ముచ్చటగా మూడో నెల?

ముచ్చటగా మూడో నెల?

 గాసిప్


‘‘నేను ప్రెగ్నెంట్ అని ఎవరు చెప్పారు? రెండేళ్ల వరకూ పిల్లలు వద్దనుకున్నాం. అసలు ఎక్కణ్ణుంచి ఇలాంటి వార్తలు పుట్టుకొస్తాయో అర్థం కావడంలేదు’’ అని కరీనా కపూర్ ఆ మధ్య పలు ఇంటర్వ్యూల్లో చెప్పారు. దాంతో ఇప్పట్లో కరీనా, సైఫ్ అలీఖాన్ తల్లిదండ్రులయ్యే అవకాశం లేదని చాలామంది ఫిక్స్ అయ్యారు. ఈ నేపథ్యంలో బాలీవుడ్‌లో తాజాగా ఓ వార్త ప్రచారంలోకొచ్చింది. కరీనా ప్రెగ్నెంట్ అన్నది ఆ వార్త సారాంశం.


ఆమెకు మూడో నెల అని కూడా మాట్లాడుకుంటున్నారు. ఇటీవలే కరీనా, సైఫ్ లండన్ వెళ్లారు. హాలిడేస్‌ని ఎంజాయ్ చేసి, మంగళవారం ఇండియా వచ్చారు. కరీనా ప్రెగ్నెంట్ అనే వార్త బుధవారం గుప్పుమంది. బాలీవుడ్‌లో ఇప్పుడిదే హాట్ టాపిక్. దీనికి ఈ భార్యభర్తల నుంచి ఎలాంటి స్పందనా రాలేదు. మౌనం అర్ధాంగీకారం అంటారు. సో.. కరీనా నిజంగానే తల్లి కాబోతున్నారా? లేక గతంలో ప్రచారం అయినట్లుగా ఇది కూడా వదంతిగా మిగిలిపోతుందా? వేచి చూడాల్సిందే.