TV
ఆధార్‌.. బేజార్‌
ఆధార్‌ కార్డులేక చదువుకు దూరమైన విద్యార్థి
ఇబ్రహీంపట్నం : ఈ చిత్రంలో కనిపిస్తున్న యువకుడి పేరు నూకల ప్రశాంత్‌కుమార్‌. ఇబ్రహీంపట్నంకు చెందిన ఈ విద్యార్థి ఆధార్‌కార్డు కోసం నానా పాట్లు పడుతున్నాడు. 2013 నుంచి ఆధార్‌ సెంటర్‌కు వెళ్లి ఫొటో దిగి, ఫింగర్‌ ప్రింట్స్‌ ఇస్తూనే ఉన్నాడు. ఇప్పటివరకు కార్డు వచ్చింది లేదు. ఈ క్రమంలో 2016లో ఇంటర్మీడియట్‌ పూర్తి చేసుకున్నాడు. డిగ్రీ కళాశాలలో చేరేందుకు వెళితే ఆధార్‌ కార్డులేనిదే ఆడ్మిషన్‌ ఇవ్వలేమని స్పష్టం చేశారు. దీంతో ఆందోళనకు గురవుతున్నాడు. చాలాసార్లు ఆధార్‌ కేంద్రానికి వెళ్లి పడిగాపులు పడి వివరాలు ఇచ్చానని అయినా ఇంతవరకు జారీ కాలేదని చెబుతున్నాడు. కార్డు లేకపోవడంతో డిగ్రీలో అడ్మిషన్‌ ఇవ్వడం లేదని, ఈ కారణంగా చదువుకు ఆటంకం కలుగుతోందని ఆవేదన వ్యక్తం చేస్తున్నాడు. అధికారులు తనకు న్యాయం చేసి ఆధార్‌ కార్డు వచ్చేలా చూడాలని, డిగ్రీలో అడ్మిషన్‌ కల్పించేలా చర్యలు తీసుకోవాలని కోరుతున్నాడు.
