TV
ఉత్సాహంగా ఉట్లోత్సవం
గోరంట్ల : తొలి ఏకాదశి పర్వదిన వేడుకల్లో భాగంగా మండలంలోని మల్లాపల్లి గ్రామంలో ఉట్ల పరుషను బుధవారం ఘనంగా నిర్వహించారు. వందలాది మంది ప్రజలు ఉట్ల పరుషకు హాజరై ఉట్లను కొట్టడం, ఉట్ల మాను ఎక్కే దృశ్యాలు కనులవిందు కలిగించాయి. ఈ సందర్భంగా కదిరి– హిందూపురం ప్రధాన రహదారి కిరువైపులా ఏర్పాటు చేసిన వివిధ దుకాణాలలో ఆట వస్తువులు, గాజుల అంగళ్లు కొనుగోలు దారులతో కిటకిటలాడాయి. ఈ కార్యక్రమంలో యువకులతో పాటు మల్లాపల్లి పంచాయతీకి చెందిన వసంతరావు, దేవనరసింహప్పలు ఊరేగింపుగా వచ్చి, స్థానిక ఆంజనేయస్వామి ఆలయంలో ప్రత్యేక పూజల అనంతరం ఉట్ల పరుషను నిర్వహించారు.
