'హోదా ఉద్యమం' లో విధ్వంసం

వాణిజ్యపన్నులశాఖ కార్యాలయంలో ఫర్నీచర దగ్ధం

అనంతపురం : ఆంధ్రప్రదేశ్ విభజన సందర్భంగా పార్లమెంట్ సాక్షిగా ఏపీకి ప్రత్యేక హోదా ఇస్తున్నట్లు ప్రకటించిన హామీని వెంటనే కేంద్రం నెరవేర్చాలని సీపీఐ, ఆమ్ ఆద్మీ పార్టీలు డిమాండ్ చేశాయి. మంగళవారం ఆ పార్టీల ఆధ్వర్యంలో నాయకులు ఆందోళన చేపట్టారు. అందులోభాగంగా పార్టీ నాయకులు, కార్యకర్తలు స్థానిక వాణిజ్యపన్నులశాఖ కార్యాలయాన్ని ముట్టడించారు.

ఆ క్రమంలో కార్యాలయంలోకి ప్రవేశించి.. ఫర్నీచర్‌ను ద్వంసం చేశారు. అనంతరం ప్రభుత్వానికి వ్యతిరేకంగా వారు పెద్ద పెట్టున నినాదాలు చేశారు. ఈ కార్యక్రమంలో పాల్గొన్న నేతలు, కార్యకర్తలను పోలీసులు అరెస్టు చేశారు. అనంతరం వారిని పోలీస్ స్టేషన్‌కు తరలించారు. వారిపై వివిధ సెక్షన్ల కింద కేసులు నమోదు చేశారు.