హాకీ విజేత అనంత

హాకీ విజేత అనంత

– రన్నరప్‌తో సరిపెట్టుకున్న బాలుర జట్టు
అనంతపురం సప్తగిరి సర్కిల్‌ : అండర్‌–14 రాష్ట్ర హాకీ విజేతగా అనంతపురం బాలికల జట్టు విజయం సాధించిందని జట్టు టీమ్‌ మేనేజర్‌ నాగరాజు తెలిపారు. ఆదివారం కర్నూలులో జరిగిన అండర్‌–14 హాకీ ఫైనల్‌ మ్యాచ్‌లో అనంత జట్టు వైఎస్సార్‌ కడప జట్టును 4–1 తో ఓడించిందని చెప్పారు.  జట్టులోని క్రీడాకారులు శిరీష–2, సుప్రిత–2 గోల్స్‌ చేసి జట్టు విజయానికి దోహదపడ్డారన్నారు.

అయితే అనంత బాలుర జట్టు మాత్రం వైఎస్సార్‌ జట్టు చేతిలో 4–0తో ఓటమి పాలైంది. అనంత క్రీడాకారుల ఆట తీరును అక్కడి సెలెక్టర్లు అభినందించారు. అండర్‌–14 బాలికల విజేతగా నిలిచిన అనంత జట్టును స్కూల్‌ గేమ్స్‌ కార్యదర్శి నారాయణ, పీఈటీల సంఘం అధ్యక్షులు ప్రభాకర్‌ అభినందించారు.