కారు దొంగ అరెస్ట్

బంజారాహిల్స్ : యజమాని కారునే దొంగిలించిన డ్రైవర్‌ను బంజారాహిల్స్ క్రైం పోలీసులు శనివారం అరెస్ట్ చేసి రిమాండ్‌కు తరలించారు. పోలీసులు తెలిపిన వివరాల ప్రకారం.. మహారాష్ట్ర నాందేడ్ జిల్లా డెగ్లూరు తాలూక సుభాష్ నగర్ గ్రామానికి చెందిన రోహిత్ కిషన్ పవార్(32) ఓల్డ్‌సిటీ సుల్తాన్‌షాహిలో నివాసముంటూ బంజారాహిల్స్‌లోని వ్యాపారి డి. ప్రీతమ్ సింగ్ దగ్గర డ్రైవర్‌గా పని చేస్తున్నాడు.

ఈ నెల 26వ తేదీన ప్రీతమ్ సింగ్ తన స్కార్పియో కారులో రోడ్ నెం.12లోని మినిస్టర్ క్వార్టర్స్‌కు వెళ్లాడు. కారు దిగి ప్రీతమ్ లోపలికి వెళ్లిన తర్వాత డ్రైవర్ రోహిత్ కారుతో ఉడాయించాడు. అదే రోజు బాధితుడు పోలీసులకు ఫిర్యాదు చేయగా పక్కా నిఘా వేసిన పోలీసులు సెల్‌సిగ్నల్స్ ఆధారంగా నిందితుడు పటాన్‌చెరులో కారు విక్రయిస్తుండగా రెడ్‌హ్యాండెడ్‌గా పట్టుకొని అరెస్టు చేశారు. శనివారం రిమాండ్‌కు తరలించారు.