TV
మణికొండలో స్కూలు బస్సు దగ్ధం
హైదరాబాద్‌సిటీ: హైదరాబాద్‌లో తృటిలో పెనుప్రమాదం తప్పింది. మణికొండలో ఓ ప్రైవేటు స్కూలు బస్సు ప్రమాదవశాత్తూ దగ్ధమైంది. స్కూలుకు పిల్లలను తీసుకురావడానికి వెళ్తుండగా ఈ ఘటన చోటుచేసుకుంది. బస్సులో ఒక్కసారిగా మంటలు చెలరేగడంతో డ్రైవర్ అప్రమత్తమై బస్సును నిలిపివేసి అందులో నుంచి దూకేశాడు. బస్సులో పిల్లలు లేకపోవడంతో పెను ప్రమాదం తప్పింది. మంటలు చెలరేగడానికి గల కారణాలు తెలియాల్సిఉంది. ఈ ఘటనపై పోలీసులు విచారణ చేస్తున్నారు. బస్సు వైరింగ్లో లోపం తలెత్తడం మూలంగానే ఈ ప్రమాదం జరిగినట్లు భావిస్తున్నారు.
