హ్యాండ్ బాల్‌ జిల్లా జట్టు ఎంపిక

ఏలూరు: త్వరలో నిర్వహించనున్న రాష్ట్ర స్థాయి హేండ్‌బాల్‌ పోటీల్లో పాల్గొనే జిల్లా పురుషుల జట్టును ఎంపిక చేసినట్టు జిల్లా హేండ్‌ బాల్‌ అసోసియేషన్‌ కార్యదర్శి టి.కొండలరావు చెప్పారు. ఆదివారం ఏలూరు ఇండోర్‌ స్టేడియంలో జిల్లా జట్టు ఎంపిక పోటీలు నిర్వహించారు. జిల్లాలోని పలు ప్రాంతాల నుంచి వచ్చిన 60 మంది క్రీడాకారులు ఈ పోటీల్లో తలపడ్డారు. వీరిలో ప్రతిభ చాటిన వారిని జిల్లా జట్టుకు ఎంపిక చేశామని కార్యదర్శి వివరించారు. జిల్లా జట్టును ప్రకటించారు. పోటీలను డీఎస్‌డీవో ఎస్‌ఏ అజీజ్, అసోసియేషన్‌ అధ్యక్షుడు పీఆర్‌ఎం లెనిన్‌తో పాటు పలువురు పీఈటీలు పర్యవేక్షించారు.