TV
చంచల్‌గూడ జైలుకు నటుడు ప్రదీప్‌
చంచల్‌గూడ: చెక్‌ బౌన్స్‌ కేసులో నిందితుడిగా ఉన్న బుల్లి తెర నటుడు ప్రదీప్‌ని నగర పోలీసులు శుక్రవారం సాయంత్రం చంచల్‌గూడ జైలుకు తరలించారు. ఓ చెక్‌ బౌన్స్‌ కేసులో ఎర్ర మంజిల్‌ కోర్టు ప్రదీప్‌పై వారెంట్‌ జారీ చేయగా పోలీసులు అతడిని అరెస్ట్‌ చేసి కోర్టులో ప్రవేశపెట్టారు. న్యాయస్థానం అతడికి రిమాండ్‌ విధించింది. కోర్టు ఆదేశాల మేరకు పంజాగుట్ట పోలీసులు చంచల్‌గూడ జైల్‌కు తరలించారు. అనంతరం అదే రోజు కోర్టు బెయిల్‌ మంజూరు చేయటంతో గంటల వ్యవధిలో ప్రదీప్‌ జైలు నుంచి విడుదలయ్యాడు.
