కల్వర్డు, సీసీ రోడ్డుకు భూమి పూజ

రోడ్డు పనులకు భూమిపూజ చేస్తున్న మేయర్‌ సురేష్‌బాబు,  ఎమ్మెల్యే అంజద్‌బాషా

కడప కార్పొరేషన్‌:  శుక్రవారం స్థానిక 24వ డివిజన్‌లో నమస్తే బోర్డు వద్ద రూ.15లక్షల 14వ ఆర్థిక సంఘం నిధులతో చేపట్టిన కల్వర్టుకు, రూ.7లక్షల బీపీఎస్‌ నిధులతో చేపట్టిన సీసీ రోడ్డుకు నగర మేయర్‌ కె. సురేష్‌బాబు, కడప ఎమ్మెల్యే అంజద్‌బాషా భూమిపూజ నిర్వహించారు. ఈ సందర్భంగా మేయర్, ఎమ్మెల్యే మాట్లాడుతూ నాలుగేళ్లలో తెలుగుదేశం ప్రభుత్వం కడప నగరాభివృద్ధికి వెచ్చించిన నిధులు శూన్యమన్నారు.  వైఎస్‌ఆర్‌సీపీ అధికారంలోకి వచ్చిన సంవత్సర కాలంలోనే కడపను ఆదర్శ నగరంగా తీర్చిదిద్దుతామని హామీ ఇచ్చారు. ఈ కార్యక్రమంలో డీఈ శ్రీనివాసులు, ఏఈలు దిల్షాద్, స్వరూప, కో ఆప్షన్‌ సభ్యురాలు బండి సరోజ, వైఎస్‌ఆర్‌సీపీ నాయకులు  బండిబాబు, షఫీ, సీపీసీ అధినేత సూర్యనారాయణరావు పాల్గొన్నారు.