ఐఫోన్‌ బ్యాటరీ మళ్లీ పేలింది

జ్యూరిచ్: ఆపిల్‌ ఐఫోన్‌ మళ్లీ పేలింది. తాజా నివేదికల ప్రకారం స్విట్జర్‌లాండ్‌లోని ఒక షాపులో ఐఫోన్‌  బ్యాటరీ పేలుడు సంభవించింది. మరమ్మత్తు చేస్తుండగా  ఐఫోన్ బ్యాటరీ పేలడంతో ఒకవ్యక్తి తీవ్రంగా గాయపడ్డారు.  పేలిన ఆపిల్‌  స్మార్ట్‌ఫోన్‌ను  ఐఫోన్‌ 6 గా    గుర్తించినట్టు  సమాచారం.

 www.swissinfo.ch   అందించిన  ఒక నివేదిక ప్రకారం మంగళవారం ఈ పేలుడు చోటు చేసుకుంది. జ్యూరిచ్ లోని ఒక ఆపిల్ దుకాణంలో ఐఫోన్‌ రిపేరు చేస్తుండగా  అకస్మాత్తుగా  బ్యాటరీ పేలుడు జరిగింది.  దీంతో రిపేరు చేస్తున్న  వ్యక్తి గాయపడగా,  మరో ఏడుగురు స్వల్పంగా గాయపడ్డారు.  అయితే ఈ పేలుడుకు కారణాలు ఇంకా తెలియలేదని ఆ నివేదిక పేర్కొంది. ఈ సంఘటనపై జ్యూరిచ్ ఫోరెన్సిక్ ఇన్స్టిట్యూట్‌ ఫోరెన్సిక్ నిపుణులు పరిశీలిస్తున్నారని పోలీసు అధికారులు తెలిపారు. అయితే స్టోర్‌ సిబ్బంది తక్షణమే అప్రమత్తం కావడంతో  పెద్ద ప్రమాదం తప్పిందని ఒక ప్రకటనలో తెలిపారు మరోవైపు ఈ పేలుడుపై ఆపిల్ ఇంకా స్పందించలేదు.