'తప్పించుకోండి.. రహస్యంగా రాజధానికి చేరుకోండి'

''పోలీసులు అరెస్టు చేసేందుకు కాసుకుని కూర్చున్నారు.. వాళ్ల నుంచి ఎలాగోలా తప్పించుకోండి. రాజధాని ఇస్లామబాద్‌కు రహస్యంగా చేరుకోండి'' అని మాజీ క్రికెటర్, పాకిస్థాన్‌లోని తెహరీక్ ఎ ఇన్సాఫ్ పార్టీ నాయకుడు ఇమ్రాన్ ఖాన్ తన అనుచరులకు పిలుపునిచ్చారు. ఇప్పటికే ఆ పార్టీకి చెందిన 600 మందిని పోలీసులు అరెస్టుచేశారు. ఈ నేపథ్యంలోనే ఎలాగైనా రాజధాని ఇస్లామాబాద్‌కు చేరుకుని, నవంబర్ రెండోతేదీన నిర్వహించే మహా ర్యాలీకి హాజరు కావాలని ఇమ్రాన్ తనవాళ్లకు పిలుపునిచ్చారు. నవాజ్ షరీఫ్ ప్రభుత్వానికి మన బలమేంటో చూపించాలని చెప్పారు. మెయిన్ రోడ్లలో కాకుండా.. రహస్య మార్గాల్లో పయనిస్తే చేరుకోవడం సులభం అవుతుందన్నారు. ఇంతకుముందు కూడా ఇమ్రాన్ ఖాన్ పార్టీ దేశవ్యాప్తంగా పలు ప్రాంతాల్లో సభలు నిర్వహించి ప్రజలను ర్యాలీకి రప్పించడానికి వారిలో ఉత్సాహం నింపే ప్రయత్నం చేసింది.