బల్క్ డిపాజిట్ రేట్లను తగ్గించిన ఐసీఐసీఐ బ్యాంక్

బల్క్ డిపాజిట్ రేట్లను తగ్గించిన ఐసీఐసీఐ బ్యాంక్

న్యూఢిల్లీ: ప్రైవేటు రంగ బ్యాంకింగ్ దిగ్గజం- ఐసీఐసీఐ బ్యాంక్ కోటి రూపాయల పైబడిన కొన్ని మెచ్యూరిటీలపై బల్క్ డిపాజిట్ రేట్లను 0.10 నుంచి 0.55 శాతం వరకూ తగ్గించింది. 7 నుంచి 14 రోజుల మధ్య వ్యవధి ఉండే టర్మ్ డిపాజిట్ రేటు ఇకపై 6 శాతంగా ఉంటుంది. 40 నుంచి 60 రోజుల మధ్య కాలానికి స్థిర రేటు 6.50 శాతంగా ఉంటుంది. 390 నుంచి 15 నెలల లోపు, 18 నెలల నుంచి రెండేళ్ల లోపు కాలానికి డిపాజిట్ రేటు 7.6 శాతానికి తగ్గించింది. రెండేళ్ల నుంచి 10 ఏళ్ల మధ్య డిపాజిట్ రేటు 7.35 శాతంగా ఉంటుంది. ఇటీవల చిన్న పొదుపు మొత్తాలపై కేంద్రం భారీగా వడ్డీరేట్లు తగ్గిం చింది. ఈ నేపథ్యంలో ప్రభుత్వ రంగంలోని ఓరియెంటల్ బ్యాంక్ ఆఫ్ కామర్స్  ఇటీవలే కోటి రూపాయల లోపు పలు మెచ్యూరిటీలపై డిపాజిట్ రేటును తగ్గించింది. ఈ వరుసలోనే ఐసీఐసీఐ బ్యాంక్ కూడా తగ్గించింది.