సిబ్బందిని తొలగించం

అనంతపురం సిటీ: అర్బన్‌ హెల్త్‌ సెంటర్‌లలో విధులు నిర్వహిస్తున్న సిబ్బంది ఎవరిని తొలగించడం లేదని జిల్లా వైద్యారోగ్యశాఖాధికారి వెంకటరమణ తెలిపారు. ఈ మేరకు శుక్రవారం ఆ శాఖ ముఖ్య కార్యదర్శి నుంచి ఉత్తర్వులు అందాయన్నారు. చాలా ప్రాంతాల్లో అర్బన్‌ హెల్త్‌ సెంటర్స్‌ అపోలో హాస్పిటల్స్‌ చేతికి వెళ్లిన విషయం తెలిసిందే. ఈ తరుణంలో అందులో పని చేసే సిబ్బంది ఉద్యోగాలు పోతాయని చెప్పడంతో వారంతా ఆందోళన చెందుతున్న విషయం ముఖ్య కార్యదర్శి దృష్టికి వెళ్లిందన్నారు. దీంతో కేవలం సిబ్బంది ఆందోళనను దృష్టిలో ఉంచుకుని ఎవరు భయపడాల్సిన అవసరం లేదన్న భరోసాను ఇవ్వాలని జిల్లా వైద్యాధికారులు ఈ విషయంలో చొరవ తీసుకోవాలని ఉత్తర్వులో పేర్కొన్నారని చెప్పారు.