TV
ఊర్మిళానగర్ బాధితులకు నేడు జగన్ పరామర్శ
విజయవాడ : వైఎస్సార్ సీపీ అధినేత, శాసనసభలో ప్రతిపక్ష నేత వైఎస్ జగన్‌మోహన్‌రెడ్డి శనివారం నగరంలో పర్యటించనున్నారు. భవానీపురంలోని ఊర్మిళానగర్‌లో ఇటీవల విద్యుత్ షాక్‌తో మృతిచెందిన వారి కుటుంబ సభ్యులను ఆయన పరామర్శిస్తారని పార్టీ రాష్ట్ర ప్రధాన కార్యదర్శి తలశిల రఘురామ్ శుక్రవారం ‘సాక్షి’కి తెలిపారు.
పశ్చిమగోదావరి జిల్లా దేవరపల్లి నుంచి బయల్దేరి శనివారం మధ్యాహ్నం రెండు గంటలకు జగన్ నగరానికి చేరుకుంటారని పేర్కొన్నారు. అనంతరం ఊర్మిళానగర్‌లో విద్యుత్ షాక్‌తో మరణించిన ఘంటా సుబ్బారెడ్డి, బొమ్మారెడ్డి తిరుపతిరెడ్డి కుటుంబీకులను పరామర్శించి వారికి ధైర్యం చెబుతారని తెలిపారు. అనంతరం సాయంత్రం నగరం నుంచి బయల్దేరి హైదరాబాద్ వెళ్తారని చెప్పారు.
