TV
విద్యార్థులకు నగదు ప్రోత్సాహకాల పంపిణీ
సూర్యాపేట : విద్యార్థులు కష్టపడి కాకుండా ఇష్టపడి చదవాలని సూర్యాపేట డీఎస్పీ సునితామోహన్‌ అన్నారు. శనివారం పట్టణంలోని న్యూవిజన్‌ పాఠశాలలో పదో తరగతి ఫలితాల్లో ఉత్తమ ప్రతిభ కనబరిచిన విద్యార్థులకు నగదు ప్రోత్సహకాలను పంపిణీ చేశారు. ఈ కార్యక్రమానికి ఆమె ముఖ్య అతిథిగా హాజరై మాట్లాడారు. విద్యార్థులు లక్ష్యాన్ని ఎంచుకొని చదవాలన్నారు. ప్రతి సంవత్సరం మల్లు పెదరామకృష్ణారెడ్డి మెమోరియల్‌ అవార్డ్సు అందించడం అభినందనీయమన్నారు. ఈకార్యక్రమంలో పాఠశాల కరస్పాండెంట్‌ మల్లు సుకవీర్‌రెడ్డి, ప్రిన్సిపల్‌ నవనీత, డాక్టర్‌ కె.కరుణాకర్‌రెడ్డి తదితరులు పాల్గొన్నారు.
