TV
రాజోలు :
లీడ్‌ ఇండియా ప్రతిభా పరీక్షల్లో బి.సావరం శోభన పాఠశాల ఏడో తరగతి విద్యార్థిని జిల్లెళ్ల మెర్సీ ప్రవీణ జిల్లా టాపర్‌గా నిలిచిందని కరస్పాండెంట్‌ ఆంటోని గురువారం తెలిపారు. ఈ మేరకు లీడ్‌ ఇండియా సంస్థ ప్రవీణకు బంగారు పతకం, ప్రశంసాపత్రం అందజేసిందన్నారు. ప్రతిభా పరీక్షల్లో విద్యార్థులను ప్రోత్సహించేందుకు సహకరిస్తున్న తల్లిదండ్రులకు కృతజ్ఞతలు తెలిపారు. రాజోలు, సోంపల్లి, బి.సావరం సర్పంచ్‌లు మట్టా కృష్ణకుమారి, పొలమూరి శ్యాంబాబు, కుంపట్ల మంజులతాదేవితోపాటు ఉపాధ్యాయులు ప్రవీణను అభినందించారు.
