అఖిలేశ్‌కు తృటిలో తప్పిన ముప్పు

అఖిలేశ్‌కు తృటిలో తప్పిన ముప్పు

లక్నో: ఉత్తరప్రదేశ్ ముఖ్యమంత్రి అఖిలేశ్ యాదవ్, ఆయన భార్య డింపుల్ యాదవ్‌లు హెలికాప్టర్ ప్రమాదం నుంచి తృటిలో తప్పించుకున్నారు. వారు ప్రయాణిస్తున్న హెలికాప్టర్‌ను పక్షి ఢీకొంది. దీంతో దానిని అత్యవసరంగా కిందకు దించాల్సి వచ్చింది. ఈ ఘటన ఆదివారం సాయంత్రం చోటు చేసుకుంది. అయితే ఈ విషయాన్ని అధికార వర్గాలు సోమవారం వెల్లడించాయి. అఖిలేశ్ యాదవ్ కనౌజ్ ఎంపీ అయిన తన సతీమణి డింపుల్‌తో కలసి తన బంధువు రతన్‌సింగ్ యాదవ్ అంత్యక్రియలకు హాజరై సైఫాయ్ నుంచి హెలికాప్టర్‌లో తిరిగి వస్తుండగా.. దానిని పక్షి ఢీకొందని ఆ వర్గాలు తెలిపాయి.