TV
ఎస్‌ పీ అప్పారెల్స్ ఐపీఓ ప్రైస్ బాండ్ రూ.258-268
ముంబై: పిల్లల దుస్తులు తయారు చేసే ఎస్పీ అప్పారెల్స్ సంస్థ ఐపీఓ ధరల శ్రేణిని నిర్ణయించింది. ఈ ఐపీఓ ద్వారా సుమారుగా రూ.215 కోట్లు సమీకరించాలని యోచిస్తోన్న ఈ కంపెనీ ఈ ఐపీఓకు ధరల శ్రేణిని రూ.258-268గా నిర్ణయించింది. ఈ ఐపీఓ ద్వారా రూ.215 కోట్ల విలువైన తాజా షేర్లను, వాటాదారుల(న్యూయార్క్ లైఫ్ ఇన్వెస్ట్‌మెంట్ మేనేజ్‌మెంట్ ఇండియా ఫండ్)కు చెందిన 9 లక్షల ఈక్విటీ షేర్లను ఆఫర్ ఫర్ సేల్(ఓఎఫ్‌ఎస్) విధానంలో జారీ చేస్తామని కంపెనీ సీఎండీ పి. సుందరరాజన్ చెప్పారు. వచ్చే నెల 2న ప్రారంభమయ్యే ఈ ఐపీఓ 4న ముగుస్తుందని తెలిపారు.
