాంత  పండ్ల తోటల రైతులకు శుభ పరిణామమని చెప్పవచ్చు.
 
 తెలుగు వంటలంటే చాలా ఇష్టం..
 ఢిల్లీ నుంచి ఇక్కడికి వచ్చాక అన్ని రకాల వంటలను చూశాను. పప్పు, గోంగూర, చికెన్, మటన్, సాంబారు, రసం లాంటి వంటలంటే చాలా ఇష్టం. అందుకే ఇటీవల వంటలు చేయడం నేర్చుకున్నాను. శని, ఆదివారాల్లో ఇంటిలో నేను వంటలు చేస్తుంటాను.   స్పోర్ట్స్‌ స్కూలుకు వెళ్లి  చిన్నారులతో ఎక్కువగా గడుపుతుంటాను. అక్కడ చుట్టూ కొండలు, పచ్చని చెట్ల మధ్య ఆహ్లాదకర వాతావరణ పరిస్థితులున్నాయి.  అక్కడి విద్యార్థులతో వాకింగ్‌ చేయడంతోపాటు వారి కష్టసుఖాలు తెలుసుకుంటాను. ఎక్కువగా పేపరుతోపాటు పుస్తకాలు చదవడం అలవాటు. ఖాళీ దొరికితే నవలలు చదువుతూ కాలక్షేపం చేస్తాను. కాకపోతే బిజీ  వల్ల కుదరడం లేదు. ఏదో ఒక టైమ్‌లో కొద్దిసేపైనా చదవడం అలవాటు.’ అని జేసీ సాక్షికి వివరించారు.
  
   – చదువు పూర్తి కాగానే ఇండియన్‌ ఎక్స్‌ప్రెస్‌ పత్రికలో జర్నలిస్టుగా జాయిన్‌ అయ్యాను. ముంబయిలో ఎన్నో ఫీచర్స్‌ రాశాను.  కథనాలకు అద్భుతమైన ఫలితాలు రావడం మరిచిపోలేని అనుభూతి. ప్రతిరోజు కొత్తకొత్త అంశాలతో.. అభిరుచులతో అందంగా పేజీకి ఫీచర్స్‌ అందించేదాన్ని.
 
 – జర్నలిస్టుగా పనిచేసినంతరం ఐఏఎస్‌కు ప్రిపేర్‌ అయ్యాను. ఎక్కడా కోచింగ్‌కు వెళ్లలేదు. సొంతంగానే ఒక పద్ధతి  ప్రకారం చదివి సాధించాను. ఇంగ్లీషు లిటరేచర్‌ కాబట్టి ఈజీగా సాధించాను. 2011లో సెలెక్ట్‌ అయి మొదటగా చిత్తూరులో శిక్షణ పొంది, తర్వాత విశాఖ పరిధిలోని నర్సీపట్నం, ఢిల్లీలోని ఏపీ భవన్‌లో ఓఎస్‌డీగా పనిచేసిన తర్వాత కడప జాయింట్‌ కలెక్టర్‌గా ఇక్కడికి వచ్చాను.


 
 జాయింట్‌ కలెక్టర్‌ ఆదేశం
 
 అనంతపురం అర్బన్‌:    జిల్లాలో ప్రజాసాధికార సర్వే వేగవంతంగా జరిగేలా చర్యలు తీసుకోవాలని అధికారులను జాయింట్‌ కలెక్టర్‌ బి.లక్ష్మీకాంతం ఆదేశించారు. శనివారం ఆయన తన క్యాంప్‌ కార్యాలయం నుంచి ఆర్డీఓలు, తహశీల్దారులు, మునిసిపల్‌ కమిషనర్లతో టెలీకాన్ఫరెన్స్‌ నిర్వహించారు. భూమి శిస్తు కమిషనర్‌ జిల్లాకు వచ్చారని, ఆదివారం ఏవేని రెండు మండలాల్లో తనిఖీ చేస్తారన్నారు. పేద ఎస్సీలకు భూ పంపిణీకి సంబంధించిన భూమి కోనుగోలు పథకంపై ప్రత్యేక శ్రద్ధ పెట్టాలని తహశీల్దారులను ఆదేశించారు. ఎన్యుమరేటర్లు ఉదయమే సర్వే ప్రారంభించేలా చర్యలు తీసుకోవాలని ఆదేశించారు. సర్వే నిర్లక్ష్యం చేసినా, నిర్వహించకపోయినా చర్యలు తప్పవని హెచ్చరించారు. సర్వే 49 శాతం పూర్తయ్యిందని, నెలాఖరుకి 100 శాతం సర్వే పూర్తి చేయాలని ఆదేశించారు.  కార్యక్రమంలో డీఎస్‌ఓ ప్రభాకర్‌రావు, పౌర సరఫరాల శాఖ డీఎం శ్రీనివాసులు, సర్వే విభాగం డీటీ భాస్కర నారాయణ పాల్గొన్నారు.
 ప్రజాసాధికార సర్వే, జాయింట్‌ కలెక్టర్‌, వేగవంతం, Prajasadhikara survey, Joint Collector, speed,


 
 జాయింట్‌ కలెక్టర్‌ సత్యనారాయణ
 
 జిల్లాలో 13.91లక్షల మంది సర్వే పూర్తి
 
 తుని రూరల్‌ :
 సమగ్ర సమాచారం సేకరించేందుకే ప్రజా సాధికార సర్వే నిర్వహిస్తున్నట్టు జాయింట్‌ కలెక్టర్‌ ఎస్‌.సత్యనారాయణ అన్నారు. శుక్రవారం తుని రెవెన్యూ కార్యాలయం నుంచి వీడియో కాన్పరెన్స్‌లో జేసీ పాల్గొన్నారు. అనంతరం సీతారాంపురంలో ఎన్యూమరేటర్లు నిర్వహిస్తున్న సర్వేను పరిశీలించారు. ఈ సందర్బంగా జేసీ సత్యనారాయణ మాట్లాడుతూ సంక్షేమ పధకాలు తొలగిస్తారన్న అపోహాలు సరికాదన్నారు. జిల్లాలో 4,82,980కుటుంబాలకు చెందిన 13,91,679మంది సర్వే పూర్తయ్యిందన్నారు. సర్వేను జిల్లాలో అన్ని మండలాలకు క్రమంగా విస్తరిస్తున్నట్టు తెలిపారు. సాంకేతిక సమస్యలు, సిగ్నల్‌ సమస్యలు పరిష్కారానికి ఎప్పటికప్పుడు చర్యలు తీసుకుంటున్నట్టు తెలిపారు. సగటున రోజుకు ఒక ఎన్యూమరేటర్‌ 14ఇళ్లకుపైగా సర్వే చేస్తున్నారని, దీన్ని మరింత వేగవంతం చేయాలని అన్ని మండలాల్లో పర్యటిస్తున్నామన్నారు. వీడియో కాన్ఫరెన్స్‌లో పెద్దాపురం ఆర్డీఓ విశ్వేశ్వరరావుతో మాట్లాడుతూ రామచంద్రపురం ఆర్డీఓ కార్యాలయ నిర్మాణానికి రూపొందించిన నమూనాను పెద్దాపురం ఆర్డీఓ కార్యాలయ నిర్మాణానికి ప్రతిపాధనలు చేయాలన్నారు. సర్వే పూర్తయ్యేవరకు సోషల్‌ ఆడిట్‌ను నిలిపివేయాలని డ్వామా పీడీకి సూచనలు చేశామన్నారు. ఆర్డీఓలు, ఎంపీడీఓలు, తహశీల్దార్‌లు సర్వే వేగవంతం చేయడంపై నిముగ్నమవ్వాలన్నారు. ట్యాబ్‌లు కొరత ఉందని పలువురు తహశీల్దార్‌లు జేసీ దృష్టికి తీసుకువచ్చారు.తహశీల్దార్‌ బి.సూర్యనారాయణ, ఎంపీడీఓ కర్రి భీమేశ్వర్‌ పాల్గొన్నారు. 
  


 అనంతపురం అర్బన్‌ : ప్రజాసాధికార సర్వే, వ్యక్తిగత మరుగుదొడ్ల నిర్మాణంలో నిర్దేశిత లక్ష్యాలను ప్రత్యేక శ్రద్ధతో పూర్తి చేయాలని జాయింట్‌ కలెక్టర్‌ బి.లక్ష్మికాంతం అధికారులను ఆదేశించారు. బుధవారం ఆయన తన క్యాంప్‌ కార్యాలయం నుంచి ఆర్డీఓలు, తహసీల్దార్లు, మునిసిపల్‌ కమిషనర్లు, ఆర్‌డబ్ల్యూఎస్‌ ఇంజినీర్లతో టñ లీకార్ఫరెన్స్‌ నిర్వహించారు.
 
 
 బహిరంగ మల విసర్జన రహిత గ్రామాలుగా 100 గ్రామాలను ఆగస్టు 15న ప్రకటించాల్సి ఉందన్నారు. ప్రజా పంపిణీ వ్యవస్థలో ప్రజలకు వంద శాతం సరుకులు అందాలని ఆదేశించారు. సమావేశంలో ఇన్‌చార్జి డీఆర్‌ఓ మల్లీశ్వరిదేవి, డిప్యూటీ కలెక్టర్‌ ఆనంద్, డీఎస్‌ఓ ప్రభాకర్‌రావు, పౌర సరఫరాల శాఖ డీఎం శ్రీనివాసులు, తహశీల్దారు శ్రీనివాసులు, ఎన్నికల విభాగం డీటీ భాస్కరనారాయణ పాల్గొన్నారు.


  
 దుర్కి(బీర్కూర్‌) : కుల వివక్షతను రూపు మాపడానికి ప్రతిఒక్కరూ సహకరించాలని జిల్లా అదనపు జాయింట్‌ కలెక్టర్‌ రాజారం కోరారు. శనివారం మండలంలోని దుర్కిలో నిర్వహించిన సివిల్‌ రైట్స్‌డే సందర్భంగా ఆయన మాట్లాడారు. హోటళ్లలో రెండుగ్లాసుల పద్ధతి, జోగిని వ్యవస్థ, బాల్య వివాహాలు, వరకట్నం లాంటి నేరాలకు పాల్పడితే చట్టప్రకారం శిక్షార్హులవుతారన్నారు. రాజ్యాంగం అందరికి సమాన హక్కులు కల్పించిందని, చట్టం ప్రకారం అందరూ సమానులేనని తెలిపారు. అంటరానితనం మహా పాపమన్నారు. ఎస్సీ, ఎస్టీ, ఇతర అణగారిన వర్గాలకు సమాజంలో సమాన అవకాశాలు కల్పించాలన్నారు. దళితులు ఆత్మన్యూనత భావాన్ని వీడి అన్ని రంగాల్లో అభివృద్ధి సాధిస్తూ ముందుకు సాగాలని సూచించారు. అంతకు ముందు అధికారులు దళితులతో కలిసి మందిరంలో పూజలు నిర్వహించారు. గ్రామానికి చెందిన డ్వాక్రా మహిళలకు పండ్ల మొక్కలను ఏజేసీ పంపిణీ చేశారు. కార్యక్రమంలో ఆర్డీవో సుధాకర్‌రెడ్డి, తహసీల్దార్‌ కి ష్ట్యానాయక్, ఎంపీడీవో భరత్‌కుమార్, ఎస్సై రాజ్‌భరత్‌రెడ్డి, ఎంపీపీ మల్లెల మీనా, జెడ్పీటీసీ సభ్యుడు కిషన్, కో–ఆప్షన్‌ సభ్యులు మజీద్‌ తదితరులు పాల్గొన్నారు.
  


 కర్నూలు(అగ్రికల్చర్‌):
 జిల్లా జాయింట్‌ కలెక్టర్‌ సెలవుల్లో వెళితే సర్వ సాధారణంగా జాయింట్‌ కలెక్టర్‌–2కు ఇన్‌చార్జి బాధ్యతలు అప్పగిస్తారు. కానీ జిల్లాలో జేసీ–2ను పక్కన పెట్టి అవమానపరిచేలా ఇతరులకు ఇన్‌చార్జి బాధ్యతలు అప్పగించడం చర్చనీయాంశమయింది. ఇటీవల జాయింట్‌ కలెక్టర్‌ హరికిరణ్‌ నాలుగు రోజుల పాటు శిక్షణ నిమిత్తం వెళ్లారు. ఆయన తర్వాతి స్థానంలో ఉన్న జేసీ–2 రామస్వామికి బాధ్యతలు అప్పగించాల్సి ఉంది. ఆయన అందుబాటులో లేకపోతే డీఆర్‌ఓకు ఇన్‌చార్జి బాధ్యతలు కట్టబెడతారు. కానీ జిల్లా కలెక్టర్‌ జేసీ–2ను, డీఆర్‌ఓను కాదని స్పెషల్‌ గ్రేడ్‌ డిప్యూటీ కలెక్టర్‌ అయిన శ్రీశైలం ప్రాజెక్టు స్పెషల్‌ కలెక్టర్‌కు ఇన్‌చార్జి బాధ్యతలు అప్పగించారు. ఇప్పటికే జేసీ–2కి ప్రాధాన్యత తగ్గించారనే విమర్శలు ఉన్నాయి. ఈ నేపథ్యంలో జేసీ–2 రామస్వామి విధుల్లోనే అందుబాటులో ఉన్నా.. జూనియర్‌ అయిన అధికారికి జేసీగా ఇన్‌చార్జి బాధ్యతలు అప్పగించడం పట్ల అసంతప్తి వ్యక్తమవుతోంది.  ఇన్‌చార్జి బాధ్యతలు అప్పగించడంలో జిల్లా కలెక్టర్‌కు విచక్షణాధికారాలు ఉన్నా  సీనియారిటీని గౌరవించాల్సిన అవసరం ఉందనే అభిప్రాయం వ్యక్తమవుతోంది.
  


 అనంతపురం అర్బన్‌ : ప్రజాసాధికార సర్వే పక్కాగా నిర్వహించాలని అధికారులను జాయింట్‌ కలెక్టర్‌ బి.లక్షీ్మకాంతం ఆదేశించారు. అనంతపురం రూరల్‌ మండల పరిధిలోని తపోవనంలో జరుగుతున్న సర్వేను ఆయన గురువారం పరిశీలించారు. స్వయంగా ఓ ఇంటికి వెళ్లిన జాయింట్‌ కలెక్టర్‌ సర్వే వివరాలను కుటుంబ సభ్యుల నుంచి సేకరించి, నమోదు చేశారు. సర్వే ద్వారా సంక్షేమ పథకాలకు ఎలాంటి ఇబ్బందీ ఉండదని, దీనిపై అపోహలు వీడాలని ప్రజలకు చెప్పారు.
 
 అనంతరం ఆయన విలేకరులతో మాట్లాడుతూ జిల్లాలో ఇప్పటి వరకు 1.49 లక్షల కుటుంబాలను సర్వే చేసి 4.69 లక్షల సభ్యుల వివరాలను నమోదు చేశామన్నారు.15.43 శాతంతో జిల్లా రాష్ట్రంలో ద్వితీయ స్థానంలో ఉందన్నారు. జాయింట్‌ కలెక్టర్‌ వెంట ఆర్‌డీఓ మలోలా, తహశీల్దారు శ్రీనివాసులు ఉన్నారు.


 – మీ సేవ కేంద్రం మంజూరుకు ముడుపులు ఇవ్వాల్సిందే
 – చేతివాటం ప్రదర్శిస్తోన్న మీ సేవ ఉన్నతాధికారి
 – సహకరిస్తున్న కంపెనీ అధికారి 
 కర్నూలు: ‘మీ సేవ’ కేంద్రం కావాలా నాయనా.. అయితే మాకేంటి అని కొందరు యథేచ్ఛగా మామూళ్లకు పాల్పడుతున్నారు. వారి చేతులు తడపకపోతే ఫైళ్లకు బూజు పట్టిస్తున్నారు. ముడుపులు అందాకే పనులు మొదలు పెడతామని తేల్చి చెబుతున్నారు. మీ సేవ కేంద్రాల ద్వారా ప్రభుత్వం ప్రజలకు పలు రకాల సేవలను అందిస్తోంది. జిల్లాలో 360 వరకు మీ సేవ కేంద్రాలు ఉన్నాయి. పట్టణ పరిధిలో కార్వే సంస్థ, గ్రామీణ ప్రాంతాల్లో సీఎంసీ సంస్థలు వీటికి సాంకేతిక సహకారం అందిస్తున్నాయి.
 ఇటీవల మరో 50 సెంటర్ల ఏర్పాటుకు ప్రభుత్వం అనుమతి ఇచ్చింది. నిరుద్యోగ యువతీయువకులకు ప్రభుత్వం వీటిని కేటాయిస్తోంది. అందుకు తగిన అర్హతలుండి ప్రజాదర్బారులో జాయింట్‌ కలెక్టర్‌కు దరఖాస్తు చేయడంతో ఈ ప్రక్రియ ప్రారంభమవుతుంది. తర్వాత మీ సేవ పరిపాలనాధికారికి ఆ దరఖాస్తును పంపుతారు. అక్కడి నుంచి ఒక వారంలోగా ఎంఆర్‌వో కార్యాలయానికి చేరుతుంది.
 తదనంతరం ఎంఆర్‌వో ఆదేశాల మేరకు రెవెన్యూ ఇన్‌స్పెక్టర్‌(ఆర్‌ఐ) దరఖాస్తుదారుడి వివరాలతో సమగ్ర నివేదికను అందజేయాల్సి ఉంటుంది. ఆర్‌ఐ ఇచ్చిన నివేదిక ఆధారంగా ఎంఆర్‌వో సర్టిఫై చేసి దరఖాస్తుదారుడు అన్ని విధాలా అర్హుడు అంటూ ఆర్‌డీవోకు ఓ నివేదిక పంపుతారు. ఆ తర్వాత ఎంఆర్‌వో నివేదికను ఆధారం చేసుకుని ఆర్‌డీవో ఆమోదముద్ర వేస్తారు. తిరిగి ఆ ఫైల్‌ మీ సేవ అధికారి వద్దకు వెళ్తుంది. ఇక్కడే అసలు కథ మొదలవుతుంది. 
 ఒక్కో కేంద్రానికి రూ. 50 వేల వరకు వసూళ్లు
 ఐదు వేల జనాభా ఉన్న గ్రామాలు, పట్టణ కాలనీల్లో ఒక మీ సేవ కేంద్రాన్ని ఏర్పాటు చేసుకోవడానికి ప్రభుత్వం అనుమతి ఇస్తోంది. వీటిని ఏర్పాటు చేసుకోవడానికి ఆసక్తి ఉన్న నిరుద్యోగుల దరఖాస్తు చేస్తే.. ఆ దరఖాస్తు ఎంఆర్‌వో నుంచి ఆర్‌డీవో.. అక్కడి నుంచి ఏవో మీ సేవ.. తర్వాత జేసీ ప్రోసిడింగ్‌ ఉత్తర్వులు.. మళ్లీ ఏవో మీ సేవ.. అనంతరం కంపెనీ మేనేజర్‌తో అగ్రిమెంట్‌.. చివరగా డిజిటల్‌ కీ ఫైల్‌ వరకు ఫైళు నడుస్తుంది.
 అయితే ఆర్‌డీవో నుంచి మీ సేవ కార్యాలయానికి దరఖాస్తు వచ్చాక.. జేసీ వద్దకు ఫైల్‌ వెళ్లాలంటే కచ్చితంగా మామూళ్లు ముట్టజెప్పాల్సిందేనన్న విమర్శలు వినిపిస్తున్నాయి. ఆ తర్వాత కంపెనీతో అగ్రిమెంట్‌ తీసుకునే సమయంలోనూ మేనేజర్‌కు కొంత ముట్టజెప్పక తప్పదు. ఇలా ఒక్కో దరఖాస్తుదారుడు వద్ద నుంచి అన్ని దశలు కలుపుకుని సుమారు రూ. 30–50 వేల వరకు సొమ్ము గుంజుతున్నట్లు ఆరోపణలు ఉన్నాయి. ఇటీవల మంజూరు చేసిన 50 సెంటర్ల యజమానుల నుంచి కూడా ఇదే విధంగా డబ్బులు తీసుకుని అనుమతులు మంజూరు చేసినట్లు తెలుస్తోంది. లేనిపక్షంలో వాళ్లు కాళ్లరిగేలా తిరగాల్సిందే.    
 ఫిర్యాదు చేస్తే చర్యలు తీసుకుంటా: సి.హరికిరణ్, జాయింట్‌ కలెక్టర్‌
 మీ సేవ కేంద్రాల దరఖాస్తులను ఏ అధికారి అయినా పెండింగ్‌లో పెట్టినా.. ఒకవేళ డబ్బులు డిమాండ్‌ చేసినా.. నేరుగా నాకు ఫిర్యాదు చేయొచ్చు. నిర్ధిష్టమైన ఆధారాలతో ఫిర్యాదు చేస్తే ఆయా అధికారులపై కఠినమైన చర్యలు తీసుకుంటాం. ఎవరూ ఏ ఒక్కరికి పైసా ఇవ్వాల్సిన అవసరం లేదు.


 – అన్ని కార్యాలయాల్లో బయోమెట్రిక్‌ డివైజ్‌లు
 – పంచాయతీల్లోనూ సత్వర ఏర్పాటుకు ఆదేశం
 – అన్ని శాఖల అధికారులకు జేసీ ఆదేశం
  
 కర్నూలు(అగ్రికల్చర్‌):  అన్ని ప్రభుత్వ కార్యాలయాల్లో బయోమెట్రిక్‌ డివైజ్‌లు ఏర్పాటు చేసుకోవాలని జాయింట్‌ కలెక్టర్‌ సి.హరికిరణ్‌ జిల్లా అధికారులను ఆదేశించారు. ఇందుకు సంబంధించి శనివారం ఆయన తన చాంబర్‌లో జిల్లా అధికారులతో సమీక్ష నిర్వహించారు. ఇప్పటి వరకు ఏఏ శాఖల్లో బయోమెట్రిక్‌ ఏర్పాటు చేసుకున్నారు, ఇంకా ఎన్నిటికి అవసరం, గ్రామ పంచాయతీల్లో బయోమెట్రిక్‌ సిస్టమ్‌ అమలుతీరు తదితర అంశాలపై సమీక్షించారు. మొదటి విడత కింద 339  పంచాయతీల్లో బయోమెట్రిక్‌ డివైజ్‌లు ఏర్పాటు చేసుకోవాల్సి ఉన్నా ఇంతవరకు మూడు డివిజనల్‌ పంచాయతీ అధికారి కార్యాలయాలు, 18  పంచాయతీల్లో మాత్రమే ప్రక్రియ పూర్తికావడంపై అసంతప్తి వ్యక్తం చేశారు. 60 బయోమెట్రì క్‌ డివైజ్‌లు సరఫరా అయినప్పటికి 21 మాత్రమే ఏర్పాటు చేయడం తగదన్నారు. గ్రామ స్థాయిలో పనిచేసే ఉద్యోగులందరు గ్రామ పంచాయతీలో ఏర్పాటు చేసే మిషన్‌లో బయోమెట్రిక్‌ ఇవ్వాలన్నారు. సత్వరం అన్ని పంచాయతీల్లో వీటిని ఏర్పాటు చేయాలని జిల్లా పంచాయతీ అధికారిని ఆదేశించారు. పాలన పాదర్శకంగా ఉండటానికి, ప్రతి ఒక్కరు సమయపాలన పాటించడానికి ఇవి అత్యవసరమని తెలిపారు. ఇంతవరకు బయోమెట్రిక్‌ డివైజ్‌లు ఏర్పాటు చేసుకోని ప్రభుత్వ శాఖల కార్యాలయాల్లో సత్వరం ఏర్పాటు చేసి అమలు చేయాలన్నారు. జిల్లా పరిషత్, మండల పరిషత్‌లకు బయోమెట్రిక్‌లు ఏర్పాటు చేసుకున్నామని ఎన్‌ఆర్‌ఈజీఎస్‌ ఏపీఎంలు ఇక్కడే బయోమెట్రిక్‌లు ఇస్తారని జెడ్పీ సీఈఓ ఈశ్వర్‌ తెలిపారు. అన్ని మండల సమాఖ్యల్లో ఏర్పాటు చేశామని, డీఆర్‌డీఏ సిబ్బంది ఇందులో వేలిముద్రలు ఇస్తారని పీడీ రామకష్ణ తెలిపారు. పీహెచ్‌సీలు, కమ్యూనిటీ హెల్త్‌ సెంటర్లలో 148 బయోమెట్రిక్‌ డివైజ్‌లను ఏర్పాటు చేసినట్లు డీఎంహెచ్‌ఓ తెలిపారు. అన్ని శాఖల కార్యాలయాల్లో బయోమెట్రిక్‌ మిషన్‌లు ఏర్పాటు చేసుకునే విధంగా అన్ని శాఖలతో సమన్వయం చేయాలని జేడీఏను ఆదేశించారు. సమావేశంలో జేడీఏ ఉమామహేశ్వరమ్మ, డీఆర్‌ఓ గంగాధర్‌గౌడు, వివిధ శాఖల అధికారులు పాల్గొన్నారు.
  


 ♦  ప్రకటించిన పరిహారాన్నే ఇస్తాం
 ♦  లేదంటే.. పక్క జిల్లాలో భూములను సేకరిస్తాం
 ♦  ఫార్మా భూముల సేకరణలో అధికారులు
 ♦  మరో రెండు రోజుల్లో రైతులతో సమావేశం కానున్న జేసీ
 ఫార్మా భూముల సేకరణలో ప్రభుత్వం ప్రకటించిన పరిహారాన్ని తీసుకునేందుకు రైతులు ఆసక్తి చూపడం లేదు. 2013 భూ సేకరణ ప్రకారం నష్టపరిహారం ఇవ్వాలన్న డిమాండ్‌ రాను రాను పెరుగుతోంది. ఇందు కోసం రైతులు ధర్నాలు, రాస్తారోకోలు చేస్తుండడం, వీరికి మద్దతుగా సీపీఎం రాష్ట్ర కార్యదర్శి తమ్మినేని వీరభద్రం కూడా రెండు రోజుల పాదయాత్ర చేశారు. దీంతో ఆలోచనలో పడిన అధికారులు.. మరోమారు రైతులతో సమావేశమయ్యారు. ఇక్కడ భూములు ఇవ్వని పక్షంలో పక్క జిల్లాకు వెళ్లి సేకరిస్తామని బెదిరించడం కొసమెరుపు. - యాచారం.
 
 ఫార్మాసిటీకి నక్కర్తమేడిపల్లి రెవెన్యూ పరిధిలోని భూములను తీసుకునే విషయంలో అధికార యంత్రాంగం పునరాలోచనలో పడ్డట్లు తెలిసింది. ఈ గ్రామంలోని రైతులు భూసేకరణ చట్టం - 2013 పరిహారం ఇవ్వమని డిమాండ్‌ చేస్తున్న నేపథ్యంలో ఇప్పటికిప్పుడు ప్రభుత్వం కూడా ఓ నిర్ణయానికి రాకపోవడంతో అధికార యంత్రాంగం ఆలోచనలో పడింది. ఈ గ్రామ రెవెన్యూ పరిధిలోని భూములను తీసుకునేందుకు ఇప్పటికే రెవెన్యూ, టీఎస్‌ఐఐసీ, సర్వే శాఖ అధికారులు ప్రాథమిక సమాచారాన్ని సేకరించారు. కానీ.. స్థానికంగా ఆందోళనలు, ధర్నాల నేపథ్యంలో భూసేకరణ విషయంలో కొంత మొత్తబడినట్లు తెలుస్తోంది. భూసేకరణ చట్టం - 2013 ప్రకారం రైతులు పరిహారం పెంపు డిమాండ్‌ న్యాయమైనదే అయినప్పటికీ ప్రభుత్వ హామీ ఇవ్వని నేపథ్యంలో కొత్త చిక్కులు వచ్చే అవకాశం ఉందని అధికార యంత్రాంగంలో గుబులు పుట్టుకున్నట్లు సమాచారం. మొదటి విడతగా కుర్మిద్ద గ్రామంలోని సర్వే నంబరు 92, 264, 292, 293, 311లలో 690 ఎకరాలను సేకరించి 364 మంది రైతులకు రూ. 55 కోట్లకు పైగా పరిహారాన్ని చెల్లించింది. కుర్మిద్దలో అసైన్డ్‌ భూమి ఎకరాకు రూ. 8 లక్షలు, కబ్జా రైతులకు రూ.7.70 లక్షలు చొప్పున ఇవ్వడం జరిగింది.
 
 రెండో విడతగా నక్కర్తమేడిపల్లి రెవెన్యూ పరిధిలో  
 రెండో విడిత కింద నక్కర్తమేడిపల్లి గ్రామంలోని 184, 131, 213, 247 తదితర సర్వే నంబర్లల్లో 1,953.09 ఎకరాల భూములను ముచ్చర్ల ఫార్మాసిటీ కోసం తీసుకోవడానికి అధికార యంత్రాంగ సిద్ధమైంది. ఈ నేపథ్యంలో భూ రికార్డులను పరిశీలించి, నక్కర్తమేడిపల్లి రెవెన్యూ పరిధిలో తీసుకోడానికి నిర్ణయించిన భూముల్లో డ్రోన్‌ సర్వే కూడా జరిపారు. పక్షం రోజుల కింద భూసర్వేకు వెళ్లిన అధికారులను అడ్డుకోవడం, నాలుగు రోజుల కింద ఎంపీడీఓ కార్యాలయంలో జేసీ రజత్‌కుమార్‌సైనీ సమావేశంలో కూడా రైతుల్లో భిన్నభిప్రాయాలు వ్యక్తమయ్యాయి. భూసేకరణ చట్టం మేరకే పరిహారం ఇవ్వాలని సీపీఎం రాష్ట్ర కార్యదర్శి తమ్మినేనే వీరభద్రం కుర్మిద్ద, నానక్‌నగర్‌, నక్కర్తమేడిపల్లి గ్రామాల్లో పాదయాత్ర నిర్వహించిన విషయం తెలిసిందే. దీంతో రైతుల్లో మరింత చైతన్యం పెరిగినట్లైంది. ఈ నేపథ్యంలో జేసీ రజత్‌కుమార్‌ సైనీ రెండు, మూడు రోజుల్లో మారోమారు రైతులతో సమావేశమై పరిహారం ఇచ్చే విషయంలో, ఇతర నింబంధనల గురించి చర్చించనున్నట్లు తెలిసింది. ఈ సమావేశంలో రైతులు ఒప్పుకుంటే సరే.. లేదంటే కొద్ది రోజుల పాటు నక్కర్తమేడిపల్లిలో భూసేకరణ నిలిపి పక్కనే ఉన్న మహబూబ్‌నగర్‌ జిల్లా పరిధిలోని గ్రామాల్లో ఫార్మాసిటీకి భూసేకరణ చేయనున్నట్లు అధికారుల్లో ఆలోచన ఉన్నట్లు విశ్వసనీయంగా తెలిసింది.
 
 సమ్మతి ఉంది.. కానీ..
 ఫార్మాకు భూములు ఇవ్వడానికి అధిక శాతం రైతుల్లో సమ్మతి ఉంది. కానీ.. పరిహారం పెంపు విషయంలోనే స్పష్టత ఇవ్వాలని కోరుతున్నాం. ఈ విషయంలో జేసీ రజత్‌కుమార్‌ సైనీ రైతు బిడ్డలా ఆలోచించి పరిహారం పెంచి ఇస్తే పేద రైతులకు న్యాయం జరుగుతుంది.                                  - పాశ్ఛ భాషా, సర్పంచ్‌ నక్కర్తమేడిపల్లి
 
 ఉన్నతాధికారులే  నిర్ణయం తీసుకోవాలి
 రైతులకు పరిహారం పెంపు విషయంలో ఉన్నతాధికారులే నిర్ణయం తీసుకోవాలి. నక్కర్తమేడిపల్లిలోని రైతులు పట్టవిడుపుతో ఉండొద్దు. రైతులకు న్యాయమైన పరిహారం ఇవ్వడానికి ప్రభుత్వం కృషి చేస్తోంది.  భూసేకరణకు సహకరిస్తే అర్హులైన రైతులకు న్యాయం చేస్తాం.
 - పద్మనాభరావు, తహసీల్దార్‌ యాచారం


 జాయింట్‌ కలెక్టర్‌ సత్యనారాయణ
 కాకినాడ సిటీ : ఏడీబీ, కెనాల్‌ రోడ్ల విస్తరణ, ఏలేరు ఆధునికీకరణ, కోటిపల్లి – నర్సాపురం రైల్వే లైన్‌ సర్వే ప్రక్రియను త్వరితగతిన నిర్వహించాలని జాయింట్‌ కలెక్టర్‌ ఎస్‌.సత్యనారాయణ అధికారులను ఆదేశించారు. మంగళవారం కలెక్టరేట్‌ కోర్టు హాలులో రెవెన్యూ, ఆర్‌అండ్‌బీ, ఇరిగేషన్‌ అధికారులతో ఆయన సమావేశమయ్యారు. జిల్లాలో రోడ్ల విస్తరణ, ఏలేరు ఆధునీకరణ కోసం భూసేకరణ పురోగతిని సమీక్షించారు. ఈ సందర్భంగా ఆయన మాట్లాడుతూ కాకినాడ – రాజమండ్రి కెనాల్‌ రోడ్డు విస్తరణ పనులు చేపట్టేందుకు వీలుగా సేకరించి, పరిహారం అందించిన భూముల్లో ఉన్న కట్టడాలను వెంటనే తొలగించాలని ఆదేశించారు. అలాగే నిర్వాసితుల పునరావాసం కల్పిస్తున్న తూరంగి, ఏటిమొగ స్థలాలను అభివృద్ధి చేయాలన్నారు. ఏడీబీ రోడ్‌ విస్తరణ కోసం పెగ్‌ మార్కింగ్, బౌండరీ రాళ్ల ఏర్పాటు చేపట్టి, రివైజ్డ్‌ ఎల్‌పీ షెడ్యూల్‌ వెంటనే అందజేయాలని, తొలగించాల్సిన కట్టడాలు, చెట్ల విలువ నిర్ణయించి తెలియజేయాలని ఆర్‌అండ్‌బీ అధికారులను ఆదేశించారు. కోటిపల్లి – నర్సాపూర్‌ బ్రాడ్‌గేజ్‌ రైల్వే లైను అభివృద్ధి పనుల కోసం రామచంద్రపురం డివిజన్‌ కోటిపల్లి గ్రామంలో, అమలాపురం డివిజన్‌లో భట్నవిల్లి నుంచి సఖినేటిపల్లి వరకూ ఉమ్మడి సర్వే కార్యక్రమాలను వెంటనే చేపట్టాలన్నారు. ఏలేరు ఆధునికీకరణలో భాగంగా సబ్‌ డివిజన్‌ స్క్రూట్నీ ప్రక్రియను సత్వరం పూర్తి చేయాలని, రివైజ్డ్‌ ఎల్‌పీ షెడ్యూల్‌ సిద్ధం చేసి ప్రిలిమినరీ నోటిఫికేషన్‌ జారీకి ఆదేశించారు. సమావేశంలో ఆర్‌డీఓలు డేవిడ్‌రాజు, విశ్వేశ్వరరావు, ఏలేరు ఈఈ జగదీశ్వరరావు, ఆర్‌అండ్‌బీ అధికారులు పాల్గొన్నారు.  


 ♦ మూడో విడత రుణమాఫీ కోసం చూడొద్దు
 ♦ బ్యాంకర్లకు ఏజేసీ వెంకటేశ్వర్లు ఆదేశం
  సాక్షి, సంగారెడ్డి: రైతులందరికీ పంట రుణాలు రెన్యువల్ చేయాలని అదనపు జాయింట్ కలెక్టర్ వాసం వెంకటేశ్వర్లు బ్యాంకర్లను ఆదేశించారు. గురువారం కలెక్టరేట్‌లో జరిగిన బ్యాంకర్ల సమావేశంలో ఆయన మాట్లాడారు. మూడో విడత రుణమాఫీ నిధుల కోసం ఎదురుచూడకుండా ఖరీఫ్ పంట రుణాలు అందజేయాలన్నారు. పంట నష్టాల కింద బ్యాంకర్లు అందించిన సబ్సిడీని రైతులకు అందించాలని, లేనిపక్షంలో తిరిగి పంపించాలన్నారు. కేంద్రం స్టాండప్ ఇండియా పథకం కింద ప్రతి బ్యాంకు తప్పనిసరిగా ఇద్దరు ఎస్సీ, ఎస్టీ మహిళలను ఎంపిక చేసి రుణాలు మంజూరు చేయాలని సూచించారు.
 ఐదువేల జనాభా  దాటిన గ్రామాల్లో కొత్త బ్రాంచీని ఏర్పాటు చేసేందుకు ప్రతిపాదలను సిద్ధం చేయాలన్నారు. బ్యాంకుల ప్రా రంభోత్సవాలు, రుణమేళాలకు తప్పనిసరిగా స్థానిక ప్రజాప్రతినిధులను ఆహ్వానించాలని కోరారు. ఎస్సీ కార్పొరేషన్ ఈడీ చరణ్‌దాస్ మాట్లాడుతూ... ఎస్సీ కార్పొరేషన్ కింద సబ్సిడీ విడుదలైన యూనిట్లను వెం టనే గ్రౌండింగ్ చేయాలని బ్యాంకర్లను కోరారు. బీసీ కార్పొరేషన్ ఈడీ రాంరెడ్డి మాట్లాడుతూ... 2015-16 సంవత్సరానికి  సంబంధించి 95 శాతం లబ్ధిదారుల ఖాతాలు ప్రారంభించినట్టు తెలిపారు. సబ్సిడీని 15 రోజుల్లో విడుదల చేస్తామన్నారు. గిరిజన సంక్షేమశాఖ అధికారి జగ్మాల్‌సింగ్ మాట్లాడుతూ... 2016-17 సం వత్సరానికి 421 యూనిట్లను లక్ష్యంగా నిర్దేశించుకోవటం జరిగిందన్నారు. వీటి గ్రౌండింగ్‌కు సహకరించాలని కోరారు.
 జిల్లా గ్రామీణాభివృద్ధి సంస్థ ప్రతినిధి మాట్లాడుతూ.. 2016-17 సంవత్సరానికి జిల్లాలో రూ.695 కోట్ల బ్యాంకు రుణాలు మహిళా సంఘాలకు ఇవ్వాల్సి ఉందన్నారు. లక్ష్యం మేరకు బ్యాంకర్లు రుణా లు ఇవ్వాల్సిందిగా కోరారు. కొన్ని బ్యాంకులు మహిళా గ్రూపుల పొదుపు ఖాతాల నుంచి డబ్బులు డ్రా చేయనివ్వటంలేదని, ఈ సమస్యను పరిష్కరించాలని కోరా రు. ఆర్‌బీఐ డీడీఎం గణేశన్ మాట్లాడుతూ.. సొలార్ ఎనర్జీ, లాంగ్ టైమ్ ఏరియా బేస్‌డ్ పథకాల కింద డెయిరీ, వెజిటబుల్, గొర్రెల పెంపకం యూనిట్ల కోసం జిల్లాకు రూ.వెయ్యి కోట్లు కేటాయించటం జరి గిందన్నారు.
 ఈ పథకాలను ఎప్పటికప్పుడు సమీక్షిస్తూ అర్హులకు రుణాలు అందించాలన్నారు. పంటల బీమా కంపెనీ ప్రతినిధి మాట్లాడుతూ.. ఖరీఫ్‌లో నూనెగిం జలు, పప్పు ధాన్యాలపై బీమా ప్రీమియం రెండు శాతంగా కేంద్ర ప్రభుత్వం నిర్ణయించినట్టు చెప్పారు. కూరగాయలు, వాణిజ్య పంటలపై ఐదు శాతం, రబీలో అన్ని పంటలకు 1.5 శాతం బీమా ప్రీమియం నిర్ణయించినట్లు వివరించారు. సమావేశంలో ఎల్‌డీఎం రఘురాం, నాబార్డు డీడీఎం జి.రమేశ్, బ్యాంకు కోఆర్డినేటర్లు, మేనేజర్లు పాల్గొన్నారు.


 ♦ పక్కా ప్రణాళికతో డబుల్ బెడ్రూం ఇళ్ల పనులు నెలలో పూర్తి చేసి తీరుతాం..
 ♦ ఆన్‌లైన్‌లో సాదాబైనామాలు ప్రజా ఆస్తుల పరిరక్షణే ధ్యేయం
 ♦ ‘సాక్షి’తో జిల్లా జాయింట్ కలెక్టర్ మాటామంతీ
  ‘‘నేను వచ్చిన కొత్తలోనే అనంతసాగర్ భూములపై ‘సాక్షి’లో వేసిన వరుస కథనాలు చదివాను. చాలా మంచి ప్రయత్నం.. తరువాత మిగిలిన పత్రికలు కూడా రాసినట్టున్నాయి. 15 రోజుల్లో అనంతసాగర్ గిరిజనులకు అసైన్డ్ భూముల్లో పట్టాలిస్తాం. ఇప్పటికే దీనిపై కసరత్తు పూర్తయింది. అటవీ భూములను గుర్తించి మార్కింగ్ పెట్టాం. లబ్ధిదారులను గుర్తించాలని మెదక్ ఆర్డీవో నగేష్‌ను ఆదేశించాం. ఆయన చాలా పట్టుదలతో అసైన్డ్ భూములను, లబ్ధిదారులను గుర్తించారు. పట్టాలను సిద్ధం చేస్తున్నాం. మంచిరోజు చూసి పట్టాలు పంపిణీ చేస్తాం’’
 సాక్షి ప్రతినిధి, సంగారెడ్డి: అవేవీ అద్భుత కట్టడాలు కావు.. అయినా అవి చరిత్రలో నిలబడనున్నాయి. ఆయనేమీ ఇటుకలు పేర్చలేదు.. ఇంటింటికీ నగిషీలు చెక్కలేదు. కానీ అందరూ ఆయన్నే శిల్పి అంటున్నారు. అంత అపురూపంగా తీర్చిదిద్దుతున్నారు. అక్కడి జనాలు ఐదు ఇంగ్లిష్ అక్షరాలు నేర్చుకుంటే.. అందులో మొదటి మూడు అక్షరాలు.. కేసీఆర్, మిగిలిన రెండక్షరాలు.. జేసీ అని వల్లిస్తున్నారు. ఎర్రవల్లిలో రెండు పడక గదుల ఇళ్లకు కేసీఆర్ జీవం పోస్తే.. జేసీ రూపమిస్తున్నారు. రూ 5.4 లక్షల్లో ఒక్క పైసా కూడా వృథా చేయకుండా ఇచ్చిన మాటకు ‘కట్టుబడి’ చేసి చూపిస్తున్నారు. భవిష్యత్తులో తెలంగాణలో డబుల్ బెడ్రూం ఇళ్లకు తొవ్వజూపేలా ఎర్రవల్లిలో ఇళ్లను నిర్మిస్తున్న జేసీ (జాయింట్ కలెక్టర్), ఎర్రవల్లి డబుల్ బెడ్రూం పథకం ప్రత్యేక అధికారి వెంకట్రామిరెడ్డితో ‘సాక్షి’ ముఖాముఖీ..
 సాక్షి: గృహ ప్రవేశం ఎప్పుడు సార్?
 జేసీ:ముహూర్తం ముఖ్యమంత్రి గారు నిర్ణయిస్తారు. మేం మాత్రం ఆగస్టు నాటికి ఇళ్ల నిర్మాణం పూర్తి చేస్తాం. ఎర్రవల్లిలో 330, నర్సన్న పేటలో 200 డబుల్ బెడ్రూం ఇళ్ల నిర్మాణం ఒకేసారి పూర్తి చేస్తున్నాం. నిజానికి ఇలాంటి పథకాల పూర్తికి రెండు నుంచి మైడేళ్ల వ్యవ ధి పడుతుంది. కానీ సీఎం ప్రోత్సాహంతో కలెక్టర్, నేను, ఇతర అధికారులు, సిబ్బంది, కాంట్రాక్టర్, భవన నిర్మాణ కార్మికులు సమష్టిగా పని చేశాం. 8 నెలల్లోనే పూర్తి చేశాం. అనుకున్న బడ్జెట్‌లో, సమయానికి ప్రాజెక్టు పూర్తి చేయడం సంతోషంగా ఉంది.
 సాక్షి: కాంట్రాక్టర్‌ను ఎలా ఒప్పించారు?
 జేసీ: ఉద్యోగికైనా, కాంట్రాక్టర్‌కైనా, సగటు మనిషికి ఎవరికైనా సోషల్ రెస్పాన్స్‌బిలిటీ అవసరం. ఎర్రవల్లిలో డబుల్ బెడ్రూం ఇళ్ల నిర్మాణ కాంట్రాక్టర్‌కు పదేపదే చెప్పింది ఇదే. ఆయన ఆ స్పృహతోనే పని చేయడంతోనే ఇళ్లు కట్టగలుతున్నాం. ఇక లాభాలంటారా! అన్ని పనులనూ లాభనష్టాలతో ముడి పెట్టలేము. కాంట్రాక్టర్ పది పనులు తీసుకుంటే ఆరు పనుల్లో లాభాలు రావటం, ఒకటి రెండు పనుల్లో గిట్టుబాటు లేకపోవటం, ఇంకొన్నింట్లో నష్టం రావటం సర్వసాధారణం. డబుల్ బెడ్రూం పనుల్లో కాంట్రాక్టర్‌కు గిట్టుబాటు కాకపోవచ్చేమో కానీ, సామాజిక బాధ్యతతో పని చేశారనే గుర్తింపు దక్కుతుంది కదా!
 సాక్షి:ఇళ్ల నిర్మాణం ఏ దశలో ఉంది?
 జేసీ: పనులు వివిధ దశల్లో ఉన్నాయి. కొన్ని ఇళ్లకు వైట్ పాలిష్ చేస్తున్నాం. ఇంకొన్నిటికి కరెంటు వైరింగ్ వర్క్ నడుస్తోంది. మిగతా అన్ని పనుల్ని  నెల రోజుల్లో పూర్తి చేస్తాం.
 సాక్షి: జనాలు మిమ్మల్ని ‘జేసీబీ’ అంటారు కదా!
 జేసీ: (చిరునవ్వుతో)  మీరు అడిగిన ప్రశ్న నాకు అర్థం కాలేదు.
 సాక్షి:మీకు కూల్చడమే తెలుసు కదా? ఎర్రవల్లి ప్రజలేమో నిర్మాతగా అభివర్ణిస్తున్నారు?
 జేసీ: నిజానికి నన్ను ‘జేసీబీ’ అంటారని మీరు చెప్పే వరకు నాకైతే తెలియదు. పటాన్‌చెరు మండలం శెట్టికుంట, జిన్నారం మండలం దాచారంలో కూలగొట్టిన అక్రమ కట్టడాల గురించి ఇలా అంటున్నారనుకుంటా. నేను జేసీగా చార్జ్ తీసుకున్న కొత్తలోనే ఆ రెండు పనులు పూర్తి చేశాం. ఎంత దుర్మార్గమండీ.. చెరువులను కబ్జాపెట్టి ప్లాట్లు చేసి అమ్ముకుంటున్నారు. ఇక దాచారంలో ప్రభుత్వ భూమిని ఆక్రమించారు. ప్రభుత్వ ఆస్తులు కాపాడలేనప్పుడు ఈ సీటులో ఉండి ప్రయోజనం ఏముంది. ప్రజా ఆస్తులను కాపాడే క్రమంలో కొన్ని కఠిన నిర్ణయాలు తప్పవు.
 సాక్షి: మిలటరీ తరహాలో ఆపరేషన్ పూర్తి చేశారు కదా?
 జేసీ: అవును. ఆర్భాటపు ప్రచారం లేకుండా పూర్తి చేశాం. శెట్టికుంట మీద దాదాపు 15 రోజులకు పైగా ప్రతి అంశాన్ని అధ్యయనం చేశాం. పక్కా చెరువు భూమిలో దర్జాగా ఇళ్లు నిర్మించేశారు. బిల్డర్ ఎక్కడా చట్టాన్ని గౌరవించలేదు. రాత్రి 12 గంటలకు ఆపరేషన్ స్టార్ట్ చేసి తెల్లారే సరికి ముగించేశాం. దీనికి ఇంకో కారణం ఉంది. కూల్చివేతకు ఎక్కువ సంఖ్యలో జేసీబీలు అవసరం. ఆ టైంలో అనుకున్నన్ని జేసీబీలు దొరకడంతో పని సులభమైంది. ప్రభుత్వ, శిఖం భూముల్లో అక్రమ నిర్మాణాలు ఎప్పటికైనా ప్రమాదమే.
 సాక్షి:సాదా బైనామా దరఖాస్తులు ఎన్ని వచ్చాయి? వాటిని ఎలా పరిష్కరిస్తున్నారు?
 జేసీ: ఇప్పటి వరకు 62 వేల వరకు దరఖాస్తులు వచ్చాయి. అన్నిటినీ పూర్తిగా అప్‌లోడ్ చేసి ఆన్‌లైన్ చేస్తున్నా. దాని ద్వారా నోటీసులు ఇస్తున్నాం. ఇప్పటి వరకు 48 వేల దరఖాస్తులకు పరిష్కారం చూపించగలిగాం. సాదాబైనామాల భూములను పట్టా చేయడంలో పూర్తి జవాబుదారీతనం, పారదర్శకతతో వ్యవహరిస్తున్నాం.


 ♦ తెలంగాణకే ఆమ్రపాలి కేటాయింపు
 ♦ టీఎస్ కేడర్‌లో కొనసాగింపునకు క్యాట్ అనుమతి
 కేడర్ అలాట్‌మెంట్‌పై తుది నిర్ణయం వెలువడింది. ఇకపై రెట్టింపు ఉత్సాహంతో పనిచేస్తా. - ఆమ్రపాలి, జేసీ -2
 సాక్షి, రంగారెడ్డి జిల్లా ప్రతినిధి:  జాయింట్ కలెక్టర్-2 కాట ఆమ్రపాలికి ఊరట లభించింది. తెలంగాణ కేడర్‌లో ఆమె కొనసాగడానికి క్యాట్ (సెంట్రల్ అడ్మినిస్ట్రేటివ్ ట్రిబ్యునల్) అనుమతి ఇచ్చింది. రాష్ర్ట విభజనలో భాగంగా అఖిల భారత సర్వీసుల అధికారులను విభజించిన ప్రత్యూష్ సిన్హా కమిటీ ఆమ్రపాలిని ఆంధ్రప్రదేశ్ కేడర్‌ను ఖరారు చేసింది. అయితే, తెలంగాణలో పనిచేసేందుకు ఆసక్తిచూపిన ఆమె.. ఈ నిర్ణయాన్ని సవాల్ చేస్తూ క్యాట్‌ను ఆశ్రయించారు. గతేడాది మార్చి 5న ఆమ్రపాలి  పిటిషన్‌ను విచారించిన క్యాట్.. తుది నిర్ణయం వెల్లడించేవరకు ఆమెను తెలంగాణ లోనే కొనసాగించాలని స్పష్టం చేసింది. ఈ క్రమంలోనే మంగళవారం ఆమెకు తెలంగాణ కేడర్‌ను కేటాయించడానికి గ్రీన్‌సిగ్నల్ ఇచ్చింది. దీంతో గత 14 నెలలుగా జిల్లాలో సేవలందిస్తున్న ఆమెకు క్యాట్ తాజా నిర్ణయం సంతోషాన్ని కలిగించింది.


 విజయనగరం కంటోన్మెంట్: జిల్లాలోని ప్రభుత్వ, వక్ఫ్, దేవాదాయ శాఖ భూముల వివరాలను సర్వే చేసి పూర్తి స్థాయి నివేదికను 15 రోజుల్లో నివేదించాలని జాయింట్ కలెక్టర్ శ్రీకేశ్ బి లట్కర్ తహసిల్దార్లను ఆదేశించారు. కలెక్టరేట్‌లో శనివారం తహశీల్దార్లతో సమావేశాన్ని నిర్వహించారు. ఈ సందర్భంగా ఆయన మాట్లాడుతూ జిల్లాలో ప్రభుత్వ, వక్ఫ్, దేవాదాయ శాఖల భూముల రికార్డుల్లో తప్పొప్పులున్న సందర్భాల్లో వాటిని సమగ్రంగా సర్వే చేసి నివేదికను పొందుపరచాలన్నారు.
  
  పలు దరఖాస్తులను ఇప్పటికే పరిశీలించి ఉన్నప్పటికీ మరోసారి వాటిని సవరణలుంటే సర్వే రిపోర్టు ఆధారంగా పక్కా నివేదిక తయారు చేయాలన్నారు. ప్రభుత్వ భూములు ఎక్కడెక్కడ ఎంతమేర ఉన్నాయో గుర్తించి నివేదించాలన్నారు. ఇందుకోసం ఆయా మండలాల సర్వేయర్లను అప్రమత్తం చేయాలన్నారు. ప్రభుత్వ భూముల సరిహద్దులు, సర్వే నెంబర్లు పక్కాగా ఉండాలన్నారు. ఆలస్యమయితే ఉపేక్షించేది లేదన్నారు. సమావేశంలో డీఆర్వో మారిశెట్టి జితేంద్ర, జిల్లాలోని తహసిల్దార్లు పాల్గొన్నారు.
  


 కిర్లంపుడి: కాపుల రిజర్వేషన్ కోసం నిరాహార దీక్ష చేస్తున్న మాజీ మంత్రి ముద్రగడ పద్మనాభం ఇంటి వద్ద ఆదివారం రాత్రి ఉద్రిక్తత పరిస్థితి నెలకొంది. ముద్రగడ దీక్ష మూడోరోజుకు చేరుకోవడం, ఆయన ఆరోగ్య పరిస్థితి క్షీణిస్తుండటంతో పోలీసులు దీక్షను భగ్నం చేస్తారన్న వార్తలు కలకలం రేపుతున్నాయి. దీంతో కిర్లంపూడిలోని ముద్రగడ నివాసంలోకి ఎవరినీ వెళ్లనీయకుండా ఆయన మద్దతుదారులు కార్లు, వాహనాలు అడ్డుపెట్టారు. ఈ కార్లు తొలగించేందుకు పోలీసులు యత్నిస్తుండటంతో ఉద్రిక్త వాతావరణం నెలకొంది. కాపు నేతలు ప్రభుత్వానికి వ్యతిరేకంగా నినాదాలు చేస్తున్నారు. వైద్య పరీక్షలు చేయించుకోవాలని జాయింట్‌ కలెక్టర్‌ ముద్రగడ దంపతులను కోరగా.. అందుకు వారు నిరాకరిస్తున్నట్టు తెలుస్తోంది.
 
 దాంతో ఫ్యామిలీ డాక్టర్లతోనైనా వైద్య పరీక్షలు చేయించుకోవాలని.. లేదంటే చర్యలు వేరేవిధంగా ఉంటాయని వారికి జేసీ సూచించినట్టు తెలిసింది. కాగా, కాపులను బీసీల్లో చేర్చాలని డిమాండ్‌ చేస్తూ ముద్రగడ చేపట్టిన ఆమరణ నిరాహార దీక్ష మూడో రోజుకు చేరిన సంగతి తెలిసిందే.


 అమీర్‌పేట: జాయింట్ కలెక్టర్‌ను అని నమ్మించి పలు మోసాలకు పాల్పడిన ఓ మహిళపై పోలీసులు పీడీయాక్ట్ కేసు నమోదు చేశారు. ఎస్‌ఆర్‌నగర్ ఇన్‌స్పెక్టర్ జి.వి.రమణగౌడ్ తెలిపిన వివరాలు.. శ్రీకాకుళం జిల్లాకు చెందిన తాండ్ర హేమ అలియాస్ శైలు,అలియాస్ రాణి,బుజ్జి అలియాస్ అలేఖ్యారెడ్డి,హేమలత బతుకుదెరువు కోసం నగరానికి వచ్చి సరూర్‌నగర్‌లో ఉండేది. కూలి పని చేసుకునే ఆమె ఎల్‌బీనగర్‌కు చెందిన రవీంద్రను వివాహం చేసుకుంది. కొద్ది కాలంపాటు అతడితో కాపురం చేసి ఇద్దరు పిల్లలకు జన్మనిచ్చిన హేమ భర్త వేధిసున్నాడంటూ ఎల్‌బీనగర్ పోలీస్‌స్టేషన్‌లో కేసుపెట్టింది.
 
 అనంతరం మోతీనగర్, బోరబండ ప్రాంతానికి వచ్చి జగదీష్‌ను రెండో పెళ్లి చేసుకుని అతడిపై కూడా కేసుపెట్టింది. తర్వాత పూర్ణచందర్‌ను మూడోపెళ్లి చేసుకుని అతనిపైనా కేసు పెట్టింది. చివరగా కరీంనగర్‌కు చెందిన కిశోర్‌ను నాలుగో పెళ్లి చేసుకుంది.ఆ తరువాత రంగారెడ్డి జిల్లా జాయింట్ కలెక్టర్,ఆర్.ఐగా పనిచేస్తున్నానని  పరిచయం చేసుకుని పలువురిని మోసం చేసింది. ప్రభుత్వ ఉద్యోగాలు ఇప్పిస్తానని చాలామంది వద్ద నుంచి భారీమొత్తంలో డబ్బులు వసూలు చేసిందని పోలీసులు తెలిపారు. చివరగా ఆస్తికోసం బంధువులు తనను చంపేందుకు ప్రయత్నిస్తున్నారంటూ పోలీసులకు ఫిర్యాదు చేసేందుకు వచ్చిన నిత్య పెళ్లి కూతురిని ఫిబ్రవరి 11న ఎస్‌ఆర్‌నగర్ పోలీసులు అరెస్టు చేశారు. అయితే తాజాగా ఆమెపై పీడీ యాక్ట్ కేసు నమోదు చేశామని ఇన్‌స్పెక్టర్ తెలిపారు. ఎల్‌బీనగర్, ఎస్‌ఆర్‌నగర్, జూబ్లీహిల్స్ స్టేషన్లలో ఏడు కేసులు ఉన్నాయన్నారు.
  
  


 రైతు ఆత్మహత్యలపై ఘటన జరిగిన 72 గంటల్లోగా నివేదిక ఇవ్వాలని మెదక్ జాయింట్ కలెక్టర్ పి. వెంకట్ రాం రెడ్డి అధికారులకు ఆదేశించారు. సోమవారం అధికారులతో నిర్వహించిన వీడియో కాన్ఫరెన్స్ లో ఆయన మాట్లాడారు.
 జిల్లాలో ఎక్కడైనా రైతు ఆత్మహత్య చేసుకుంటే.. దానిపై డివిజన్ స్థాయి కమిటీ విచారణ నివేదికను 72 గంటల్లోగా అందించాలని కోరారు. ఘటన జరిగిన 5గంటల్లోపల అధికారులు సంఘటనా స్థలానికి చేరుకోవాలని సూచించారు. దీని వల్ల బాధిత కుటుంబాలకు వీలైనంత త్వరగా సాయం అందించేందుకు వీలైతుందని చెప్పారు.
  


  కాకినాడ సిటీ : కాల్షియం కార్బైడ్‌ను పండ్లకు వాడడం ద్వారా ప్రజలు అనేక ప్రాణాంతక వ్యాధులకు గురవుతారని జాయింట్ కలెక్టర్ ఎస్.సత్యనారాయణ అన్నారు. పండ్లను పక్వానికి తెచ్చేలా దీని వాడకాన్ని పూర్తిగా నిషేధిస్తున్నట్టు కలెక్టరేట్‌లో శనివారం జరిగిన జిల్లాస్థాయి కమిటీ సమావేశంలో ప్రకటించారు. జిల్లాలో ఎక్కడైనా కాల్షియం కార్బైడ్ వాడుతున్నట్టు తెలిస్తే, దాడులు జరిపి కేసులు నమోదు చేస్తామని చెప్పారు. ఇప్పటికే రాజమండ్రి, కాకినాడ, రావులపాలెం, అంబాజీపేటలో 11 శాంపిళ్లను పరీక్షించినట్టు తెలిపారు. రాజమండ్రిలో యాపిల్, అరటి, బత్తాయి తదితర పండ్లకు సంబంధించి  5 శాంపిళ్లలో కాల్షియం కార్బైడ్ వాడినట్టు నివేదిక వచ్చిందని, ఆ వ్యాపారులపై కేసులు నమోదు చేస్తామని పేర్కొన్నారు.
  
   కాకినాడలో బత్తాయి, నిమ్మ, ఫైనాపిల్‌కు సంబంధించి మూడు శాంపిళ్లలో కూడా దానిని వాడినట్టు నివేదిక వచ్చిందని, వారిపై కూడా కేసుల నమోదుకు చర్యలు తీసుకుంటున్నట్టు స్పష్టం చేశారు. ఎక్కడైనా, ఏ వ్యాపారైనా పండ్లలో కాల్షియం కార్బైడ్ వాడుతున్నట్టు తెలిస్తే ప్రజలు 90320 50351కు, 94402 75889 సెల్‌నంబర్లకు సమాచారం ఇవ్వవచ్చని సూచించారు. హోల్‌సేల్ పండ్ల వర్తకులు తప్పనిసరిగా లెసైన్సు తీసుకోవాలని, రిటైల్, చిన్నవ్యాపారులు విధిగా ఆహార భద్రత, ప్రమాణాల శాఖ కింద రిజిస్టర్ కావాలని చెప్పారు. సమావేశంలో జిల్లా ఫుడ్ ఇన్‌స్పెక్టర్ బీవీఎస్‌ఆర్‌కే ప్రసాద్‌తో పాటు మార్కెటింగ్ ఏడీ, వివిధ మున్సిపల్ అధికారులు, పంచాయతీ, రవాణా, ఉద్యానవన శాఖల అధికారులు పాల్గొన్నారు.
  


 సంగారెడ్డి :  జిల్లాలో కల్తీ కల్లు మరణాలు సంభవించకుండా సంబంధిత శాఖల అధికారులు పకడ్బందీ చర్యలు చేపట్టాలని మొదక్ జాయింట్ కలెక్టర్ పి.వెంకటరాం రెడ్డి అన్నారు. ఆయన మంగళవారం కల్తీ కల్లు మరణాలకు అడ్డుకట్ట వేసేందుకు ఎక్సైజ్, వైద్య, ఆరోగ్య, రెవెన్యూ పంచాయతీరాజ్ శాఖల అధికారులతో సమావేశమయ్యారు. ఎక్సైజ్ శాఖ కల్తీ కల్లును నిషేధించకపోవడంతోనే ఇలాంటి కేసులు ఎక్కువయ్యాయని, ఈ సమయంలో శాఖలన్ని సమన్వయంతో కృషి చేయాల్సిన అవసరముందని ఆయన అన్నారు.


 జిల్లా గ్రంథాలయ సంస్థ సమస్యల ఒడిలో ఉంది. బడ్జెట్ లేక పుస్తకాల కొనుగోలు నిలిచిపోయాయి. నూతన నియామకాలు లేవు. అధికారుల నిర్లక్ష్యంతో అనేక ఇబ్బందులు తలెత్తుతున్నాయి.
  
 ఒంగోలు కల్చరల్ : రాష్ట్ర ప్రభుత్వ నిర్వాకంతో జిల్లా గ్రంథాలయ సంస్థ ఉనికి ప్రశ్నార్థకంగా మారుతోంది. నేటికీ గ్రంథాలయ సంస్థకు చైర్మన్ నియామకం జరగలేదు. జాయింట్ కలెక్టర్‌ను  ఇన్‌చార్జీగా నియమించినప్పటికీ ఆ ఆరునెలల గడువు కూడా తీరిపోయినా మరలా పొడిగింపు ఉత్తర్వులను ప్రభుత్వం జారీచేయలేదు. గ్రంథాలయ పరిషత్ ఏర్పాటుకు ప్రభుత్వం చర్యలు చేపట్టకపోవడంతో వార్షిక బడ్జెట్‌ను ఆమోదించే నాథుడు క రువయ్యాడు. జీతాలకు తప్ప ఇతర ఖర్చుల విషయంలో ఇబ్బందులు తలెత్తుతున్నాయి. దీంతో ప్రతి చిన్నదానికి గ్రంథాలయ డెరైక్టరేట్‌ను సంప్రదించాల్సిన దుస్థితి నెలకొంది.
  
 నిలిచిన పుస్తకాల కొనుగోళ్లు..
 నాలుగేళ్లుగా జనరల్ పుస్తకాల కొనుగోలు నిలిచిపోయింది. రెండో క్వార్టర్ బడ్జెట్ విడుదల కావాల్సి ఉంది. బడ్జెట్ ఆమోదం లేకపోవడంతో ఫర్నీచర్, పుస్తకాల కొనుగోలు, బిల్లుల చెల్లింపు, నూతన భవన నిర్మాణాలు వంటివాటికి బ్రేక్ పడింది. పాత పుస్తకాలతోనే పాఠ కులు సర్దుకుపోవాల్సిన పరిస్థితి నెలకొంది.
  
 సిబ్బంది కొరత...
 పలుచోట్ల శాఖా గ్రంథాలయాలలో సిబ్బంది కొరత ఉంది. ఉన్న సిబ్బందిని ఇతర గ్రంథాలయాలకు డిప్యుటేషన్‌పై పంపారు. గ్రంథాలయాలు వారంలో నాలుగు రోజులు కూడా సక్రమంగా పనిచేయడంలేదు. సంతరావూరు, మల్లవరం గ్రంథాలయాలు సిబ్బంది లేక మూతబడ్డాయి.
  
 అన్నిచోట్లా ఇదే పరిస్థితి..
 ఇది ఒక్క ప్రకాశం జిల్లా గ్రంథాలయ సంస్థ పరిస్థితి మాత్రమే కాదు, రాష్ట్రంలోని అన్ని జిల్లాల గ్రంథాలయ సంస్థల పరిస్థితి ఒకేలా ఉందని చెప్పవచ్చు. ప్రభుత్వం సమస్యల పరిష్కారంవైపు దృష్టి సారించకుండా కేవలం ప్రకటనలకే పరిమితం అవుతున్నదంటూ పలువురు విమర్శిస్తున్నారు. ఇప్పటికైనా సమస్యల పరిష్కారానికి ప్రభుత్వం చర్యలు చేపట్టాలని వారు కోరుతున్నారు.
  
 సమస్యలు నిజమే
 గ్రంథాలయ సంస్థ కార్యదర్శి ఆర్‌సీహెచ్ వెంకట్రావు  జిల్లా గ్రంథాలయ సంస్థ సమస్యలు ఎదుర్కొంటున్న మాట వాస్తవమే. పరిస్థితి గాలిలో దీపంలో ఉంది. సమస్యల పరిష్కారానికి ప్రభుత్వం చర్యలు చేపట్టాలి.
  
 60 ఏళ్ల పదవీ విరమణ ఉత్తర్వులేవీ..
 గ్రంథాలయ సంస్థ ఉద్యోగులకు పెంచిన పీఆర్సీ ప్రయోజనాలు అందాల్సి ఉంది. ప్రభుత్వ ఉద్యోగుల పదవీ విరమణ వయసును ప్రభుత్వం 60 ఏళ్లకు పెంచింది. అయితే అది జిల్లా గ్రంథాలయ సంస్థల ఉద్యోగులకు ఇంకా వర్తింపచేయలేదు. టంగుటూరు లైబ్రేరియన్ బీ శ్రీరామమూర్తి ఇటీవల 58 సంవత్సరాలు నిండి రిటైరయ్యారు. ఇతర ప్రభుత్వ ఉద్యోగుల మాదిరి తన నుకూడా 60 ఏళ్లు నిండే వరకు ఉద్యోగంలో కొనసాగేలా ఆదేశించాలంటూ ఆయన ట్రిబ్యునల్‌ను ఆశ్రయించి ఉత్తర్వులు తెచుకున్నారు. అయితే ఆ ఉత్తర్వులను అమలు చేసేందుకు గ్రంథాలయ పరిషత్ లేకపోవడంతో సమస్య పాఠశాల విద్య ప్రిన్సిపల్ సెక్రటరీ వద్దకు చేరింది. ప్రభుత్వం నుంచి అనుమతివస్తే తప్ప 60 ఏళ్ల వరకు ఉద్యోగంలో కొనసాగే అవకాశం లేదు. ఇలా పలు సమస్యలతో జిల్లా గ్రంథాలయ సంస్థ ఉద్యోగులు కొట్టుమిట్టాడుతున్నారు.


 గుంటూరు టౌన్: ఈ నెల 21న ప్రపంచ యోగా దినోత్సవం సందర్భంగా గుంటూరు నగరంలో ఆరోగ్య ర్యాలీని శుక్రవారం నిర్వహించారు. ఈ కార్యక్రమంలో జాయింట్ కలెక్టర్ వెంకటేశ్వర రావు, డీఈవో శ్రీనివాసరెడ్డిలతో పాటు పెద్ద సంఖ్యలో విద్యార్థులు పాల్గొన్నారు. ఈ సందర్భంగా పెద్ద ఎత్తున నగరంలో ర్యాలీ నిర్వహించారు.


 కదిరి అర్బన్: ఇంటి పట్టాలు ఇచ్చి స్థలాలు చూపడం లేదని అనంతపురం జిల్లా కదిరి పట్టణ మహిళలు శుక్రవారం స్థానిక రోడ్డు భవనాల అతిథి గృహానికి వచ్చిన జాయింట్ కలెక్టర్ లక్ష్మీ కాంతాన్ని అడ్డుకున్నారు. ఈ సందర్భంగా వారు మాట్లాడుతూ ఇంటిపట్టాలు 2009లో ఇచ్చారని, ఇంతవరకూ రెవెన్యూ అధికారులు వాటికి సంబంధించిన స్థలాలను చూపలేదన్నారు. అధికారపార్టీ నాయకులు స్థలాలు చూపేందుకు డబ్బులు వసూలు చేస్తున్నారని ఆగ్రహం వ్యక్తం చేశారు. వెంటనే తమకు స్థలాలు చూపేలా రెవెన్యూ అధికారులను ఆదేశించాలని వారు డిమాండ్ చేశారు.
 
 దీంతో నాలుగురోజుల్లోగా ఎవరి స్థలాలు వారికి చూపించి రిజిస్టర్‌ను తనకు పంపాలని ఆర్డీఓ రాజశేఖర్, తహశీల్దార్ నాగరాజులను జాయింట్ కలెక్టర్ ఆదేశించారు. కార్యక్రమంలో సీపీఎం పార్టీ నాయకులు జిఎల్ నరిసంహులు, హరి, వేమనారాయణతో పాటు పలువురు మహిళలు పాల్గొన్నారు.
  


 రాంనగర్: ఈనెల 14న నిర్వహించే ఎంసెట్ పరీక్షలకు అన్ని ఏర్పాట్లు పూర్తి చేసినట్లు జేసీ ఎన్.సత్యనారాయణ తెలిపారు. మంగళవారం అదనపు జాయింట్ కలెక్టర్ చాంబర్‌లో ఎంసెట్ నిర్వహణపై ఏర్పాటు చేసిన సమీక్షా సమావేశంలో ఆయన మాట్లాడుతూ జిల్లాలో ఇంజినీరింగ్, మెడిసిన్ ఎంసెట్ పరీక్షలకోసం37 కేంద్రాలు ఏర్పాటు చేశామని తెలిపారు. ఇంజినీరింగ్ పరీక్ష ఉదయం 10గంటల నుండి ఒంటి గంట వరకు, మెడిసిన్ మధ్యాహ్నం 2-30 గంటల నుండి 5-గంటల వరకు జరుగుతుందని ఆయన చెప్పారు. నల్లగొండలో ఇంజినీరింగ్‌కు 15 పరీక్షా కేంద్రాలు, కోదాడలో 7 పరీక్షా కేంద్రాలు, మెడిసిన్‌కు నల్లగొండలో 9 పరీక్షా కేంద్రాలు, కోదాడలో 5 పరీక్షా కేంద్రాలు ఏర్పాటు చేశామని ఆయన తెలిపారు. ఇంజినీరింగ్ పరీక్షకు 10329 మంది విద్యార్ధులు, మెడిసిన్‌కు 7045 మంది విద్యార్ధులు హాజరవుతారని ఆయన తెలిపారు.
  ఆర్టీసీ కార్మికులు సమ్మెలో వున్నందున ఎంసెట్‌కు హాజరయ్యే విద్యార్ధులకు అసౌకర్యం కలగకుండా ప్రత్యామ్నాయ ఏర్పాట్లు చేసినట్లు ఆయన తెలిపారు.
  
   ప్రతి మండల కేంద్రంలోని పోలీసు స్టేషన్ నుంచి నల్లగొండలోని ఎన్జీ కాలేజీ వరకు, కోదాడలోని ప్రభుత్వ బాలుర హైస్కూల్ వరకు ఇంజనీరింగ్ విద్యార్ధుల సౌకర్యార్ధం ఉదయం 6గంటల నుంచి, మెడిసిన్ విద్యార్ధులకు ఉదయం 11గంటల నుండి ప్రత్యేక బస్సులు ఏర్పాటు చేయడం జరిగిందని చెప్పారు. నల్లగొండలోని ఎన్జీ కాలేజీ నుంచి పరీక్షా కేంద్రాలకు, కోదాడలో ప్రభుత్వ బాలుర హైస్కూల్ నుండి పరీక్షా కేంద్రాలకు ప్రత్యేక బస్సులు ఏర్పాటు చేసినట్లు జేసీ తెలిపారు. మండల కేంద్రాల నుండే కాకుండా విద్యార్ధులు అధికంగా వున్న ప్రాంతాల నుంచి నల్లగొండకు, కోదాడకు ప్రత్యేక బస్సులు ఏర్పాటు చేయడం జరిగిందని ఆయన వివరించారు. ఈ బస్సులు సంబంధిత మండలాల పోలీస్ స్టేషన్ల నుండి బయలుదేరి బస్టాండు మీదుగా నిర్ధేశించిన ప్రాంతాలకు వెళతాయని ఈ బస్సులకు ఎంసెట్-2015 అని ప్రత్యేక బ్యానర్లు, స్టిక్కర్లు ఉంటాయని ఆయన తెలిపారు.
  
  అంతరాయం లేకుండా...
  పరీక్షా కేంద్రాలకు నిరంతరం విద్యుత్ సరఫరా అయ్యే విధంగా చూడాలని ట్రాన్స్‌కో అధికారులను ఆదేశించారు. పరీక్షా కేంద్రాల వద్ద గ ట్టి బందోబస్తు ఏర్పాటు చేయాలని పోలీసు అధికారులకు సూచించారు. సెంటర్స్ దగ్గర 144 సెక్షన్ అమలు చేయడంతో పాటు జిరాక్స్ షాప్‌లను కూడ విధిగా మూసి ఉంచేట్లు చర్యలు చేపట్టాలని సంబంధిత అధికారులను ఆదేశించారు. వేసవి దృష్ట్యా పరీక్షల కేంద్రాల వద్ద మంచినీరు, ఫస్ట్‌ఎయిడ్ సెంటర్లు ఏర్పాటు చేయాలని సంబంధిత అధికారులకు సూచించారు. ఈ సమావేశంలో ఇన్‌చార్జి అదనపు జేసీ నిరంజన్, డీఆర్వో రవినాయక్, ఎంసెట్ కో-ఆర్డినేటర్ నాగేందర్‌రెడ్డి, రవాణాశాఖ డిప్యూటీ కమీషనర్ చంద్రశేఖర్, ఆర్‌ఐవో ప్రకాశ్, నల్లగొండ ఆర్డీవో వెంకటాచారి, డీఎస్పీ రాములునాయక్, ఆర్టీసీ రీజనల్ మేనేజర్, విద్యుత్ శాఖాధికారులు పాల్గొన్నారు.
  
  కోదాడకు ఉచిత బస్సులు- ఎమ్‌వీఐ శ్రీనివాస్‌రెడ్డి
  కోదాడ టౌన్ : ఎంసెట్ పరీక్షకు హాజరవుతున్న విద్యార్థుల కోసం పలు పట్టణాల నుంచి కోదాడకు ఉచిత బస్సు సౌకర్యం కల్పిస్తున్నట్లు కోదాడ మోటార్ వెహికిల్ ఇన్‌స్పెక్టర్  కె.శ్రీనివాసరెడ్డి తెలిపారు. మిర్యాలగూడెం, సూర్యాపేట, హుజూర్‌నగర్ బస్టాండ్‌లనుంచి ఇంజినీరింగ్ విద్యార్ధుల కోసం ఉదయం 7:30 గంటలకు, మెడిసిన్ విద్యార్ధుల కోసం మధ్యాహ్నం 12:30 గంటలకు ఉచిత బస్సులు బయలుదేరుతాయని తెలిపారు.
  
  కోదాడ బస్టాండ్ నుంచి కేఆర్‌ఆర్ కళాశాలకు, ఇతర సెంటర్లకు ఉదయం 7:30 నుండి 8:45 వరకు  ఉచిత బస్సులు ఉంటాయని తెలిపారు. సమ్మెతో సంబంధం లేకుండా ఇంజనీరింగ్ కళాశాలల నిర్వాహకులు కల్పిస్తున్న ఈ ఉచిత సౌకర్యంపై ఇబ్బందులు ఉంటే 96186 51213 నెంబర్లో సంప్రదించాలని ఆయన సూచించారు. సెంటర్ల వివరాల్లో ఇబ్బం దులు ఉంటే కోదాడ బస్టాండ్ వద్ద ఏర్పాటు చేసిన హెల్ప్‌లైన్ సెంటర్ సహాయం తీసుకోవాలని రీజినల్ కో-ఆర్డినేటర్ తెలిపారు.


      జాయింట్ కలెక్టర్లకు మంత్రి ఈటల రాజేందర్ దిశానిర్దేశం
      ధాన్యం సేకరణ, ఆహార భద్రతా కార్డుల జారీపై సమీక్ష
  
 హైదరాబాద్: ప్రజా పంపిణీ వ్యవస్థ (పీడీఎస్) ద్వారా సరఫరా చేసే నిత్యావసర సరుకుల పంపిణీ పక్కదారి పట్టకుండా అత్యంత పారదర్శకంగా జరిగేలా చర్యలు తీసుకోవాలని రాష్ట్ర ఆర్థిక, పౌరసరఫరాలశాఖ మంత్రి ఈటల రాజేందర్ అధికారులను ఆదేశించారు. వచ్చే నెల నుంచి ఆహార భద్రతా కార్డుల జారీ ప్రక్రియ మొదలు కానున్నందున అందుకు తగ్గట్లు ఏర్పాట్లు చేసుకోవాలని సూచించారు. మంగళవారం ఆయన హైదరాబాద్‌లోని మర్రి చెన్నారెడ్డి మానవవనరుల అభివృద్ధి కేంద్రంలో జాయింట్ కలెక్టర్లతో పౌర సరఫరాలశాఖ పనితీరుపై సమీక్ష సమావేశం నిర్వహించారు. ధాన్యం సేకరణ, కార్డుల జారీ, అక్రమాల నివారణ చర్యలపై అధికారులకు దిశానిర్దేశం చేశారు.
 
 లబ్ధిదారులకు సరైన రీతిలో సరుకులు చేరేలా ఈ-పాస్, రవాణా సక్రమంగా జరిగేలా జీపీఎస్ వ్యవస్థను అభివృద్ధి చేయనున్నట్లు తెలిపారు. విద్యార్థులకు అవసరమైతే సన్నబియ్యం కోటాను పెంచేందుకు సిద్ధంగా ఉన్నామని, ఈ పథకాన్ని అంగన్‌వాడీలకు కూడా విస్తరిస్తామని చెప్పారు.
 
 
 అక్రమాలకు పాల్పడితే జైలుకే: ఈటల
 జాయింట్ కలెక్టర్లతో సమావేశం అనంతరం ఈటల విలేకరులతో మాట్లాడుతూ ‘నిత్యావసరాల పంపిణీ పారదర్శకంగా జరిగేలా అన్ని రకాల చర్యలు తీసుకుంటున్నాం. జీపీఎస్, ఈ-పాస్ వ్యవస్థను తెచ్చి అక్రమాలను అరికట్టే చర్యలు చేపడుతున్నాం. లబ్ధిదారులకు అందాల్సిన బియ్యం, చక్కెర సహా ఇతర సరుకుల్లో చిన్నపాటి తేడా వచ్చినా ఉపేక్షించేది లేదు. డీలర్లు ఎలాంటి అక్రమాలకు పాల్పడినా పీడీ యాక్టు కింద కేసులు నమోదు చేసి నేరుగా జైలుకే పంపుతాం’ అని హెచ్చరించారు. రేషన్ డీలర్లకు కమీషన్ పెంచే విషయమై త్వరలోనే చర్యలు తీసుకుంటామన్నారు.
 
 
 అనంతరం ఫ్యాప్సీ భవన్‌లో తెలంగాణ రైస్‌మిల్లర్స్ అసోసియేషన్ నిర్వహించిన సమావేశానికి హాజరైన ఈటల మిల్లర్ల సమస్యలపై సానుకూలంగా స్పందించారు. బ్యాంకు రుణాల చెల్లింపులో మిల్లర్లకు వెసులుబాటు కోసం త్వరలోనే బ్యాంకర్లతో సమావేశం నిర్వహిస్తామని హామీ ఇచ్చారు. తమ ప్రభుత్వంలో ఏ రంగాన్నీ కన్నీళ్లు పెట్టనివ్వమని చెప్పిన ఈటల...మిల్లర్లు రీసైక్లింగ్ దందాలకు పాల్పడరాదని సూచించారు. ఈ సమావేశంలో మిల్లర్ల సంఘం దక్షిణాది రాష్ట్రాల అధ్యక్షుడు దేవెందర్‌రెడ్డి, రాష్ట్ర అధ్యక్షుడు గన్ప నాగేంద్ర, ప్రధాన కార్యదర్శి వడ్డి మోహన్‌రెడ్డి  పాల్గొన్నారు.


 మొయినాబాద్ (రంగారెడ్డి జిల్లా) : అటవీ భూములు కబ్జాకు గురికాకుండా పరిరక్షించాలని రంగారెడ్డి జిల్లా జాయింట్ కలెక్టర్-2 ఆమ్రపాలి అన్నారు. శుక్రవారం మొయినాబాద్ తహసీల్దార్ కార్యాలయాన్ని ఆమె సందర్శించారు. మృగవని జాతీయపార్కు భూములకు సంబంధించిన రికార్డులను జేసీ పరిశీలించారు. అటవీశాఖ ఆధీనంలో ఉన్న మృగవని జాతీయ పార్కు భూములు కబ్జాకు గురవుతున్నాయని జిల్లా కలెక్టర్‌కు ఫిర్యాదు అందడంతో ఆ భూముల వివరాలను తెలుసుకునేందుకు ఆమె శుక్రవారం తహసీల్దార్ కార్యాలయానికి వచ్చి రికార్డులను పరిశీలించారు.
  
 మండలంలోని చిలుకూరు రెవెన్యూలోని సర్వేనంబర్ 1లో 1,417 ఎకరాల 15 గుంటల భూమి అటవీశాఖ ఆధీనంలో ఉంది. దీనికి సంబంధించిన వివరాలను అధికారులను అడిగి తెలుసుకున్నారు. ఈ భూమికి సంబంధించి శనివారం నుంచి పూర్తిగా సర్వేచేయాలని అధికారులను జేసీ ఆదేశించారు. ఆమె వెంట డీఎఫ్‌ఓ మోహన్, ఆర్డీఓ చంద్రమోహన్, తహసీల్దార్ పీఎల్.గంగాధర్, సర్వే డిప్యూటీ ఇన్‌స్పెక్టర్ అంబర్‌సింగ్, ఎఫ్‌ఆర్‌ఓ నజీబుద్దీన్‌లు ఉన్నారు.


 తాడికొండ  : రాజధాని నిర్మాణానికి భూములిచ్చిన గ్రామాల్లో ఎకరంలోపు రైతులకూ రూ.30 వేలు కౌలు ఇవ్వనున్నట్టు   జిల్లా జాయింట్ కలెక్టర్  డాక్టర్ చెరుకూరి శ్రీధర్ వెల్లడించారు. ఈ మేరకు ప్రభుత్వం సోమవారం కొత్త జీవో విడుదల చేసినట్లు పేర్కొన్నారు.దాని ప్రకారం రాజధాని ప్రాంతంలో ఎకరంలోపు ఉంటే కౌలు సొమ్ము పూర్తిగా అంటే రూ.30 వేలు అందుతుందన్నారు. అయితే వేర్వేరు చోట్ల ఉంటే మాత్రం రెండు చెక్కులు రావన్నారు.
  
  మంగళవారం రాత్రి తుళ్లూరు మండలం ఐనవోలు గ్రామంలో రైతులకు కౌలు చెక్కులను ఆయన పంపిణీ చేశారు. ఈ సందర్భంగా జరిగిన కార్యక్రమానికి గ్రామ సీఆర్‌డీఏ డిప్యూటీ కలెక్టర్ ఏసురత్నం అధ్యక్షత వహించారు. జేసీ శ్రీధర్ మాట్లాడుతూ రాజధాని అభివృద్ధికి నేలపాడు, ఐనవోలు పోటీపడి ఉత్సాహంగా భూముల ఇచ్చాయని అభినందించారు.
  
    వచ్చే ఏడాది రైతుల బ్యాంక్ అకౌంట్లలోనే కౌలు సొమ్ము జమ చేసేందుకు ఏర్పాట్లు చేసినట్లు తెలిపారు. రైతులు పవర్‌ఆఫ్ అటార్నీ ఇచ్చిన వెంటనే కౌలు అందిస్తామని చెప్పారు. జూన్‌లో అభివృద్ధి మొదలవుతుందని చెప్పారు. రైతులు తమ పొలాల్లో ఉన్న వస్తువులను తొలగించాలని సూచించారు. గ్రామాల్లో కూలీలకు నెలకు రూ. 2,500 వంతున పదేళ్ల పాటు పింఛను ఇచ్చేందుకు చర్యలు తీసుకున్నట్లు తెలిపారు. చదువుకున్న యువతను గుర్తించి ప్రభుత్వమే ఉచితంగా శిక్షణ ఇచ్చి ఉద్యోగావకాశాలు కల్పిస్తుందని జేసీ తెలిపారు.  
  
  అనంతరం రైతుల నుంచి అగ్రిమెంట్లు తీసుకొని కౌలు చెక్కులు అందించారు. ఇదిలావుండగా, మెట్టరైతులకు ప్యాకేజీ పెంచాలని కోరుతూ అదనపు జేసీ చెన్నకేశవరావు రైతులు వినతి పత్రం అందజేశారు. కార్యక్రమంలో అదనపు జేసీ చెన్నకేశవరావు, ఆర్డీవో భాస్కరనాయుడు, తహశీల్దారు సుధీర్‌బాబు, ఎంపీపీ వడ్లమూడి పద్మలత, జెడ్పీటీసీ బెజవాడ నరేంద్రబాబు, మండల పరిషత్ ఉపాధ్యక్షులు పోతురాజు శ్రీనివాసరావు, నేలపాడు మాజీ సర్పంచ్ ధనేకుల రామారావు, రైతులు పాల్గొన్నారు.
  


  కావలి: కొండాపురం మండలం గానుగపెంట ఎస్సీ-బీ కాలనీకి నకిలీ పాస్‌బుక్‌లు సృష్టించి బ్యాంకులో రుణం తీసుకున్న సంఘటనపై జాయింట్ కలెక్టర్ ఇంతియాజ్ విచారణకు అదేశించారు. దీంతో దీనిపై కొండాపురం రెవెన్యూ అధికారులు విచారణ ప్రారంభించారు. ‘కాలనీని తాకట్టుపెట్టారు’ శీర్షికన సాక్షిలో ప్రచురితమైన కథనానికి ఉన్నతాధికారులు స్పందించారు.
  
   సమగ్ర విచారణ జరపాలంటూ తహశీల్దార్‌ను ఆదేశించారు. కొండాపురం మండలం గానుగపెంట ఎస్సీకాలనీలోని సర్వేనెంబర్ 266/2లో ప్రభుత్వం 7.58 ఎకరాలను 1997లో 60 మంది ఎస్సీలకు నివాస స్థలాలను ఇచ్చారు. అదే స్థలాన్ని రవి, హజరత్ అనే వ్యక్తులు నకిలీ పాస్‌బుక్‌లు తయారుచేసి కలిగిరి, కొండాపురం మండలంలోని పలు బ్యాంకుల్లో రూ. 6.50 లక్షల రుణాలను తీసుకున్నారు. బ్యాంకుల్లో ఆధార్‌కార్డు అనుసంధానంతో ఈవిషయం వెలుగులోకి వచ్చింది. ఈ విషయాన్ని కాలనీవాసులు కావలి ఆర్డీఓ లక్ష్మీనరసింహంకు ఫిర్యాదు చేసిన విషయం తెలిసిందే. దీనిపై పూర్తిస్థాయిలో విచారణ చేయాల్సిందిగా జేసీ ఆదేశాలిచ్చారు.
  
   జేసీ ఆదేశాలతో కొండాపురం తహశీల్దార్ ప్రమీల ఆకాలనీని పరిశీలించారు. ఆకాలనీ సర్వే నంబర్‌తో రుణం తీసుకున్న బ్యాంకులకు వివరాల కోసం రెవెన్యూ సిబ్బంది, వీఆర్వోలు గురువారం వెళ్లారు. రుణం పొందేందుకు ఏయే పత్రాలు ఇచ్చారు అనేదానిపై విచారణ చేస్తున్నారు. ఆ భూమిని హజరత్, రవిల పేరున అడంగళ్ ఏ సంవత్సరంలో వచ్చింది, అందులో పాత్రధారులు ఎవరనే దానిపై వారు విచారణ చేస్తున్నారు. దీనిపై కొండాపురం తహశీల్దార్ ప్రమీల మాట్లాడుతూ జేసీ ఆదేశాలతో కాలనీ తాకట్టుపై విచారణ చేస్తున్నామని చెప్పారు. విచారణకు సంబంధించి నివేదికను ఆర్డీఓ ద్వారా జేసీకి పంపుతామన్నారు.
  


 నిజామాబాద్ : రైతులకు నకిలీ పాసుపుస్తకాలను జారీ చేసినందుకు నిజామాబాద్ జిల్లా ధర్పల్లి తహసీల్దార్ వీణ, నల్లవెల్లి వీఆర్‌ఓ శ్రీనివాస్‌లపై వేటు పడింది. వారిని సస్పెండ్ చేస్తూ నిజామాబాద్ కలెక్టర్ రోనాల్డ్ రాస్ శనివారం ఉత్తర్వులు జారీ చేశారు. జిల్లాలో చనిపోయిన రైతుల పాసుపుస్తకాలలో ఉన్న ఫోటోలను మార్చి ఇద్దరికి  కొత్తగా పాసుపుస్తకాలు జారీ చేశారు. ఈ క్రమంలో ఆర్‌డీఓ విచారణ చేపట్టారు. దీంతో నకిలీ పాసు పుస్తకాల విషయం వెలుగులోకి వచ్చింది.
 (ధర్పల్లి)


 కర్నూలు(అర్బన్):  నిజాయితీకి నిలువెత్తు నిదర్శనంగా దివంగత మాజీ ముఖ్యమంత్రి దామోదరం సంజీవయ్య నిలిచారని శాసనమండలి చైర్మన్  చక్రపాణియాదవ్ కొనియాడారు. రాష్ట్ర ప్రభుత్వం తొలిసారిగా అధికారికంగా కర్నూలులో శనివారం  దామోదరం జయం తి  వేడుకలను నిర్వహించింది. కలెక్టర్ సీహెచ్ విజయమోహన్ అధ్యక్షతన జరిగిన ఈ కార్యక్రమానికి కర్నూలు ఎంపీ బుట్టా రేణుక, పాణ్యం, నందికొట్కూరు ఎమ్మెల్యేలు గౌరు చరితారెడ్డి, వై. ఐజయ్య, జిల్లా అదనపు జాయింట్ కలెక్టర్ రామస్వామి హాజరయ్యారు. ముఖ్య అతిథిగా హాజరైన మండలి చైర్మన్ చక్రపాణియాదవ్ కేక్ కట్ చేసి ప్రసంగించారు. దామోదరాన్ని  యువత, రాజకీయ నేతలు స్ఫూర్తిగా తీసుకోవాలన్నారు. దేశ వ్యాప్తంగా కార్మికులకు బోనస్ ప్రకటించి బోనస్ సంజీవయ్యగా కార్మికుల గుండెల్లో సుస్థిర స్థానాన్ని సంపాదించుకున్నారని గుర్తు చేశారు. భూ సంస్కరణల చట్టాన్ని తీసుకువచ్చి 6 లక్షల ఎకరాల భూములను పంపిణీ చేయించారని చెప్పారు.
  
  బీసీ వసతి గృహాన్ని దత్తత తీసుకుంటా
  దామోదరం సంజీవయ్యను ప్రతీ ఒక్కరూ ఆదర్శంగా తీసుకోవాలని కర్నూలు ఎంపీ బుట్టా రేణుక పిలుపునిచ్చారు. రాజకీయాల్లో నిజాయితీగా ఉంటే ఎంతో మంది నిరుపేదలకు సేవ చేయవచ్చన్నారు. దామోదరం స్ఫూర్తితో ముందుకు సాగుతామన్నారు. జిల్లాలోని ఒక ప్రభుత్వ బీసీ వసతి గహాన్ని దత్తత తీసుకొని దానిని ఆదర్శంగా తీర్చి దిద్దుతానన్నారు.
  
  పెద్దపాడును దత్తత తీసుకుంటా:
  దామోదరం సంజీవయ్య స్వగ్రామమైన పెద్దపాడును  తాను దత్తత తీసుకుంటానని కలెక్టర్ సీహెచ్ విజయమోహన్ తెలిపారు.  అన్ని రంగాల్లో గ్రామాన్ని అభివృద్ధి పథంలో నడిపిస్తానని చెప్పారు. ఎస్‌సీ,ఎస్‌టీ,బీసీ సంఘాల నాయకులు దామోదరం రంగయ్య, టి షడ్రక్, వాడాల త్యాగరాజు, డీపీ స్వామన్న, జి నాగరాజు, ఎం స్వామి, వై జయరాజు, టి చిన్న లక్ష్మన్న, చిటికెల సలోమి, బాలసుందరం, వేల్పుల జ్యోతి, గడ్డం రామక్రిష్ణ, అనంతరత్నం మాదిగ, టి శేషఫణి, కైలాస్‌నాయక్, జే బాబురాజు, వెంకటేష్, టీపీ శీలన్న, లింగస్వామి, రాజ్‌కుమార్, పుల్లన్న తదితరులు ప్రసంగించారు. జెడ్పీ సీఈఓ ఈశ్వర్, ఆర్డీఓ రఘుబాబు, ఐసీడీఎస్ పీడీ ముత్యాలమ్మ, డీఎంహెచ్‌వో నిరుపమ, సాంఘిక సంక్షేమ శాఖ ఉప సంచాలకులు పులిచేరి సారయ్య, డీఈవో సుప్రకాష్ తదితరులు పాల్గొన్నారు.
  


 బషీరాబాద్(రంగారెడ్డి): రైతుల వద్ద నుంచి డబ్బు తీసుకొని పట్టా పాస్ పుస్తకాలు ఇవ్వకుండా వారిని వేధిస్తున్న వీఆర్వోను జాయింట్ కలెక్టర్ అలుగు వర్షిని సస్పెండ్ చేశారు. శుక్రవారం బషీరాబాద్ తాహసీల్దార్ కార్యాలయాన్ని ఆమె సందర్శించారు. ఈ సందర్భంగా కార్యాలయంలోని పలు రికార్డులను ఆమె తనిఖీ చేశారు. ఈ క్రమంలో వీఆర్వో రవి రూ. 3000 డబ్బు తీసుకొని ఇప్పటివరకు టైటిల్ ఇవ్వకుండా తిప్పుకుంటున్నాడనికంసన్‌పల్లి గ్రామానికి చెందిన రైతు నర్సప్ప జేసీకి ఫిర్యాదు చేశాడు. అదే గ్రామానికి చెందిన మరో రైతు చిన్న వెంకటప్ప నుంచి రూ. 2000 తీసుకొని పట్టా పుస్తకాలు ఇవ్వడంలేదని జేసీకి విన్నవించుకున్నాడు. స్పందించిన జేసీ వీఆర్వో రవిని సస్పెండ్ చేశారు.


 అనంతపూర్: అనంతపూరం జిల్లాలోని ఎన్.పి.కుంట మండలంలో ఎన్టీపీసీ నిర్మించ తలపెట్టిన సోలార్ విద్యుత్ ప్రాజెక్టు కోసం సేకరించనున్న భూములను జాయింట్ కలెక్టర్ లక్ష్మీకాంతం బుధవారం పరిశీలించారు. ఈ ప్రాజెక్టు కోసం మండల పరిధిలోని రాసుపల్లి భూములను ఎనిమిది వేల ఎకరాల మేర ప్రభుత్వం సేకరించనుంది.
 ఈ నేపథ్యంలో జాయింట్ కలెక్టర్ లక్ష్మీకాంతం ఆయా భూములను పరిశీలించడంతో పాటు భూయజమానులతో మాట్లాడారు. అర్హులైన రైతులందరికీ న్యాయం చేస్తామని ఆయన హామీ ఇచ్చారు.
  


 కరీంనగర్: రాబోయే వేసవిలో కరెంట్ కొరతను దృష్టిలో ఉంచుకొని రాష్ట్ర ప్రభుత్వం ఎన్టీపీసీలో మరో రెండు యూనిట్లను ఏర్పాటు
 చేయనుందని జాయింట్ కలెక్టర్ పౌసమిబసు చెప్పారు . ఒక్కొక్కటి 800 మెగావాట్ల సామర్ధ్యం కలిగిన ఈ యూనిట్లను కరీంనగర్ జిల్లా
 రామగుండం మండలం జ్యోతినగర్‌లో ఏర్పాటు చేయనున్నారు. ఈ సందర్భంగా యూనిట్లకు అవసరమైన బూడిద చెరువు(యాష్ పాండ్) స్థలాన్ని జాయింట్ కలెక్టరు మంగళవారం పరిశీలించారు. అనంతరం ఆమె మాట్లాడుతూ ఈ స్థలం రెవెన్యూ, అటవీ శాఖల ఆధ్వర్యంలో ఉందని, త్వరలోనే అనుమతులు తీసుకొని స్థల సేకరణ చేస్తామని చెప్పారు.
 (జ్యోతినగర్)


 విశాఖపట్టణం: జిల్లాలో ఇప్పటి వరకు ఏడు స్వైన్‌ఫ్లూ అనుమానిత కేసులు నమోదయినట్లు  జాయింట్ కలెక్టర్ జనార్దన్ నివాస్ వెల్లడించారు. శనివారం ఆయన స్వైన్‌ఫ్లూ వ్యాప్తిపై అధికారులతో సమీక్ష సమావేశం నిర్వహించారు. అనంతరం నగరంలో విలేకరులతో మాట్లాడుతూ...ఏడు కేసుల్లో రెండు స్వైన్‌ఫ్లూగా నిర్ధారణకాగా,  రెండింటి రిపోర్టులు అందాల్సి ఉందని తెలిపారు. మరో రెండు కేసులు నెగిటివ్‌గా తేలాయని తెలిపారు. స్వైన్‌ఫ్లూ కేసులు నిర్ధారణ అయిన ప్రాంతాల్లో 14 బృందాలతో స్క్రీనింగ్ పరీక్షలు నిర్వహించటంతోపాటు..12 బృందాలతో వైద్య శిబిరాలు నిర్వహించనున్నట్లు చెప్పారు. ఆయా ప్రాంతాల్లో ప్రజలకు అవగాహన శిబిరాలు ఏర్పాటు చేయనున్నట్లు వెల్లడించారు. అలాగే, స్వైన్‌ఫ్లూ బాధిత కుటుంబసభ్యులకు వైద్య పరీక్షలు చేయటంతోపాటు వారికి ముందు జాగ్రత్తలు వివరిస్తామన్నారు. దీంతోపాటు క్షేత్రస్థాయి వైద్య సిబ్బందికి మాస్క్‌లు అందజేయనున్నట్లు చెప్పారు.


 జేసీగా బాధ్యతలు స్వీకరించిన హరికిరణ్
  
 సాక్షి, కర్నూలు: రెవెన్యూ శాఖ ద్వారా ప్రజలకు మెరుగైన సేవలు అందిస్తామని జిల్లా జాయింట్ కలెక్టర్ సి.హరికిరణ్ అన్నారు. బుధవారం మధ్యాహ్నం 2 గంటలకు ఆయన జిల్లా 39వ జేసీగా బాధ్యతలు స్వీకరించారు. అంతకు ముందు ఏజేసీ రామస్వామి, డీఆర్వో గంగాధర్‌గౌడ్, ఏఓ పి.వి.రమణరావు తదితరులు జేసీకి స్వాగతం పలికారు. అనంతరం తన చాంబర్‌లో జేసీ విలేకరులతో మాట్లాడుతూ జిల్లా కొత్త అయినప్పటికీ ఇక్కడి పరిస్థితులను అవగాహన చేసుకుని అభివృద్ధి కార్యక్రమాలను వేగవంతం చేస్తానన్నారు.
 
 ప్రభుత్వ ఆదేశాలు, కలెక్టర్ సూచనలతో ప్రభుత్వ పథకాలను ప్రజలకు చేరువ చేయడంలో చిత్తశుద్ధితో వ్యవహరిస్తానన్నారు. జిల్లాలో తహశీల్దార్లు ఏ ప్రాంతంలో ఎంత కాలంగా పని చేస్తున్నారో వివారాలు ఇవ్వాలని ఏఓ రమణరావును ఆదేశించారు. అదేవిధంగా సెక్షన్ సూపరింటెండెంట్ల పని తీరును అడిగి తెలుసుకున్నారు. మీ-సేవ కేంద్రాల్లో పెండింగ్ దరఖాస్తుల వివరాలపై ఆర్‌ఐ కీర్తిని ప్రశ్నించారు. ఆ తర్వాత కలెక్టర్ సి.హెచ్.విజయమోహన్‌ను క్యాంపు కార్యాలయంలో మర్యాదపూర్వకంగా కలిశారు.


 ఖమ్మం: ముఖ్యమంత్రి కల్వకుంట్ల చంద్రశేఖర్‌రావు ఖమ్మం జిల్లా పర్యటనకు యంత్రాంగం సర్వ సన్నద్ధమైంది. సీఎం వరంగల్ జిల్లాలో నాలుగు రోజులపాటు పర్యటించిన నేపథ్యంలో ఖమ్మం జిల్లాలో కూడా అదే తరహాలో ఉండొచ్చని భావిస్తున్న అధికారులు దానికి తగిన విధంగా ఏర్పాట్లు చేస్తున్నారు. సీఎం శంకుస్థాపన చేయనున్న మణుగూరు పవర్‌ప్రాజెక్టు పనులను జిల్లా కలెక్టర్ ఇలంబరితి, జాయింట్ కలెక్టర్ సురేంద్రమోహన్ స్వయంగా పర్యవేక్షిస్తున్నారు. భూ సేకరణతోపాటు నిర్వాసితులకు నష్టపరిహారం,  సేకరించిన భూమిని చట్టబద్ధంగా అప్పగించేందుకు చకచకా ఏర్పాట్లు చేస్తున్నారు. సీఎం ఈనెల చివరివారంలో వస్తారన్న సమాచారంతో జిల్లాలోని అన్ని ప్రభుత్వ శాఖల అధికారులను కలెక్టర్ అప్రమత్తం చేశారు. ఆయా శాఖల ప్రగతి నివేదికలను సిద్ధం చేసుకోవాలని ఆదేశించారు.
 
 కీలకమైన శాఖల అధికారుల పనితీరును మరింత వేగవంతం చేసుకోవాలని సూచించారు. ఆసరా పింఛన్ల పంపిణీ, అర్హత దరఖాస్తుల పరిశీలన, ఆహారభద్రత కార్డుల అర్హులను గుర్తించే పనులను ముమ్మరం చేశారు. 16వ తేదీ నుంచి బియ్యం పంపిణీకి ఆగమేఘాల మీద ఏర్పాట్లు చేస్తున్నారు. గృహనిర్మాణ సంస్థ పరిధిలో ఎన్ని ఇళ్లు నిర్మించారు, నిర్మించిన ఇళ్ల నాణ్యత, లబ్ధిదారులకు అందిన బిల్లులు, నిర్మాణంలో ఉన్న ఇళ్ల పరిస్థితిపై ఆ శాఖ అధికారులు క్షేత్రస్థాయి నుంచి పూర్తిస్థాయి సమాచారాన్ని తెప్పిస్తున్నారు. జిల్లాలో పెండింగ్ ప్రాజెక్టుల అంశా లు, ఏయే ప్రాజెక్టుల పనులు ఏ స్థాయిలో ఉన్నాయి, మందకొడిగా ప్రాజెక్టుల పనులు కొనసాగడానికి కారణాలపై జిల్లా కలెక్టర్ ఆరా తీస్తున్నారు. నీటిపారుదలశాఖ అధికారులతో మంగళవారం కలెక్టర్ ప్రత్యేకంగా సమావేశమయ్యారు. పెండింగ్ పనులు పూర్తి చేయాల్సిందిగా ఆదేశించారు.
 
 ముఖ్యమంత్రి హోదాలో తొలిసారి...
 ముఖ్యమంత్రి ఖమ్మంలో ఒకరోజు, కొత్తగూడెం, భద్రాచలం ప్రాంతాల్లో మరో రెండు రోజులు ఉండే అవకాశం ఉందని అధికారులు భావిస్తున్నారు.  సీఎం జిల్లాలో ఎన్ని రోజులు ఉంటారో? ఎక్కడి నుంచి తన జిల్లా పర్యటన ప్రారంభించి ఎక్కడ ముగిస్తారోనన్న అంశంపై జిల్లా అధికారులకు స్పష్టమైన సమాచారం రాలేదు. ఈ నెలాఖరుకు సీఎం జిల్లాలో పర్యటించడం ఖాయమన్న సమాచారం మాత్రమే వచ్చింది. సీఎం హోదాలో తొలిసారి కేసీఆర్ జిల్లాకు వస్తున్న దృష్ట్యా ముఖ్యమైన ప్రాంతాలను సర్వాంగసుందరంగా తీర్చిదిద్దుతున్నారు. ప్రగతి నివేదికలు, అభివృద్ధి పనుల వివరాలను మంత్రి తుమ్మల నాగేశ్వరరావు, సీఎం కార్యాలయ వ్యవహారాల ఇన్‌చార్జి జలగం వెంకట్రావు అధికారుల నుంచి తెలుసుకుంటున్నారు.
  
 సీఎం పర్యటన తర్వాతే జేసీ రిలీవ్?
 జిల్లా జాయింట్ కలెక్టర్ సురేంద్రమోహన్ హైదరాబాద్ జాయింట్ కలెక్టర్‌గా రెండు రోజుల క్రితం బదిలీ అయ్యారు. సీఎం పర్యటన దృష్ట్యా ఆయన రిలీవ్ వాయిదా పడే అవకాశం ఉంది. మణుగూరు విద్యుత్ ప్రాజెక్టుల భూసేకరణను జేసీ స్వయంగా పర్యవేక్షిస్తుండటం, జిల్లా అధికార యంత్రాంగానికి ఆయన తోడ్పాటు అవసరం ఉండటంతో సీఎం పర్యటన తర్వాతనే ఆయన  రిలీవ్ కావచ్చు. జిల్లా కలెక్టర్ సైతం జేసీని సీఎం పర్యటన అనంతరమే రిలీవ్ చేస్తామని ఉన్నతాధికారులకు వివరించినట్లు తెలుస్తోంది. ఆకస్మికంగా జిల్లా నుంచి బదిలీ అయిన భద్రాచలం ఐటీడీఏ పీవో దివ్యను సైతం సీఎం పర్యటన ముగిసేంత వరకు ఇక్కడే ఉంచే అవకాశాలున్నాయి. మరో అధికారిని నియమించని దృష్ట్యా కూడా ఈ ఇద్దరు అధికారులు సీఎం పర్యటన వరకు ఇక్కడే ఉండొచ్చని అంటున్నారు.
 
 జాయింట్ కలెక్టర్‌గా సురేంద్రమోహన్‌ను బదిలీ చేసిన ప్రభుత్వం ఆయన స్థానంలో మరో అధికారిని నియమించలేదు. దివ్యను నిజామాబాద్ జేసీగా బదిలీ చేసిన దృష్ట్యా అక్కడికి మరో అధికారిని పంపించి, జిల్లా జేసీగా దివ్యను కొనసాగించేందుకు ప్రయత్నాలు జరుగుతున్నట్లు తెలుస్తోంది. ఇక పాల్వంచ సబ్‌కలెక్టర్‌గా నియమితులైన కాళీచరణ్ సుదమ్‌రావు ఒకటి రెండు రోజుల్లో బాధ్యతలు స్వీకరించనున్నారు. సీఎం పర్యటన దృష్ట్యా ఆయన త్వరితగతిన విధుల్లో చేరతారని ప్రచారం జరుగుతోంది. కొత్తగూడెంలో సీఎం ఒకటి, రెండు రోజులు పర్యటించే అవకాశం ఉంది. పాల్వంచ సబ్ కలెక్టర్ పరిధిలోనే మణుగూరు విద్యుత్‌ప్రాజెక్టులు, కొత్తగూడెం విద్యుత్‌ప్రాజెక్టులు ఉండటంతో ఆయన్ను తక్షణం బాధ్యతలు తీసుకోవాల్సిందిగా రాష్ర్ట ఉన్నతాధికారులు సూచించినట్లు సమాచారం.


  కోటగుమ్మం (రాజమండ్రి) : జిల్లాలో భూమి రికార్డులన్నింటినీ కంప్యూటరీకరించి, పెండింగ్‌లో ఉన్న సమస్యలను పరిష్కరిస్తానని కొత్త జాయింట్ కలెక్టర్ ఎస్.సత్యనారాయణ చెప్పారు. సోమవారం రాజమండ్రిలోని కలెక్టర్ క్యాంప్ కార్యాలయంలో ఆయన బాధ్యతలు స్వీకరించారు. ముహుర్తం సమయానికి బాధ్యతలు స్వీకరిస్తూ ఫైల్‌పై సంతకం చేశారు. అనంతరం మాట్లాడుతూ జిల్లాకు జేసీగా రావడం ఆనందంగా ఉందన్నారు. గతంలో ఆర్డీఓగా, జెడ్పీ సీఈఓగా, డ్వామా పీడీగా పనిచేసిన  అనుభవంతో మరింత సమర్థంగా పరిపాలన సాగేందుకు కృషి చేస్తానన్నారు. రాష్ట్రంలో భూమి రికార్డులు కంఫ్యూటరీకరణలో, ఆధార్ అనుసంధానంలో తూర్పుగోదావరి జిల్లా ప్రథమస్థానంలో ఉందన్నారు. ప్రభుత్వ పథకాలన్నీ ప్రజలకు అందేలా చర్యలు తీసుకుంటానని, చంద్రన్న సంక్రాంతి కానుక సరుకులన్నీ అర్హులకు అందేలా చూస్తానన్నారు. పుష్కరాలను ప్రతిష్టాత్మకంగా నిర్వహించేందుకు చర్యలు తీసుకుంటామని, భక్తుల ర ద్దీని దృష్టిలో ఉంచుకుని ఘాట్‌లు నిర్మిస్తామని చెప్పారు.
  
  పలువురి అభినందన
  జాయింట్ కలెక్టర్‌గా బాధ్యతలు స్వీకరించిన సత్యనారాయణకు పలువురు రాజకీయ నాయకులు, రెవెన్యూ ఉద్యోగులు అభినందనలు, శుభాకాంక్షలు తెలిపారు. రాజమండ్రి సిటీ ఎమ్మెల్యే ఆకుల సత్యనారాయణ, రూరల్ ఎమ్మెల్యే గోరంట్ల బుచ్చయ్య చౌదరి, మేయర్ పంతం రజనీ శేషసాయి, సబ్ కలెక్టర్ వి.విజయరామరాజు, సివిల్ సప్లయిస్  డీఎం టి.వి.ఎస్.జి.కుమార్,డీఎస్‌ఓ జి.ఉమామహేశ్వరరావు, రామచంద్రపురం, రంపచోడవరం ఆర్డీఓలు కె.సుబ్బారావు, బి.శంకర్ వరప్రసాద్,   స్పెషల్ డిప్యూటీ కలెక్టర్ వై.రాధాకృష్ణమూర్తి, రాజమండ్రి అర్బన్ తహశీల్దార్ పి.వి.వి.గోపాల కృష్ణ, రూరల్ తహశీల్దార్ జి.భీమారావు, ఎంఎస్‌ఓ క్రాంతిప్రసాద్, డిప్యూటీ తహశీల్దార్ కిషోర్‌బాబు శుభాకాంక్షలు తెలిపారు.
  


 కర్నూలు అగ్రికల్చర్ : డీఆర్‌డీఏ - వెలుగులో అక్రమార్జనే లక్ష్యంగా పని చేస్తున్న నలుగురిపై జాయింట్ కలెక్టర్, ఇన్‌చార్జి పీడీ కన్నబాబు వేటు వేశారు. ఒకరిని ఉద్యోగం నుంచి పూర్తిగా తొలగించగా, మరో ముగ్గురిని సస్పెండ్ చేస్తూ శుక్రవారం ఉత్తర్వులు జారీ చేశారు. డీఆర్‌డీఏ-వెలుగు అవినీతి, అక్రమాలకు పెట్టింది పేరుగా మారింది. త్వరలో మరో 36 మందిపై వేటు వేయడానికి జేసీ రంగం సిద్ధం చేశారు. జిల్లా మహిళా సమాఖ్య ఆధ్వర్యంలో పని చేస్తున్న బీమా కాల్ సెంటర్‌లో జరిగిన అక్రమాలపై సమగ్ర విచారణ బాధ్యతలను సీఐడీకి అప్పగించేందుకు ప్రయత్నిస్తున్నారు. ఎమ్మిగనూరు క్లస్టర్‌లో సీసీగా పని చేస్తున్న ఎం.జయరాముడు(డీఎంజీ) మహిళా సమాఖ్య నుంచి గ్రామైక్య సంఘాలకు వెళ్లే నిధులను, స్త్రీనిధి నిధులను తన భార్య ఖాతాకు మళ్లించి స్వాహా చేసినట్లు ఆరోపణలు ఉన్నాయి.
  
  స్వాహా మొత్తం లక్షల్లో ఉన్నట్లు తెలుస్తోంది. జేసీ దీనిపై సమగ్రంగా విచారణ జరిపించగా వాస్తవాలు వెల్లడయ్యాయి. తిన్న మొత్తంలో రూ.3 లక్షల వరకు రికవరీ చేసినట్లు సమాచారం. అక్రమాలకు సీసీ జయరాముడిని బాధ్యుడిని చేస్తూ సర్వీస్ నుంచి తొలగించారు. ఆత్మకూరు మండల ఏపీఎం కె.సుబ్బయ్యపై సస్పెన్షన్ వేటు వేశారు. గ్రామైక్య సంఘం సమావేశం గ్రామంలో జరగాల్సి ఉండగా అందుకు విరుద్ధంగా మండల సమాఖ్యలో నిర్వహించడం వివాదాస్పదం అయింది. ఇది పోలీస్ కేసు వరకు వెళ్లింది. వడ్ల రామాపురం, నల్ల కాల్వ గ్రామాల్లో ఎస్సీ, ఎస్టీ సబ్ ప్లాన్ నిధుల పంపిణీలో అక్రమాలకు పాల్పడ్డారు. దీనిపై ఆత్మకూరు ఏపీఎంను సస్పెండ్ చేశారు. మద్దికెర ఏపీఎం మహేశ్వరయ్యను సస్పెండ్ చేశారు. బ్యాంకుల నుంచి తీసుకున్న రుణాల రికవరీ నిమిత్తం వసూలు చేసి బ్యాంకులకు జమ చేయకుండా రూ.14 లక్షలు స్వాహా చేయడంతో ఈ చర్య తీసుకున్నారు. పత్తికొండ క్లస్టర్ డీఎంజీ రవికుమార్ రూ.13.50 లక్షలు స్వాహా చేశారనే ఆరోపణలు ఉన్నాయి. ఈయనను సస్పెండ్ చేస్తూ సమగ్ర విచారణ జరపాలని అదనపు పీడీ లలితాబాయిని ఆదేశించారు.
  


 సాక్షి, గుంటూరు : ఇసుక కృత్రిమ కొరత, అధిక ధరలకు కళ్లెం వేసే దిశగా జిల్లా కలెక్టర్ కాంతిలాల్ దండే ప్రత్యేక దృష్టి సారించారు. ఇసుక అక్రమ రవాణా, ధరల నియంత్రణ బాధ్యతలను జాయింట్ కలెక్టర్ డాక్టర్ చెరుకూరి శ్రీధర్‌కు అప్పగించారు. ఈ నేపథ్యంలో రాష్ట్రంలో ఎక్కడా లేని విధంగా ఇసుక విధానంలో సమూల మార్పులకు జేసీ శ్రీకారం చుట్టారు.
   దీనిలో భాగంగా ఇసుక కొనుగోళ్లు పారదర్శకంగా ఉండేలా నవంబరు 26వ తేదీ నుంచి మీ-సేవకు అప్పగించారు. ఈ విధానం రాష్ట్రంలోనే తొలిసారిగా జిల్లాలో ప్రారంభించారు. ఇసుక కావాలని బుక్ చేసుకోగానే కొనుగోలుదారు సెల్‌ఫోన్‌కు మెసేజ్ వచ్చేలా ఓ విధానానికి రూపకల్పన చేశారు.
  
   రీచ్ నుంచి ఇసుక లారీ బయలు దేరగానే కొనుగోలుదారు సెల్‌ఫోన్‌కు మెసేజ్ వస్తుంది.  లారీ ఏ సమయంలోగా రానుందో, కొనుగోలుదారు ఇంటికి ఇసుక చేరిన తరువాత లారీ వచ్చినట్టుగా కూడా మెసేజ్ వచ్చే విధంగా ఏర్పాట్లు చేశారు.
  
   రీచ్‌ల వద్ద సీసీ కెమెరాలు ఏర్పాటు చేశారు. ఉదయం ఆరు నుంచి సాయంత్రం ఆరు గంటల వరకు ఇసుక తవ్వే విధంగా మార్గదర్శకాలు రూపొందించారు. రాత్రి వేళల్లో ఇసుక అక్రమ రవాణా నిరోధించేందుకు పోలీసు గస్తీ ఏర్పాటు చేశారు.
  
   గతంలో గుంటూరులో 6 క్యూబిక్ మీటర్ల ఇసుక లారీ ధర రూ.15 వేలు ఉండగా దాన్ని ఇప్పుడు రూ. 6,412లకే కొనుగోలుదారుకు చేరేలా చర్యలు తీసుకొన్నారు.
  
  అలాగే ఇసుక కోసం లారీలు రీచ్‌ల వద్ద మూడురోజులు క్యూలో ఉండాల్సిన పరిస్థితి ఉండేది. నేడు ఆ పరిస్థితిని అధిగమించి త్వరితగతిన నింపే ఏర్పాటు చేస్తున్నారు.
   జిల్లాలో ఆరు ఇసుక రీచ్‌లు డ్వాక్రా సంఘాల ఆధ్వర్యంలో నడుస్తుండగా, మరో తొమ్మిది పాట ద్వారా నడుస్తున్నాయి. ఇవి కూడా జనవరి నెలాఖరుకు డ్వాక్రా సంఘాల పరిధిలోకి రానున్నాయి.
  
  రెండవ దశలో...
  ఇసుక కొత్త పాలసీని పటిష్టంగా అమలు చేసే చర్యల్లో భాగంగా జిల్లాలో ప్రయోగాత్మకంగా వేబ్రిడ్జిలు, తేమశాతం కొలిచే యంత్రాలను ఏర్పాటు చేస్తారు. దీని ద్వారా నిర్ధేశించిన ప్రమాణాల్లో ఇసుక కొనుగోలుదారుకు చేరనుంది.
  
  ఇసుక రవాణా చేసే వాహనాలను జీపీఎస్ విధానానికి అనుసంధానం చేయనున్నారు. దీనివల్ల ఇసుక లారీ ఎక్కడ ఉంది, నిర్ధేశిత మార్గంలో వస్తుందా లేదో కూడా  తెలుసుకోవచ్చు. వాహనాన్ని దారి మళ్లిస్తే వెంటనే జిల్లా ఎస్పీ ,ఆర్డీఓకు మెసేజ్ వెళుతుంది. దీంతో అధికారులు అప్రమత్తమవుతారు.
  ప్రస్తుతం రోజుకు జిల్లాలో దాదాపు 12వేల క్యూబిక్ మీటర్ల ఇసుక విక్రయిస్తున్నారు. క్యూబిక్ మీటరు ఇసుక ధర రూ. 650గా నిర్ణయించారు.
  
  ఇసుక బుక్ చేసుకొనేందుకు వీలుగా అన్ని వివరాలతో ప్రత్యేకంగా సమాచారాన్ని మీసేవా కేంద్రంలో పొందుపరిచారు. ఏవైనా సందేహాలు, ఫిర్యాదుల కోసం 18001212020 నంబరుతో కాల్ సెంటర్ ఏర్పాటు చేశారు.
  
  మొత్తం మీద ఇసుక ధరల నియంత్రణలో జేసీ డాక్టర్ చెరుకూరి శ్రీధర్ తనదైన శైలిలో సమూల మార్పులకు శ్రీకారం చుట్టి వినియోగదారులకు ఇసుకను అందుబాటులోకి తీసుకురావడంలో కీలకపాత్ర పోషిస్తున్నారు.
  


 ప.గో: పశ్చిమగోదావరి జిల్లా కలెక్టర్ కె.భాస్కర్, జేసీ బాబురావు నాయుడు ప్రభుత్వ ఉద్యోగులను వేధించారన్న అంశంపై కలెక్టర్ వివరణ ఇచ్చారు. ఆదివారం 'సాక్షి' తో మాట్లాడిన ఆయన ఉద్యోగులను వేధించలేదని తెలిపారు. గత కొంతకాలంగా అభివృద్ధి పనులు కుంటుపడ్డాయని ఈ సందర్భంగా కలెక్టర్ తెలిపారు. ప్రజలు మెరుగైన అభివృద్ధి కార్యక్రమాలు అందాలంటే పని చేసే నివాసం ఉండాలని తెలిపారు. ఏ రోజూ అర్ధరాత్రి వరకూ సమావేశాలు నిర్వహించలేదన్నారు.
  
 తాము నిబంధనల మేరకే వ్యవహరిస్తున్నామని తెలిపారు. ఆఫీస్ సమయవ దాటి ఒక్కగంట పని చేసేది లేదని.. లక్ష్యాలు కూడా ఏమీ విధించకూడదని ఆయన పేర్కొన్నారు. పనిచేసే చోట నివాసం ఉండలేమంటే అభివృద్ధి ముందుకు సాగదని ఒక ప్రశ్నకు సమాధానంగా చెప్పారు. ప్రతి శుక్రవారం సాయంత్రం ఒక గంట ఉద్యోగు సమస్యల పరిష్కారానికి సమయం కేటాయించామని కలెక్టర్ కె.భాస్కర్ తెలిపారు. ప్రభుత్వ ఉద్యోగులను చిన్నచిన్న కారణలతో కలెక్టర్ షోకాజ్ నోటీసులిస్తూ ఉద్యోగలపై కక్షసాధిస్తున్నారని ఉద్యోగ సంఘాల నేతలు మండిపడిన సంగతి తెలిసిందే.