స్వీడిస్‌ యూనివర్సిటీతో ఒప్పందం

యూనివర్సిటీ క్యాపస్‌: స్వీడెన్‌లోని బ్లెకింగ్‌ ఇన్‌స్టిట్యూట్‌ ఆఫ్‌ టెక్నాలజీ(బీఐటీ)యూనివర్సిటీతో శ్రీపద్మావతి మహిళా యూనివర్సిటీ పరప్సర అవగాహన ఒప్పందం(ఎంఓయూ) కుదుర్చుకుంది. ఆ సంస్థ వీసీ ఏండర్స్‌ హిడిస్టిర్న్‌ సోమవారం మహిళా యూనివర్సిటీని సందర్శించారు. అధికారులతో సమావేశమై ఎంఓయూ కుదుర్చుకున్నారు. బీటీఐ స్వీడెన్‌ సంస్థ ఆంధ్రా యూనివర్సిటీ, జేఎన్‌టీయూ(కాకినాడ)ల్లో విద్యార్థులకు నైపుణ్యాభివృద్ధి శిక్షణ ఇస్తోంది. ఆదివారం ఎస్వీయూతోనూ ఎంఓయూ కుదుర్చుకుంది. విద్యార్థులు, అధ్యాపకులకు శిక్షణ ఇవ్వడం, ఇంజినీరింగ్‌ విద్యార్థుల్లో నైపుణ్యాభివద్ధి, ఉపాధి కల్పనలో రెండూ సంస్థలూ పరస్పరం సహకరించుకోనున్నాయి. సంయుక్తంగా పరిశోధనలు చేయనున్నాయి. ఈ కార్యక్రమంలో రెక్టార్‌ వి.ఉమ, డీన్లు పాల్గొన్నారు.