TV
ఆన్‌లైన్‌లోనూ ఎఫ్‌డీలపై ఓవర్‌డ్రాఫ్ట్: ఎస్‌బీఐ
ముంబై: ఫిక్సిడ్ డిపాజిట్ల(ఎఫ్‌డీ)పై ఆన్‌లైన్లో కూడా ఓవర్‌డ్రాఫ్ట్ తీసుకునే సదుపాయాన్ని ఎస్‌బీఐ అందుబాటులోకి తెచ్చింది. ఇప్పటిదాకా బ్యాంకు శాఖల్లో మాత్రమే ఇది అందుబాటులో ఉంది. ఖాతాదారులు ఎఫ్‌డీ చేసిన మొత్తంలో 90% దాకా ఓవర్‌డ్రాఫ్ట్ తీసుకోవచ్చని బ్యాంక్ చైర్మన్ అరుంధతి భట్టాచార్య తెలిపారు. ఇలా తీసుకునే మొత్తాలపై ఎఫ్‌డీపై బ్యాంకు ఇచ్చే వడ్డీ రేటు కన్నా కేవలం 0.5% అధిక వడ్డీ రేటు ఉంటుందని, ఇది ప్రారంభ ఆఫర్ అని ఆమె వివరించారు. ఎస్‌బీఐ ఇంటర్నెట్ బ్యాంకింగ్ యూజర్లందరికీ ఈ సదుపాయం లభిస్తుందన్నారు.
