మూషికం కలుగులో రూ.30 వేలు...

మూషికం కలుగులో రూ.30 వేలు...

ఒక ఎలుక రూ.30 వేలు దా(దో)చి  ఔరా మూషికం అనిపించుకుంది. ఈ విచిత్రం నెల్లూరు జిల్లా తూపిలిపాళెంలో సోమవారం వెలుగులోకి వచ్చింది. గ్రామానికి చెందిన నాగరాజుకి తన చిల్లర దుకాణంలో రోజూ నోట్ల లెక్క తప్పుతున్నా, ఏమయ్యాయో అర్థమయ్యేది కాదు. సోమవారం ఉదయం దుకాణం తెరవగానే ఎలుక చనిపోయిన దుర్వాసన వచ్చింది.

దీంతో వెతుకులాడగా చనిపోయిన ఎలుక, దాని కలుగు వద్ద కరెన్సీ నోట్లు కనిపించడంతో ఒక్కసారిగా అవాక్కయ్యాడు. కలుగును తీయగా దాదాపు రూ.30వేలు దొరికాయి. ఇందులో రూ.5 వేల నోట్లు ఉపయోగం లేకుండా ముక్కలై ఉన్నాయి. దొరికిందే చాలనుకుని నాగరాజు సంబరపడ్డాడు.