అమ్మవారి రేపటి అలంకారం

అమ్మవారి రేపటి అలంకారం

 శ్రీ లలితాత్రిపురసుందరీదేవి-5
 శ్రీ విజయనామ సంవత్సర ఆశ్వయుజ శుద్ధ పంచమి బుధవారం ఇంద్రకీలాద్రిపై అమ్మవారిని శ్రీ లలితా త్రిపురసుందరీ దేవిగా అలంకరిస్తారు. ఇది విశేషమైన అలంకారం.
 స్తోత్రం:
 శ్రీ విద్యాం జగతాం ధాత్రీం సర్గ స్థితి లయేశ్వరీం
 ఉద్యత్ కోటి రవిప్రఖ్యాం మహాత్రిపురసుందరీ
 నమామి లలితాం నిత్యాం మహాత్రిపురసుందరీం
 పాశాంకుశేక్షు కోదండ ప్రసూన విశిఖాం స్మరేత్
 భావం: శ్రీవిద్యా స్వరూపిణి, జగన్మాత, సృష్టి స్థితి లయకారిణి, కోటి సూర్యుల కాంతితో ప్రకాశించే శ్రీ లలితా త్రిపుర సుందరి చేతుల్లో పాశం, అంకుశం, చెరుకువిల్లు, పూలబాణాలతో దర్శనమిస్తుంది. నిత్య సత్యస్వరూపిణి అయిన శ్రీ లలితా త్రిపుర సుందరికి నమస్కారం.
 నైవేద్యం: ఉదయం బాలభోగం పొంగలి, మహానైవేద్యం పులిహోర, కేసరి మొదలైనవి. సాయంత్రం శనగలు.
 - డాక్టర్ పాలపర్తి శ్యామలానందప్రసాద్