TV
హైదరాబాద్: సికింద్రాబాద్ రైల్వే స్టేషన్ సమీపంలో బుధవారం అగ్నిప్రమాదం సంభవించింది. స్టేషన్ సమీపంలోని ఓ హోటల్లో ప్రమాదవశాత్తు మంటలు అకస్మాత్తుగా చెలరేగాయి. దీంతో స్థానికులు అగ్నిమాపక శాఖ వారికి సమాచారం అందించారు. ఫైరింజన్లతో ఘటన స్థలానికి చేరుకున్న అగ్నిమాపక సిబ్బంది మంటలను ఆర్పివేశారు.
ఈ అగ్నిప్రమాదంలో హోటల్ పక్కనే ఉన్న రెండు దుకాణాలు కూడా తగలబడ్డాయి. ఈ ఘటనలో భారీగా ఆస్తినష్టం జరిగినట్లు సమాచారం. అగ్నిప్రమాదానికి గల కారణాలు తెలియరాలేదు.
