గీత స్మరణం

గీత స్మరణం

 పల్లవి :
 
 అతడు: ఏమని వర్ణించనూ... ఏమని వర్ణించనూ
 నీకంటి వెలుగును వెన్నంటి మనసును
 వెన్నెల నవ్వునూ నీ ఇలవేల్పును...
 ఏమని వర్ణించనూ...
 అమె: ఆ... ఆహహ... ఆ...
 అ: పైరగాలిలాగా చల్లగా ఉంటాడు
 తెల్లారి వెలుగులా వెచ్చగా ఉంటాడు
 ॥
 తీర్చిన బొమ్మలా తీరైనవాడూ     (2)
 తీరని రుణమేదో తీర్చుకోవచ్చాడు
 ఏమని వర్ణించనూ...
 
 చరణం: 1
 
 అ: రాముడు కాడమ్మా నిందలు నమ్మడూ
 కృష్ణుడు కాడమ్మా సవతులు ఉండరూ
 నువ్వు పూజించు దేవుళ్ల లోపాలు లేనివాడు
 నీ పూజ ఫలియించి నీ దేవుడైనాడు
 ఏమని వర్ణించనూ...
 
 చరణం: 2
 
 అ: కళ్లు లేవనీ నీకు కలతింక వలదమ్మా
 తన కళ్లతో జగతి చూపించగలడమ్మా
 ॥
 ఆ: ఆ దేవుడెదురైతే వేరేమి కోరను...    
 ఆ దేవుడెదురైతే వేరేమి కోరను
 నా అన్న రూపాన్ని చూపితే చాలును
 ఏమని ఊహించనూ నా అన్న రూపునూ
 నాకున్న వెలుగును వెన్నంటి మనసునూ
 నా ఇలవేల్పును ఏమని ఊహించనూ
 
 చిత్రం : డ్రైవర్ రాముడు (1979)
 రచన : ఆచార్య ఆత్రేయ
 సంగీతం : చక్రవర్తి
 గానం : ఎస్.పి.బాలు, పి.సుశీల
 
 నిర్వహణ: నాగేష్