TV
విధులు ముగించుకుని వెళ్తున్న ఓ ఉద్యోగి కళ్లలో కారం కొట్టి దుండగులు రూ.4.5లక్షలు అపహరించారు.
పటాన్‌చెరు(మెదక్): విధులు ముగించుకుని వెళ్తున్న ఓ ఉద్యోగి కళ్లలో కారం కొట్టి దుండగులు రూ.4.5లక్షలు అపహరించారు. ఈ ఘటన శనివారం సాయంత్రం పటాన్‌చెరు పరిధిలో చోటు చేసుకుంది. కిష్టారెడ్డిపేటలోని హెచ్‌పీ గ్యాస్ గోడౌన్‌లో పనిచేస్తున్న విష్ణు అనే ఉద్యోగి బైక్‌పై వెళ్తున్నాడు. మార్గంమధ్యలో ఉండగా దుండగులు ఆ ఉద్యోగిని అడ్డగించి అతని కళ్లలో కారం కొట్టారు. అనంతరం అతని వద్ద ఉన్న నగదు రూ.4.5లక్షలు దోచుకుని పరారయ్యారు. దీనిపై బాధితుడు పోలీసులకు ఫిర్యాదు చేశాడు. కేసు నమోదు చేసుకున్న పోలీసులు విచారణ ప్రారంభించారు.
