బొంగరంలా తిరిగిన ఆటో.. షాకింగ్‌ వీడియో

బీజింగ్‌ : చైనాలో ఓ షాకింగ్‌ ఘటన చోటుచేసుకుంది. వేగంగా వెళుతున్న ఓ ఎలక్ట్రానిక్‌ ఆటో రిక్షాను రోడ్డు క్రాస్‌ చేస్తున్న ఓ కారు బలంగా ఢీకొట్టడంతో కంట్రోల్‌ తప్పింది. అందులోని డ్రైవర్‌ విసురుగా వెళ్లి రోడ్డుపై అపస్మారక స్థితిలోకి వెళ్లి అచేతనంగా పడిపోయి ఉండగా డ్రైవర్‌ లేని ఆ ఆటో రిక్షా మాత్రం అక్కడే చుట్టూ తిరగడం మొదలుపెట్టింది.

పడిపోయిన డ్రైవర్‌కు అతి సమీపంలో నుంచి కనీసం ఓ పది నుంచి పదిహేను రౌండ్లు బొంగరంలా తిరిగింది. అది ఎవరిపైకి వస్తదో అని చుట్టుపక్కల వారు కంగారెత్తిపోయారు. ఇద్దరు పోలీసు అధికారులు ధైర్యం చేసి దానిని ఆపే యత్నం చేసినా సాధ్యం కాలేదు. దాంతో రోడ్డు వెంట వెళ్లే వాళ్లు కూడా ఆ అధికారులకు తోడుగా వచ్చి ఆటోను నిలిపివేశారు. సీసీటీవీ కెమెరాలో రికార్డు అయిన ఆ వీడియో ఇప్పుడు సోషల్‌ మీడియాలో చక్కెర్లు కొడుతోంది. మీరు ఓ లుక్కేయండి మరీ..!